Yangiliklar

2026-yil mart oyi uchun eng kuchli Android smartfonlar reytingi e’lon qilindi. Natijalar AnTuTu tomonidan tuzilgan bo‘lib, unda yuqori unumdorlik ko‘rsatgan qurilmalar jamlangan.

Reytingning birinchi pog‘onasini iQOO 15 Ultra egalladi. Ushbu model Snapdragon 8 Elite Gen 5 protsessori va faol sovitish tizimi bilan ajralib turadi hamda o‘rtacha 4,2 million ball natija ko‘rsatgan.

Ikkinchi o‘rinda OnePlus 15T joylashgan bo‘lib, u ham xuddi shu chipsetda ishlaydi. Kuchli uchlikni esa Vivo X300 Pro yakunlab beradi. Bu model MediaTek Dimensity 9500 asosida ishlaydi va 4 milliondan ortiq ball to‘plagan.

Shuningdek, ro‘yxatga Realme GT 8 Pro, Red Magic 11 Pro+ hamda...

3-aprel uchun valyutalar kursi yangilandi. Unga ko‘ra, dollar 7,74 so‘mga oshib, 12 149,84 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

27-mart kuni dollar 8,26 so‘mga oshib, 12 179,87 so‘mni, 30-mart kuni 15,63 so‘mga oshib, 12 195,50 so‘mni tashkil qilgan edi. 31-mart kuni 15,21 so‘mga oshib, 12 210,71 so‘mni tashkil etgan edi. AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi.

Markaziy bank ma’lumotlariga ko‘ra, yevro 76,07 so‘mga oshib, 14 003,91 so‘mni, rubl esa 0,57 so‘mga oshib, 151,10 so‘mni tashkil qildi.

Apple kompaniyasi yangi iPad modellarini taqdim etdi. Taqdimotdan so‘ng ular Toshkentdagi «Malika» bozorida ham sotuvga chiqdi.

Kursiv Uzbekistan sotuvchilar bilan suhbatlashib, narxlar haqida ma’lumot to‘pladi. Unga ko‘ra, qurilmalar turli konfiguratsiyalarda taklif etilmoqda va narxlar model hamda xotira hajmiga qarab farqlanadi.

Eng arzon model sifatida iPad A16 ko‘rsatilmoqda. Uning 128 GB xotiraga ega Wi-Fi versiyasi taxminan $520 – 580 atrofida baholanmoqda. SIM-kartali varianti esa $720 – 800 ni tashkil etadi. 256 GB versiya $620 – 700, 512 GB modeli esa $780 – 880 oralig‘ida sotilmoqda.

iPad mini 7 modeli biroz qimmatroq. 128 GB Wi-Fi varianti $620 – 700, SIM-kartali turi...

WhatsApp kompaniyasi ayrim foydalanuvchilar soxta ilova orqali josuslik dasturiga duch kelganini ma’lum qildi. Bu haqda Tech Crunch nashri xabar berdi.

Kompaniya bayonotiga ko‘ra, taxminan 200 nafar foydalanuvchi, asosan, Italiyada iPhone uchun yaratilgan zararli va norasmiy WhatsApp ilovasini yuklab olgan bo‘lishi mumkin. Ushbu ilova tarkibida josuslik dasturi mavjud bo‘lgan. WhatsApp foydalanuvchilarni akkauntdan chiqarib, soxta ilovani o‘chirib, rasmiy dasturni yuklab olishni tavsiya qilgan.

Kompaniya SIO nomli Italiya kompaniyasini mazkur soxta ilovani yaratishda aybladi. WhatsApp vakilining ta’kidlashicha, hozircha ogohlantirilgan foydalanuvchilarning kimligi haqida qo‘shimcha ma’lumotlar oshkor etilmaydi.

Shuningdek, kompaniya ushbu josuslik faoliyatini to‘xtatish maqsadida SIO’ga nisbatan rasmiy huquqiy talab yuborishni rejalashtirmoqda.

Bundan...

Gretsiyada yuz bergan kuchli qum bo‘roni va shamol oqibatida bir kishi halok bo‘ldi. Bu haqda BBC mahalliy nashrlarga tayanib xabar bermoqda.

Mamlakatning turli hududlarida «Erminio» bo‘roni kuchli shamol va yomg‘irlarni keltirib chiqardi. Ayrim joylarda suv toshqinlari kuzatildi, ko‘chalar suvostida qoldi. Ba’zi maktablar vaqtincha yopilgan. Krit orolida esa Sahroyi Kabir tomondan kelgan chang bo‘roni havoni qizg‘ish rangga bo‘yadi. Shu sabab ayrim reyslar kechiktirildi yoki bekor qilindi. Orol hududida ogohlantirish e’lon qilingan.

Favqulodda xizmatlar bir sutkada yuzlab chaqiruvlarga javob berganini qayd etgan. Asosan, qulagan daraxtlar va suv bosgan hududlar bilan bog‘liq holatlar kuzatilgan.

Kuchli shamol sabab parom qatnovlari ham vaqtincha to‘xtatildi...

Great Wall Motor kompaniyasi yangi avlod yo‘ltanlamaslari – Tank 700 Hi4-T va Tank 700 Hi4-Z modellari uchun oldindan buyurtmalarni rasman boshladi. Bu haqda Carnewschina nashri ma’lum qildi.

Yangi modellarning narxi ham e’lon qilindi: Tank 700 Hi4-T$75,1 ming etib belgilangan bo‘lsa, Tank 700 Hi4-Z $63,5 ming – $69,3 ming oralig‘ida taklif etilmoqda. Har ikkala avtomobil zamonaviy uch ekranli tizim bilan jihozlangan bo‘lib, u 12,3 dyuymli raqamli asboblar paneli, 15,6 dyuymli markaziy displey va orqa yo‘lovchilar uchun 17,3 dyuymli ekranni o‘z ichiga oladi.

Multimedia tizimi Coffee OS platformasida ishlaydi. Audio tizim esa 21 ta karnaydan iborat bo‘lib, umumiy quvvati...

Xitoyda yangi tadbirkorlik formati – bir kishiga asoslangan kompaniyalar tez sur’atlarda ko‘paymoqda. Bu haqda Business Insider nashri xabar berdi.

Bu model sun’iy intellekt texnologiyalarining rivojlanishi bilan bog‘liq bo‘lib, an’anaviy jamoasiz biznes yuritish imkonini bermoqda.

Alibaba prezidenti Kuo Chjanning ta’kidlashicha, bunday kompaniyalar faoliyatida SI agentlar hal qiluvchi rol o‘ynamoqda. Ular tadbirkorlarga mahsulotlarni onlayn platformalarga joylash, ijtimoiy tarmoqlarni yuritish, mijozlar bilan ishlash va boshqa ko‘plab jarayonlarni avtomatlashtirishda yordam beradi.

Yangi model one-person company (OPC) nomi bilan tanilgan bo‘lib, u yakka tadbirkorlarga katta jamoasiz biznesni yo‘lga qo‘yish va kengaytirish imkonini beradi. Avvallari bu kabi operatsion vazifalar kichik biznes uchun katta yuk hisoblangan...

O‘zbekistonda xarid qilingan mobil qurilmalarning IMEI kodlarini ro‘yxatdan o‘tkazish majburiyati iste’molchiga emas, balki import qiluvchi, ishlab chiqaruvchi yoki sotuvchiga yuklatiladi. Bu haqda Raqobat qo‘mitasi ma’lum qildi.

2025-yil davomida qo‘mitaga IMEI kodlari tizimda ro‘yxatdan o‘tmagani va xariddan so‘ng uni iste’molchining o‘zi ro‘yxatdan o‘tkazishga majbur bo‘layotgani bilan bog‘liq 147 ta murojaat kelib tushgan. Ularning 55 tasi ijobiy hal qilingan bo‘lsa, 89 tasiga huquqiy tushuntirish berilgan, qolgan qismi tegishli organlarga yo‘naltirilgan.

Vazirlar Mahkamasining 778-son qaroriga muvofiq, barcha IMEI kodlarini ro‘yxatdan o‘tkazish majburiyati aynan tadbirkorlik subyektlari zimmasidadir. Shuningdek, «Iste’molchilarning huquqlarini himoya qilish to‘g‘risida»gi Qonunga ko‘ra, iste’molchi tovarni erkin tanlash huquqiga ega va sotuvchi...

Xitoyning Nio kompaniyasi ES6, EC6, ET5 va ET5 Touring modellarining yangilangan versiyalarini taqdim etdi. Bu haqda CarNewsChina nashri xabar bermoqda.

Kompaniya so‘nggi paytda, asosan, ES8 modeli hisobiga daromad qilmoqda. 2026-yil yanvar – fevral oylarida ushbu model 28,9 ming dona sotilgan va umumiy savdoning katta qismini tashkil qilgan. Shu sababli boshqa modellar savdosi sustlashgani qayd etildi.

Yangilangan ES6 va EC6 modellari tashqi ko‘rinishda Moon 3.0 dizayn paketiga ega bo‘lgan. Unda kulrang elementlar va 20 dyuymli disklar mavjud. NOA tizimi ishlaganda ko‘k chiroqlar yonadi. Old bamper dizayni ham biroz o‘zgartirilgan.

Salon qismida haydovchi o‘rindig‘i «nol gravitatsiya» funksiyasi qo‘llanilgan. Orqa o‘rindiqlar...

Toshkent shahrining Yashnobod tumanida mast holatda mashina boshqargan Malibu egasi PPX xodimiga qo‘l ko‘tardi. Bu haqda Davlat yo‘l harakati xavfsizligi xizmati matbuot kotibi Zoyir Yo‘ldoshev ma’lum qildi.

Voqea Malibu va Leapmotor avtomobillari ishtirokida yo‘l-transport hodisasidan boshlangan. Ma’lum qilinishicha, to‘qnashuvdan so‘ng haydovchilar o‘rtasida tortishuv kelib chiqqan. Leapmotor haydovchisi 102 raqamiga qo‘ng‘iroq qilib, davlat raqamisiz Malibu haydovchisi avariya sodir etgani va unga nisbatan qo‘pollik qilayotganini bildirgan.

Voqea joyiga yetib kelgan yo‘l-patrul xizmati xodimlari holatni rasmiylashtirish jarayonida Malibu haydovchisining mast ekanini aniqlagan. Unga alkotester orqali tekshiruvdan o‘tish taklif qilingan. Biroq haydovchi xodimlarning qonuniy talabiga bo‘ysunmagan. U faol qarshilik ko‘rsatib, hatto jismoniy kuch...

Slovakiyada yuk tashish va ombor logistikasi sohasida kara haydovchilari uchun vakansiya e’lon qilindi. Bu haqda Migratsiya agentligi xabar bermoqda.

Nomzodlar 21 yoshdan 45 yoshgacha bo‘lishi, rus tilini bilishi va kamida «B» toifali haydovchilik guvohnomasiga ega bo‘lishi kerak. Retrak haydovchilari uchun qo‘shimcha ravishda kamida 1 yillik tajriba va ish jarayonidan video taqdim etish talab qilinadi.

Ish uchun asosiy oylik 1,17 ming yevro etib belgilangan. Bundan tashqari, tungi smenada ishlaganlar uchun qo‘shimcha 100 yevro, bonus sifatida yana 115 yevro to‘lanadi. Qo‘shimcha ish soatlari alohida haq bilan qoplanadi.

Xodimlar uchun bir qator qulayliklar ham ko‘zda tutilgan. Jumladan, ovqatlanish kuniga 6,98 yevro miqdorida...

O‘zbekistonda 2026-yilning yanvar-fevral oylarida 204,4 ming tonna avtomobil benzini ishlab chiqarildi. Bu 2025-yilning mos davridagi ko‘rsatkichdan 2,2 foizga yoki 4,4 ming tonnaga ko‘pdir. Bu haqda Milliy statistika qo‘mitasi xabar bermoqda.

Ma’lumotlarga ko‘ra, 2025-yil davomida jami 1,2 mln tonna benzin tayyorlangan bo‘lib, yanvar-fevral oylarida 189,4 ming tonna mahsulot ishlab chiqarilgan.. 2026-yilning dastlabki ikki oyida esa bu marra 204,4 ming tonnaga yetib, ijobiy o‘sish qayd etilgan.

Biroq sanoatning boshqa asosiy energiya resurslarida pasayish kuzatilmoqda. Xususan, joriy yilning yanvar-fevral oylarida 81 ming tonna dizel va 103,1 ming tonna neft ishlab chiqarilgan. Bu o‘tgan yilning mos o‘rtacha davriga nisbatan dizel bo‘yicha qariyb...

2026-yil 1-aprel kuni bo‘lib o‘tgan FIDE nomzodlar turnirining 4-turida Javohir Sindarov amerikalik Fabiano Karuanani mag‘lub etib, turnir g‘olibligi sari muhim qadam tashladi.

Sindarov qora donalarda o‘ynagan raqibini qiyin ahvolga solib qo‘ydi. 17-yurishdan so‘ng Karuana vaqt muammosiga duch keldi va ustunlikni boy berdi. O‘yindan so‘ng jurnalistlar bilan suhbatda o‘zbekistonlik shaxmatchi o‘z fikrlarini bildirdi.

«Men o‘yin o‘rtasida xatoliklarga yo‘l qo‘ygan bo‘lishim mumkin, ammo umuman olganda juda yaxshi o‘yin o‘tkazdim», – dedi Sindarov.

Ayollar o‘rtasidagi FIDE nomzodlar turnirida Anna Muzichuk Katerina Lagnoni pozitsion o‘yinda mag‘lub etib, umumiy jadvalda Bibisara Asaubaeva bilan qo‘shma peshqadamlikni qo‘lga kiritdi. Shuningdek, Chju...

«Moskvich» kompaniyasi o‘zining «Moskvich 3e» avtomobili yangilanishi haqida ma’lum qildi. «Tarantas Nyus» nashriga ko‘ra, elektromobil joriy yil oxirigacha yangi raqamli imkoniyatlarga ega bo‘ladi.

Yangilanishlar asosiy komponentlarni mahalliylashtirish jarayoni bilan birga olib borilmoqda. Xususan, tortish batareyalarini ishlab chiqarishni Moskva yaqinidagi Krasnaya Paxra hududida yo‘lga qo‘yish rejalashtirilgan. Ayni paytda avtomobilning oynalari, shinalari, diskalari hamda ichki va tashqi detallarining bir qismi allaqachon mahalliylashtirilgan.

Modelda telematik xizmatlar ham joriy etiladi. Ushbu tizim avtomobilni mobil ilova orqali masofadan boshqarish imkonini beradi. Foydalanuvchilar dvigatelni masofadan ishga tushirish yoki o‘chirish, eshiklarni ochish va yopish, shuningdek, salonni oldindan isitish yoki sovitish imkoniyatiga ega bo‘ladi.

Bundan tashqari, ilova...

Samsung kompaniyasi smartfon narxlari oshib borayotgan sharoitda yangi strategiyani joriy qildi. Bu haqda Sammobile nashri xabar bermoqda.

So‘nggi bir yil ichida sun’iy intellekt texnologiyalariga talab ortgani sabab xotira chiplar narxi keskin oshdi. Bu esa smartfonlar narxiga ham ta’sir ko‘rsatmoqda. Ushbu vaziyatda Samsung ishlab chiqarish xarajatlarini kamaytirish maqsadida yetkazib beruvchilarni kengaytirishga qaror qildi. Endilikda kompaniya ayrim qurilmalarda Xitoydan yetkazib beriladigan komponentlardan faolroq foydalanmoqda.

Ma’lumotlarga ko‘ra, o‘rta segmentdagi Galaxy A57 modeli uchun OLED ekranlar Xitoyning CSOT kompaniyasidan olinmoqda. Avval bu panellar asosan Samsung Display tomonidan yetkazib berilar edi. Bundan tashqari, yangi Galaxy Z Flip 7 modeli uchun mentesha yetkazib beruvchisi ham...

O‘zbekistonning birinchi prezidenti Islom Karimovning nabirasi, bloger Maryam Tillayeva otasi bilan qanday yarashgani haqida so‘zlab berdi. Bu haqda u o‘z instagram sahifasida ma’lum qildi.

Blogerning aytishicha, bu jarayon oson kechmagan va ancha vaqt talab qilgan. U otasi bilan yarashish yo‘li murakkab bo‘lganini tan oldi. Maryamga ko‘ra, bu jarayonda uning turmush o‘rtog‘i Arno muhim rol o‘ynagan. Aynan uning qo‘llab-quvvatlashi va ishonchi oilaviy aloqalarni tiklashga yordam bergan.

Maryam Tillayeva 1999-yil 20-yanvarda Toshkentda tug‘ilgan. Uning otasi biznesmen Timur Tillayev, onasi esa Islom Karimovning qizi va O‘zbekistonning YUNESKOdagi sobiq vakili Lola Karimova.

Oilada uchta farzand bor: Maryam, uning ukasi Umar va singlisi Safiya...

Farg‘ona viloyatida 10 kilogrammga yaqin giyohvandlik vositalari savdosi bilan shug‘ullangan shaxslarga sud hukmi o‘qildi. Bu haqda DXX xabar bermoqda.

Davlat xavfsizlik xizmati tomonidan o‘tkazilgan tezkor tadbirda aniqlanishicha, yirik miqdordagi giyohvand moddalar Afg‘onistondan kontrabanda yo‘li bilan olib kirilgan. Ular keyinchalik Surxondaryo hududi orqali Farg‘ona viloyatining Yozyovon tumanidagi dala maydoniga yashirib qo‘yilgan.

Tadbir davomida Marg‘ilon shahrida yashovchi 1983-yilda tug‘ilgan tadbirkor va uning 1989-yilda tug‘ilgan sherigi ushbu yashirin joydan 9 kg 896 gr «gashish»ni olayotgan vaqtida qo‘lga olingan. Ushlanish vaqtida gumonlanuvchilardan birining yonidan $14,5 ming hamda 6 mln 250 ming so‘m pul mablag‘lari topilgan.

Shuningdek, tergovga qadar tekshiruv jarayonida jinoyatga aloqador yana...

Yuzdan ortiq o‘zbekistonlik Rossiyaning vaqtincha saqlash markazlarida saqlanayotgani ma’lum bo‘ldi. Bu haqda O‘zbekiston Bosh konsulxonasi diplomatlari va Rossiya Tashqi ishlar vazirligining Vladivostokdagi vakili uchrashuvida qayd etilgan.

Ularni tezroq vatanga qaytarish masalasi ko‘rib chiqilmoqda. Shuningdek, bosh konsulxonaga ayrim fuqarolarni saqlash muddati uzayib ketgani bo‘yicha ko‘plab murojaatlar kelib tushayotgani bildirilgan.

Suhbat davomida O‘zbekiston tomoni 1-fevraldan 25-martgacha bo‘lgan davrda ayrim yurtdoshlar Vladivostok aeroporti orqali Rossiyaga kiritilmaganini ma’lum qilgan. Qayd etilishicha, Rossiya tomonida nazorat kuchaytirilgani va qo‘shimcha tekshiruvlar joriy etilgani sabab bu holat yuzaga kelgan. Shu bois Uzbekistan Airways va Centrum Air parvozlar jadvaliga o‘zgartirish kiritishga majbur bo‘lgan.

Bu vaziyat ikki davlat o‘rtasidagi...

Qirg‘iziston Milliy xavfsizlik davlat qo‘mitasining sobiq rahbari Qamchibek Tashiyevning ukasi, sobiq deputat Shayirbek Tashiyev «Qirg‘izneftgaz» ishi bo‘yicha qo‘lga olindi. U davlatga yetkazilgan 4,1 mlrd som ($46 mln) miqdoridagi zarar yetkazgan.

Ma’lumotlarga ko‘ra, dastlabki zarar 4,1 mlrd somdan oshadi hamda o‘z ichiga boy berilgan foyda va to‘lanmagan soliqlarni oladi. Tergov jarayonida neft mahsulotlari vositachi kompaniyalar orqali olinib, keyinchalik davlatga qarashli Qirg‘iz Petroleum Kompaniyasi zavodiga qayta sotilgani va noqonuniy daromad olingani aniqlangan.

«Qirg‘izneftgaz» bo‘yicha korrupsiya ishi 2026-yilning mart oyida soliq xizmatining surishtiruvlari e’lon qilinganidan so‘ng qo‘zg‘atilgan edi. Soliq xizmati Tashiyevlar oilasining neft sohasidagi harakatlari oqibatida davlat budjeti 4 mlrd somdan ortiq...

Zeekr kompaniyasi Xitoyda Zeekr 7 GT va 007 elektromobillari uchun oldindan buyurtmalarni ochdi. Bu haqda CarNewsChina nashri xabar bermoqda.

Ikkala avtomobil ham uchta komplektatsiyada taqdim etilgan. Kompaniya ma’lumotiga ko‘ra, modellarning maksimal yurish zaxirasi 905 kmga yetadi. Eng kuchli versiyalarida esa ikki motorli to‘liq yuritma va 784 ot kuchigacha quvvat mavjud.

Yangi modellarda 900 voltli yuqori kuchlanish tizimi qo‘llanilgan. Shuningdek, ular LiDAR sensori va Nvidia chipiga ega G-Pilot H7 yordamchi haydash tizimi bilan jihozlangan. Boshlang‘ich versiya 75 kVt/soat batareya va orqa yuritma bilan taqdim etiladi. Bu variant 100 km/soat tezlikka taxminan 4,8 soniyada chiqadi va 715 kmgacha yuradi.

Katta batareyali...

Toshkentda fuqaro sud qaroridan noroziligini g‘ayrioddiy usulda bildirdi. Bu haqda Oliy sud matbuot kotibi Aziz Abidov Telegram’dagi kanalida ma’lum qildi.

Unga ko‘ra, 1979-yilda Toshkent viloyatida tug‘ilgan fuqaro o‘ziga oid jinoyat ishi bo‘yicha sud qarorlaridan norozi ekanini bildirib, daraxtga chiqqan. U pastga tushirilib, tibbiy ko‘rikdan o‘tkazilganda fuqaroga hech qanday jarohat yetmagani aniqlangan.

Shundan so‘ng u Oliy sud raisi Baxtiyor Islomov tomonidan qabul qilindi. Uning murojaati belgilangan tartibda ko‘rib chiqish uchun rasmiylashtirilgan. Ma’lum qilinishicha, fuqaro avval ham sudlangan. Chilonzor tumani sudining 2020-yil 5-oktabrdagi hukmiga ko‘ra, u Jinoyat kodeksining 167-moddasi 3-qismi «a» bandi bilan 7 yilga ozodlikdan mahrum etilgan. Shu bilan birga...

2-aprel kuni soat 04:28 da Qirg‘iziston Respublikasining O‘sh hududida 4,2 magnitudali zilzila sodir bo‘ldi. Ushbu tabiiy hodisa O‘zbekistonning chegaradosh tumanlarida ham o‘z kuchini ko‘rsatdi.

Zilzila episentri Toshkent shahridan 345 km janubiy-sharqda joylashgan bo‘lib, uning o‘chog‘i 10 km chuqurlikda qayd etildi. Zilzila kuchi, asosan, Andijon viloyatining qator tumanlariga ta’sir qilgan.

O‘zbekiston hududida yer silkinishining eng yuqori kuchi episentrdan 25 km uzoqlikdagi Xonobod va 34 km uzoqlikdagi Qo‘rg‘ontepa tumanlarida qayd etilib, u yerda sezilish darajasi 3 ballni tashkil qildi.

Shuningdek, Jalaquduq (53 km), Xo‘jaobod (54 km), Buloqboshi (67 km), Paxtaobod (75 km) va Andijon (76 km) tumanlarida zilzila kuchi 2 ball...

Tijorat banklari tomonidan 2-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan mart oyida dollar kursi qanday o‘zgargani haqida yozgan edi.

Zeekr avtomobillari Yevropa bozori uchun yangi multimedia tizimi bilan jihozlanadi. Bu haqda CarNewsChina nashri xabar bermoqda. Yangi tizim Geely va 3 Screen Solutions hamkorligida ishlab chiqilgan.

U Zeekr’ning Entertainment Hub nomli platformasi bo‘lib, Yevropadagi bir nechta modellarga joriy etiladi. Hozirda brend ushbu hududda 001, 7GT, X va 7X modellari bilan taqdim etilgan. Yangi tizim Android Automotive OS asosida ishlaydi. U foydalanuvchi interfeysi va tajribasini to‘liq boshqarish imkonini beradi.

Platformaning asosiy afzalligi – 15 dan ortiq global kontent provayderlardan streaming xizmatlar, jonli TV va yangiliklarni avtomobil ekranida tomosha qilish imkonidir. Tizim haydovchiga zaryadlash vaqtida film yoki serial ko‘rish imkonini beradi...