Yangiliklar

Amerikaning Consumer Reports tashkiloti 2026-yil modelidagi eng ishonchsiz avtomobillar ro‘yxatini e’lon qildi. Reyting avtomobil egalari fikrlariga asoslangan. Tadqiqotda qariyb 380 ming haydovchining so‘rovlari tahlil qilingan.

Mutaxassislar uzatmalar qutisi, elektronika, batareya, dvigatel va dasturiy ta’minot bilan bog‘liq muammolarni hisobga olgan. Natijada 2026-yil modellari orasida eng ko‘p nosozlik qayd etilgan 10 ta krossover aniqlangan.

Chrysler Pacifica Hybrid

Ishonchlilik indeksi 100 balldan 28 ball. Modelning muammolari transmissiya va avtomobilni boshqarishning elektron tizimlaridagi nosozliklarni o‘z ichiga oladi. Ushbu mashinada akkumulyator batareyalarining yonishi va dvigatelning to‘satdan to‘xtashi holatlari qayd etilgan.

Honda Prologue

Ishonchlilik indeksi 100 balldan 25 ball. Dasturiy ta’minotdagi nosozlik...

U-23 Osiyo kubogida ishtirok etayotgan barcha terma jamoalarning o‘rtacha yoshi hisoblab chiqildi. Unga ko‘ra, O‘zbekiston va Yaponiya olimpiya terma jamoalari musobaqaning eng yosh ishtirokchilari ekani qayd etildi.

Ro‘yxatga ko‘ra Yaponiya olimpiyachilarining o‘rtacha yili 2005,65 ni tashkil etgan. O‘zbekistonlik futbolchilar esa 2005,52 ko‘rsatkich bilan ikkinchi o‘rinda. Shuningdek, keyingi pog‘onalarda Avstraliya (2004,52), Iordaniya(2004,52) va Eron (2004,43) jamoalari o‘rin olgan.

Musobaqaga eng yoshi katta tarkib bilan tashrif buyurganlar orasida Vyetnam (2003,87), Suriya (2003,83) va O‘zbekiston terma jamoasi bilan «C» guruhida joy olgan Livan terma jamoasi bor. Eslatib o‘tamiz, turnir doirasida 10-yanvar kuni O‘zbekiston va Eron terma jamoalari to‘qnash keladi.

Avvalroq kursiv Uzbekistan...

2021–2025-yillar davomida xorijiy til bo‘yicha xalqaro imtihonlardan 70 foizdan yuqori natija qayd etgan 56,4 ming nafar yoshga jami 111 milliard so‘mdan ortiq mablag‘ kompensatsiya qilib berildi. Bu haqda Yoshlar ishlari agentligi e’lon qilgan rasmiy ma’lumotlarda keltirilgan.

Joriy yil uchun ajratilgan mablag‘lar Xalq banki orqali to‘liq moliyalashtirilgani qayd etildi.

Hududlar kesimida eng katta mablag‘ Toshkent shahriga to‘g‘ri kelib, bu yerda 19,1 ming nafar yoshga qariyb 39 mlrd so‘m to‘lab berilgan. Shuningdek, Buxoro, Farg‘ona, Samarqand va Namangan viloyatlarida ham minglab yoshlar xalqaro sertifikatlar asosida kompensatsiya olishga muvaffaq bo‘lgan. Eng kam ko‘rsatkich Sirdaryo viloyatida qayd etilgan.

Imtihon turlari bo‘yicha eng katta ulush...

BMTning Comtrade platformasi ma’lumotlariga ko‘ra, Markaziy Osiyodagi uch davlat Rossiyadan shokolad import qiluvchi eng yirik o‘nta mamlakat qatoriga kirdi.

Qozog‘iston, Belarus va O‘zbekiston 2025-yilning yanvar – sentabr oylarida Rossiya shokoladining eng yirik xaridorlariga aylandi. «Agroexport» mahsulot eksportini rivojlantirish federal markazining ma’lumotlariga ko‘ra, yanvardan sentabrgacha Qozog‘iston kompaniyalari $192 millionlik mahsulot import qilgan, Belarus Rossiyadan $123 millionlik va O‘zbekiston $68 milliondan ortiq qiymatdagi shokolad sotib olgan.

To‘rtinchi va beshinchi o‘rinlarda mos ravishda Ozarbayjon ($48 million) va Armaniston ($28,5 million), undan keyin Qirg‘iziston ($26,1 million), Gruziya ($19,5 million) va Xitoy ($14,4 million) joylashgan.

Moldova ($7,7 million) va Serbiya ($6,8 million) ham kuchli...

Ijtimoiy himoya milliy agentligining xabar berishicha, 2025-yilning noyabr oyida Oʻzbekistonda ehtiyojmand oilalarga 1,2 trln soʻmga teng bir martalik moddiy yordam toʻlab berildi.

Ushbu pullarni olgan oilalar soni 1 mln 161 mingdan ortiqni tashkil qiladi. Agentlik ajratilgan moddiy yordamlar hisobiga fuqarolar isitish mavsumi uchun ko‘mir zaxirasi yaratish, elektr energiyasi va tabiiy gaz uchun to‘lovlarni amalga oshirish imkoniga ega bo‘lgani, bu esa ehtiyojmand aholi xarajatlarini kamaytirishga xizmat qilayotganini yozgan.

Ta’kidlanishicha, ehtiyojmand oilalarga elektr energiyasi bo‘yicha oyiga bazaviy me’yordan ortiq 150 kVtgacha va tabiiy gaz bo‘yicha isitish mavsumida 250 kub metrgacha (isitish mavsumidan tashqari oylar uchun 150 kub metr) ortiq foydalanilgan...

Angliya Premyer-ligasining 21-turi doirasida «Manchester Siti» o‘z maydonida «Brayton»ni qabul qilib, 1:1 hisobida durang qayd etdi. «Shaharliklar» safida harakat qilayotgan Abduqodir Husanov uchrashuvni asosiy tarkibda boshlab, to‘liq 90 daqiqa harakat qildi.

Abduqodir Husanov 80 marta to‘pga tegib, amalga oshirgan 71 ta uzatmasining 66 tasini aniq manzilga yetkazdi. Sofascore portali o‘zbekistonlik futbolchining harakatlarini 7,1 ball bilan baholadi. Uchrashuvning eng yaxshi futbolchisi deb «Manchester Siti» a’zosi Rayan Sherki (7,9 ball) topilgan bo‘lsa, «Brayton»ning goliga mualliflik qilgan Kaoru Mitoma 7,8 ballga loyiq ko‘rildi.

O‘yindan so‘ng «Manchester Siti» bosh murabbiyi Pep Gvardiola Husanov haqida iliq fikrlar bildirdi. Mutaxassis, shuningdek, Husanov o‘yin jarayoniga faolroq...

Honor Magic 8 RSR Porsche Design va Magic 8 Pro Air smartfonlarining dizayni taqdim etildi. Bu haqda ITHome xabar bermoqda. Qurilmalar rasmiy taqdimoti 2026-yil fevral oyida bo‘lib o‘tishi kutilmoqda.

Ma’lumotlarga ko‘ra, Honor Magic 8 RSR Porsche Design 6,71 dyuymli LTPO-displey bilan jihozlanadi. Ekran 1,5K aniqlikni taklif qiladi. Smartfon 7200 mA/soat sig‘imli batareyaga ega bo‘ladi. Qurilma 120 Vt quvvatga ega simli tezkor zaryadlashni va simsiz quvvatlashni qo‘llab-quvvatlaydi.

Model 3D-ultratovushli barmoq izi skaneri va 3D-yuzni aniqlash tizimiga ega bo‘ladi. Himoya darajasi IP68, IP69 va IP69K standartlariga mos keladi.

Magic 8 Pro Air esa yanada yupqa va yengil flagman sifatida taqdim etiladi...

Dr. Reddy’s Laboratories Ltd kompaniyasining O‘zbekistondagi vakolatxonasidan olingan rasmiy ma’lumotga asosan, «Telsartan H» 80 mg/12,5 mg dori vositasining ayrim seriyasi bozor muomalasidan qaytarib olinmoqda. Bu haqda Farmatsevtika mahsulotlari xavfsizligi markazi ma’lum qildi.

Xususan, «Telsartan H» preparatining C2501976 seriyasida faol modda – gidroxlorotiazid miqdori belgilangan me’yorlardan chetga chiqqani aniqlangan. Mazkur holat dori vositasining sifat ko‘rsatkichlariga oid nomuvofiqlik sifatida baholangan. Shu bilan birga, O‘zbekiston hududida muomalaga kiritilgan C2501977 seriyasida bunday nomuvofiqlik qayd etilmagan.

Biroq C2501977 seriyasi ham nomuvofiqlik aniqlangan seriya bilan bir xil ishlab chiqarish lotiga mansub faol modda asosida tayyorlangani sababli, ehtimoliy xavflarning oldini olish maqsadida profilaktik chora sifatida bozordan...

Wildberries & Russ qo‘shma kompaniyasi O‘zbekistonda WB Taxi rahbari lavozimiga Timur Aliyevni tayinladi. Bu haqda kompaniya matbuot xizmati Kursiv Uzbekistan’ga ma’lum qildi.

Yangi lavozimida u biznesning barqaror ishlash modelini yo‘lga qo‘yish, hamkorlar, haydovchilar va taksi parklar bilan munosabatlarni rivojlantirish uchun mas’ul bo‘ladi.

WB Taxi’ga kelishidan oldin Timur Aliyev O‘zbekistonda Yandex Go xizmatiga rahbarlik qilgan va 7 ta shaharda taksi xizmatini ishga tushirishga mas’ul bo‘lgan.

Timur Aliyev haydovchilar uchun barqaror va shaffof ekotizim yaratishga alohida e’tibor qaratgan. Uning rahbarligi ostida birinchi flitli taksi parki ishga tushirilgan, Yandex Fleet mahsuloti joriy qilingan, Toshkent aeroportida birinchi liniyaga avtomobil buyurtma qilish xizmati yo‘lga...

Yandex Maps mobil ilovasi yangilandi. Endi tadbirkorlar smartfon orqali tashkilot profillarini yaratishi va tahrirlashi mumkin. Bu haqda kompaniya matbuot xizmati «Kursiv» nashriga ma’lum qildi.

So‘rovnomalarga ko‘ra, O‘zbekiston aholisining 36 foizi xaritalardan kamida oyiga bir marta foydalanadi. Aholining 65 foizi esa joy qidirishda aynan xarita xizmatlariga murojaat qiladi. Shu sabab biznes uchun xaritadagi to‘g‘ri va to‘liq profil muhim ahamiyatga ega.

Yangilanishdan so‘ng tadbirkorlar telefon orqali tashkilotni xaritaga qo‘sha oladi. Profil sozlashda faoliyat toifasini to‘g‘ri tanlash muhim. Bu potensial mijozlar tomonidan topilish ehtimolini oshiradi.

Mobil ilovada manzil, telefon raqami, veb-sayt va ish vaqtini tahrirlash mumkin. Ijtimoiy tarmoqlarga havolalar qo‘shish imkoniyati ham bor...

2025-yil yanvar – noyabr oylarida O‘zbekiston Qozog‘istondan ozuqaviy un xarid qilish hajmini qariyb ikki baravar oshirdi. Dekabr boshiga kelib yetkazib berish hajmi 7,8 ming tonnaga yetdi. Bu haqda «APK-Inform» ma’lumot berdi.

O‘zbekistonga yetkazib berish hajmining oshishi Qozog‘istonda ozuqaviy un eksportining keskin ko‘payishi fonida kuzatilmoqda. 11 oy davomida ushbu mahsulot eksporti 2,65 mln tonnani tashkil etdi. Bu ko‘rsatkich 2024-yilga nisbatan 2,5 baravardan ko‘proq.

Qozog‘iston ozuqaviy unining asosiy bozori hanuz Xitoy bo‘lib qolmoqda. Shu bilan birga, Markaziy Osiyo davlatlari, jumladan, O‘zbekiston va Tojikiston ham import hajmini oshirmoqda. Masalan, Tojikiston dekabr boshiga qadar 11,44 ming tonna un import qilgan.

Eslatib o‘tamiz, avvalroq...

Amerikalik investor, Rogers Holdings kompaniyasi egasi Jim Rojers Rossiya va AQShdagi barcha aktivlarini sotib, pullarini O‘zbekiston iqtisodiyotiga kiritdi. Bu haqda u «RBK» nashriga bergan intervyusida aytdi.

Rojersning aytishicha, 2025-yilning oxiriga yaqin u Rossiyadagi barcha birja aktivlarini sotgan. Uning so‘zlariga ko‘ra, bitim hech qanday chegirmasiz, oddiy tarzda o‘tgan. Investor Rossiya bozoriga narxlar juda tushib ketsa, yana qaytishi mumkinligini ham istisno qilmagan.

Shuningdek, u AQSh iqtisodiyotiga kiritilgan investitsiyalarini ham sotib yuborganini aytgan, chunki u bozor pasayishini va sun’iy intellekt atrofidagi ko‘tarilish tushishini kutmoqda. Shu bilan birga, u portfeliga noodatiy yo‘nalish – O‘zbekiston kompaniyalari aksiyalarini qo‘shgan. Investor 2021-yildayoq Forbes nashriga bergan intervyusida...

So‘nggi kunlarda kuzatilayotgan noqulay va sovuq havo 17-yanvargacha saqlanib qoladi. Vaziyat yuzasidan Ekologiya va iqlim o‘zgarishi milliy qo‘mitasi raisi o‘rinbosari Iskandar Qutbiddinov rasmiy ma’lumot berdi.

Ta’kidlanishicha, kunduzgi va kechki havo harorati ayrim joylarda 14 darajagacha keskin farq qilayotgani bildirildi. Tuman tushishi va shamol tezligining pasayishi ifloslantiruvchi moddalar tarqalishini qiyinlashtirmoqda. Natijada zararli moddalarning atmosfera havosida to‘planishi kuchaymoqda.

Ma’lumotga ko‘ra, Maxsus komissiya faoliyati to‘xtatilmagan. U aholini muntazam xabardor qilmoqda va tegishli tashkilotlar ishini muvofiqlashtirmoqda. Asosiy e’tibor sanoat va xo‘jalik subyektlarida ekologik reydlar hamda nazorat tadbirlariga qaratilgan.

Noqulay ob-havo sharoitida antropogen yuklamani kamaytirish maqsadida ayrim korxonalarning quvvatlari cheklanmoqda. Zarur holatlarda ishlab chiqarish...

BMW kompaniyasi Xitoy bozorida 31 ta modelning rasmiy narxlarini chegirmada qayta ko‘rib chiqdi. Bu haqda Mydrivers avtonashri ma’lum qildi.

Eng arzon model 225L M Sport Package bo‘lib, yangi narxi 208 ming yuan ($29,7 ming) atrofida. Elektrik krossover iX1 narxi 228 ming yuan ($32,6 ming) ga tushirildi. Eng katta chegirma esa i7 M70L modelida berildi – 1,59 mln yuan ($228,3 ming).

Modellar va ularning chegirmadagi narxlari quyidagicha:

BMWning rasmiy bayonotiga ko‘ra, kompaniya 2026-yilda yangi avlod to‘liq elektromobilini taqdim etmoqchi. Birinchi model Xitoy bozoriga moslashtirilgan iX3 bo‘lib, u shu yili ishlab chiqariladi.

Ma’lumot uchun, BMWning Xitoy bozoridagi sotuvlari so‘nggi...

AQShda ayrim Chevrolet avtomobillarining narxlari oshgan. Bu haqda GMAutority xabar bermoqda.

2026-yilgi Chevrolet Tahoe modeli LS versiyasida orqa yuritma bilan $63,5 mingdan boshlanadi. LT komplektatsiyasi $66,5 mingdan taklif etilmoqda. Yo‘ldan tashqariga mo‘ljallangan Z71 $73,5 mingdan boshlanadi. Eng qimmat variant esa 4WD va 3,0 litrli Duramax dizel dvigateliga ega High Country bo‘lib, uning narxi $87,0 mingga yetdi.

Chevrolet Suburban esa an’anaviy ravishda qimmatroq. LS versiyasi $66,5 mingdan boshlanadi. LT $69,5 mingdan, Z71 $76,5 mingdan taklif etiladi. Eng yuqori narx Premier komplektatsiyasiga to‘g‘ri keladi. 4WD va 6,2 litrli V8 dvigatelga ega variant $92,4 mingga baholandi.

Har ikkala model 2025-yildagi restayling...

Qozog‘iston dunyoning eng yirik 50 ta iqtisodiyoti qatoriga kirgan yagona Markaziy Osiyo davlatiga aylandi.

Ushbu mamlakat dunyoning eng yirik iqtisodiyotlari orasida 50-o‘rinni egalladi, yalpi ichki mahsuloti taxminan $300 milliardni tashkil etdi. Bundan tashqari, Xalqaro valyuta jamg‘armasi ma’lumotlariga ko‘ra, mamlakat so‘nggi 25 yil ichida o‘rtacha yillik iqtisodiy o‘sish bo‘yicha yetakchi beshlik qatoriga kirdi.

Xalqaro valyuta jamg‘armasining so‘nggi Jahon iqtisodiy istiqbollari ma’lumotlariga asoslangan infografikaga ko‘ra, Qozog‘iston iqtisodiyoti 2000-yildan 2025-yilgacha yiliga o‘rtacha 5,6 foizga o‘sgan. Ushbu ko‘rsatkich mamlakatni dunyodagi eng yirik iqtisodiyotlar orasida beshinchi o‘ringa qo‘ydi.

Bu davrda faqat Xitoy (8 foiz), Vyetnam va Hindiston (6,4 foiz) va Bangladesh...

Mercedes-Benz CES 2026 ko‘rgazmasida mashhur Mercedes-Benz GLC krossoverining to‘liq elektr versiyasini namoyish etdi. Ushbu model avtomobil sanoati tarixida ilk bor rasmiy sertifikatlangan charmsiz salon variantini taklif qilmoqda.

Vegan Package deb nomlangan interyerda hayvonlardan olingan hech qanday material ishlatilmagan. Salon elementlari hayvonlar ustida sinovdan ham o‘tkazilmagan. Bu holat Vegan Society tomonidan tasdiqlangan. Tashkilot Mercedes-Benz’ning ta’minot zanjirini ikki yildan ortiq vaqt davomida auditdan o‘tkazib, 100 dan ortiq komponentni tekshirgan.

Audit jarayonida sun’iy charm, tekstil, gilamchalar va shift qoplamalari alohida ko‘rib chiqildi. Tarkibida hayvon mahsulotlari bo‘lgan qismlar muqobil materiallar bilan almashtirildi. Shuningdek, interyerdan hayvoniy komponentlar bilan ifloslanish xavfi minimallashtirildi. Elektr GLC salonida...

World Car of the Year mukofotining 2026-yil uchun yarim finalchilari ma’lum qilindi. Unga ko‘ra, tashkilotchilar 58 ta nomzod orasidan asosiy sovrin uchun da’vogarlik qiladigan 10 ta avtomobilni va qo‘shimcha besh nominatsiya bo‘yicha beshtadan modelni saralab oldi. Finalchilar 3-mart kuni, g‘oliblar esa 1-aprel kuni Nyu-Yorkda e’lon qilinadi.

Asosiy nominatsiya, ya’ni World Car of the Year 2026 uchun kurashda Audi Q5/SQ5, BMW iX3, BYD Seal 6 DM-i, Hyundai Ioniq 9, Hyundai Palisade, Kia EV4, Kia EV5, Mercedes-Benz CLA, Nissan Leaf va Toyota RAV4 modellari qatnashadi. Ro‘yxatda elektromobillar, gibridlar va an’anaviy ichki yonuv dvigatelli mashinalar birgalikda kiritilgani bozor yo‘nalishlari qanday o‘zgarayotganini ko‘rsatadi.

Xitoyning Autohome nashri sovuq ob-havo sharoitida gibrid avtomobillarning yurish zaxirasini aniqlash bo‘yicha keng ko‘lamli sinov natijalarini e’lon qildi.

Tadqiqotlar mamlakatning eng sovuq hududlaridan biri — Ichki Mongoliyadagi Yakesh shahrida, -10 dan -25 darajagacha bo‘lgan haroratda o‘tkazildi. Sinovlar yakuniga ko‘ra, Geely kompaniyasiga tegishli Galaxy A7 modeli eng yaxshi natijani qayd etib, qish sharoitida ming kilometrdan ortiq masofani bosib o‘tgan yagona gibrid avtomobil bo‘ldi.

Sinov jarayonida turli segmentlarga mansub 18 ta gibrid model ishtirok etdi. Barcha avtomobillar bir xil sharoitda, soatiga 70 km tezlikda harakatlangan. Sinov boshlanishidan oldin mashinalar to‘liq quvvatlangan va ishlab chiqaruvchi tavsiya etgan oktan sonidagi benzin bilan to‘ldirilgan...

Beijing Hyundai kompaniyasi Xitoy bozorida avtomobillar narxini pasaytirish bo‘yicha yangi aksiyani boshladi. Bu haqda Autohome nashri ma’lum qildi.

Unga ko‘ra, beshta mashhur model narxi yanvar oxirigacha pasaytirilgan bo‘lib, chegirma miqdori 10 ming yuanga (taxminan $1,4 ming) yetadi.

Chegirma narxlar va modellar ro‘yxati:

Shuningdek, eski avtomobilini yangisiga almashtirayotgan mijozlar uchun qo‘shimcha subsidiyalar 10 ming yuangacha (taxminan $1,4 ming) taqdim etiladi. Barcha chegirmalar to‘g‘ridan to‘g‘ri ishlab chiqaruvchi tomonidan beriladi.

Eslatib o‘tamiz, avvalroq Kia avtomobillarining narxlari pasaygani haqida xabar bergan edik.

Motorola yangi flagman Motorola Signature smartfonini rasman namoyish qildi. Qurilma Buyuk Britaniya va Germaniyada 1000 yevroga sotiladi.

Motorola Signature faqat bitta konfiguratsiyada sotuvga chiqadi. Smartfon 12 GB tezkor xotira va 512 GB ichki xotiraga ega. Hozircha oldindan buyurtmalar ochilmagan. Foydalanuvchilarga faqat sotuvlar boshlanishi haqida xabardor bo‘lish uchun sayt orqali ariza qoldirish taklif etilmoqda.

Qurilma flagman sifatida joylashtirilgan bo‘lsa-da, u Qualcomm ishlab chiqqan Snapdragon 8 Gen 5 platformasiga asoslangan. Smartfon 6,8 dyuymli AMOLED displey bilan jihozlangan. Ekran 165 Hz yangilanish chastotasini va 6 200 kandelagacha yetadigan yuqori yorqinlik darajasini taklif qiladi.

Kamera tizimi ham flagman darajasida. Old kamera 50 MP...

Xalqaro valyuta jamg‘armasi konsultanti va Angliya bankining sobiq eksperti Simon Grayga ko‘ra, Markaziy bankning valyuta bozoridagi faol ishtiroki hanuz sezilarli darajada saqlanib qolmoqda. Ekspert bu haqda O‘zbekiston Markaziy bankida o‘tkazilgan «Inflyatsion targetlash rejimida suzuvchi valyuta kursining ahamiyati» mavzusidagi xalqaro davra suhbatida aytgan.

Simon Gray 2016 – 2017-yillardan boshlab O‘zbekistonda almashuv kursi siyosatini liberallashtirish bo‘yicha amalga oshirilgan islohotlar makroiqtisodiy boshqaruvda muhim burilish yasaganini ta’kidladi. Bu orqali qisqa muddatda yagona va moslashuvchan valyuta kursi joriy etildi hamda narxlarning bozor mexanizmlari asosida shakllanishi uchun sharoit yaratildi.

«Shu bilan birga, Markaziy bankning valyuta bozoridagi faol ishtiroki hanuz sezilarli darajada...

Qashqadaryo viloyatining Ko‘kdala tumanidagi fermer xo‘jaligiga qarashli yer tegishli hujjatlarsiz auksionga chiqarib yuborilgani aniqlandi. Bu haqda Biznes-ombudsman xabar berdi.

Tadbirkorlik subyektlarining huquqlari va qonuniy manfaatlarini himoya qilish bo‘yicha vakilga Ko‘kdalada faoliyat yuritayotgan fermer xo‘jaligi yer maydonini zaxiraga qaytarish to‘g‘risidagi qarordan norozi bo‘lib, murojaat yo‘llagan.

Ma’lum bo‘lishicha, xalq deputatlari Ko‘kdala tumani Kengashi qarori bilan fermer xo‘jaligiga tegishli 500 gektar yer maydoni «o‘z xohishi bilan qaytarilgan» degan asosda zaxiraga olingan va auksionga chiqarilgan. Vaholanki, fermer yerdan voz kechish bo‘yicha notarial tasdiqlangan ariza bermagan.

Shu tariqa viloyat kengashining qarori bilan quyi kengashning noqonuniy qarori bekor qilindi va fermerning 500 gektar yeri auksion...

AQSh prezidenti Donald Tramp 66 ta xalqaro tashkilotdagi a’zolikni to‘xtatish to‘g‘risidagi memorandumni imzoladi. Bu haqda 7-yanvar kuni Oq uyning rasmiy sahifasida ma’lum qilindi.

Qarorga ko‘ra, AQSh ushbu tashkilotlar faoliyati mamlakat manfaatlariga javob bermaydi, deb hisoblamoqda.

Ma’lum qilinishicha, AQSh chiqayotgan tashkilotlarning 31 tasi BMT tizimi doirasida, yana 35 tasi esa BMTdan tashqarida faoliyat yuritadi. Oq uy bayonotida qayd etilishicha, mazkur tuzilmalar endi AQSh milliy manfaatlariga xizmat qilmaydi. Tashkilotlarning to‘liq ro‘yxati Oq uyning rasmiy saytida e’lon qilingan.

Ro‘yxatdan Ukrainadagi Ilmiy-texnologik markaz (ommaviy qirg‘in qurollarining tarqalishini oldini olish maqsadida tuzilgan), Venetsiya komissiyasi, BMT Bosh kotibining bolalarga nisbatan zo‘ravonlik masalalari bo‘yicha maxsus vakili...