Yangiliklar

Shavkat Mirziyoyev Toshkent shahrini rivojlantirish, sanoat va transport infratuzilmasini takomillashtirish masalalari bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Unda «Yangi avlod» maxsus sanoat zonasi rivojlantirish rejalari ko‘rib chiqildi. 774 gektar hududda 28 ta loyiha amalga oshirilmoqda, yana 30 ta loyiha uchun investorlar aniqlangan. Umumiy investitsiyalar hajmi $1,2 mlrdni tashkil etadi.

Sanoat zonasini kengaytirish orqali yangi ish o‘rinlari yaratish va texnologik mahsulotlar ishlab chiqarish muhimligi ta’kidlandi. $288 mlnlik multimodal logistika terminali Dubayning DP World kompaniyasi bilan hamkorlikda barpo etiladi.

«BRT» tezkor avtobus tizimi asosida yana 10 ta ko‘chada yangi yo‘nalishlar tashkil etiladi. Mahallalarni obodonlashtirish, gastronomik...

Dunyoning eng yirik oziq-ovqat ishlab chiqaruvchisi Nestlé xarajatlarni kamaytirish va ishlab chiqarish jarayonlarini avtomatlashtirish maqsadida kelgusi ikki yil ichida 16 ming nafar xodimni qisqartirishini e’lon qildi. Bu haqda CNN agentligi ma’lum qildi.

Kompaniya bayonotida ta’kidlanishicha, 12 ming nafardan ortiq qisqartirishlar ofis xodimlariga, qolgan 4 mingta o‘rin esa ishlab chiqarish va ta’minot zanjiri sohasiga to‘g‘ri keladi. Bu Nestlé ishchi kuchining qariyb 6 foizini tashkil etadi.

Yangi bosh direktor Filipp Navratil: «Dunyo o‘zgarayotgani sababli Nestlé ham tezroq moslashishi kerak. Bu jarayonda og‘ir, ammo zarur qarorlar qabul qilinadi», — dedi.

Kompaniya sun’iy intellekt va ilg‘or texnologiyalarni faol joriy etmoqda. AI yordamida ishlab...

Prezident Administratsiyasi rahbari Saida Mirziyoyeva Buyuk Britaniya bosh vazirining investitsiyalar bo‘yicha maslahatchisi Varun Chandra bilan uchrashuv o‘tkazdi. Bu haqda u o‘zining Telegram sahifasida ma’lum qildi.

Uchrashuvda ikki davlat o‘rtasidagi iqtisodiy hamkorlikni rivojlantirish, qo‘shma investitsion loyihalarni amalga oshirish va uzoq muddatli sheriklik istiqbollari muhokama qilindi.

Varun Chandra O‘zbekistonda amalga oshirilayotgan keng ko‘lamli iqtisodiy islohotlarni yuqori baholab, mamlakatning investitsiya jozibadorligi ortib borayotganini ta’kidladi.

Saida Mirziyoyeva esa bu uchrashuv natijalari ikki davlat o‘rtasidagi do‘stona aloqalarni yanada mustahkamlab, yangi tashabbuslarni ilgari surish uchun mustahkam asos bo‘lishiga ishonch bildirdi.

Eslatib o‘tamiz, avvalroq Saida Mirziyoyeva Buyuk Britaniya G‘aznachiligi iqtisodiy kotibi bilan uchrashgan edi.

Shavkat Mirziyoyev 16-oktabr kuni kosmik monitoringdan foydalanish orqali iqtisodiy o‘sish imkoniyatlarini kengaytirish yuzasidan taqdimot bilan tanishdi. Bu haqda davlat rahbari matbuot xizmati ma’lum qildi.

Ta’kidlanganidek, so‘nggi yillarda aerokosmik ma’lumotlardan iqtisodiyotning turli sohalarida keng foydalanilmoqda. Prezidentning 30-sentyabrdagi farmoniga muvofiq, Kosmik tadqiqotlar va texnologiyalar agentligi yiliga kamida uch marta davlat kosmik monitoringini o‘tkazadi hamda ruxsatsiz kon ishlatish holatlarini aniqlashda muhim rol o‘ynaydi.

Hisobotlarga ko‘ra, yil boshidan buyon kosmik kuzatuvlar orqali 2 mingdan ortiq noqonuniy kon ishlatish holati aniqlangan. Shuningdek, 33 mingdan ziyod o‘zboshimcha qurilish qayd etilgan bo‘lib, ularning aksariyati qishloq xo‘jaligi yerlarida joylashgan. Shu sababli, noqonuniy qurilishlarni tezkor aniqlash va bartaraf...

Yaqinda Fabio Kannavaroga o‘rnini bo‘shatib bergan Timur Kapadze Indoneziya termasi bosh murabbiyligi uchun asosiy nomzod bo‘lib turibdi. Bu haqda Goal Media xabar berdi.

Nomzodlar orasida Kapadzedan tashqari germaniyalik mutaxassis Tomas Dol hamda Iroq terma jamoasining bosh murabbiyi Xusus Kasas mavjud.

Patrik Klyuvert 8-yanvarda lavozimga kelgan, Indoneziya termasi Iroqqa imkoniyatni boy berib Jahon chempionati yo‘llanmasidan mahrum bo‘lgandan keyin o‘zaro kelishuv asosida shartnoma bekor qilingan edi.

Avvalroq Kursiv Uzbekistan milliy terma jamoaning Jahon chempionatidagi imkoniyati haqida xabar bergan edi.

Tayvan hukumati boshlang‘ich va o‘rta maktab o‘quvchilari uchun TikTok ilovasidan foydalanishni cheklashni rejalashtirmoqda. Bu haqda Taipei Times nashri xabar berdi.

Nashrning qayd etishicha, ushbu chora 2025-yil oxirigacha kuchga kirishi kutilmoqda. Mamlakatning raqamli texnologiyalar vaziri Lin Itszin ta’kidlashicha, o‘quvchilarning shaxsiy telefonlarini tekshirish rejalashtirilmagan. Uning so‘zlariga ko‘ra, ijtimoiy tarmoqlarga kirish maktablarda Wi-Fi darajasida to‘liq bloklanadi.

«Biz bu masalani Ta’lim va Sog‘liqni saqlash vazirliklari bilan birgalikda muhokama qilamiz. Umid qilamanki, yil oxirigacha ushbu chora qanday amalga oshirilishini aniqlaydigan takliflar paydo bo‘ladi», — deydi vazir.

Eslatib o‘tamiz, 2022-yil oxirida Tayvan hukumat xizmatchilariga TikTok’dan foydalanishni taqiqlagan edi.

Avvalroq Kursiv...

Taras Shevchenko ko‘chasida gastronomik-ko‘ngilochar festival o‘tkazilishi sababli ko‘chaning bir qismida transportlar harakati vaqtincha cheklanadi. Bu haqda Mirobod tumani hokimligi xabar berdi.

Unga ko‘ra:

Ushbu davrda haydovchilarga muqobil yo‘nalishlardan foydalanish tavsiya etiladi.

Avvalroq Parkent va Zangiota tumanlarida ham Taras Shevchenko kabi gastronomik ko‘chalar tashkil etilishi haqida xabar berilgandi. Mirobod tumani hokimi Anvar Sayfutdinov Taras Shevchenko ko‘chasi ishga tushirilgach hududga kelayotgan turistlar soni uch baravarga oshgani, tadbirkorlarning tushumi esa 40 foizga ko‘payganini aytgan.

Toshkent metrosida qizga tegajog‘lik qilgan 20 yoshli talaba ma’muriy tartibda 5 sutkaga qamoq jazosiga hukm qilindi. Bu haqda Oliy sud matbuot kotibi Aziz Abidov ma’lum qildi.

Sud materiallariga ko‘ra, voqea 26-sentabr kuni metro vagonida sodir bo‘lgan. Talaba metroda ketayotgan paytda qizning tanasiga qo‘l tekkizgan, so‘ngra u bunga e’tiroz bildirgach haqoratli so‘zlar ishlatgan.

Sudda yigit qo‘li tasodifan tegib ketgan bo‘lishi mumkinligini aytgan, biroq haqorat qilganini tan olgan. Ish ko‘rib chiqilgach, holat mayda bezorilik sifatida emas, balki shahvoniy xulq-atvor (shilqimlik) sifatida qayta kvalifikatsiya qilingan.

Eslatib o‘tamiz, Kursiv Uzbekistan Toshkent metrosida tug‘ilgan chaqaloq va uning onasiga metro umrbod bepul bo‘lishi haqida...

Yil boshidan buyon O‘zbekistonda 15–17 yosh oralig‘idagi qizlar o‘rtasida 155 ta nikoh holati qayd etildi. Bu haqda Sog‘liqni saqlash vaziri Asilbek Xudayarov ma’lum qildi.

Vazirning ta’kidlanishicha, mamlakatda qarindoshlar o‘rtasidagi nikoh holatlari ham mavjud. Bunday nikohlar jiddiy xavflarni keltirib chiqaradi, ya’ni nogiron bolalar tug‘ilish ehtimolini oshiradi.

Shuningdek, vazir prezident boshchiligida o‘tkazilgan selektorda xotin-qizlarning intervalga rioya qilmagan holatda, bir kalendar yilida ikki marta homilador bo‘lish holatlari, nimjon, salomatligiga putur yetgan farzandlarning dunyoga kelish holatlari ham eslab o‘tilganini aytdi.

Vazir mamlakatda mahalla qo‘mitalari va boshqa tashkilotlar bilan hamkorlikda profilaktika va ma’rifiy ishlar kuchaytirilishini ma’lum qildi.

Avvalroq Surxondaryoda 15 yoshli qiz 28 yoshli...

Xalqaro valyuta jamg‘armasi (XVJ) 2025-yil uchun O‘zbekiston bo‘yicha yangilangan iqtisodiy prognozini e’lon qildi. Fondning oktabr hisobotiga ko‘ra, mamlakat yalpi ichki mahsuloti (YIM) 2025-yilda 6,8 foizga o‘sishi kutilmoqda. 2026-yilda esa o‘sish sur’ati 6 foiz atrofida bo‘lishi taxmin qilinmoqda.

XVJ ma’lumotiga ko‘ra, O‘zbekistonda inflyatsiya darajasi 2025-yilda 9,1 foiz, 2026-yilda esa 7,3 foizgacha pasayishi kutilmoqda. Mutaxassislar bu pasayishni hukumatning narx barqarorligini saqlashga qaratilgan siyosati va pul-kredit tartibotining bosqichma-bosqich qat’iylashuvi bilan izohlamoqda.

Shuningdek, jamg‘arma ekspertlari ishsizlik darajasi 2025-yilda 5 foiz, 2026-yilda esa 4,5 foiz atrofida bo‘lishini prognoz qilgan. Bu ko‘rsatkich mehnat bozori barqarorlashib borayotganini bildiradi.

XVJ hisobotida qayd etilishicha, global iqtisodiyot ham 2025-yilda...

17-oktabr uchun valyuta kurslari e’lon qilindi. Shu kun uchun AQSh valyutasi 12 160,99 so‘m (-72,68 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 10-oktabr uchun AQSh valyutasi 12 123,38 so‘m (+51,35 so‘m) etib belgilandi. 13-oktabr kuni dollar 12 140,91 so‘mga (+17,53 so‘m) tenglashdi. 14-oktabr uchun dollar 12 149,55 so‘m (+8,64 so‘m) etib belgilangan edi. 15-oktabr kuni dollar 35,56 so‘m oshib 12 185,11 so‘mga teng bo‘ldi. 16-oktabr uchun 12 233,67 so‘m (+48,56 so‘m) etib belgilandi.

Markaziy bank ma’lumotlariga ko‘ra, yevro 55,38 so‘mga tushib, 14 178,50 so‘mni, rubl esa 0,92 so‘mga pasayib...

Qashqadaryoning Ko‘kdala tumanidagi 17-maktab direktori ish so‘ragan ayolga jinsiy aloqa taklif qilgani uchun lavozimidan ozod etildi. Bu haqda viloyatning Maktabgacha va maktab ta’limi boshqarmasi xabar berdi.

Holat boshqarma tomonidan o‘rganilgan va direktor 2025-yil 16-oktabrdagi boshqarma boshlig‘ining buyrug‘i bilan ishdan bo‘shatilgan.

«Viloyat Maktabgacha va maktab ta’limi boshqarmasi pedagog maqomiga dog‘ tushiruvchi har qanday salbiy holatni qoralaydi va keskin choralar ko‘rilishini ma’lum qiladi», — deyiladi rasmiy munosabatda.

Boshqarma bunday xatti-harakatlarni keskin qoralashini va pedagog obro‘siga dog‘ tushiruvchi har qanday holatga nisbatan qat’iy choralar ko‘rilishini bildirdi.

Bundan avval shunday holat vazirlikning o‘zida ham aniqlangandi. Unda...

AQSh prezidenti Donald Tramp Boston shahridagi xavfsizlik muammolari tufayli 2026-yilgi futbol bo‘yicha jahon chempionati o‘yinlarini boshqa joyga ko‘chirish mumkinligini aytganidan so‘ng, FIFA barcha 16 mezbon shahar turnirni muvaffaqiyatli o‘tkazishga tayyor bo‘lishiga umid bildirdi.

FIFA Sky News’ga bergan izohida AQSh prezidenti Donald Tramp 2026-yilgi jahon chempionatini o‘tkazish uchun qaysi shaharlar xavfsiz deb hisoblanishini aytishga haqli ekanini bildirdi.

«Shubhasiz, xavfsizlik masalasi hukumatlar zimmasidagi majburiyatdir, ular jamoat xavfsizligini ta’minlash uchun zarur qarorlarni qabul qiladi», — deyiladi FIFA bayonotida.

Tashkilot, shuningdek, barcha 16 mezbon shahar turnirga tayyor bo‘lishiga va barcha zarur talablarni bajara olishiga umid bildirdi.

Eslatib o‘tamiz...

Vazirlar Mahkamasi qaroriga muvofiq, haydovchilarni tayyorlash va qayta tayyorlash bo‘yicha o‘quv kurslarini muvaffaqiyatli tamomlagan nomzodlarga yagona namunadagi elektron guvohnoma beriladi.

Guvohnoma o‘quv tashkilotlari tomonidan «e-avtota’lim.uz» tizimi orqali avtomatik tarzda shakllantiriladi va u haydovchilik guvohnomasini olish uchun zarur hujjatlardan biri bo‘ladi.

Shuningdek, bu guvohnoma uchun hech qanday yig‘im undirilmaydi.

Avvalroq haydovchilik guvohnomasini yo‘qotib qo‘yganlar uni yangilash uchun my.gov.uz portali orqali onlayn ariza topshirishi mumkinligi xabar qilingandi. Buning uchun my.gov.uz saytidagi «Haydovchilik guvohnomasini rasmiylashtirish» xizmatidan foydalanib, «Yo‘qolgan haydovchilik guvohnomasini tiklash» bo‘limida ariza yuborishi lozim.

Xizmat narxi – 370 800 so‘m. Guvohnomani pochta orqali olishni istaganlar, qo‘shimcha 25 000 so‘m to‘lov...

So‘nggi sakkiz yilda Farg‘ona vodiysi yalpi hududiy mahsuloti (YaHM) $7,9 milliarddan $19,8 milliardga yetdi. Bu haqda Iqtisodiy tadqiqotlar va islohotlar markazi direktori Obid Hakimov Farg‘ona tinchlik forumining birinchi yig‘ilishida ma’lum qildi.

Shu bilan birga, real o‘sish 60 foizni tashkil etib, o‘rtacha iqtisodiy ko‘rsatkichdan 56 foizga oshdi.

Vodiyning O‘zbekiston yalpi ichki mahsulotidagi ulushi 17,2 foizga yetdi. Aholi jon boshiga to‘g‘ri keladigan real YaHM 37 foizga oshgan. 2020 – 2024-yillarda daromadlar 68 foizga ko‘payib, $1,8 mingdan $3 mingga yetgan.

Bundan tashqari, xizmatlar, sanoat va qurilish sohalari ulushi oshgan, qishloq xo‘jaligi ishlab chiqarishi esa 30 foizga o‘sdi. Hudud eksporti $2,7 milliardga yetib...

Jahon banki O‘zbekistonga $800 mlnlik imtiyozli kredit ajratishni ma’qulladi. Bu haqda bank matbuot xizmati xabar bermoqda.

Bank ma’lumotiga ko‘ra, ushbu mablag‘lar kam ta’minlangan oilalarni qo‘llab-quvvatlash, ayollarni mehnatdagi tazyiqlardan himoya qilish, ijtimoiy xizmatlar va raqobat muhitini rivojlantirishga xizmat qiladi.

Loyihalar doirasida energiya tariflarining oshishidan aziyat chekayotgan oilalarga yordam puli miqdori 1 mln so‘mgacha oshiriladi, xususiy sektor ishtirokida ijtimoiy xizmatlar bozori yaratiladi, telekommunikatsiyada mustaqil regulyator tashkil etiladi va qishloq xo‘jaligi sug‘urtasi tizimi joriy qilinadi.

Shuningdek, energetika bozorini xususiy investorlar uchun ochish, qayta tiklanuvchi energiya ishlab chiqaruvchilarga elektrni to‘g‘ridan to‘g‘ri sotish imkonini berish, hamda energiya samaradorligini oshirishga qaratilgan milliy dastur yaratish...

Vladimir Putin O‘zbekiston bosh prokurori Nig‘matilla Yo‘ldoshevni «Do‘stlik» ordeni bilan taqdirladi. Bu haqda Rossiya prezidentining tegishli farmoni e’lon qilindi.

Shuningdek, orden bilan Venesuela poytaxti Karakas meri Karmen Teresa Melendes Rivas hamda Tojikiston sobiq bosh prokurori, hozirgi Xavfsizlik kengashi kotibi Yusuf Rahmon taqdirlangan.

«Do‘stlik» ordeni Rossiyada davlatlar o‘rtasida hamkorlik, madaniy va gumanitar aloqalarni mustahkamlashga katta hissa qo‘shgan shaxslarni e’tirof etish uchun beriladi.

Mazkur mukofot Yo‘ldoshevning O‘zbekiston va Rossiya o‘rtasidagi huquqiy hamkorlikni rivojlantirishga qo‘shgan hissasi e’tirofi sifatida berilgani ta’kidlanmoqda.

Eslatib o‘tamiz, Kursiv Uzbekistan Shavkat Mirziyoyev Birlashgan kurash dunyosi rahbarini «Do‘stlik» ordeni bilan taqdirlagani haqida yozgan edi.

Prezident qaroriga ko‘ra, elektrotexnika sanoatida 2026-yilda eksport geografiyasi 80 ta davlatgacha kengaytiriladi va eksport hajmi $3 milliardga yetkaziladi. 2030-yilda esa mis xomashyosining birja savdolari hajmi 225 ming tonnaga yetkazilishi rejalashtirilgan.

Shuningdek, 2026 – 2027-yillarda elektrotexnika sanoati korxonalariga aylanma mablag‘ uchun kreditlar bo‘yicha davlat tomonidan qo‘llab-quvvatlov chorasi ko‘rsatiladi. Tadbirkorlikni rivojlantirish kompaniyasi hisobidan:

Avvalroq Shavkat Mirziyoyev elektrotexnika sanoatidagi rivojlanish va eksport salohiyatini oshirish bo‘yicha taqdimot bilan tanishgani haqida xabar berilgandi. Unga ko‘ra, joriy yilning 9 oyida ishlab chiqarish hajmi...

2025-yil 16-oktabr holatiga ko‘ra, O‘zbekiston Henley Passport Index reytingida 72-o‘rindan 82-o‘ringa tushdi. Bu bir oy ichida mamlakat pozitsiyasi o‘nta pog‘onaga pasayganini anglatadi.

Reyting tuzuvchilari ma’lumotiga ko‘ra, hozirda O‘zbekiston fuqarolari vizasiz tarzda 61 ta davlatga kirish huquqiga ega. Sentabr oyida bu ko‘rsatkich 62 ta mamlakat edi.

Oktabr oyi boshida Chernogoriya hukumati O‘zbekiston, Armaniston va Misr fuqarolari uchun vizasiz tartibni bekor qildi. Bu qaror Yevropa Ittifoqiga a’zo bo‘lish jarayoni doirasidagi choralar bilan izohlangan.

Henley Passport Index yetakchilari sifatida Singapur, Janubiy Koreya va Yaponiya qayd etilgan. Reytingning kuchli beshligiga Italiya va Germaniya (4), shuningdek, Avstriya va Belgiya (5) kirgan.

Reytingning eng...

Umumiy o‘rta ta’lim maktablarida o‘quvchilarning kuzgi ta’tili 2025-yil 4-noyabrdan boshlanadi va 9-noyabrga qadar davom etadi. Bu haqda Maktabgacha va maktab ta’limi vazirligi xabar berdi.

Unga ko‘ra, II chorak dars mashg‘ulotlari 10-noyabrdan boshlanadi.

Avvalroq Toshkentdagi maktabda qizni kaltaklagan o‘quvchilarning ota-onasi va maktab rahbariyati jazolangani haqida xabar berilgandi. Maktabgacha va maktab ta’limi vazirligi mazkur holatni o‘z nazoratiga olib, maxsus ishchi guruh orqali o‘rganish o‘tkazdi.

O‘rganish natijalariga ko‘ra, voqea 20-sentabr kuni darsdan so‘ng yuz bergan. 4-sinf o‘quvchisi sinfdoshlari bilan og‘zaki tortishuvdan keyin janjal kelib chiqqan. Maktab ma’muriyati bu holat haqida profilaktika inspektori va maktab psixologlariga darhol xabar bergan. Holat bo‘yicha o‘quvchilarning ota-onalari...

Janubiy Koreyaning The Korea Herald nashri xabariga ko‘ra, Toshkentda barpo etilayotgan yangi xalqaro aeroport 2029-yilda foydalanishga topshirilishi rejalashtirilgan. Loyiha bo‘yicha maslahat va texnik qo‘llab-quvvatlash xizmatlarini Incheon International Airport Corporation (IIAC) amalga oshiradi.

IIAC kompaniyasi O‘zbekiston bilan $24,5 mlnlik besh yillik shartnoma imzolagan. Unga ko‘ra, 2027-yildan boshlab Janubiy koreyalik mutaxassislar IT-infratuzilma, yo‘lovchilarga xizmat ko‘rsatish tizimi va aeroport boshqaruvi bo‘yicha yordam beradi.

Loyiha joylashuvi va ulushdorlar tarkibi

Yangi Toshkent aeroporti Toshkent viloyatining O‘rta Chirchiq va Quyi Chirchiq tumanlari hududida, 1,3 ming gektar maydonda barpo etiladi.

Konsorsium tarkibiga quyidagi kompaniyalar kirgan:

ESPN nashri 2026-yili AQSh, Kanada va Meksikada bo‘lib o‘tadigan Jahon chempionatida qatnashadigan va qatnashishi mumkin bo‘lgan jamoalarning g‘olib bo‘lish ehtimolini baholadi.

Reytingda allaqachon Jahon chempionatiga yo‘llanma olgan va saralash bosqichida ishtirok etayotgan 87 terma jamoa joy olgan. Unga ko‘ra, birinchi o‘rinda Desham boshchiligidagi Fransiya terma jamoasi joy oldi. Tarkibida Kilian Mbappe, Usmon Dembele va Antuan Grezman kabi hujumchilar harakat qiladigan «Uch ranglilar» turnir favoriti sifatida ko‘rilmoqda.

Ikkinchi o‘rinda esa Ispaniya terma jamoasi o‘rin olgan. Amaldagi Yevropa chempionlari tezkor qanotlar va maydon markazidagi nazorat evaziga o‘yin taqdirini hal qila oladi. Lamin Yamal, Niko Uiliams va Pedri «Qizil furiya»ga Jahon...

Isroil bosh vaziri Binyamin Netanyaxu bronxit tashxisi qo‘yilgani sababli bugungi kun uchun belgilangan barcha uchrashuvlarini bekor qildi. Bu haqda bosh vazir idorasi ma’lum qilgan.

Netanyaxu Tel-Aviv tuman sudi majlisida so‘roq paytida o‘zini yomon his qilgani, yo‘tal va shamollash belgilari haqida shikoyat qilgani aytilgan. Shundan so‘ng sudyalar uning so‘roviga binoan majlisni keyinga qoldirishga rozilik bildirgan.

Bosh vazir idorasi xabariga ko‘ra, shifokor tavsiyasi asosida Netanyaxu kunni uyda dam olish bilan o‘tkazadi. Shifoxona esa uning infeksion kasallik bilan og‘rimagani, ya’ni atrofdagilar uchun xavf tug‘dirmasligini tasdiqladi.

Sud majlisi soat 16:30 da yakunlanishi kerak edi, biroq Netanyaxu o‘zining faqat qisqa vaqt davomida ko‘rsatma berishini...

Time jurnali 2025-yil uchun eng yaxshi ixtirolar ro‘yxatini taqdim qildi. Jurnal so‘nggi bir yil davomida ixtiro qilingan 300 ta kashfiyotni ommaga ma’lum qildi.

Ixtirolar asosan Go‘zallik, Robototexnika, Salomatlik, Sun’iy intellekt, Oziq-ovqat va boshqa bir qancha sohalar hissasiga to‘g‘ri keladi. Kashfiyotlar sohaga ta’siri, samaradorligi hamda bir necha mezonlar bo‘yicha baholanadi.

AST SpaceMobile BlueBird

AST SpaceMobile kompaniyasining BlueBird sun’iy yo‘ldoshlari orbitada joylashgan bo‘lib, yuqori 120 Mbps gacha tezlikda internet tarqatishni maqsad qilgan. Bu internet yaxshi bo‘lmagan hududlarda internet aloqa imkoniyatlarini kengaytiradi.

FireSat — erta yong‘in aniqlash tizimi

FireSat — bu Earth Fire Alliance, Muon Space va Google Research hamkorligida ishlab chiqilgan...