Yangiliklar

O‘zbekiston bosh vaziri o‘rinbosari Jamshid Xo‘jayev Moskvada o‘tkazilgan Xalqaro atom forumida atom elektr stansiyasi (AES) loyihasi nafaqat mamlakatning energetik mustaqilligi yo‘lidagi muhim qadam, balki Rossiya bilan strategik hamkorlikning yorqin namunasi ekanini ta’kidladi. Bu haqda TASS nashri xabar berdi.

Xo‘jayevning so‘zlariga ko‘ra, «Rosatom» tajribasi va texnologiyalari asosida mintaqa uchun noyob stansiya modeli barpo etiladi.

«Bu nafaqat yangi ishlab chiqarishlar, kadrlar tayyorlash va ilmiy izlanishlar uchun asos, balki O‘zbekistonning yangi industrializatsiyasi ramzi bo‘lib xizmat qiladi», dedi u.

Uning qo‘shimcha qilishicha, Jizzax viloyatida qurilayotgan AES qo‘shimcha elektr energiyasi ishlab chiqarishdan tashqari hududda sanoatlashtirish jarayonlarini tezlashtiradi. Bu...

Bosh prokuratura huzuridagi Departament xodimlari tomonidan o‘tkazilgan tezkor tadbirlarda bir nechta shaxslar noqonuniy valyuta ayirboshlash bilan shug‘ullangani uchun qo‘lga olindi.

Toshkent viloyatida o‘tkazilgan reydda ilgari sudlangan Sh.I. $4 mingni fuqaroga 49,4 mln so‘mga sotayotgan vaqtida ushlandi.

Shu kabi holat Toshkent shahrining Shayxontohur tumanida ham qayd etildi. Bu yerda fuqaro $4 mingni 50 mln so‘mga sotishini aytib, xaridorga 2 ming dollar bergan vaqtida qo‘lga olindi. Tekshiruv davomida olingan pullardan $100 lik banknota qalbakiligi aniqlangan.

Qoraqalpog‘istonning To‘rtko‘l tumanida ham ikki shaxs fuqarodan 2 ming AQSh dollari hamda 150 ming Rossiya rublini 45,8 mln so‘mga sotib olayotganda ushlangan.

Mazkur holatlar yuzasidan Jinoyat...

Falastin BRIKSga to‘liq a’zolik uchun rasmiy ariza topshirdi, biroq hozircha javob olmagan. Bu haqda Rossiyadagi Falastin elchisi Abdelhafiz Nofalga tayanib «Ria Novosti» xabar bermoqda.

Manbaning qayd eticha, hozircha Falastin tashkilot tadbirlarida mehmon sifatida qatnashishda davom etadi.

«Biz ariza berdik, ammo siz bilasiz, Falastinning o‘ziga xos sharoitlari bor. Menimcha, Falastin sharoitlar to‘liq pishib yetguncha BRIKSda mehmon sifatida qatnashishda davom etadi. Hozirgacha biz javob olmadik», degan Nofal.

BRIKS 2006-yilda Rossiya, Xitoy, Hindiston va Braziliya tomonidan tashkil etilgan bo‘lib, 2011-yilda Janubiy Afrika ham qo‘shilgan. 2024-yildan boshlab ittifoqqa Misr, BAA, Efiopiya va Eron qo‘shildi. 2025-yil yanvardan esa Indoneziya...

Madridning «Real» klubi va Braziliya terma jamoasi futbolchisi Vinisius Junior ispan tadbirkorga qarshi sud ishini yutib chiqdi. Bu haqda El Pais nashri xabar berdi.

Ma’lum bo‘lishicha, La-Korunyadan bo‘lgan bir tadbirkor 2018-yil kuzida Vinicius nomi ostida kiyim-kechak brendini ro‘yxatdan o‘tkazgan. Biroq sud instansiyalari, jumladan, La-Korunya tijorat sudi va apellyatsiya sudi bu ishni futbolchining shon-shuhratidan foydalanishga urinish sifatida baholadi.

Tadbirkor o‘zini oqlash jarayonida, «men brendni ro‘yxatdan o‘tkazgan paytimda Vinisius hali mashhur emas edi», deya ta’kidlagan. Ammo sud buni rad etib, biznesmen futbolchining mashhurligidan xabardor bo‘lganini va uning obro‘sidan foyda ko‘rishga intilganini qayd etdi.

Sud qaroriga ko‘ra, Vinisiusning da’vosi to‘liq qanoatlantirildi. Tadbirkor...

Donald Tramp TikTok’ning AQShdagi operatsiyalarini amerikalik va xalqaro investorlar qo‘liga o‘tkazishni ko‘zda tutuvchi farmonni imzoladi. Yangi kompaniya qiymati taxminan $14 milliard deb baholanmoqda. Bu haqda Reuters nashri xabar berdi.

Unga ko‘ra, ilovaning tavsiya algoritmi AQSh kompaniyasi nazoratiga o‘tadi va xavfsizlik hamkorlari tomonidan kuzatib boriladi. Tramp aytishicha, Xitoy rahbari Si Szinpin reja bo‘yicha davom etishga rozilik bildirgan.

Investorlardan Oracle va Silver Lake kompaniyalari 50 foiz ulushni qo‘lga kiritishi kutilmoqda. Shuningdek, Michael Dell, Rupert Murdoch va boshqa yirik sarmoyadorlar ham ishtirok etadi. ByteDance esa AQShdagi TikTok kompaniyasida 20 foizdan kam ulushga ega bo‘ladi.

TikTok’ning AQShda 170 million foydalanuvchisi bor. Trampning...

Xitoy bozorida Mercedes CLA L avtomobili taqdim etildi. Bu haqda CarNewsChina xabar bermoqda. Model kompaniya elektromobillari ichida eng arzon narxga ega bo‘lib, 259 ming yuandan (taxminan $36 ming) boshlanadi.

Yangi elektromobil tashqi ko‘rinishda bahorda Shanxay avtosalonida ko‘rsatilgan CLA’dan deyarli farq qilmaydi, faqat kuzovi 40 millimetrga uzaytirilgan. O‘lchamlari: uzunligi 4 763 mm, kengligi 1 856 mm, balandligi 1 469 mm, g‘ildirak bazasi esa 2 830 mm. Model ikkita versiyada — CLA 300 L Ultra-Long Range Edition va Ultra-Long Range Intelligent Edition ko‘rinishida taqdim etilmoqda.

Salon zamonaviy texnologiyalar bilan to‘ldirilgan. Old panel bo‘ylab uchta ekran joylashtirilgan: 10,25 dyuymli asboblar paneli...

Qoraqalpog‘iston Respublikasi va Farg‘ona viloyatida o‘tkazilgan tezkor tadbirlarda haydovchilik guvohnomasi uchun pora olganlar qo‘lga olindi. Bu haqda Bosh prokuratura huzuridagi departament xabar berdi.

Xabarga ko‘ra, Farg‘ona viloyatining Bag‘dod tumanida «Vatanparvar» tashkiloti Buvayda bo‘limi inspektori fuqaroni imtihondan o‘tkazib, «V» toifali haydovchilik guvohnomasini olib berishni va’da qilgan. So‘ngra ushbu va’da evaziga $1 000 olayotganda ushlangan.

Boshqa bir holatda Qoraqalpog‘istonning Qonliko‘l tumanida fuqaro boshqa bir fuqaroni aldab, bekor qilingan haydovchilik guvohnomasini tanishlari orqali qayta tiklab berishini va’da qilgan. Keyin esa bu xizmat evaziga $1,5 ming olayotganda qo‘lga olingan.

Departamentga ko‘ra, har ikki holat yuzasidan firibgarlik va pora berish moddalari bo‘yicha jinoyat ishi...

Amerikaning Thor Industries kompaniyasi tomonidan dunyodagi birinchi gibrid klass «A» avtouyi taqdim etdi. Bu haqda Drive xabar bermoqda.

Ushbu turdagi avtouylar avtobus shassisiga quriladi va eng yirik format hisoblanadi. Yangi model Entegra Embark deb nomlanib, EREV texnologiyasi (elektr transport vositasi — kengaytirilgan yurish masofasi bilan) asosida yaratilgan.

Entegra Embark faqat elektr rejimida 170 km yo‘l bosishi mumkin. Benzinli generator ishga tushirilganda masofa 725 km gacha oshadi. Bu tizimning farqi shundaki, ichki yonuv dvigateli g‘ildiraklarni harakatga keltirmaydi, balki faqat akkumulyatorlarni zaryadlaydi. 140 kVt·soat sig‘imli batareya 800 voltli arxitekturaga ega va tezkor quvvatlashni qo‘llab-quvvatlaydi.

Shu bilan birga, oddiy rozetka yoki...

Xitoyda Changan CS55 Plus to‘rtinchi avlodining rasmiy savdosi boshlandi. Bu haqda ITHome texnologiyalar nashri xabar bermoqda.

Model to‘rtta komplektatsiyada taklif etilmoqda, dastlabki xaridorlar uchun narxlar 78,9 ming yuandan ($10 ming) boshlanadi.

Yangi CS55 Plus oldingi avloddan kattaroq bo‘lib, uning gabaritlari 4550 x 1868 x 1675 mm, g‘ildirak bazasi esa 2656 mmni tashkil etadi. Salon ichida 10,25 va 14,6 dyuymli ekranlar o‘rnatilgan. Qimmatroq versiyalarda Tianshu Driving Assistance haydovchiga yordamchi tizimlari mavjud. Qulaylik uchun ergonomik shakldagi o‘rindiqlar ishlab chiqilgan, old yo‘lovchiga esa ventilyatsiya, isitish va massaj funksiyali «korol kreslo» taklif etiladi.

Kapoti ostida 1,5 litrli yangi avlod Blue Whale turbomotori joylashgan...

AQShning Fremont shahridagi Tesla zavodida ishlab chiqarish roboti texnik xodimga jiddiy shikast yetkazdi. Hodisa 2023-yil 22-iyul kuni sodir bo‘lgan, ammo voqea tafsilotlari yaqinda ommaga ma’lum qilindi, deya xabar bermoqda Independent.

Ma’lum bo‘lishicha, 50 yoshli texnik mutaxassis Piter Xinterdobler robot ustida ishlayotganida u nazoratdan chiqib, kutilmaganda unga zarba bergan. Shikoyatga ko‘ra, mexanik qo‘l katta kuch bilan urib yuborganidan so‘ng xodim yiqilib, hushidan ketgan va boshqa og‘ir tan jarohatlari olgan.

Xinterdoblerning da’vosiga ko‘ra, voqea oqibatida uning sog‘lig‘iga jiddiy zarar yetgan va u astronomik tibbiy xarajatlarni to‘lashga majbur bo‘lgan. U hozirgacha $1 million miqdorida davolanish xarajatlarini qoplagan, biroq oldinda yana $6 milliondan...

25-sentabr kuni AQSh prezidenti Donald Tramp Kolumbiya okrugida federal o‘lim jazosi qonunlarini to‘liq ijro etish bo‘yicha memorandumni imzoladi. Bu haqda Oq uyning rasmiy sahifasida ma’lum qilindi.

Hujjatga ko‘ra, prokurorlarga dalillar yetarli bo‘lgan hollarda eng og‘ir jinoyatlar uchun o‘lim jazosini talab qilish topshirildi.

Trampning so‘zlariga ko‘ra, bu qaror poytaxtdagi jinoyatchilikka qarshi kurashish va jamoat xavfsizligini ta’minlashga qaratilgan. Statistikaga ko‘ra, 2024-yilda Vashington har 100 ming aholiga 27,3 ta qotillik bilan mamlakat bo‘yicha eng xavfli shaharlar ro‘yxatiga kirdi.

Prezident o‘z nutqida poytaxtni jinoyat va tartibsizliklardan xalos qilib, dunyoning eng go‘zal shahariga aylantirishni va’da qildi.

Oq uyga ko‘ra, bu tashabbuslar jinoyatni jilovlash...

AQSh prezidenti Donald Tramp Oq uyda Turkiya rahbari Rajab Toyyib Erdo‘g‘on bilan uchrashuv o‘tkazdi.

Suhbat davomida Tramp Erdo‘g‘onga Rossiyadan neft va gaz sotib olishni to‘xtatishi kerakligi haqida ta’kidladi.

«Eng to‘g‘ri qaror – Rossiyadan neft va gaz xaridini to‘xtatish bo‘lardi», dedi Tramp.

Uning aytishicha, agar Turkiya Rossiyaga energetik qaramlikni kamaytirsa, AQSh beshinchi avlod «F-35» jangovar samolyotlarini sotishga hamda ilgari qo‘yilgan cheklovlarni bekor qilishga tayyor. Shuningdek, Turkiya to‘rtinchi avlod «F-16» samolyotlarini ko‘proq sotib olishga ham qiziqish bildirgan.

Eslatib o‘tamiz, AQShning Turkiya mudofaa sanoatiga qarshi sanksiyalari Trampning birinchi prezidentlik davrida joriy etilgan edi. Bunga sabab...

Xiaomi kompaniyasi tomonidan yangi Xiaomi Pad 8 Pro plansheti taqdim etildi. Bu haqda Gizmochina nashri xabar bermoqda.

U 11,2 dyuymli IPS ekranga ega bo‘lib, tasvir aniqligi 3200 x 2136 piksel, yangilanish tezligi esa 144 Hz. Displey HDR10, Dolby Vision va HDR Vivid texnologiyalarini qo‘llab-quvvatlaydi.

Planshet Snapdragon 8 Elite protsessorida ishlaydi va Android 16 asosidagi HyperOS 3.0 tizimi bilan ta’minlangan. Ushbu tizim katta ekranlar uchun maxsus optimallashtirilgan bo‘lib, ko‘p oynali rejim va interfeys yaxshilangan.

Asosiy kamera 50 MP (F/1,8 diafragmaga ega, 4K 60 fps video yozadi), old kamera esa 32 MP. Qurilmada 4 ta dinamik va 4 ta mikrofon...

Honor o‘zining navbatdagi flagman seriyasi Magic 8 uchun tayyorgarlik ko‘rmoqda. Kompaniya e’lon qilgan yangi suratlar smartfonning old dizaynini ko‘rsatdi. Bu haqda Gizmochina nashri ma’lum qildi.

Dizayn va tashqi ko‘rinish

Tashqi tomondan Magic 8 avvalgi Magic 7’ga juda o‘xshaydi, ammo ayrim muhim o‘zgarishlar bor. Eng ko‘zga tashlanadigan yangilik — yirik yumaloq burchaklarga ega tekis displey, kompaniya uni R-burchakli flat screen deb atamoqda. Yangi to‘g‘ri burchakli ramka esa smartfonga yanada ixcham va zamonaviy ko‘rinish beradi. Avvalgi modellardagi egri qirralardan farqli ravishda, bu safar 90 darajalik aniq burchaklar qo‘llanilgan.

Orqa panelda esa tanish doira shaklidagi kamera bloki joylashgan. Unda to‘rt xil...

O‘zbekiston tashqi ishlar vaziri Baxtiyor Saidov BMT Bosh Assambleyasining 80-sessiyasi doirasida ukrainalik hamkori Andrey Sibiga bilan uchrashuv o‘tkazdi. Bu haqda Saidov o‘z rasmiy sahifasida ma’lum qildi.

«Biz siyosiy muloqotni qayta tiklash, shuningdek, o‘zaro manfaatli sohalarda ikki tomonlama va ko‘p tomonlama hamkorlikni kengaytirishga kelishib oldik. Ukraina O‘zbekiston bilan munosabatlarni rivojlantirish va Markaziy Osiyo mamlakatlari bilan aloqalarni mustahkamlash tarafdori», dedi Ukraina tashqi ishlar vaziri ijtimoiy tarmoqdagi sahifasida.

Suhbat chog‘ida tomonlar savdo, investitsiya, ta’lim va madaniyat sohalaridagi hamkorlik masalalarini muhokama qildi. Bu bo‘yicha Saidov:

«Uchrashuvimiz O‘zbekiston va Ukraina o‘rtasidagi muloqotni yanada chuqurlashtirish...

Bu yil O‘zbekistonda ichki sayohatlar o‘tgan yilga nisbatan 2,8 barobar ko‘paydi. Eng ko‘p tashrif buyurilayotgan yo‘nalishlar qatorida Toshkent, Urganch, Nukus, Farg‘ona va Buxoro bor. Bu haqda Aviasales «Kursiv» nashriga xabar berdi.

Buxoro alohida ajralib turibdi – shaharga bron qilishlar soni 4,3 barobarga (+331%) oshgan. Turistlar odatda qadimiy shaharda 2 kun qolishni ma’qul ko‘rmoqda.

Ichki turizmda yetakchilikni esa poytaxt saqlab qolmoqda: Toshkentga bronlar 2,5 barobarga (+150%) oshgan, chipta narxlari esa o‘tgan yilgi darajada qolgan. Urganch ikkinchi o‘rinda bo‘lib, bu yo‘nalishga parvozlar narxi 23 foizga arzonlashgan.

Reytingning keyingi pog‘onalarida Nukus va Farg‘ona joylashgan. Buxoro esa bu yil keskin o‘sish bilan beshlikka kirdi.

Jetour brendi tomonidan yangi Jetour X70L avtomobili savdoga chiqarildi. Bu haqda ITHome nashri xabar bermoqda.

Model beshta komplektatsiyada taqdim etilgan bo‘lib, oilaviy yetti o‘rinli avtomobil sifatida targ‘ib qilinmoqda. Narxlar 99,9 ming yuandan ($17 ming) boshlanadi.

Mashina ikkita motor bilan taklif qilinadi. 1,5 litrli dvigatel 7 pog‘onali robotlashgan uzatma bilan, 2,0 litrli dvigatel esa 8 pog‘onali avtomat uzatma bilan juftlashtirilgan. Bu narx uni Geely Monjaro bilan bevosita raqobatga olib chiqmoqda.

Krossoverning gabaritlari 4810 x 1930 x 1705 mm, g‘ildirak bazasi esa 2820 mmni tashkil etadi. Disklar diametri 18, 19 yoki 20 dyuym bo‘lishi mumkin.

Salon va jihozlanish Ichki qism zamonaviy...

Gretsiya tashqi ishlar vaziri Georgos Gerapetritis BMT Bosh Assambleyasi doirasida jurnalistlarga bergan intervyusida mamlakatdagi suv hududida G‘azoga yo‘l olayotgan kemalarning xavfsiz suzib o‘tishini kafolatlashini aytdi. Bu haqda Reuters agentligi ma’lum qildi.

U, shuningdek, Isroil hukumatiga bu kemalarda yunon fuqarolari borligi haqida rasmiy xabar berilganini ta’kidladi.

Global Sumud tashabbusi doirasida 50 ga yaqin fuqarolik kemalari G‘azoga yo‘l olgan. Ularning asosiy maqsadi — Isroilning G‘azoga qo‘ygan dengiz blokadasini buzib o‘tish. Safarda turli mamlakatlardan huquqshunos va faollar, jumladan, shved iqlim faoli Greta Tunberg ham ishtirok etmoqda.

Vazirning so‘zlariga ko‘ra, ayni paytda Krit oroli yaqinida bir nechta kema joylashgan va Gretsiya ularning xavfsizligini...

Xitoyda Xiaomi kompaniyasi tomonidan Xiaomi 17 Pro va Xiaomi 17 Pro Max smartfonlari taqdim etildi. Bu haqda kompaniya saytida ma’lum qilindi.

Ular deyarli bir xil texnik imkoniyatlarga ega bo‘lib, farq asosan ekran hajmi va akkumulyator sig‘imida. Asosiy e’tibor tortuvchi xususiyat — kamera blokiga joylashtirilgan kichik qo‘shimcha ekran. U yordamida asosiy kamera orqali selfi qilish osonlashadi.

Smartfonlar Qualcomm Snapdragon 8 Elite Gen 5 platformasida ishlaydi. Xiaomi 17 Pro 6,3 dyuymli displeyga ega bo‘lsa, 17 Pro Max ekranining diagonali 6,9 dyuym, tasvir aniqligi esa 2608 x 1200 pikseldir. Kamera blokidagi ekran kichikroq modelda 2,66 dyuym, kattasida esa 2,86 dyuymni tashkil etadi.

Microsoft Isroil mudofaa vazirligi bilan hamkorlikni to‘xtatdi. Bunga falastinliklarni keng ko‘lamda kuzatishda Microsoft texnologiyalaridan foydalanilgani haqidagi iddaolar sabab bo‘ldi, deya yozmoqda CNN.

Avvalroq Isroil razvedkasining 8200-bo‘linmasi Microsoft’ning Azure bulut texnologiyasi orqali millionlab telefon qo‘ng‘iroqlarini saqlagani haqida xabarlar tarqalgan edi.

Microsoft rahbari Bred Smitning bayonotiga ko‘ra, kompaniya tinch aholining kuzatuvi uchun texnologiya taqdim etmaydi. Shu sababli Isroil mudofaa vazirligiga oid obunalar o‘chirilib, bulut xotira va sun’iy intellekt xizmatlari to‘xtatildi.

Tekshiruv davomida Microsoft ayrim xulosalarni tasdiqlovchi dalillar topdi. Jumladan, Isroilning Yevropadagi serverlardan va SI xizmatlaridan foydalangani aniqlandi.

Isroil xavfsizlik rasmiylari bu qaror mudofaa tizimining imkoniyatlariga katta ta’sir ko‘rsatmaganini bildirdi. Microsoft esa...

Oppo Hindiston bozorida o‘zining mashhur Reno 14 5G smartfonining maxsus Diwali Edition versiyasini taqdim etdi. Bu haqda Gizmochina nashri ma’lum qildi.

Diwali Edition’ning orqa paneli madaniy ilhom asosida ishlangan. Unda mandala naqshlari, tovus tasviri va olovga o‘xshash elementlar uyg‘unlashtirilgan. Qora va oltin ranglar uyg‘unligi esa yanada kontrast va chuqurlik bag‘ishlaydi. Eng qiziq jihati — Oppo GlowShift texnologiyasi bo‘lib, u issiqlikka sezgir panel rangini o‘zgartiradi: sovuqda qora, issiqda esa oltin tusga kiradi. Kompaniya bu yechim minglab sikllarda ham o‘z xususiyatini yo‘qotmasligini ta’kidlamoqda.

Smartfon kosmik darajadagi mustahkam ramka, Gorilla Glass 7i himoyasi va IP66, IP68 hamda IP69 standartlariga mos chang...

Shavkat Mirziyoyevning BMT Bosh Assambleyasining 80-sessiyasidagi nutqi lingvistik jihatdan tahlil qilindi. Bu haqda Iqtisodiy tadqiqotlar va islohotlar markazi xabar berdi.

Tahlil natijalariga ko‘ra, nutqda eng ko‘p ishlatilgan so‘z — maqsad (11 marta). Bu mamlakatning strategik yo‘nalishlari va ustuvorliklariga urg‘u berilganidan dalolat beradi. Shuningdek, davlat so‘zi 7 marta qo‘llanib, milliy manfaatlarga katta e’tibor qaratilgani qayd etildi.

Global so‘zi 8 marta ishlatilib, milliy vazifalarni xalqaro kontekst bilan uyg‘unlashtirish intilishi ko‘rsatildi. Mintaqaviy ahamiyatga ega Osiyo (7 marta) va Markaziy (6 marta) so‘zlari ham alohida ta’kidlangan.

Shuningdek, nutqda yangi, O‘zbekiston, dunyo va harakat kabi so‘zlar 6 martadan tilga olingan. Ta’lim, transport, siyosat va...

AQSh prezidenti Donald Tramp import mahsulotlarga bojlarni oshirish qarorini chiqardi. 2025-yil 1-oktabrdan oshxona shkaflari va vannaxona mahsulotlariga 50 foiz, yumshoq mebelga 30 foiz boj qo‘llaniladi, deya yozmoqda CNN.

Bu qaror mebel bozorida narxlarning ko‘tarilishiga olib kelishi mumkin. AQSh Mehnat statistikasi byurosi ma’lumotiga ko‘ra, so‘nggi bir yilda mebel narxlari 4,7 foizga, oshxona va mehmonxona mebellari 9,5 foizga oshgan.

Tramp bojlarni chet el ishlab chiqaruvchilarning ortiqcha tovarlari bilan izohladi. U milliy ishlab chiqaruvchilarni himoya qilishni asosiy maqsad sifatida ko‘rsatdi.

Og‘ir yuk mashinalariga ham 25 foiz boj belgilandi. Bu mahalliy ishlab chiqaruvchilarga yordam berishi bilan birga chet davlatlarda yig‘iladigan mashinalar uchun qiyinchilik...

Samarqand shahrida respublika miqyosida birinchi marta yarim yerosti chiqindi saqlash majmuasi foydalanishga topshirildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Qorasuv massividagi Obod maskan mahallasida o‘rnatilgan mazkur majmua ikki metr chuqurlikda joylashgan bo‘lib, har birida ikkitadan jami to‘rtta maxsus konteyner mavjud. Har bir konteynerning sig‘imi 550 litrni tashkil etadi va 1000 – 1500 nafar aholiga xizmat ko‘rsatadi. Bu tizim chiqindilarning atrofga sochilib ketishi hamda issiq havoda noxush hidlarning oldini olishga yordam beradi.

Agentlik xabariga ko‘ra, kelgusida Samarqandda yana beshta shunday yerosti majmuasini qurish rejalashtirilgan.

Bundan avval O‘zbekistonda shina va batareyalarga ekosbor joriy etilishi mumkinligi haqida...