Yangiliklar

Yangi avtomobillar narxining oshishi va daromadlar o‘sishining sekinlashuvi ko‘plab haydovchilarni mashinalarini uzoqroq muddatda ishlatishga majbur qilmoqda. Shu bois iSeeCars.com tahliliy resursi 400 ming km.dan ortiq yo‘l bosishga qodir bo‘lgan avtomobillar reytingini aniqladi.

Natijalarga ko‘ra, reytingning yetakchilari Toyota’ning pikap va yo‘ltanlamas modellari bo‘ldi. O‘rtacha avtomobilning 400 ming km ga yetish ehtimoli 8,6 foiz bo‘lsa, ayrim Toyota modellari bu ko‘rsatkichni to‘rt barobar oshirib berdi.

Reytingda o‘ninchi o‘rinda Chevrolet Silverado 1500 (18,8%), to‘qqizinchi o‘rinda esa Lexus GX (20,7%) qayd etildi. GX ro‘yxatdagi yagona premium-segment avtomobili bo‘ldi.

Yettinchi o‘rinda ishlab chiqarilishi to‘xtatilgan Toyota Avalon (22%) turibdi. Shu bilan u «uzoq umrli» mashinalar orasida...

O‘zbekiston hukumati Afg‘onistonda elektr uzatish liniyalari va podstansiyalar qurishda yordam beradi. Bu haqda Energetika vazirligi ma’lum qildi.

6-sentabr kuni Afg‘oniston poytaxti Qobul shahrida energetika sohasiga investitsiyalarni jalb qilish va mamlakat energetika sektorini qo‘llab-quvvatlashga bag‘ishlangan birinchi konferensiya bo‘lib o‘tdi.

Tadbirda Afg‘oniston hukumati vakillari bilan bir qatorda O‘zbekiston, Turkmaniston va Tojikiston energetika vazirliklari delegatsiyalari, xalqaro tashkilotlar va diplomatik korpus vakillari ishtirok etdi.

Konferensiya doirasida Afg‘onistonda 220 – 500 kV kuchlanishli elektr uzatish tarmoqlari va podstansiyalar qurilishi bo‘yicha moliyaviy shartnoma imzolandi. Loyihaning qurilishiga rasman start berildi.

Mazkur infratuzilma loyihalari 2027-yilning birinchi choragiga qadar amalga oshirilishi rejalashtirilgan. Ularning natijasi O‘zbekiston va Afg‘oniston o‘rtasidagi...

Geely kompaniyasi tomonidan Galaxy modellariga qatoriga yangi Geely Galaxy Starshine 8 gidrid avtomobili qo‘shildi. Bu o‘rta va yirik toifadagi gibrid sedan bo‘lib, zamonaviy dizayn, uzoq masofa va ilg‘or texnologiyalarni birlashtiradi. CarNewsChina model haqida maqola e’lon qildi.

Model yetti xil komplektatsiyada taqdim etiladi, narxlar 125 800 yuan ($17 ming)dan boshlanib, 165 800 yuan ($23 ming)gacha yetadi. O‘zbekiston avtomobil bozorida bu narxga Chevrolet Tracker modelini xarid qilish mumkin (215 mln so‘m). Ammo bojxona to‘lovlari va qo‘shimcha xizmatlar evaziga Geely avtomobili qimmat bo‘lishi mumkin.

Dizayn va tashqi ko‘rinish

Avtomobilning uzunligi 5 018 mm, g‘ildirak bazasi 2 928 mm. Fastbek uslubidagi kuzov...

Realme Xitoy bozoriga yangi Realme Neo 7 Turbo AI Edition smartfonini taqdim etdi. Bu haqda Gizmochina xabar bermoqda. Qurilma 7200 mA/soat sig‘imli akkumulyator bilan ta’minlangan bo‘lib, 100 vatt tezkor zaryadlashni qo‘llab-quvvatlaydi.

Model avvalgi Neo 7 Turbo asosida yaratilgan bo‘lib, China Mobile operatori bilan hamkorlikda chiqarilgan. Qurilma orqa panelida China Mobile logotipi va uning maxsus ilovalari bilan ajralib turadi. Shuningdek, asosiy ekran chapga surilganda Mango Card Club servislari (Mango TV, Migu Video, Migu Sports va boshqalar) ochiladi.

Texnik jihatdan AI Edition oldingi versiyasi bilan bir xil: unda MediaTek Dimensity 9400e protsessori, 6,8 dyuymli tekis displey va 144 Hz yangilanish chastotasi...

O‘zbekiston Afg‘oniston xalqiga 265 tonna gumanitar yordam yo‘lladi. Bu haqda Tashqi ishlar vazirligi xabar bermoqda. Yordam Balx viloyatidagi Hayraton shahrida afg‘on tomoniga topshirildi.

Gumanitar yordam Kunar, Nangarhor, Laghmon, Nuriston va Panjshir viloyatlarida yuz bergan vayronkor zilzila oqibatida zarar ko‘rgan aholiga mo‘ljallangan.

Yuk tarkibida dori-darmonlar va oziq-ovqat mahsulotlari bor. Ular «Termez Cargo Centre»da shakllantirilib, 14 ta yuk mashinasida yetkazildi.

Afg‘onistonlik rasmiylarning ta’kidlashicha, bu yordam qo‘shni xalqlar o‘rtasidagi birodarlik va birdamlik ramzi hisoblanadi.

O‘zbekiston TIV ma’lum qilishicha, Hayratondagi marosim gumanitar hamkorlik nafaqat tabiiy ofatlar oqibatlarini yengishda, balki davlatlar o‘rtasida ishonch va o‘zaro qo‘llab-quvvatlashni mustahkamlashda muhim ahamiyatga ega ekanini ko‘rsatdi.

Eslatib o‘tamiz...

Google Photos ilovasi sun’iy intellekt yordamida yangi imkoniyatlarni taklif etmoqda. Bu haqda Gizmochina xabar bermoqda.

Endi foydalanuvchilar suratlarini to‘rt soniyalik qisqa videoroliklarga aylantira olishadi. Funksiya «Yaratish» bo‘limida mavjud bo‘lib, undan ayrim foydalanuvchilar allaqachon foydalanishni boshlashgan.

Yangi imkoniyat Veo 3 modeli asosida ishlaydi. Bu Google’ning iyul oyida taqdim etilgan eng so‘nggi video montaj tizimi bo‘lib, avvalgi versiyaga qaraganda ancha tiniq va realistik natijalarni beradi. Foydalanuvchilar ikki xil rejimni tanlashlari mumkin: Subtle Motion (suratga sekin harakat berish) yoki I’m Feeling Lucky (tasodifiy animatsiya qo‘shish).

Veo 3 ilk bor may oyida o‘tkazilgan Google I/O konferensiyasida Flow (matndan video yaratish) va Vids (SI...

Qozog‘iston va O‘zbekiston muntazam ravishda qo‘shma harbiy mashg‘ulotlar o‘tkazishga kelishib oldi. Qaror Qozog‘iston bosh vaziri Oljas Bektenov tomonidan imzolangan hujjat bilan tasdiqlandi.

Mashg‘ulotlar navbatma-navbat ikki davlat hududida bo‘lib o‘tadi. Unda quruqlik qo‘shinlari, harbiy aviatsiya va maxsus texnika ishtirok etadi.

Shartnoma harbiy kolonlarning chegaradan o‘tishi, poligonlardan foydalanish, tibbiy va texnik ta’minot masalalarini ham tartibga soladi.

Kelishuv besh yil muddatga tuzilgan va tomonlardan biri rad etmasa, avtomatik tarzda uzaytiriladi.

Rasmiylarga ko‘ra, bu mashg‘ulotlar mintaqada xavfsizlikni mustahkamlash va ikki davlat armiyalari o‘rtasidagi hamkorlikni kuchaytirishga xizmat qiladi.

Eslatib o‘tamiz, Kursiv Uzbekistan nashri O‘zbekiston Bank of America reytingida Qozog‘istonni ortda qoldirgani haqida yozgan...

Poytaxtning turli hududlarida sentabr va oktabr oylarida issiq suv ta’minoti bosqichma-bosqich vaqtincha to‘xtatiladi. Bu haqda Veolia Energy Tashkent xabar bermoqda.

Ushbu uzilishlarga profilaktika ishlari sabab sifatida ko‘rsatilgan.

Sana va hududlar ro‘yxati:

Eslatib o‘tamiz, Kursiv Uzbekistan nashri Toshkentda ichimlik suvi bir oyga rejali o‘chirilishi haqida yozgan edi.

GM Braziliyada Chevrolet Spark 2026 elektromobili uchun kompaniya mamlakat bo‘ylab eng yirik test-drayv tadbirini o‘tkazmoqda. Model yaqinda taqdim etilgan edi.

6-sentabr kuni Chevroletning 138 ta rasmiy elektromobil dilerlik markazida Spark EUV sinov haydovlari bo‘lib o‘tadi. GM Janubiy Amerika marketing menejeri Rodrigo Perensinning aytishicha, bu voqea Braziliya avtomobil bozorida tarixiy qadam bo‘ladi.

Uning ta’kidlashicha, Spark Drive tadbiri Chevrolet uchun aqlli va barqaror elektr mobilitet konsepsiyasini keng jamoatchilikka namoyish etish imkoniyatini beradi.

Tadbir davomida mijozlar yangi Spark EUV’ni shahar yo‘llarida sinab ko‘rishlari, avtomobilning xususiyatlari haqida maxsus taqdimotlarda qatnashishlari va dilerlik markazlaridagi ko‘rgazma zallarini ko‘rishlari mumkin.

Yangi krossover Chevrolet dilerlik markazlarida...

Donald Tramp AQSh bilan savdo kelishuvi tuzgan davlatlarga ayrim tovarlarda bojxona imtiyozlari beruvchi farmonini imzoladi. Bu haqda Oq uy saytida ma’lum qilindi.

Farmonga ko‘ra, 45 dan ortiq mahsulot toifasiga nol boj joriy etiladi. Bunga AQShda yetarli ishlab chiqarilmaydigan yoki umuman mavjud bo‘lmagan mahsulotlar kiradi.

Imtiyozlar qatorida nikkel, oltin, grafit, dori vositalari uchun kimyoviy modda va reagentlar bor. Ular sanoat va farmatsevtika sohalari uchun muhim sanaladi.

Farmon bilan shuningdek, ayrim qishloq xo‘jaligi mahsulotlari, samolyot qismlari va farmatsevtikada qo‘llaniladigan moddalar uchun ham boj bekor qilinadi.

Trampning ta’kidlashicha, bojlarni kamaytirish qarori mamlakat manfaatlari va savdo hamkorlarining majburiyatlariga bog‘liq bo‘ladi.

Yangi tartib...

Tijorat banklari 7-sentabr kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

IFA 2025 ko‘rgazmasi oldidan AGM kompaniyasi o‘zining yangi AGM G3 Pro himoyalangan smartfonini namoyish etdi. Bu haqda Notebookcheck nashri xabar bermoqda.

Qurilma IP69K darajasida suv va changdan himoyalangan bo‘lib, harbiy standart MIL-STD-810H talablariga javob beradi.

Smartfon 10 000 mA/soat sig‘imli akkumulyator bilan jihozlangan. Unda 18 vattli simsiz zaryadlash imkoniyati bor, shuningdek, boshqa qurilmalarni ham simsiz quvvatlantirish mumkin. G3 Pro 64 MP asosiy kamera, issiqlik tasvirlovchi modul va 50 MP old kamera bilan ta’minlangan. Qurilma 5 vattli kuchli dinamik va yorqin fonarik bilan ham ajralib turadi.

Xotira jihatidan smartfon 12 GB tezkor va 512 GB ichki xotiraga ega. Boshqa texnik...

O‘zbekiston futbol assotsiatsiyasi jahonning mashhur sport kolleksiya brendi Panini bilan hamkorlikka doir kelishuvga erishdi. Natijada tarixda ilk bor O‘zbekiston milliy terma jamoasi Paninining dunyo bo‘ylab mashhur stiker albomida taqdim etiladi.

O‘zbekiston shu tariqa Markaziy Osiyoda Panini bilan hamkorlik qilayotgan birinchi davlatga aylandi. 1970-yildan buyon FIFA bilan hamkorlik qilib kelayotgan kompaniya futbolchilar ishtirokidagi kolleksion stikerlar va kartochkalar seriyasini muntazam ravishda taqdim etadi. Panini bugungi kunda FIFA, UEFA, NBA, NFL kabi yirik sport tashkilotlari hamda dunyoning yetakchi futbol klublari bilan ishlaydi.

O‘FA birinchi vitse-prezidenti Ravshan Irmatovning ta’kidlashicha, Panini bilan hamkorlik nafaqat sport tarixidagi muhim voqea, balki O‘zbekiston futboli imijini xalqaro miqyosda mustahkamlash uchun...

2026-yil 1-yanvardan boshlab dehqon va fermerlar g‘alla va paxtadan tashqari yetishtirgan mahsulotlarini sotishda qo‘shilgan qiymat solig‘idan (QQS) ozod etiladi.

Iqtisodchi Yuliy Yusupov fikricha, fermerlarga bunday imtiyoz berilishi hisob-kitob zanjirini uzib qoʻyadi va natijada na mahsulot yetishtiruvchilar, na iste’molchilar real foyda koʻradi.

«Agar nolinchi stavka faqat fermerlarga berilib, savdo va umumiy ovqatlanish sohalarida saqlanib qolinsa, oxir-oqibat xaridor baribir QQS toʻlaydi. Narxlar oʻzgarmaydi yoki hatto oshadi», dedi ekspert.

Yusupovning ta’kidlashicha, bunday sharoitda chakana savdo va restoranlar xarajatlarni qoplash uchun narxlarni koʻtarishga majbur boʻladi, bu esa fermer mahsulotlariga talabni pasaytiradi. Shu bilan birga, oʻgʻit, yonilgʻi va...

FIFA prezidenti Janni Infantino Oʻzbekiston futbol assotsiatsiyasining taklifiga binoan yurtimizga tashrif buyuradi. Bu haqda OʻFA matbuot xizmati xabar berdi.

Tashrif doirasida Infantino Oʻzbekistonda futbolni yanada rivojlantirishga qaratilgan loyihalarni muhokama qiladi, Milliy futbol markazi faoliyati bilan yaqindan tanishadi.

Shuningdek, u CAFA Nations Cup 2025 musobaqasining final uchrashuvini bevosita stadiondan tomosha qiladi.

Eslatib oʻtamiz, mazkur final uchrashuvi 8-sentabr kuni Toshkentdagi «Olimpiya» stadionida Oʻzbekiston va Eron terma jamoalari oʻrtasida oʻtkaziladi.

Avvalroq «Kursiv» O‘zbekiston CAFA Nations Cup 2025 doirasida Qirg‘izistonni 4:0 hisobida mag‘lub etgani haqida xabar bergan edi.

Oʻzbekiston Bank of America tomonidan tuzilgan EEMEA (Yevropa, Yaqin Sharq va Afrika) mintaqasidagi tez rivojlanayotgan iqtisodiyotlar reytingida Qozogʻistondan yuqori oʻrin oldi.

Unga ko‘ra, 1-sentabr holatiga koʻra, 45 ta davlat orasida Oʻzbekiston toʻqqizinchi, Qozogʻiston esa oʻninchi pogʻonada qayd etildi. Bank ma’lumotlariga koʻra, Oʻzbekiston iqtisodiyoti kuz boshida 5,9 foizga oʻsdi. Budjet taqchilligi YIMga nisbatan 2,3 foiz deb baholandi. Mamlakatning davlat qarzi esa 1-sentabr holatiga koʻra yalpi ichki mahsulotning 33 foizini tashkil etdi.

Inflyatsiya darajasi Oʻzbekistonda 8,8 foiz, Qozogʻistonda esa 10,4 foiz boʻldi. Shu bilan birga, respublikaning joriy hisobida 5 foizlik taqchillik kuzatilmoqda.

Avgust oyi oxirida prezident Shavkat Mirziyoyev soʻnggi sakkiz yilda...

Yevropa Komissiyasi Amerikaning Google korporatsiyasini onlayn reklama bozorida hukmron mavqeyini suiiste’mol qilishda ayblab, 2,95 milliard yevro jarima belgiladi. Bu haqda Deutsche Welle xabar berdi.

Bryussel ma’lumotlariga koʻra, Google 2014-yildan buyon oʻz xizmatlariga ustunlik berib, raqobatchilarga zarar yetkazib kelgan. Bu esa Yevropa Ittifoqining faoliyati toʻgʻrisidagi shartnomasining 102-moddasini buzish sifatida baholandi.

Tergov yakunida Google bozordagi ustun mavqeyidan foydalanib, bir vaqtning oʻzida reklama joylashtirgan, reklama beruvchilar va sayt egalari oʻrtasida vositachilik qilgan hamda oʻz reklama bozorini boshqargani aniqlangan. YK bunday amaliyotni manfaatlar toʻqnashuvi deb topdi va kompaniyadan oʻz-oʻziga xizmat koʻrsatishni darhol toʻxtatishni talab qildi.

Rasmiy bayonotda reklama Googleʼning asosiy daromad manbai boʻlib...

O‘zbekistonda avtomobillarga ism yoki maxsus so‘z tushirilgan noyob davlat raqamlari berilishi yo‘lga qo‘yiladi. Hukumatning 2025-yil 4-sentabrdagi 562-son qaroriga muvofiq, 2026-yil 1-yanvardan boshlab bu tizim amaliyotga kiritiladi.

Qarorga ko‘ra, «Uzavtomotobelgi» davlat unitar korxonasiga aholining talab va taklifidan kelib chiqqan holda oltitagacha harf va (yoki) raqam kombinatsiyasidan iborat noyob raqamlarni ochiq elektron auksion orqali sotish huquqi berildi.

Bunday raqamlar mavjud davlat raqamlarini takrorlamasligi, qonunchilikka zid yoki axloqiy me’yorlarga xilof ma’noga ega bo‘lmasligi shart.

Endilikda ko‘chalarda «ELYOR», «AZIZA», «ODIL» yoki «BUXORO» kabi yozuvlar tushirilgan avtomobillarni ko‘rish mumkin bo‘ladi.

Rasmiylarga ko‘ra, mazkur yangilik haydovchilarning qiziqishi va ehtiyojidan kelib chiqqan holda joriy etilmoqda hamda...

2025-yilda Oʻzbekistonda maktab bitiruvchilarining oliy ta’limga kirish imtihonlari boʻyicha oʻrtacha koʻrsatkichi 80,9 ballni tashkil etdi, bu esa oʻtgan yildagiga nisbatan 2,9 ball yuqori. Bu haqda Maktabgacha va maktab ta’limi vazirligi xabar berdi.

Ma’lum qilinishicha, 2020-yilda oʻrtacha ball 69,8 boʻlgan boʻlsa, 2025-yilda 80,9 ballga yetdi. Hududlar kesimida eng yuqori oʻrtacha ballni Buxoro viloyati (96 ball) qayd etdi. Navoiy viloyatida bu koʻrsatkich 93,2 ball, Toshkent shahrida esa 83 ballni tashkil etdi.

2025-yilda 438 869 nafar oʻquvchi maktabni tamomlagan boʻlsa, ularning 327 673 nafari (75 foiz) test sinovlarida qatnashdi. Ulardan 113 176 nafari (25,8 foiz) davlat oliy ta’lim muassasalariga qabul qilindi. Bu...

Nepal hukumati YouTube va WhatsApp’ni mamlakat hududida bloklashga qaror qildi. Associated Press xabariga koʻra, bunga mazkur platformalarning Raqamli texnologiyalar vazirligida roʻyxatdan oʻtish tartibini buzganliklari sabab boʻlgan.

Bloklangan xizmatlar roʻyxati kengayib, endi Reddit, LinkedIn, Facebook va Instagram ham mamlakat hududida mavjud emas. Shu bilan birga, Telegram 4-sentabrga qadar zarur hujjatlarni topshirishga ulgurdi va hozirda ularni hukumat koʻrib chiqmoqda.

Nepal Oliy sudi ilgari barcha internet-platformalarni roʻyxatdan oʻtkazish va tarmoqdagi nomaqbul kontentni kuzatishni majburiy qiluvchi koʻrsatma bergan edi. Shu sababli TikTok va Viber kabi xizmatlar oʻz vaqtida talablarni bajargani uchun faoliyatini davom ettirmoqda.

Ammo hukumat qarori mamlakat ichida keskin bahslarga sabab boʻldi...

Braziliyalik futbol yulduzi Neymar kutilmaganda katta boylik egasi boʻlishi ehtimoli bor. Terra nashrining yozishicha, ism-sharifi oshkor qilinmagan braziliyalik tadbirkor unga $1 milliardlik meros qoldirgan.

Ma’lumotlarga koʻra, 31 yoshli biznesmen uylanmagan, farzandi yoʻq va sogʻligʻida jiddiy muammolari mavjud. U 2023-yilda barcha mol-mulkini Neymar foydasiga rasmiy vasiyatnoma orqali belgilab qoʻygan. Vasiyat qonuniy tartibda hujjatlashtirilgani ham qayd etilgan.

Manbaga koʻra, tadbirkor Neymarni nafaqat futbolchi, balki shaxs sifatida ham chuqur hurmat qiladi. U futbolchining hayot yoʻlini oʻzining taqdiriga oʻxshatgan. Meros tarkibiga koʻchmas mulk, investitsiyalar va yirik kompaniyalarning aksiyalari kirishi kutilmoqda.

Hozir Neymar «Santos» klubi sharafini himoya qilmoqda. U joriy mavsum 22 oʻyinda maydonga tushib...

Amerika valyutasi nafaqat O‘zbekistonda, balki qo‘shni respublikalarda ham turlicha o‘zgarishlarni qayd etdi. Kursiv Uzbekistan nashri dollar kursining Markaziy Osiyodagi o‘zgarishi haqida maqola e’lon qiladi.

O‘zbekiston

2-sentabr kuni dollar 12 422,90 so‘m etib belgilandi va avvalgi kunga nisbatan 37,80 so‘mga pasaydi. 3-sentabrda pasayish davom etib, kurs 12 374,55 so‘mgacha tushdi. Bu kunlik 48,35 so‘mlik yo‘qotishni anglatdi.

4-sentabrda esa dollar 62,60 so‘mga qimmatlab, 12 437,15 so‘mga chiqdi. Haftaning so‘nggi savdo kuni, 5-sentabrda, kurs yanada mustahkamlanib, 12 520,78 so‘mni tashkil etdi. Bu bir kunda 83,63 so‘mga o‘sish degani.

Umuman olganda, hafta davomida dollar dastlab pasaygan bo‘lsa-da, keyingi kunlarda qimmatlashib, umumiy hisobda 97,88 so‘mga...

Kursiv Uzbekistan kun davomida ro‘y bergan O‘zbekiston va dunyoda dolzarb yangiliklarni bir joyga jamladi.

Buxoroda kanalizatsiya quvuridan uch nafar ishchining jasadi topildi

Shu yilning 4-sentabr kuni Buxoro tumanining Bog‘idasht qishlog‘i hududidan o‘tuvchi markaziy kanalizatsiya quvuriga besh nafar ishchi ehtiyotsizlik oqibatida tushib ketgan.

Batafsil

Arnasoydagi yangi aeroportga birinchi samolyot qo‘ndi

Jizzax viloyatining Arnasoy tumanidagi qurilishi davom etayotgan zamonaviy aeroportga ilk bor L-410UVP-E20 rusumli samolyot sinov tariqasida qo‘ndi.

Batafsil

Tramp Pentagonni «Urush vazirligi» deb qayta nomlamoqchi

AQSh prezidenti Donald Tramp juma kuni farmonga imzo chekib, Pentagonning rasmiy nomini «Mudofaa vazirligi»dan «Urush vazirligi»ga o‘zgartirishi kutilmoqda. Bu haqda CNN agentligi ma’lum qildi.

O‘zbekiston valyuta birjasida so‘nggi kunlarda dollar kursida sezilarli o‘zgarishlar kuzatildi. Kursiv Uzbekistan nashri dollar kursining hafta davomida o‘zgarishi haqida maqola tayyorladi.

2-sentabr kuni AQSh dollari 12 422,90 so‘m etib belgilandi va avvalgi kunga nisbatan 37,80 so‘mga pasaydi. 3-sentabrda pasayish davom etib, kurs 12 374,55 so‘mgacha tushdi, bu esa yana 48,35 so‘mlik yo‘qotishni ko‘rsatdi.

4-sentabrda dollar 62,60 so‘mga qimmatlab, 12 437,15 so‘mga yetdi. Haftaning yakuniy savdo kunida, 5-sentabrda, kurs sezilarli darajada oshib, 12 520,78 so‘mni tashkil qildi. Bu kunlik o‘sish 83,63 so‘mni tashkil etdi.

Shu tariqa, hafta davomida dollar dastlab pasaygan bo‘lsa-da, keyingi kunlarda qimmatlashdi va yakunda umumiy hisobda...