Yangiliklar

AQSh Moliya vazirligi tasdiqlagan dastlabki tasvirlarga ko‘ra, 2026-yilda mamlakatning 250 yilligiga bag‘ishlangan 1 dollarlik yodgorlik tangasida prezident Donald Trampning portreti joylashtirilishi rejalashtirilmoqda. Bu haqda CNN agentligi ma’lum qildi.

Tanganing old tomonida Trampning yon profili, yuqorisida «Liberty», pastida esa «In God We Trust» yozuvi va «1776–2026» sanalari aks etgan. Orqa tomonida esa Pensilvaniyada sodir bo‘lgan suiqasdga urinishdan so‘ng Trampning musht ko‘targan mashhur tasviri joy olgan.

Biroq bu dizaynning amalda zarb etilishi hozircha noma’lum, chunki AQSh qonunlariga ko‘ra, tirik yoki yaqinda vafot etgan prezidentning tasvirini tanga yuzasida joylashtirish taqiqlanadi. Mutaxassislar loyihaning qonuniy jihatlari bo‘yicha bahs yuritmoqda.

AQSh G‘aznachiligi vakillari bu faqat...

Sirdaryo viloyati Xovos tumani hokimi o‘rinbosari va viloyat investitsiyalar, sanoat va savdo boshqarmasi mutaxassisi noqonuniy boylik orttirish maqsadida fermerdan pora olgani aniqlandi. Bu haqda DXX matbuot xizmati ma’lum qildi.

Ular fermer xo‘jaligini himoya qilish va yer taqsimotiga kiritish bahonasida jami $30 ming talab qilgan.

Davlat xavfsizlik xizmati va Prokuratura organlari tomonidan o‘tkazilgan tezkor tadbirda ular 10 ming dollarni olgan vaqtida qo‘lga olingan. Hozirda har ikki shaxsga nisbatan Jinoyat kodeksining 165-moddasi 3-qismi «a» bandi bilan ish qo‘zg‘atilib, qamoqqa olindi.

Shuningdek, Navoiy viloyati Karmana tumanida hokim yordamchisi ham pora olayotganda ushlandi. U tadbirkordan M-37 avtomobil yo‘li yoqasidagi yer maydonini rasmiylashtirib berish...

Shavkat Mirziyoyev 5-oktabr kuni Tojikiston prezidenti Emomali Rahmonni tug‘ilgan kuni bilan tabrikladi. Bu haqda prezident matbuot xizmati ma’lum qildi.

Suhbat chog‘ida davlat rahbari Rahmonga mustahkam sog‘lik, baxt va Tojikiston xalqiga farovonlik tiladi.

Mirziyoyev Tojikiston rahbarining mamlakat taraqqiyoti va xalqaro nufuzini oshirishdagi hissasini, shuningdek, O‘zbekiston bilan do‘stlik va ittifoqchilik aloqalarini mustahkamlashdagi rolini yuqori baholadi.

Suhbatda ikki davlat o‘rtasidagi savdo, sanoat, energetika, transport, qishloq xo‘jaligi va turizm sohalaridagi hamkorlikni yanada rivojlantirish masalalari muhokama qilindi.

Shuningdek, oliy darajadagi kelishuvlarni amalga oshirish va yangi amaliy hamkorlik yo‘nalishlarini belgilash muhimligi ta’kidlandi.

Tomonlar yaqin kunlarda o‘tkazilishi rejalashtirilgan ikki va ko‘p tomonlama uchrashuvlar kun tartibini ham...

Motorola kompaniyasi olti millimetrdan kam qalinlikdagi yangi model ustida ishlamoqda. Mashhur insayder Evan Blass qurilmaning ilk suratlarini e’lon qildi.

Yangi Motorola Edge 70 Xitoyda X70 Air nomi bilan chiqadi. Qurilma 50 megapikselli kamera (OIS bilan) va Dolby Atmos qo‘llab-quvvatlovchi stereodinamikalar bilan jihozlanishi kutilmoqda.

Modelning toifasi hali noma’lum — u yuqori darajadagi protsessorga ega bo‘lsa, iPhone Air va Galaxy S25 Edge bilan, aks holda Tecno Pova Slim bilan raqobatlashadi.

Eslatib o‘tamiz, avvalroq Motorola kompaniyasi yangi Moto G100 Pro modelini taqdim etgan edi.

5-oktabr kuni Xitoyda Xiaomi 17 smartfonining yangi versiyasi sotuvga chiqdi. Qurilma 16 GB tezkor xotira va 1 TB doimiy xotiraga ega bo‘lib, narxi $740ni tashkil etadi.

Avvalroq model uch xil konfiguratsiyada taqdim etilgan edi: 12/256 GB — 630 dollar, 12/512 GB — 675 dollar va 16/512 GB — 705 dollar. Yangi versiya ikki barobar ko‘p xotira taklif etib, atigi 35 dollarga qimmatroq.

Xiaomi 17 seriyasi Snapdragon 8 Elite Gen 5 chipiga ega birinchi smartfonlardan bo‘lib, 6,3 dyuymli ekran, 7000 mA·soat batareya va Leica kamerasi bilan jihozlangan. Bayram mavsumida seriya savdolari 20 foizdan oshdi, eng ko‘p sotilgan model esa Xiaomi...

Xitoyning eng muvaffaqiyatli avtomobil startaplaridan biri bo‘lgan Li Auto 2025-yilda og‘ir sinovlarga duch kelmoqda. Bu haqda «Китайские автомобили» nashri ma’lum qildi.

Kompaniyaning uchinchi chorak yakunlariga ko‘ra, atigi 93,2 ming avtomobil sotilib, bu o‘tgan yilgi natijalardan 64 foizga kam.

Mutaxassislar bu inqirozni bir necha omillar bilan izohlamoqda. Birinchidan, Xitoy avtomobil bozorida raqobat keskinlashdi. Aito, Deepal, Geely Galaxy, Denza kabi brendlar Li Auto modellari bilan raqobatlashadigan, arzonroq va texnologik jihatdan ilg‘or gibrid avtomobillarni taqdim etmoqda.

Ikkinchidan, kompaniya gibrid liniyani rivojlantirish o‘rniga elektr avtomobillarga e’tibor qaratdi. Biroq Li Auto’ning ilk elektr modeli Mega kutilgan natijani bermadi. Bu esa umumiy savdo hajmiga salbiy...

5-oktabr tongida bitkoin kursi tarixiy rekordni yangilanib, narxi $125 mingdan oshdi. Eng yuqori ko‘rsatkich $125,8 mingni tashkil etdi. Avvalgi rekord 2025-yil 14-avgustda qayd etilgan bo‘lib, o‘shanda bitkoin $124,47 minggacha ko‘tarilgan edi.

Ma’lumot uchun, Bitkoin dunyodagi eng yirik va eng taniqli kriptovalyuta bo‘lib qolmoqda. U blokcheyn texnologiyasi asosida ishlaydi va markazlashgan boshqaruv tizimiga ega emas. Tangalar soni cheklangan, ularning aksariyati allaqachon qazib olingan. Kriptovalyuta konsepsiyasini 2008-yilda Satoshi Nakamoto taxallusi ostidagi muallif taklif qilgan.

Telegram asoschisi Pavel Durov o‘zining hayot tarzini bitkoin investitsiyalari orqali moliyalashtirganini aytdi. Uning fikricha, BTC kelajakda $1 mln qiymatga yetishi mumkin.

Eslatib o‘tamiz, avvalroq Qozog‘iston ilk...

O‘zbekiston elchixonasi diplomatlari Turkiyaning Trabzon viloyati madaniyat va turizm boshqarmasi rahbari Tamer Erdog‘an bilan hamkorlik uchrashuvi o‘tkazdi. Bu haqda «Dunyo» AA ma’lum qildi.

Suhbat davomida ikki hudud o‘rtasida sayyohlik hamkorligini rivojlantirish va doimiy aviareyslarni yo‘lga qo‘yish masalalari muhokama qilindi.

Tamer Erdog‘an ma’lumotiga ko‘ra, 2025-yilda 10 mingdan ortiq o‘zbekistonlik sayyohlar Trabzonga tashrif buyurgan. Shu bilan birga, turk sayyohlarining ham O‘zbekistonga bo‘lgan qiziqishi ortib borayotgani qayd etildi.

Tomonlar o‘zaro hamkorlikni kuchaytirish maqsadida turkompaniyalar o‘rtasida aloqalarni faollashtirish hamda Trabzonda O‘zbekiston turizm salohiyatini targ‘ib etuvchi tadbirlar o‘tkazishni qo‘llab-quvvatladilar.

Shuningdek, 29 – 31-oktabr kunlari Trabzonda o‘tkaziladigan O‘zbekiston meva-sabzavot yarmarkasi va o‘zbek san’at ustalari konserti...

6-oktabr kuni Toshkent – Nukus – Toshkent yo‘nalishida qo‘shimcha HY011/HY012 reyslari amalga oshiriladi. Bu haqda Uzbekistan Airways matbuot xizmati ma’lum qildi.

Unga ko‘ra, samolyot Toshkentdan soat 10:00 da uchib, 11:40 da Nukusga yetib boradi. Qaytish reysi esa soat 19:00 da jo‘nab, 20:20 da Toshkentga qaytadi.

Barcha vaqtlar mahalliy vaqt bo‘yicha ko‘rsatilgan. Chiptalarni booking.uzairways.com sayti, mobil ilova, Uzbekistan Airways savdo ofislari yoki rasmiy agentlar orqali xarid qilish mumkin.

Eslatib o‘tamiz, avvalroq Etihad Airways O‘zbekistonga muntazam parvozlarni yo‘lga qo‘yishi haqida yozgan edik.

Yaponiyaning hukmron Liberal-demokratik partiyasi sobiq iqtisodiy xavfsizlik vaziri Sanae Takaichini yangi yetakchi etib sayladi. Bu haqda CNN ma’lum qildi.

Takaichi partiya ichki saylovlarida qishloq xo‘jaligi vaziri Sinjiro Koizumini mag‘lub etdi. U amaldagi bosh vazir Shigeru Ishibani almashtirib, saylovlardagi yirik yo‘qotishlardan so‘ng partiyaning obro‘sini tiklash vazifasini zimmasiga oldi.

Liberal-demokratik partiya hali ham parlamentdagi eng katta siyosiy kuch hisoblanadi, shuning uchun Takaichining bosh vazir lavozimini egallashi deyarli aniq. Muxolifat partiyalarining bo‘linganligi ham uning pozitsiyasini mustahkamlamoqda.

Takaichi iqtisodiy islohotlar, mudofaa tizimini kuchaytirish va inflyatsiyani jilovlash masalalariga e’tibor qaratishini aytdi. Shu bilan birga, u gender tengligi va siyosiy mablag‘lar bilan bog‘liq mojarolardan ham...

Amazon asoschisi Jeff Bezos yaqin 10 – 20 yil ichida kosmosda gigavatt quvvatga ega ma’lumot markazlari qurilishi mumkinligini aytdi. Bu haqda Reuters agentligi ma’lum qildi.

Unga ko‘ra, Quyosh energiyasining uzluksiz mavjudligi tufayli bunday markazlar Yerda joylashgan serverlardan samaraliroq bo‘ladi.

Bezos bu fikrlarini Italiyada o‘tkazilgan Italian Tech Week tadbirida bildirdi. U sun’iy intellekt rivojlanishini 2000-yillar boshidagi internet inqilobi bilan taqqoslab, texnologik «pufaklar» xavfiga qaramay, optimistik bo‘lishga chaqirdi.

So‘nggi yillarda orbital ma’lumot markazlari g‘oyasi texnologiya gigantlari orasida tobora ommalashmoqda. Yerda joylashgan markazlar ko‘p miqdorda elektr energiyasi va sovitish uchun suv talab qilgani sababli, kosmos bu borada muqobil yechim sifatida ko‘rilmoqda.

Bezosning...

Farg‘ona viloyati Davlat soliq boshqarmasining tadbirkorlikni qo‘llab-quvvatlash bo‘limi katta inspektori o‘z ukasiga tegishli yer maydonini rasmiylashtirib berish evaziga $30 ming pora talab etgan. Bu haqda DXX matbuot xizmati ma’lum qildi.

U 2023-yilda Farg‘ona tumanida elektron auksion orqali 30 yilga ijaraga berilgan 48 sotix qishloq xo‘jaligi yerini «tanishlari orqali» xaridor nomiga o‘tkazib berishni va’da qilgan.

Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari o‘tkazgan tezkor tadbirda inspektor pulni olayotganda ashyoviy dalillar bilan ushlandi.

Hozirda unga nisbatan Jinoyat kodeksining 25 va 168-moddalari 4-qismi «a» bandi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq DXX Buxoroda tadbirkorning...

O‘zbekistonda pensiya to‘lovlarida yangi tartib joriy etildi. Endilikda fuqarolarga pensiyalar naqd pulda berilayotganda shaxsni biometrik identifikatsiya, ya’ni Face-ID orqali tasdiqlash yo‘lga qo‘yildi.

Pensiya jamg‘armasi ma’lumotiga ko‘ra, tizim 2025-yil oktabr oyidan boshlab bosqichma-bosqich joriy qilinadi. To‘lov jarayonida nafaqat fuqaroning yuzi Face-ID orqali aniqlanadi, balki elektron imzo ham olinadi. Bu tartib pensiyalarni o‘z egasiga to‘liq va o‘z vaqtida yetkazishni kafolatlash uchun ishlab chiqilgan.

«Ushbu tizimni joriy etishdan koʻzlangan maqsad – pensiyalarni fuqarolarga toʻliq va oʻz vaqtida yetkazish. Endilikda toʻlov jarayonida boʻlishi mumkin boʻlgan Xalq banki tomonidan hisobotlarda «toʻlandi» deb hisobot berilib, amalda fuqaroga toʻlanmaslik yoki boshqa shaxslarga...

O‘zbekiston prezidenti Shavkat Mirziyoyev qisqa muddatli mehnat ta’tilidan qaytdi. Bu haqda davlat rahbari matbuot xizmati ma’lum qildi.

Prezident 29-sentabr kuni qisqa muddatli ta’tilga chiqqan edi. Bu yil Mirziyoyev uchun ikkinchi marta qisqa muddatli ta’til bo‘ldi. Yanvar oyida ham u bir necha kunlik dam olgandi.

Avvalroq Kursiv Uzbekistan prezident o‘qituvchi va murabbiylarni bayram bilan tabriklagani haqida xabar bergan edi.

Markaziy Osiyoda so‘nggi kunlarda dollar kursi turlicha o‘zgardi. Ba’zi mamlakatlarda milliy valyuta mustahkamlangan bo‘lsa, ayrimlarida dollar biroz kuchaygani kuzatildi. Bu jarayonlar mintaqaning umumiy iqtisodiy barqarorligi va tashqi bozorlardagi omillar bilan chambarchas bog‘liq. Kursiv Uzbekistan nashrining navbatdagi maqolasida dollar kursining Markaziy Osiyodagi o‘zgarishi haqida so‘z boradi.

Ushbu maqola orqali quyidagilarni bilib olasiz:

Dollarning O‘zbekistondagi o‘zgarishi;

Qozog‘istonda dollar;

Dollarning Qirg‘izistondagi o‘zgarishi;

Tojikistonda dollar;

O‘zbekiston

O‘zbekistonda sentabr oxiri va oktabr boshida dollar kursi asosan pasayish tendensiyasida davom etdi. 29-sentabr kuni AQSh valyutasi 61,04 so‘mga arzonlab, 12 138,67 so‘m qilib belgilandi. 30-sentabrda pasayish davom etdi...

Apple 2026-yilda arzon iPhone 17e modelini taqdim etishi kutilmoqda. Bu haqda qator manbalar xabar bermoqda.

MacRumors va Bloomberg ma’lumotlariga koʻra, kompaniya ushbu modelni 2026-yilning birinchi yarmida bozorga chiqarishni rejalashtirgan. iPhone 17e Appleʼning asosiy iPhone 17 seriyasiga kiradi va brendning eng hamyonbop varianti boʻlishi kutilmoqda. Narxi $599 atrofida belgilanishi mumkin. Bu esa oʻtgan yili chiqqan iPhone 16e modeliga teng.

Xabar berilishicha, yangi qurilma koʻrinishi jihatidan iPhone 16eʼga oʻxshash boʻladi. Unda 6,1 dyuymli Super Retina XDR OLED displey oʻrnatiladi. Ba’zi manbalar iPhone 17eʼda Dynamic Island dizayni paydo boʻlishi mumkinligini ham taxmin qilmoqda.

Smartfon flagman iPhone 17 bilan bir xil A19 chipida...

Yevropa parlamentining sanoat qoʻmitasi 16-oktabr kuni RePowerEU reglamentiga oʻzgartirishlar kiritish masalasini muhokama qilib, ovozga qoʻyishi kutilmoqda. Ushbu tashabbusning asosiy maqsadi Yevropa Ittifoqining Rossiya energiya manbalariga qaramligini keskin kamaytirishdir.

Bloomberg manbalarining yozishicha, agar taklif qabul qilinsa, 2026-yil yanvaridan boshlab Rossiya nefti va neft mahsulotlari Yevropa bozoriga umuman kiritilmaydi.

Shuningdek, 2027-yildan boshlab Rossiyadan gaz importi ham toʻliq toʻxtatilishi koʻzda tutilmoqda. Ilk reja boʻyicha Yevropa Ittifoqi Rossiya xomashyosidan 2027-yil oxirigacha bosqichma-bosqich voz kechishi kerak edi.

Taklifga koʻra, qisqa muddatli shartnomalar 2026-yil 15-iyungacha, uzoq muddatlilari esa 2027-yil 1-yanvargacha amalda qoladi. Shu bilan birga, agar Vengriya va Slovakiyaga «Drujba» quvuri orqali yetkazib berilayotgan Rossiya...

Oʻzbekiston futbol assotsiatsiyasi (OʻFA) terma jamoalar boʻlimining sobiq rahbari Sherzod Igamberdiyev oʻzining Instagram sahifasida keskin bayonot bilan chiqdi. U jamoani tark etish qarorini tushuntirar ekan, milliy terma jamoada yuz berayotgan voqealarni «sirk» deb atadi.

«Ishni tashlab ketish men uchun juda ogʻir va alamli qaror boʻldi. Ammo hozirgi sharoitda qolish mumkin emas edi. Biz bu jamoa bilan uzoq yoʻlni bosib oʻtdik. Futbolchilarimiz ham, futbol jamoatchiligi ham yaxshiroq munosabatga loyiq edi», deb yozdi Igamberdiyev.

Unga koʻra, jim qolib, mukofotlar, chet el safarlari va chiroyli suratlar evaziga rozi boʻlish mumkin edi. Biroq sobiq rahbar bunday yoʻlni tanlamaganini...

Falastinning Hamas harakati AQSh prezidenti Donald Tramp taklif etgan tinchlik rejasining ayrim shartlarini qabul qilib, G‘azodagi garovga olinganlarning barchasini ozod qilishga tayyor ekanini bildirdi.

Harakat bayonotida tirik qolgan garovdagilar va halok bo‘lganlarning jasadlari Tramp ilgari surgan «almashuv formulasi» bo‘yicha Isroil tomoniga topshirilishi qayd etilgan. Hamas, shuningdek, muzokaralarni vositachilar orqali zudlik bilan boshlashga hozirligini ta’kidladi.

Tramp Truth Social’dagi murojaatida bu tashabbusni olqishlab, Isroilni G‘azo sektorini bombardimon qilishni to‘xtatishga chaqirdi.

«Bu faqat G‘azo haqida emas, balki Yaqin Sharqda uzoq kutilgan tinchlik haqida», dedi AQSh prezidenti.

Isroil bosh vaziri Binyamin Netanyaxu idorasi Hamasning javobidan so‘ng Tramp...

FIFA 2026-yilgi Jahon chempionati uchun chiptalar narxini e’lon qildi va ular futbol tarixida rekord darajada qimmat boʻlishi aniq boʻldi.

The Athletic nashrining yozishicha, AQSh, Kanada va Meksikada oʻtkaziladigan mundialda oddiy muxlis uchun oʻyinlarni tomosha qilish ancha qimmatga tushadi.

Guruh bosqichi uchun uchinchi toifadagi eng arzon chipta $140 etib belgilangan. Shu bilan birga, Los-Anjeles, San-Fransisko va Nyu-Jersidagi stadionlarning eng yaxshi oʻrinlari $620 dan boshlanadi.

Chorak final uchrashuvlari uchun chiptalar $275 dan 1690 gacha, yarim final esa $420 dan 2780 gacha sotilmoqda. Uchinchi oʻrin uchun oʻyinga chipta narxi $165 – 1000 atrofida boʻladi.

Asosiy shov-shuv esa final bahsida kutilmoqda. «MetLife Stadium»da...

Oʻzbekiston Markaziy banki 2025-yil avgust oyida oltin zaxirasini ikki tonnaga koʻpaytirdi. Bu haqda Jahon oltin kengashi (WGC) hisobotida ma’lum qilindi.

Aniqlanishicha, mazkur oyda jahon boʻyicha markaziy banklar jami 15 tonna oltin xarid qilgan. Eng yirik xaridor Qozogʻiston boʻlib, sakkiz tonna oltin sotib oldi. Shuningdek, Bolgariya, Xitoy va Turkiya ham Oʻzbekiston kabi ikki tonnadan xarid qildi.

Hisobotda ta’kidlanishicha, oltin narxlari yil davomida bir necha bor tarixiy maksimumlarga chiqqani markaziy banklarning xarid hajmiga ta’sir qilishi mumkin. Ammo bu oltin bozoriga boʻlgan qiziqishning pasaygani degani emas.

«Xaridlarning sekinlashishi koʻproq taktik yondashuvning belgisi. Markaziy banklar oltindan voz kechmayapti», deyiladi...

Italiyalik murabbiy Fabio Kannavaro Oʻzbekiston milliy terma jamoasini boshqarishi deyarli aniq boʻldi. Yevropa matbuotida tarqalgan xabarlarga koʻra, 52 yoshli mutaxassisning yiliga oladigan maoshi murabbiylar shtabi xarajatlari bilan birga taxminan 4 million yevroni tashkil etadi.

Manbalarga koʻra, Kannavaro Oʻzbekiston futbol assotsiatsiyasi bilan dastlab bir yillik shartnomaga kelishgan. Agar Oʻzbekiston terma jamoasi 2026-yilgi Jahon chempionatida muvaffaqiyat qozonsa, kelishuv avtomatik tarzda uzaytirilishi kutilmoqda. Shu bilan birga, Italiya matbuotida Kannavaroning ukasi Paolo Kannavaro ham murabbiylar shtabiga qoʻshilishi mumkinligi ta’kidlanmoqda.

2006-yilda Jahon chempioni boʻlgan italiyalik murabbiy dastlab Italiya yoki boshqa Yevropa terma jamoasidan taklif kutgani sababli Markaziy Osiyo variantiga tezda rozi boʻlmagan. Biroq yakunda...

Markaziy bank ma’lumotlariga ko‘ra, so‘nggi besh kun ichida dollar kursida pasayish ustun bo‘ldi. Kursiv Uzbekistan nashri dollar kursining hafta davomidagi o‘zgarishi haqidagi navbatdagi maqolasini taqdim etadi.

29-sentabr kuni kurs 61,04 so‘mga arzonlashib, 12 138,67 so‘m qilib belgilangan. 30-sentabrda pasayish davom etdi va kurs 12 067,76 so‘mni tashkil qildi.

Oktabr boshida esa holat biroz o‘zgardi. 2-oktabr kuni dollar 16,34 so‘mga ko‘tarilib, 12 084,10 so‘m etib qayd etildi. 3-oktabrda ham o‘sish davom etdi va kurs 15,62 so‘mga oshib, 12 099,72 so‘mga teng bo‘ldi.

Yuqoridagi ma’lumotlardan ko‘rinib turibdiki, AQSh valyutasi umumiy hisobda 38,95 so‘mga pasaygan.

Dollarning o‘zgarishi

Dollar nega pasaymoqda?

Kursiv Uzbekistan 3-oktabrning muhim yangiliklarini bitta joyga jamladi.

3-oktabr kuni xorijiy valyutalarni qaysi banklarda qulay narxda almashtirish mumkin

Tijorat banklari 3-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

UzAirways Sankt-Peterburg yo‘nalishida aksiya e’lon qildi

Uzbekistan Airways 25-oktabrgacha Sankt-Peterburgga parvozlarda maxsus aksiya joriy etdi. Aksiya doirasida ekonom-klass yo‘lovchilari 32 kilogrammgacha yukni bepul tashish huquqiga ega bo‘ladi. Bu imkoniyat chiptaning sotib olingan sanasidan qat’i nazar, barcha reyslarga, jumladan, Siberia Airlines (S7) bilan Code-Share asosida rasmiylashtirilgan chiptalarga ham tatbiq etiladi.

Ilon Mask qatnashadigan Xalqaro astronavtika kongressi O‘zbekistonda o‘tkaziladi

Markaziy...