Yangiliklar

1-mart kuni Sergeli avtomobil bozorida «inomarkalar» qatori ko‘zdan kechirildi. Ma’lum bo‘lishicha, bozorda bir qancha modellar hamyonbop narxlarda taklif qilinmoqda.

Sergeli bozorida narxlar juda keng diapazonda. Eng arzon inomarkalar $2,2 – 3 ming atrofidan boshlanadi. O‘rtacha segment $12 – 17 mingda. Premium va yirik yo‘ltanlamaslar esa $60 mingdan yuqori narxlarda taklif qilinmoqda. Quyida ulardan ba’zilari haqida ma’lumot beriladi.

Eslatib o‘tamiz, avvalroq Kia Soluto Chevrolet Cobalt o‘rnini bosa olishi mumkinligi haqidagi taxmin o‘rganilgandi. Chevrolet Cobalt kuchliroq dvigatel va 6 pog‘onali avtomat bilan taklif etiladi. U taksi bozorida mustahkam obro‘ga ega. Kia Soluto esa zamonaviyroq salon va Kia brendi bilan...

O‘zbekistonda mart oyida nishonlanadigan Xalqaro xotin-qizlar kuni va Navro‘z bayrami munosabati bilan xodimlar uchun qo‘shimcha dam olish kunlari belgilandi. Bu haqda Bandlik vazirligi xabar bermoqda.

Joriy yilning 8-mart sanasi yakshanba kuniga to‘g‘ri keladi. O‘zbekiston Respublikasi Mehnat kodeksining 208-moddasiga asosan, bayram dam olish kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi. Shu sababli, 9-mart – dushanba kuni barcha xodimlar uchun dam olish kuni hisoblanadi.

Shuningdek, 21-mart Navro‘z bayrami shanba kuniga to‘g‘ri kelganligi sababli, haftasiga 5 kun ishlovchilar uchun 23-mart, dushanba kuni qo‘shimcha dam olish kuni sifatida belgilandi. Haftasiga 6 kun ishlovchi fuqarolar uchun esa 23-mart...

Volkswagen va SAIC qo‘shma korxonasi Volkswagen ID. Era 9X SUV uchun EA211-ERV 1,5 litrli range extender dvigatelini ommaviy ishlab chiqarishni boshladi. Bu haqda CarNewsChina nashri xabar bermoqda. Mazkur model shu oyda oldindan buyurtmaga chiqarilishi kutilmoqda.

EA211 dvigatellari oilasi ilk bor 2011-yilda taqdim etilgan edi. 2017-yilda esa plagin gibridlar uchun yangilangan versiya paydo bo‘ldi. 2026-yil mart oyida SAIC-Volkswagen EREV, ya’ni kengaytirilgan yurish zaxirasiga ega elektr modellarga mo‘ljallangan maxsus modifikatsiyani ishlab chiqarishni yo‘lga qo‘ydi.

Yangi dvigatel EA211-ERV deb nomlanadi. Kompaniya uni «Golden Range Extender» deb atamoqda. Bu 1,5 litrli, o‘zgaruvchan geometriyali turbokompressorli agregat hisoblanadi. U Miller sikli asosida ishlaydi va...

Yaqin Sharqdagi vaziyat sabab eksportchilarga favqulodda yordam beriladi. Bu haqda Investitsiyalar, sanoat va savdo vazirligi ma’lum qildi.

Vazirlikning ta’kidlashicha, eksportchi korxonalarni qo‘llab-quvvatlash bo‘yicha favqulodda yordam mexanizmi ishga tushirildi. Mazkur mexanizm tashqi savdo bilan shug‘ullanuvchi tadbirkorlar muammolarini tezkor hal etishga qaratilgan.

Endilikda eksportchi va importchi korxonalar o‘z murojaatlarini maxsus telegram bot orqali yuborishi mumkin. Shuningdek, respublika eksport shtabi huzurida 24 soat ishlaydigan Call-markaz ham faoliyat yuritadi.

Tadbirkorlar +998-71-238-52-52 raqamiga qo‘ng‘iroq qilib, yuzaga kelgan logistika yoki to‘lov muammolari bo‘yicha tezkor yordam olishi mumkin.

Eslatib o‘tamiz, Kursiv Uzbekistan Doha aeroportida qolib ketgan 50 ga yaqin o‘zbekistonliklarga yordam ko‘rsatilgani haqida yozgan edi.

Eronda to‘p surayotgan O‘zbekiston milliy terma jamoasi a’zolari o‘z faoliyatini O‘zbekiston Superligasida davom ettirishi mumkin. Bu haqda PFL rahbari Diyor Imomxo‘jayev FIFA ruxsat bersa, legionerlar uchun ro‘yxatdan o‘tish jarayoni ochilishini ta’kidladi.

Yaqinlashib kelayotgan Jahon chempionati oldidan asosiy futbolchilarning o‘yin amaliyotisiz qolishi masalasiga PFL rahbari Diyor Imomxo‘jayev quyidagicha munosabat bildirdi.

«Agar FIFA xuddi Rossiya va Ukrainadagi kabi futbolchilarga Eron klubini bir tomonlama tark etish huquqini bersa va O‘zbekistonga boshqa assotsiatsiya klubidan keladigan futbolchini transfer oynasidan tashqari olishga ruxsat bersa, biz o‘zimizning o‘yinchilar uchun ro‘yxatdan o‘tishni ochishga tayyormiz. Bizda mavsum endigina boshlandi va bu narsa hech qanday...

O‘zbekistonda ayrim hollarda kriptovalyuta to‘lovlariga ruxsat berilishi mumkin. Istiqbolli loyihalar milliy agentligi (ILMA) kriptovalyuta xizmatlari reklamasi bo‘yicha talablarni o‘zgartirdi.

Yangi tahrirga ko‘ra, kompaniyalar reklamada kriptoaktivlar O‘zbekistonda to‘lov vositasi emasligini, albatta, ko‘rsatishi shart. Biroq hujjatda «qonunchilik hujjatlarida belgilangan ayrim hollar bundan mustasno» degan izoh paydo bo‘ldi. Bu esa ayrim vaziyatlarda kripto orqali to‘lovlarga ruxsat berilishi mumkinligini anglatadi.

Shu bilan birga, mavjud cheklovlar saqlanib qolgan. Reklamada kriptoaktivlar bo‘yicha yuqori daromad va tez boyish va’dasi berish taqiqlanadi. Xavf-xatarlar, mablag‘ni to‘liq yo‘qotish ehtimoli va davlat kafolati mavjud emasligi haqida ogohlantirish majburiy bo‘ladi.

Yangi tartibda «asoslantirilgan mulohaza» tushunchasi ham joriy etildi. Bu litsenziya beruvchi...

Andijonda oltin quymalarni noqonuniy olib chiqishga uringan ona va qiz ushlandi. Bu haqda Davlat xavfsizlik xizmati xabar berdi.

Ma’lum bo‘lishicha, Baliqchi tumanida yashovchi 1985-yilda tug‘ilgan ayol va uning 2006-yilda tug‘ilgan qizi jami og‘irligi 473 gramm bo‘lgan, 7 dona nostandart shakldagi oltin quymalarni kiyimlari ostiga yashirgan. Ular umumiy qiymati 819 mln so‘mga teng bo‘lgan oltinlarni Xo‘jaobod tumanidagi «Do‘stlik» chegara bojxona posti orqali Qirg‘izistonga olib o‘tmoqchi bo‘lgan vaqtida to‘xtatib qolingan.

Mazkur holat yuzasidan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, avvalroq Bojxona qo‘mitasi raisining matbuot kotibi Husan Tangriyev bojxona orqali oltin olib o‘tish qanchaga tushishi haqida ma’lumot bergandi...

Pokistonning Karachi shahridagi AQSh konsulligiga bostirib kirgan namoyishchilarga qarata Amerika dengiz piyodalari o‘q uzgan. Bunga Eron oliy ruhanosi Oyatulloh Ali Xomanaiyning o‘limi ortidan kelib chiqqan noroziliklar sabab bo‘lgan.

AQShning ikki nafar rasmiysi dengiz piyodalarining qurol ishlatganini tasdiqladi, biroq qurbonlar aynan ularning o‘qidan halok bo‘lgani hozircha noma’lum. 1-mart kungi namoyishlar vaqtida konsullikning tashqi devori buzib o‘tilgan va hududda yuz bergan tartibsizliklar oqibatida jami 10 kishi halok bo‘lgan.

Karachi politsiyasi o‘qlar konsullik hududi ichidan uzilganini ma’lum qildi. Sind provinsiyasi hukumati matbuot kotibi Suxdev Assardas Xemnani xavfsizlik xodimlari o‘q uzganini aytgan bo‘lsa-da, ularning aynan qaysi tuzilmaga tegishli ekanini ochiqlamagan. Namoyishchilar konsullik tashqarisida...

Toshkent shahrida Favqulodda vaziyatlar vazirligi (FVV) xodimiga 30 ming dollar pora taklif qilgan tadbirkor ushlandi. Bu haqda DDX xabar bermoqda.

Ma’lum qilinishicha, mazkur obyekt qurilishida bir qator kamchiliklar bartaraf etilmagan bo‘lgan. Tadbirkor «Nazorat.MS.UZ» elektron portali orqali topshiriladigan arizasini ijobiy hal qilib berish evaziga Toshkent shahar Favqulodda vaziyatlar bosh boshqarmasi xodimiga $30 ming pora taklif etgan.

FVV xodimi ushbu holat bo‘yicha mas’ul idoralarni xabardor qilgan.

DXX, FVV va Iqtisodiy jinoyatlarga qarshi kurash departamenti hamkorligida o‘tkazilgan tezkor tadbir davomida MChJ rahbari pulni topshirayotgan vaqtida ashyoviy dalillar bilan qo‘lga olingan.

Holat yuzasidan tadbirkorga nisbatan Jinoyat kodeksining 211-moddasi 3-qismi «a» bandi bilan jinoyat...

BYD o‘zining D-segmentdagi flagman yo‘ltanlamasi BYD Great Tang modelining rasmiy suratlarini e’lon qildi. Bu haqda CarNewsChina nashri xabar bermoqda.

Ta’kidlanishicha, kompaniya avtomobil 5-mart kuni rasman namoyish qilinishini tasdiqladi. Oldinroq Xitoy Sanoat va axborot texnologiyalari vazirligi ma’lumotlar bazasida modelning texnik tafsilotlari paydo bo‘lgan edi. Great Tang uzunligi 5263 – 5302 mm, eni 1999 mm, balandligi 1790 yoki 1800 mm ni tashkil etadi. G‘ildirak bazasi 3130 mm. Avtomobil 7 o‘rindiqli konfiguratsiyada taklif etiladi.

Modelning maksimal tezligi 240 yoki 250 km soatga yetadi. Bo‘sh og‘irligi 2640 – 2970 kg oralig‘ida. To‘liq og‘irligi esa 3245 – 3575 kg ni tashkil qiladi. U...

Chevrolet kompaniyasi 2027-yilgi Chevrolet Equinox modelida muhim texnik o‘zgarish kiritadi. Bu haqda GMAutority nashri xabar bermoqda.

Ta’kidlanishicha, endilikda krossoverda CVT uzatmalar qutisi qo‘llanilmaydi. 2025 va 2026-yilgi old g‘ildirakli Equinox versiyalarida yangi CVT avtomat uzatma qo‘llangan edi. To‘liq privodli variantlarda esa GM’ning 8 pog‘onali klassik avtomat qutisi ishlatilgan.

2027-yildan boshlab barcha konfiguratsiyalarda aynan 8 pog‘onali avtomat standart bo‘ladi. Old va to‘liq privod versiyalari bir xil uzatmaga o‘tadi.

Equinox 1,5 litrli turbo dvigatel bilan taklif etiladi. Old privodda 175 ot kuchi va 184 lb-ft moment beradi. To‘liq privodda esa moment 203 lb-ft ga yetadi. Mutaxassislar pastroq moment cho‘qqisi CVT bilan...

O‘zbekistonda 2026-yilning yanvar oyida turli rusumdagi 22 ming ta yengil avtomobil ishlab chiqarildi. Bu ko‘rsatkich 2025-yilning mos davriga nisbatan 6,4 mingtaga yoki 41,6 foizga ko‘pdir.

Avtomobil sanoatida ishlab chiqarish hajmining eng katta ulushi Cobalt va Damas rusumlariga to‘g‘ri keldi. Xususan, yanvar oyida 7 mingta Cobalt ishlab chiqarilib, 2025-yilga nisbatan 23,6 foizga (1,3 mingta) o‘sish qayd etildi. Shuningdek, 3,6 mingta Damas konveyerdan chiqib, o‘tgan yilgi ko‘rsatkichdan 31,2 foizga (863 ta) oshdi.

Xorijiy brendlar orasida KIA 2,3 mingta va Onix 2 mingta ko‘rsatkich bilan keyingi o‘rinlarni egalladi. Bu rusumlar mos ravishda 16,2 foiz va 35 foiz o‘sishni qayd etgan. Shu...

Oliy ta’lim muassasalarining milliy reytingi yo‘lga qo‘yildi. Bu haqda Adliya vazirligi tomonidan nizom davlat ro‘yxatidan o‘tkazildi. Milliy reytingni Ta’lim sifatini ta’minlash agentligi yuritadi.

Davlat va nodavlat OTMlar quyidagi toifalar bo‘yicha milliy reytingga kiritiladi:

Har yili 1-noyabrga qadar o‘tgan yil uchun milliy reyting natijalari e’lon qilinadi.

Shu maqsadda har yili 1-iyungacha talabalar, professor-o‘qituvchilar va ish beruvchilar o‘rtasida umummilliy so‘rovnoma, shuningdek, xalqaro ekspertlar o‘rtasida xalqaro obro‘ni baholashga qaratilgan so‘rovnoma o‘tkaziladi.

Milliy reytingni hisoblashda jami 25 ta indikatordan 5 tasi umum milliy so‘rovnoma asosida aniqlanadi. Ushbu natijalar reytingga kiritilishi uchun OTMdagi talabalar va professor-o‘qituvchilarning...

Markaziy bank tijorat banklari va to‘lov tashkilotlariga yangi ko‘rsatma yuborgani aytilmoqda. Endilikda mobil ilovalar orqali pul o‘tkazilganda foydalanuvchi o‘tkazma maqsadini majburiy tartibda tanlashi kerak bo‘ladi.

Kursiv Uzbekistan Markaziy bank matbuotidan ushbu xabarlarga izoh so‘radi. Regulyatorning tahririyatga ma’lum qilishicha, bu texnik yaxshilatishga qaratilgan bo‘lib, servis ishini takomillashtirish va operatsiyalarning to‘g‘ri qayta ishlanishini ta’minlashga qaratilgan. Foydalanuvchi tomonidan kiritilgan ma’lumotlar mobil ilovaning standart ishlash jarayoni doirasida qayta ishlanadi va uchinchi shaxslarga taqdim etilmaydi.

Hozircha ayrim bank ilovalarida bu talab ishga tushirilgan. Ba’zilarida esa hali yo‘q. Regulyator yaqin kunlarda barcha mobil ilovalarda ushbu funksiyani joriy etishni talab qilgan. Pinkod.uz talab bajarilmasa, choralar ko‘rilishi...

O‘zbekiston va Indoneziya o‘rtasida Erkin savdo bitimini tuzish bo‘yicha muzokaralarni boshlash haqida qo‘shma bayonot qabul qilindi. Bu haqda Investitsiyalar, sanoat va savdo vazirligi matbuot xizmati xabar berdi.

2-mart kuni videokonferensiya shaklida Investitsiyalar, sanoat va savdo vaziri Laziz Kudratov hamda Indoneziya Respublikasi Savdo vaziri Budi Santoso o‘rtasida savdo-iqtisodiy va investitsiyaviy hamkorlikni kengaytirishga bag‘ishlangan muzokaralar bo‘lib o‘tdi.

Tomonlar 2025-yilda o‘zaro savdo hajmi 82 foizga oshganini qayd etib, ikki davlat o‘rtasidagi munosabatlar barqaror ijobiy sur’atlarda rivojlanayotganini ta’kidladi. Muzokaralarda qishloq xo‘jaligi mahsulotlari eksportini kengaytirish, karantin va fitosanitariya tartib-taomillarini jadallashtirish, shuningdek, halol sertifikatlarini o‘zaro tan olish masalalari muhokama qilindi.

Uchrashuv yakunida savdo va investitsiyalar...

2026-yil boshidan beri global internet-trafik asosan bir nechta yirik platformalar qo‘lida jamlandi. Yetakchi o‘rinlardan birini ChatGPT egalladi. Bu haqda Exploding Topics saytida reyting e’lon qilindi.

Google va YouTube internet e’tiborining katta qismini hanuz o‘zida jamlab kelmoqda. Qidiruv tizimlari va videoplatformalar onlayn faollikning asosiy tayanchi bo‘lib qolmoqda. Ma’lumotlarga ko‘ra, birgina Google keyingi beshta sayt jami trafikidan ham ko‘proq tashrif qabul qiladi.

Shu bilan birga, reyting tarkibi asta-sekin o‘zgarib bormoqda. ChatGPT eng ko‘p tashrif buyuriladigan saytlar qatoriga kirib, sun’iy intellekt vositalari qisqa vaqt ichida texnologik yangilikdan kundalik ish quroliga aylanganini namoyish etdi. 2026-yil yanvar holatiga ko‘ra, platforma 5,5 milliard tashrif bilan...

2025-yil davomida AQSh, Isroil va Eron o‘rtasidagi ziddiyat kuchaygandi. 2026-yilning fevralidagi AQSh va Isroilning Eronga qo‘shma zarbasi vaziyatni yanada murakkablashtirdi. Bu esa Yaqin Sharqda geosiyosiy xavflarni oshirib, global bozorlarda noaniqlikni kuchaytirdi.

Avval ham Isroil va Eron o‘rtasida qisqa muddatli to‘qnashuvlar bo‘lgan. 2025-yil iyunidagi 12 kunlik mojaro jiddiy iqtisodiy inqirozga olib kelmagan edi. Smartfon bozori ham qisqa muddatli tebranish bilan cheklangan. Ammo hozirgi vaziyat uzoq davom etishi mumkinligi bilan farq qiladi.

Smartfon sanoati uchun asosiy xavf logistika bilan bog‘liq. Dunyo bo‘yicha smartfonlarning katta qismi havo orqali tashiladi. Sababi ular qimmat mahsulot bo‘lib, tez yetkazib berish talab etiladi. Yangi modellarda zaxira...

2026-yilgi ayollar Osiyo kubogining 1-turida O‘zbekiston milliy terma jamoasi Shimoliy Koreyaga qarshi maydonga tushib, yirik hisobda mag‘lub bo‘ldi. Uchrashuv 3-mart kuni Avstraliyadagi «Sidney» stadionida bo‘lib o‘tdi.

Uchrashuv Toshkent vaqti bilan soat 07:00 da boshlandi. O‘yin taqdiri birinchi bo‘limdayoq hal bo‘ldi. Shimoliy Koreya vakilasi Myong Ju-Jong 6, 24 va 41-daqiqalarda gol kiritib, xet-trik qayd etdi.

O‘zbekiston terma jamoasi turnirning «B» guruhidan joy olgan. Ushbu guruh doirasidagi ikkinchi uchrashuv ham 3-mart kuni Xitoy hamda Bangladesh ayollar terma jamoalari o‘rtasida bo‘lib o‘tadi. O‘zbekistonlik futbolchilar guruh bosqichining keyingi uchrashuvini 6-mart kuni Xitoy terma jamoasiga qarshi o‘tkazishi rejalashtirilgan.

Avvalroq Kursiv Uzbekistan 2026-yilgi U-17 Osiyo...

2026-yil yanvar oyida O‘zbekistonning tashqi savdo aylanmasi $5,8 mlrdga yetdi. Bu haqda Milliy statistika qo‘mitasi ma’lum qildi. Bu o‘tgan yilning mos davriga nisbatan $1,3 mlrdga yoki 29,2 foizga ko‘pdir.

Unga ko‘ra, hisobot oyida eksport hajmi deyarli $1,7 mlrdni tashkil etdi. Bu ko‘rsatkich bir yil avvalgiga nisbatan 26,7 foizga oshdi. Import esa $4,1 mlrdga yetdi va 30,3 foiz o‘sdi. Natijada savdo balansi $2,5 mlrd manfiy saldo bilan shakllandi.

O‘zbekiston 145 dan ortiq davlatlar bilan savdo aloqalarini olib bordi. Tashqi savdo aylanmasida eng katta ulush Xitoyga to‘g‘ri kelmoqda. Uning hissasi 27,9 foizni tashkil etdi. Rossiya 18,7 foiz, Qozog‘iston 7,1 foiz, Turkiya...

Tijorat banklari tomonidan 3-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

«O‘zbekiston respublika tovar-xomashyo birjasi» AJ Kuzatuv kengashi 2025-yil yakunlari bo‘yicha aksiyadorlarga har bir oddiy aksiya uchun 780 so‘m miqdorida dividend to‘lashni tavsiya qildi.

Freedom Broker Uzbekistan yozishicha, bu summa o‘tgan oydagi o‘rtacha bozor narxidan kelib chiqib, taxminan 10,7 foizlik dividend daromadini anglatadi. To‘lov koeffitsiyenti sof foydaning qariyb 85 foizi darajasida baholanmoqda.

Dividendlar va 2025-yil uchun yillik hisobotni tasdiqlash masalasi 2026-yil 18-mart kuni o‘tkaziladigan aksiyadorlarning yillik umumiy yig‘ilishida ko‘rib chiqiladi. Yig‘ilish eVOTE servisi orqali onlayn tarzda bo‘lib o‘tadi.

Yig‘ilishda ishtirok etish uchun aksiyadorlar reyestri 2026-yil 12-mart holatiga tuziladi. T+2 hisob-kitob tizimi inobatga olingan holda, reyestrga kirish uchun aksiyalarni...

Ispaniya La Ligasining 26-turida «Real Madrid» o‘z maydonida «Xetafe»ni qabul qilib, 0:1 hisobida mag‘lubiyatga uchradi. Yagona gol 39-daqiqada Martin Satriano tomonidan kiritildi.

Uchrashuvning 39-daqiqasida Martin Satriano ajoyib zarba bilan Tibo Kurtua qo‘riqlayotgan darvozani ishg‘ol qildi. Bunga qadar Vinisius Junior qulay imkoniyatdan foydalana olmagan edi. «Xetafe»ning kuchli himoyasi mezbonlarga gol urishga imkon bermadi.

O‘yin oxirida har ikki jamoa a’zolari maydondan chetlatildi. «Real Madrid» futbolchisi Franko Mastantuono hakamga nisbatan nomaqbul so‘z ishlatgani uchun 95-daqiqada qizil kartochka oldi. Oradan ikki daqiqa o‘tib, mehmonlar vakili Adrian Liso vaqtni cho‘zgani sababli ikkinchi sariq kartochka bilan jazolandi.

Qirollik klubi bosh murabbiyi Alvaro Arbeloa jarohat olgan...

Tarix fani o‘qituvchilari o‘rtasida katta muhokamaga sabab bo‘lgan attestatsiya savoli yuzasidan rasmiy qaror qabul qilindi. Endilikda testdagi bahsli savolda ikkita javob varianti ham to‘g‘ri deb e’tirof etiladi. Bu haqda Pedagogik mahorat va xalqaro baholash ilmiy-amaliy markazi ma’lum qildi.

Gap 2025-yil may oyida o‘tkazilgan attestatsiya sinovidagi: «Yustinian I vafotidan so‘ng qaysi qabila butun Ispaniyani egallagan?» mazmunidagi savol haqida bormoqda. O‘qituvchilarning bir qismi «Vestgotlar» javobini belgilagan, biroq dastlab test kalitida boshqa variant asosiy javob sifatida ko‘rsatilgan edi. Bu esa pedagoglar noroziligiga sabab bo‘lib, masala sudgacha yetib borgan.

Pedagogik mahorat va xalqaro baholash ilmiy-amaliy markazi ma’lum qilishicha, tarixchi olimlar hamda mutaxassislar...

GM tomonidan 2027-yilgi Chevrolet Bolt AQSh bozorida rasman sotuvga chiqarildi. Bu haqda GMAutority nashri ma’lum qildi.

Model ikki yillik tanaffusdan so‘ng model qayta ishlab chiqarishga qaytgan. Yangi avlod endi shunchaki Bolt deb ataladi. U oldingi Bolt EUV asosida yaratilgan bo‘lsa-da, texnik va elektron jihatdan sezilarli yangilanishlarga ega. Model GM’ning Global B elektron arxitekturasini qabul qildi.

Avtomobil old g‘ildirakdan harakatlanadi. Yagona elektromotor 210 ot kuchi ishlab chiqaradi. LFP turidagi batareya to‘liq zaryad bilan EPA bo‘yicha 262 mil, ya’ni taxminan 422 km masofa bosib o‘tishga imkon beradi.

Eng muhim yangiliklardan biri tezkor zaryadlash tezligi bo‘ldi. Oldingi avlodda maksimal 55 kW...