Yangiliklar

BMT shtab-kvartirasida bo‘lib o‘tgan anjumanda Fransiya prezidenti Emmanuel Makron Parijning Falastin davlatini tan olishini e’lon qildi. Bu haqda Le Monde nashri xabar berdi.

«Men bugun Fransiyaning Falastin davlatini tan olishini rasman e’lon qilaman», dedi Makron.

Fransiya rahbari G‘azo sektoridagi urushni davom ettirishning hech qanday asosga ega emasligini ta’kidlab, urushni to‘xtatish vaqti kelganini aytdi.

Makronning so‘zlariga ko‘ra, Parijning ushbu qarori Isroil va Falastin o‘rtasida muzokaralarga yo‘l ochadi.

«Tinchlik uchun imkoniyat mavjud. Barchamiz tinchlik mexanizmini ishga tushirish ustida ishlashimiz zarur», deya qo‘shimcha qildi u.

Shuningdek, Fransiya prezidenti mamlakatning xalqaro...

Oq uy TikTok’ning AQShdagi faoliyati bo‘yicha muhim qaror qabul qildi. Endi ilova AQShda alohida qo‘shma kompaniya orqali boshqariladi va uning asosiy algoritmi Oracle tomonidan nazorat qilinadi. Bu haqda CNN agentligi ma’lum qildi.

Yangi qo‘shma korxonada Oracle va Silver Lake xususiy kapital firmasi, shuningdek, bir qator amerikalik va xalqaro investorlar ishtirok etadi. ByteDance TikTok US’dagi ulushining 20 foizidan kamini saqlab qoladi.

AQSh hukumati bu bitim orqali milliy xavfsizlik xavotirlarini kamaytirishni maqsad qilmoqda. Chunki algoritmning Xitoy ta’sirida manipulyatsiya qilinishi ehtimoli eng katta savollardan biri bo‘lib qolayotgan edi. Endi algoritm faqat AQSh foydalanuvchilari uchun boshqariladi, Oracle esa uning ishlashini doimiy nazorat qiladi.

O‘zbekiston prezidenti Shavkat Mirziyoyev Turkmaniston prezidenti Serdar Berdimuhamedov bilan telefon orqali suhbatlashdi. Bu haqda prezident matbuot xizmati xabar berdi.

Shuningdek, Mirziyoyev Berdimuhamedovni tug‘ilgan kuni bilan samimiy tabriklab, unga sog‘liq, baxt va tinchlik tiladi.

Suhbatda ikki mamlakat o‘rtasidagi do‘stlik, qo‘shnichilik va strategik sheriklikni mustahkamlash masalalari muhokama qilindi. Tovar ayirboshlash hajmini oshirish, sanoat va energetika sohalarida hamkorlik loyihalarini ilgari surish bo‘yicha fikr almashildi.

Shu bilan birga, «Shovot – Toshovuz» savdo zonasi qurilishi yakunlanayotgani, O‘zbekistonda hududlar forumi, ko‘rgazmalar, shuningdek Turkmaniston madaniyati va kino kunlarini o‘tkazish rejalashtirilgani ta’kidlandi.

Muloqot yakunida Mirziyoyev Turkmaniston rahbari va xalqini yaqinlashib kelayotgan Mustaqillik kuni bilan tabrikladi.

Avvalroq Kursiv...

2025/2026-oʻquv yili uchun Qoraqalpogʻiston yoshlari oliy ta’limga qabulda qoʻshimcha imtiyozlarga ega boʻlishadi. Bu haqda Oliy ta’lim, fan va innovatsiyalar vazirligi ma’lum qildi.

Birinchidan, 68 ball va undan yuqori natija koʻrsatgan 500 nafar abituriyent maqsadli qabul parametrlari asosida talabalikka tavsiya etiladi. Roʻyxatdan oʻtish my.uzbmb.uz sayti orqali amalga oshiriladi.

Ikkinchidan, 200 nafar abituriyent uchun qoʻshimcha qabul imkoniyati yaratiladi. Ular 29-sentabrdan 6-oktabrgacha roʻyxatdan oʻtib, 12-oktabrda test topshiradi va natijalariga koʻra talabalikka tavsiya etiladi.

Uchinchidan, Qoraqalpogʻiston yoshlari uchun respublika oliy ta’lim muassasalarida 7 225 ta qoʻshimcha kontrakt asosidagi oʻrinlar ajratildi. Bu oʻrinlar 56,7 va undan yuqori ball toʻplagan, lekin talabalikka qabul qilinmagan abituriyentlar...

Uzbekistan Airways Boeing kompaniyasi bilan 14 ta Boeing 787-9 Dreamliner samolyotini xarid qilish va yana 8 tasini opsion asosida olish bo‘yicha shartnoma imzoladi. Samolyotlar 2031-yildan boshlab yetkazib beriladi. Bu haqda kompaniya rasmiy sahifasida ma’lum qildi.

Yangi avialaynerlar aviakompaniyaga uzoq masofali parvozlarni kengaytirish, jadvalni barqarorlashtirish va yo‘nalishlar geografiyasini oshirish imkonini beradi. Bu orqali Markaziy Osiyo Shimoliy Amerika, Yevropa, Yaqin Sharq va Osiyo – Tinch okeani mintaqasi bilan yanada yaqinroq bog‘lanadi.

Uzbekistan Airways 2016-yildan beri Dreamliner samolyotlarini parvozlarda qo‘llab kelmoqda. Hozirda ular aviakompaniyaning qit’alar aro reyslarida asosiy o‘rin tutadi. Endi esa 787-9 modeli yo‘lovchi sig‘imini ko‘paytirib, parvoz masofasini kengaytiradi.

Nvidia OpenAI’ga $100 mlrd.gacha investitsiya kiritib, sun’iy intellekt markazlari uchun chiplar yetkazib berishni rejalashtirmoqda. Bu haqda Reuters agentligi ma’lum qildi.

Unga ko‘ra, mazkur hamkorlik OpenAI’ga ilg‘or chiplar xarid qilish imkonini yaratib, kompaniyaning bozordagi yetakchiligini mustahkamlashga xizmat qiladi.

OpenAI rahbari Sem Altman hisoblash quvvatini «kelajak iqtisodiyotining asosi» deb atab, Nvidia bilan hamkorlik yangi SI yutuqlarini yaratishda muhim rol o‘ynashini ta’kidladi.

Tomonlar kamida 10 gigavatt quvvatga ega Nvidia tizimlarini joriy etishga kelishib oldi. Birinchi jihozlar 2026-yilda «Vera Rubin» platformasi asosida yetkazilishi kutilmoqda.

Shu bilan birga, yirik investitsiya hajmi AQShning monopoliyaga qarshi idoralari tomonidan nazoratga olinishi mumkinligi aytilmoqda, chunki bu kelishuv Nvidia...

2025/2026-oʻquv yilida respublika davlat oliy ta’lim muassasalariga toʻlov-kontrakt asosida qabul qilingan birinchi bosqich talabalari belgilangan toʻlovning kamida 25 foizini 30-oktabrgacha toʻlashi mumkin. Bu haqda Davlat komissiyasi qarori qabul qilindi.

Shuningdek, iqtisodiyot tarmoqlarida kamida besh yil ish stajiga ega boʻlgan va tegishli tavsiyanoma asosida suhbat orqali qabul qilingan abituriyentlar uchun kontrakt miqdori ikki baravar qilib belgilandi. Bu miqdor bakalavriat ta’lim yoʻnalishlari boʻyicha tasdiqlangan bazaviy toʻlov-kontrakt qiymatlaridan kelib chiqadi.

Avvalroq Kursiv Uzbekistan 2025/2026-o‘quv yilidan boshlab bazaviy to‘lov-kontrakt miqdori belgilangani haqida yozgandi.

Fransiyaning Parij shahrida «Oltin to‘p – 2025» topshirish marosimi boʻlib oʻtdi.

«PSJ» klubi hujumchisi Usmon Dembele 2025-yilgi «Oltin toʻp» sohibiga aylandi. Dembele oʻtgan mavsum parijliklar bilan birgalikda toʻrtta sovrin qoʻlga kiritdi, jumladan, UEFA Chempionlar ligasida gʻolib chiqdi. Shuningdek, klublar oʻrtasidagi Jahon chempionatida finalga qadar yetib bordi.

Dembele ushbu nom uchun kurashda Lamin Yamaldan oʻzib ketdi.

«Barselona» vingeri Lamin Yamal esa eng yaxshi yosh futbolchiga beriladigan «Kopa Trofi» sovrinini qoʻlga kiritdi. Desire Due, Joau Nevesh, Estevao va Kenan Yildiz kuchli beshlikdan joy oldi.

«PSJ» bosh murabbiyi Luis Enrike yilning eng yaxshi murabbiyi deb topildi. Biroq mutaxassisning oʻzi marosimga kela olmadi. Chunki...

Farg‘onadagi zilzila, energetika bo‘yicha hamkorlik, sobiq elchining bayonoti, yangi tuzilayotgan agentlik — Kursiv Uzbekistan tomonidan 22-sentabrning eng muhim voqea va hodisalari bitta materialga jamlandi.

Farg‘onada zilzila sodir bo‘ldi

22-sentabr kuni Toshkent vaqti bilan soat 07:04:58 da O‘zbekistonda zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, zilzila episentri Toshkentdan 265 km janubiy-sharqda bo‘lib, sezilish kuchi 2 ballni tashkil etdi.

Aholi va qishloq xo‘jaligini ro‘yxatga olish 2026-yil boshida o‘tkaziladi

O‘zbekistonda aholi va qishloq xo‘jaligini ro‘yxatga olish 2026-yil 15-yanvar holatiga ko‘ra o‘tkaziladi. Tadbir 2026-yil 15-yanvardan 28-fevralgacha davom etadi. Bu haqda prezident farmoni qabul qilindi.

Ro‘yxatga olishni tashkil etish...

23-sentabr kuni O‘zbekiston hududida havo harorati kechasi 5–17°, kunduzi 15–30° atrofida bo‘ladi. Bu haqda «O‘zgidromet» agentligi ma’lum qildi.

22-sentabr kuni Shavkat Mirziyoyev Nyu-York shahrida Xalqaro valyuta jamg‘armasi boshqaruvchi direktori Kristalina Georgiyevani qabul qildi. Bu haqda davlat rahbari matbuot xizmati ma’lum qildi.

Tomonlar XVJ bilan hamkorlikni kengaytirish, makroiqtisodiy siyosat, budjet va soliq ma’muriyatchiligini takomillashtirish masalalarini muhokama qildilar.

Kristalina Georgiyeva Yangi O‘zbekistonda amalga oshirilayotgan islohotlarga yuqori baho berib, ularni qat’iy qo‘llab-quvvatlashini ta’kidladi.

Uchrashuvda mamlakat moliya sohasining barqarorligi, «yo‘l xaritasi»ni amalga oshirish hamda XVJ markazlarida o‘zbekistonlik mutaxassislarning malaka oshirishi ijobiy baholandi.

Kelgusida pul-kredit va fiskal siyosatni rivojlantirish, statistika tizimini transformatsiya qilish hamda iqtisodiy idoralar xodimlari uchun o‘quv dasturlarini kengaytirish yuzasidan kelishuvlarga erishildi.

Eslatib o‘tamiz, avvalroq Xalqaro valyuta jamgʻarmasi mamlakatimiz bank...

Markaziy Osiyo badminton chempionati yakunlandi — fotoreportaj / Foto: Ahmad Muhammadov / Kursiv Uzbekistan

Toshkentda bo‘lib o‘tgan Markaziy Osiyo badminton chempionati 22-sentabr kuni final o‘yinlari bilan yakunlandi. U15, U17 va U23 yosh toifalarida O‘zbekiston, Qozog‘iston, Eron va boshqa mamlakat vakillari g‘oliblik uchun maydonga tushdi. Bu haqda Kursiv Uzbekistan muxbiri ma’lum qildi.

Foto: Ahmad Muhammadov / Kursiv Uzbekistan

Final bahslari keskin va qiziqarli o‘tdi. Unda, asosan, Eron sportchilari ustunlik qilgan bo‘lsa-da, o‘zbekistonlik badmintonchilar ham bir qator yo‘nalishlarda yuqori o‘rinlarni egallashdi.

U15 toifasida eronlik Amirmohammad Mardaneh va Mobina Salari Kor yakkalik bahslarida chempion bo‘ldi. O‘zbekiston vakillari Sofiya Zakirova va Og‘iloy O‘ktamboyeva kumush...

2025/2026-o‘quv yilidan boshlab O‘zbekiston oliy ta’lim muassasalarida kontrakt to‘lovlari yangidan belgilandi. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, bakalavriat va magistratura bosqichlari uchun kunduzgi, sirtqi, kechki hamda masofaviy ta’lim shakllari bo‘yicha bazaviy to‘lov-kontrakt miqdorlari aniq tartibga solindi.

Shuningdek, ikkinchi mutaxassislikda o‘qiyotgan talabalar uchun ham alohida stavkalar belgilangan. Bu yangilangan tartib nafaqat ta’lim sifatini oshirish, balki turli sohalarda kadrlar tayyorlash jarayonini yanada tizimli qilishga xizmat qiladi.

Eslatib o‘tamiz, avvalroq 2025-yildan super kontrakt miqdorini OTM rektorlari belgilashi haqida yozgan edik.

O‘zbekiston elchixonasi va Birlashgan Arab Amirliklarining «Holiday factory» sayyohlik kompaniyasi o‘rtasida «Wonders of Uzbekistan» loyihasini amalga oshirish bo‘yicha bitim imzolandi. Bu haqda «Dunyo» AA ma’lum qildi.

Mazkur loyiha 2025-yil 1-oktabr – 2026-yil 31-mart davomida amalga oshiriladi. Unda, asosan, O‘zbekistonning qish mavsumidagi turizm salohiyatini targ‘ib qilish va turizm infratuzilmasi nisbatan bo‘sh bo‘lgan davrda sayyohlarni jalb etish ko‘zda tutilgan.

«Holiday factory» kompaniyasi targ‘ibot doirasida BAAdan kafolatli ikki ming nafar sayyohni O‘zbekistonga safarini tashkil etishni zimmasiga oldi.

Eslatib o‘tamiz, avvalroq Chortoq tumanini vodiyning turizm xabiga aylantirish uchun 50 million dollar ajratilishi haqida yozgan edik.

Toshkent, Farg‘ona, Buxoro va Qashqadaryo viloyatlarida inson organlari va to‘qimalari savdosi bilan shug‘ullangan 12 nafar shaxs aniqlandi. Bu haqda DXX matbuot xizmati ma’lum qildi.

Tergovchilarning ma’lumotlariga ko‘ra, guruh a’zolari ijtimoiy tarmoqlar orqali buyrak va jigar kasalliklaridan aziyat chekayotgan bemorlar hamda sog‘lom kishilarni topib, chet eldagi klinikalar bilan hamkorlikda yolg‘on hujjatlar tayyorlab, jarayonni qonunga zid tarzda amalga oshirishgan. 2023 – 2025-yillarda 32 nafar bemorga buyrak yoki jigar to‘qimalari ko‘chirib o‘tkazilgani aniqlandi.

Olib borilgan surishtiruvlarda ma’lum bo‘lishicha, bemorlardan tushgan pul mablag‘lari asosiy qismi xususiy klinika va donorlarga to‘langan, qolgani guruh a’zolari orasida taqsimlangan. Bundan tashqari, operatsiyadan so‘ng sog‘liq holati yaxshilanmagan bemorlarga...

Suzuki Motor Corporation 22 yildan so‘ng ilk bor o‘z logotipini yangiladi. Kompaniyaning yangi emblemasi «By Your Side» («Sizning yoningizda») shiorini ifodalaydi.

Logotipdagi eng asosiy o‘zgarishlar mashhur «S» harfi bilan bog‘liq. U o‘zining tanish shaklini saqlagan bo‘lsa-da, zamonaviy raqamli talablarga mos ravishda tekislashtirildi. Shuningdek, ilgari qo‘llanilgan xrom bezak o‘rnini yanada yorqinroq kumush tus egalladi.

Yangilangan belgi birinchi marta Japan Mobility Show 2025 ko‘rgazmasida kompaniyaning kontseptual avtomobillarida namoyish qilinadi. Suzuki vakillariga ko‘ra, bu ramz nafaqat estetik yangilanish, balki kompaniyaning kelajakdagi yo‘nalishlarini ham belgilab beradi.

“Biz mijozlarimiz bilan yonma-yon yurishda, ularning hayotiga bevosita bog‘liq mahsulot va xizmatlarni yaratishda...

Global Energy Alliance for People and Planet (GEAPP) keyingi besh yilda $7,5 mlrd investitsiya kiritishni rejalashtirmoqda. Boy davlatlardan yordam kamayayotgani sababli yangi hamkorlar qidirilmoqda, deya yozmoqda Reuters.

GEAPP 2021-yilda tashkil etilgan bo‘lib, 30 dan ortiq davlatlarda elektr tarmoqlari, batareya tizimlari va yashil iqtisodiyotda ish o‘rinlari yaratishga ko‘maklashmoqda. Alyans IKEA Foundation, The Rockefeller Foundation va Bezos Earth Fund tomonidan asos solingan.

Alyans rahbari Vuchong Um BMT Bosh Assambleyasi va «Iqlim haftaligi» doirasida yangi hamkorlarni izlamoqda. Noyabrda Braziliyada o‘tadigan iqlim konferensiyasida rivojlanayotgan davlatlarni yashil energiyaga o‘tkazish moliyalashtirish asosiy mavzu bo‘ladi.

GEAPP dastlabki besh yilda $7,8 mlrd jalb qilib, 240 mln kishini...

Rossiya prezidenti Vladimir Putin AQSh rahbari Donald Trampga yadroviy qurollarni nazorat qilish bo‘yicha amal qilayotgan New start shartnomasini yana bir yilga uzaytirishni taklif etdi. Bu haqda Reuters agentligi ma’lum qildi.

Unga ko‘ra, Putin bu tashabbusini jahon xavfsizligi va yadroviy qurollarning tarqalishining oldini olish yo‘lidagi qadam sifatida izohladi.

New start shartnomasi 2010-yilda kuchga kirgan bo‘lib, u strategik yadroviy qurollar sonini cheklashni nazarda tutadi. Shartnomaga binoan, Rossiya va AQSh har biri 1550 tadan ko‘p jangovar kallak joylashtirmasligi lozim. Shartnoma muddati 2026-yil 5-fevralda tugaydi. Agar u yangilanmasa, ikki davlat cheklovlardan butunlay chiqib ketishi mumkin.

Putin Rossiya 2026-yil fevralidan keyin ham bir yil...

«UMRC SPV» MChJ ipoteka obligatsiyalarini chiqarish yo‘nalishida «Tartibga solish qumdoni» maxsus huquqiy rejimi ishtirokchisi sifatida ro‘yxatdan o‘tdi. Bu haqda Istiqbolli loyihalar milliy agentligi (ILMA) xabar berdi.

Mazkur jamiyat «O‘zbekiston ipotekani qayta moliyalashtirish kompaniyasi» AJ tomonidan tashkil etilgan bo‘lib, uning asosiy faoliyati — mamlakatda ipoteka obligatsiyalarini chiqarishdan iborat.

Ushbu qaror prezident farmonida belgilangan uy-joy va ipoteka bozorini rivojlantirish hamda aholiga ipoteka kreditlari orqali uy-joy ta’minotini kengaytirish vazifalarini amalga oshirishga qaratilgan.

«UMRC SPV» MChJ tijorat banklaridan ipoteka kreditlari to‘plamlarini qabul qilib, ular ta’minoti ostida ipoteka obligatsiyalarini chiqarish bilan shug‘ullanadi.

Avvalroq O‘zbekiston Markaziy banki REPO operatsiyalarida davlat qimmatli qog‘ozlari bilan bir qatorda...

Bugun, 22-sentabr kuni Toshkent havosida mayda PM-2.5 zarrachalari miqdori keskin oshib ketdi. IQAir xalqaro platformasiga koʻra, poytaxt havosi dunyoning 130 ga yaqin yirik shaharlaridan eng yomon koʻrsatkichni qayd etdi.

Oʻzgidrometning 15:00 dagi monitoring ma’lumotlariga koʻra, Toshkent gʻarbida — Uchtepa hokimligi binosi yonida oʻrnatilgan datchik havo sifatini oʻlchashda milliy standartdan 4-5 baravar yuqori ifloslanish qayd etdi. Bu koʻrsatkich Jahon sogʻliqni saqlash tashkiloti (JSST) tavsiya qilgan yiliga ruxsat etilgan me’yordan qariyb 30 baravar yuqori.

Soat 16:00 dagi kuzatuvlar shuni koʻrsatdiki, poytaxtning gʻarbiy hududida eng yuqori ifloslanish saqlanmoqda. Sharqiy qismda — «Yangi Oʻzbekiston» bogʻidagi datchik 68 mkg/m³ ni qayd etdi, bu...

UzAuto Motors tomonidan yaqin kunlarda yangilangan Chevrolet Cobalt avtomobili taqdim etishi kutilmoqda. Kursiv Uzbekistan ushbu modelga oid eng so‘nggi ma’lumotlarni to‘pladi.

Ichki qismi

Yangi avlod Cobalt interyeri yanada zamonaviy va funksional ko‘rinishga ega bo‘ladi. Avtomobilning old paneli Tracker 1 uslubida ishlangan bo‘lib, unda dvigatel harorati ko‘rsatkichi va yorqin yoritilgan spidometr joylashgan. Spidometr maksimal 200 km/soat tezlikni ko‘rsatadi. Haydovchi uchun qulaylik yaratish maqsadida ko‘p funksiyali rul o‘rnatilgan. Unda audio tizimni boshqarish va kruiz-kontrol tugmalari joylashgan.

Markaziy konsol ham yangicha dizaynda. Unda katta sensorli MyLink multimedia tizimi o‘rnatilgan bo‘lib, u Apple CarPlay va Android Auto funksiyalarini qo‘llab-quvvatlaydi. Ekran orqali audio...

2025-yilning yanvar – avgust oylarida Oʻzbekistondan oltin eksporti hajmi $8,4 milliardga yetdi. Bu haqda Milliy statistika qo‘mitasi xabar berdi.

Unga koʻra, avgust oyida oltin eksporti $836 mlnni, importi esa $150,1 mlnni tashkil etdi. 2024-yilning shu davrida bu ko‘rsatkich deyarli 68,9 foizga o‘sib, $4,99 mlrdni tashkil etgan edi.

Avvalroq Markaziy bank avgust oyi boshida O‘zbekistonning rasmiy zaxira aktivlari $50 mlrddan oshganini ma’lum qilgandi.

Unga ko‘ra, bir oy ichida mamlakatning rasmiy zaxira aktivlari 2,75 foizga oshdi. Ushbu hajmning $8,4 milliarddan ortig‘i naqd valyuta va depozitlarga, $40 mlrddan ortig‘i esa qimmatbaho metallarga to‘g‘ri keldi.

Shuningdek, «Kursiv» nashri O‘zbekistonda yil boshidan buyon...

«Manchester Siti» bosh murabbiyi Xosep Gvardiola jamoasidagi nechta futbolchilar jarohat olgani va jamoada charchoq sezilayotganini ma’lum qildi.

«Bizda charchoq juda ko‘p. Jon Stouns milliy jamoadan jarohat bilan qaytdi, Sherki, Ayt-Nuri va Ake uzoq muddatga safdan chiqqan. Endi esa Husanov ham jarohat oldi. Shu sababli formaga qaytish jarayonida bo‘lgan futbolchilarni ham maydonga tashlashimizga to‘g‘ri kelmoqda. Agar siz men taqvimdan shikoyat qilyapsiz, desangiz – ha, to‘g‘ri. Men taqvimdan shikoyat qilyapman», dedi Gvardiola.

Abduqodir Husanov 21-sentabr kuni Londonning «Arsenal» klubiga qarshi bahsda birinchi bo‘limni to‘liq o‘tkazib, ikkinchi bo‘limda Mateus Nunesga almashtirilgan edi. Uchrashuv 1:1 hisobida yakunlandi.

2025/2026-o‘quv yili uchun tabaqalashtirilgan to‘lov-kontrakt miqdorini oliy ta’lim muassasalari rektorlari (direktorlari) mustaqil belgilaydi. Bu haqda Oliy ta’lim, fan va innovatsiyalar vazirligi xabar berdi.

Davlat komissiyasi bayoniga ko‘ra:

Barcha oliy ta’lim muassasalari joriy yil 25-sentabrga qadar bakalavriat yo‘nalishlari bo‘yicha tabaqalashtirilgan to‘lov-kontraktning minimal miqdorlarini e’lon qiladi.

Tabaqalashtirilgan to‘lov-kontrakt asosida o‘qishga qabul qilingan abituriyentlar 2025-yil 31-oktabrgacha bir yillik o‘qish qiymatining kamida 50 foizini...