Yangiliklar

Xiaomi kompaniyasi o‘zining yangilanish siyosatini sezilarli darajada kengaytirdi. Endi faqat flagmanlar emas, balki o‘rta segmentdagi ayrim modellarga ham uzoq muddatli qo‘llab-quvvatlash taqdim etiladi. Lifehacker nashri ro‘yxatni e’lon qildi.

Mutaxassislar ta’kidlashicha, gap yangi funksiyalar qo‘shilishida emas, balki xavfsizlik yangilanishlari haqida bormoqda. Bu esa qurilmaning himoyasini kuchaytirib, uning uzoq muddat ishlashini ta’minlaydi. Shu bilan birga, ko‘rsatilgan modellarga 4 yil davomida operatsion tizim yangilanishlari ham taqdim etiladi.

Xiaomi hattoki Redmi Pad 2 modelini 7 yilgacha qo‘llab-quvvatlashini e’lon qilgan. Bu esa Android olamida rekord bo‘lib, Samsung va Google’ning siyosatidan ham uzunroq muddatni o‘z ichiga oladi.

Ro‘yxat:

Eslatib o‘tamiz, Kursiv Uzbekistan nashri Redmi Note...

Ilon Mask o‘zining yangi siyosiy partiya tuzish bo‘yicha rejasini kechiktirdi. Wall Street Journal’ning yozishicha, u hozircha barcha e’tiborini biznes loyihalariga qaratishni ma’qul ko‘rmoqda.

Mask iyul oyida Donald Tramp bilan soliq imtiyozlari va davlat xarajatlari borasida yuzaga kelgan keskin bahs ortidan «America Party» nomli siyosiy kuchni tashkil etishni e’lon qilgan edi. Ammo so‘nggi haftalarda u AQSh vitse-prezidenti JD Vance bilan munosabatlarini saqlashga ko‘proq ahamiyat berayotgani aytilmoqda.

Manbalarga ko‘ra, yangi partiya tuzish rejasi Vance bilan aloqalarga salbiy ta’sir qilishi mumkin. Shu bois Mask agar Vance 2028-yilda prezidentlikka nomzod bo‘lsa, uni moliyaviy jihatdan qo‘llab-quvvatlashni rejalashtirmoqda.

Ma’lumotlarga ko‘ra, 2024-yilda Mask Tramp va...

O‘zbekiston uran zaxiralari bo‘yicha Mustaqil davlatlar hamdo‘stligi (MDH) davlatlari orasida ikkinchi o‘rinni egallaydi. Bu haqda Atom energiyasi agentligi xabar berdi.

Umumjahon reytingida esa respublika 10-pog‘onada joylashgan. Mamlakatda uran qazib olish ekologik xavfsiz usulda – yerosti yuvish texnologiyasi orqali amalga oshirilmoqda. Bu usul atrof-muhit uchun nisbatan tejamkor hisoblanadi.

Bugungi kunda 23 ta kon foydalanilmoqda. Yana 10 ta obyektda geologik-qidiruv ishlari davom etmoqda. 2025-yilda uran qazib olish hajmi 4,2 ming tonnaga yetishi prognoz qilinmoqda. 2030-yilga kelib esa bu ko‘rsatkich 7,2 ming tonnaga oshirilishi rejalashtirilgan.

Avvalroq O‘zbekiston ilk atom elektr stansiyasi uchun yoqilg‘ini 2029-yilda qabul qilishi ma’lum bo‘lgandi.

18 – 20-avgust kunlari Nukusda CyberWeek dasturining mintaqaviy bosqichi o‘tkazildi. Tadbir Markaziy bank, Ichki ishlar vazirligi va Uzacard to‘lov tizimi hamkorligida tashkil etildi.

Uchrashuvlar Ajiniyoz nomidagi Nukus davlat pedagogika institutida bo‘lib o‘tdi. Unda Markaziy bank, IIV, tijorat banklari va IT-kompaniyalar vakillari ishtirok etdi.

Ikki kun davomida kiberxavfsizlik, moliyaviy sohada firibgarlikka qarshi kurashish va raqamli madaniyatni rivojlantirish masalalari muhokama qilindi.

Dastur doirasida matbuot anjumani, panel muhokamalar va amaliy mashg‘ulotlar o‘tkazildi. Mutaxassislar to‘lov xizmatlarini himoyalash hamda zamonaviy raqamli yechimlarni joriy etish bo‘yicha tajriba almashdi.

Foto: Asliddin Shamsiyev

CyberWeek Nukus bosqichi Farg‘ona va Samarqandda o‘tkazilgan tadbirlarning mantiqiy davomi bo‘ldi. U O‘zbekistonda foydalanuvchilar uchun...

2026-yildan «Biznesni 15 daqiqada boshlash» tamoyili ishga tushadi. Bu haqda prezidentning tadbirkorlar bilan uchrashuvida ma’lum qilindi.

Mazkur tamoyil orqali tadbirkor ro‘yxatdan o‘tayotgan vaqtda elektron raqamli imzo, bank hisob raqami, ijara shartnomasi va soliq organida ro‘yxatdan o‘tgan kassa apparatini birdaniga olish imkoniga ega bo‘ladi. Shu tariqa bir haftalik jarayon 15 daqiqagacha qisqaradi.

Bundan tashqari, 2026-yildan 10 ta litsenziya va ruxsatnomalar talabi bekor qilinadi. Ayrim sohalarda esa litsenziya va ruxsatnoma o‘rniga faqat xabardor qilish tartibi joriy etiladi. Endi qoidabuzarlik sodir bo‘lsa, jarima faqat korxonaning o‘ziga qo‘llanadi.

Shuningdek, ko‘chat, mineral o‘g‘it, chorva ozuqasi kabi 32 turdagi mahsulot uchun majburiy sertifikatlash bekor qilinadi...

Qo‘shilgan qiymat solig‘iga (QQS) o‘tgan korxonalar bir yil davomida foyda solig‘idan ozod qilinadi. Bu haqda prezident tadbirkorlar bilan uchrashuvda ma’lum qildi.

QQS stavkasi 12 foizga tushirilgani tufayli bu soliq rejimiga o‘tayotgan tadbirkorlar soni ortib bormoqda. Shu sabab QQSga o‘tayotgan korxonalarga qo‘shimcha yengilliklar beriladi:

Shuningdek, yillik aylanmasi 10 milliard so‘mdan oshgan korxonalarga qo‘yilgan foyda solig‘i bo‘yicha avans to‘lov talabi endi faqat 20 milliard so‘mdan yuqori aylanmaga ega bo‘lganlarga tatbiq etiladi. Bu orqali 14 mingga yaqin...

20-avgustdan boshlab Qoraqalpog‘istonda jamoat transportida yangi tariflar kuchga kirdi. Bu haqda Qoraqalpog‘iston Vazirlar kengashi qarorida qayd etildi.

Unga ko‘ra, avtobuslarda naqd pul orqali yo‘l haqi 2600 so‘m, bank kartasi, ATTO yoki transport kartasi orqali to‘lov qilinsa, 2000 so‘m etib belgilandi.

Shuningdek, shahar ichi va tuman markazidan chiqadigan shaharlararo yo‘nalishli taksilarda 5 km.gacha masofa uchun yo‘l haqi 3000 so‘m qilib belgilandi. Bu summaga qo‘shilgan qiymat solig‘i ham kiritilgan.

Hududdagi jamoat transportidan foydalanishda abonent tizimi ham joriy etilgan bo‘lib, oddiy yo‘lovchilar uchun avtobus abonementi oyiga 200 ming so‘m, yiliga 1 mln 642 ming so‘m bo‘ladi. Talabalar, o‘quvchilar, pensionerlar va nogironlar uchun...

Bugun, 20-avgust kuni dollar kursi 58,48 so‘mga oshib, 12 466,44 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 113,19 so‘mga pasayib, 14 517,17 so‘mni, rubl esa 0,54 so‘mga tushib, 155,42 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Kelgusi yildan muqobil skoring modeli ishga tushib, kredit berish shartlari yanada osonlashtiriladi. Bu haqda davlat rahbari tadbirkorlar bilan yig‘ilishda ma’lum qildi.

Prezident hozirda kredit tarixi «o‘rtacha», lekin ozgina ko‘mak berilsa, tez o‘sish imkoniga ega yana 500 ming mijoz borligini ta’kidladi. Shu sabab endi skoring tizimi soliq va kommunal to‘lovlar, rasmiy aylanma va eksport operatsiyalarini ham inobatga oladi.

Banklar bu yil tadbirkorlik loyihalari uchun olti milliard dollar resurs olib kelmoqda. Keyingi yilda esa aynan kichik va o‘rta biznesni qo‘llab-quvvatlash uchun qulay shartlarda bir milliard dollar alohida resurs ajratiladi. Tadbirkorlikni rivojlantirish kompaniyasi esa «chempion tadbirkor»larni ko‘paytirish maqsadida 10 milliard...

Qamrovi kam bo‘lgan hududlarda bog‘cha ochganlarga 7 yil muddatga 5 mlrd so‘mgacha 18 foizlik imtiyozli kredit beriladi. Bu haqda prezident tadbirkorlar bilan ochiq muloqot chog‘ida ma’lum qildi.

Ta’kidlanishicha, endi bog‘cha qamrovi 70–80 foizdan past bo‘lgan 80 ta tuman tadbirkorlarga alohida imtiyozlar beriladi. Xususan, bu hududlardagi bo‘sh yer maydonlarida davlat bilan xususiy sheriklik asosida bog‘chalar qurishga ruxsat etiladi.

Tadbirkorlardan yer uchun 30 yil davomida ijara haqi olinmaydi, shuningdek davlat bog‘chalarida har bir bola uchun ajratiladigan xarajatning yarmi subsidiya qilinadi. Ularga yer tekinga ajratilib, ijtimoiy soliq stavkasi 1 foiz qilib belgilanadi. Tarbiyachilarning maoshi esa uch yilgacha davlat tomonidan qoplab beriladi.

Oxirgi...

2025-yildan boshlab «Yosh tadbirkorlar» chempionati o‘tkazilib, unda tanlab olingan 100 ta g‘oyaning har biriga 1 milliard so‘mgacha investitsiya kiritiladi. Bu haqda Shavkat Mirziyoyev tadbirkorlar bilan davom etayotgan ochiq muloqotda ma’lum qildi.

Ma’lum qilinishicha, bugungi kunda O‘zbekistonda 600 dan ortiq startap faoliyat yuritmoqda.

«E’tibor bering, yetti oyning o‘zida startaplarga rekord miqdorda – $264 million xorijiy investitsiya keldi. Bu 2024-yil davomida kirgan sarmoyalardan 4 barobar ko‘p. Shu bois startaplarni qo‘llab-quvvatlash borasidagi ishlarni yanada jonlantiramiz», — dedi prezident.

Unga ko‘ra, yoshlarning mingta startap g‘oyasi tijoratlashtiriladi, shundan 200 tasi xalqaro bozorga olib chiqiladi. Eng ilg‘or texnologiyalar jalb...

Kelgusi yildan boshlab davlat aktivlari besh yil muddatga ijaraga beriladi. Bu haqda davlat rahbari yig‘ilishda ma’lum qildi.

Shartnoma faqat ijara oluvchi istasa yoki majburiyatlarini bajarmasa bekor qilinadi. Shuningdek, endi davlat obyektlari va yer maydonlari uchun yillik ijara narxi inflyatsiya darajasidan ortiq oshirilmaydi.

Yig‘ilishda 1991-yilda qabul qilingan «Ijara to‘g‘risida»gi Qonun, asosan, davlat manfaatini himoya qilgani ta’kidlandi. Endi ijara beruvchi va oluvchi huquqlarini teng himoya qiladigan yangi tahrirdagi qonun ishlab chiqiladi.

Bundan tashqari, joriy yil 16 tumanni jadallik bilan rivojlantirish uchun 1,1 trillion so‘m ajratildi. Jahon banki ham bu tashabbusni qo‘llab-quvvatlab, $250 million mablag‘ ajratmoqda. Kelgusi yilda esa yana $500 million hisobiga...

Respublikadagi barcha mahalliy mehmonxonalar va oilaviy mehmon uylari har bir turist uchun kuniga 62 ming so‘mgacha bo‘lgan turist yig‘imidan ozod etiladi. Bu haqda davlat rahbari yig‘ilishda ma’lum qildi.

Tadbirkorlar uchun yer imtiyozlari

Joriy yil boshidan buyon O‘zbekistonga qariyb 7 million xorijiy sayyoh tashrif buyurdi, 15 million aholi esa ichki turizm bo‘yicha safarga chiqdi. Kelgusi 3–4-yil ichida chet ellik sayyohlar oqimi kamida 15 millionga yetkazilishi rejalashtirilmoqda. Shu bois turizmni rivojlantirishning yangi dasturi yo‘lga qo‘yiladi.

Shuningdek, kelgusi uch yilda mehmonxonalar va turistik maskanlar qurish uchun jami 5 ming gektar yer auksionga chiqariladi. Bunda yer sotib olish uchun tadbirkorlardan to‘lov...

Turizmni rivojlantirish bo‘yicha yangi dastur boshlanadi. Bu haqda prezident tadbirkorlar bilan ochiq muloqotda ma’lum qildi. 

Ma’lum qilinishicha, yil boshidan beri yetti million xorijiy sayyoh mamlakatimizga tashrif buyurdi, 15 million aholi ichki sayohatga chiqdi. Kelgusi 3 – 4-yilda xorijiy turistlar oqimi yiliga kamida 15 millionga yetkazilishi rejalashtirilmoqda. Shu maqsadda turizmni rivojlantirish bo‘yicha yangi dastur boshlanadi.

Bundan tashqari, joriy yil hududlarda sanoat infratuzilmasini rivojlantirish uchun 1,7 trillion so‘m ajratildi. Kelgusi yilda bu mablag‘ 25 foizga oshib, 2,1 trillion so‘mga yetkazilishi ma’lum qilindi.

Poytaxtda tadbirkorlar soni ortib borayotgani bois elektr tarmoqlarini yaxshilash uchun yana ikki trillion so‘m yo‘naltiriladi. Shuningdek, tashqi infratuzilmani o‘z...

Sojitz Corporation prezidenti Kosuke Uemura «O‘zbekiston 24» telekanaliga bergan intervyusida kompaniya Toshkentda yangi xalqaro aeroport qurilishiga $200 mln sarmoya kiritishini ma’lum qildi.

Unga ko‘ra, loyiha hamkorlar bilan birgalikda amalga oshirilmoqda. 2024-yil iyulida Sojitz Toshkentda o‘z vakolatxonasini ochgan, yaqinda esa Investitsiyalar, sanoat va savdo vazirligi bilan energetika, sog‘liqni saqlash, infratuzilma va boshqa yo‘nalishlardagi loyihalarni qamrab oluvchi «Yo‘l xaritasi»ni imzolagan.

«Mamlakatdagi iqtisodiy o‘sish investitsiyaga muhit yaratadi. Biz O‘zbekistonning ulkan salohiyatiga ishonamiz va asosiy maqsadimiz mamlakatning rivojlanishiga hissa qo‘shish», — deya qayd etgan Kosuke Uemura.

Prezidentning 1-avgustdagi qaroriga binoan, yangi aeroport qurilishi boshlangan. Birinchi bosqichda u...

Bundan buyon har bir tarmoqning sifatli va raqobatbardosh 10 tadan mahsulotiga «O‘zbekiston ramzi» sifat belgisi beriladi. Bu haqda prezident tadbirkorlar bilan ochiq muloqotida ma’lum qildi. 

Ta’kidlanishicha, ushbu sifat belgisi berilgan mahsulotlarni jahon bozorida targ‘ib qilish uchun keng ko‘lamli kampaniya boshlanadi. Bundan tashqari, yaqin kunlarda to‘qimachilikda «Ishonchli eksportchi» dasturi yo‘lga qo‘yiladi. Shu orqali eksport oldi moliyalashtirish tizimi joriy etilib, buning uchun $200 million mablag‘ ajratiladi.

Mazkur tartib elektr texnika, qurilish materiallari, oziq-ovqat va farmatsevtika kabi eksport salohiyati yuqori, ammo imkoniyatlari to‘liq ishlatilmagan sohalarda ham joriy etiladi. Bu yo‘nalishdagi tadbirkorlarning aylanma mablag‘iga qo‘shimcha $500 million beriladi.

Shu bilan birga, davlat rahbari bosh...

Yakka tartibdagi tadbirkorlar va o‘zini o‘zi band qilgan fuqarolarni qo‘llab-quvvatlash maqsadida 2030-yilgacha maxsus huquqiy rejim joriy etildi. Bu haqda prezident tadbirkorlar bilan ochiq muloqotida ma’lum qildi.

Ushbu muloqotga qadar 26 ta sohaning qariyb 7 ming vakili bilan uchrashuvlar o‘tkazilib, koll-markazlar orqali 13 mingdan ortiq murojaat va tashabbus kelib tushgan. Muhim masalalarga, meva-sabzavot eksporti va to‘qimachilikdagi muammolariga aniq yechimlar topilgan.

Shuningdek, kichik loyiha asosida ish boshlagan va tajriba orttirayotgan yakka tartibdagi tadbirkorlar hamda o‘zini o‘zi band qilgan fuqarolarni qo‘llab-quvvatlash maqsadida 2030-yilgacha maxsus huquqiy rejim joriy etildi.

Endilikda ro‘yxatdan o‘tish va hisobot topshirish jarayonlari raqamli platformalar orqali soddalashtiriladi, hujjatlarni biometriya...

So‘nggi sakkiz yilda O‘zbekistonga $230 milliard investitsiya kirdi, shundan $120 milliarddan ortig‘i xorijiy sarmoya hisoblanadi. Bu haqda prezident tadbirkorlar bilan an’anaviy ochiq muloqot chog‘ida ma’lum qildi.

Jahon iqtisodiyotida turli murakkabliklar kuzatilayotganiga qaramay, O‘zbekistonda birinchi yarim yillikda iqtisodiyot 7,2 foizga o‘sdi.

«Bir qarashda aytishga oson ushbu raqamni oldinlari hisob-kitob qilish tugul, tasavvur qilib ham boʻlmasdi. Lekin biz buni uddaladik», dedi prezident.

Bundan tashqari, bir yil ichida 1,6 ming mikro korxona o‘rta korxonaga aylandi, ulardan 143 tasi esa yirik korxonaga qadar o‘sdi. 122 ta kichik korxona ham yirik biznes safiga qo‘shilgani ta’kidlandi.

Oʻtgan yili aylanmasi...

Xitoyning Pop Mart kompaniyasi 19-avgust kuni yilning birinchi yarmi bo‘yicha Labubu sof foydasi qariyb 400 foiz oshgani haqida hisobot berdi. Bu haqda Reuters yozmoqda.

Xabarga ko‘ra, bunga o‘yinchoqlarga bo‘lgan yuqori talab va yuqori foydali xorijiy bozorlarga yo‘nalish sabab bo‘lgan. Kompaniya ma’lumotiga ko‘ra, sof foyda 396,5 foizga, daromad esa 204,4 foizga oshdi. Bu natijalar iyul oyida berilgan prognozlardan ham yuqori bo‘ldi. O‘shanda Pop Mart daromad 200 foizga, sof foyda esa kamida 350 foizga ko‘payishini kutayotganini bildirgandi.

Pop Mart aksiyalari yil boshidan beri 200 foizdan ko‘proqqa oshib, kompaniyaga Barbie qo‘g‘irchoqlari ishlab chiqaruvchisi Mattel va Hello Kitty brendi egasidan ham yuqori...

Chevrolet Tracker – zamonaviy dizayn va qulay texnologiyalarni o‘zida jamlagan mashhur krossover. Avtombil O‘zbekistonda ham katta mashhurlikka ega. Joriy yilning boshidan buyon 21,3 ming dona sotilgan. Modelning ixcham o‘lchamlari shahar sharoitida juda qulay harakatlanishni ta’minlaydi. Shu bilan birga, kuchli dvigatel va zamonaviy xavfsizlik tizimlari unga ishonchlilik qo‘shadi. Quyidagi maqolada Chevrolet Tracker haqida qiziqarli besh fakt keltiriladi.

Global yaratilish tarixi va ilk taqdimoti

Chevrolet Tracker aslida Suzuki Escudo (Vitara) modeli bilan bog‘liq. U Yaponiyada 1988-yil may oyida ilk bor taqdim etilgan. Bir yil o‘tib, 1989-yilda General Motors va Suzuki hamkorligida Shimoliy Amerikaga chiqarilgan. U yerda u Geo Tracker...

Smartfon tanlashda ko‘pchilik uchun kamera sifati birinchi o‘rinda turadi. Bugun esa yaxshi surat olish uchun qimmat flagman talab qilinmaydi. Samsung o‘rta narxdagi telefonlarda ham kuchli kameralar taklif qiladi. Ayniqsa, O‘zbekistonda A34, A35, A36 va A54 modellariga qiziqish yuqori. Ushbu maqolada eng yaxshi kameraga ega hamyonbop Samsung smartfonlari haqida so‘z boradi.

Samsung Galaxy A54 5G

O‘rtacha narxda kuchli kameraga ega model. Asosiy kamerasi 50 MP keng burchakli sensor bilan jihozlangan. Unda OIS stabilizatsiyasi bor, bu esa tungi suratlarni tiniq olishga yordam beradi. Yana 12 MP ultrakeng va 5 MP makro linzalari mavjud. Old kamerasi 32 MP bo‘lib, yuqori aniqlikdagi selfilar...

Honor kompaniyasi yangi flagman smartfonlarini tayyorlayapti. Bu haqda ITHome nashri xabar bermoqda.

Ular Qualcomm va Mediatek’ning hali rasmiy taqdim etilmagan eng ilg‘or protsessorlarida ishlaydi. Ma’lumotlarga ko‘ra, Honor bir vaqtning o‘zida to‘rtta yangi platformada qurilgan modellar ustida ishlayapti. Ular Snapdragon 8 Gen 5, Snapdragon 8 Elite 2, Dimensity 9500 va Dimensity 8500 bo‘ladi. Dimensity 9500’ning taqdimoti 22-sentabrga, Snapdragon 8 Elite 2 esa 23-sentabrga belgilangan.

Honor’ning yangi Magic8 liniyasi esa oktabr oyida taqdim etilishi kutilmoqda. Smartfonlar Snapdragon 8 Elite 2’da chiqqan ilk qurilmalar bo‘lmasa-da, kompaniya ishlab chiqarish jarayonini avvalgilarga qaraganda tezlashtirgan.

Eslatib o‘tamiz, Kursiv Uzbekistan Honor’ning Dimensity 8500 telefoni 10000 mA/soatlik...

O‘zbekistonda kriminogen vaziyati og‘ir mahallalarda xavfsizlikni ta’minlash maqsadida Namunali xavfsiz ko‘cha va Namunali xavfsiz uy tashkil etish bo‘yicha yangi talablar tasdiqlandi. Bu haqda Adliya vazirligi ma’lum qildi.

Unga ko‘ra, kechasi ko‘chalar to‘liq yoritilishi, odam kam yuradigan hududlar esa qisman yoritilishi belgilangan. Shuningdek, avtoturargohlar texnik kuzatuv talablariga javob berishi, noqonuniy savdo rastalari tartibga solinishi hamda qarovsiz yerto‘la, chiqindixona va chordoqlar bo‘lmasligi shart.

Mahallalarda bu ishlar uchun har oy va har chorakda yo‘l xaritalari ishlab chiqiladi. Shuningdek, Mahalla yettiligi tomonidan xavfsiz hududlarning kirish-chiqish nuqtalariga maxsus belgi-stikerlar o‘rnatiladi.

Eslatib o‘tamiz, avvalroq mahallalarda huquq-tartibot maskanlari tashkil etilishi haqida yozgan edik.

Jinoyatchilik yuqori bo‘lgan mahallalarda yangi tizim joriy etiladi. Bunga doir prezidentning yangi qarori qabul qilindi.

Unga ko‘ra, jinoyatchilik darajasi yuqori bo‘lgan mahallalarda zamonaviy kuzatuv kameralarini o‘rnatish va ularni sun’iy intellektga ulangan dasturlar bilan boshqarish rejalashtirilmoqda.

Shuningdek, yil yakuniga qadar fuqarolarning mol-mulki texnik qo‘riqlash tizimi bilan 30 foizga, yuridik shaxslar mol-mulki esa 60 foizga himoyalanishi ko‘zda tutilmoqda.

Qaror doirasida ichki ishlar organlari uchun yuqori malakali kadrlar tayyorlash ham kuchaytiriladi. Shu maqsadda Ichki ishlar vazirligi Akademiyasida masofaviy ta’lim yo‘lga qo‘yiladi va bakalavriat qabul kvotalari bosqichma-bosqich oshirib boriladi.

Bunga qadar prezident davlat idoralari faoliyatini faqat jinoyatlar kamaygani bilan emas, balki ularning...