Yangiliklar

O‘zbekistonda oltin quymalar narxi keskin pasayishni davom etmoqda. Bu haqda Markaziy bank axborot xizmati xabar berdi.

28-oktabr holatiga ko‘ra, narxlar barcha toifadagi quymalar bo‘yicha tushdi. Xususan, 5 grammli quyma 8,173 mln so‘mdan 7,967 mln so‘mga, 10 grammli quyma 16,346 mln so‘mdan 15,934 mln so‘mga, 20 grammli quyma 32,693 mln so‘mdan 31,867 mln so‘mga pastladi.

Shuningdek, 50 grammli quyma 79,668 mln so‘m, 100 grammli esa 159,336 mln so‘mni tashkil etdi.

Jahon bozorida ham oltin narxi pasayishni davom etmoqda. Xususan, 28-oktabr kuni Toshkent vaqti bilan soat 10:20 holatiga ko‘ra, jahon bozorida oltinning spot narxi bir troya unsiyasi uchun $3972,57 ni tashkil etdi.

Eslatib...

Honor Magic 8 Ultra smartfoni haqida dastlabki texnik ma’lumotlar oshkor qilindi. Bu haqda Gizmochina xabar berdi.

Yangi smartfon Snapdragon 8 Elite Gen 5 protsessori bilan jihozlanadi. Qurilma 6,7 dyuymli LTPO OLED displeyga ega bo‘lib, 1,5K o‘lchamda tasvir beradi. Ekran yon tomondan egilgan, ultratovushli barmoq izi skaneri va 3D yuzni aniqlash tizimi o‘rnatiladi.

Asosiy kamera tizimi 50 megapikselli OmniVision OV50R sensori asosida ishlaydi. Ushbu sensor yuqori dinamik diapazonga ega va 2026-yilning birinchi choragida ommaviy ishlab chiqarishga kirishi kutilmoqda. Shuningdek, smartfon 200 megapikselli periskop teleobyektivga ega bo‘ladi, u 4,3 – 7 martagacha optik zumni ta’minlaydi.

Honor Magic 8 Ultra MagicOS...

O‘zbekiston Tashqi ishlar vaziri Baxtiyor Saidov Serbiyaning O‘zbekistondagi yangi tayinlangan Favqulodda va muxtor elchisi Momchilo Babichdan ishonch yorliqlarini qabul qildi. Bu haqda vazir o‘z Telegram kanalida ma’lum qildi.

«Ikki davlat o‘rtasida siyosiy, iqtisodiy, madaniy va boshqa sohalardagi do‘stlik va hamkorlik rishtalarini yanada mustahkamlashga o‘zaro tayyorligimizni bildirdik», – deya qayd etgan Baxtiyor Saidov.

Vazir yangi elchiga mamlakatlar o‘rtasidagi munosabatlarni chuqurlashtirish yo‘lidagi mas’uliyatli faoliyatida muvaffaqiyatlar tiladi.

Avvalroq O‘zbekistonning Iroqda yangi tayinlangan Favqulodda va muxtor elchisi Ayubxon Yunusov mamlakat prezidenti Abdullatif Rashidga ishonch yorliqlarini topshirgani xabar qilingandi. Tantanali marosimdan so‘ng Iroq prezidenti O‘zbekiston rahbari Shavkat Mirziyoyev bilan avvalgi uchrashuvlarini iliq so‘zlar bilan esladi va ikki...

OnePlus kompaniyasi tomonidan yangi OnePlus Tablet 2 plansheti rasman taqdim etildi. Bu haqda ITHome nashri xabar bermoqda.

Qurilma OnePlus 15 va OnePlus Ace 6 smartfonlari bilan birgalikda namoyish qilindi.

Yangi planshet uch xil versiyada sotuvga chiqadi:

OnePlus Tablet 2 12,1 dyuymli 3K displey (3000×2120 piksel) bilan jihozlangan. Ekran yorqinligi 900 nitgacha, yangilanish chastotasi esa 144 Hz.

Planshet MediaTek Dimensity 9400+ protsessori asosida ishlaydi. Qurilma sovitish tizimi maydoni 46 600 mm² bo‘lib, korpus qalinligi atigi 5,99 mm, og‘irligi esa 579 grammni tashkil etadi.

Model qutidan Android...

Xalqaro valyuta jamg‘armasi (XVJ)ning oktabr oyidagi hisobotida qayd etilishicha, 2026-yilda global iqtisodiyot ehtiyotkor o‘sish va noaniqlik davriga kiradi. Hisobotda jahon iqtisodiy rivojlanishi fragmentatsiya va proteksionizmning kuchayishi sabab sekinlashayotgani ta’kidlangan.

XVJ mutaxassislariga ko‘ra, asosiy xavf omillari sifatida texnologik kompaniyalar aksiyalarining haddan tashqari baholanishi va davlat institutlari mustaqilligining susayishi ko‘rsatib o‘tilgan.

Tashkilot reytingi mamlakatlarning nominal yalpi ichki mahsuloti (YIM) asosida shakllantirilgan bo‘lib, har bir iqtisodiyotning jahon YIMdagi ulushini aks ettiradi.

Osiyo — yangi global iqtisodiy markaz

XVJ prognozlariga ko‘ra, 2026-yilda Osiyo dunyodagi eng yirik iqtisodiy mintaqaga aylanadi. Bunga Xitoy, Yaponiya va Hindistonning ulushi sabab bo‘ladi. Mintaqa jami YIM hajmi bo‘yicha...

Tesla kompaniyasi bosh direktori Ilon Mask taklif etilgan $1 trln.lik maosh paketi tasdiqlanmasa, lavozimini tark etishi mumkin. Bu haqda kompaniya kengashi raisi Robin Denholm aksiyadorlarga yo‘llagan xatida ma’lum qildi, deya yozmoqda Reuters.

Denholmning so‘zlariga ko‘ra, ushbu mukofot rejasi Maskni kamida yana yetti yarim yil davomida Tesla’ni boshqarishda davom etishga undash uchun ishlab chiqilgan.

Tesla kengashi esa so‘nggi paytlarda aksiyadorlar manfaatlarini himoya qilmagani va Maskning ta’siri ustidan nazorat yetarli emasligi uchun tanqidga uchramoqda. Mazkur masala 6-noyabrda bo‘lib o‘tadigan yillik yig‘ilishda qayta ko‘rib chiqiladi.

Eslatib o‘tamiz, avvalroq Ilon Mask asos solgan SpaceX Starship raketasining 11-parvozi muvaffaqiyatli yakunlangani haqida yozgan edik.

Yamaykada yilning eng kuchli tabiiy ofati kutilmoqda. Hukumat aholiga uyda qolish va evakuatsiya ko‘rsatmalariga amal qilishni buyurdi. Yamayka hukumati 27-oktabr kuni «Melisa» to‘foni sababli favqulodda holat e’lon qildi.

Soatiga 280 km tezlikda esayotgan shamollar tufayli orolga 1851-yildan beri kuzatilgan eng kuchli to‘fon zarba berishi mumkin.

Ma’lumotlarga ko‘ra, «Melisa» 5-toifali to‘fon bo‘lib, markaziy bosimi past va shamol tezligi bo‘yicha hozircha dunyodagi eng kuchlisi hisoblanadi. To‘fon 28-oktabr, seshanba tongida Yamaykaning janubi-g‘arbiy qismiga urilishi kutilmoqda.

Poytaxt Kingston yaqinida xavfli kuchdagi shamollar allaqachon sezila boshlagan. Rasmiylarga ko‘ra, Yamaykada kamida 3 kishi halok bo‘lgan, Gaiti va Dominikan Respublikasida esa 4 nafar qurbon qayd etilgan.

O‘zbekiston Prezidenti administratsiyasi rahbari Saida Mirziyoyeva AQSh prezidentining Janubiy va Markaziy Osiyo bo‘yicha maxsus vakili Serjio Gor va davlat kotibi o‘rinbosari Kristofer Landau boshchiligidagi delegatsiya bilan uchrashdi. Bu haqda Mirziyoyeva Telegram’dagi rasmiy sahifasida ma’lum qildi.

Uchrashuvda AQShning yuqori martabali vakillari so‘nggi sakkiz yilda prezident Shavkat Mirziyoyev rahbarligida O‘zbekistonda amalga oshirilayotgan islohotlarning tezligi va ko‘lami yuqori baholanishini ta’kidladi.

Shuningdek, tomonlar savdo sohasidagi yangi imkoniyatlar va jamoat xavfsizligi yo‘nalishida hamkorlikni kuchaytirish masalalarini muhokama qildi. Saida Mirziyoyeva bunday uchrashuvlar mamlakatlar o‘rtasidagi salohiyatni chuqurroq tushunishga va qo‘shma loyihalarni amalga oshirishga zamin yaratishini qayd etdi.

Uning so‘zlariga ko‘ra, O‘zbekiston ochiqlik siyosati tufayli ta’lim, madaniyat...

Geymerlar uchun eng kuchli telefonni olish uchun RGB chiroqlar va qo‘shimcha sovitkichlar shart emas. Kursiv Uzbekistan Palach nashriga atayanib, geymerlar uchun eng yaxshi Xiaomi smartfonlari haqida ma’lumotlarni bir joyga jamladi.

Xiaomi Poco F7 Ultra — kuchli flagman

Poco F7 Ultra — 2025-yilning premium darajadagi modeli. Sportkar uslubidagi qora va sariq dizayni bilan ajralib turadi. Qurilmada Snapdragon 8 Elite protsessori, 12 GB tezkor xotira va 512 GB doimiy xotira mavjud.

144 Hz chastotali AMOLED displey va bug‘ kamerali sovitish tizimi o‘yin paytida barqaror ishlashni ta’minlaydi. 5300 mA/soatli batareya 120 Vt tezkor zaryadlashni qo‘llab-quvvatlaydi. Atigi 20 daqiqada to‘liq zaryad.

Banklar 28-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.

OnePlus kompaniyasi tomonidan yangi OnePlus 15 smartfoni rasman taqdim etildi. Eng qiziqarli yangiliklardan biri kamera tizimida Hasselblad brendi ishtirok etmaydi.

GSMArena nashri qurilma yordamida olingan birinchi real suratlarni e’lon qildi. Rasmlar turli modullarda – asosiy kamera, teleobyektiv va ultra keng burchakli linza yordamida olingan. Ularda kunduzgi ham, tungi tasvirlar ham bor.

OnePlus 15 uchta 50 megapikselli Sony IMX906 sensori bilan jihozlangan. Asosiy modul keng burchakli obyektivga ega, telekamera esa 120 martagacha raqamli zumni qo‘llab-quvvatlaydi. Suratlarda ranglar tabiiy, kontrast muvozanatli va tungi rejimda ham tafsilotlar yuqori aniqlikda saqlanadi.

OnePlus’ning yangi modeli nafaqat kuchli kamerasi, balki qayta ishlangan dizayni, yangilangan OLED...

Toshkent xalqaro aeroportida rekonstruksiya ishlari yakunlanib, yangilangan uchib kelish zali, ochiq terassa va VIP zal foydalanishga topshirildi. Bu haqda Uzbekistan Airports ma’lum qildi.

Zal fasadi 2200 kvadrat metrga kengaytirilib, kutib oluvchilar uchun hudud 5000 kvadrat metrga yetdi. Bu yerda qahvaxona, ichimliklar barlari, muzqaymoq va gul do‘konlari ochiladi.

Avtomobillar uchun ikki yo‘lakli tizim joriy etildi: biri sayyohlik avtobuslari va rasmiy taksilar, ikkinchisi shaxsiy mashinalar va taksi agregatorlari uchun. To‘xtash vaqti 10 daqiqa bilan cheklangan, nazorat kameralar orqali amalga oshiriladi.

P2 va P3 avtoturargohlari birlashtirilib, joylar soni 347 taga yetkazildi. Kutib oluvchilarga uzoq kutish uchun avtoturargohdan foydalanish tavsiya etiladi.

2200 kvadrat...

Amazon kompaniyasi 30 mingtagacha ofis xodimlarini qisqartirishni boshlaydi. Bu pandemiya davridagi ortiqcha yollash va hozirgi xarajatlarni kamaytirish zarurati bilan izohlanmoqda, deya xabar beradi Reuters.

Qisqartirish kompaniyaning jami 1,55 mln ishchisining kichik qismini, biroq 350 ming korporativ xodimining qariyb 10 foizini tashkil etadi. Bu 2022-yildan buyon Amazon’dagi eng yirik qisqartirish hisoblanadi.

Bo‘limlar qatorida inson resurslari (PXT), qurilmalar va xizmatlar, shuningdek, Amazon Web Services (AWS) mavjud. Manbalarga ko‘ra, ayrim bo‘limlarda 15 foizgacha qisqartirish amalga oshirilishi mumkin.

Amazon rahbari Endi Jassi byurokratiyani kamaytirish va sun’iy intellekt yordamida samaradorlikni oshirishni maqsad qilgan. Unga ko‘ra, AI texnologiyalari takroriy vazifalarni avtomatlashtirish orqali xodimlar sonini qisqartirish...

Toshkentda 12 ta yo‘nalishdagi avtobuslar yangisiga almashtirildi, Luvrda o‘g‘irlangan taqinchoqlar ishi bo‘yicha ikki kishi hibsga olindi — 27-oktabrning muhim hodisalari «Kursiv» dayjestida.

Toshkentda 12 ta yo‘nalishdagi avtobuslar yangisiga almashtirildi

2025-yil 27-oktabrdan boshlab Toshkentda 12 ta yo‘nalish bo‘yicha yangi elektrobuslar harakat boshladi. Bu haqda «Toshshahartransxizmat» aksiyadorlik jamiyati xabar berdi.

Joriy yilning 13-oktabr kuni mazkur jamiyat harakat tarkibini yangilash maqsadida Xitoyda ishlab chiqarilgan 202 dona Yutong rusumli elektrobuslarni qabul qilgandi. Ushbu elektrobuslar bugundan ikkita bosqichda harakatlana boshladi.

Toshkentda topilgan chiyabo‘ri hayvonot bog‘iga topshirildi

Poytaxtning Mirzo Ulug‘bek tumani Darxon mahallasida topilgan yovvoyi chiyabo‘ri hayvonot bog‘iga topshirildi. Bu haqda Ekologiya...

28-oktabr kuni mamlakat hududida chang-to‘zonlar kuzatilishi mumkin. Harorat kechasi 5–15°, kunduzi 17–26° atrofida bo‘ladi, deya xabar bermoqda «O‘zgidromet» agentligi.

Quyida ob-havo ma’lumoti viloyatlar kesimida:

O‘zbekistonning xususiy aviakompaniyasi Qanot Sharq Germaniyada ishlab chiqilgan birinchi Airbus A321XLR samolyotini yaqin kunlarda qabul qiladi. Bu haqda Aerotime ma’lum qildi.

Ushbu samolyot kompaniya uchun ijaraga olingan uchta A321XLR’ning birinchisi bo‘lib, Markaziy Osiyoda xizmatga kiradigan ilk A321XLR bo‘ladi.

Yangi samolyot Qanot Sharqning ko‘k va oq rangdagi milliy dizaynida bo‘yoqlangan va 2025-yil oxirigacha parvozlarni boshlashi kutilmoqda.

2021-yilda tashkil etilgan Qanot Sharq hozirda faqat Airbus samolyotlaridan foydalanadi. Kompaniya o‘z parvoz tarmog‘ini Yaqin Sharq, Yevropa, Osiyo va AQSH yo‘nalishlariga kengaytirish niyatida. Shu maqsadda aviakompaniya Toshkent – Budapesht – Nyu-York yo‘nalishida haftasiga ikki marta parvozlar yo‘lga qo‘yish uchun ruxsat so‘ragan.

Agar loyiha tasdiqlansa...

Hindiston va Xitoy o‘rtasida besh yillik tanaffusdan so‘ng to‘g‘ridan to‘g‘ri aviaqatnovlar qayta tiklandi. Bu haqda CNN agentligi ma’lum qildi.

Unga ko‘ra, yakshanba kuni kechqurun «IndiGo» aviakompaniyasining Kolkata – Guanchjou yo‘nalishidagi 6E 1703 reysi amalga oshirildi.

Parvozlar 2020-yil boshida COVID-19 pandemiyasi boshlanganida to‘xtatilgan edi. Keyinchalik ikki davlat chegarasida yuz bergan qurolli to‘qnashuv sababli qatnovlar uzoq davom etmagan.

Endilikda ikki davlat o‘rtasidagi iliqlashayotgan munosabatlar natijasida parvozlar bosqichma-bosqich qayta yo‘lga qo‘yilmoqda. Xitoyning Hindistondagi elchixonasi vakili Yu Jing bu yangilikni «Xitoy va Hindiston o‘rtasidagi to‘g‘ridan to‘g‘ri parvozlar endi haqiqat» deb e’lon qildi.

9-noyabrda «China Eastern Airlines» Shanxay – Dehli reysini qayta ochadi, 10-noyabrda...

Shavkat Mirziyoyev geologiya tizimini rivojlantirish va sohada ilg‘or xalqaro tajribani joriy etish masalalari bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Yig‘ilishda qazilma boyliklar resurs bazasini kengaytirish, mineral xomashyoni chuqur qayta ishlash hamda zamonaviy ilmiy va texnologik yondashuvlarni tatbiq etish dolzarb vazifalardan biri ekaniga e’tibor qaratildi.

Mutaxassislar sun’iy intellekt yordamida yangi konlarni aniqlash, geofizik tadqiqotlarni kengaytirish va raqamli texnologiyalarni qo‘llash imkoniyatlarini taqdim etdilar. Xususan, AQShning Kolorado konchilik maktabi bilan hamkorlikda ilmiy tadqiqot va amaliy ishlanmalarni birlashtiruvchi Kompetensiyalar markazini tashkil etish loyihasi ishlab chiqilmoqda.

Markaz raqamli yechimlar, aerogeofizik texnologiyalar va geokimyoviy tadqiqotlar orqali istiqbolli konlarni aniqlash...

Kamerun prezidenti Pol Biya sakkizinchi muddatga qayta saylandi. Bu esa unga deyarli 100 yoshgacha hokimiyatda qolish imkonini beradi, deya xabar bermoqda CNN agentligi.

92 yoshli Biya 1982-yilda prezident lavozimini egallagan va shundan beri hokimiyatni mustahkam qo‘lida ushlab kelmoqda. U 2008-yilda prezidentlik muddatiga qo‘yilgan cheklovni bekor qilgan va har bir saylovda katta ustunlik bilan g‘alaba qozongan.

Bu yilgi saylovda uning eng kuchli raqibi 70 yoshlarning oxiridagi Issa Chiroma Bakari bo‘ldi. U ilgari hukumat matbuot kotibi va bandlik vaziri lavozimlarida ishlagan, ammo bu yil Biya bilan kelishmovchilikka borib, muxolifat partiyalari va fuqarolik guruhlari koalitsiyasi tomonidan qo‘llab-quvvatlangan keng ko‘lamli kampaniyani boshlagan.

Eslatib...

Shavkat Mirziyoyev AQSh prezidentining Janubiy va Markaziy Osiyo bo‘yicha maxsus vakili Serjio Gor boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda AQSh Davlat kotibining o‘rinbosari Kristofer Landau ham ishtirok etdi.

Suhbat chog‘ida ikki davlat o‘rtasidagi strategik sheriklikni rivojlantirish, sanoat, energetika, raqamlashtirish, moliya va qishloq xo‘jaligi sohalarida hamkorlikni kengaytirish masalalari muhokama qilindi.

Serjio Gor Prezident Mirziyoyevga AQSh prezidenti Donald Trampning salomini yetkazdi. Tomonlar siyosiy muloqotning faollashgani, savdo aloqalarining kengaygani va «Yo‘l xaritasi» doirasidagi loyihalar izchil amalga oshirilayotganini qayd etdilar.

Shuningdek, xavfsizlik, terrorizm va noqonuniy migratsiyaga qarshi kurashishdagi hamkorlikni kuchaytirish muhimligi ta’kidlandi. Uchrashuvda kelasi...

Uzum milliy raqamli ekotizimi 400 mlrd so‘mlik ikkinchi obligatsiyalar chiqarilishini tayyorlayotganini ma’lum qildi. Bu haqda kompaniya matbuot xizmati Kursiv Uzbekistan’ga xabar berdi.

Bu miqdor kompaniyaning birinchi muvaffaqiyatli joylashtiruviga nisbatan ancha katta bo‘lib, qarz kapitali bozoridagi o‘rnini mustahkamlash va investitsiya imkoniyatlarini kengaytirishga qaratilgan.

Yangi obligatsiyalar 24 foiz kupon stavkasi bilan 2 yil muddatga mo‘ljallangan bo‘lib, har biri 100 mln so‘m nominal qiymatga ega. Ular «Toshkent» Respublika fond birjasida joylashtiriladi.

Uzum moliyaviy direktori Nikita Gulyayevning ta’kidlashicha, ikkinchi chiqarilish investorlar ishonchining oshganidan dalolat beradi. Kompaniya obligatsiyalarini daromadlilik va risk darajasi nisbati bo‘yicha bozordagi eng muvozanatli vositalardan biri sifatida baholamoqda.

Ma’lumot uchun, Uzum ekotizimi...

O‘zbekiston fuqarolari endilikda energiya tejamkor isitish tizimlarini o‘rnatish uchun davlat tomonidan ajratiladigan subsidiyalardan foydalana oladi. Bu haqda Adliya vazirligi ma’lum qildi.

Yangi tartibga ko‘ra, fuqarolar uylarida energiya tejamkor tizimlar o‘rnatish bilan bog‘liq xarajatlarning bir qismini davlat hisobidan qoplash imkoniyatiga ega bo‘ladi. Nizom quyosh panellari, geliokollektorlar, issiqlik nasoslari hamda boshqa turdagi maishiy isitish moslamalarini o‘rnatish xarajatlarini qisman moliyaviy qo‘llab-quvvatlashni nazarda tutadi.

Bundan tashqari, aholining uylarini energiya auditidan o‘tkazish bilan bog‘liq xarajatlar ham to‘liq davlat tomonidan moliyalashtiriladi.

Subsidiyalar qanday beriladi

Subsidiyani olish uchun fuqaro avvalo energiya auditidan o‘tishi kerak. Faqat mutaxassis xulosasidan so‘ng energiya tejamkor qurilmalar o‘rnatilishi va davlat yordami...

Taekvondo WT bo‘yicha Xitoyda o‘tayotgan Jahon chempionatida O‘zbekiston terma jamoasi navbatdagi medalga ega bo‘ldi. Bu haqda Milliy olimpiya qo‘mitasi xabar berdi.

Ta’kidlanishicha, Svetlana Osipova Xitoy Taypeyi, Janubiy Koreya va Xitoy vakillarini mag‘lub etib finalga yo‘l oldi. Hal qiluvchi bahsda esa turkiyalik kuchli raqibasi Nafisa Kushga imkoniyatni boy berdi.

Shu tariqa Svetlana Jahon chempionatlaridagi uchinchi medaliga ega bo‘ldi. Bungacha unda dunyo birinchiligining bitta oltin va bitta kumush medallari bor edi. Shuningdek, Osipova Parijda o‘tkazilgan Olimpiadaning kumush medali sovrindori sanaladi.

Avvalroq Kursiv Uzbekistan Osipova BAAdagi turnirda g‘olib chiqqani haqida xabar bergan edi.

Toshkentning Yakkasaroy tumanidagi Nukus va Bobur ko‘chalari kesishmasi atrofida 174 tup daraxt va buta kesilgani aniqlandi. Bu haqda Ekologiya vazirligi xabar berdi.

Vazirlik inspektorlari holat yuzasidan bayonnomalar tuzib, 1,5 mlrd so‘mga yaqin zarar hisobladi.

Ma’lumotlarga ko‘ra, holat bo‘yicha to‘plangan barcha hujjatlar qonunchilikda belgilangan tartibda chora ko‘rilishini ta’minlash uchun prokuratura organlariga yuborilgan.

Avvalroq Toshkent shahar hokimligi ham Bobur ko‘chasidagi archalarning kesilgani bilan bog‘liq holatga izoh bergandi.

Unga ko‘ra, obodonlashtirish va ko‘kalamzorlashtirish ishlari doirasida 83 tup piramidasimon gujum daraxti va 62 mingdan ortiq manzarali butalar ekish rejalashtirilgan. Shu jarayonda avval o‘sib turgan o‘simliklarga nisbatan e’tiborsizlikka yo‘l qo‘yilgan. Hokimlik mazkur holat...