Yangiliklar

Leapmotor 6-iyun kuni yangi modelni taqdim etadi – bu C16’ning 5 o‘rinli versiyasi bo‘lishi mumkin. Bu CarNewsChina nashri xabar bermoqda.

Kompaniyaning yangi modeli C16 krossoverining 5 o‘rinli bo‘lishi kutilmoqda. Hozirda mavjud bo‘lgan C16’da 2+2+2 tartibidagi 6 o‘rinli konfiguratsiya mavjud.

Yangi versiya ichki makon dizayni yangilangan bo‘lib, kengroq salon va yuqori qulaylikni taklif etadi. Bu orqali yo‘lovchilar uchun yanada yaxshilangan yurish tajribasi yaratiladi.

Tashqi ko‘rinishda model Leapmotor C10’ga o‘xshashi kutilmoqda. Mashina to‘liq chiziqli old chiroqlar, yashirin eshik tutqichlari va olti xil kuzov rangi bilan jihozlanadi.

Salon texnologiyalariga 14,6 dyuymli markaziy sensorli ekran, 10,25 dyuymli raqamli asboblar paneli va ikki spokli...

«Kelajakka qaytib» filmidagi afsonaviy DeLorean DMC-12 kupe modeli Sankt-Peterburgda savdoga qo‘yildi. Mashina AQShdan olib kelingan va Rossiyada faqat bir egasi bo‘lgan. 1981-yilda ishlab chiqarilgan avtomobilning yurilgan masofasi bor-yo‘g‘i 29 ming kilometrni tashkil qiladi. Bu haqda Auto.ru xabar bermoqda.

Avtomobil faqat ko‘rgazmalar va avto anjumanlarda qatnashadi, qishda ishlatilmaydi. Mashina issiq garajda saqlanadi. Sotuvchining aytishicha, AQShdagi texnik xizmat hujjatlari, original qo‘llanmalar, zavodda ishlab chiqarilgan parvarish vositalari, filmda ko‘rsatilgan sport almanaxi nusxasi, DeLorean muallifi Jon DeLorean yozgan kitob nusxasi ham bor.

Kapot ostida 2,9 litrli, 150 ot kuchiga ega PRV (Peugeot-Renault-Volvo) V6 dvigatel o‘rnatilgan. U 3 pog‘onali avtomatik uzatma bilan ishlaydi. Mashinaning...

2025-yil 3-iyun – «Beelab» AJ (Beepul fintek xizmati) va «Ipoteka Bank OTP Group» raqamli moliyaviy yechimlarni ishlab chiqish va joriy etish sohasida strategik hamkorlikni boshlash uchun o‘zaro anglashuv memorandumini imzoladilar. Tomonlar xususiy mijozlar va kichik biznesga mo‘ljallangan integratsiyalashgan kredit, omonat va bank kartalari xizmatlarini birgalikda yaratish bo‘yicha kelishib oldilar.

Hamkorlikning birinchi bosqichida 2025-yilning yaqin oylarida Beepul ilovasida mavjud bo‘ladigan kobrend kartalar va raqamli mikrokreditlarni ishga tushirish rejalashtirilgan. Kelajakda tomonlar takliflar qatorini kengaytirishni ko‘zda tutmoqda: omonat mahsulotlari, shuningdek, UZCARD va HUMO virtual hamda jismoniy kartalarini chiqarish.

«Ipoteka bank faol rivojlanish davrida, ayniqsa OTP xalqaro bank guruhiga qo‘shilgandan...

Milliy statistika qo‘mitasi 2025-yil yanvar – aprel oylariga oid eksport ko‘rsatkichlarini e’lon qildi. Undan ko‘rinib turibdiki, O‘zbekistonning ayrim asosiy savdo hamkorlariga eksport hajmida o‘sish kuzatilgan bo‘lsa-da, ayrim davlatlarga yetkazib berish hajmi kamaymoqda. Jumladan, Turkiyaga eksport 2024-yilning shu davriga nisbatan sezilarli pasaydi.

2024-yilning yanvar – aprelida O‘zbekistonning Turkiyaga eksporti $378 mln.ni tashkil etgan bo‘lsa, 2025-yilning shu davrida bu ko‘rsatkich $335,4 mln.ga tushgan. Shu tariqa Turkiya O‘zbekiston eksportida egallagan 4-o‘rindan 5-o‘ringa tushdi.

Biroq boshqa yo‘nalishlarda sezilarli o‘sish qayd etilgan:

2025-yil aprel oyida Markaziy bank 11 tonna oltin sotgan. Bu haqda Jahon oltin kengashi (World Gold Council – WGC) xabar berdi.

O‘zbekiston Markaziy banki ketma-ket uch oy davomida qimmatbaho metallning eng yirik sotuvchisi bo‘lib qolmoqda.

Joriy yilning to‘rt oyi davomida bank jami 26 tonna oltin sotgan.

Agar oltin eksporti haqida gapiradigan bo‘lsak, to‘rt oy ichida O‘zbekiston xorijga $5,4 mlrd.dan ortiq qiymatda oltin yetkazib bergan.

Goldman Sachs tahlilchilari bahor oylarida bu yil oltin narxi $3,7 minggacha oshishini taxmin qilishgandi. Ilgari bu ko‘rsatkich bir unsiya uchun $3,3 ming bo‘lishi prognoz qilingan.

2025-yil oxiri va 2026-yilda oltin narxi qanday...

May oyida United Airlines aviatashuvchisi Starlink sun’iy yo‘ldosh internet texnologiyasini o‘z reyslarida joriy etdi. Bu haqda Science nashri xabar berdi. So‘nggi sinovlar natijasiga ko‘ra, samolyot bortida 405 Mbit/sekundgacha internet tezligi qayd etildi – bu esa avvalgi 300 Mbit/sekund ko‘rsatkichidan ancha yuqori.

Shu tariqa u Hawaiian Airlines va JSX’dan keyin Shimoliy Amerikadagi Starlink’dan foydalanayotgan eng yirik aviakompaniyaga aylandi.

Starlink sun’iy yo‘ldoshlari yerga yaqin orbitada harakatlanadi, bu esa signal uzatishdagi kechikishlarni kamaytirib, yuqori tezlikda va uzluksiz internet xizmatini taqdim etishga yordam beradi. Bu texnologiya avvalgi samolyot Wi-Fi tizimlarida kuzatilgan barqarorlik muammolarini hal qiladi.

Avvalroq Kursiv Uzbekistan Italiya Starlink bilan kelishuvdan voz...

Tehron shahrida Eron va O‘zbekiston o‘rtasida tranzit sohasidagi hamkorlikni kengaytirish bo‘yicha anglashuv memorandumi imzolandi. Bu haqda Tehran Times nashri ma’lum qildi.

Mazkur hujjat Eron transport va shaharlashuv vaziri Farzaneh Sodeg, O‘zbekiston transport vaziri Ilxom Maxkamov hamda Eron portlar va dengiz tashkiloti rahbari Said Rasuliy ishtirokida imzolandi.

Memorandumga ko‘ra, O‘zbekiston xususiy sektori uchun Eronning janubidagi Shohid Rajoiy porti hududida maxsus terminal va logistika markazi qurish bo‘yicha investitsiya imkoniyatlari yaratiladi. Shuningdek, zarur ruxsatnomalar olish va loyihalarni amalga oshirish jarayonlari soddalashtiriladi.

Eslatib o‘tamiz, avvalroq O‘zbekistonda 2,5 mln kvadrat metr yangi ombor maydonlariga ehtiyoj borligi haqida yozgan edik.

Farg‘ona viloyatida IT sohasida yirik xalqaro kelishuv amalga oshdi. Viloyat hokimi Xayrullo Bozorov Xitoyning Pekin shahridagi Shuni rayoni delegatsiyasi bilan hamkorlik uchrashuvi o‘tkazdi. Bu haqda Raqamli texnologiyalar vazirligi ma’lum qildi.

Uchrashuvda iqtisodiy, investitsiyaviy va axborot texnologiyalari yo‘nalishida hamkorlikni kengaytirish masalalari muhokama qilindi. Tomonlar O‘zbekiston – Xitoy strategik sherikligi yangi bosqichga ko‘tarilganini ta’kidlashdi.

Natijada Farg‘onadagi IT Park rezidenti «Innotech Solutions» MChJ va Shuni rayoni Mapo shaharchasi xalq hukumati o‘rtasida dasturiy mahsulotlardan foydalanishga oid $20 mlnlik shartnomalar imzolandi.

Eslatib o‘tamiz, avvalroq 132 eksportchi kompaniya IT Park rezidenti bo‘lgan edi.

World Boxing xalqaro tashkiloti prezidenti Boris van der Vorst jazoirlik Olimpiada chempioni Iman Xelifdan rasman uzr so‘radi. Sababi, uning ismi sportchilarning majburiy gender tekshiruvi haqidagi bayonotida omma oldida tilga olingan, deya xabar beradi Associated Press. Bu shaxsiy hayotning buzilishi uchun tanqidlar to‘lqiniga sabab bo‘ldi.

2024-yilgi Parij Olimpiadasida oltin medalni qo‘lga kiritgan Xelif Jahon boks press-relizida to‘g‘ridan to‘g‘ri tilga olingan yagona sportchi edi.

Dushanba kuni tashkilot prezidenti Jazoir boks federatsiyasiga vaziyatdan taassuf izhor qilib xat yo‘lladi:

«Men sizga shaxsan buning uchun rasmiy va samimiy uzr so‘rash va uning shaxsiy hayoti himoyalangan bo‘lishi kerakligini tan olish uchun...

2024/2025-o‘quv yili boshiga kelib, O‘zbekiston Respublikasidagi umumiy o‘rta ta’lim tashkilotlarida ta’lim olayotgan o‘quvchilar soni 6,7 mln nafarga yetdi. Bu haqda Milliy statistika qo‘mitasi ma’lum qildi.

So‘nggi yillardagi barqaror o‘sish natijasida 1990/1991 o‘quv yiliga nisbatan o‘quvchilar soni 2,1 mln nafarga yoki 45,6 foizga oshgan.

Yillar kesimida o‘quvchilar soni quyidagicha:

Ushbu ko‘rsatkichlar ta’lim sohasiga bo‘lgan talabning ortib borayotganini hamda aholining o‘sishi bilan bog‘liq jarayonlarni yaqqol aks ettiradi.

Eslatib o‘tamiz, avvalroq 2025-yilda necha nafar oʻquvchi maktabni tamomlagani ochiqlangan edi.

Moskva shahrining Taganskiy tuman sudi tomonidan Rossiyadagi mashhur o‘yin ishlab chiqaruvchisi – «Lesta» kompaniyasi faoliyati ekstremistik deb topildi va uning ishlashi rasman taqiqlandi. Bu haqda Tass ma’lum qildi.

Bu qaror asosida kompaniya, uning shuba tashkilotlari va rahbarlari – Viktor Kisliy hamda Malik Xatajayev – Rossiya Federal moliyaviy monitoring xizmati tomonidan ekstremistlar va terrorchilar reyestriga kiritilishi mumkin.

«Lesta» – «Tanklar olami» (World of Tanks) va «Kema jangi olami» (World of Warships) kabi mashhur onlayn o‘yinlarning Rossiyadagi ishlab chiqaruvchisi. Dastlab bu o‘yinlar Belarusga tegishli «Wargaming» kompaniyasi bilan hamkorlikda ishlab chiqilgan edi, biroq 2022-yilda urush fonida kompaniyalar ajralib ketdi. Wargaming Ukrainani qo‘llab-quvvatlab...

Bangalor shahrida O‘zbekiston ayollar terma jamoasi futbol bo‘yicha xalqaro o‘rtoqlik uchrashuvida Hindiston jamoasiga qarshi maydonga tushdi va 1:0 hisobida minimal, biroq ishonchli tarzda g‘alaba qozondi.

Uchrashuvdagi yagona va g‘alaba golini 55-daqiqada Nilufar Qudratova kiritdi.

O‘yinda keskin kurash kuzatilib, o‘zbekistonlik futbolchilar yakuniy hushtakgacha ustunlikni saqlab qola olishdi.

Eslatib o‘tamiz, avvalroq BAA – O‘zbekiston futbol o‘yinida o‘zbekistonliklar stadionga kira olmasligi haqida yozgan edik.

Jenevada bo‘lib o‘tayotgan Xalqaro mehnat konferensiyasining (XMK) 113-sessiyasida a’zo 187 davlat vakillarining bir ovozdan qabul qilgan qaroriga ko‘ra, O‘zbekiston BMT va boshqa xalqaro tashkilotlardagi doimiy vakili Umumiy masalalar bo‘yicha qo‘mita (CAG) raisi etib saylandi. Bu haqda «Dunyo» AA ma’lum qildi.

Mazkur qo‘mita XMT doimiy organi bo‘lib, tashkilot faoliyatini muvofiqlashtirish, murakkab boshqaruv masalalarini ko‘rib chiqish va institutsional barqarorlikni ta’minlashda muhim rol o‘ynaydi. Bu yilgi sessiyada dengiz mehnati konvensiyasiga qo‘shimchalar, Myanma bilan hamkorlik, Falastinning ishtiroki va Ijtimoiy rivojlanish bo‘yicha ikkinchi jahon sammiti bo‘yicha rezolyutsiyalar ko‘rib chiqiladi.

O‘zbekistonning ushbu yuksak lavozimga saylanishi mamlakatimizning xalqaro maydondagi obro‘si oshib borayotganini, mehnat sohasida amalga oshirilayotgan...

2025-yil 3-iyun kuni Janubiy Koreyada o‘tkazilgan muddatdan oldingi prezidentlik saylovida muxolifat yetakchisi, Demokratik partiya vakili Lee Jae-myung g‘alaba qozonishi kutilmoqda. Bu haqda CNN axborot agentligi ma’lum qildi.

KBS, MBC va SBS telekanallari tomonidan e’lon qilingan chiqish so‘rovlari natijasiga ko‘ra, Lee 51,7% ovoz bilan yetakchilik qilmoqda. Uning asosiy raqibi, hokimiyatdagi konservativ partiyadan Kim Moon-soo esa 39,3% ovoz olgan.

Saylov avvalgi prezident Yun Sok Yol tomonidan e’lon qilingan harbiy holat va siyosiy inqirozdan olti oy o‘tib bo‘lib o‘tdi. Lee o‘sha dramatik vaziyatda parlamentga kirib, harbiy holatni bekor qilish uchun ovoz berganlardan biri sifatida xalq orasida mashhurlikka erishgan.

Ovoz berishda ishtirok...

2025-yil 5-may kuni Toshkent shahri hududidagi Bo‘rijar kanalida yuz bergan fojiada ikki nafar qizchani qutqarib jon bergan fuqaro «Jasorat» medali bilan taqdirlandi. Bu haqda prezident matbuot kotibi Sherzod Asadov xabar berdi.

Fojiali hodisa Yakkasaroy tumanida sodir bo‘lgan. Mahalliy aholi vakili Abdumannop Samiqov suvga tushib ketgan ikki qizaloqni ko‘rib, ularni qutqarish maqsadida darhol suvga sakragan. Qizchalarni qutqarishga muvaffaq bo‘lgan Samiqov, afsuski, o‘zi hayotdan ko‘z yumgan.

Davlat rahbari uning bu fidoyiligini yuksak qadrlab, marhumning oilasiga hamdardlik bildirib, uni «Jasorat» medali bilan mukofotlash haqida farmonga imzo chekkan.

Shuningdek, mazkur holatda faol ishtirok etgan «Bo‘rijar» sport majmuasi xodimi Nurmuhammad Mamasaliyev ham ushbu yuksak...

2025-yil 6-iyun, juma kuni Qurbon hayiti arafasida Toshkent shahrida jamoat transporti – avtobuslar va metro liniyalari odatdagidan ancha erta, soat 03:00 dan qatnovni boshlaydi. Bu haqda Toshkent shahar transport bosh boshqarmasi xabar berdi.

Ushbu tadbir poytaxt aholisi va mehmonlarining hayit namozida bemalol qatnashishini ta’minlashga qaratilgan.

2025-yil Qurbon hayiti namozi vaqtlari e’lon qilindi. Joriy yilda Qurbon hayiti namozi 6-iyun, juma kuni O‘zbekiston bo‘ylab barcha jome masjidlarda ado etiladi. Toshkent shahrida hayit namozi ertalab soat 05:10 da boshlanadi. Boshqa shaharlar bo‘yicha ma’lumotni ushbu havola orqali o‘qishingiz mumkin.

Avvalroq Kursiv Uzbekistan Urganch shahriga 30 ta zamonaviy avtobus olib kelingani haqida yozgandi.

Germaniya sobiq tashqi ishlar vaziri Annalena Berbok Birlashgan Millatlar Tashkiloti (BMT) Bosh Assambleyasining 80-sessiyasi raisi etib saylandi. Bu haqda Pragativade nashri xabar bermoqda.

U bu lavozimga ko‘rsatilgan yagona nomzod edi. Berbok 2025/2026-yillarda Bosh Assambleyaga raislik qiladi.

Avvalroq Germaniya tashqi ishlar vazirligi YeXHTning sobiq bosh kotibi va mansabdor diplomati Helga Shmidt nomzodini ilgari surishni rejalashtirayotgani xabar qilingan edi.

«Birlashgan Millatlar Tashkilotining Ikkinchi Jahon urushi kulidan tug‘ilishi bizga eslatib turadi: Biz avval ham og‘ir kunlarni boshdan kechirganmiz. Bu qiyinchiliklarni yengish o‘zimizga bog‘liq», – degan u jurnalistlarga bergan intervyusida.

U «Birgalikda yaxshiroq» shiori ostida raislik qiladi.

Annalena Berbok 1980-yil...

AQSh yangi Suriya hukumatining xorijlik sobiq jihodchilarni armiyaga qabul qilish rejasini ma’qulladi, deb yozadi Reuters manbalariga tayanib. Vashington ularni ochiq va nazorat ostida armiyaga qo‘shishni so‘radi.

Kutilishicha, 84-armiya diviziyasiga xitoylik uyg‘urlar va boshqa davlat fuqarolari kiritilishi kutilmoqda. Jami 3,5 ming nafar xorijlik qabul qilinadi. AQShning Turkiyadagi elchisi Tomas Barakning so‘zlariga ko‘ra, ularning ko‘pchiligi yangi Suriya hukumatiga sodiq.

Avvalroq AQSh hukumati Damashqdan xorijlik jangarilarning xavfsizlik idoralarida ishlashini taqiqlashni talab qilgan edi. Biroq AQSh prezidenti Donald Trampning Suriya rahbari Ahmad Ash-Sharo bilan uchrashuvidan so‘ng Vashingtonning pozitsiyasi o‘zgardi.

Uchrashuvda Ash-Sharo AQShni xorijliklarni armiyaga qabul qilish yaxshiroq variant ekaniga ishontirgan, aks holda...

Fuqarolik ishlari bo‘yicha Namangan tumanlararo sudining qaroriga asosan, «Namangan Chorsu dehqon universal bozori» MChJ hisobidan 108 nafar fuqaroga jami 1,5 mlrd so‘m ish haqi undirildi. Bu haqda Bosh prokuratura ma’lum qildi.

Bundan tashqari, Namanganda ish haqlarini undirish bilan bog‘liq, umumiy qiymati 5,5 mlrd so‘mni tashkil qiladigan 356 ta ijro hujjati mavjud. Shulardan 286 tasi, ya’ni 4,8 mlrd so‘mlik qismi allaqachon ijro etilgan.

Shu bilan birga, ishga tiklash bo‘yicha 15 ta ijro hujjati ko‘rib chiqilgan bo‘lib, ularning 11 tasi amalda bajarilgan va tegishli fuqarolar o‘z ish joylariga qayta tiklangan.

Avvalroq Kursiv Uzbekistan Surxondaryoda bank foydasiga 874,5 mlrd so‘m undirilgani haqida...

O‘zbekiston Respublikasi valyuta birjasi (UZCE) ma’lumotlariga ko‘ra, 2025-yil 3-iyun kuni AQSh dollarining o‘rtacha kursi 12 857,35 so‘mni tashkil etdi. Kurs avvalgi savdo kuniga nisbatan 22,74 so‘mga oshgan.

Ushbu o‘sish dollar kursining uch kun ketma-ket mustahkamlanayotganini ko‘rsatmoqda. Eslatib o‘tamiz, 30-may kuni kurs 12 790,43 so‘mni tashkil etgan edi (+22,17).

O‘zbekiston Markaziy banki ma’lumotlariga ko‘ra, yevro kursida ham o‘sish qayd etilib, u 10,55 so‘mga qimmatlashdi va 14 672,81 so‘mga yetdi.

Angliya funt sterlingi 3,92 so‘mga pastlab, 17 376,71 so‘m darajasida belgilandi. Shuningdek, Xitoy yuani 6,12 so‘mga ko‘tarilib, 1 788,75 so‘mga chiqdi.

Yapon iyenasi 0,22 so‘mga oshib, 90,01 so‘m bo‘ldi. Rossiya rubli esa...

Andijon, Qashqadaryo, Namangan viloyatlari hamda Toshkent shahrida fuqarolarni noqonuniy yo‘llar orqali Hajga yuborishni va’da qilgan. Bu haqda Davlat xavfsizlik xizmati xabar berdi.

Xususan, Andijon shahrida ilgari bir necha marotaba sudlangan fuqaro faoliyati to‘xtatilgan turistik kompaniya nomidan faoliyat yuritgan. U 10 nafar insonni ziyoratga jo‘natishini aytib, har biridan $5 mingdan, jami $50 ming olayotganida daliliy ashyolar bilan qo‘lga tushgan.

Shunga o‘xshash holat Qashqadaryo viloyatining Qarshi shahrida ham qayd etilgan. Bu yerda tadbirkorlik faoliyati bilan shug‘ullanayotgan, 1985-yilda tug‘ilgan shaxs bir fuqaro va uning qarindoshini tanishlari orqali Hajga yuborishni va’da qilgan. U ushbu xizmat evaziga $14 ming olgan vaqtida qo‘lga olingan.

O‘zbekistonning Iordaniyadagi Favqulodda va muxtor elchisi Nodirjon Turg‘unov mamlakat qiroli Abdulla II ibn Husaynga ishonch yorliqlarini topshirdi.

Marosim qirolning Ammandagi rasmiy qarorgohi Basmanniy saroyida bo‘lib o‘tdi.

Ma’lumot o‘rnida, Iordaniya Hoshiimiylar Qirolligi Yaqin Sharqda joylashgan davlat bo‘lib, uning poytaxti Amman shahri hisoblanadi. Mamlakat Arabiston yarimoroli shimolida, Suriya, Iroq, Saudiya Arabistoni hamda Falastin va Isroil bilan chegaradosh. G‘arbiy qismida O‘lik dengiz, janubda esa Aqaba ko‘rfazi orqali qisqa dengiz sohiliga ega. Iordaniyada asosiy til arab tili bo‘lib, rasmiy pul birligi — Iordaniya dinoridir.

Eslatib o‘tamiz, Kursiv Uzbekistan nashri Nodir G‘aniyev O‘zbekistonning Portugaliyadagi elchisi etib tayinlangani haqida yozgan edi.

O‘zbekiston milliy terma jamoasi Qatarga qarshi uchrashuvi 10-iyun kuni «Bunyodkor» stadionida bo‘lib o‘tadi. Ushbu uchrashuv uchun chiptalar 3-iyundan boshlab oflayn savdoga chiqarildi.

OʻFA avvalgi o‘yinlarda aniqlangan firibgarlik holatlari va soxta chiptalar muammosining oldini olish maqsadida onlayn savdodan voz kechib, faqat oflayn sotuv tartibini joriy etdi.

Chiptalarni ushbu manzillardagi iTicket kassalaridan xarid qilish mumkin:

Uchrashuv chiptalarining narxlari quyidagicha:

Avtomobil tanlayotganda faqat uning dizayni va qulayligigagina emas, balki yillar davomida ishonchli xizmat qilishiga ham e’tibor qaratamiz. Ba’zi avtomobillar yillar davomida o‘z ko‘rinishini va ishlash sifatini saqlab qoladi, boshqalari esa atigi uch yil ichida ishdan chiqa boshlaydi. Bunday farq nimaga bog‘liq va qaysi modellar vaqt sinoviga dosh beradi? Kursiv Media tomonidan tayyorlangan ushbu maqola orqali bu haqda batafsil so‘z yuritamiz.

Vaqt sinoviga bardosh berish nimani anglatadi?

Bu avtomobilning texnik va tashqi holati yillar davomida barqaror saqlanishidir. Bunday avtomobillar ko‘p yillar o‘tgach ham jozibador ko‘rinadi, tez-tez ta’mirlashga muhtoj bo‘lmaydi va qayta sotishda narxi keskin pasaymaydi.

Vaqt o‘tsa ham...