Yangiliklar

Navoiy viloyatida atmosfera havosini ifloslantirgan korxona faoliyatiga nisbatan qat’iy choralar ko‘rildi. Bu haqda Ekologiya qo’mitasi xabar berdi.

Ijtimoiy tarmoqlarda Qizilqum fosforit kompleksi korxonasi tomonidan havoga zararli moddalar chiqarilayotgani haqida tarqalgan xabarlar yuzasidan viloyat Ekologiya va iqlim o‘zgarishi bosh boshqarmasi tomonidan tekshiruv o‘tkazildi.

Tekshiruv natijasida Konimex tumanida joylashgan mazkur korxonaning ishlab chiqarish sexlarida Davlat ekologik ekspertizasi xulosasida belgilangan talablar to‘liq bajarilmagani aniqlandi. Xususan, 28-sonli manbadan chiqarilgan fosforit changi belgilangan me’yordan 3,5 barobar yuqori ekani qayd etildi.

Shuningdek, korxona tomonidan Tashkura karyerida noruda qazilmalarini qazib olish bo‘yicha atrof-muhitga ta’sirini baholash hujjatlari ishlab chiqilgan bo‘lsa-da, Davlat ekologik ekspertizasidan rasmiy xulosa...

AQSh Venesuela hukumatiga birinchi neft savdosidan olingan barcha $500 mlnni qaytarib berdi. Bu haqda Reuters agentligi xabar qildi.

AQSh rasmiylariga ko‘ra, so‘nggi $200 mln ham Venesuelaga yuborilgan, shu tariqa dastlabki savdodan olingan barcha mablag‘ Venesuela hukumatiga yetkazilgan. Mablag‘ Venesuela xalqining manfaatlari uchun AQSh hukumati qaroriga muvofiq sarflanishi lozimligi ta’kidlandi.

Bu bitim o‘tgan oy Karakas va Vashington o‘rtasida erishilgan kelishuv doirasida amalga oshirildi. Bitim prezident Nikolas Maduro AQSh harbiy operatsiyasi doirasida qo‘lga olinganidan so‘ng tuzildi.

AQSh davlat kotibi Marko Rubio Kongressdagi eshituvda bu jarayon vaqtincha chora ekanini, maqsad Venesuelaning iqtisodiy barqarorligini saqlash, hukumat funksiyalarini davom ettirish va...

SpaceX kompaniyasining Starlink tizimi Tojikistonda yuqori tezlikdagi internet xizmati ishga tushganini e’lon qildi. Tegishli litsenziya shartnomasi 2025-yil oktabr oyida «Dushanbe Invest – 2025» forumi doirasida imzolangan. Bu haqda Asia-Plus nashri xabar bermoqda.

«Tojiktelekom» bosh direktori Baxtovar Abdusattorzodaning ta’kidlashicha, loyiha an’anaviy infratuzilma o‘tkazish qiyin bo‘lgan tog‘li va chegaradosh hududlarni qamrab olishga qaratilgan. Birinchi navbatda maktablar, shifoxonalar va qishloq ma’muriyatlari kabi davlat hamda ijtimoiy muassasalar tarmoqqa ulanadi.

Starlink xizmatlari milliy hamkor «Tojiktelekom» OAJ orqali ko‘rsatiladi. Ushbu model davlatga trafikni nazorat qilish, kiberxavfsizlikni ta’minlash va tariflarni milliy qonunchilikka muvofiq tartibga solish imkonini beradi. Barcha tijoriy kelishuvlar mahalliy provayder orqali amalga oshirilishi belgilangan.

Endi Google Meet va Microsoft Teams foydalanuvchilari bir-birining videokonferensiyalariga qo‘shila oladi. Bu haqda Neowin nashri ma’lum qildi.

Endi Google Workspace korporativ foydalanuvchilari Google Meet orqali Microsoft Teams videokonferensiyalariga qo‘shila olishadi va aksincha. Google Meet konfiguratsiyasidan Teams yig‘ilishlariga qo‘shilish uchun Chrome OS asosidagi maxsus Google Meet uskuna talab qilinadi. Microsoft Teams Room orqali Google Meet yig‘ilishlariga qo‘shilish uchun esa Windows asosidagi Microsoft Teams Rooms uskuna ishlatiladi.

Google Meet uskunalari odatda Chromebox hisoblash bloki, video uchun aqlli kamera, qo‘ng‘iroqlarni boshqarish uchun sensorli kontroller va aks-sado va fon shovqinni yo‘q qiluvchi spikerfonni o‘z ichiga oladi. Microsoft Teams Rooms to‘plamlari esa Windows...

Pokiston kuchlari Balujiston viloyatidagi Nushki shaharchasini isyonchilardan ozod qilish operatsiyasi yakunlandi. Bu haqda Reuters agentligi ma’lum qildi.

Politsiya ma’lumotlariga ko‘ra, janubi-g‘arbiy Nushki shaharchasida uch kun davom etgan to‘qnashuvlarda 58 nafar tinch aholi va xavfsizlik xodimi halok bo‘lgan. 31-yanvar kuni Balujiston ozodlik armiyasi (BOA) tomonidan uyushtirilgan koordinatsiyalangan hujumlar viloyatning katta qismini izdan chiqargan. Isyonchilar portlovchi moddalar ishlatib, xavfsizlik kuchlari bilan otishmalar amalga oshirgan.

Xavfsizlik rasmiylari 197 jangarini o‘ldirilganini, ulardan 41 nafari isyonchilarning hujumlaridan oldingi harbiy operatsiyalar davomida nobud bo‘lganini bildirdi. BOA jangchilari maktablar, banklar, bozorlar va xavfsizlik inshootlariga hujum qilib, 22 xavfsizlik xodimi va 36 tinch aholini yo‘q qilgan...

Spotify qo‘shiq matnlari funksiyasida bir qator yangilanishlar joriy etdi. Bu haqda Tech Crunch ma’lum qildi.

Endi foydalanuvchilar qo‘shiq matnlarini global darajada tarjima qilib ko‘rishlari mumkin, shuningdek, Premium abonentlar uchun oflayn rejimda matnlarni ko‘rish imkoniyati taqdim etildi. Funksiya ilova ichida yangi, ko‘proq ko‘zga ko‘rinadigan joyga — albom rasmi yoki musiqa bilan birga ijro etiladigan qisqa video ostiga ko‘chirildi. Spotify ma’lumotiga ko‘ra, foydalanuvchi testlari matnlarni shu joyga ko‘chirish o‘zaro aloqani oshirganini ko‘rsatgan.

Yangi «lyric previews» funksiyasi iOS va Android ilovalarida, smartfon va planshet foydalanuvchilari uchun global miqyosda joriy etiladi. Bepul va pullik abonentlar ham ushbu funksiyadan foydalanishlari mumkin, oflayn ko‘rish...

Davlat organlarining fuqarolar murojaatlari bilan ishlash faoliyatini baholash tartibi yangilandi. Bu haqda Adliya vazirligi ma’lum qildi.

Vazirlar Mahkamasining 2026-yil 30-yanvardagi 40-son qarori bilan Hukumatning ayrim qarorlariga o‘zgartirish va qo‘shimchalar kiritildi. Xususan, 2018-yil 7-maydagi 341-son qarorga qo‘shimchalar kiritilib, davlat organlari, davlat muassasalari va davlat ishtirokidagi tashkilotlar hamda ularning mansabdor shaxslarining jismoniy va yuridik shaxslar murojaatlari bilan ishlash faoliyatini baholash va toifalash to‘g‘risidagi nizom tasdiqlandi.

Mazkur nizom talablari prezident Virtual qabulxonasi orqali ro‘yxatga olingan va davlat organlariga ijro uchun yo‘naltirilgan murojaatlarga nisbatan tatbiq etiladi.

Davlat organlarining murojaatlar bilan ishlash faoliyati ro‘yxatga olingan, qanoatlantirilgan, rad etilgan, ijro muddati buzilgan va takroriy...

O‘zbekiston Pokiston bilan harbiy-texnik sohalarda hamkorlikni kengaytiradi. Shavkat Mirziyoyev Islomobod shahriga tashrifi chogʻida Pokistonning Global sanoat va mudofaa yechimlari kompaniyasi bosh qarorgohida bo‘ldi.

Davlat rahbari u yerda Mudofaa kuchlari Oliy Bosh qoʻmondoni — Qurolli Kuchlarning quruqlikdagi qoʻshinlari qoʻmondoni, feldmarshal Asim Munir bilan uchrashuv o‘tkazdi. Uchrashuvda Oʻzbekiston va Pokiston o‘rtasidagi hamkorlik, xususan, strategik sheriklikni yanada mustahkamlash masalalari muhokama qilindi.

Harbiy va harbiy-texnik sohalarda hamkorlikni kengaytirish, xavfsizlikka tahdid solayotgan muammolarga birgalikda qarshi kurashish muhimligi ta’kidlandi.

Tomonlar mudofaa sanoati korxonalari o‘rtasidagi hamkorlikni kuchaytirish, harbiy mutaxassislarni tayyorlash, tajriba almashish va qo‘shma harbiy mashg‘ulotlar o‘tkazish masalalariga alohida e’tibor qaratdi. Shuningdek, transport va...

O‘zbekistonda dorixonalar 2025-yilda salkam 8 milliard so‘m asossiz daromad oldi. Bu haqda Raqobat qo‘mitasi xabar berdi.

Qo‘mitaga ko‘ra, dorilarga belgilangan cheklangan savdo ustamalarini oshirish holatlari bo‘yicha huquqbuzarlik Soliq organi tizimida aniqlanib, Fair tech axborot platformasiga yuboriladi.

O‘tgan yilda ham ushbu tizimga kelib tushgan xabarlar asosida 765 ta dorixonada 267 ming 456 ta holatda 7,95 milliard so‘m miqdorda asossiz daromad olingani aniqlandi. Pullar iste’molchilar foydasiga qayta hisob-kitob qilindi.

Qayd etilishicha, iste’molchilardan dori vositalarining narxlarini asossiz oshirish natijasida olingan mablag‘larning eng ko‘p miqdori Surxondaryoda aniqlangan. U yerdagi 53 ta dorixonada 9445 ta holatda 1 milliard 570,2 million so‘m asossiz olingan.

21-yanvar kuni suratga olingan videoda Qo‘qon avtomobil bozoridagi bir nechta ommabop model bo‘yicha narxlar aytildi. Sotuvchilar ko‘p hollarda texnik imkoniyatlari va yurgan masofasining omillarini narxga asos sifatida ko‘rsatadi.

Tracker narxlari qanday shakllandi

Bozorda 2023-yil Chevrolet Tracker’ning «Premier» komplektatsiyasi $15,5 ming atrofida taklif qilindi. Videoda mashina 46 ming km yurgani, benzin ekani va bozor kelishuvga ochiqligi aytiladi.

Yana bir Tracker 2024-yil bo‘lib, 17 ming km yurgan. Sotuvchi bu variantni $14,1 mingdan past bermasligini qayd etgan. Shu segmentda 2024-yil «LS» ko‘rinishi ham uchraydi. U 56 ming km yurgan, propan o‘rnatilgani aytilgan va narxi $15,2 ming deb ko‘rsatilmoqda.

Bozorda «Premier Plus...

Oliy Majlis Senatining 13-yalpi majlisida «Shaxsga doir ma’lumotlar to‘g‘risida»gi qonunga kiritilgan o‘zgartirishlar ma’qullandi. Mazkur hujjat xalqaro to‘lov tizimlarining O‘zbekiston bozoriga kirishini osonlashtirish va frilanserlar faoliyatini qo‘llab-quvvatlashga qaratilgan.

Bugungi kunda o‘zbekistonlik dasturchi va frilanserlar o‘z mahsulotlarini xorijga sotishda «Upwork», «Fiverr», «Envato» hamda «Storyblocks» kabi platformalardan foydalanmoqda. Biroq ushbu platformalardagi asosiy to‘lov vositasi bo‘lgan PayPal va boshqa tizimlari O‘zbekiston bank kartalari bilan to‘liq ishlamaydi. Bunga amaldagi qonunchilikdagi serverlarni va shaxsga doir ma’lumotlarni faqat O‘zbekiston hududida saqlash talabi to‘siq bo‘lib kelayotgan edi.

Shuningdek, Vazirlar Mahkamasiga shaxsga doir ma’lumotlar xavfsizligi ta’minlangan davlatlar ro‘yxatini tasdiqlash vakolati berilmoqda. Senatorlarning fikricha, ushbu o‘zgarishlar fintex va elektron...

Nigeriyaning Kvara va Katsina shtatlarida qurolli shaxslar tomonidan amalga oshirilgan ketma-ket hujumlar natijasida qariyb 200 kishi hayotdan ko‘z yumdi. Bu haqda Reuters xabar bermoqda.

Hudud deputati Saidu Baba Ahmedning ma’lum qilishicha, birgina markaziy Kvara shtatidagi Voro jamoasida kamida 170 kishi o‘ldirilgan. Bu joriy yilda Niger shtati bilan chegaradosh hududda qayd etilgan eng qonli hujum hisoblanadi. Guvohlarning so‘zlariga ko‘ra, jangarilar aholini bir joyga to‘plab, qo‘llarini ortiga bog‘lagan holda qatl etgan hamda uylar va do‘konlarga o‘t qo‘ygan.

Aholi vakillarining ta’kidlashicha, hujumchilar mahalliy xalqdan Nigeriya davlatiga bo‘ysunishdan voz kechib, shariat qonunlariga o‘tishni talab qilgan. Odamlar qarshilik ko‘rsatgach jangarilar o‘t ochgan.

5-fevral kuni Leonardo to‘foni Pireney yarim oroliga kuchli yomg‘ir va shamol olib keldi. Portugaliyada suv toshqini mashinani oqizib ketishi oqibatida bir erkak halok bo‘ldi. Bu haqda Reuters xabar bermoqda.

Portugaliya rasmiylariga ko‘ra, chorshanba kuni janubiy Alenteju mintaqasida yoshi 70 atrofidagi erkak suv ombori yaqinidagi suv bosgan yo‘lda avtomobili bilan oqib ketishi oqibatida vafot etgan. Ispaniyaning janubiy Malaga provinsiyasida esa itini qutqarishga uringan qiz Turvilla daryosiga tushib ketib, bedarak yo‘qolgan.

«Biz kecha tushdan keyin va tun bo‘yi qiz daryoga tushgan joydan daryoning oxirigacha qidiruv ishlarini olib bordik. Itni topdik, ammo qizni emas», – dedi Malaga o‘t...

O‘zbekiston tashqi ishlar vaziri Baxtiyor Saidov va AQSh davlat kotibi o‘rinbosari Kristofer Landau ikki mamlakat hukumatlari o‘rtasida muhim minerallar va noyob yer elementlarini qazib olish hamda qayta ishlashda ta’minot xavfsizligini ta’minlash bo‘yicha o‘zaro anglashuv memorandumini imzoladi. Bu haqda vazir Saidov o‘zining Telegram sahifasida ma’lum qildi.

Hujjat imzolanishi Qo‘shma Shtatlarda bo‘lib o‘tgan muhim minerallar bo‘yicha vazirlar uchrashuvi doirasida bo‘lib o‘tdi.

«Biz o‘ta muhim minerallarni nafaqat iqtisodiy imkoniyat, balki mas’uliyatli hamkorlik va uzoq muddatli barqaror rivojlanish uchun muhim yo‘nalish sifatida ko‘ramiz. Biz AQSh davlat kotibi o‘rinbosari Kristofer Landau bilan samarali uchrashuv o‘tkazdik», – deb yozdi u.

O‘zbekiston milliy terma jamoasi bosh murabbiyi Fabio Kannavaro tarkibni shakllantirishda futbolchining yoshi emas, balki maydondagi harakati va xarakteri birlamchi ekanini ma’lum qildi.

Italiyalik mutaxassis yosh iqtidorlarni asosiy jamoaga jalb etish bo‘yicha o‘z qarashlarini tushuntirar ekan, iste’dod va xarakter eng muhim omil ekanini ta’kidladi. Uning fikricha, tayyor futbolchini «shunchaki yoshi kichik deb» U-20 yoki U-23 jamoalarida qoldirish kerak emas.

«Gap yoshda emas, sifatda. Futbolchining necha yoshga kirganini emas, uning iste’dodi va jangchi sifatidagi xarakteri muhim. Agar futbolchi 17 yoki 19 yoshda bo‘lsa-yu tayyor bo‘lsa, demak u milliy jamoada bo‘lishi kerak», – dedi Kannavaro.

Shuningdek, murabbiy...

Oliy Majlis Senatining navbatdagi yalpi majlisida O‘zbekistonda islomiy bank faoliyatini joriy etishga qaratilgan qonun ko‘rib chiqildi va ma’qullandi. Bu haqda Yuqori palata matbuot xizmati xabar berdi.

Unga ko‘ra, yangi qonun moliyaviy xizmatlar qamrovini kengaytirish va islomiy moliya standartlariga mos muqobil bank xizmatlarini yo‘lga qo‘yishni nazarda tutadi. Shu maqsadda 2 ta kodeks va 7 ta qonunga islomiy bank faoliyatining huquqiy asoslarini belgilovchi o‘zgartirish va qo‘shimchalar kiritilmoqda.

Qonun bilan islomiy bank faoliyatini amalga oshirish uchun alohida litsenziya turi joriy etiladi. Ushbu litsenziya banklarga faqat islomiy bank xizmatlarini ko‘rsatish yoki bir vaqtning o‘zida ham an’anaviy, ham islomiy bank faoliyati bilan shug‘ullanish imkonini beradi.

Qashqadaryoda 21,7 kg marixuana va Toshkent viloyatida salkam 29 ming kuchli ta’sir qiluvchi modda hamda gashish sotayotganlar qo‘lga olindi. Bu haqda Davlat xavfsizlik xizmati xabar berdi.

Jumladan, Kitob tumanida o‘tkazilgan tezkor tadbirda 1979 va 1983-yillarda tug‘ilgan aka-ukalarning yashash xonadonlari tegishli tartibda ko‘zdan kechirilgan. Natijada gugurt qutilarga hamda sintetik qoplarga joylangan jami og‘irligi 21 kg 712 g bo‘lgan marixuana borligi aniqlanib, protsessual tartibda rasmiylashtirib olindi. Hozirda ularga nisbatan Jinoyat kodeksining 25, 273-moddasi 5-qismi bilan jinoyat ishi qo‘zg‘atilib, qamoq ehtiyot chorasi qo‘llandi.

Shuningdek, Bekobod shahrida yashovchi, 1976-yilda tug‘ilgan, muqaddam bir necha marotaba sudlangan shaxs xorijda ishlab chiqarilgan hamda tarkibida sibutramin kuchli...

6-fevral uchun valyutalar kursi yangilandi. Unga ko‘ra, dollar 13,71 so‘mga oshib, 12 279,48 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

30-yanvarda 32,13 so‘mga oshib, 12 199,10 so‘mni  tashkil etdi. 2-fevral kuni dollar 26,06 so‘mga oshib, 12 225,16 so‘mga yetgandi. 3-fevral kuni 17,01 so‘mga oshib, 12 242,17 so‘mni, 4-fevral kuni 16,21 so‘mga oshib, 12 258, 38 so‘mni, 5-fevral kuni 7,39 so‘mga oshib, 12 265,77 so‘mni tashkil qildi.

Markaziy bank ma’lumotlariga ko‘ra, yevro 16,02 so‘mga oshib, 14 508,21 so‘mni, rubl 0,18 so‘mga oshib, 159,25 so‘mni tashkil qildi.

Eslatib o‘tamiz, Kursiv Uzbekistan nashri hafta...

Hindistonning Nyu-Dehli shahrida o‘tayotgan o‘q otish sporti bo‘yicha Osiyo chempionatida O‘zbekiston terma jamoasi a’zolari navbatdagi yirik g‘alabaga erishdi. Bu haqda MOQ xabar bermoqda.

5-fevral kuni Muhammad Kamalov va Nigina Saidqulova pnevmatik to‘pponchadan 10 metrdan otish (mikst) dasturida qatnashib, finalda yuqori aniqlik namoyish qilishdi. Sportchilarimiz bellashuvlar davomida 481.3 ball jamg‘arishga muvaffaq bo‘ldi. Ushbu ko‘rsatkich mazkur yo‘nalish bo‘yicha yangi Osiyo va jahon rekordi sifatida qayd etildi.

O‘zbekiston delegatsiyasi musobaqani ko‘tarinki ruhda boshlagan edi. 4-fevral kuni 10 metrdan pnevmatik to‘pponchadan otish bo‘yicha yakkalik bahslarida Vladimir Svechnikov barcha raqiblarini ortda qoldirib, qit’ada tengsiz ekanini isbotladi va terma jamoa hisobiga oltin medalni qo‘shib qo‘ydi.

Digital Chat Station ma’lumotiga ko‘ra, smartfonlar uchun magnitli kamera va obyektiv modullari endi ommaviy ishlab chiqarishni rejalashtirish bosqichiga o‘tgan.

Aniq muddatlar hali tasdiqlanmagan bo‘lsa-da, tajriba sifatida ko‘rilgan yechim endi tijoriy bozorga chiqishga tayyor ekanini ko‘rsatadi.

Manba qaysi brend ekanini aniq aytmagan, biroq eng asosiy nomzod sifatida Xiaomi tilga olinmoqda. O‘tgan yili kompaniya Xiaomi 15 seriyasi bilan birga modulli optik tizimni namoyish qilgan edi. Uni Xiaomi rahbari Ley Jun jonli efirda ko‘rsatib, loyiha hozircha ichki dastlabki ishlanmalar bosqichida ekanini ta’kidlagan.

Gap magnit orqali ulanadigan va olinadigan obyektiv haqida ketmoqda. Unda Micro Four Thirds formatidagi maxsus sensor va to‘liq asferik optika...

O‘zbekistonda endi maxsus avtomatlashtirilgan foto va video qayd etish texnika vositalari orqali qayd etiladigan ma’muriy huquqbuzarliklarning qat’iy ro‘yxati tasdiqlandi. Bu bo‘yicha Ma’muriy javobgarlik to‘g‘risidagi kodeksga qo‘shimcha va o‘zgartirishlar kiritildi.

Unga ko‘ra, xavfsizlik kamaridan foydalanish qoidalariga rioya etmaslik, transportni boshqarish vaqtida telefondan foydalanish, belgilangan harakat tezligini soatiga 20 kilometrdan ko‘p bo‘lmagan kattalikda oshirib yuborish hamda to‘xtash yoki to‘xtab turish qoidalarini buzish va boshqalar ana shu ro‘yxatga kiritilgan.

Shuningdek, mazkur huquqbuzarliklar uchun jazo qo‘llash muddatlari aniq belgilandi. Yo‘l qoidalari buzilgani foto va video qayd etish texnika vositalari orqali qayd etilganda ma’muriy jazo huquqbuzarlik sodir etilgan kundan e’tiboran 1 oydan kechiktirmay...

Yo‘lda telefondan foydalangan avtomobil boshqaruvchilarga endi ma’muriy ogohlantirish qo‘llaniladi. 2026-yil 4-fevralda qabul qilingan qonun bilan Ma’muriy javobgarlik to‘g‘risidagi kodeksga qo‘shimcha va o‘zgartirishlar kiritildi.

Unga ko‘ra, yo‘l harakati xavfsizligi bilan bog‘liq kam ahamiyatli huquqbuzarliklar uchun ma’muriy ogohlantirish jazosi qo‘llanilishi belgilandi.

Ma’muriy ogohlantirish huquqbuzarlik sodir etgan shaxsni qonunga xilof xatti-harakatlarga yo‘l qo‘ymaslik haqida ogohlantirish va unga rasmiy tanbeh berishdan iborat.

Ma’muriy ogohlantirish yozma yoki elektron shaklda qo‘llanadi. Mazkur jazo Ma’muriy javobgarlik to‘g‘risidagi kodeksning 125-moddasi 1 va 2-qismlari, 128¹, 128², 128⁶, 135¹-moddalari hamda 138-moddasi 1 va 2-qismlarida nazarda tutilgan quyidagi huquqbuzarliklarga nisbatan qo‘llanadi:

2025-yilda O‘zbekiston respublika tovar-xom ashyo birjasi (O‘zRTXB)da qimmatbaho metallar savdosi 59 foizga o‘sdi. Bu haqda Kursiv Uzbekistan muxbiri ma’lum qildi. Birjada 4,3 tonna oltin, 323 kg kumush sotilgan.

Ko‘rib chiqilayotgan davrda birjada 1 gramm oltin uchun shakllangan o‘rtacha haftalik kotirovka sezilarli darajada oshdi. Xususan, oltin narxi 1 096,0 ming so‘mdan 1 664,9 ming so‘mgacha ko‘tarilib, 52% lik o‘sishni qayd etdi.

2025-yil yakunlariga ko‘ra O‘zbekiston respublika tovar-xom ashyo birjasida tuzilgan bitimlarning umumiy hajmi 2024-yilga nisbatan 31% ga oshib, birja savdolari hajmi 24% ga, elektron davlat xaridlari 46% ga, ko‘rgazma-yarmarka savdolari 9% ga, telefon raqamlarini sotish hajmi esa 55% ga o‘sdi.

Birja...

Xitoyning Avatr brendi Huawei’ning yangi avlod lidar tizimi bilan jihozlangan ilk universal Avatr 06T modelining rasmiy tasvirlarini e’lon qildi. Bu haqda CarNewsChina xabar bermoqda.

Yangi model mavjud Avatr 06 sedan bazasida yaratilgan va ilg‘or haydovchiga yordam beruvchi tizimlar bilan jihozlanadi.

Avatr 06T tashqi dizayn jihatidan sedan versiyasi bilan deyarli bir xil old qismga ega. Orqa qismda esa butun kenglik bo‘ylab cho‘zilgan yagona fonarlar, tom qismida spoyler va old tomda tomga o‘rnatilgan lidar ko‘zga tashlanadi. Raqamli tashqi oynalar saqlab qolingan. Shu bilan birga, eshik tutqichlari yangilanib, endi yarim yashirin shaklda bajarilgan.

Model Huawei’ning yangi avlod lidar texnologiyasi asosida ishlovchi ilg‘or...