Yangiliklar

Namangan aeroportida $140 mlnlik investitsiya hisobiga yangi yo‘lovchi terminali barpo etilmoqda. Shavkat Mirziyoyev 16-sentabr kuni Namangan viloyatiga tashrif buyurib, hudud rivoji va aholi hayoti bilan yaqindan tanishdi.

Mavjud aeroport turistlar oqimini qabul qilishda kichiklik qilayotgani bois, 3 qavatli yangi terminal qurilmoqda. U ishga tushgach, yo‘lovchi tashish quvvati 2,5 baravar oshadi. Zamonaviy chegara nazorati va viza bo‘limlari, biznes zali, savdo va ovqatlanish shoxobchalari, tibbiyot xonasi hamda Duty free do‘konlari yo‘lovchilar xizmatiga taqdim etiladi.

Shu bilan birga, aeroportda kuniga 50 tonna yuk qabul qilish imkoniyatiga ega yirik kargo terminali ham qurilmoqda. U orqali 90 ta mamlakatga to‘g‘ridan to‘g‘ri eksport yo‘lga...

Milliy statistika qo‘mitasi ma’lumotiga ko‘ra, 2025-yil yanvar – iyul oylarida 8 ming nafar O‘zbekiston fuqarosi turistik maqsadlarda AQShga safar qilgan.

Ushbu ko‘rsatkich o‘tgan yilning mos davriga nisbatan 996 kishiga ko‘payib, 14,3 foizlik o‘sishni qayd etdi.

Safar maqsadlariga ko‘ra, 5 683 nafar fuqaro sayyohlik maqsadida yo‘l olgan. 1 978 nafari qarindoshlarini yo‘qlash uchun safar qilgan bo‘lsa, 179 nafari o‘qish, 104 nafari xizmat safarlari, 23 nafari esa davolanish maqsadida AQShga borgani qayd etilgan.

Avvalroq Kursiv Uzbekistan Buyuk britaniyalik sayyohlarning O‘zbekistonga qiziqishi ortib borayotgani haqida xabar bergan edi.

So‘nggi yillarda O‘zbekiston Britaniya sayyohlari uchun eng jozibali yangi yo‘nalishlardan biriga aylanmoqda. Bu...

Shu yilning avgust oyida O‘zbekistonda yengil avtomobillar savdosi 90 ming donani tashkil etib, bu iyulga nisbatan 9,5 foiz kamaygan. Bu haqda Iqtisodiy tadqiqotlar va islohotlar markazining (ITIM) tahlillari e’lon qilindi.

Unga ko‘ra, eng katta pasayish Toshkent, Xorazm va Qashqadaryo viloyatlarida qayd etilgan, biroq Qoraqalpog‘iston Respublikasi, Sirdaryo va Andijonda sotuv keskin oshgan.

Birlamchi bozor ko‘rsatkichlari

Yangi avtomobillar segmentida faollik biroz pasaydi, ya’ni savdolar 2 foizga kamayib, 37,6 ming donani tashkil etdi. Ushbu segmentda mahalliy ishlab chiqarilgan yangi avtomobillar hali ham ustuvor bo‘lib, ularning hajmi 32,6 ming donani (o‘tgan oyga nisbatan 0,8 foizga pasaygan) tashkil etgan. Xorijda ishlab chiqarilgan yangi...

Sport kartalari savdosiga ixtisoslashtirilgan yirik savdo majmuasida Lionel Messining «Barselona» safidagi debyut mavsumi — 2004/2005-yilga oid «rookie» kartasi 1,5 million dollarga sotildi. Bu mazkur turdagi mahsulotlar uchun mutlaq rekord hisoblanadi, deb xabar bermoqda ESPN.

Ushbu karta Mike Baker Authenticated Diamond, PSA, Beckett Services va Sportscard Guaranty Corporation sertifikatlariga ega bo‘lib, ular kolleksionerlar orasida elit maqom belgisi sifatida qaraladi.

Ma’lumot uchun, Messi aynan o‘sha mavsumda, 17 yoshida «Barselona»ning asosiy jamoasi safida ilk bor maydonga tushgandi. Hozirda esa 38 yoshli argentinalik futbolchi MLSning «Inter Mayami» klubi sharafini himoya qilmoqda.

Eslatib o‘tamiz, avvalroq Qarshining «Nasaf» klubi Elit Osiyo chempionlar ligasi umumiy bosqichining...

2025-yil 15-sentabrdan «Eksport uch qadamda» tizimi temir yo‘l orqali eksport qilinadigan tovarlarga ham to‘liq ishga tushirildi. Bu haqda Transport vazirligi ma’lum qildi.

Avval to‘qqiz bosqichli bo‘lgan jarayon endi uch bosqichga qisqardi. Bu esa tadbirkorlarga yillik 15 – 20 mlrd so‘m xarajatni tejash imkonini beradi. Tizim eksport shartnomasi asosida bojxona deklaratsiyasi va invoyslarni avtomatik shakllantiradi hamda ma’lumotlarni soliq va boshqa idoralarga onlayn uzatadi.

Joriy yilning 8 oyida temir yo‘l orqali chiqarilgan eksport deklaratsiyalarining 5 foizi mazkur tizimda rasmiylashtirilgan. Shu davrda yukli vagonlar soni 516,4 mingdan oshib, o‘tgan yilga nisbatan 12 foizga ko‘paygan.

Ma’lumot uchun, tizim 2024-yil avval avtotransport va aviatransportda...

15-sentabr kuni Great Wall Motor kompaniyasi tomonidan yangi Haval Big Dog Plus avtomobili rasman taqdim etildi. Bu haqda CarNewsChina xabar bermoqda.

Model besh xil komplektatsiyada sotuvga chiqdi, narxi 135,800 yuandan ($19,100) boshlanib, 183,800 yuangacha ($25,800) yetadi. Avtomobil PHEV va ICE versiyalarida taqdim etilgan.

Tashqi ko‘rinish va o‘lchamlar

Big Dog Plus ikkinchi avlod Haval Big Dog asosida yangilangan bo‘lib, old qismida yirik Haval yozuvi tushirilgan yangi yoritiluvchi panjara o‘rnatilgan. Dumaloq faralar saqlab qolingan. Yon tomonlarda esa g‘ildirak qopqoqlari mixsimon bezak bilan mustahkamlangan. Uning uzunligi 4705 mm, eni 1908 mm, balandligi 1780 mm. G‘ildirak bazasi 2810 mmni tashkil etadi. Yondashish burchagi...

O‘zbekistonda milliy kadrlar zaxirasiga nomzodlarni saralash «hrm.argos.uz» elektron platformasi orqali amalga oshiriladi. Buning uchun prezident administratsiyasi va Boshqaruv samaradorligi agentligi xodimlari hamda davlat organi rahbaridan iborat maxsus ishchi guruh tuziladi.

Nomzodlar saralash jarayoni quyidagi bosqichlarda amalga oshiriladi:

Maxsus ishchi guruh nomzodlar bilan suhbat o‘tkazib, ularning lavozimga mosligi, bilim va rahbarlik salohiyatini baholaydi. Natijaga ko‘ra, nomzod rahbar kadrlar zaxirasiga kiritilishi yoki kiritilmasligi to‘g‘risida qaror qabul qilinadi. Suhbatlar odatda olti oyda bir marta...

Buick kompaniyasi tomonidan yangi Buick Electra L7 EREV avtomobili rasman namoyish qilindi. Bu haqda CarNewsChina xabar bermoqda.

Electra-L konseptidan ilhomlangan ushbu avtomobil 28-sentabr kuni oldindan buyurtmaga ochiladi. Model Xiaoyao Architecture platformasida ishlab chiqilgan bo‘lib, 1,5T kengaytirilgan gibrid tizimga ega.

U toza elektr rejimida 302 km masofani bosib o‘ta oladi, umumiy yurish zaxirasi esa 1400 km dan oshadi. Kuch qurilmasi SAIC-GM ishlab chiqargan 1,5T LD3 benzinli motor va 252 kVt quvvatga ega elektromotordan iborat bo‘lib, avtomobilni 0 dan 100 km/soat tezlikka atigi 5,9 soniyada olib chiqadi. Yonilg‘i sarfi 100 km uchun o‘rtacha 0,5 litrni tashkil etadi, Ultium batareyasining sig‘imi...

16-sentabr kuni tongda Angliyaning Liverpul shahrida tashkil etilgan boks bo‘yicha jahon chempionatida muvaffaqiyatli qatnashgan O‘zbekiston terma jamoasi Toshkentda tantali kutib olindi. Marosimda Sport vazirligi va Milliy olimpiya qo‘mitasi rahbariyati, shuningdek, sportchilarning yaqinlari ham ishtirok etdi.

Dunyoning 68 mamlakatidan kelgan 540 nafar bokschi qatnashgan turnirda O‘zbekiston terma jamoasi 6 ta oltin, 2 ta kumush va 3 ta bronza medallarini qo‘lga kiritdi va umumjamoa hisobida ikkinchi o‘rinni egalladi.

Xususan, Abdumalik Xalokov, Asadxo‘ja Mo‘ydinxo‘jayev, Fazliddin Erkinboyev, Javohir Ummataliyev, Akmaljon Isroilov, To‘rabek Habibullayev oltin; Navbahor Hamidova, Jahongir Zokirov kumush; Sabina Boboqulova, Feruza Kazakova va Aziza Zokirova bronza medaliga ega chiqdi.

Eslatib o‘tamiz, avvalroq o‘zbekistonlik...

So‘nggi yillarda O‘zbekiston Britaniya sayyohlari uchun eng jozibali yangi yo‘nalishlardan biriga aylanmoqda. Bu haqda The Travel magazine ma’lum qildi.

O‘zbekiston Turizm qo‘mitasi ma’lumotlariga ko‘ra, 2025-yilning dastlabki besh oyida O‘zbekistonga tashrif buyurgan britaniyalik turistlar soni o‘tgan yilga nisbatan 23,8 foizga oshgan.

Britaniya fuqarolari odatiy O‘rta yer dengizi yo‘nalishlaridan voz kechib, Buyuk Ipak yo‘li yuragi bo‘lgan O‘zbekistonni tanlamoqda. Samarqand, Buxoro va Xiva kabi qadimiy shaharlar o‘zining boy tarixi, me’morchilik durdonalari va UNESCO merosi sifatida dunyoga mashhur. Ayniqsa, Registon maydoni, Ichon Qal’a va Buxoroning qadimiy markazi sayyohlarda katta taassurot qoldirmoqda.

Shu bilan birga, mamlakat turizmning yangi yo‘nalishlarini ham faol rivojlantirmoqda. «Yashil turizm...

Apple 15-sentabr kuni Apple iOS 26 operatsion tizimini foydalanuvchilarga rasman taqdim etdi. Kompaniya operatsion tizim nomlanishini avtomobil modellari kabi yilga moslashtirish tizimiga o‘tkazdi. Shu bois 2025-yilda chiqarilgan yangilanish 2026-yilni ifodalash uchun «26» deb nomlandi.

Shu bilan birga, eski qurilmalar uchun xavfsizlikni ta’minlash maqsadida iOS 18.7 ham taqdim qilindi.

Liquid Glass dizayni

iOS 26’ning asosiy yangiligi — Liquid Glass («Suyuq shisha») dizayni. Endi ilovalar va vidjetlar yarim shaffof ko‘rinishda bo‘ladi. U atrof-muhitga qarab yorug‘ va qorong‘i rejimga moslashadi. Telefon va Xaritalar kabi dasturlarda tugmalar suzib turgandek ko‘rinadi. Beta jarayonida foydalanuvchi fikrlari asosida shaffoflik darajasi biroz kamaytirildi. Apple bu uslubni barcha platformalarida...

Xitoyning BYD kompaniyasi tomonidan yangi BYD Seal 07 DM-i 2026 gibrid avtomobili taqdim etildi. Bu haqda Autohome xabar bermoqda.

Model to‘rt xil komplektatsiyada 150 – 187 ming yuan ($20,5 – 25,5 ming) narxda sotuvga chiqadi.

Yangi BYD Seal 07 DM-i 2026 ikki xil gibrid kuch qurilmasi bilan taqdim etildi. Birinchi variantda 1,5 litrli atmosferali benzinli motor va 218 ot kuchiga ega elektromotor qo‘shilgan. U 17,6 kVt·soatli batareya bilan ishlaydi, elektrda 135 km yurish imkoniyatini beradi va 40 kVt quvvatda zaryadlanadi.

Ikkinchi variant esa 1,5 litrli turbomotor va 272 ot kuchiga ega elektromotor bilan taqdim etilgan. Unda 29,46 kVt·soatli...

Google xoldingi Alphabet’ning bozor qiymati ilk bor $3 trilliondan oshdi. U Nvidia, Microsoft va Apple’dan keyin bu marrani zabt etgan to‘rtinchi kompaniya bo‘ldi.

Bunga kompaniya aksiyalarining keskin oshishi sabab bo‘ldi. Faqat sentabr oyining o‘zida ularning narxi qariyb besh foizga ko‘tarildi va rekord darajaga yetdi.

Shu bilan birga, AQSh sudi Adliya vazirligining Alphabet’ni Chrome brauzerini sotishga majbur qilish haqidagi talabini rad etdi. Bu qaror investorlar ishonchini kuchaytirib, aksiyalar o‘sishiga turtki berdi.

Alphabet so‘nggi yillarda sun’iy intellekt mahsulotlariga katta e’tibor qaratib, ayniqsa, Gemini loyihasiga tayangan. Mutaxassislar fikricha, aynan shu yo‘nalish kompaniya kelajakdagi o‘sishini belgilab beradi.

Bloomberg ma’lumotiga ko‘ra, 80 foizdan...

O‘zbekistonning Vladivostokdagi Bosh konsulligi ushbu shaharda o‘zbekistonliklar kaltaklangani bo‘yicha Rossiya Tashqi ishlar vazirligining hududiy vakolatxonasiga norozilik notasi yo‘lladi. Bu haqda diplomatik vakolatxona rahbari Yusup Kabuljanov ma’lum qildi.

Avvalroq internet tarmog‘ida noma’lum shaxslar tomonidan o‘zbekistonliklar kaltaklanayotgani tasvirlagan videolar tarqaldi. Lavhalardan birida hujumchilar milliy kelib chiqishi bois o‘zbekistonliklarga nisbatan haqoratli so‘zlar ishlatgani qayd etilgan.

Jabrlanganlar O‘zbekiston Bosh konsulligiga murojaat qilgan va ularga huquqiy yordam ko‘rsatilganini Kabuljanov ta’kidladi.

«Mazkur voqealar O‘zbekistonning Vladivostokdagi Bosh konsulxonasi va Rossiya huquqni muhofaza qiluvchi organlari tomonidan alohida nazoratga olingan», deyiladi konsul xabarida.

Jabrlanganlar Vladivostok huquqni muhofaza qiluvchi organlariga ham ariza topshirgan. Shuningdek...

«Manchester Siti» himoyachisi Abduqodir Husanov WhoScored portali talqiniga ko‘ra, Angliya Premyer-ligasining hafta ramziy terma jamoasidan o‘rin oldi.

21 yoshli o‘zbekistonlik futbolchi «Manchester Yunayted»ga qarshi o‘yindagi ishonchli harakatlari uchun nashr tomonidan 7,9 ball bilan baholandi.

WhoScored talqiniga ko‘ra, APLning 4-tur ramziy terma jamoasi quyidagicha ko‘rinish oldi:

Ma’lumot uchun, Abduqodir Husanov joriy mavsum «Manchester Siti» safida 3 ta o‘yin o‘tkazib, jami 183 daqiqa maydonda harakat qildi. Uning Transfermarktdagi narxi 35 million yevroga baholanmoqda.

Eslatib o‘tamiz, avvalroq «shaharliklar» bosh murabbiyi Pep Gvardiola Husanovning Manchester derbisidagi o‘yiniga baho bergandi.

Tijorat banklari 16-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.

Prezident qarori bilan O‘zbekistonda moliyaviy hisob (buxgalteriya) tizimini xalqaro standartlarga moslashtirish bo‘yicha chora-tadbirlar belgilandi. Bu haqda Iqtisodiyot va moliya vazirligi ma’lum qildi.

Qarorga ko‘ra, buxgalteriya hisobi tizimini xalqaro moliyaviy hisobot standartlariga (MHXS) o‘tkazish, biznes hisobotlarini raqamlashtirish, «yashil buxgalteriya» amaliyotlarini joriy etish hamda auditor va buxgalter kasbining nufuzini oshirish ko‘zda tutilgan.

Eng muhim yangiliklardan biri — jamoat ahamiyatiga ega tashkilotlar uchun MHXS asosida hisob yuritish majburiyati joriy qilinishi va ularning moliyaviy hisobotlari auditorlik xulosasi bilan birga e’lon qilinishi belgilandi. Shuningdek, xalqaro sertifikatlash imtihonlarini topshirgan buxgalterlarning xarajatlari 2026 – 2028-yillarda Davlat budjeti hisobidan qoplab beriladi.

Qaror asosida 30 banddan iborat «Yo‘l...

Shavkat Mirziyoyev ikki kunlik tashrif bilan Namangan viloyatiga boradi. Bu haqda prezident matbuot xizmati xabar berdi.

Safar davomida davlat rahbari sanoat, qishloq xo‘jaligi, energetika va ijtimoiy sohalarda yangi ishga tushirilgan obyektlar bilan tanishishi kutilmoqda.

Shuningdek, prezident viloyatni kompleks rivojlantirish masalalariga bag‘ishlangan yig‘ilish o‘tkazadi.

Safar doirasida «Kambag‘allikdan farovonlik sari» III xalqaro forumining ochilish marosimi bo‘lib o‘tadi. Unda davlat rahbari nutq so‘zlashi rejalashtirilmoqda.

Avvalroq Kursiv Uzbekistan prezident Bo‘stonliqdagi «Renessans» oromgohi faoliyati bilan tanishgani haqida yozgandi.

Samsung kompaniyasi tomonidan One UI 8.0 interfeysining yakuniy versiyasi global bozorga tarqatishni boshladi. Bu haqda Sammobile nashri xabar bermoqda.

Ro‘yxatga 50 dan ortiq smartfon va planshetlar kiritilgan. Ularning to‘rttasi allaqachon yangilanishni olib bo‘lgan. Ular Galaxy S25, Galaxy S25 Plus, Galaxy S25 Ultra va Galaxy S25 Edge modellaridir.

Yangilanishlar 2025-yilning oktabr va noyabr oylarida global bozorlarda bosqichma-bosqich tarqatiladi.

Jadval:

Eslatib o‘tamiz, Kursiv Uzbekistan iPhone 17 Pro Max va Samsung Galaxy S25 Ultra smartfonlarini taqqoslagan edi.

Ustyurt platosi hududida 6,5 kilometr chuqurlikda yirik gaz koni topilgani haqida Shavkat Mirziyoyev o‘qituvchilar bilan uchrashuvda ma’lum qildi. Bu haqda davlat rahbari matbuot xizmati xabar berdi.

Avval respublikada neft-gaz ishlari 2,5-3 kilometr chuqurlikda olib borilgan edi. Davlat rahbari ta’kidlashicha, O‘zbekiston sanoati tarixida ilk bor 6 kilometrdan ortiq chuqurlikda quduq burg‘ilandi.

Mirziyoyev, shuningdek, jahon sanoati lity va boshqa metallarni talab qilayotganini, hisob-kitoblarga ko‘ra volfram, molibden, rux va titan zaxiralarining 15 foizigacha bo‘lgan qismi Markaziy Osiyoga to‘g‘ri kelishini qayd etdi.

«Yangi industrial davr – “to‘rtinchi sanoat inqilobi»ni amalga oshirish uchun dunyoda tellur, litiy, selen, grafit, molibden kabi texnologik minerallarga talab bir...

Rossiyaning O‘zbekistondagi yangi elchisi Aleksey Erxov Toshkentga keldi. Bu haqda Rossiya diplomatik vakolatxonasi matbuot xizmatiga tayangan holda TASS xabar berdi.

Uning tayinlanishi haqidagi farmonni joriy yil sentabr oyi boshida Rossiya prezidenti Vladimir Putin imzolagan. Bungacha Erxov 2017-yil iyundan 2023-yil sentabriga qadar Turkiyada Rossiya elchisi lavozimida ishlagan.

Avvalroq Rossiyaning O‘zbekistondagi elchisi vazifasini Oleg Malginov bajarib kelgan. Undan oldin esa 2009-yildan 2021-yil martigacha bu lavozimni Vladimir Tyurdenev egallagan.

Aleksey Erxov 1960-yil 28-oktabrda Moskvada tug‘ilgan. O‘z faoliyati davomida u Rossiyaning Marokash, Misr va Isroildagi elchisi sifatida ham ishlagan.

Avvalroq O‘zbekiston va Rossiya o‘rtasida xorijiy pasportsiz o‘zaro safar qilish masalasi muhokama qilinayotgani...

2025-yil 16-sentabrdan Toshkent viloyati Iftixor mahallasidan Chorsu metrosigacha 177-sonli avtobus yo‘nalishi ishga tushdi. Bu haqda Тоshkent shahar transport bosh boshqarmasi xabar berdi.

Unga ko‘ra, ushbu yo‘nalishda qatnov Toshkent viloyatining barcha hududlarini poytaxt bilan bog‘lash ishlari doirasida amalga oshirilmoqda.

Mazkur yo‘nalish bo‘ylab sakkizta zamonaviy King Long avtobusi qatnaydi. Avtobuslar har kuni soat 05:30 dan 23:17 gacha aholiga xizmat ko‘rsatadi.

Avvalroq Toshkentdagi uchta avtobus yo‘nalishi o‘zining avvalgi marshrutlari bo‘yicha qatnovni tiklagandi. Unga ko‘ra, 42 (Chorsu – Kensoy posyolkasi), 43 (Yunusobod, 6-kvartal – Ftiziatriya instituti) va 109 (Chorsu metro bekati – Chuqursoy temiryo‘l stansiyasi) yo‘nalishlari oldingi yo‘nalishi bo‘yicha harakatni davom ettiradi.

Tolibon Afg‘onistonning shimoliy hududida joylashgan Tuti Maydon gaz konlarini o‘rganish va qazib olish loyihasini ishga tushirdi. 10 yilga mo‘ljallangan loyiha o‘zbek kompaniyasi Eriellcomga topshirilgan, deya xabar bermoqda Amu TV.

Rejaga ko‘ra, dastlabki yilda $100 mln investitsiya kiritilishi belgilangan. Ilk ikki yil ichida qazib olinadigan gazdan 100 megavatt elektr energiyasi ishlab chiqariladi. Konlar qariyb 7 ming kvadrat kilometr maydonni egallaydi.

Tolibonning iqtisodiy masalalar bo‘yicha bosh vazir o‘rinbosari Abdul G‘ani Barodar loyiha ichki bozor ehtiyojini qondirishini, importga qaramlikni kamaytirishini va kelgusida eksport imkonini yaratishini ta’kidladi.

Biroq mutaxassislar eksport uchun zarur infratuzilma — quvurlar va elektr stansiyalari hali yetarli emasligini qayd etmoqda...

Elit Osiyo chempionlar ligasi umumiy bosqichining 1-turidan oʻrin olgan bahsda Qarshining «Nasaf» klubi safarda turnirning amaldagi chempioni «Al Ahli» mehmoni boʻldi va yakunda 4:2 hisobida imkoniyatni boy berib qoʻydi.

Uchrashuvda hisob 34-daqiqada Husayn Norchayev tomonidan ochildi. «Ajdarlar» hujumchisi Merih Demiralning xatosidan soʻng birga-bir vaziyatda Eduard Mendini dog‘da qoldirdi.

Ikkinchi gol ham uzoq kuttirmadi. 41-daqiqada Oybek Bozorovning qulay uzatmasidan soʻng Norchayev yana darvozabon bilan birga-bir vaziyatga chiqib ketdi va dublni rasmiylashtirdi.

Ikkinchi boʻlim nisbatan «Al Ahli»ning ustunligi bilan boshlandi va bu taym o‘rtalariga kelib o‘z samarasini berdi. Jiddaliklar yarimhimoyachisi Enso Millot 65 va 68-daqiqalarda gol urib hisobni tenglashtirdi.

Mezbonlarning har ikki...