Yangiliklar

Shavkat Mirziyoyev bitiruvchi yoshlarni samimiy tabriklab, ularga kelajakda ulkan kuch va muvaffaqiyatlar tiladi. Bu haqda davlat rahbari matbuot xizmati ma’lum qildi.

Unga ko‘ra, tabrikda, oltin va kumush medal sohiblari ta’limda va jamoat ishlarida o‘zlarini namoyon qilganliklari uchun alohida e’tirof etildi.

Bugungi kunda mamlakatda yoshlarning ilmiy va kasbiy rivojlanishlari uchun keng imkoniyatlar yaratilgan. 201 ta oliy ta’lim muassasasi, 598 ta texnikum, innovatsion markazlar va boshqa ta’lim muassasalari faoliyat ko‘rsatmoqda. Ta’lim tizimining sifatini oshirish, bitiruvchilarga tanlov imkoniyatlarini kengaytirish maqsadida yangi dasturlar va elektron platformalar joriy etilmoqda.

Mirziyoyev yoshlarga milliy va umuminsoniy qadriyatlarni mustahkamlash, izlanish va mehnatdan to‘xtamaslik zarurligini ta’kidladi. Shuningdek, halol...

AQSh federal sudi Donald Tramp ma’muriyatining Garvard universitetining xorijlik talabalarni qabul qilish huquqini bekor qilish borasidagi qarorini vaqtincha to‘xtatdi. Bu haqda Reuters axborot agentligi ma’lum qildi.

Sud bu qarorni AQSh Konstitutsiyasiga zid deb topdi va universitet hamda 7 mingdan ortiq xorijlik talabalar manfaatlarini himoya qildi.

Ichki xavfsizlik vazirligi Garvardni «antisemitizmni qo‘llab-quvvatlash» va «Xitoy kommunistik partiyasi bilan hamkorlik»da ayblab, talabalarga berilgan ruxsatni bekor qilishni rejalashtirgandi. Biroq sud, bu harakat universitetning akademik erkinligi va talabalar huquqlarini buzadi, deb hisoblaydi.

Garvard universiteti bu qarorni «noqonuniy» deb atab, o‘z mustaqilligini himoya qilish uchun sudga murojaat etgan edi. Sud qarori Tramp ma’muriyatining oliy ta’limga...

Koreya Respublikasining «Gyeongsangbuk-do» provinsiyasi hamda «Gyeonbuk Technopark» bilan hamkorlikda «Gyeongsangbuk-do Global Talent Center» markazi tashkil etildi. Bu haqda vazirlik matbuot xizmati ma’lum qildi.

Tadbirda O‘zbekiston va Koreya o‘rtasidagi texnologik hamkorlikning mustahkamlanayotgani ta’kidlandi. Yangi markaz startap loyihalarni qo‘llab-quvvatlash, ilmiy-amaliy aloqalarni rivojlantirish va yoshlar salohiyatini yuzaga chiqarish uchun muhim imkoniyat yaratadi.

Shuningdek, tomonlar o‘zaro anglashuv memorandumi imzolab, ta’lim va innovatsiyalar sohasidagi hamkorlikni kengaytirishga kelishib oldilar. Tadbir doirasida ramziy daraxt ekildi, bu ikki mamlakat o‘rtasidagi do‘stlik va barqaror taraqqiyot ramzi sifatida qabul qilindi.

Eslatib o‘tamiz, avvalroq Al-Beruniy nomidagi xalqaro maktab-internat faoliyati yo‘lga qo‘yilgan edi.

Maktabgacha va maktab ta’limi vazirligi delegatsiyasi Buyuk Britaniyadagi safar davomida Londonda o‘tkazilgan Butunjahon ta’lim forumida ishtirok etib, qator xalqaro hamkorliklarni yo‘lga qo‘ydi. Bu haqda vazirlik matbuot xizmati ma’lum qildi.

Forum doirasida ICESCO bosh direktori Salim al Malik bilan bo‘lajak konferensiyalar va hamkorlik masalalari muhokama qilindi. Cambridge University Press & Assessment bilan esa O‘zbekiston Milliy pedagogika universitetini transformatsiya qilishga doir memorandum imzolandi.

Shuningdek, VSO tashkiloti bilan kelishuvga ko‘ra, yurtimiz maktablariga 500 dan ortiq xorijiy mutaxassis va britaniyalik o‘qituvchilar jalb etiladi.

Buyuk Britaniya Parlamenti Davlat kotibi o‘rinbosari Stiven Jeyms Morgan bilan bolalar ovqatlanishi borasidagi istiqbollar muhokama qilindi.

Safar davomida «El-yurt umidi...

2025-yilning yanvar – mart oylarida 1 931 nafar amerikalik Buyuk Britaniya fuqaroligini olish uchun ariza topshirdi. Bu 2004-yildan beri eng yuqori ko‘rsatkichdir, deya xabar bermoqda CNN.

Unga ko‘ra, bu holat AQShda Donald Trampning ikkinchi prezidentlik muddati boshlanishi bilan bog‘lanmoqda.

2024-yilda esa 5 500 dan ortiq amerikalikka Britaniyada doimiy yashash huquqi berilgan bo‘lib, bu o‘tgan yilga nisbatan 20 foizga ko‘proqdir. Ekspertlar buni siyosiy vaziyat, pandemiyaga munosabat va soliq tizimidan norozilik bilan izohlamoqda.

Britaniya va Yevropadagi qoidalar qattiqlashayotgan bir vaqtda amerikaliklar sonining ko‘payishi muhojirlik siyosatidagi global o‘zgarishlarga e’tibor qaratmoqda.

Eslatib o‘tamiz, avvalroq $200 ming to‘lov evaziga O‘zbekistonda 5 yillik yashash guvohnomasi...

Ingliz, koreys, nemis va yapon tillari bo‘yicha xalqaro sertifikatga ega o‘quvchilar soni asosida texnikum va politexnikumlarda faoliyat yuritayotgan xorijiy til o‘qituvchilari reytingi shakllantiriladi hamda rag‘batlantiriladi. Bu haqda Oliy ta’lim, fan va innovatsiyalar vazirligi ma’lum qildi.

Shu munosabat bilan talabgorlar 2025-yil 30-mayga qadar Yagona interaktiv davlat xizmatlari portali – my.gov.uz orqali ro‘yxatdan o‘tib, o‘zlari va xalqaro darajadagi «B1» yoki unga tenglashtirilgan sertifikat olgan bitiruvchi o‘quvchilari haqida ma’lumot kiritishlari so‘raladi.

Natijalar asosida eng faol 50 nafar chet tili o‘qituvchisiga har biri uchun 50 million so‘m miqdorida bir martalik subsidiya ajratiladi.

Eslatib o‘tamiz, avvalroq Al-Beruniy nomidagi xalqaro maktab-internat faoliyati yo‘lga qo‘yilishi...

Kia kompaniyasi 2026-yilgi yangilangan Carnival miniveni uchun narxlar ro‘yxatini e’lon qildi. Bu haqda 32Carsru nashri xabar berdi.

Baza versiyasi LX (old g‘ildirakdan tortuvchi) uchun narx $36 990 dan boshlanadi, eng to‘liq komplektatsiyadagi gibrid SX Prestige esa $53 090 turadi.

Miniven quyidagi komplektatsiyalarda taqdim etiladi: LXS, EX, SX va SX Prestige. To‘liq g‘ildirakli versiya faqat EX AWD’da mavjud bo‘lib, uning narxi $42 290 etib belgilangan. Gibrid Carnival esa $40 990 – $53 090 oralig‘ida uch xil ko‘rinishda sotuvga chiqariladi.

Barcha versiyalar ikkita 12,3 dyuymli ekran, orqa o‘rindiqlar uchun multimedia tizimi va Dark Edition opsiyasi bilan jihozlangan. Yuqori darajadagi versiyalarda esa...

Tojikiston parlamentining quyi palatasi O‘zbekiston va Qirg‘iziston bilan chegaralarning tutash nuqtasi bo‘yicha shartnomani ratifikatsiya qildi. Bu haqda TASS xabar bermoqda.

Mazkur hujjat joriy yilning mart oyi oxirida Xo‘jand shahrida uch davlat rahbarlari tomonidan imzolangan. Tojikiston prezidenti Emomali Rahmon bu hujjatni «tarixiy» deb atadi.

Nashrning eslatishicha, uch davlat – O‘zbekiston, Tojikiston va Qirg‘iziston – ilgari Sovet Ittifoqi tarkibida bo‘lgan paytda ularning chegaralari faqat ma’muriy tusda bo‘lgan va huquqiy jihatdan rasmiylashtirilmagan.

SSSR parchalanganidan keyin chegara masalasi mamlakatlar o‘rtasida bir necha bor ziddiyatlarga sabab bo‘lgan. So‘nggi bor 2022-yilda Qirg‘iziston va Tojikiston o‘rtasidagi qurolli to‘qnashuv natijasida ikki tomondan yuzdan ortiq kishi halok bo‘lgan...

2025-yil 20-may kuni Toshkent shahrida o‘tgan Global Optical Summit 2025 sammitida Huawei kompaniyasi Yaqin Sharq va Markaziy Osiyo mintaqasi uchun yangi avlod F5G-A optik aloqa texnologiyasini taqdim etdi. Bu haqda kompaniya Kursiv Uzbekistan’ga ma’lum qildi.

Sammitda O‘zbekiston, BAA, Qozog‘iston, Saudiya Arabistoni va boshqa davlatlardan kelgan 250 dan ortiq texnika mutaxassislari, sanoat vakillari va xususiy kompaniyalar qatnashdi. Tadbirda sun’iy intellekt va raqamli transformatsiya jarayonlarida optik texnologiyalarning tutgan o‘rni muhokama qilindi.

Raqamli texnologiyalar vazirining birinchi o‘rinbosari Oleg Pekos o‘z chiqishida «Raqamli O‘zbekiston – 2030» strategiyasi doirasida mamlakatda optik tolali infratuzilmaga katta e’tibor qaratilayotganini ta’kidladi.

«Biz optik infratuzilmani nafaqat...

2025-yil 23-may kuni soat 16:48 da «Olmazor» bekatidan harakatlanishi kerak bo‘lgan 9-sonli metro poyezdi texnik nosozlik sababli harakatdan to‘xtatildi. Bu haqda «Toshkent metropoliteni» DUK matbuot xizmati Kursiv Uzbekistan so‘roviga javoban rasmiy bayonot berdi.

Qayd etilishicha, harakat tarkibidagi havo kompressori bosimi belgilangan me’yor talablariga javob bermagani aniqlangan va yo‘riqnomaga muvofiq ravishda poyezd elektrodepoga qaytarilgan. Yo‘lovchilar esa xavfsizlikni ta’minlash maqsadida bekatga tushirilgan.

Poyezdlar harakati jadvaliga minimal ta’sir ko‘rsatgan ushbu holatdan atigi 3 daqiqa o‘tib, orqadan kelgan boshqa harakat tarkibi orqali yo‘lovchilar manzillariga yetkazilgan. Hozirda barcha yo‘nalishlarda poyezdlar belgilangan jadval asosida harakatlanmoqda.

Avvalroq Kursiv Uzbekistan TTZgacha uzaytiriladigan yangi metro yo‘nalishi 15-iyundan qurila...

Xitoyning BYD kompaniyasi Yevropaga o‘zining hamyonbop BYD Dolphin Surf elektromobilini taqdim etdi. Reuters’ning xabar berishicha, bu kompaniyaning ushbu qit’ada sotiladigan o‘ninchi modelidir.

21-may kuni sotuvga chiqqan Dolphin Surf elektromobili 23 ming yevrodan ($26,1 ming) boshlanadi. 322 km masofaga ega bo‘lgan eng arzon versiya shu narxga sotilayotgan bo‘lsa, 507 km masofani bosib o‘tgan varianti 25 ming yevroga baholanmoqda.

BYD Dolphin Surf uchta versiyada taqdim etiladi: Active, Boost va Comfort. Active versiyasi 30 kWh batareyaga ega bo‘lib, 220 km WLTP yurish masofasini ta’minlaydi. Boost va Comfort versiyalari esa 43,2 kWh batareyaga ega bo‘lib, mos ravishda 322 km va 310 km...

Toshkent shahrining Olmazor tumanida joylashgan qurilish obyekti 1,4 mlrd so‘mlik elektr energiyasini talon-toroj qildi. Bu haqda Bosh prokuratura xabar berdi.

Ma’lum qilinishicha, «V.K.» MCHJga tegishli qurilish obyektida 1,4 mlrd so‘mlik elektr energiyasi noqonuniy yo‘l bilan ishlatilgani aniqlandi. Obyekt elektr tarmog‘iga ruxsatsiz ulangan. Buning oqibatida yirik hajmdagi elektr quvvati noqonuniy ravishda sarflangan.

Ayni paytda mazkur holat yuzasidan tumani prokuraturasi tomonidan dastlabki tekshiruv ishlari olib borilmoqda.

Eslatib o‘tamiz, avvalroq «Kursiv» nashri Buxoro va Farg‘onada umumiy 420,1 mln so‘mlik energiya resurslaridan noqonuniy foydalanish holatlari aniqlangani haqida xabar bergan edi.

O‘zbekiston ilk bor Global Startup Ecosystem Index reytingida dunyo bo‘yicha eng yaxshi 100 ta mamlakat qatoriga kirdi. Bu haqda Raqamli texnologiyalar vaziri Sherzod Shermatov ma’lum qildi.

Joriy yilda O‘zbekiston 98-o‘rinni egalladi. 2024-yilda esa 110-o‘rinda bo‘lgan edi.

«Mamlakat rekord darajadagi o‘sishni namoyish etib, Markaziy Osiyodagi eng tez rivojlanayotgan startap markaziga va jahon miqyosidagi asosiy g‘oliblardan biriga aylandi», – dedi Shermatov.

Global Startup Ecosystem Index – bu har yili StartupBlink tomonidan e’lon qilinadigan reyting bo‘lib, unda 100 dan ortiq mamlakat va 1400 dan ortiq shaharlarning startap-ekotizimi baholanadi. Reytingda startaplar soni va sifati, shuningdek, biznes muhiti kabi...

O‘zbekiston valyuta birjasi ma’lumotlariga ko‘ra, 23-may kuni dollarning o‘rtacha kursi 12 915,90 so‘mni tashkil qilib, oldingi kun bilan solishtirganda 11,39 so‘mga oshdi.

Dollar kursi bu haftani pasayish bilan boshladi: 22-may kuni 33,42 so‘mga pasayib, 12 904,51 so‘mni, 21-may kuni 45,02 so‘mga oshib, 12 937,93 so‘mni, 20-may kuni 34,76 so‘mga oshib, 12 892,91 so‘mni, 19-may kuni 58,95 so‘mga tushib, 12 858,15 so‘mni tashkil qildi.

Mamlakatdagi tijorat banklari 23-may kuni bir AQSh dollarini 12 840 – 12 895 soʻmdan sotib olayotgan boʻlsa, 12 915 – 12 980 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga...

Toshkentda yana chang-to‘zon ko‘tarildi. Shamol tufayli poytaxtning ayrim hududlarida daraxt shoxlari qulab tushdi.

Poytaxt hokimligi aholini mashinalarni daraxtlar ostida qoldirmaslikka va shahar bo‘ylab harakatlanishda ehtiyot bo‘lishga chaqirdi.

«Toshkent shahar elektr tarmoqlari» korxonasi elektr ta’minotida favqulodda uzilishlar bo‘lganini ma’lum qildi.

Shamol gaz ta’minoti liniyasiga ham zarar yetkazdi. Shahardagi avariya-qutqaruv brigadalari shay holatga keltirildi.

Video: Telegram kanal uzb-meteo

Avvalroq Kursiv Uzbekistan shahar hokimligi aholiga murojaat bilan chiqqani haqida xabar bergan edi.

Rossiya prezidenti maslahatchisi Anton Kobyakov SSSR huquqiy jihatdan hali ham mavjudligini ta’kidlagan bayonotiga «Milliy tiklanish» demokratik partiyasi fraksiyasi rahbari Alisher Qodirov munosabat bildirdi.

Uning ta’kidlashicha, 1922-yilda Sovetlar qurultoyi orqali tuzilgan SSSRni faqat shu qurultoy tarqatishi mumkin edi. 1991-yildagi tarqatish jarayonida esa bu tartib buzilgan.

«Rossiya esa shamollaganlar va xayolparastlaridan tezroq qutulishi kerak. Bu dard gazak olib, tobora og‘ir oqibatlardan darak bermoqda.

Ukraina egoist, tarqoq va zaif g‘arbga tayanib xato qildi, lekin bir-biriga tayanayotgan Markaziy Osiyo, qolaversa, butun turkiy dunyoni hisobga olmaganlar xato qiladi», – deydi Qodirov.

Ma’lumot o‘rnida Rossiya prezidenti maslahatchisi Anton Kobyakov...

Janubiy Koreyaning arzon avialiniyasi T’way Air 23-maydan boshlab Inchon — Toshkent yo‘nalishi bo‘yicha haftasiga to‘rt marotaba muntazam aviareyslarni yo‘lga qo‘ymoqda. Bu haqda Yohnap axborot agentligi xabar berdi.

Reyslar har hafta dushanba, chorshanba, juma va yakshanba kunlari amalga oshiriladi. Chiptalar narxi 433 ming von (taxminan $315) dan boshlanadi.

Dastlabki reysda Toshkentga Black Swan K-pop guruhi olib kelinadi. Guruh 25-may kuni Humo Arenada konsert beradi.

Black Swan guruhi 2011-yildan buyon faoliyat yuritadi. Dastlab ular Rania nomi ostida tanilgan. Hozirda guruh tarkibida to‘rt nafar ishtirokchi bor – ular Senegal, AQSh, Braziliya va Hindistondan.

Avvalroq Kursiv Uzbekistan My Freighter aviakompaniyasi Keniya poytaxtiga parvozlarni...

Milliy statistika qo‘mitasi ma’lumotlariga ko‘ra, 2024-yilda o‘rtacha umr ko‘rish davomiyligi 75,1 yoshni tashkil etdi. Bu ko‘rsatkich mamlakatda umr davomiyligi bo‘yicha 1991-yildan buyon qayd etilgan eng yuqori daraja.

Yillik dinamikaga ko‘ra, umr davomiyligi quyidagicha o‘sib borgan:

Umr davomiyligining bunday barqaror o‘sishi sog‘liqni saqlash tizimidagi islohotlar, ijtimoiy-iqtisodiy sharoitlarning yaxshilanishi, aholi turmush tarzidagi ijobiy o‘zgarishlar va profilaktik tibbiy xizmatlarning kengaygani bilan bog‘liq bo‘lishi mumkin.

Avvalroq Kursiv Uzbekistan $200 ming to‘lov...

2025-yil mart boshidan aprel oxirigacha 132 ta eksportga yo‘naltirilgan kompaniya IT Park rezidenti maqomini oldi. Bu haqda kompaniya matbuot xizmati ma’lum qildi.

Yangi rezidentlar orasida 56 tasi xorijiy kapital ishtirokidagi kompaniyalar bo‘lib, ular 1,6 mingdan ortiq mutaxassislarni ish bilan ta’minlashni rejalashtirmoqda. Kompaniyalar faoliyatining birinchi yilidayoq $30 mlndan ortiq xizmat va mahsulotlarni eksport qilishni maqsad qilgan.

Mazkur kompaniyalar AQSh, Ozarbayjon, Germaniya, Fransiya va boshqa xorijiy bozorlarga yo‘naltirilgan. Yangi rezidentlar tarkibida autsorsing xizmatlari va biznes jarayonlarini amalga oshiruvchi loyihalar, IT mahsulot ishlab chiquvchilar hamda kreativ soha vakillari mavjud.

Bundan tashqari, ikki oy ichida O‘zbekistonning turli hududlaridan 49 ta eksportga yo‘naltirilgan kompaniya...

O‘zbekistonda 21-22-may kunlari bo‘lib o‘tgan GSMA M360 Eurasia sammiti butun mintaqadan aloqa operatorlari, siyosatchilar va texnologik yetakchilarni birlashtirdi. Kursiv Uzbekistan VEON Group bosh direktori Kaan Terzio‘g‘lu bilan sammitni o‘tkazishga nima uchun O‘zbekiston tanlangani, soliqlar investitsiyalarga qanday ta’sir ko‘rsatishi va qaysi texnologiyalar mintaqa kelajagini belgilashi haqida suhbatlashdi.

O‘zbekistonning raqamli siyosati dunyoga tanilmoqda

— Nima uchun bu yil M360 Eurasia uchun mezbon shahar sifatida Toshkent tanlandi va bu mintaqaning ambitsiyalari hamda kelajagi nuqtai nazaridan nimani anglatadi?

— Mamlakatning innovatsiyalar, dasturiy ta’minotni ishlab chiqish va IT-eksportga aniq sodiqligi tufayli Toshkent tanlandi. Joriy yil boshida Barselonada O‘zbekiston Raqamli texnologiyalar vaziri Sherzod Shermatov bilan...

Vyetnam Texnologiya vazirligi telekommunikatsiya provayderlariga Telegram messenjeridan jinoyatlarga oid xabar almashish holatlarida hamkorlik qilmaganliklari sababli uni bloklashni buyurdi, deya xabar berdi Reuters.

Texnologiya vazirligi aloqa boshqarmasi tomonidan imzolangan 21-maydagi hujjatda telekommunikatsiya kompaniyalariga Telegram’ni blokirovka qilish choralarini ko‘rish va 2-iyunga qadar vazirlikka xabar berish topshirilgan.

Vazirlik telekommunikatsiya provayderlaridan Vyetnamdagi Telegram faoliyatini oldini olish bo‘yicha yechimlar va choralar ko‘rishni so‘radi. Hujjatda aytilishicha, politsiya mamlakatdagi 9600 Telegram kanali va guruhining 68 foizi qonunni buzayotgani haqida xabar bergan.

Undan keyin vazirlik ilova orqali amalga oshirilgan noqonuniy harakatlar orasida firibgarlik, narkotik moddalar savdosi va «terrorizmga aloqadorlikda gumon qilingan holatlar»ni ko‘rsatgan.

Vyetnam...

O‘zbekiston Professional futbol ligasi 27-may kuni poytaxtdagi «Bunyodkor» stadionida bo‘lib o‘tadigan mamlakat Superkubogi uchun chipta sotuvining boshlanganini e’lon qildi. Sovrin uchun «Andijon» va «Nasaf» jamoalari kurashadi.

Chiptalarni «Bunyodkor» stadioni, «Humo Arena» kassalaridan hamda iTicket.uz platformasida onlayn tarzda xarid qilish imkoniyati mavjud. Qo‘shimcha ravishda chiptalarning bir qismi Andijon va Qarshida – «Bobur Arena» va «Markaziy» stadion kassalarida sotuvga qo‘yiladi. Biroq Superliganing 11-tur o‘yinlari 23-may kuni o‘tkazilishi sababli, ushbu shaharlarda chiptalar 24 va 25-may kunlari sotuvga chiqariladi.

Tashkilotchilar soxta chiptalarga qarshi kurashish chora-tadbirlariga alohida e’tibor qaratdi. iTicket.uz orqali sotib olingan elektron chiptalar egalari ularni «Bunyodkor» va «Humo Arena» kassalarida qog‘oz chiptalarga...

Davlat statistika qo‘mitasi axborotiga ko‘ra, 2025-yil yanvar – aprel oylarida mamlakat tashqi savdo hajmi $24,6 mlrdni tashkil etdi. Bu ko‘rsatkich o‘tgan yilning mos davriga nisbatan $3,4 mlnga yoki 16,3 foizga ko‘paygan.

Ushbu davr mobaynida eksport hajmi $11,8 mlrd, import esa $12,7 mlrdni tashkil etdi. Importning eksportdan yuqori bo‘lishi natijasida tashqi savdo balansida $846,3 mlnlik salbiy farq (manfiy saldo) yuzaga keldi.

Tahlillarga ko‘ra, eksport tuzilmasida sanoat mahsulotlari (10,1%), oziq-ovqat va tirik hayvonlar (5,6%) yetakchi o‘rinni egallagan. Import tarkibida esa asosan mashinalar va transport vositalari (33,9%), sanoat tovarlari (16,3%) ustunlik qilgan.

Eksportda oltin $5 mlrd 481,2 mlnlik hajm bilan yetakchilik...

Joriy yildagi eng uzoq ishlaydigan smartfonlar reytingi e’lon qilindi. Bu haqda dgl nashri ma’lum qildi.

Avtonom ishlash bo‘yicha yetakchilardan biri bu – Asus ROG Phone 9 Pro bo‘lib, u 5800 mA/soat sig‘imli batareyasi va samarali quvvat boshqaruvi bilan uzoq o‘yin seanslari uchun ideal variant sifatida ajralib turdi.

Shuningdek, iPhone 16 Pro Max ham kuchli batareyasi va optimallashtirilgan iOS tizimi bilan Apple tarixidagi eng yaxshi ishlash vaqtini ko‘rsatdi – veb-brauzerda 22 soatgacha, o‘yinlarda esa 12 soatgacha.

TOP-5 flagmanlar orasida eng uzoq ishlaydigan smartfonlar:

Asus ROG Phone 9 Pro