Yangiliklar

Germaniya Bundesligasining 5-turidan oʻrin olgan bahsda «Bavariya» oʻz maydonida «Verder»ni qabul qildi va yirik 4:0 hisobida gʻalaba qozondi.

Dastlab Jonatan Ta 22-daqiqada hisobni ochdi. Harri Keyn esa 45 va 65-daqiqalarda gol urib, dublni rasmiylashtirdi. 87-daqiqada Konrad Laymer jamoasining yirik hisobdagi gʻalabasiga oʻz hissasini qoʻshdi.

Qayd etish joiz, Keyn myunxenliklar safidagi gollari sonini 100 taga yetkazib oldi va Yevropaning TOP-5 chempionatlari doirasida bir klub safida 100 ta gol urish uchun eng kam o‘yin sarflagan futbolchiga aylandi.

Saudiya Pro ligasi 4-turidan oʻrin olgan markaziy bahsda «An Nasr» safarda «Al Ittihod» mehmoni boʻldi va ishonchli gʻalabaga erishdi.

Dastlab Sadio Mane 9-daqiqada hisobni ochdi. Senegallik hujumchi oʻng qanotdan uzatilgan toʻpni darvozaga «mixlab» qoʻydi.

35-daqiqada esa Krishtianu Ronaldu ham oʻz nomini tabloga yozdirib qoʻydi. Portugaliyalik yulduz Manening uzatmasini golga aylantirdi.

Qayd etish joizki, ushbu gol Ronalduning faoliyatidagi 946-goli boʻldi.

Ma’lumot uchun, «An Nasr» ushbu gʻalabadan soʻng oʻz ochkolari hisobini 12 taga yetkazib, peshqadamligini mustahkamlab oldi. «Al Ittihod» esa 9 ochko bilan ikkinchi oʻrinda bormoqda.

Saudiya Pro ligasi. 4-tur

«Al Ittihod» — «An Nasr» 0:2

Gollar: Mane (9), Ronaldu (35).

Al...

Oʻzbekiston Superligasi 23-turidan oʻrin olgan bahsda «Andijon» oʻz maydonida OKMKni qabul qildi va yakunda minimal hisobda gʻalaba qozondi.

Uchrashuvdagi yagona gol 30-daqiqada Usmonali Ismonaliyev tomonidan kiritildi. Shu tariqa «Andijon» 5 o‘yinlik gʻalabasiz seriyasiga chek qoʻydi.

Maʼlumot uchun, Maksim Shatskix shogirdlari ushbu oʻyindan soʻng oʻz ochkolari hisobini 25 taga yetkazib, turnir jadvalida 11-o‘ringa koʻtarilib oldi. OKMK esa 40 ochko bilan 4-pog‘onada bormoqda.

Qayd etish joiz, «Andijon» 2011-yildan buyon olmaliqliklarni magʻlub eta olmayotgandi. Mirjalol Qosimov esa shu kungacha murabbiy sifatida «Andijon»ga yutqazmagandi.

Foto: «Andijon» matbuot xizmati

Oʻzbekiston Superligasi. 23-tur

«Andijon» — OKMK 1:0

Gol: Usmonali Ismonaliyev (30).

Andijon — Erjan Tokotayev, Abubakr...

Kursiv Uzbekistan kunning muhim yangiliklarini bitta xabarga jamladi.

2026-yilgi Jahon chempionati ramzlari taqdim etildi

FIFA 2026 Jahon Chempionati uchun uch rasmiy ramz tanishtirildi. Ular Kanadani ifodalovchi Meypl — Shimol bug‘usi(Kanada ramzi), Zayu — Yaguar (Meksika ramzi), Klach— Kal burgut (AQSh ramzi) obrazlaridir.

Krasnodardan Samarqandga yangi aviareys yo‘lga qo‘yildi

Shu yilning 25-sentabridan Azimut aviakompaniyasi Krasnodar — Samarqand yo‘nalishi bo‘yicha muntazam parvozlarni boshladi. Bu haqda «Kuban-Inform» nashri xabar berdi.

Krasnodar aeroporti matbuot xizmati xabariga ko‘ra, reyslar haftasiga ikki marta — dushanba va payshanba kunlari amalga oshiriladi.

Qozog‘iston ustidagi havo massalari Toshkentga ta’sir ko‘rsatmaydi — «O‘zgidromet»

Qozog‘istonda 25-sentabr kuni kechga borib shamol kuchaygani kuzatildi. «O‘zgidromet...

27-sentabr kuni O‘zbekiston bo‘ylab kechasi harorat 10-17° atrofida, kunduzi esa 20-33° gacha ko‘tariladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Toshkent shahridagi Shota Rustaveli ko‘chasida ta’mirlash ishlari sababli 26-sentabr soat 17:00 dan 29-sentabr soat 07:00 gacha Janubiy vokzal – Sergeli («O‘zgarish» ko‘prigi) yo‘nalishida avtomobillar harakati vaqtincha cheklanadi. Shu bois avtobus qatnovlarida ham vaqtinchalik o‘zgarishlar joriy etiladi, deya xabar bermoqda Transport vazirligi.

32 va 59-avtobuslar Gavhar, Do‘mbirobod, Kichik halqa yo‘li ko‘chalari orqali harakatlanadi. 8, 38, 40, 48, 57, 58, 59, 62, 75, 84, 105, 126, 131-avtobuslar esa Yangi Sergeli yo‘li, TXAY, Fayzli Toshkent, Kichik halqa yo‘li ko‘chalari orqali qatnaydi.

Ta’mirlash ishlari davomida tirbandliklar yuzaga kelishi va avtobuslarning qatnov vaqti odatdagidan uzoqroq bo‘lishi mumkin. Yo‘lovchilardan safarlarini rejalashtirishda mazkur o‘zgarishlarni inobatga olish...

Aholiga qulaylik yaratish maqsadida bir qator tijorat banklari dam olish kunlari ham valyuta ayirboshlash va pul o‘tkazmalari xizmatini ko‘rsatmoqda. Bu haqda Markaziy bank matbuot xizmati ma’lum qildi.

Quyida banklar ro‘yxati:

Shuningdek, mijozlar uchun «24/7» rejimida ishlovchi avtomatlashtirilgan valyuta ayirboshlash bankomatlari va mobil ilovalar orqali...

Bo‘stonliq tumanidagi dala-hovlida yirik miqdorda elektr energiyasidan noqonuniy foydalanish holati fosh etildi. Bu haqda Bosh prokuratura departamenti ma’lum qildi.

Bosh prokuratura huzuridagi Departament xabariga ko‘ra, fuqarolar va boshqalar «Chimyon» MFY hududidagi dala-hovlida umumiy tarmoqdan hisoblagichsiz ulanib, 1,9 mlrd so‘mlik elektr energiyasidan tijorat maqsadida foydalangan.

Mazkur holat yuzasidan Jinoyat kodeksining 185-2-moddasi asosida jinoyat ishi qo‘zg‘atildi. Hozirda tergov ishlari olib borilmoqda.

Soha mutaxassislari ta’kidlashicha, elektr energiyasidan noqonuniy foydalanish nafaqat iqtisodiy zarar yetkazadi, balki xavfsizlik qoidalarining buzilishi oqibatida yong‘in yoki boshqa favqulodda holatlarga ham sabab bo‘lishi mumkin. Shu bois aholiga faqat qonuniy tartibda ulanish va energiya ta’minotida rasmiy shartnomalarga amal qilish eslatib...

1–2-oktabr kunlari Samarqand – Toshkent – Samarqand yo‘nalishida «Afrosiyob» tezyurar poyezdining qo‘shimcha qatnovlari tashkil etiladi. Bu haqda Transport vazirligi ma’lum qildi.

Shuningdek, 3-oktabrdan boshlab qo‘shimcha qatnovlar muntazam ravishda haftada uch marta – chorshanba, juma va shanba kunlari amalga oshiriladi.

Chipta sotib olish uchun rasmiy veb-sayt va «Uzrailways Tickets» mobil ilovasi orqali murojaat qilish mumkin.

Eslatib o‘tamiz, avvalroq Toshkent – Qozon – Toshkent yo‘nalishida muntazam avtobus qatnovi yo‘lga qo‘yilgani haqida yozgan edik.

Shavkat Mirziyoyev raisligida o‘tkazilgan yig‘ilishda paxta hosili yig‘imi, kuz-qish mavsumiga tayyorgarlik, «Yashil makon» dasturi ijrosi hamda investitsiya va eksport ko‘rsatkichlari muhokama qilindi. Bu haqda davlat rahbari matbuot xizmati ma’lum qildi.

Bu yil 875 ming gektar maydonda chigit ekilib, 3,7 mln tonna hosil rejalashtirilgan. Terim jarayonlariga 900 dan ortiq mashina jalb etilgan bo‘lsa-da, ayrim hududlarda rejadan orqada qolish holatlari kuzatilmoqda. Prezident qisqa muddatda favqulodda shtablar tuzib, hosilni sifatli yig‘ib olish bo‘yicha topshiriqlar berdi.

Kuz-qish mavsumiga tayyorgarlik doirasida 640 ta maktab va bog‘chadan 125 tasi, 9,8 ming ko‘p qavatli uydan mingga yaqini, shuningdek, ayrim qozonxonalar hali tayyor emasligi ta’kidlandi. Davlat rahbari...

Toshkent – Qozon – Toshkent yo‘nalishida muntazam avtobus qatnovlari yo‘lga qo‘yiladi. Bu haqda Transport vazirligi ma’lum qildi.

«Uzautotrans Service» korxonasi ma’lumotiga ko‘ra, qatnovlar joriy yilning 6-oktabridan boshlab haftaning dushanba va payshanba kunlari amalga oshiriladi.

Toshkentdan Qozonga ilk qatnov 6-oktabr kuni bo‘lib o‘tadi. Avtobus «Toshkent» avtovokzalidan soat 17:00 da jo‘naydi, chipta narxi esa 700 ming so‘m etib belgilangan.

Qozondan Toshkentga esa ilk qatnov 9-oktabr kuni amalga oshiriladi. Avtobus «Qozon» markaziy avtovokzalidan mahalliy vaqt bilan soat 17:00 da harakatga chiqadi, chipta narxi 5 ming rublni tashkil etadi.

Korxona so‘nggi paytlarda ijtimoiy tarmoqlarda ushbu reyslarga oid feyk va asossiz ma’lumotlar tarqatilayotganini ma’lum...

So‘nggi kunlarda Instagram foydalanuvchilari va hatto yirik brendlar 5120×1080 formatidagi ingichka videolarni ulashishga kirishdi. Bu haqda Afisha Daily nashri xabar berdi.

Ushbu ultrakeng videolar odatdagi vertikal kontentdan ko‘ra yanada kinoeffektli va diqqat tortadigan ko‘rinishga ega, shuning uchun tezda mashhurlikka erishmoqda.

Mutaxassislar ta’kidicha, eski videolarni ham shu formatga o‘tkazish orqali ular qayta jonlanadi va ko‘rilishlar soni oshadi.

Mashable nashrining xabariga ko‘ra, bu trendni amerikalik reper Kanye Uest boshlagan. 30-iyun kuni u birinchi ingichka gorizontal videoni e’lon qilgan. Keyin KitKat, Red Bull, Google, Netflix kabi brendlar ham unga qo‘shilgan.

Ma’lumot uchun, Amira Rashidovaning Instagram blogida 23 soat oldin ushbu formatda...

Sanoat, radiatsiya va yadro xavfsizligi qo‘mitasi liftlarga firibgarlar tomonidan QR-kodli yorliqlar yopishtirib ketilayotgani haqidagi xabarlar bo‘yicha rasmiy munosabat bildirdi.

Qo‘mita ma’lumotiga ko‘ra, Toshkent shahridagi barcha liftlar ro‘yxatga olinib, ularning texnik holati bazasi shakllantirilgan. Aholi liftning ishlash holati haqida to‘liq xabardor bo‘lishi uchun kabinalarga QR-kodli yorliqlar qo‘mita xodimlari tomonidan yopishtirilmoqda. Bu kod orqali qo‘mitaning rasmiy saytiga kirib, lift haqida batafsil ma’lumot olish mumkin. Bu hech qanday firibgarlik emas, balki foydalanuvchilar xavfsizligi uchun xizmat qiladi.

Hukumat qarorlariga binoan, liftlarning texnik ko‘rikdan o‘tganlik holati rangli stikerlar bilan belgilanadi: yashil (ishlashga yaroqli), moviy (qisman nosoz), sariq (nosoz) va qizil (foydalanish xavfli...

Endi yopiq sud majlisi muhokamasi tafsilotlarini sudning ruxsatisiz oshkor qilgan shaxs jinoiy javobgarlikka tortiladi. Bu borada 26-sentabr kuni qabul qilingan qonun bilan ayrim qonun hujjatlariga o‘zgartirishlar kiritildi.

Shu bilan birga, sud ishini yopiq majlisda ko‘rish asoslari mavjud bo‘lsa, sud maxsus ajrim chiqaradi.

Yopiq majlisda ishtirok etayotgan shaxslardan ma’lumotlarni oshkor qilmaslik bo‘yicha tilxat olinadi va tilxatda Jinoyat kodeksining 239-moddasi bo‘yicha javobgarlik ogohlantirishi aks ettiriladi. Qonun rasmiy e’lon qilingan kundan kuchga kiradi.

Avvalroq Kursiv Uzbekistan Termizda sudya yordamchisi pora sabab qamoqqa olingani haqida yozgandi.

Xitoyda Li Auto kompaniyasining yangi besh o‘rinli Li Auto i6 elektromobili savdoga chiqdi. Bu haqda ITHome xabar bermoqda.

Mashinaning boshlang‘ich narxi 249 800 yuandan boshlanadi, bu qariyb $35 mingga teng. CLTC sikli bo‘yicha u bir marta quvvatlanishda 720 km masofa bosib o‘tadi.

Kuzovi ikki rangda, eshik tutqichlari esa yashirin tarzda taqdim etilgan. Avtomobilning uzunligi 4,95 m, kengligi 1,93 m, balandligi 1,65 m, g‘ildiraklar bazasi esa 3 mni tashkil etadi.

Salon uchta displey bilan jihozlangan. 16,8 dyuymli proektsion, ikki dona 3K ekran va orqa qator uchun 21,4 dyuymli monitor o‘rnatilgan. Unda Ideal Classmate MindGPT sun’iy intellekti ishlaydi. Mashinada 20 ta...

Rossiyalik mashhur rejissyor va teleboshlovchi Tigran Keosayan 59 yoshida vafot etdi. Bu haqda uning rafiqasi, RT telekanali va «Rossiya Segodnya» axborot agentligi bosh muharriri Margarita Simonyan xabar berdi.

Keosayanning sog‘ligi uzoq vaqtdan og‘ir bo‘lgan ya’ni, yanvar oyida u komaga tushib, klinik o‘limni boshdan kechirgan edi. Iyul oyida esa uning ahvoli yaxshilanmagani ma’lum bo‘lgan.

Tigran Keosayan 1966-yil 4-yanvarda mashhur rejissyor Edmond Keosayan va aktrisa Laura Gevorkyan oilasida tug‘ilgan. U «Mosfilm»da ishlash bilan ijodiy faoliyatini boshlagan, keyinchalik Gerasimov nomidagi Butunrossiya kinematografiya davlat institutida tahsil olgan.

U Fyodor Bondarchuk bilan qo‘shiqlar uchun videokliplar suratga olgan va 1992-yilda ilk to‘liq metrajli filmi «Katya...

Chevrolet Tracker O‘zbekistondagi eng ommabop dellardan biri bo‘lib qolmoqda. Yanvar – avgust oylarida 25 ming dona Tracker xarid qilingan. Kursiv Uzbekistan ushbu maqolasida Chevrolet Tracker xarididan keyingi yashirin xarajatlar haqida so‘z yuritadi.

Ushbu maqoladan quyidagilarni bilib olasiz:

Yonilg‘i sarfi va tanlovi

Texnik xizmat ko‘rish

Ehtiyot qismlar va narxlar

Sug‘urta

Tavsiyalar

Yonilg‘i sarfi va tanlovi

Chevrolet Tracker xarid qilingach, uni ishlatishda yashirin xarajatlar paydo bo‘ladi. Avvalo, yonilg‘i sarfi hisobga olinadi. Rasmiy ko‘rsatkich 7,1 l/100 km bo‘lsa-da, shaharda odatda 8 l/100 km, trassada esa 5,5 l/100 km bo‘ladi. Mashina faqat AI-95 benziniga...

Qirg‘iziston Respublikasi bosh vazir o‘rinbosari – suv resurslari, qishloq xo‘jaligi va qayta ishlash sanoati vaziri Bakit Torobayev Xitoy davlat temiryo‘l korporatsiyasi delegatsiyasi bilan uchrashdi. Unda «Xitoy – Qirg‘iziston – O‘zbekiston» temir yo‘li qurilishi amaliy bosqichga o‘tgani ta’kidlandi.

Hozirda tunnel qazish, vaqtinchalik infratuzilma qurish hamda muhim tashkiliy masalalarni hal qilish ishlari olib borilmoqda. Qirg‘iziston hukumati loyiha uchun to‘liq qo‘llab-quvvatlashni ko‘rsatmoqda, ekologik me’yorlar va xavfsizlik talablariga qat’iy rioya qilinmoqda.

Qirg‘iziston tomoni mamlakat fuqarolarining loyihada bandligini oshirish, mahalliy tovar va xizmatlar yetkazib beruvchilarning ishtirokini kengaytirishni taklif qildi. Tomonlar ushbu masalalarni birgalikda ishlab chiqishga kelishib oldi.

Avvalroq Oʻzbekiston Gruziyaga ushbu mintaqaviy temiryoʻl loyihasida...

29-sentabr uchun valyuta kurslari e’lon qilindi. Shu kun uchun AQSh valyutasi 12 138,67 so‘m (-61,04 so‘m) etib belgilandi. Bu haqda Markaziy bank xabar bermoqda.

Valyuta birjasida dollar so‘nggi besh kunlikda turlicha dinamiklarni ko‘rsatdi. Xususan, Shu tariqa qisqa muddat ichida kursda keskin o‘zgarishlar kuzatildi. 19-sentabrda AQSh valyutasi 12 349,87 so‘m (+35,16 so‘m) etib belgilandi. 22-sentabr kuni AQSh valyutasi 12 257,13 so‘m (-92,74 so‘m) bo‘ldi. 23-sentabr kuni dollar 12 171,03 so‘mga (-86,10 so‘m) tenglashdi. 24-sentabr 12 219,08 so‘m (+48,05 so‘m) etib belgilandi. 25-sentabr kuni dollar 19,37 so‘m pasayib, 12 199,71 so‘mni tashkil etdi.

Jadval:

Markaziy bank ma’lumotlariga ko‘ra, yevro 151,81 so‘mga tushib, 14 176,75 so‘mni, rubl esa...

Jizzax viloyati hududida ikkita bir ming MVt quvvatli reaktordan iborat kombinatsiyalangan atom elektr stansiyasi qurilishi rejalashtirilmoqda. Bu haqda bosh vazir oʻrinbosari Jamshid Xoʻjayev xabar berdi.

Bundan tashqari, 55 MVt quvvatga ega yana ikkita kichik reaktor barpo etiladi. Xoʻjayev «Rosatom» bilan amalga oshiriladigan ushbu loyiha oʻziga xosligini ta’kidladi.

«Bunday kombinatsiyalangan yondashuv 2,1 GVt asosiy generatsiya va moslashuvchan manyovrli quvvatlarni beradi. 2035-yilga borib, qariyb 525 gektar maydondagi stansiya yiliga 15 milliard kVt/soatdan ortiq elektr energiyasi ishlab chiqaradi», dedi u.

Bosh vazir oʻrinbosarining fikricha, AES mamlakatning yangi industrializatsiyasi ramziga aylanadi. Uning qurilishi Jizzax viloyatiga investitsiyalarni jalb...

25-sentabr kuni Intel aksiyalari Nasdaq birjasida qariyb 10 foizga oshib, $34,25 darajasiga yetdi. Bu so‘nggi bir yil ichidagi eng yuqori ko‘rsatkich bo‘ldi, deb yozadi Forbes Russia. Toshkent vaqti bilan soat 14:24 da kompaniya qimmatli qog‘ozlari $33,99 narxda sotilmoqda.

Bloomberg ma’lumotiga ko‘ra, Intel hozirda Apple bilan hamkorlik yoki investitsiya masalasida muzokaralar olib bormoqda. Bundan tashqari, kompaniya Taiwan Semiconductor Manufacturing Company (TSMC) bilan ham shunday suhbatlarni boshlagan.

So‘nggi oylar davomida Intel yirik investitsiyalar jalb qilgan. Nvidia $5 mlrd, SoftBank Group esa $2 mlrd sarmoya kiritgan.

Bu yangiliklar fonida bozor Intel aksiyalariga bo‘lgan qiziqishni oshirdi va kompaniya qiymati yana tiklana boshladi.

Eslatib...

2019 – 2024-yillar yakunlariga ko‘ra, Toshkent aeroporti Markaziy Osiyoda Olmaotadan keyin ikkinchi yirik havo yuk markazi sifatida qayd etildi. Bu haqda Freightos Group strategik yetkazib berish bo‘limi rahbari Kelli Chen ma’lum qildi.

Uning so‘zlariga ko‘ra, Ostonа uchinchi o‘rinni egallagan, undan keyin Bishkek, Dushanbe va Ashxobod aeroportlari joylashadi. Chen ta’kidlaganidek, O‘zbekiston Yevropa va Osiyo o‘rtasida yuk tashish hajmi oshgani bois muhim transport xabiga aylanmoqda. Ammo Qozog‘iston mintaqaning asosiy siyosiy-iqtisodiy markazi bo‘lib qolmoqda.

Yevropadan Markaziy Osiyoga yetkaziladigan yuklar orasida eng mashhur yo‘nalishlar sifatida Frankfurt, Amsterdam, Milan, Bryussel va Gamburg aeroportlari qayd etilgan.

Ma’lumotga ko‘ra, so‘nggi besh yil davomida Turkish Cargo 50 foizdan...

O‘zbekiston futbol assotsiatsiyasi (O‘FA) «Oltin to‘p»ning 2006-yilgi g‘olibi Fabio Kannavaro bilan muzokaralar olib bormoqda.

Italiya terma jamoasi afsonasi sanalgan Kannavaro murabbiylik faoliyati davomida BAA, Xitoy va Saudiya Arabistoni klublarini boshqargan. Shuningdek, u Xitoy terma jamoasi, «Benevento», «Udineze» va «Dinamo» Zagreb klublarida ham bosh murabbiy sifatida ishlagan.

Championat.asia xabariga ko‘ra, O‘FA rahbariyati Italiyaga borib, 50 yoshli mutaxassis bilan to‘g‘ridan to‘g‘ri muzokaralar o‘tkazgan. Manbalarga ko‘ra, Kannavaro O‘zbekiston milliy terma jamoasi boshqaruviga kelishi mumkin.

Avvalroq Kursiv Uzbekistan Paulu Bentu O‘zbekiston futbol terma jamoasini boshqarmasligi haqida xabar bergan edi.

Neft-gaz giganti Shell elektromobillarni zaryadlash vaqtini keskin qisqartiradigan yangi texnologiya ishlab chiqmoqda. Kompaniya maxsus EV-Plus Thermal Fluid nomli sovituvchi suyuqlik yaratdi. Bu haqda Auto Swiat xabar berdi.

Mazkur suyuqlik zaryadlash jarayonida batareyani samarali sovitib, yuqori kuchlanish va quvvatni xavfsiz ishlatishga imkon beradi.

Hozirda o‘rtacha zaryadlash tezligi har daqiqada 5 km masofaga yetarli quvvat beradi. Shell hisob-kitoblariga ko‘ra, yangi texnologiya bu ko‘rsatkichni 24 km.gacha oshirishi mumkin. Masalan, 34 kVt·soat sig‘imli batareyani 10 foizdan 80 foizgacha to‘ldirish 10 daqiqadan kam vaqt oladi.

Texnologiya hali sinov bosqichida bo‘lsa-da, mutaxassislar bunday innovatsiya elektromobilsozlikda yangi yutuqlarga yo‘l ochishini ta’kidlashmoqda.

Avvalroq O‘zbekistonda elektromobilni zaryadlash...