Yangiliklar

28-fevral kuni AQSh va Isroilning Eronga berilgan zarbalaridan keyin boshlangan Yaqin Sharqdagi urush oqibatida jami 5 mingdan ziyod odamning umriga zomin bo‘ldi. Bu haqda Reuters agentligi ma’lum qildi.

Unga ko‘ra, urush boshlanganidan beri Eronda 3527 kishi halok bo‘lgan. Ularning 1606 nafari tinch aholi, jumladan, kamida 244 nafari bolalardir. Xalqaro Qizil Xoch va Qizil Yarim Oy jamiyatlari federatsiyasi esa hozirgacha Eron hududida kamida 1900 kishi halok bo‘lgani va 20 ming kishi jarohat olganini bildirdi.

Livanning bayonot berishicha, 2-martdan buyon Isroil zarbalari oqibatida mamlakatda kamida 1345 kishi halok bo‘lgan, ularning 124 nafar yosh bolalar bo‘lgan. «Hizbulloh» guruhining 400 dan ortiq...

O‘zbekistonda iqtidorli yoshlarni xorijiy oliy ta’lim muassasalarida o‘qitishni qo‘llab-quvvatlash maqsadida navbatdagi stipendiya tanlovi boshlandi. Bu haqda jamg‘arma matbuot xizmati ma’lum qildi.

O‘zbekiston Respublikasi prezidenti huzuridagi Istiqbolli kadrlarni tayyorlash bo‘yicha «El-yurt umidi» jamg‘armasi Boshqaruv kengashining tegishli qaroriga muvofiq, 2026-yil uchun 1-ochiq stipendiya tanlovi e’lon qilindi. Tanlov nufuzli xorijiy universitetlarda bakalavriat, magistratura va doktorantura dasturlari bo‘yicha ta’lim olish imkonini beradi.

Hujjatlar 2026-yil 3-apreldan 24-aprelga qadar (shu kuni soat 23:59 gacha) maxsus onlayn platforma orqali qabul qilinadi. Arizalar barcha talabgorlar uchun yagona tartib va teng imkoniyatlar asosida 24/7 rejimida qabul qilinadi.

2026/2027-o‘quv yili uchun jami 500 ta kvota ajratilgan. Shundan...

«Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universiteti tarkibida yangi Umummuhandislik fakulteti tashkil etilishi belgilandi. Bu haqda Adliya vazirligi ma’lum qildi.

Qarorga muvofiq, 2026/2027-o‘quv yilidan boshlab universitetda mahalliy va xorijiy talabalar uchun akademik fanlar bo‘yicha maxsus tayyorlov kursi ochiladi. Ushbu kurs STEAM fanlari, til bilimlari, akademik yozish va milliy strategik mezonlarga asoslangan bo‘lib, bir yil davomida to‘lov-kontrakt asosida xalqaro standartlarga muvofiq o‘qitiladi. 2027/2028-o‘quv yilidan maxsus tayyorlov kursini muvaffaqiyatli tamomlagan talabalar universitetga imtihon asosida to‘lov-kontrakt bilan qabul qilinadi.

Shuningdek, universitetga «texnikum – oliygoh» tamoyili asosida Toshkent geodeziya va kartografiya texnikumi biriktiriladi. Texnikum binosida Umummuhandislik fakulteti faoliyat...

Shavkat Mirziyoyev qishloq va suv xo‘jaligi muhandislarini tayyorlash tizimini takomillashtirish bo‘yicha yangi choralarni belgilovchi qarorni tasdiqladi. Bu haqda Adliya vazirligi ma’lum qildi.

«Qishloq va suv xo‘jaligi muhandislarini tayyorlash tizimini yana takomillashtirish choralarini belgilash» to‘g‘risidagi prezident qaroriga muvofiq, 2026-yil 1-maydan boshlab «Toshkent irrigatsiya va qishloq xo‘jaligini mexanizatsiyalash muhandislari instituti» milliy tadqiqot universitetida o‘qish yangi tartibda tashkil etiladi.

Talabalar uchun amaliyot ikki shaklda o‘tadi: birinchi – 6 oy davomida nazariy ta’limdan ajratilgan va hududga chiqib tashkil etiladigan malakaviy amaliyot; ikkinchi – «4+2» shaklida, ya’ni nazariy ta’lim bilan birlashtirilgan to‘liq uyushgan amaliyot.

Shuningdek, universitetning yetakchi professor-o‘qituvchilari va ilmiy xodimlari viloyatlarga biriktiriladi...

Toshkent shahrida yagona dizayn-kod joriy etilishi doirasida noqonuniy o‘rnatilgan peshlavha va reklamalar uchun kompensatsiya to‘lanmaydi, faqat qonuniy ruxsatnomasi bor obyektlargagina xarajatlar qoplab beriladi. Bu haqda shahar hokimligida soha mutasaddilari ishtirokida o‘tkazilgan maxsus matbuot anjumanida qurilish boshqarmasi boshlig‘i Yodgorbek Ikramov ma’lum qildi.

Tadbirda strategik rivojlanish bo‘yicha boshqaruv raisi o‘rinbosari Rustam Qodirov, shahar hokimining transport masalalari bo‘yicha o‘rinbosari Abdurahmon Baxtiyev, shahar bosh arxitektori – qurilish boshqarmasi boshlig‘i Yodgorbek Ikramov qatnashdi.

Yig‘ilishda shahar muhitini yaxshilash, peshlavhalar, reklama elementlari, yoritish va yo‘l infratuzilmasini yagona standartlar asosida tartibga solish, trotuarlarda xavfsiz makon yaratish masalalari ko‘rib chiqildi.

Dizayn-kod talablariga moslashtirish ishlarini tadbirkorlar my.gov.uz portali orqali arizalar...

O‘zbekistonda Adliya vazirligi huzurida To‘lovga qobiliyatsizlik ishlari bo‘yicha yagona agentlik tashkil etiladi. Shavkat Mirziyoyev tadbirkorlikni qo‘llab-quvvatlash va moliyaviy qiyinchiliklarga duch kelgan korxonalarni sog‘lomlashtirish bo‘yicha yangi tizim va yondashuvlar bilan tanishdi.

Unga ko‘ra, mamlakatda 300 mingdan ortiq yakka tartibdagi tadbirkor va 5,5 mln nafar o‘zini o‘zi band qilgan shaxs faoliyat yuritmoqda. Xususiy biznesning iqtisodiyotdagi ulushi so‘nggi besh yilda 45 foizdan 58 foizga oshdi. Joriy yilda kichik va o‘rta biznesga 140 trln so‘m kredit ajratish, banklar orqali jalb qilinayotgan $8 mlrd tashqi resurslarni mahalliy tadbirkorlikka yo‘naltirish hamda hududlarga 20 trln so‘m ajratish rejalashtirilgan.

Biroq moliyaviy ahvoli og‘ir tadbirkorlik subyektlarini qo‘llab-quvvatlash...

O‘zbekistonda «U10» dasturi doirasida 10 ta oliy ta’lim muassasasi tanlab olinib, ularga milliy tadqiqot universiteti maqomi beriladi hamda ilmiy klasterlar yaratish uchun katta miqdorda moliyaviy qo‘llab-quvvatlash ajratiladi. Bu haqda Shavkat Mirziyoyevga taqdim etilgan oliy ta’lim, fan va innovatsiyalar tizimini yanada rivojlantirishga qaratilgan yangi takliflar taqdimotida ma’lum qilindi.

So‘nggi yillarda mamlakatda oliy ta’lim qamrovini kengaytirish, sifatni oshirish va ilmiy salohiyatni mustahkamlash bo‘yicha keng ko‘lamli islohotlar olib borilmoqda. Endilikda ushbu jarayonni yangi bosqichga olib chiqish maqsadida ta’lim va ilm-fan integratsiyasini kuchaytirishga alohida e’tibor qaratilmoqda.

Taqdimotda ko‘rib chiqilgan asosiy tashabbuslardan biri — «U10 – O‘zbekistonning global darajadagi ilg‘or universitetlari» dasturidir. Unga ko‘ra...

Farg‘ona viloyatida 2,9 mlrd so‘mlik tabiiy gazdan noqonuniy foydalanish holati fosh etildi. Bu haqda Bosh prokuratura departamenti ma’lum qildi.

Departamentning Farg‘ona viloyati boshqarmasi tomonidan o‘tkazilgan tekshiruvda Farg‘ona shahridagi MChJning mas’ul shaxslari ko‘p qavatli uyni umumiy foydalanishdagi tabiiy gaz tarmog‘iga ruxsatsiz ulagani aniqlandi. Natijada 2,9 mlrd so‘mlik tabiiy gazdan noqonuniy foydalanilgan.

Mazkur holat yuzasidan Jinoyat kodeksining 192-11-moddasi (nodavlat tijorat tashkilotida yoki boshqa nodavlat tashkilotda mansabdor shaxslar tomonidan o‘z vakolatlarini suiiste’mol qilish) va 207-moddasi (mansabga sovuqqonlik bilan qarash) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq departament Farg‘ona viloyatida noqonuniy zargarlik buyumlari savdosi fosh qilgan...

Dollar kursi hafta davomida turlicha dinamiklarni ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishlari haqida so‘z boradi.

Hafta boshida AQSh dollari kursida o‘sish kuzatildi. 30-mart kuni valyuta 15,63 so‘mga qimmatlab, 12 195,50 so‘mni tashkil etdi. Oradan bir kun o‘tib, 31-mart kuni dollar yana 15,21 so‘mga oshib, 12 210,71 so‘mga yetdi.

Dollarning o‘zgarishi

Biroq aprel boshidan boshlab kurs pasayishni boshladi. 1-aprel kuni dollar 16,50 so‘mga arzonlab, 12 194,21 so‘mni tashkil etdi. 2-aprel kuni pasayish yanada keskinlashdi va valyuta 52,11 so‘mga tushib, 12 142,10 so‘mgacha kamaydi. 3-apreldan boshlab esa dollar yana tiklana boshladi. Shu kuni AQSh valyutasi...

Rossiya hukumati benzin eksportiga oid vaqtinchalik taqiqlarni kengaytirib, endilikda ularni neft mahsulotlarini ishlab chiqaruvchi kompaniyalarga ham tatbiq etdi. Mazkur cheklovlar 31-iyulgacha amal qiladi, deb yozadi Rossiya hukumatining rasmiy sahifasida.

Unga ko‘ra, ushbu qaror ichki yonilg‘i bozorida barqarorlikni saqlash maqsadida qabul qilingan. Ayniqsa, yozgi mavsumda talab oshishi va qishloq xo‘jaligi ishlari faollashishi fonida yonilg‘i ta’minotini nazorat qilish muhim deb baholanmoqda.

Shuningdek, global omillar ham qarorga ta’sir qilgan. Yaqin Sharqdagi keskin vaziyat sabab jahon bozorida neft narxlari oshib borayotgani qayd etilmoqda. Xususan, Hormuz bo‘g‘ozi atrofidagi vaziyat keskinlashgani energiya resurslari savdosiga xavf tug‘dirgan.

Avvalroq Eron ushbu hudud orqali neft va gaz tashish...

Rim papasi Leo global Katolik cherkovining birinchi amerikalik yetakchisi Eron urushi bo‘yicha Donald Tramp va uning tashqi siyosatiga qarshi ochiq tanqidlar bilan chiqdi. Bu haqda Reuters agentligi ma’lum qildi.

O‘tgan yilning may oyida lavozimga kirishgan Leo 10 oy davomida AQSh va uning prezidentini jamoat oldida hech qachon tilga olmagan. 31-mart kuni u birinchi marta Trampni urushni to‘xtatishga chaqirdi va Amerika xalqiga tushunarli bo‘lgan iborada «chiqish yo‘lini» topishni tavsiya qildi.

Shuningdek, Leo Eron urushini boshlagan va «qo‘llari qonga botgan» yetakchilarning ibodatlari Xudo tomonidan rad etilishini ma’lum qilgan. Bu izohlar konservativ katoliklar tomonidan AQSh Mudofaa vaziri Pet Hegsetga qaratilgan deb...

6-aprel uchun valyutalar kursi yangilandi. Unga ko‘ra, dollar 20,83 so‘mga oshib, 12 170,67 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

30-mart kuni 15,63 so‘mga oshib, 12 195,50 so‘mni tashkil qilgan edi. 31-mart kuni 15,21 so‘mga oshib, 12 210,71 so‘mni tashkil etgan edi. AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi. 3-apreldan dollar yuqorilashni boshladi: shu kuni AQSh valyutasi 7,74 so‘mga oshib, 12 149,84 so‘mni tashkil etdi.

Markaziy bank ma’lumotlariga ko‘ra, yevro 44,69 so‘mga oshib, 14 048,60 so‘mni, rubl esa...

Namangan shahridagi korxonalarda salkam 944 mln so‘mlik mulkning noqonuniy tarzda ishlatilishi bilan bog‘liq holat aniqlandi. Bu haqda Bosh prokuratura departamenti ma’lum qildi.

Departamentning Namangan shahridagi qo‘shma korxona rahbarining murojaati yuzasidan o‘tkazilgan tergovga qadar tekshiruvda korxonaning Namangan va Qo‘qon filiallariga mas’ul shaxslar 943,9 mln so‘mlik alkogol mahsulotlarini belgilanmagan joylarda naqd pulga sotgani aniqlandi. Ular pullarni korxona hisob raqamiga kiritmay, o‘z ehtiyojlari uchun ishlatgan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan va tergov harakatlari to‘liq hamda har taraflama olib borilmoqda.

Eslatib o‘tamiz, avvalroq Farg‘ona viloyatida noqonuniy zargarlik buyumlari savdosi fosh...

Chevrolet Onix avtomobili O‘zbekistonda ommalashib borayotgan modellardan biri hisoblanadi. Joriy yilning yanvar-fevral oylarida 6,8 ming dona sotilgan. Kursiv Uzbekistan nashrining ushbu maqolasida modelning yaratilish tarixidan tortib bugungi kundagi muvaffaqiyatlari haqida so‘z boradi.

Maqolada quyidagilar haqida soz boradi:

Model yaratilishining boshlanishi

Chevrolet Onix dastlab Braziliya bozori uchun ishlab chiqilgan model edi. 2010-yillar boshida bu mamlakatda arzon, lekin zamonaviy avtomobillarga talab oshdi. Shu ehtiyojdan kelib chiqib, General Motors...

Bugun, 3-aprel kuni taxminan soat 15:26 da Tojikistonda yer qimirlashi sodir bo‘ldi. Bu haqda Seysmoprognostik monitoring ma’lum qildi. Qo‘shni respublikada yer silkinishining magnitudasi 5,5 ga teng bo‘ldi.

Zilzila episentri yer yuzasidan 10 km chuqurlikda joylashgan. U Toshkent shahridan 269 km janubiy-sharqda qayd etildi. Zilzila O‘zbekistonning ayrim hududlarida ham sezildi. Eng kuchli silkinish Farg‘ona viloyatida 3 ballni tashkil etdi.

Namangan, Andijon, Sirdaryo va Toshkent viloyatlarida 2 ball atrofida sezildi. Toshkent shahrida ham 2 ball kuchida qayd etildi.

Eslatib o‘tamiz, Kursiv Uzbekistan nashri Qirg‘izistonda sodir bo‘lgan zilzila O‘zbekistonning qator tumanlarida sezilgani haqida yozgan edi.

Amazon 17-apreldan boshlab uchinchi tomon sotuvchilari uchun yetkazib berish xizmatlariga 3,5 foizlik qo‘shimcha to‘lov (yonilg‘i va logistika ustamasi) joriy etadi. Yangi tartib AQSh va Kanada bozorlarida amal qiladi, deya yozmoqda Oninvest nashri.

Kompaniya bu qarorni yonilg‘i narxlarining keskin oshishi va logistika xarajatlarining ko‘paygani bilan izohladi. Rasmiy bayonotda ta’kidlanishicha, so‘nggi vaqtlarda buyurtmalarni bajarish xarajatlari butun sohada oshib bormoqda va bu qo‘shimcha to‘lov vaqtinchalik choradir.

Amazon vakili Ashley Vanicek ushbu ustama boshqa yirik logistika kompaniyalari qo‘llayotgan to‘lovlarga nisbatan past ekanini bildirdi.

So‘nggi kunlarda neft narxlari ham keskin ko‘tarildi. Xususan, Brent markali neft fyucherslari 6 foizdan ortiq oshib, bir barrel uchun...

Bank va sug‘urta tashkilotlari bilan bog‘liq shikoyatlar tekshirilib, katta miqdordagi mablag‘lar, jumladan, 9,2 mln so‘mgacha to‘lovlar qaytarildi. Bu haqda Raqobat qo‘mitasi xabar berdi.

Qo‘mita tomonidan ushbu murojaatlar qonunchilik asosida batafsil o‘rganilib, aniqlangan kamchiliklarni bartaraf etish va fuqarolar huquqlarini tiklash bo‘yicha tegishli choralar ko‘rilmoqda.

Qashqadaryo viloyati

Ko‘kdala tumanida yashovchi fuqaro Inpex Insurance kompaniyasidan norozi bo‘lib murojaat qilgan. Tekshiruv natijasida yo‘l-transport hodisasi oqibatida yetkazilgan zarar uchun fuqaroga 9,2 mln so‘m sug‘urta puli to‘lab berildi.

Qoraqalpog‘iston Respublikasi

«Abdulla Xojaniyaz» OK tomonidan «Agrobank»ning To‘rtko‘l filialida kredit olishda faqat bitta sug‘urta kompaniyasini tanlash majburiy etilgani yuzasidan shikoyat kelib tushgan. O‘rganish davomida bank tomonidan zarur...

Ijtimoiy tarmoqlarda voyaga yetmagan qiz o‘gay onasi tomonidan qiynoqqa solinganligi haqidagi videomurojaat keng muhokamalarga sabab bo‘ldi. Mazkur holat yuzasidan Toshkent shahar IIBB tomonidan tezkor tekshiruv o‘tkazildi.

Tekshiruv natijasida 1985-yilda tug‘ilgan fuqaro Toshkent shahar Yunusobod tumanidagi yashash xonadonida o‘gay farzandi, 2013-yilda tug‘ilgan qizni bir necha marotaba urib, jismoniy tazyiq o‘tkazganligi aniqlandi. Jabrlanuvchi avval IIOga murojaat qilmagan.

Hozirda voyaga yetmagan jabrlanuvchi Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markaziga joylashtirilib, davlat organlari tomonidan himoyaga olingan.

Yunusobod tumani IIO FMB huzuridagi Tergov bo‘limi tomonidan gumonlanuvchi shaxsga nisbatan Jinoyat kodeksining 110-moddasi («Qiynash») bilan jinoyat ishi qo‘zg‘atildi. Jinoyat ishi IIV tomonidan nazoratga...

Amerikaning Dodge kompaniyasi 15 yildan beri ishlab chiqarilayotgan Durango modeli savdosida o‘z tarixidagi eng yuqori natijani qayd etdi. Krossover 2025-yilda 81,1 ming nusxada sotilgan.

2011-yilda taqdim etilgan uchinchi avlod Dodge Durango 2026-yilda ham o‘zining an’anaviy V8 dvigatellari bilan sotuvni davom ettiradi. Krossoverning bazaviy modeli narxi $38,5 dan boshlanadi. Model qatorida 710 ot kuchiga ega 6,2 litrli SRT Hellcat eng qimmat va kuchli versiya bo‘lib, u $80,5 ga baholanmoqda. Shuningdek, tez orada $50 mingdan arzonroq bo‘lgan V8 dvigatelli R/T modifikatsiyasi ham sotuvga chiqarilishi kutilmoqda.

Avvalroq kuchli dvigatellar qat’iy ekologik talablar sababli AQShning 18 ta shtatida taqiqlangan edi. Biroq kompaniya emissiya...

GAC Aion kompaniyasi yangi Aion N60 elektromobilini 16-apreldan oldindan sotuvga chiqaradi. Model narxi 150 ming yuan, ya’ni taxminan $21,7 mingdan past bo‘lishi kutilmoqda.

Yangi krossover ixcham segmentga mansub bo‘lib, zamonaviy dizaynga ega. Old qismida uzluksiz LED chiziq, yoritilgan logotip va to‘rtburchak faralar joylashgan. Model dizayni mashhur dizayner Benoit Jacob tomonidan ishlab chiqilgan.

Avtomobil uzunligi 4615 mm, g‘ildirak bazasi 2775 mmni tashkil etadi. Salon uch xil rang variantida taklif etiladi. Markazda 15,6 dyuymli ekran joylashgan bo‘lib, u ADiGO 6.0 tizimi asosida ishlaydi. N60 ichki jihozlari bilan ham ajralib turadi. Old o‘rindiqlar isitish, sovitish, massaj va xotira funksiyalariga ega. Orqa o‘rindiqlar...

Markaziy bank 2026-yil 1-sentabrga qadar «Mustaqillikning 35 yilligi» esdalik oltin tangasini zarb etadi. Bu haqda prezidentning tegishli qarorida qayd etildi. Tangalar mamlakat mustaqilligi va suverenitetini ramziy qiladi.

Shuningdek, Madaniyat vazirligi Toshkent shahrida bo‘lib o‘tadigan asosiy bayram tadbiriga tayyorgarlik ko‘rish va uni o‘tkazish bo‘yicha mas’ul etib belgilandi. Badiiy akademiya, Yozuvchilar uyushmasi va Ma’naviyat markazi 1-iyunga qadar «Vatan fidoyilari» ramziy monumentining eskiz loyihasini tayyorlaydi. Ushbu monument Qoraqalpog‘iston Respublikasi va barcha viloyat markazlaridagi umummilliy birdamlik bog‘larining markaziy qismiga o‘rnatiladi.

Shu bilan birga, Ma’naviyat va ma’rifat markazi Yangi O‘zbekiston taraqqiyoti tadqiqotlari instituti bilan birgalikda «Mustaqillik zafarnomasi» nomli maxsus kitob-albomni tayyorlaydi. Yoshlar ishlari...

O‘zbekistonda kredit hamda to‘lov tashkilotlari ilovalarida ro‘yxatdan o‘tishda mijozning telefon raqami uning shaxsiy identifikatsiya raqami (JSHSHIR)ga qat’iy mos kelishi tekshiriladi.

Yangi talablarga ko‘ra, bank ilovalarida ro‘yxatdan o‘tish jarayonida telefon raqami hamda JSHSHIR mosligi aniqlanmasa, ro‘yxatdan o‘tish jarayoni darhol to‘xtatiladi. Bu holat yuzasidan foydalanuvchiga SMS-xabarnoma orqali rad etilgani haqida ma’lumot yuboriladi.

Shuningdek, foydalanuvchining ilovadagi telefon raqami va u biriktirmoqchi bo‘lgan bank kartasining SMS-xabarnoma xizmatiga ulangan raqami bir-biridan farq qilsa ham, karta biriktirishga yo‘l qo‘yilmaydi. Bunday holatlarda mobil ilova orqali mijozga PUSH-xabar ko‘rinishida tegishli ogohlantirish beriladi.

Avvalroq Kursiv Uzbekistan yillik inflyatsiya darajasi 7,3 foiz atrofida saqlanib qolayotgani haqida xabar bergan...

«UzAuto Motors» AJ yangi Damas 3 modelini ilk xaridorlarga yetkazib bera boshladi. Bu haqda «Autostrada» nashri ma’lum qildi. Eski modellarining narxi esa 5 mln so‘mga arzonlagan.

Yangi model UzAuto Motors tomonidan Xorazm viloyatining Pitnak shahrida ishlab chiqarilmoqda. Kompaniya eski Damasni ishlab chiqarishni to‘xtatmadi. U yangi model bilan birga bozorda qoladi. Damas 3 aslida Xitoydagi Wuling Motors ishlab chiqargan model asosida yaratilgan. U boshqa bozorlarda Chevrolet Tornado Van nomi bilan sotiladi.

O‘zbekistonda esa narxi Xitoyga nisbatan ancha yuqori. Yangi model ikki xil variantda taklif etiladi. Max versiyasi yuk tashish uchun mo‘ljallangan bo‘lsa, Move versiyasi 7 yoki 8 o‘rinli yo‘lovchi avtomobili...

Volvo kompaniyasi 15-aprel kuni o‘zining 99 yilligi munosabati bilan yangi elektromobillarini namoyish etadi. Tadbirda Xitoyda ishlab chiqarilgan Volvo EX90 va Volvo ES90 modellari taqdim qilinadi.

Volvo EX90 SPA2 platformasiga asoslangan bo‘lib, kompaniyaning yangi dizayn uslubida yaratilgan. Old qismida yopiq panjara va «Tor bolg‘asi» shaklidagi faralar mavjud. Kuzov uzunligi 5037 mm, g‘ildirak bazasi 2985 mmni tashkil etadi.

Model ikki xil quvvat variantida taklif etiladi. Past quvvatli versiyada old motor 232 ot kuchi, orqa motor 170 ot kuchi beradi. Kuchli versiyada esa 241 va 268 ot kuchiga ega motorlar ishlatiladi. Har ikkala variantda litiy-ion batareya qo‘llanilgan.

Volvo ES90 esa yanada zamonaviy...