Yangiliklar

AQSh prezidenti Donald Tramp Saudiya Arabistoniga F-35 qiruvchi samolyotlarini sotishga rozilik berdi. Bu haqda Reuters agentligi ma’lum qildi.

Unga ko‘ra, qaror valiahd shahzoda Muhammad bin Salmonning Vashingtonga tashrifi arafasida e’lon qilindi. Saudiya 48 tagacha F-35 xarid qilishni so‘ragan bo‘lib, bitim milliardlab dollarga baholanmoqda.

Ma’lumot uchun, F-35 dunyodagi eng ilg‘or, radarlardan yashirina oladigan qiruvchi samolyot hisoblanadi. Hozircha Yaqin Sharqda faqat Isroil ushbu samolyotlarga ega bo‘lib, ularning ko‘plab eskadrilyalarini shakllantirgan.

AQSh qurollarining eng yirik xaridori bo‘lgan Saudiya Arabistoni havo kuchlarini modernizatsiya qilish va mintaqaviy tahdidlarga, ayniqsa, Eron xavfiga qarshi turishni maqsad qilgan. Biroq bitim Kongress tomonidan hali yana ko‘rib chiqiladi. Ayrim...

Emirates aviakompaniyasi o‘z parkidagi samolyotlarga Starlink sun’iy yo‘ldosh internetini o‘rnatishni boshladi. Bu haqda Hi-Tech nashri xabar berdi.

Unga ko‘ra, bu yangilik Dubai Airshow 2025 ko‘rgazmasida xizmat sinovdan o‘tkazildi va internet tezligi 400 Mbit/s dan oshgani ma’lum bo‘ldi.

Aviakompaniya umumiy hisobda 232 ta Boeing 777 va Airbus A380 samolyotini yangi internet bilan jihozlaydi.

Boeing 777 samolyotlariga ikki antenna, Airbus A380’ga esa uchta antenna o‘rnatildi.

Internet qanday ishlaydi?

Samsung kompaniyasi noyabr oyidagi xavfsizlik yangilanishini nafaqat Galaxy S24, balki boshqa flagman modellarga ham taqdim etdi. Bu haqda Sammobile nashri xabar berdi.

Endilikda Galaxy S25, Galaxy S23, shuningdek Galaxy Z Fold7, Fold6, Flip7 va Flip6 egalari ham muhim xavfsizlik patchini olishmoqda.

Yangilanish nimalarni tuzatadi?

Samsung ma’lumotiga ko‘ra, noyabr oyidagi patch Android va Samsung One UI tizimlaridagi 30 ga yaqin xavfsizlik zaifliklarini bartaraf etadi. Ayrim tuzatishlar aynan Exynos protsessori ishlatilgan modellarga tegishli.

Qaysi modellarga yangilanish chiqarildi?

Noqonuniy oltin savdosiga chek qo‘yildi, Sibir suvini O‘zbekistonga yo‘naltirish g‘oyasi yana ko‘tarildi — 17-noyabrning eng muhim hodisalari Kursiv Uzbekistan dayjestida.

Kattaqo‘rg‘onda noqonuniy oltin savdosiga chek qo‘yildi

Samarqand viloyati Kattaqo‘rg‘on tumanida noqonuniy oltin savdosi bilan shug‘ullanayotgan shaxslar qo‘lga olindi. Bu haqda DXX matbuot xizmati ma’lum qildi.

Navoiy va Samarqand viloyatlarida yashovchi 1982, 1984 va 1996-yillarda tug‘ilgan uch nafar fuqaro 472 grammli, 994 asillikdagi oltin quymalarni 737 mln so‘mga sotishga kelishib, xaridordan 500 mln so‘m olayotganida ushlandi. Oltinning umumiy qiymati 740,4 mln so‘m deb baholangan.

Tim Kuk 2026-yilda Apple bosh direktori lavozimidan ketishi mumkin — OAV

Apple bosh direktori Tim...

18-noyabr kuni O‘zbekistonda havo o‘zgaruvchan bo‘lib, yog‘ingarchilik kutilmaydi, shamol asosan sharqdan esadi, harorat kechasi 2-9° iliq, kunduzi 12-24° iliq bo‘ladi. Bu haqda «O‘zgidromet» agentligi ma’lum qildi.

Quyida 18-noyabr uchun ob-havo prognozi viloyatlar kesimida:

18-noyabr kuni Toshkent shahrida O‘zbekiston Respublikasi Davlat bayrog‘i qabul qilingan kun munosabati bilan bir qator madaniy-ma’rifiy tadbirlar tashkil etiladi. Bu haqda shahar hokimligi matbuot xizmati ma’lum qildi.

Bayroq estafetasi taniqli shaxslar, sportchilar va yoshlar ishtirokida Bektemir tumanidagi «Rohat» postida soat 14:00 da, Mirzo Ulug‘bek tumanidagi «Yangi O‘zbekiston» bog‘i majmuasida soat 15:00 da, Chilonzor tumanidagi «Erkin» postida soat 16:00 da tantanali kutib olinadi.

Gala-konsert o‘zbek estrada yulduzlari ishtirokida soat 17:00 da Xalqlar do‘stligi maydonida,
Dron shou esa 18:00 da Xalqlar do‘stligi maydonida bo‘lib o‘tadi. Shahar aholisi va mehmonlar bayrog‘imizning 34 yilligini nishonlashga taklif etiladi.

Eslatib o‘tamiz, Toshkent osmoni mustaqillik bayramida O‘zbekiston...

Oppo rasmiy ravishda Reno15 Pro smartfonini taqdim etdi. Model MediaTek Dimensity 8450 chipiga asoslangan va IP69 standartiga mos chang va suvdan himoyaga ega.

Asosiy kamera modulida 200 MP sensor mavjud, diafragma F/1,8, EFR 24 mm. Telefoto modulida (F/2,8, EFR 80 mm, 3,5x optik zum) 50 MP sensor ishlatilgan, ultra keng burchakli modulda ham 50 MP sensor mavjud. Old kamera 50 MP, EFR 18 mm va avtofokus bilan jihozlangan.

Batareya quvvati 6500 mA·soat, sim orqali quvvatlash 80 Vt, simsiz zaryadlash 50 Vt gacha. Ekran — 6,78 dyuymli AMOLED, 2772×1272 piksellar, 120 Gts kadr tezligi bilan.

Oppo Reno15 Pro ColorOS...

Shavkat Mirziyoyev paxtachilikda hosildorlikni oshirish, qishloq xo‘jaligini moliyaviy qo‘llab-quvvatlash bo‘yicha takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, qishloq xo‘jaligi mamlakat iqtisodiyotida muhim o‘rin egallab, yiliga 467 trln so‘mlik mahsulot yaratadi va 3,5 mln kishi mehnat qiladi.

Taqdimotda past hosil olayotgan fermerlar bilan manzilli ishlash, ilg‘or agrotexnologiyalarni joriy etish va agronomlarni tayyorlash tizimini isloh qilish choralari belgilandi. Ustoz-shogird an’anasi orqali hosildor fermerlar past hosil olganlarga biriktirilib, mukofot tizimi joriy etiladi.

Shuningdek, Agrar universiteti va boshqa oliygohlarda «dual ta’lim» mexanizmi yo‘lga qo‘yiladi, talabalarga stipendiya, mutaxassislarga rag‘bat puli beriladi. Paxta navlarini yaratish uchun Genomika markazi...

Soliq qo‘mitasi tadbirkorlarga xatolarni tuzatish uchun cheklarni tahrirlash imkonini berdi. Bu haqda qo‘mita matbuot xizmati ma’lum qildi.

Endilikda «Soliqchi-ko‘makchi» tamoyili asosida 2025-yilda chop etilgan onlayn-NKT va elektron chek summalarini 20-noyabrdan 10-dekabrgacha tahrirlash mumkin bo‘ladi.

Hozirda texnik imkoniyatlar yaratilmoqda, tadbirkorlarga esa tayyorgarlik choralarini ko‘rish tavsiya etiladi. To‘liq qo‘llanma qo‘mita tomonidan keyinroq e’lon qilinadi.

Eslatib o‘tamiz, avvalroq daromad solig‘i bo‘yicha beriladigan imtiyozdan qanday foydalanish haqida yozgan edik.

Xitoyda Oppo Reno15 Pro bilan bir vaqtda Reno15 modeli ham taqdim etildi. Bu haqda Oppo rasmiy sahifasida ma’lum qilindi.

Smartfon 6,32 dyuymli OLED-ekran, 1,5K o‘lcham va 120 Gts kadr tezligiga ega. Aparat platformasi MediaTek Dimensity 8450 chipiga asoslangan, batareyasi 6200 mA·soat va sim orqali 80 Vt quvvat bilan zaryadlanadi, simsiz zaryadlash esa mavjud emas.

Asosiy kamera uch moduldan iborat: 200 MP keng burchakli, 50 MP ultra keng burchakli va 50 MP telefoto. Old kamera esa 50 MP, yuqori sifatli selfie va video qo‘llab-quvvatlaydi. Smartfon IP69 standartiga mos kelib, chang va suvdan himoyaga ega.

Oppo Reno15 ColorOS 16 interfeysi (Android...

SAIC Volkswagen yangi Lavida Pro modelini taqdim etdi. Bu haqda ITHome nashri ma’lum qildi.

Mashina to‘rtta variantda sotuvga chiqadi. Dizayni Passat Pro uslubida bo‘lib, old qismi klassik gorizontal chiziqlar yoki qora teshikchali sport uslubida. Barcha versiyalarda LED-optika va yoritilgan Volkswagen logotipi mavjud.

Lavida Pro uzunligi 4720 mm, balandligi 1482 mm, yangi g‘ildirak disklari va to‘rt rang variantiga ega. Salon 10,25 dyuymli raqamli asboblar paneli va 12,9 dyuymli media-ekran bilan jihozlangan, klassik uzatmalar qutisi selektori elektron boshqaruv bilan almashtirilgan.

Lavida Pro’da ikki xil dvigatel mavjud: biri 1,5 litrli, 110 ot kuchiga ega va 6 pog‘onali avtomat uzatmalar qutisi bilan, ikkinchisi...

Apple iPhone’lar uchun yangi turdagi sensorli g‘iloflar ustida ishlamoqda. Bu haqda Weibo nashri ma’lum qildi.

Unga ko‘ra, mazkur g‘iloflar nafaqat himoya vazifasini bajaradi, balki qo‘shimcha boshqaruv imkoniyatlarini ham taqdim etadi.

Patentlarda g‘ilof ichiga o‘rnatilgan sensor zonalar tasvirlangan bo‘lib, ular jismoniy tugmalar o‘rniga ishlashi, bosish yoki surish orqali tizim funksiyalarini faollashtirishi mumkin. G‘ilof ayrim hujjatlarda stilus bilan yozish yoki chizish mumkin bo‘lgan maxsus sensorli maydon sifatida ham qo‘llaniladi.

Insayder Instant Digital’ning ma’lumotiga ko‘ra, Apple bu texnologiyani ayniqsa iPhone Pro modellari uchun rivojlantirmoqda.

Eslatib o‘tamiz, avvalroq iPhone’ga shaxsiy SI-shifokor funksiyasi qo‘shilgani haqida xabar bergan edik.

Nyu-Yorkda o‘tgan UFC 322 turnirida Islom Maxachev Jek Della Maddalenaga qarshi jang qildi. Rossiyalik jangchi musobaqadan $3,332 mln ishlab topgan.

Maxachev jang uchun $800 ming, homiylikdan $32 ming va pullik translyatsiyalardan $2,5 mln olgan. Avstraliyalik Jek Della Maddalena esa jangga chiqish uchun $750 ming, homiylar orqali $42 ming va translyatsiyalardan $1,2 mln ishlab topdi.

Jangdan so‘ng u: «Bu mening orzum edi, nihoyat bunga erishdim. Bu kamarlar og‘ir, lekin menga yoqadi», – deya ta’kidladi.

Maxachev ilgari 2022-yil oktabrdan 2025-yil mayigacha yengil vazn kamari sohibi bo‘lib kelgan. 2025-yil 14-may kuni u bu kamarni bo‘shatib, yuqori vazn...

Ar-Riyodda davom etayotgan VI Islom birdamligi o‘yinlarida 17-noyabr kuni o‘tkazilgan bahslarda O‘zbekiston delegatsiyasi navbatdagi medallarni qo‘lga kiritdi. Bu haqda MOQ xabar bermoqda.

Balandlikka sakrash va bosqon uloqtirish bo‘yicha o‘ytkazilgan bellashuvlarda sportchilarimiz oltin, kumush va ikki bronza medaliga sazovor bo‘lishdi.

Balandlikka sakrash bahslarida Barnoxon Sayfullayeva 1,84 metr natija bilan Islom o‘yinlarining yangi chempioni bo‘ladi. Uning jamoadoshi Valeriya Gorbatova esa 1,81 metrni zabt etib, bronza medalini qo‘lga kiritdi.

Bosqon uloqtirish bahslarida esa erkaklar terma jamoamiz ikkita medal bilan taqdirlandi. Suhrob Xodjayev 74,44 metr natija ko‘rsatib kumush medalni qo‘lga kiritgan bo‘lsa, Ayubxon Fayozov 74,12 metr bilan bronza medalini qo‘lga kiritdi.

Avvalroq...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 7-noyabrdan 14-noyabrgacha bo‘lgan davrda ijobiy dinamikani ko‘rsatib, UCI fond indeksi 0,67 foizga oshdi.

Ushbu davr mobaynida «Qashqadaryo texnologik transport» aksiyalari eng katta o‘sishga erishib, 4,91 foizga qimmatlashdi. Shuningdek, «Qizilqumsement» (+4,84%) va «Biokimyo» (+4,65%) aksiyalarida ham o‘sish qayd etildi.

O‘z navbatida, «O‘zbektelekom» aksiyalari 9,66 foizga arzonlashib, haftaning eng katta pasayishini qayd etdi. Bundan tashqari, «Dori-Darmon» (-6,37%) va «Aloqabank» (-4,65%) aksiyalari ham pasayish bilan ajralib turdi. Faqatgina «Chilonzor buyum savdo kompleksi» va «Ipoteka-bank» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Aloqabank» (614 ta bitim), «Qizilqumsement» (490 ta) va «Hamkorbank...

Wobble o‘zining birinchi smartfoni haqida dastlabki ma’lumotlarni e’lon qildi. Bu haqda Gizmochina xabar bermoqda.

Qurilma old va asosiy kamerada 4K formatda suratga olishni va HDR rejimini qo‘llab-quvvatlaydi. Kompaniya old kamerani qulay deb atamoqda.

Smartfon kamerasi Sony sensoriga ega bo‘ladi. Unda optik stabilizatsiya ishlaydi. Shuningdek, ton, yorug‘lik va dinamik diapazonni real vaqtda boshqaradigan ichki SI-protsessor ham bo‘ladi.

Gadget MediaTek Dimensity 7400 chipi bilan ta’minlanadi. Unda HyperEngine texnologiyasi orqali o‘yinlarda yaxshi ishlash va’dasi bor. Geekbench AI ma’lumotlariga ko‘ra, Wobble 8 GB operativ xotira va Android 15 bilan chiqadi.

Smartfonning aniq taqdimot sanasi hali e’lon qilinmagan.

Eslatib o‘tamiz, Kursiv Uzbekistan nashri iPhone...

Bangladeshda hokimiyatdan ag‘darilgan sobiq bosh vazir Sheyx Hasina o‘tgan yili talabalar namoyishlarini zo‘ravonlik bilan bostirishda aybdor deb topildi va xalqaro jinoyatlar tribunali (Bangladeshning ichki sudi) uch nafar sudyasi tomonidan o‘lim jazosiga hukm qilindi. Bu haqda Al Jazeera xabar berdi.

Sud hukmi va ayblovlar

Sudning aytishicha, Hasina namoyishchilarni o‘ldirishga buyruq berish, zo‘ravonlikni qo‘zg‘atish va huquq-tartibot organlari tomonidan amalga oshirilgan yuzlab noqonuniy qotilliklarni to‘xtatmaslik orqali insoniyatga qarshi jinoyatlar sodir etgan. Hukm o‘qilganda sud zalida yig‘ilganlar olqish bilan qarshi olgan.

Sudyalar uning partiya faollariga namoyishchilarni yo‘q qilish haqida ochiq buyruqlar bergani yaqqol isbotlanganini qayd etdi.

Talabalar tomonidan ish o‘rinlari kvotalari bo‘yicha...

Jizzax viloyatining Sharof Rashidov tumanida yangi Rancho Tour turistik kompleksi foydalanishga topshirildi. Turizm qo‘mitasiga ko‘ra, hududda yil davomida katta qurilish va obodonlashtirish ishlari amalga oshirildi.

Xususan, turistik maskanga olib boruvchi yo‘llar asfaltlandi, 131 gektar bo‘sh yotgan lalmi va tog‘ adirlik yerlari ko‘kalamzorlashtirildi. Shuningdek, 50 gektar maydonda 30 dan ortiq turdagi mevali va manzarali bog‘lar barpo etildi.

Shuningdek, majmuadagi bir gektar hudud baliq ovlash uchun ajratilgan. Hayvonot bog‘i, to‘rt bosqichli ziplayn, umumiy ovqatlanish shoxobchalari, ekstremal sport uchun qoyatosh yo‘laklari va Jizzax manzarasini yuqoridan tomosha qilish imkonini beruvchi havo shari ham mavjud. Mehmonlar uchun 2,5 km masofada kvadrosiklda sayohat xizmatlari...

Amerikalik mashhur aktyor Tom Kruz kinematografga qo‘shgan ulkan hissasi uchun faxriy Oskar bilan taqdirlandi. Bu haqda Variety nashri xabar berdi.

Mukofot aktyorga kinoijodkorlar hamjamiyatiga, kino tomosha madaniyatiga hamda kaskadyorlik sohasiga ko‘rsatgan sadoqati uchun topshirildi. Statuetkani Kruzga ayni paytda u bilan yangi film ustida ishlayotgan rejissor Aleksandro Gonsales Inyarritu taqdim etdi.

Mukofotni qabul qilib olar ekan, Tom Kruz uchun kino – dunyoni kezish va insonlarni chuqurroq tushunishning eng kuchli vositasi ekanini aytdi. Uning so‘zlariga ko‘ra, kino turli madaniyatlar orasidagi farqlarni qadrlashni o‘rgatadi, lekin odamlarni birlashtiradigan umumiy his-tuyg‘ular ham mavjud.

«Biz qayerdan bo‘lishimizdan qat’i nazar, kinoteatrda birga...

18-noyabr uchun valyuta kurslari e’lon qilindi. Shu kun uchun AQSh valyutasi 12 009,92 so‘m (-29,69 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

11-noyabr kuni dollar 12 014,94 so‘mga (-45,33 so‘m), 12-noyabr kuni 11 990,00 so‘mga (-24,94 so‘m), 13-noyabr kuni esa 11 972,35 so‘mga (-17,65 so‘m) tenglashdi. 14-noyabr kuni 11 985,10 so‘m (+12,75 so‘m), 17-noyabr uchun esa 12 039,61 so‘m (+54,51 so‘m) etib belgilandi.

Markaziy bank ma’lumotlariga ko‘ra, yevro 58,52 so‘mga tushib, 13 933,91 so‘mni, rubl esa 1,37 so‘mga tushib, 147,80 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

Hukumat tomonidan tasdiqlangan yangi tartibga ko‘ra, oziq-ovqat va qishloq xo‘jaligi mahsulotlariga beriladigan sanitariya-epidemiologik xulosa 3 yil muddat bilan rasmiylashtiriladi. Bu haqda Adliya vazirligi ma’lum qildi.

Reglamentga ko‘ra, chetdan olib kirilayotgan mahsulotlar uchun xulosa ularning yaroqlilik muddatiga qarab beriladi. Agar mahsulotning amal qilish muddati ko‘rsatilmagan bo‘lsa, xulosa muddat belgilanmasdan rasmiylashtiriladi.

Sanitariya-epidemiologik xulosa olish bir qator holatlarda majburiy hisoblanadi. Yangi mahsulot ishlab chiqarilishi yo‘lga qo‘yilganda, mavjud mahsulot tarkibi o‘zgartirilganda, texnologik jarayon yoki ishlab chiqarish konstruksiyalarida o‘zgarishlar bo‘lganda, tajriba tariqasida ishlab chiqarilgan mahsulotlarga, shuningdek, respublika hududiga olib kiriladigan barcha oziq-ovqat va qishloq xo‘jaligi mahsulotlariga.

Shuningdek, ilgari berilgan xulosaning amal qilish muddati tugaganida...

Geely 2026-yilgi Galaxy Starship 7 EM-i modelini 19-noyabr kuni Xitoyda taqdim etadi. Bu haqda CarNewsChina xabar bermoqda. Model Starry EM-i nomi bilan xalqaro bozorda ham sotiladi.

Model kompakt PHEV SUV bo‘lib, asosiy yangilik — barcha rusumlarda elektrda yurish masofasining oshirilganidir. Narxlar hozircha 97 800 – 130 800 yuan, ya’ni $13,4 – 17,9 ming atrofida.

2026-yilda bazaviy rusumning elektr yurish masofasi 55 km dan 130 km ga oshirilgan. Keyingi variant 135 km yuradi. Eng yuqori rusum esa 200 km masofani bosadi. Gibrid tizimda 1,5 litrli atmosferali dvigatel saqlangan. Uning quvvati 82 kVt. Elektr motor esa 160 kVt dan 175 kVt...

O‘zbekiston va Turkmaniston davlat rahbarlari ishtirokidagi kengaytirilgan muzokaralar yakunida Qo‘shma bayonot imzolandi. Bu haqda prezident matbuot xizmati xabar berdi.

Bundan tashqari, davlat rahbarlari huzurida quyidagi ikki tomonlama hujjatlarni almashish marosimi bo‘lib o‘tdi:

GWM 2026-yilda yangilangan Cannon pikaplar qatorini 21-noyabr kuni Guangzhou avtosalonida taqdim etadi. Bu haqda CarNewsChina xabar bermoqda.

Model qatori uch turdan iborat bo‘ladi. Ular yo‘lovchi uchun mo‘ljallangan Cannon, off-road Cannon va tijoriy Cannon. Har biri tashqi ko‘rinish, salon va texnik qism bo‘yicha alohida yangilanishlarga ega bo‘ladi.

Yo‘lovchi Cannon modeli Coffee OS 3 tizimi bilan ta’minlanadi. Bu tizim salon ichidagi texnologiya va ulanish imkoniyatlarini kuchaytiradi. Off-road Cannon modeli esa BorgWarner 4A+ MLock tizimiga ega bo‘ladi. Unda uchta differensial blokirovka mavjud bo‘lib, og‘ir yo‘llarda o‘tish qobiliyatini sezilarli oshiradi.

Tijoriy Cannon old qismida o‘zgarishga ega. Model ikki linzali LED faralar va qo‘shimcha...