Yangiliklar

Shu yilning 1-sentabridan boshlab Rossiyaning Moskva shahri va Moskva viloyatida xorijiy migrantlar ustidan nazorat kuchaytiriladi. Bu haqda «Kommersant» nashri xabar berdi.

Eksperiment doirasida migrantlar maxsus mobil ilova orqali o‘z joylashuvini politsiyaga yetkazib borishga majbur bo‘ladi.

Ilovadan foydalanish uchun migrantlar daktiloskopiya (barmoq izlari) topshiradi, biometrik fotosurat joylashtiradi hamda haqiqiy yashash manzilini kiritadi. Shuningdek, mobil ilovani yuklab olib, geolokatsiyani yoqib qo‘yishi kerak.

Ilovadan foydalanishdan bo‘yin tovlagan shaxslar «nazorat ostidagi shaxslar» ro‘yxatiga kiritilib, Rossiyadan deportatsiya qilinadi.

Ilovani o‘rnatish va ro‘yxatdan o‘tish Saxarovodagi ko‘p tarmoqli migratsiya markazi orqali amalga oshiriladi. Shuningdek, yashash manzili o‘zgargan taqdirda, bu haqda 3 ish kuni ichida Rossiya Ichki...

Google 2025-yil iyun oyida chiqariladigan Android 16 tizimida o‘g‘irlangan smartfonlarni butunlay bloklab qo‘yadigan yangi xavfsizlik choralarini joriy etmoqda.

Factory Reset Protection (FRP) tizimining yangilangan versiyasi telefonni egasining Google hisobisiz tiklashni imkonsiz qiladi – qurilma hatto zavod sozlamalariga qaytarilganda ham foydalanib bo‘lmaydigan «g‘ishtga» aylanadi.

Bu yangilik The Android Show: I/O Edition tadbirida taqdim etildi. Namoyish qilingan misollarga ko‘ra, agar telefonni sozlamalar orqali yoki maxsus tugmalar yordamida tiklashga urinish shubhali deb topilsa, tizim uni avtomatik bloklaydi. Uni faqat oxirgi parol yoki bog‘langan Google akkaunti yordamida ochish mumkin bo‘ladi.

Shuningdek, bloklangan holatda ekranda maxsus xabar paydo bo‘lib, qurilmaning qulflangani haqida ogohlantiradi. Bu...

Alcatel V3 5G seriyasiga Classic, Pro va Ultra variantlari kiradi va ular faqat Flipkart orqali sotuvga chiqariladi. Bu haqda Gadgets360 nashri ma’lum qildi.

Alcatel kompaniyasi yangi V3 smartfonlar seriyasi taqdimot sanasi va texnik jihatlarini oshkor etdi. Yaqinlashayotgan taqdimotning asosiy modeli V3 Ultra bo‘ladi. Bu model displeyi bilan vizual tarzda elektron kitobga o‘xshaydi. Lekin IPS-panelga xos xususiyatlarni saqlab qoladi.

Alcatel V3 Ultra 5G 6,8 dyuymli Full HD+ displey, 120 Gts yangilanish chastotasi, NXTPAPER aksga qarshi qoplama bilan ishlangan. Asosiy yangiliklardan biri esa smartfon qulay o‘qish uchun «qog‘oz» rejimiga ega bo‘ladi. Protsessor modeli rasman aytilmagan (taxminlarga ko‘ra, Dimensity 6300 bo‘lishi mumkin...

Chery kompaniyasi tomonidan Chevrolet Tracker’dan arzon Chery iCar V23 avtomobili taqdim etiladi. Bu haqda CarNewsChina nashri xabar bermoqda.

Chery iCar V23 ishlab chiquvchilari uni Mercedes-Benz, Land Rover va Toyota’ning dunyoga mashhur modellari bilan taqqoslamoqda. Avtomobil o‘zgacha dizayn, yashirin eshik tutqichlari va kengaytirilgan g‘ildirak kamari bilan jihozlangan. Avtomobilning orqa tomonida tashqi saqlash qutisi bilan yonma-yon ochiladigan yuk eshigi mavjud.

Yagona dvigatelli versiya 100 kVt quvvatga ega dvigatel va litiy-temir-fosfat batareyasini olgan. Ikki dvigatelli tizimda 100 kVt (134 ot kuchi) va 55 kVt (74 ot kuchi) dvigatellar mavjud. Ular uch karrali lityum batareyadan quvvatlanadi.

Avtomobillarini almashtirmoqchi bo‘lganlar uchun Chery iCar...

O‘zbekistonda sog‘liqni saqlash tizimida tajriba-sinov loyihasi doirasida birlamchi tibbiy yordam ko‘rsatadigan tibbiyot xodimlariga qo‘shimcha ustamalar belgilandi. Bu haqda Adliya vazirligi ma’lum qildi.

Unga ko‘ra, sayyor xizmat ko‘rsatuvchilarga bazaviy stavkaning 50 foizi, ortiqcha aholi biriktirilganlik uchun qo‘shimcha ustama hamda maxsus kurslarni tamomlaganlarga bazaviy stavkaning 100 foizigacha ustama to‘lanadi.

Tuman va shahar markaziy shifoxonalari shifokorlarining maoshlari 20 foizga, o‘rta tibbiyot xodimlariniki esa 10 foizga oshiriladi. Shuningdek, ish samaradorligi ko‘rsatkichlari (KPI) asosida ustama ham joriy etiladi.

Tibbiyotni boshqarish bo‘yicha sertifikatga ega bo‘lgan rahbarlar ham qo‘shimcha ustamalar bilan rag‘batlantiriladi. Sertifikatga ega rahbarlarga 100 foizgacha, o‘rinbosarlarga 80 foiz, bosh hamshiralarga esa 50 foiz ustama...

2024/25-yilgi mavsum Yevropa ligasi finali Ispaniyaning Bilbao shahridagi «San-Mames» stadionida yakunlandi. Unda Londonning «Tottenhem» jamoasi «Manchester Yunayted» ustidan 1:0 hisobida g‘alaba qozonib, o‘z tarixidagi uchinchi yevrokubokni qo‘lga kiritdi.

Uchrashuvning yagona goli 42-daqiqada kiritildi. Pape Sarr chap qanotdan uzatma amalga oshirdi, Brennan Jonson birinchi urinishda to‘pga tegmadi, biroq Luk Shoudan rikoshetdan so‘ng to‘pni darvozaga yo‘llay oldi. Bu gol final o‘yinida hal qiluvchi bo‘ldi.

Ikkinchi bo‘lim davomida «Manchester Yunayted» ustunlikka ega bo‘ldi. Jamoa bosh murabbiyi Amorim bir necha hujumkor almashtirishlarni amalga oshirdi – maydonga Garnacho, Hyoylunn va Dalot tushirildi. Ayniqsa, Garnacho faol harakat qildi – u 75-daqiqada jarima maydonchasining chap tomonidan kuchli...

Toshkent shahrining Yunusobod tumanida fuqaro AQShda istiqomat qiluvchi qarindoshi bilan kelishgan holda, ikki nafar fuqaroni Amerikaga yuborish evaziga $22,5 ming olgan paytda qo‘lga olingan. Bu haqda Bosh prokuratura huzuridagi Departament ma’lumotga berdi.

Xabarga ko‘ra, fuqarolarni Yevropa hamda Meksika orqali Amerikaga yuborish va’da qilingan.

Shunga o‘xshash holat Bektemir tumanida ham aniqlangan. Unda yana bir fuqaro ikki nafar boshqa shaxsni Yaponiyaga ishga yuborishini aytib, $2 ming olgan vaqtida ushlangan.

Ayni paytda ushbu voqealar yuzasidan jinoyat ishi qo‘zg‘atilib, tergov harakatlari olib borilmoqda.

Avvalroq «Kursiv» nashri o‘zbekistonlik ayol Hindistonda odam savdosi qurboniga aylanishdan saqlab qolingani haqida yozgan edi.

Google I/O 2025 konferensiyasida kompaniya hammuassisi Sergey Brin Google Glass aqlli ko‘zoynaklarining muvaffaqiyatsiz chiqishiga sabab bo‘lgan xatolarni tan oldi. Uning so‘zlariga ko‘ra, mahsulot ishlab chiqish jarayonida iste’molchi elektronikasining ta’minot zanjiri haqida yetarli bilimga ega bo‘lmagan.

Brin, shuningdek, hozirgi kunda AI texnologiyalarining rivojlanishi bilan aqlli ko‘zoynaklar segmentining yangi imkoniyatlarga ega bo‘layotganini ta’kidladi. U, ayniqsa, real vaqt rejimida tarjima qilish funksiyasiga ega bo‘lgan yangi prototipni misol keltirdi.

Google Glass dastlab 2014-yilda taqdim etilgan bo‘lib, ommaviy bozorda kutilgan muvaffaqiyatga erisha olmagan. Biroq u korporativ sektorda o‘z o‘rnini topgan. Hozirda kompaniya AI asosidagi yangi aqlli ko‘zoynaklar ustida ish olib bormoqda.

Ma’lumot o‘rnida...

2025-yilning birinchi choragi yakunlariga ko‘ra, Xitoyda yig‘ilgan eng sifatli benzinli krossover – SAIC tomonidan ishlab chiqarilgan Audi Q6 deb topildi. Bu haqda «Kitayskiye avtomobili» nashri ma’lum qildi.

Xitoy avtomobillar sifati tarmog‘i e’lon qilgan reytingga ko‘ra, Audi Q6 faqat 140 jarima ball to‘plab, 175 ta model ichida eng yuqori o‘rinni egalladi. Ajablanarlisi reytingdan Xitoyda ishlab chiqarilgan avtomobillar o‘rin olmadi.

Shuningdek, Honda’ning ikki modeli – Dongfeng Honda UR-V (142 ball) va XR-V (143 ball) mos ravishda ikkinchi va uchinchi pog‘onalarni band etdi. Eng kuchli beshlikni FAW tomonidan yig‘ilgan Audi Q2L (145 ball) va GAC ishlab chiqargan Honda Avancier (146 ball) yakunladi.

Ekologiya, atrof-muhitni muhofaza qilish va iqlim o‘zgarishi vazirligi hamda Xitoy Fanlar akademiyasi hamkorligida Toshkentda Markaziy Osiyo ekologiya va atrof-muhitni o‘rganish ilmiy-tadqiqot markazi (Tashkent Headquarter) tashkil etiladi. Bu haqda Ekologiya vazirligi ma’lum qildi.

Unga ko‘ra, mazkur markaz Green University negizida faoliyat yuritadi va ilmiy tadqiqotlar, malakali kadrlar tayyorlash, texnologiyalar almashinuvi va barqaror rivojlanishni targ‘ib qilish bo‘yicha mintaqaviy platforma bo‘ladi.

Uchrashuv yakunida O‘zbekiston tomondan vazir Aziz Abduhakimov, xitoylik hamkorlar tomonidan esa CAS XIEG bosh direktori professor Chjan Yuanmin o‘zaro anglashuv memorandumini imzoladi. Hujjat ekologik sohadagi hamkorlikni yanada chuqurlashtirish va iqlim o‘zgarishiga qarshi kurashda birgalikda harakat qilishni nazarda tutadi.

Eslatib o‘tamiz, avvalroq...

Davlat aktivlarini boshqarish agentligi xabariga ko‘ra, «Avtooyna» MCHJ ustav kapitalidagi 100% davlat ulushini xususiylashtirish bo‘yicha 200,5 mlrd so‘mlik bitim imzolandi.

Xususiylashtirish doirasida 8 nafar xalqaro va mahalliy investorlar sotib olish bo‘yicha ariza topshirdi. Ammo keyingi bosqich – majburiyatga ega bo‘lgan takliflar (BO) belgilangan muddatda 4 nafar investor tomonidan taqdim etildi. Eng yuqori narxni «Uet Invest» MChJ taklif qilib, savdo g‘olibi deb topildi. Kompaniya aktivni 200,5 mlrd so‘m evaziga sotib oladi. Bitimga ko‘ra, xaridor to‘lovning dastlabki 35 foizini bir oy ichida amalga oshirishi lozim.

Shuningdek, xaridor quyidagi majburiyatlarni o‘z zimmasiga oldi:

Prezidentning 2025-yil 19-maydagi farmoniga muvofiq, aholiga birlamchi tibbiy-sanitariya yordami ko‘rsatishning xalqaro tajribaga asoslangan yangi modeli joriy etiladi.

Yangi tizim doirasida:

2025-yil 1-iyuldan tanlab olingan hududlarda, 2026-yil 1-yanvardan esa Samarqand viloyatining barcha tuman va shaharlarida tajriba-sinov asosida joriy etiladi.

Loyiha doirasida har bir tuman (shahar)da sog‘liqni saqlash bo‘limlari tashkil etiladi va ularning faoliyati tibbiyot birlashmalari negizida yo‘lga qo‘yiladi.

Avvalroq Kursiv Uzbekistan mamlakatda bolalar saratoniga qarshi kurash strategiyasi qabul qilingani haqida xabar bergan edi.

O‘zbekistondagi UzNex kriptobirjasida Trump ($TRUMP) tokeni savdoga qo‘yildi. Bu haqdagi ma’lumotlar birja saytida paydo bo‘ldi.

Token bo‘yicha savdolar va pul yechib olish jarayonlari bugun 22-may kuni Toshkent vaqti bilan soat 13:00 da boshlanadi. Depozit joylashtirish esa soat 11:00 da start oladi.

Ma’lumot uchun, $TRUMP — AQSh prezidenti Donald Tramp bilan bog‘liq memecoin. U 2025-yil 17-yanvar kuni, Trampning prezident sifatida lavozimini bajarishga kirishish oldidan o‘tkaziladigan marosimdan uch kun oldin Solana blokcheynida ishga tushirildi.

Dastlab 1 milliard token yaratilgan bo‘lib, 200 millioni ommaga Initial Coin Offering (ICO) orqali sotuvga chiqarildi, qolgan 800 million token Trampga tegishli ikki kompaniya...

Toshkent viloyatidagi uylardan birida yo‘lbars va yettita piton noqonuniy boqqan shaxs aniqlandi. Bu haqda Ekologiya vazirligi xabar bermoqda.

O‘tkazilgan reyd davomida Toshkent tumani, «Tutzor» MFYda yashovchi fuqaro tomonidan yashash xonadonida noqonuniy ravishda 1 dona Аmur yo‘lbarsi va 7 dona yo‘lbarssimon piton ilonlari saqlanayotgani ma’lum bo‘ldi.

Yovvoyi hayvonlar Toshkent hayvonot bog‘iga topshirildi. Bosh prokuratura tomonidan holatga huquqiy baho berilmoqda. 

Eslatib o‘tamiz, Kursiv Uzbekistan nashri Orol tubida sho‘rlanishga chidamli gigant qamish sinovdan o‘tkazilgani haqida yozgan edi.

Farg‘ona shahrida joylashgan umumiy ovqatlanish shoxobchasi tomonidan 586,4 mln so‘mlik tabiiy gazdan noqonuniy foydalanilgan holat aniqlandi. Bu haqda Bosh prokuratura huzuridagi Departament ma’lum qildi.

Departamentning Farg‘ona viloyati boshqarmasi o‘tkazgan tergovga qadar tekshiruv natijasiga ko‘ra, MChJ mas’ul shaxslari gaz tarmog‘iga oshxona uskunalarini o‘zboshimchalik bilan to‘g‘ridan to‘g‘ri ulab, tabiiy gazdan ruxsatsiz foydalangan.

Mazkur holat yuzasidan Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Nukusda 3,4 mlrd soʻmlik gaz oʻgʻirlangani haqida yozgan edik.

Rossiya prezidenti maslahatchisi Anton Kobyakov Sankt-Peterburg xalqaro huquqiy forumida SSSR parchalanishi huquqiy jihatdan to‘g‘ri amalga oshmaganini aytdi. Bu haqda «Agentstvo Novosti» xabar berdi.

Uning fikricha, Sovet Ittifoqi Xalq deputatlari qurultoyi tomonidan tuzilgan va uni faqat shu organ tarqatishi mumkin edi. Biroq bunday rasmiy qaror bo‘lmagan, shu bois huquqiy nuqtai nazardan SSSR hanuz mavjud hisoblanadi.

Kobyakovning ta’kidlashicha, agar SSSR huquqiy jihatdan hanuz mavjud bo‘lsa, Ukraina urushi «ichki jarayon» deb qaralishi mumkin. U SSSR parchalanishiga konstitutsiyaviy huquq mutaxassislari tomonidan baho berilishi zarurligini qo‘shimcha qildi. Bu fikr Rossiyada faoliyat yuritgan «SSSR fuqarolari» harakati g‘oyalariga o‘xshab ketadi. Mazkur harakat 2022-yilda ekstremistik tashkilot deb...

Shavkat Mirziyoyev rasmiy tashrif bilan Sloveniya poytaxti Lyublyanaga yetib bordi. Bu haqda davlat rahbari matbuot xizmati ma’lum qildi.

Tashrif Sloveniya prezidenti Natasha Pirs Musarning taklifiga binoan amalga oshirildi. Aeroportda davlatimiz rahbarini bosh vazir o‘rinbosari – Tashqi ishlar vaziri Tanya Fayon va boshqa rasmiylar tantanali tarzda kutib oldi. Shuningdek, ikki mamlakat bayroqlari ko‘tarildi va faxriy qorovul saf tortdi.

Tashrif doirasida Shavkat Mirziyoyev Sloveniya prezidenti bilan muzokaralar o‘tkazadi, parlament va hukumat vakillari bilan uchrashadi hamda qo‘shma biznes forumda ishtirok etadi. Uchrashuvlarda savdo-iqtisodiy hamkorlikni kengaytirish, sanoat, qishloq xo‘jaligi, farmatsevtika, elektrotexnika, «yashil» energetika kabi yo‘nalishlarda loyihalarni amalga oshirish masalalari muhokama qilinadi. Shuningdek, mehnat...

22-may kuni O‘zbekistonda havo ochiq va quruq bo‘lishi kutilmoqda. Aksariyat tog‘ oldi hududlarda qisqa muddatli yomg‘ir yog‘ishi va momaqaldiroq bo‘lishi mumkin, deya xabar bermoqda «O‘zgidromet».

Toshkent shahri va unga tutash viloyatlarda harorat kechasi 20–22°, kunduz kunlari esa 36–38° atrofida bo‘ladi.

Qashqadaryo va Surxondaryo viloyatlarida eng yuqori harorat kuzatiladi – kunduzgi harorat 42 darajagacha yetadi.

Buxoro, Navoiy, Sirdaryo va Samarqand viloyatlarida ham kun issiq kechadi – 32–38° oralig‘ida bo‘ladi.

Qoraqalpog‘iston Respublikasi, Xorazm va Farg‘ona vodiysi viloyatlarida harorat nisbatan pastroq bo‘lib, kunduzgi harorat 27–33° oralig‘ida saqlanib turadi.

Tog‘li va tog‘ oldi hududlarda esa havo nisbatan salqinroq bo‘ladi, kunduzgi harorat...

Shavkat Mirziyoyevning Vengriyaga rasmiy tashrifi 20-may kuni yakuniga yetdi. Bu haqda davlat rahbari matbuot xizmati ma’lum qildi.

Tashrif doirasida prezident Vengriya bosh vaziri Viktor Orban bilan muzokaralar olib bordi, shuningdek, Milliy majlis spikeri Laslo Kyover va yetakchi kompaniyalar rahbarlari bilan uchrashdi.

Shavkat Mirziyoyev bugun Turkiy davlatlar tashkilotining norasmiy sammitida ishtirok etib, mintaqaviy hamkorlikni mustahkamlashga qaratilgan muhim tashabbuslarni ilgari surdi.

Tadbirlar yakunida davlat rahbari rasmiy tashrif bilan Sloveniyaga jo‘nab ketdi. Ferens List nomidagi xalqaro aeroportda davlat rahbarini Vengriya rasmiylari tantanali tarzda kuzatib qo‘ydi.

Eslatib o‘tamiz, avvalroq prezident turkiy davlatlar o‘rtasida «Turk-treyd» platformasini yaratishni taklif etgan edi.

Toshkent shahrida Markaziy Osiyo mamlakatlari uchun Aloqa sohasidagi hududiy hamdo‘stlik (ASHH) Ijroiya qo‘mitasining bo‘limi ochildi. Bu haqda Raqamli texnologiyalar vazirligi matbuot xizmati ma’lum qildi.

Unga ko‘ra, yangi tuzilma telekommunikatsiya va raqamli texnologiyalar yo‘nalishidagi qo‘shma loyihalarni muvofiqlashtiruvchi markaz sifatida faoliyat yuritadi.

Bu yerda mintaqaviy raqamli infratuzilmani rivojlantirish, innovatsion yechimlar joriy etish, tajriba almashish va yangi tashabbuslarni ishlab chiqish rejalashtirilgan. Tantanali ochilish marosimida ASHH bosh direktori Aleksey Borodin, O‘zbekiston Raqamli texnologiyalar vaziri Sherzod Shermatov va boshqa rasmiylar ishtirok etdi.

Tadbirda bo‘lim ochilishi mintaqaviy hamkorlikni kuchaytirish, O‘zbekistonning raqamli transformatsiyadagi faol rolini mustahkamlash va mamlakatni IT-hubga aylantirish yo‘lidagi muhim qadam sifatida baholandi. Bo‘lim...

Ayrim veb-saytlar va ijtimoiy tarmoqlarda Chevrolet Cobalt Midnight avtomobilini navbatsiz sotib olish mumkinligi haqida ma’lumotlar tarqaldi. Kursiv Uzbekistan nashri «O‘zavtosanoat» AJ matbuot xizmatiga so‘rov yubordi.

Cobalt Midnight’ni navbatsiz, hisob-faktura bilan sotib olish mumkinmi?

«Yo‘q, Cobalt Midnight avtomobilini navbatsiz sotib olishning imkoni mavjud emas», – deya qayd etdi «O‘zavtosanoat».

Narxlarni dilerni o‘zlari belgilamoqdami?

«Yo‘q. Dilerlik markazlari avtomobillar narxini mustaqil belgilash huquqiga ega emas. Savdo faqatgina UzAuto Motors tomonidan belgilangan narxlar bo‘yicha amalga oshiriladi. Agar mijoz xohishiga ko‘ra avtomobilga qo‘shimcha qurilmalar yoki jihozlar (masalan, gaz ballon uskunasi, g‘ilof, masofaviy kalit va boshqalar...

My Freighter aviakompaniyasi ilk bor Keniya poytaxti Nayrobida joylashgan Jomo Kenyatta xalqaro aeroportiga (NBO) qo‘ndi. Bu kompaniya tarixida Keniyaga amalga oshirilgan ilk parvozdir.

Reyslar haftasiga ikki marta amalga oshirilishi rejalashtirilgan. Samolyotlar Keniyadan tez buziluvchi mahsulotlarni – yangi uzilgan gullar, dengiz mahsulotlari, meva va sabzavotlarni yetkazib beradi. Yuklarning bir qismi esa Markaziy Osiyo mamlakatlariga yo‘naltiriladi.

Eslatib o‘tamiz, avvalroq sentabrdan Mo‘g‘uliston aviakompaniyasi O‘zbekistonga parvozlarni boshlashi haqida xabar bergan edik.

Makroiqtisodiy va hududiy tadqiqotlar instituti mutaxassislari tomonidan o‘tkazilgan tahlil natijalariga ko‘ra, uy-joyga investitsiyalardan olinadigan umumiy daromad o‘rtacha 6,2 foizni tashkil etdi. Bu ko‘rsatkich o‘tgan yilning aprel oyida 27,8 foiz bo‘lgan edi.

Daromadlarning kamayishi, birinchi navbatda, uy-joy ijarasi bo‘yicha tushumlarning qisqarishi (10,9%dan 8,1%gacha) va uy-joy narxlarining o‘rtacha 2,4 foizga arzonlashuvi bilan izohlanadi.

Tahlillar shuni ko‘rsatadiki, investitsiya daromadliligi uy-joyning joylashuvi va xonalar soniga qarab keskin farq qilmoqda. Shayxontohur tumanidagi 1 xonali uy eng yuqori daromad (25,1%) keltirgan bo‘lsa, Olmazor tumanidagi 4 xonali kvartiralar zarar keltirgan (-2,5%). Ayni paytda, 1 va 2 xonali uylar o‘rtacha 8,5% va 6,3% daromad ko‘rsatayotgan bo‘lsa...

O‘zbekistonda bolalar orasida onkologik va onkogematologik kasalliklar bo‘yicha ko‘rsatilayotgan tibbiy xizmatlar sifatini oshirish maqsadida xalqaro tajribaga asoslangan yangi tizim joriy etiladi. Bu haqda Adliya vazirligi ma’lum qildi.

Vazirlar Mahkamasining tegishli qaroriga muvofiq, 2025-yil 1-iyulgacha «Elektron sog‘liqni saqlash» axborot tizimida ushbu kasalliklarga chalingan bolalarni ro‘yxatga olish, tashxislash, davolash, dispanser kuzatuvi va yo‘naltirish jarayonlarini raqamlashtirish rejalashtirilgan.

Ushbu tizim orqali bemorlarning holati yagona elektron platforma orqali boshqariladi. Shuningdek, shifokor qabuliga masofadan yozilish va onlayn maslahatlar olish imkoniyatlari yaratiladi. 2025-yil yakuniga qadar mazkur loyiha doirasida sun’iy intellekt texnologiyalari ham joriy etilishi ko‘zda tutilgan.

Shu bilan birga, Bolalar onkologiyasi, gematologiyasi va immunologiyasi ilmiy-amaliy tibbiyot...