Yangiliklar

Rossiyada bir sinfga bir nafardan ortiq migrant bolani qabul qilishni taqiqlovchi normani kiritish taklif qilinmoqda. Deputatlar bu bo‘yicha Xalq ta’limi vazirligiga murojaat qilgan.

Tashabbus «Yangi odamlar» partiyasi rahbari Aleksey Nechayev, shuningdek, deputatlar Anna Skroznikova va Sardana Avksenteva tomonidan ilgari surilgan.

Ularning ma’lumotiga ko‘ra, Rossiyadagi 500 dan ortiq maktabda chet ellik o‘quvchilar ulushi 10 foizdan oshadi. Ayrim sinflarda esa yarmidan ko‘pini migrant bolalar tashkil qiladi. Bu esa migrant bolalarning yangi muhitga moslashishini qiyinlashtiradi. Deputatlar fikricha, taklif qilingan cheklov migrant bolalarni turli sinflarga teng taqsimlash va ta’lim jarayonining samaradorligini saqlashga yordam beradi.

Bundan avval Kursiv Uzbekistan Rossiyada migrantlarning bolalari uchun pullik...

14-avgust kuni bitkoin narxi $124 mingdan oshib, kriptovalyuta bozorida yangi tarixiy cho‘qqini qayd etdi. Toshkent vaqti bilan soat 14:50 holatiga ko‘ra, bitkoin narxi $121,5 mingni tashkil qilmoqda.

Avvalroq bitkoin $122 minglik ko‘rsatkichga 14-iyul kuni yetgandi.

Shuningdek, ekspertlar bitkoin yoz oxirigacha $135 mingga yetishi mumkinligi haqida aytgandi.

Ta’kidlanishicha, narxning jadal oʻsishi AQShda Donald Tramp tomonidan imzolangan soliq imtiyozlari hamda biznesni qoʻllab-quvvatlashni nazarda tutuvchi qonun bilan bogʻliq.

Avvalroq Kursiv Uzbekistan Qozog‘iston ilk bor spot bitkoinni savdoga chiqargani haqida yozgandi.

2025-yil 1-oktabrdan boshlab Emirates, Pegasus va Turkish Airlines parvozlarida powerbank olib yurish bo‘yicha yangi qoidalar kuchga kiradi. Bu haqda Palach nashri ma’lum qildi.

Endilikda yo‘lovchilar batareyani faqat qo‘l yukida olib yurishi, quvvati 100 Vt/soatgacha bo‘lishi va ustida aniq quvvat belgisi bo‘lishi kerak.

Yangi talablarga ko‘ra, powerbank’ni samolyotning yuqori tokchasida saqlash taqiqlanadi. Uni faqat o‘rindiq cho‘ntagida yoki oyoq ostidagi qo‘l yukida joylashtirish mumkin. Shuningdek, parvoz davomida qurilmadan foydalanish ruxsat etilmaydi.

Aksariyat aviakompaniyalar oldindan ham umumiy qoidalarni qo‘llab keladi. Katta sig‘imli yoki shikastlangan batareyalar olib kirilmaydi. Ammo yangi qoidalar asosan xavfsizlikni oshirish maqsadida joriy etilmoqda.

Mutaxassislar aytishicha, havo kemasida nosoz yoki...

Changan kompaniyasi 2026 Deepal L07 modelini Xitoy bozoriga taqdim etdi. Bu haqda CarNewsChina xabar bermoqda.

U Huawei’ning Qiankun ADS 4.0 SE tizimi o‘rnatilgan eng arzon avtomobilga aylandi. Model BEV (Battery Electric Vehicle – faqat akkumulyator batareyadan quvvat oladigan toza elektromobil. Unda ichki yonuv dvigateli bo‘lmaydi. Zaryad faqat elektr tarmog‘idan yoki tezkor zaryadlash stansiyalaridan olinadi.) va EREV (Extended-Range Electric Vehicle kengaytirilgan yurish masofasiga ega gibrid elektromobil. Asosiy harakat elektr motor bilan bo‘ladi, ammo ichki yonuv dvigateli generator sifatida ishlaydi. U g‘ildiraklarni emas, balki batareyani zaryadlaydi va masofani oshiradi.) talqinlarida taklif etiladi, kuchliroq elektromotor va yangilangan Qualcomm Snapdragon 8295P chipiga ega.

Mobiuz brendi ostida faoliyat yurituvchi «Universal Mobile Systems» MChJ ustav kapitalidagi 100 foiz davlat ulushini sotish bo‘yicha xalqaro ochiq savdoda 15 ta xorijiy va mahalliy kompaniyalar ishtirok etishga qiziqish bildirgan. Bu haqda Davlat aktivlarini boshqarish agentligi xabar berdi.

Agentlik ma’lumotiga ko‘ra, shu yilning 1-avgustigacha AQSh, Yevropa, Arab davlatlari, Yaqin Sharq, Kavkazorti, Sharqiy va Markaziy Osiyodan jami 15 ta xorijiy va mahalliy kompaniya aktivni sotib olish bo‘yicha rasmiy ariza bilan chiqishgan.

Savdo jarayoniga xalqaro investitsiya banki Rothschild & Co va konsalting kompaniyasi KPMG konsultant sifatida jalb etilgan bo‘lib, ular 100 dan ortiq potentsial investor bilan muzokaralar olib borgan. Arizalar moliyaviy...

Geely kompaniyasiga qarashli Zeekr brendi yangi flagman gibrid krossoveri – Zeekr 9X narxini rasman e’lon qilmagan bo‘lsa-da, internetda dilerlar uchun mo‘ljallangan taqdimot slaydi tarqaldi. Unda avtomobil narxi 550 ming yuan, ya’ni qariyb $77 ming deb ko‘rsatilgan.

5239×2029×1819 mm o‘lcham va 3169 mm g‘ildirak bazasiga ega yirik lyuks krossover 2,0 litrli dvigatel asosidagi gibrid tizimdan quvvat oladi. Uning umumiy quvvati derayli 1400 ot kuchiga teng. Model avtopilot va moslashuvchan osma tizim bilan jihozlangan.

Zeekr 9X o‘zini Rolls-Royce Cullinan va Bentley Bentayga raqibi sifatida ko‘rsatmoqda. Biroq bu modellar ancha qimmat. Masalan, Cullinan AQShda $394 mingdan boshlanadi va Zeekr darajasidagi quvvatni...

Realme GT 7 Dream Edition smartfoni ingichka va nafis korpusga ega bo‘ladi. U yuqori unumdorlik va uzoq ishlash muddatini taklif qiluvchi smartfon. Maxsus talqin Aston Martin avtomobil brendi bilan hamkorlikda ishlab chiqilgan. U oddiy GT 7’dan premium qadoqlanishi, orqa panel dizayni, brendli g‘ilofi va maxsus interfeysi bilan farq qiladi.

Asosiy texnik xususiyatlar

Model RMX5061 MediaTek Dimensity 9400e protsessorida ishlaydi. Protsessor 8 yadroga ega: 1×Cortex-X4 3,4 GHz, 3×Cortex-X4 2,85 Hz va 4×Cortex-A720 2,0 Hz. Grafik chip – Mali-G720 Immortalis MP12. Operatsion tizim – Android 15, Realme UI 6.0. Displey AMOLED, 6,78 dyuym, 1264×2780 piksel, 450 ppi, 120 Hz.

Tezkor xotira...

AQShning Texas shtatida propan ortilgan poyezd relsdan chiqib ketdi. Bu haqda Fox4news nashrining xabar berishicha, buning oqibatida 35 ta sisterna zarar ko‘rgan.

Mahalliy favqulodda xizmatlar xabariga ko‘ra, ag‘darilgan poyezd vagonidagi propanni xavfsiz tarzda yoqib yuborish ishlari boshlanadi. Suyuq gaz maxsus nazorat ostidagi chuqur maydonga chiqarilib yondiriladi. Jarayon xavfli moddalar bo‘yicha mutaxassislar nazoratida olib boriladi.

Bunga vagonning jiddiy shikastlanishi sabab bo‘lgan. Ishlar chorshanba kuni kechqurun boshlanib, sakkiz soatgacha davom etishi kutilmoqda. Rasmiylar vaziyat barqarorligini, hech kim jarohatlanmaganini bildirgan.

Union Pacific kompaniyasiga tegishli poyezd seshanba kuni soat 14:00 atrofida Coalville Road Bridge ustida relsdan chiqqan. Taxminan 35 ta vagon ag‘darilgan, jumladan...

Yandex Uzbekistan sun’iy intellektga ixtisoslashtirilgan Yandex ML School’ga qabul jarayonini boshladi. Bu haqda kompaniya Kursiv’ga ma’lum qildi.

Dastur mashinani o‘rganish, matematika va ma’lumotlar tahlili bo‘yicha chuqur bilim hamda amaliy ko‘nikmalar berishga qaratilgan.

Qatnashish uchun nomzodlar avval kirish testidan o‘tadi. Saralash bosqichida muvaffaqiyat qozonganlar sentabrning ikkinchi yarmida Toshkentda bo‘lib o‘tadigan suhbatga taklif etiladi, barcha bosqichdan o‘tganlar esa oktabr oyida o‘qishni boshlaydi. Ta’lim to‘liq bepul va oflayn formatda ikki semestr davom etadi.

Dastur Yandex’ning «Ma’lumotlarni tahlillash maktabi» mutaxassislari tomonidan ishlab chiqilgan bo‘lib, nazariya va amaliyotni uyg‘unlashtiradi. Darslarni Yandex ekspertlari, O‘zbekiston oliy o‘quv yurtlari professorlari va tajribali ML mutaxassislari olib boradi.

Mashg‘ulotlar ingliz...

Samsung kompaniyasi mobil qurilmalarni uzoq muddat qo‘llab-quvvatlash bo‘yicha yetakchi ishlab chiqaruvchilardan biri bo‘lib qolmoqda. Kompaniya ayrim smartfon va planshet modellari uchun 7 yilgacha dasturiy ta’minot yangilanishlari kafolatini beradi.

Gizmochina’ning xabariga ko‘ra, bu ro‘yxatga nafaqat flagman modellari, balki himoyalangan qurilmalar ham kirgan. Jumladan, Snapdragon 7s Gen3 protsessorli Galaxy XCover 7 Pro modeli ham 7 yillik yangilanish oladi.

Umumiy ro‘yxatda 15 ta smartfon va 4 ta planshet bor.

7 yil yangilanish oladigan Samsung qurilmalari:

Google va Samsungning farqi

Google ham xuddi shunday 7 yillik yangilanish dasturini taklif qiladi. Biroq Google ro‘yxatida asosan Pixel smartfonlari bo‘lsa, Samsung‘ning qo‘llab-quvvatlanadigan qurilmalari assortimenti ancha keng...

Uzbekistan Airways 14-avgust kungi Toshkent – Moskva (Domodedovo va Vnukovo yo‘nalishlaridagi) reyslar vaqti o‘zgarganini ma’lum qildi. Bunga havo kemasining kechikib kelishi sabab bo‘lgan.

Unga ko‘ra, HY601/602 Toshkent – Moskva (Domodedovo) – Toshkent yo‘nalishida quyidagi yangilangan jadval asosida amalga oshiriladi:

HY613/614 Toshkent – Moskva (Vnukovo) – Toshkent yo‘nalishida:

Barcha vaqtlar mahalliy vaqt bo‘yicha ko‘rsatilgan.

13-avgust kuni ham aviakompaniya havo kemasining kechikib yetib kelishi sababli aynan shu yo‘nalishidagi reyslarining uchish...

Katta batareya va IP69 himoyaga ega arzon iQOO Z10 Lite smartfoni global sotuvga chiqdi. U arzon segmentdagi yangi qurilma bo‘lib, suv va changdan yuqori darajada himoyalangan, 6000 mA·soat sig‘imli katta batareyaga ega.

Model 6,67 dyuymli AMOLED displey bilan jihozlangan. Uning imkoniyati 1080×2400 piksel, yorqinligi 1800 nitgacha va yangilanish tezligi 120 Hz.

Qurilmada Qualcomm Snapdragon 685 protsessori va 8 GB gacha tezkor xotira ishlatilgan. 44 Vatt quvvatga ega tezkor zaryadlash 34 daqiqada 1% dan 50% gacha quvvat to‘playdi.

Asosiy kamera 50 MP (Sony IMX852), qo‘shimcha kamera esa 2 MP. Old kamera 8 MP bo‘lib, suratga olishda halqali va oddiy yoritqichdan...

Shu yilning iyul oyida O‘zbekiston ko‘chmas mulk bozori iyunga nisbatan 25 foizga, o‘tgan yilning shu oyiga nisbatan esa 14,2 foizga oshdi. Bu haqda Iqtisodiy tadqiqotlar va islohotlar markazi tahlillarida ma’lum qilindi.

Iyul oyida tuzilgan oldi-sotdi shartnomalari soni ham 26 mingdan yuqorilagan.

Hududiy dinamikadagi farqlar

Iyul oyida barcha viloyatlarda uy-joy bozori jonlandi, biroq eng katta o‘sish Surxon­daryo (41%), Sirdaryo (35,3%) va Qashqadaryo (33,7%) viloyatlarida qayd etildi.

Toshkent shahrida uy-joy bozoridagi faollik 24,6 foizga oshdi. Bu hamon yirik migratsiya oqimi, ish o‘rinlari ko‘pligi va poytaxtdagi uy-joylar investitsion jozibadorligi bilan bog‘liq.

Ikki­lamchi bozor – narxlarning tezlashgan o‘sishi

Ikki­lamchi uy-joy...

Xitoyning Hongqi brendi bozorda yangi gibrid krossover Hongqi HS6 modelini taqdim etishga tayyorlanmoqda. U katta ehtimol bilan 2025-yil oxirigacha savdoga chiqadi. Bu haqda «Kitayski avtomobili» nashri maqola e’lon qildi.

Tashqi ko‘rinish

Yangi HS6 brendning yangilangan korporativ dizaynini oladi. Old qismida o‘ziga xos optika, boomerang shaklidagi xrom bezaklar va panjarasiz old panel joylashgan. Radiator panjarasi o‘rnida sharsharani eslatuvchi vertikal chiziqlarga ega yopiq panel ishlatilgan. An’anaviy qizil tomchi belgisi kapot qirrasiga qadar cho‘zilgan. Old bamper aerodinamik dizayn va quyi qismida dvigatelni sovitishga xizmat qiluvchi havo kirish panjaralariga ega.

Yon ko‘rinishida krossover klassik siluetga ega. Oyna atrofi xrom bilan bezatilgan, eshik tutqichlari...

Oliy ta’lim muassasalarining bakalavriat yo‘nalishlariga kirish test natijasidan norozi bo‘lgan abituriyentlar 2025-yil 15 – 24-avgust kunlari my.uzbmb.uz sayti orqali onlayn apellatsiya arizasi topshirishi mumkin. Bu haqda Bilimni baholash agentligi ma’lum qildi.

Unga ko‘ra, shikoyat berish huquqi faqat test sinovida qatnashgan va undan chetlatilmagan abituriyentlarga tegishli. Ariza topshirilgach, unga ko‘rib chiqish sanasi va vaqti ko‘rsatilgan xabarnoma beriladi.

Belgilangan vaqtda abituriyent shaxsini tasdiqlovchi hujjat va xabarnoma bilan Bilimni baholash agentligiga yoki ko‘rsatilgan manzilga kelishi lozim. Apellatsiya shikoyatlarini ko‘rib chiqish 21-avgustdan boshlanadi.

Eslatib o‘tamiz, avvalroq xorijiy va nodavlat OTMdan o‘qishni ko‘chirish testlari sanasi belgilangan edi.

AQSh prezidenti Alyaskadagi uchrashuv chog‘ida Rossiyaga qimmatbaho foydali qazilmalarni qazib olishni taklif qilishi mumkin. Bu haqda The Telegraph nashri xabar berdi.

Nashr ma’lumotiga ko‘ra, takliflar orasida Rossiyaga Alyaskada kamyob yer elementlarini qazib olish imkoniyati, shuningdek, Rossiya aviatsiya sohasiga qo‘yilgan ayrim sanksiyalarni yumshatish masalasi bor.

Bundan tashqari, hozir Rossiya qo‘shinlari nazoratida bo‘lgan Ukrainadagi hududlarda litiy va boshqa foydali qazilma konlarini o‘zlashtirishiga ruxsat berish masalasi ham muhokama qilinmoqda.

Trampning aytishicha, Putin urushni to‘xtatishdan bosh tortsa, «jiddiy oqibatlarga» duch keladi. Agar uchrashuv muvaffaqiyatli o‘tsa, AQSh yetakchisi keyingi uchrashuvni Ukraina prezidenti Vladimir Zelenskiy ishtirokida o‘tkazishni rejalashtirmoqda.

Oq uyning bayonotiga ko‘ra, uchrashuv...

«O‘zmetkombinat» AJ boshqaruv raisi – bosh direktor vazifasini bajaruvchi lavozimiga yirik tadbirkor Bahodir To‘jimirzayevich Abdullayev tayinlandi. Bu haqda Savdo-sanoat palatasi ma’lum qildi.

Mazkur qaror kompaniya boshqaruvini kuchaytirish va ishlab chiqarish samaradorligini oshirishga qaratilgan tashkiliy o‘zgarishlarning davomi sifatida baholanmoqda.

Ma’lumot uchun, Bahodir To‘jimirzayevich Abdullayev – 1967-yil Namangan viloyati, Yangiqo‘rg‘on tumanida tug‘ilgan, oliy ma’lumotli tadbirkor. U B.A Holding kompaniyasining asoschisi va rahbari bo‘lib, biznes sohasida ko‘p yillik tajribaga ega. Abdullayev «Mehnat shuhrati» ordeni bilan taqdirlangan.

Eslatib o‘tamiz, avvalroq Maktabgacha va maktab ta’limi vazirligiga rahbar tayinlangan edi.

Qozog‘istonda BYD, Chery va Hyundai brendlarining mashhur modellari narxlari pasaydi. Bu haqda Kursiv Media xabar berdi. Biz qo‘shni davlatdagi joriy narxlarni O‘zbekiston bozoridagi rasmiy dilerlar takliflari bilan solishtirdik.

Chegirma hisobiga gibrid krossover BYD Song Plus DM-i Qozog‘istonda $28,9 mingga sotilmoqda. O‘zbekiston bozorida esa xuddi shu model deyarli $31 ming turadi.

Chery Tiggo 2 Pro kompakt krossoveri Qozog‘istonda yangi holatda $13,1 mingdan boshlanadi. O‘zbekistonda esa shu avtomobil uchun qariyb $16 ming to‘lashga to‘g‘ri keladi.

Narx farqi eng katta bo‘lgan model Hyundai Elantra. Qozog‘istonda rasmiy dilerlar uni $19,2 mingdan taklif qilmoqda. O‘zbekistonda esa...

Qozog‘iston va Markaziy Osiyoda ilk spot bitkoin ETF – Fonte Bitcoin Exchange Traded Fund OEIC PLC (BETF) savdoga chiqarildi. Bu haqda Astana International Exchange (AIX) xabar berdi.

Fonte Capital Ltd tomonidan boshqariladigan BETF investorlar uchun bitkoin narxini to‘g‘ridan to‘g‘ri aktivga egalik qilmasdan kuzatish imkonini beradi. Fond Ostona xalqaro moliya markazi (AIFC) yurisdiksiyasida ro‘yxatdan o‘tgan bo‘lib, chakana investorlar uchun ham ochiq. U litsenziyaga ega kustodianda saqlanadigan jismoniy bitkoin bilan ta’minlangan va raqobatbardosh boshqaruv to‘loviga ega.

AIX vakillariga ko‘ra, ushbu listing Qozog‘istonni mintaqada tartibga solingan raqamli moliya markaziga aylantirish yo‘lidagi muhim qadam bo‘lib, global investorlarni jalb etishga xizmat qiladi.

Fonte Capital...

Xitoy Sanoat va axborot texnologiyalari vazirligiga topshirilgan hujjatlarda yangi Haval modelining xususiyatlarini oshkor qildi. Ma’lum bo‘lishicha, model Haval Raptor V7 Plus deb nomlangan.

Avtomobil Hi4 gibrid tizimi bilan jihozlangan bo‘lib, 1,5 litrli turbomotor (115 kVt) va 150 kVt quvvatga ega elektromotor umumiy hisobda 330 kVt quvvat ishlab chiqaradi.

Uch xil akkumulyator varianti taklif etiladi: 18,74 kVt·soat (80 km), 27,54 kVt·soat (112 km) va 35,43 kVt·soat (150 km), ya’ni vazirlik standartiga ko‘ra.

Dizayni 2026-yilgi Raptor PHEV modeliga o‘xshash: oltita qora aksentli radiator panjarasi, kvadrat faralar, an’anaviy eshik tutqichlari va vertikal orqa chiroqlar. O‘lchamlari: uzunligi 4792 mm (zapas g‘ildirak bilan...

Samsung Galaxy S26 Ultra unumdorlik bo‘yicha sezilarli yangilanishlarga ega bo‘ladi. Oldingi modellarda asosan protsessor yaxshilangan bo‘lsa, bu safar kompaniya tezkor xotirani ham kuchaytirishga qaror qilgan. Ushbu qaror qurilmaning ishlash tezligi va energiya tejamkorligiga bevosita ta’sir qiladi.

Tarqalgan ma’lumotlarga ko‘ra, yangi flagman Micron ishlab chiqqan, so‘nggi avlod LPDDR5X operativ xotirasi bilan jihozlanadi. Uning tezligi 10,7 Gbit/s bo‘lib, Galaxy S25 Ultra’dagi 9,6 Gbit/s tezlikka ega 1-beta texnologiyasidan ancha yuqori. Galaxy S26 Ultra’da 1-gamma texnologiyasi qo‘llanadi. Bu texnologiya nafaqat rekord tezlik, balki yaxshilangan energiya samaradorligini ham ta’minlaydi.

Micron’ning ta’kidlashicha, 1-gamma LPDDR5X – bozordagi eng tezkor mobil operativ xotira. U sun’iy intellekt...

Oliy ta’lim muassasalarida o‘qishni ichki ko‘chirish va ikkinchi oliy ta’limga qabul bo‘yicha rad etilgan ariza egalari 14 – 15-avgust kunlari hujjatlarini qayta tahrirlash imkoniga ega bo‘ldi. Bu haqda Oliy ta’lim vazirligi xabar berdi.

Prezident qaroriga muvofiq ikkita uzrli sabab bo‘yicha bir oliy ta’lim muassasasidan boshqasiga o‘qishni ko‘chirish istagida bo‘lgan talabalar transfer.edu.uz orqali ariza topshirgan edi. Ko‘rib chiqish jarayonida ayrim arizalarda kamchiliklar aniqlanib, ular rad etildi. Ushbu talabalar ikki kun davomida arizalarini tuzatib, qayta yuborishi mumkin.

Shuningdek, 2025/2026-o‘quv yili uchun ikkinchi va undan keyingi oliy ta’limga my.edu.uz tizimi orqali ro‘yxatdan o‘tgan, biroq arizasi kamchiliklar sabab rad etilgan talabgorlarga...

Migratsiya agentligi xorijda bo‘lgan fuqarolarga murojaat qilib, qurolli mojarolar va jangovar harakatlarda ishtirok etish qat’iyan man etilishini eslatdi.

So‘nggi paytlarda ayrim davlatlarda mehnat migrantlarini yollash holatlari ortib bormoqda. Bunday takliflarga rozi bo‘lish nafaqat hayot va erkinlikka, balki kelajak imkoniyatlariga ham katta xavf tug‘diradi.

Fuqarolarga qurolli hududlarga yaqinlashmaslik, harbiy operatsiyalarda qatnashmaslik, xorijiy davlatlar qurolli kuchlari yoki boshqa kuch tuzilmalariga qo‘shilmaslik, shuningdek, shubhali shaxslar va tashkilotlar takliflarini rad etish qat’iy tavsiya qilinadi.

O‘zbekiston Respublikasi Jinoyat kodeksining 154¹-moddasiga muvofiq, xorijda yollanma asosda harbiy xizmat o‘tagan shaxs 3 yildan 5 yilgacha ozodlikdan mahrum qilinadi.

Eslatib o‘tamiz, avvalroq DXX Rossiyadagi migrantlarni «A.U.Y.» jinoiy...

Uzbekistan Airways 14-avgust kungi Toshkent – Riga – Toshkent yo‘nalishidagi HY2XX/2XX reyslarining uchish vaqti o‘zgarganini ma’lum qildi.

Bunga 14-avgust kuni havo kemasining kechikib yetib kelishi sabab bo‘lgan. Parvozlar quyidagi yangilangan jadval asosida amalga oshiriladi:

Barcha vaqtlar mahalliy vaqt bo‘yicha ko‘rsatilgan.

Bundan avval Andijon aeroporti xalqaro reyslarni qayta tiklagani haqida yozgandik.

Unga ko‘ra, «Flyone Asia» aviakompaniyasining Andijon – Jidda yo‘nalishidagi haftasiga ikki marta (seshanba va payshanba) 151 yo‘lovchi bilan muntazam parvozni amalga oshirdi.