Yangiliklar

Farg‘ona shahridagi davlat bog‘chalarida bolalarning ommaviy zaharlanishi bilan bog‘liq holat yuz berdi. Bu haqda viloyat Sog‘liqni saqlash boshqarmasi xabar berdi.

21-fevral 2026 yil soat 19:00 dan boshlab Farg‘ona viloyati yuqumli kasalliklar shifoxonasiga shahar hududidagi 2‑sonli, 58‑sonli va 61‑sonli maktabgacha ta’lim tashkilotlari tarbiyalanuvchilari bir necha og‘riqli belgilar bilan murojaat qilgan.

Tibbiy ko‘rik natijasida bemorlarda qorin og‘rig‘i, ich ketishi, haroratni ko‘tarilishi va ko‘ngil aynishi kabi salbiy holatlar aniqlangan. Shifokorlar ularni ko‘rikdan o‘tkazib, «o‘tkir diareya kasalligi, alimentary etiologiyali» tashxisi bilan diareya bo‘limiga yotqizdi. Hozirda bo‘limda 62 nafar bemor statsionarda davolanmoqda va ularning holati barqaror.

Sanitariya-epidemiologik osoyishtalik va jamoat salomatligi boshqarmasi mutaxassislari...

Kia kompaniyasi Kia EV5 modelining yangilangan dizayn va tezkor zaryad funksiyasiga ega versiyasini sinovdan o‘tkazmoqda. Bu haqda ArenaEv ma’lum qildi.

Tashqi ko‘rinish va dizayn

Yangi Kia EV5 tashqi ko‘rinishi WKNDR konseptidan ilhomlangan. Old qismida Kia’ning yangi «uch tishli» fara dizayni mavjud, bamperlar kengaytirilgan va g‘ildiraklar «off-road» uslubida yangilangan.

Ichki salon va texnologiyalar

Ichki kabinada sezilarli o‘zgarishlar mavjud. Kia Pleos deb nomlangan yangi infotainment tizimi panelning ikki uchdan bir qismigacha cho‘zilgan katta ekranga ega. Instrument panel biroz pastroq joylashtirilgan, bu esa yo‘lni aniqroq ko‘rish imkonini beradi.

Elektr tizimi va zaryadlash imkoniyati

Yangilanishlardan biri elektr tizimida kutilmoqda...

Prezident raisligida o‘tgan yig‘ilishda yirik energetika loyihalarini jadallashtirish, elektr ta’minoti barqarorligini mustahkamlash va energiya tejamkorligini oshirish masalalari atroflicha ko‘rib chiqildi. Bu haqda prezident matbuot xizmati xabar berdi.

Hozirgi kunda mamlakatda umumiy generatsiya quvvati 25,8 ming megavattni tashkil etmoqda. Shundan qariyb uchdan bir qismi quyosh, shamol va gidro manbalariga to‘g‘ri keladi. 2026-yilda elektr ishlab chiqarishni 90 milliard kilovatt-soatga yetkazish reja qilingan.

Iqtisodiyot va sanoatda ishlab chiqarish hajmi ortib borayotgani sababli elektr iste’moli ham oshmoqda. Shu bois yangi quvvatlarni ishga tushirish, mavjud tarmoqlarni yangilash va investitsiya loyihalarini tezlashtirish ustuvor vazifa etib belgilandi.

Energetika sohasida umumiy qiymati $51 milliarddan ortiq 130 dan...

O‘zbekistonlik dasturchilar tomonidan ishlab chiqilgan Windrose o‘yini Steam platformasida foydalanuvchilar tomonidan bir million marta «istaklar ro‘yxati»ga qo‘shildi. Bu haqda DTF o‘yin portali xabar berdi.

Loyiha muallifi – O‘zbekistondagi Windrose Crew studiyasi. Ishlab chiquvchilar bunday yuqori qiziqish ular uchun katta voqea ekanini bildirib, o‘yin hamjamiyatiga minnatdorlik izhor qilgan.

Hozirda Steam’da o‘yinning bepul demo talqini mavjud bo‘lib, u foydalanuvchilardan juda ijobiy baholar olgan. Demo versiyada bir nechta syujetli topshiriqlar va tadqiq qilish mumkin bo‘lgan orollar taqdim etilgan.

Windrose’ning rasmiy chiqish sanasi hozircha e’lon qilinmagan. Biroq ishlab chiquvchilar 25-fevral kuni o‘yinning yangi treyleri namoyish etilishini ma’lum qilgan.

Ma’lumot uchun, loyiha o‘tgan yil...

Raqamli texnologiyalar vazirligi huzuridagi «O‘zbekkosmos» agentligi tomonidan 2028-yilda Samarqandda o‘tkazilishi rejalashtirilgan Xalqaro astronavtika kongressiga dunyoning yetakchi texnologiya va kosmik kompaniyalari rahbarlari, jumladan, Ilon Mask va Jeff Bezos taklif qilinadi. Bu haqda agentlik direktori o‘rinbosari Muhiddin Ibragimov O‘zbekiston 24 telekanaliga bergan intervyusida ma’lum qildi.

Ilon Mask va Jeff Bezos kosmik sanoatning yetakchi shaxslari bo‘lib, Mask SpaceX orqali, Bezos esa Blue Origin kompaniyasi orqali koinot tadqiqotlari va raketa texnologiyalarini rivojlantirish bilan shug‘ullanadi.

«Federatsiya rahbari ham bir qiziq gap aytgan edi, kongress janob Maskning tashrifiga sabab bo‘lishi mumkin, deb hazil qilgan edi. Hammaga taklifnomalar jo‘natamiz. Nafaqat janob...

Turkiya din ishlari idorasi huzuridagi «Diyonat» fondi Surxondaryo viloyatida yashovchi 900 ta ijtimoiy himoyaga muhtoj oilaga oziq-ovqat mahsulotlaridan iborat muruvvat yordamini ko‘rsatdi. Bu haqda «Dunyo» AA ma’lum qildi.

Xayriya tadbiri davomida Turkiyaning Toshkentdagi elchixonasi maslahatchisi Mahmut Turk O‘zbekistonda Ramazon oyi o‘ziga xos fayz va tarovat bilan o‘tayotganini alohida ta’kidladi. Uning qayd etishicha, mamlakatda Ramazon udumlari, oilaviy iftorliklar va Qur’on xatmlari keng nishonlanayotgani qardosh xalqlar o‘rtasidagi rishtalarni yanada mustahkamlashga xizmat qilmoqda.

Ta’kidlanishicha, «Vaqf» va «Diyonat» fondlari o‘rtasidagi hamkorlikni kelgusida boshqa hududlarda ham davom ettirish rejalashtirilgan.

Eslatib o‘tamiz, avvalroq O‘zbekiston ham G‘azoga yordam paketiga mablag‘ ajratgani haqida xabar...

Samsung’ning yangi Galaxy S26 Ultra qurilmaning S Pen’i yana Bluetooth funksiyasiz taqdim etiladi. Bu haqda GSMArena ma’lum qildi.

Internetda paydo bo‘lgan «hands-on» videoda stilus faqat oddiy yozish va boshqaruv vositasi sifatida ishlashi ko‘rsatilgan. Mazkur videoni YouTuber Sahil Karoul e’lon qilgan bo‘lib, u Galaxy S26 Ultra qurilmasini rasmiy taqdimotdan oldin qo‘lga kiritganini aytgan.

Avvalgi avlod Bluetooth’li S Pen’lar foydalanuvchilarga stilusni masofadan turib boshqaruv pulti sifatida ishlatish imkonini bergan. Ular yordamida kamera uchun masofaviy tugma vazifasini bajarish, galereyada suratlarni varaqlash yoki taqdimot slaydlarini boshqarish mumkin edi.

Ma’lumot uchun, o‘tgan yili Galaxy S25 Ultra modelida ham S Pen’dan Bluetooth olib tashlangani...

Bugun, 23-fevral kuni Shavkat Mirziyoyev qishloq xo‘jaligini zamonaviy texnikalar bilan ta’minlash va sohaga raqamli yechimlarni jadallik bilan joriy etish bo‘yicha taqdimot bilan tanishdi. Unda mexanizatsiya darajasini oshirish, mahalliy ishlab chiqarishni kengaytirish hamda moliyalashtirish tizimini soddalashtirish masalalari muhokama qilindi.

Hozirgi vaqtda qishloq xo‘jaligida mexanizatsiya darajasi 81 foizga yetgan. So‘nggi yillarda mingdan ortiq paxta terish mashinalari xarid qilinib, paxta terimida texnika ulushi 52 foizga chiqdi. Natijada qo‘l mehnati sezilarli darajada kamaydi. Endilikda bu ko‘rsatkichni kamida 70 foizga yetkazish rejalashtirilmoqda.

2026-yilda 800 ta paxta terish mashinasi, shuningdek, minglab traktor, seyalka va kombaynlar xarid qilinadi. Umuman, yil davomida 10 mingta yangi texnika olib...

HUAWEI Band 11 Pro brasletini, Honor esa Magic V6 va Robot Phone’ni taqdim etdi. Eng so‘nggi gadjetlar bilan Kursiv Uzbekistan’ning texnodayjestida tanishing.

Ushbu maqolada quyidagilar bilan tanishasiz:

— HUAWEI Band 11 Pro brasleti

— Honor Magic V6 va Robot Phone

— Motorola Edge 70 Fusion

— To‘q qizil rangli iPhone 18 Pro

— Apple uchun aloqani kuchaytiruvchi g‘ilof

HUAWEI Band 11 Pro brasleti

HUAWEI kompaniyasi o‘zining yangi Band 11 hamda Band 11 Pro aqlli brasletlarini rasman taqdim etdi. Ikkala qurilma ham o‘xshash texnik xususiyatlarga ega bo‘lib...

Chevrolet Onix 2026 modeli budjet sedan segmentida tejamkorlik va oddiy foydalanishga yo‘naltirilgan avtomobil sifatida taklif etiladi. U ixcham o‘lchamlar, past yonilg‘i sarfi va katta yukxona bilan kundalik foydalanish uchun mos variant hisoblanadi. You Tube’dagi No12 kanali modelning tashqi ko‘rinishini namoyish qildi.

Texnik xususiyatlar

Onix Plus kapoti ostida 1.0 litrli, 3 silindrli atmosferali flex dvigatel o‘rnatilgan. U etanolda 82 ot kuchi, benzinda esa 80 ot kuchi ishlab chiqaradi. Maksimal moment mos ravishda 10,6 va 10,2 kgf·mni tashkil etadi. Dvigatel 6 pog‘onali mexanik uzatma bilan ishlaydi, tortish esa old g‘ildiraklarga uzatiladi. Bunday kombinatsiya soddalik va arzon xizmat ko‘rsatish bilan ajralib...

iPhone 18 Pro seriyasi iyuldan ishlab chiqarilishi kutilmoqda. Bu haqda ta’minot zanjiridan olingan ma’lumotlarga asoslangan holda Mydrivers xabar berdi.

Apple’ning sentabr oyidagi taqdimoti kompaniya tarixidagi eng qiziqarli tadbirlardan biri bo‘lishi kutilmoqda. Unda kompaniya ilk bor buklanuvchi iPhone Fold modelini hamda yangi flagmanlar iPhone 18 Pro seriyasini taqdim etishi mumkin.

Ma’lumotlarga ko‘ra, yangi qurilmalar iyul oyida ommaviy ishlab chiqarishga chiqariladi. iPhone 18 Pro seriyasida dizaynda katta o‘zgarishlar bo‘lmasligi aytilmoqda. Biroq asosiy yangilik TSMC’ning 2 nanometrli texnologiyasi asosida yaratilgan A20 Pro protsessori bo‘ladi.

Avvalroq Bloomberg nashri jurnalisti Mark Gurman Apple iPhone 18 Pro va iPhone 18 Pro Max modellarini yangi to‘q...

O‘zbekiston mehnat bozorida bugun zumerlar, milleniallar, X avlodi va bebi-bumerlar bir jamoada ishlamoqda. HeadHunter (hh.uz) platformasi 600 dan ortiq ish beruvchi va ish izlovchi o‘rtasida so‘rov o‘tkazib, 2026-yilda turli yoshdagi jamoalar qanday ishlayotgani haqida ma’lumot to‘pladi.

So‘rov natijalariga ko‘ra, ishtirokchilarning 42 foizi X avlodiga mansub. Milleniallar 32 foizni, zumerlar 24 foizni tashkil etgan. Bebi-bumerlar esa atigi 2 foizni egallagan. Bu yosh mutaxassislar ulushi sezilarli darajada oshganini ko‘rsatadi.

Respondentlarning 48 foizi o‘z jamoasida 3-4 avlod vakillari ishlashini bildirgan. 29% jamoada, asosan, 2 avlod borligini aytgan. Faqat 15% respondent bir yosh toifasiga yaqin jamoada ishlashini ma’lum qilgan.

Jamoa muhitiga ta’sir masalasida 46% ishtirokchi...

Mashhur avtomexanik Ilya Sviridov Toyota Land Cruiser 300’ning 2026-yilgi yangilangan talqini haqida o‘z fikrlarini bildirdi. Uning aytishicha, model avtomobil sanoatidagi global o‘zgarishlarga qaramay, o‘z an’analariga sodiq qolgan.

Yangilangan modeldagi eng katta o‘zgarish klassik V8 dvigatel o‘rniga 415 ot kuchiga ega ikki turbinali V6 benzin dvigateli qo‘yilgani. Mutaxassisning so‘zlariga ko‘ra, dastlabki versiyalarda texnik nuqsonlar kuzatilgan, biroq 2026-yilga kelib bu muammolar bartaraf etilgan. Dvigatel yanada tezkor va chaqqon ishlaydi, ammo eski Toyota motorlari kabi million kilometrli resursga ega bo‘lmasligi mumkin.

Tashqi ko‘rinishda jiddiy o‘zgarishlar yo‘q. Salon esa to‘liq raqamli panel, yangilangan multimedia tizimi va navigatsiya bilan jihozlangan. Iqlim boshqaruvi va asosiy...

Qirg‘iziston prezidenti Sadir Japarov mamlakat xavfsizlik xizmati SSSR davridagi KGB darajasida bo‘lishi kerakligini qayd etdi. U kuch tizimlarida islohotlar haqida «Kabar» agentligiga bergan intervyusida ma’lum qildi.

Japarovning fikricha, xodimlar turli joylarda guvohnomasini ko‘rsatib yurishi xizmat nufuziga putur yetkazadi. Shu sababli bu holatlardan xulosa chiqarilishi zarurligi aytildi.

So‘nggi paytlarda ayrim xavfsizlik xizmati xodimlarining korrupsiya va qonunbuzarlikda gumon qilinib ushlangani haqida ham savol berildi. Prezident bu bo‘yicha tergov harakatlari olib borilayotganini, tafsilotlarni hozircha oshkor qilib bo‘lmasligini bildirgan.

Intervyuda tashkilot tarkibidan Chegara xizmati va Davlat qo‘riqlash xizmati ajratilgani ham tilga olindi. Unga ko‘ra, yaqin orada kuch tizimlarida keng qamrovli islohot boshlanadi. Xavfsizlik...

O‘zbekistonning uch hududida 5 ta quduqdan gaz chiqdi. Bu haqda «O‘zbekneftgaz» AJ matbuot kotibi ma’lum qildi.

Ma’lum bo‘lishicha, Qashqadaryo viloyatining Muborak tumanida joylashgan Yangi Kultak konida 5-son qidiruv hamda 10-son baholovchi ishlab chiqarish quduqlaridan sanoat ahamiyatiga ega gaz oqimi olindi. Burg‘ulash ishlari 3200 metr chuqurlikkacha olib borilgan. Hozirda har bir quduqdan kuniga taxminan 245 ming metr kub tabiiy gaz olinayotgani aniqlangan. Ajratib olinayotgan gaz Muborak neft va gaz qazib chiqarish boshqarmasiga yuborilmoqda.

Sho‘rtanda joylashgan Marvarid konidagi 4-son qidiruv qudug‘ida burg‘ulash 3400 metr chuqurlikkacha yetkazildi. Quduqda sinov ishlari o‘tkazilib, dastlabki hisob-kitoblarga ko‘ra kunlik 450 – 500 ming metr kub tabiiy...

23-fevral kuni Farg‘ona viloyatining Oltiariq tumanida joylashgan daraxt ko‘chatlari saqlash omborida yong‘in yuz berdi. Hodisa oqibatida qurbonlar va jarohatlanganlar yo‘q. Bu haqda Favqulodda vaziyatlar vazirligi xabar bermoqda.

Yong‘in haqidagi xabar «112» tizimiga soat 13:24 da kelib tushgan. Hodisa «Povirg‘on» mahalla fuqarolar yig‘inining Kampikoy ko‘chasidagi muzlatkichli omborda sodir bo‘lgan.

Voqea joyiga Farg‘ona viloyati FVBning 7 ta qutqaruv bo‘linmasi texnikasi jalb etilgan. Qutqaruvchilar manzilga soat 13:30 da yetib borib, yong‘inni soat 13:42 da qurshovga olgan.

Ko‘rilgan tezkor choralar natijasida yong‘in soat 14:20 da batamom o‘chirilgan. Hozircha yong‘inning kelib chiqish sabablari va ko‘rilgan moddiy zarar miqdori rasman ma’lum qilinmagan.

Avvalroq Kursiv Uzbekistan...

24-fevral uchun valyutalar kursi yangilandi. Unga ko‘ra, dollar 23,34 so‘mga oshib, 12 236,13 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

16-fevral kuni dollar 54,6 so‘mga tushib, 12 220,98 so‘mni, 17-fevral kuni esa 29,68 so‘mga tushib, 12 191,30 so‘mni, 18-fevral kuni 53,44 so‘mga tushib, 12 137,86 so‘mni tashkil qildi. 19-fevralga kelib dollar 12 132,48 so‘mga (-5,38), 20-fevral kuni esa 36,93 so‘mga oshib, 12 169,41 so‘mga yetdi. 23-fevral kuni dollar 43,38 so‘mga oshib, 12 212,79 so‘mni tashkil etdi.

Markaziy bank ma’lumotlariga ko‘ra, yevro 28,77 so‘mga oshib, 14 439,86 so‘mni, rubl 0,42 so‘mga pasayib...

Joriy yilning 27 va 30-mart kunlari Toshkentda bo‘lib o‘tadigan FIFA Series 2026 xalqaro turniri o‘yinlarining stadionlari hamda aniq vaqtlari tasdiqlandi. Bu haqda O‘zbekiston futbol assotsiatsiyasi matbuot xizmati xabar bermoqda.

Musobaqaning dastlabki uchrashuvlari 27-mart kuni o‘tkaziladi. Dastlab soat 15:00 da «Paxtakor» stadionida Venesuela hamda Trinidad va Tobago jamoalari maydonga tushadi. Shu kuni soat 19:00 da esa O‘zbekiston milliy terma jamoasi «Bunyodkor» stadionida Gabon bilan to‘qnash keladi.

Ikkinchi tur doirasidagi o‘yinlar 30-mart kuniga belgilangan. Soat 15:00 da yana «Paxtakor» o‘yingohida Gabon hamda Trinidad va Tobago terma jamoalari bahsi bo‘lib o‘tadi. O‘zbekiston terma jamoasi esa soat 19:00 da «Bunyodkor» stadionida Venesuela futbolchilariga...

Motorola kompaniyasining yangi Edge 70 Fusion smartfoni mart oyining birinchi yarmida bozorga chiqishi rejalashtirilmoqda. Telefon dunyoda birinchi bo‘lib o‘ziga xos Sony LYT-710 kamerasiga ega bo‘lishi tasdiqlandi.

Smartfon qalinligi atigi 7,99 mm bo‘lishiga qaramay, o‘zida 7000 mA/soat sig‘imli kremniy-uglerod batareya va 68 Vt tezkor quvvatlanish tizimini jamlagan. Qurilmaning orqa panelida optik barqarorlashtirish tizimiga ega 50 megapikselli asosiy kamera, old qismida esa 32 megapikselli selfi kamerasi o‘rnatilgan. Ishlab chiqaruvchining qayd etishicha, barcha kameralar 4K formatida video yozib olishni qo‘llab-quvvatlaydi.

Displey xususiyatlariga ko‘ra, telefon 1,5K ruxsatli va 144 Hz yangilanish chastotasiga ega to‘rt tomoni egilgan AMOLED ekran bilan jihozlanadi. Ekran yorqinligi...

Bloomberg nashri jurnalisti Mark Gurman xabariga ko‘ra, Apple iPhone 18 Pro va iPhone 18 Pro Max modellarini yangi rangda taqdim etishni ko‘rib chiqmoqda. Gap to‘q qizil, ya’ni «bordoviy» rang haqida bormoqda.

Ma’lumotlarga ko‘ra, kompaniya aynan to‘q qizil rang variantini sinovdan o‘tkazmoqda. Agar bu tasdiqlansa, Pro va Pro Max modellari ilk bor qizil rangga yaqin tusda chiqariladi. So‘nggi bor Apple qizil rangni iPhone 14 va iPhone 14 Plus modellarida taklif qilgan edi. Yangi rang esa yorqin qizildan ko‘ra, to‘q qizil tusiga yaqinroq bo‘lishi kutilmoqda.

Oldinroq iPhone 18 Pro uchun binafsha va jigarrang ranglar ham ko‘rib chiqilayotgani haqida xabarlar tarqalgan edi...

O‘zbekistonda atom stansiyasida vodorodli portlashdan himoya talablari muhokamaga qo‘yildi. Loyiha Vazirlar Mahkamasi huzuridagi Sanoat, radiatsiya va yadro zaxiralari qo‘mitasi tomonidan taqdim qilingan.

Yangi talablar VVER tipidagi reaktorlarga ega atom elektr stansiyalariga tatbiq etiladi. Hujjat atom stansiyalarini loyihalash, qurish va foydalanish qilish jarayonida germetik to‘siq bilan chegaralangan hajmlarda hosil bo‘lishi mumkin bo‘lgan vodorod saqlovchi aralashmalarning portlashi oldini olish va uning oqibatlarini yumshatishga qaratilgan.

Talablarga ko‘ra, foydalanish tashkiloti normal ish jarayonida hamda avariya holatlarida vodorod saqlovchi aralashmalar hosil bo‘lishining oldini olish choralarini ko‘rishi shart. Ayniqsa, deflagratsiya va detonatsiya xavfini kamaytirish uchun faol va passiv himoya tizimlari qo‘llanadi.

Hujjatda vodorod hosil bo‘lish...

BYD’ning yirik o‘lchamli BYD Denza B8 SUV modeli ANCAP xavfsizlik va to‘qnashuv sinovlarida maksimal 5 yulduz bahosini qo‘lga kiritdi. Bu haqda CarNewsChina nashri xabar bermoqda.

Model turli ssenariylarda yuqori darajadagi himoyani namoyish etgan. Xitoy bozorida ushbu avtomobil Fang Cheng Bao Leopard 8 (Bao 8) nomi bilan sotiladi.

Denza B8 Xitoyda 2024-yil noyabr oyida 379,8 ming yuan (taxminan $54 ming)dan boshlab sotuvga chiqqan. U 5,2 metr uzunlikdagi yo‘ltanlamas bo‘lib, 310 mmgacha klirensga ega. Xitoy versiyasida plug-in gibrid tizim umumiy 550 kVt (738 ot kuchi) quvvat ishlab chiqaradi. Model yaqinda Avstraliya bozorida ham 6 va 7 o‘rinli variantlarda buyurtma uchun ochildi.

Xorazm viloyatida aholiga ko‘rsatilayotgan jamoat transporti sifatini oshirish doirasida Urganch shahriga Xitoyda ishlab chiqarilgan 16 ta Asiastar rusumli avtobus olib kelindi. Bu haqda Transport vazirligi xabar berdi.

Mazkur harakatlar davlat rahbarining 2023-yil 16-fevraldagi PQ–59-sonli qarori ijrosini ta’minlash maqsadida amalga oshirilmoqda. Asiastar avtobuslari Urganch shahridagi «Opel-Trans» MChJ tomonidan xarid qilingan bo‘lib, ular brutto-shartnoma asosida yo‘nalishlarga joylashtiriladi.

Shuningdek, viloyatning boshqa hududlarida ham jamoat transporti parki yangilanmoqda. Xususan, Qo‘shko‘pir tumanidagi «Zargar Voha Trans» MChJ tomonidan 12 ta, Xonqa tumanidagi «Asil Javohir Bek» MChJ tomonidan esa 5 ta «Jac Sunray» rusumli mikroavtobus olib kelingan. Ushbu mikroavtobuslar shahar atrofi yo‘nalishli taksi yo‘nalishlari uchun ajratilgan...

Yangilangan Haval H3 2026 modeli 11-fevral kuni taqdim etilgan edi. «Avtonovosti dnya» xabariga ko‘ra, hozirda u Rossiyadagi dilerlik markazlarida paydo bo‘la boshladi.

2026-yilda ishlab chiqarilgan ilk avtomobillar allaqachon salonlarda namoyish etilmoqda. Biroq hozircha tanlov cheklangan. Dilerlar asosan to‘liq g‘ildirakdan tortish tizimiga ega versiyalarni qabul qilgan.

Asosiy e’tibor Tech+ 4WD komplektatsiyasiga qaratilgan. Ma’lumotlarga ko‘ra, hozir Tula zavodi aynan 4WD modifikatsiyasini ishlab chiqarmoqda. Shuning uchun sotuvda asosan shu variantlar bor. Avtomobillar qora, kulrang va terrakota ranglarda taklif etilmoqda.

Quyidagi ma’lumotlarni lotin o‘zbek alifbosida jadval ko‘rinishida berdim:

Old g‘ildirakdan tortish tizimiga ega va arzonroq versiyalar qachon sotuvga chiqishi hozircha ma’lum emas.

Eslatib...