Yangiliklar

BYD kompaniyasi 5-mart kuni yirik Tech Day tadbirini o‘tkazadi. Bu haqda CarNewsChina nashri ma’lum qildi. Unda Seal 07 EV rasman sotuvga chiqariladi.

Shuningdek, tadbirda Song Ultra EV, yangilangan Denza Z9 GT va 2026-yilgi Yangwang modellari esa oldindan buyurtmaga ochiladi.

Texnologik yangilanish fonida kompaniya bozor bosimini kamaytirishga urinmoqda. BYD fevral oyida 190 ming dona avtomobil sotgan bo‘lsa-da, bu o‘tgan yildagiga nisbatan 41 foizga kamaygan. Ichki bozordagi pasayish Xitoyda elektromobillar uchun soliq imtiyozlari qisqarishi bilan izohlanmoqda.

Yangi Song Ultra elektromobili o‘rta hajmdagi SUV bo‘lib, 270 kW quvvatli orqa motor bilan jihozlangan. Maksimal tezligi 210 km/soatga yetadi. 75,6 va 82,7 kWh sig‘imli...

Toshkent hududida o‘tkazilgan nazorat tadbirlari davomida quvvati 20 kVtdan ortiq bo‘lgan bir qator elektr quvvatlash shoxobchalari qonunchilik talablariga zid ravishda ulangan va foydalanilayotgani ma’lum bo‘ldi. Bu haqda Toshkent shahar hokimligi xabar berdi.

Ma’lum qilinishicha, ayrim shoxobchalar majburiy texnik shartlar va kelishuvlarsiz, texnika hamda yong‘in xavfsizligi talablariga rioya etilmagan holda ishga tushirilgan. Shuningdek, davlat fondi yer uchastkalarida belgilangan tartib-qoidalarga, jumladan, elektron onlayn-auksion talablariga amal qilmasdan noqonuniy joylashtirish holatlari ham aniqlangan.

Rasmiylarga ko‘ra, bunday qoidabuzarliklar shahar elektr tarmoqlariga ortiqcha yuklama berib, transformator podstansiyalarida avariyaviy holatlar yuzaga kelishiga sabab bo‘lishi mumkin. Natijada turarjoy uylari elektr ta’minotida uzilishlar kuzatilishi, qisqa tutashuv va yong‘in...

Eron hududida AQSh va Isroil tomonidan amalga oshirilayotgan zarbalar fonida halok bo‘lganlar soni 555 nafarga yetdi. Bu haqda Eron Qizil Yarim Oy Jamiyati ma’lum qilgan, deb yozmoqda Al Jazeera nashri.

2-mart tongida janubdagi Fors viloyatida kamida 35 kishi halok bo‘lgani xabar qilindi. Tehrondagi Niloofar maydoniga berilgan zarbada esa 20 dan ziyod odamlar qurbon bo‘lgan. Shuningdek, markaziy Sanandaj shahrida turarjoy binolari vayron qilingani, kamida ikki kishi halok bo‘lgani aytilmoqda.

Eronning Atom energiyasi bo‘yicha xalqaro agentlikdagi elchisi International Atomic Energy Agency (IAEA) huzurida bayonot berib, 1-mart kungi zarbalar Eronning Natanz yadroviy obyektiga qaratilganini ma’lum qildi. Tehron ushbu inshoot tinch maqsadlarda foydalanilishini...

O‘zbekiston avtomobil bozorida Xitoy brendlari tobora mustahkam o‘rin egallab bormoqda. Ayniqsa, BYD va Chery modellari savdo hajmi jihatidan yetakchilar qatorida qolmoqda. So‘nggi taqqoslovda BYD’ning Song Plus (Champion) modeli hamda Chery Tiggo 8 gibrid versiyasi o‘zaro solishtirildi. Narxdagi taxminan $2 minglik farq esa xaridorni o‘ylantiradigan asosiy omil bo‘lib turibdi.

Dizayn va tashqi ko‘rinish

Tashqi ko‘rinishda Chery Tiggo 8 balandroq va agressivroq dizayni bilan ajralib turadi. Old qismidagi keskin chiziqlar va zamonaviy yorug‘lik elementlari unga salobat beradi. BYD esa ko‘proq sportiv va «molodyojniy» uslubda – soddaroq, lekin zamonaviy ko‘rinishda.

Orqa chiroqlardagi uzluksiz (sploshnoy) LED liniya ikkala modelda ham mavjud bo‘lib...

3-mart sanasi nafaqat matbuot va jahon iqtisodiyoti rivojidagi ulkan o‘zgarishlar, balki madaniyat va sport olamidagi yorqin voqealar bilan ham tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1923-yili jahonga mashhur Time axborot jurnali birinchi marta nashr etildi. Nyu-Yorkda asos solingan ushbu haftalik nashr qisqa vaqt ichida o‘zining chuqur tahliliy maqolalari bilan dunyodagi eng nufuzli axborot manbalaridan biriga aylandi. Asr davomida jurnal nafaqat yangiliklarni yoritish, balki xalqaro jurnalistika standartlarini shakllantirishda muhim o‘rin tutib kelmoqda.

1938-yilda Saudiya Arabistonida ilk bor yirik neft konlari topildi. Qidiruv ishlari natijasida ochilgan bu kashfiyot nafaqat arab dunyosi, balki...

Shayx Nuriddin Xoliqnazar hazratlari «Ramazon oyida tug‘ilgan farzandlarga Ro‘zivoy yoki Ramazon singari ismlarni xoslab qo‘yish shartmi?» degan savolga quyidagicha javob berdi:

«Shariatimizda Ramazonda tug‘ilgan bolaga ro‘zaga moslab ism qo‘yish shartligi haqida ko‘rsatma yo‘q. Ba’zilarning bola Ramazon oyida tug‘ilsa, Ramazon, Ro‘za yoki Hayit ismini qo‘yish kerak, degan mana shunga o‘xshagan gaplari asossiz, dinimizga aloqasi yo‘q. Musulmonchilik an’analariga ko‘ra, Alloh taologa bandalik ma’nosini ifodalovchi, yaxshi, chiroyli, milliy urf-odatlarimizga to‘g‘ri keluvchi, yaxshi niyatli ismlarni qo‘yishlik maqsadga muvofiq», – deydi Shayx Nuriddin Xoliqnazar hazratlari.

Eslatib o‘tamiz, avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. Unga ko‘ra, saharlikdan keyin...

Isroil rasmiy hukumat samolyoti Germaniyaga joylashtirildi, Yaqin Sharqdagi mojaro fonida neft va oltin narxi oshdi — 3-mart kuni e’lon qilingan yangiliklar Kursiv Uzbekistan dayjestida.

Yaqin Sharqdagi mojaro fonida neft va oltin narxi oshdi

Yaqin Sharqda boshlangan harbiy harakatlar ortidan jahon bozorlarida neft, oltin va dollar ko‘tarildi.

2-mart kungi savdolarda Brent nefti narxi 2025-yil yanvaridan beri eng yuqori ko‘rsatkichga chiqdi. Keyinroq narx biroz pasayib, $77,5 atrofida barqarorlashdi. Oltin narxi ham 2,2 foizga oshib, bir unsiyasi uchun $5,4 ni tashkil qildi.

Isroil rasmiy hukumat samolyoti Germaniyaga joylashtirildi

Isroilning rasmiy hukumat samolyoti xavfsizlik sababli Germaniyaga qo‘ndi va poytaxt Berlin aeroportiga...

3-mart kuni havo o‘zgaruvchan bo‘ladi, ba’zi joylarda yomg‘ir yoki qor yog‘ishi mumkin. Harorat kechasi 0° dan 10° gacha, kunduzi esa 3–15° atrofida iliq bo‘ladi, deya prognoz qilmoqda «O‘zgidromet».

Quyida ob-havo ma’lumoti hududlar kesimida:

2026-yil 25-fevral kuni Mirobod tumanida YPX inspektori Xosilbek Eshnazarovni urib yuborgan 2010-yilda tug‘ilgan Doniyor Turg‘unovga nisbatan qamoqqa olish chorasi qo‘llanildi. Bu haqda Bosh prokuratura matbuot xizmati ma’lum qildi.

Mazkur jinoyat ishi doirasida Doniyor Turg‘unov Jinoyat kodeksining 267-moddasi 1-qismi hamda 104-moddasi 3-qismi «d» bandida nazarda tutilgan jinoyatlarni sodir etganlikda gumon qilinmoqda. Sudning 28-fevraldagi ajrimiga binoan gumon qilinuvchiga nisbatan ehtiyot chorasi sifatida qamoqqa olish qo‘llanilgan.

Ma’lumot uchun, YPX inspektori Xosilbek Eshnazarov 1993-yilda Qashqadaryo viloyatining G‘uzor tumnaida tug‘ilgan. Tergov jarayoni ustidan shaxsan Bosh prokuror nazorati o‘rnatilgan.

Eslatib o‘tamiz, avvalroq Toshkent shahrida yuz bergan va YPX inspektori halok bo‘lishiga sabab bo‘lgan mudhish...

3-mart, seshanba kuni muborak Ramazon oyining o‘n uchinchi kuni boʻlib, Toshkent shahrida saharlikning tugashi soat 5:37 ni tashkil qiladi. Iftorlik esa 18:20 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Pokiston shimolida AQSh va Isroilning Eronga bergan zarbalari oqibatida yuzaga kelgan keskinlik fonida ommaviy tartibsizliklar boshlandi. Eron oliy rahbari Oyaulloh Ali Xomanaiy halok bo‘lgani haqidagi xabarlar ortidan minglab namoyishchilar ko‘chalarga chiqdi. Bu haqda APNews xabar berdi.

Rasmiylar ma’lum qilishicha, Gilgit va Skardu shaharlariga qo‘shin kiritilib, tongdan boshlab uch kunlik komendantlik soati e’lon qilingan. So‘nggi ma’lumotlarga ko‘ra, kamida 12 kishi halok bo‘lgan, 80 dan ortiq odamlar jarohat olgan.

1-mart kuni namoyishchilar Skardu shahrida BMTning sulhni kuzatuvchi missiyasi – United Nations Military Observer Group in India and Pakistan idorasi hamda United Nations Development Programme binosiga hujum qilgan. Gilgitda esa politsiya bo‘limi...

Apple kompaniyasi yangi iPhone 17e bazaviy modelini rasman taqdim etdi. Smartfon ilgari faqat Pro seriyalarda mavjud bo‘lgan bir qator texnologiyalar bilan jihozlangan.

Qurilmaning ikki versiyasi mavjud:

Texnik platforma

iPhone 17e Apple A19 protsessori asosida ishlaydi. Ulanish uchun C1X modem ishlatiladi. Bu modem iPhone 16e’dagi C1 modemi bilan solishtirganda ma’lumot uzatish tezligi bo‘yicha ikki barobar tezroq. Bazaviy modelning xotirasi 256 GBga oshirilgan.

Kamera va video imkoniyatlari

Asosiy kamera 48 megapikselli sensorga ega. U 4K Dolby Vision video yozishni va ikki karra teleobyektiv effektli fotosurat olishni qo‘llab-quvvatlaydi, ya’ni ikki...

Chevrolet’ning benzinli (ICE) Chevrolet Blazer modeli dastlab 2025-yildan keyin ishlab chiqarilmaydi, deb rejalashtirilgandi. Biroq kompaniya qarorini o‘zgartirib, Blazer’ni AQSh bozorida yana bir necha yil davomida taklif etishini ma’lum qilgan.

Endilikda 2026-yilgi model bo‘yicha muhim sana aniq bo‘ldi. Manbalarga ko‘ra, bu yilgi Blazer uchun yakuniy buyurtmalar 20-iyul haftasigacha qabul qilinadi. So‘nggi avtomobil esa 25-sentabr kuni konveyerdan chiqadi. Model ishlab chiqarilishi Meksikadagi Ramos Arizpe zavodida amalga oshiriladi.

Narxlar va komplektatsiyalar

2026-yilgi Blazer narxi 2LT old g‘ildirakdan tortuvchi versiya uchun $36 mingdan boshlanadi. 3LT versiyasi $41,5 ming, eng yuqori RS komplektatsiyasi esa $45,4 mingdan taklif qilinadi. To‘liq uzatmali (AWD) variant...

Eron oliy rahnamosi Oyatulloh Ali Xomanaiyning turmush o‘rtog‘i Mansura Xojasta Bagirzoda vafot etdi. Bu haqda Eronning Mehr agentligiga tayanib, qator manbalar xabar berdi.

Xabarlarda aytilishicha, u Xomanaiyning qarogohiga qilingan AQSh – Isroil havo hujumlari ortidan qattiq jarohatlangan, koma holatida kasalxonaga yotqizilgan va o‘sha yerda hayotdan ko‘z yumgan.

Mansura Xojasta Bagirzoda 1947-yilda Eronning Mashhad shahrida diniy oilada tug‘ilgan, Xomanaiy bilan 1960-yillarning o‘rtalarida turmush qurgan.

Mansura va Xomanaiyning oltita farzandi bor – to‘rtta o‘g‘il va ikki qiz: Mustafo, Mujtaba, Ma’sud, Maysam, Bushro va Xuda. Ular ta’lim, din va siyosiy doiralardagi yirik shaxslar bilan oila qurgan.

Avvalroq harbiy zarbalar oqibatida...

Telegram messenjeri 12.5 versiyasigacha yangilandi. Yilning ilk bahorgi yangilanishida Premium obunachilar ham, bepul foydalanuvchilar ham uchun qator yangi funksiyalar taqdim etildi.

Premium uchun: shaxsiy chatlarda nusxa olishni taqiqlash

Endi Telegram Premium obunachilari istalgan shaxsiy chatdagi yozishmalarni himoya qila oladi. Agar funksiya yoqilsa, suhbatdosh xabarlarni boshqa chatga yubora olmaydi, matndan nusxa ko‘chira olmaydi, skrinshot qilishi cheklanadi hamda mediafayllarni saqlay olmaydi. Funksiyani yoqish uchun foydalanuvchi profiliga kirib, menyu orqali «Nusxa olishni taqiqlash» bandini tanlash kerak. Hozircha bu imkoniyat faqat Premium foydalanuvchilar uchun mavjud.

Guruhlarda ishtirokchilar uchun teglar

Guruh chatlarida endi ism yoniga maxsus teg qo‘shish mumkin. Bu teg orqali...

Yaqin Sharq mintaqasidagi so‘nggi voqealar fonida Qatarda jabrlanganlar orasida O‘zbekiston fuqarolari yo‘q. Bu haqda O‘zbekistonning Qatardagi elchixonasi ma’lumot berdi.

1-mart holatiga ko‘ra, Qatar hududida 600 nafarga yaqin O‘zbekiston fuqarosi bo‘lib turibdi. Shundan:

28-fevral kuni Qatar havo hududining vaqtincha yopilishi va qator xalqaro reyslarning bekor qilinishi natijasida 48 nafar vatandoshimiz Doha shahridagi Hamad International Airport aeroportida qolib ketgan. Ular Sharja, Dubay va Olmaota aeroportlari orqali...

Yaqin Sharq mintaqasidagi vaziyat keskinlashishi munosabati bilan O‘zbekiston xorijdagi diplomatik vakolatxonalari fuqarolar uchun favqulodda aloqa raqamlarini taqdim etdi. Tashqi ishlar vazirligi ma’lumotiga ko‘ra, ushbu raqamlar mintaqada bo‘lib turgan O‘zbekiston fuqarolariga tezkor konsullik yordamini ko‘rsatib turadi.

O‘zbekiston Respublikasi Tashqi ishlar vazirligi
Konsullik xizmati departamenti:

O‘zbekiston Respublikasining Erondagi elchixonasi (Tehron shahri):

O‘zbekiston Respublikasining Qatardagi elchixonasi:

O‘zbekiston Respublikasining Birlashgan Arab Amirliklaridagi elchixonasi:

Eron oliy rahnamosi Oyatulloh Ali Xomanaiy 28-fevral kuni Tehronda AQSh va Isroil havo zarbalari natijasida halok bo‘ldi. U 1989-yildan buyon Eron Islom Respublikasi rahbari bo‘lib kelgan edi. U o‘ttiz yildan ortiq davom etgan rahbarlik davrida mamlakatning ichki siyosat yo‘nalishi va tashqi strategiyasini belgilab kelgan. Uning boshqaruvi Eronning zamonaviy tarixida eng uzoq davom etgan davrga aylandi.

Diniy olimlikdan inqilobgacha

Oyatulloh Ali Xomanaiy 1939-yilda Eronning Mashhad shahrida shia ruhoniylari oilasida tug‘ilgan. Oilasi moliyaviy jihatdan boy emas edi, ammo payg‘ambar Muhammad (s.a.v.)ning avlodlari bo‘lmish sayyidlarga mansub bo‘lgani unga jamiyatda yuqori mavqe va hurmat berdi.

Ali Xomanaiy Mashhaddagi diniy maktablarda ta’lim olgan, so‘ngra...

Yaqin Sharqda vaziyat keskin tus olmoqda. AQSh va Isroilning Eronga bergan zarbalaridan so‘ng mojaro bir nechta davlatlarni qamrab oldi va mintaqaviy urush xavfi kuchaydi. Bu haqda BBC nashri xabar berdi.

Eron zarbalari: Qatar va Saudiya nishonda

So‘nggi xabarlarga ko‘ra, Eron tomonidan Saudiya Arabistonidagi neftni qayta ishlash zavodiga zarba berilgan. Yong‘in chiqqani, ammo rasmiylarga ko‘ra, u nazorat ostiga olingani aytilmoqda.

Qatardagi Ras Laffan va Mesaieed gaz majmualariga hujum qilingan. Qatar davlat energetika kompaniyasi ishlab chiqarish vaqtincha to‘xtatilganini bildirgan.

Qatar dunyodagi eng yirik suyultirilgan gaz eksportchilaridan biri hisoblanadi. Bu voqealar fonida xalqaro bozorda gaz narxi keskin oshdi – ayrim savdolarda...

YouTube’dagi «Ruki v masle» kanali Kia Soluto haqida yangi video chiqardi. Kursiv Qozog‘istonning yozishicha, unda model Qozog‘istonda eng ko‘p sotiladigan Chevrolet Cobalt’ga raqobatchi bo‘la oladimi, degan savol ko‘tarilgan.

Narx va joylashuv

Kia Soluto’ning boshlang‘ich narxi taxminan 7 mln tenge ($14 ming). Bu bazaviy komplektatsiya bo‘lib, avtomat uzatma, po‘lat disk va mato salon bilan taklif etiladi. 7,6 mln tenge ($15,2 ming) atrofidagi versiyada esa ekoteri salon, yengil qotishma disklar, kruiz-kontrol va Apple CarPlay hamda Android Auto qo‘llab-quvvatlovchi multimedia mavjud.

Ko‘plab foydalanuvchilar narxni yuqori deb hisoblamoqda. Ularning fikricha, modelning adolatli bahosi 5-6 mln tenge ($10 – $12 ming) atrofida...

O‘zbekistonga 2025-yil davomida 14 ta xorijiy davlatdan umumiy qiymati $4,5 mlnga teng bo‘lgan jami 43,6 ming dona gaz plitasi olib kelingan. Milliy statistika qo‘mitasi xabariga ko‘ra, bu ko‘rsatkich 2024-yildagiga nisbatan 14,3 ming donaga ko‘pdir.

Mamlakatga gaz plitalarini yetkazib berish bo‘yicha Xitoy yetakchilik qilmoqda. 2025-yilda Xitoydan 20,4 ming dona gaz plitasi import qilingan. Ikkinchi o‘rinda Belarus davlati qayd etilgan bo‘lib, undan 11,7 ming dona mahsulot xarid qilingan. Undan keyingi o‘rinni 7,8 ming dona ko‘rsatkich bilan Turkiya egalladi.

Shuningdek, Ispaniyadan 2 ming dona va Italiyadan 680 dona gaz plitasi keltirilgan. Boshqa davlatlar hissasiga esa jami 1 ming dona mahsulot to‘g‘ri keladi.

Xitoyda yangilangan Xpeng X9 elektrominiveni savdoga chiqdi. Bu haqda CarNewsChina nashri xabar bermoqda.

2026-yilgi model narxi 309 800 yuandan 369 800 yuangacha, ya’ni taxminan $45 170 – $53 920 oralig‘ida etib belgilandi. Model asosiy yangiliklari sifatida orqa g‘ildiraklarni burish tizimi, 2 250 TOPS hisoblash quvvati va 800V yuqori kuchlanishli platforma bilan taklif qilinmoqda.

Xpeng X9 yirik MPV segmentiga kiradi. Uning o‘lchamlari 5 316 mm uzunlik, 1 988 mm kenglik va 1 785 mm balandlikni tashkil etadi. Model avvalgisiga nisbatan 23 mm uzunroq bo‘lgan, biroq 3 160 mm g‘ildirak bazasi o‘zgarmagan.

Uzatmalar selektori rul ustuniga o‘rnatilgan. Salon yetti o‘rinli...

2026-yil fevral oyining oxirida Isroil va AQSh tomonidan Eronga zarba berildi. Shundan so‘ng Tehron javob harbiy harakatlarini boshladi. Yaqin Sharqda yuzaga kelgan navbatdagi keskinlik mintaqa davlatlari, jumladan, O‘zbekistonga qanday ta’sir qiladi.

Mazkur savolga aniqlik kiritish maqsadida Kursiv Uzbekistan Rossiya Fanlar akademiyasining Jahon iqtisodiyoti va xalqaro munosabatlar milliy tadqiqot instituti Markaziy Osiyo sektori rahbari, tarix fanlari nomzodi Stanislav Pritchindan izoh oldi.

Ekspertning so‘zlariga ko‘ra, mintaqadagi harbiy harakatlar O‘zbekistonga bevosita daxl qilmaydi, chunki tomonlarning hech biri Toshkent uchun yirik savdo va investitsiyaviy hamkor hisoblanmaydi.

Uzoq muddatli istiqbolda Yaqin Sharqdagi mojaro, shuningdek, Afg‘oniston va Pokiston o‘rtasidagi jangovar harakatlar O‘zbekiston tomonidan tashabbus qilingan strategik...

Rossiyalik sobiq senator, 67 yoshli tadbirkor Umar Jabrailov Moskva markazidagi mehmonxonada o‘z joniga qasd qildi. Bu haqda DW agentligi xabar bermoqda.

Ma’lumotlarga ko‘ra, Jabrailovning jasadi Tverskaya ko‘chasidagi mehmonxona xonalaridan birida topilgan, uning yonida to‘pponcha bo‘lgan. Shuningdek, boshqa nashrlar ham o‘z manbalariga tayanib, voqeaning o‘z joniga qasd qilish ekanini tasdiqlamoqda. Sobiq senator 2020-yilda ham o‘z hayotiga suiqasd qilishga uringani aytiladi.

Umar Jabrailov Rossiya siyosiy va iqtisodiy doiralarida taniqli shaxs hisoblangan. U 2000-yilgi prezidentlik saylovlarida Vladimir Putinga raqib sifatida ishtirok etgan. 2004 – 2009-yillar davomida Rossiya Federatsiya kengashida Checheniston vakili bo‘lib ishlagan va xalqaro ishlar qo‘mitasi raisi o‘rinbosari lavozimini...