Yangiliklar

Prezident Shavkat Mirziyoyev raisligida oliygohlar bitiruvchilarini ishga joylashtirish bo‘yicha kengaytirilgan yig‘ilish o‘tkazilmoqda.

Yig‘ilishda oxirgi yetti yil ichida oliy ta’limga qabul 4,5 baravar oshib, qamrov 42 foizga yetgan bo‘lsa-da, kadrlar tayyorlash tizimi real ehtiyojlarga mos emasligi ta’kidlandi.

Masalan, yiliga 20 ming avtomobil ishlab chiqarayotgan BYD zavodida 100 ta bo‘sh ish o‘rni mavjud. Ularning to‘rtdan biri – robototexnika va bo‘yoqlash, robotlarni dasturlash bo‘yicha muhandislar.

Kadrlar yetishmagani sababli esa zavodga xorijdan 80 nafar mutaxassis jalb etilgan. Zavod 4-5 yil ichida to‘liq quvvatga o‘tib, yiliga 500 mingta avtomobil ishlab chiqara boshlasa, to‘rt ming nafar oliy malakali kadr talab etiladi.

Xitoyning Guangsi viloyatida BYD Song Plus elektromobili uch marta ketma-ket chaqmoq urishiga uchradi. Bu haqda CarNewsChina xabar bermoqda.

Hodisa Beihai shahridagi Tieshan servis hududida sodir bo‘ldi. Yon atrofdagi avtomobillarning videoregistratori voqeani qayd etdi. Chaqmoq mashina tomi ustiga kelib tushganda kuchli chaqnashlar ko‘ringan.

Haydovchi ichkarida xavfsiz qolgan. Mashinaning asosiy «uch elektr» tizimi – quvvat batareyasi, elektron boshqaruv va motor – butun holda saqlanib qoldi. Tekshiruvda tomda ikki zarba izi topildi, lekin boshqa qismlar zarar ko‘rmagan.

Mutaxassislar buni «Faraday qafasi» effekti bilan tushuntirdi. Chaqmoq urganida tok avtomobilning metall korpusi bo‘ylab yerga o‘tadi, ichkaridagi odamlar esa bir xil potensialda bo‘lgani uchun...

Yangi Tenet T7 krossoverining taqdimoti bo‘lib o‘tdi. Bu korxonaning qayta ishga tushirilganidan keyingi ikkinchi modeli bo‘lib, birinchi model Tenet T8 edi.

Aslida, Tenet T7 – bu Chery Tiggo 7 ning nomi o‘zgartirilgan versiyasi. U 1,6 litr hajmdagi 150 ot kuchiga ega turbomotor va 7 pog‘onali «robot» uzatma bilan jihozlangan. Modelda to‘liq uzatma mavjud emas, bu borada u Tenet T8 dan farq qiladi.

Avtomobil uzunligi 4,5 metr, g‘ildirak bazasi 2,67 metr. Salon faqat 5 o‘rindan iborat. Jihozlar qatorida ikki zonali iqlim-nazorat va kruiz-nazorat, old o‘rindiqlar elektr sozlamalari, «issiqlik opsiyalari» to‘plami (old oynani, yuvish purkagichlarini, rul va barcha o‘rindiqlarni isitish), atmosfera...

2025-yilning yanvar – iyul oylarida aholi xonadonlari, korxonalar va infratuzilma obyektlarida o‘rnatilgan quyosh panellari 875 million kVt/soat elektr energiyasi ishlab chiqardi, deya xabar berdi Energetika vazirligi.

1-avgust holatiga ko‘ra, bunday panellarning umumiy quvvati 1,6 ming megavatga yetdi. MVt. Ular O‘zbekiston bo‘ylab 130 mingta obyektga o‘rnatildi.

Xususan, 19,9 mingta ijtimoiy soha obyektlarida panellar quvvati 377 MVtni tashkil etdi. 71,8 mingta uy-joy uchastkalarida – 361 MVtdan ortiq. 2,1 mingta ko‘p qavatli uylarning tomlaridagi panellar – 27 MVt.

Kichik quyosh energetikasini rivojlantirishga biznes katta hissa qo‘shdi. 29,7 mingta tijorat obyektida umumiy quvvati 885 MVt bo‘lgan panellar o‘rnatildi (Taxiatosh IEM quvvatidan ko‘p).

Quyosh...

Toshkentda Shota Rustaveli ko‘chasida – Grand Mir mehmonxonasidan Bobur ko‘chasigacha bo‘lgan qismda olib borilayotgan qurilish ishlari tufayli avtobuslar harakati vaqtincha o‘zgardi.

Ayrim marshrutlar endi faqat bir tomonga harakatlanadi:

Shuningdek, ba’zi boshqa avtobus yo‘nalishlari ham o‘zgarishlarga uchradi:

8-avgust kuni O‘zbekiston prezidenti Shavkat Mirziyoyev Rossiya prezidenti Vladimir Putin bilan telefon orqali muloqot qildi. Suhbatda ikki tomonlama hamkorlik va xalqaro ahamiyatga ega dolzarb masalalar ko‘rib chiqildi.

Putin 6-avgust kuni Moskvada AQSh prezidentining maxsus vakili Stiven Uitkoff bilan o‘tkazilgan muzokaralarning asosiy natijalari haqida ma’lumot berdi.

Tomonlar O‘zbekiston – Rossiya keng qamrovli strategik sheriklik va ittifoqchilik munosabatlarini yanada rivojlantirishning amaliy jihatlarini muhokama qildi. Xususan, o‘zaro savdo va investitsiya hajmini oshirish, iqtisodiyotning ustuvor tarmoqlarida qo‘shma loyihalarni jadallashtirish, hududlar darajasida aloqalarni kengaytirish, ishbilarmonlik va gumanitar almashinuvlarni davom ettirish masalalariga alohida e’tibor qaratildi.

Shuningdek, ikki davlat yetakchilari bo‘lajak uchrashuv va tadbirlar rejasini ham...

Hindiston AQSh bojlari sabab Rossiya neftini xarid qilishni to‘xtatishi mumkin. Bu haqda Bloomberg xabar berdi.

Unga ko‘ra, Hindistonning neftni qayta ishlash zavodlari Rossiya neftini xarid qilishni kamaytirmoqda. Bu holat Vashingtonning Nyu-Dehliga bosimni kuchaytirib, keskin tariflar joriy etishidan so‘ng yuz bergan.

Indian Oil Corp., Bharat Petroleum Corp. va Hindustan Petroleum Corp. kabi kompaniyalar hukumatdan aniq ko‘rsatma bo‘lmaguncha, Rossiya neftini sotib olishni rejalashtirmayapti. Bu qaror oktabr oyida yuklanadigan neft partiyalari xaridiga ta’sir qilishi mumkin.

Shunga qaramay Nyu-Dehli hali rasmiy ravishda davlat zavodlariga Moskva neftini sotib olishni to‘xtatish bo‘yicha ko‘rsatma bermagan, hukumat Trampning tariflariga qarshi chiqmoqda.

Bundan tashqari, Rossiyaning g‘arbiy qismidan olinadigan...

Sogʻliqni saqlash vazirligi fuqarolarni ijtimoiy tarmoqlarda faoliyat yuritayotgan soxta tabiblarga aldanmaslikka chaqirdi.

Vazirlik xabarida aytilishicha, tegishli huquqqa ega boʻlmagan shaxslar tomonidan ruxsat etilmagan usullar bilan tashxis qoʻyish va davolash holatlari koʻpaymoqda.

«Xastaliklardan tez, oson, asoratsiz, muhimi, tabiiy usul bilan va uy sharoitida xalos boʻlishni istagan yurtdoshlarimiz «gʻayritabiiy qobiliyatlarga ega»ligini iddao qilayotgan, turli yoʻllar orqali odamlar ishonchiga kirib, hech qanday tasdiqlanmagan hamda tegishli sinovlardan oʻtmagan «xizmat»larni taklif etayotgan bunday kimsalarga aldanib qolmoqda», – deyiladi xabarda.

Vazirlikning ta’kidlashicha, bunday shaxslar tomonidan taklif etilayotgan usullar amaldagi milliy klinik protokollar va standartlarga zid boʻlib, ular sogʻliq va hayot uchun jiddiy xavf tugʻdiradi. Shuningdek...

Markaziy bank avgust oyi boshida O‘zbekistonning oltin-valyuta zaxiralari $48,7 mlrdga yetganini ma’lum qildi. Hisobot regulyatorning veb-saytida e’lon qilingan.

Oy davomida mamlakatning oltin-valyuta zaxiralari 0,4 foizga oshdi. Ushbu hajmning $8,4 milliarddan ortig‘i naqd valyuta va depozitlarga, $38,6 milliard esa qimmatbaho metallarga to‘g‘ri keldi. Shu bilan birga, troya unsiyalari hajmi avvalgi darajada qoldi – 11,7 mln.

Eslatib o‘tamiz, iyun oyida O‘zbekiston Markaziy banki to‘qqiz tonna qimmatbaho metall sotib olib, oltinning eng yirik xaridoriga aylangandi. Ilgari regulyator qimmatbaho metallarning faol sotuvchisi bo‘lgan.

Birinchi yarim yillikda O‘zbekiston oltinini xorijga yetkazib berish chorakka oshib, $4 milliardga yetdi.

Avvalroq Kursiv Uzbekistan O‘zRTXBda oltin...

Qirg‘iziston prezidenti Sadir Japarov «Ommaviy axborot vositalari to‘g‘risida»gi qonunni imzoladi. Hujjat 2025-yil 25-iyunda Jogorku Kenesh tomonidan qabul qilingan.

Qonunning maqsadi sifatida mustaqil, raqobatbardosh va mas’uliyatli ommaviy axborot vositalarini rivojlantirish uchun sharoit yaratish deya ko‘rsatilmoqda.

Asosiy bandlar:

Lynk & Co kompaniyasi 10 EM-P gibrid sedani 11-avgustdan oldindan buyurtmaga ochiladi. Model 200 ming yuan ($28 ming) bozor segmentiga mo‘ljallangan. Bu haqda CarNewsChina xabar bermoqda.

Barcha versiyalarda to‘liq yuritma va tomdagi lidar standart bo‘ladi.

Avtomobil G-Pilot H7 haydovchiga yordam berish tizimi bilan jihozlangan. Tizim Nvidia Drive Thor chipida ishlaydi va 700 TOPS hisoblash quvvatiga ega. Bu shahar va trassada avtomatik boshqaruv hamda xaritasiz parkovka funksiyasini ta’minlaydi.

Tashqi dizayn Next Day uslubida. Fastbek shakli, romsiz eshiklar, yashirin tutqichlar, H-shaklli old chiroqlar, nuqtali orqa chiroqlar va orqa qanot saqlangan. Ustunlar qora rangda bo‘lib, «suzuvchi tom» effektini beradi. Disklar 19 yoki...

TBC Uzbekistan 2025-yilning ikkinchi choragi va birinchi yarim yilligi uchun moliyaviy hisobotning xalqaro standartlari (MHXS) bo‘yicha moliyaviy natijalarini e’lon qildi.

Unga ko‘ra, kredit va depozit portfellarining sezilarli o‘sishi natijasida umumiy operatsion daromad o‘tgan yilga nisbatan 100 foizga oshib, 1,5 trln so‘mga yetdi. Sof foyda esa 30 foizga ko‘tarilib, 254 mlrd so‘mni tashkil etdi.

TBC Uzbekistan London fond birjasida ro‘yxatga olingan (listing) TBC Bank Group tarkibiga kiradi. Kompaniya joriy yilning dastlabki yarmida TBC Bank Group umumiy daromadining 21 foizini, sof foydaning esa sakkiz foizini ta’minladi.

Kredit va depozit portfeli ikki baravarga oshdi

2025-yil 30-iyun holatiga ko‘ra, kredit portfeli 11,4 trln so‘mga...

Samsung yangi flagman Samsung Galaxy S26 Edge ustida ishlamoqda. Yangi model hozirgi Galaxy S25 Edge’ga qaraganda yangiliklarga boy bo‘ladi.

Ice Universe ma’lumotiga ko‘ra, smartfon yangi Qualcomm protsessoriga ega bo‘ladi. Uning qalinligi 5,5 mm bo‘lib, batareya sig‘imi 4200 mA·soat bo‘ladi.

Taqqoslash uchun, Galaxy S25 Edge 5,8 mm qalinlikka va 3900 mA·soat batareyaga ega. Demak, Samsung bu safar korpusni yupqalashtirib, batareyani kattalashtirmoqda.

Eslatib o‘tamiz, Galaxy S26 Edge smartfoni haqida muhim tafsilotlarni e’lon qilinganini yozgan edik.

Ma’lumotlarga ko‘ra, Galaxy S26 Plus modeli chiqarilmaydi. Uning o‘rnini aynan Galaxy S26 Edge egallaydi. Samsung Galaxy S26 seriyasi 2026-yil boshida taqdim etilishi kutilmoqda.

Rossiyaning Yelabuga shahridagi Sollers zavodida Xitoyning JAC Refine RF8 modeliga asoslangan SP7 nomli yangi miniven ishlab chiqarilishi boshlandi. Mahsulot toʻliq ishlab chiqarish sikli asosida tayyorlanmoqda.

Mahalliylashtirish bosqichma-bosqich kengaytiriladi. Bu jarayonga avtomobilning elektron tizimlari, kuch agregatlari va boshqa komponentlar ham kiritiladi.

SP7 ikki xil versiyada taklif etiladi:

Avtomobil saloni shamollatish, oʻrindiqlarni isitish, massaj funksiyasi va ilgʻor elektronika bilan jihozlangan. Kapot ostida 237 ot kuchiga ega, 2,0 litrli turbomotor joylashgan. U 8 pogʻonali avtomatik uzatmalar qutisi bilan jihozlangan, yuritma esa oldingi gʻildiraklarga uzatiladi.

Narxlar va toʻliq komplektatsiyalar kuzda eʼlon qilinadi. Biroq...

AQSh prezidenti Donald Tramp 8-avgust kuni Oq uyda Ozarbayjon prezidenti Ilhom Aliyev va Armaniston bosh vaziri Nikol Pashinyanni qabul qiladi. Bu haqda uning o‘zi Truth Social tarmog‘ida ma’lum qildi.

Sammit doirasida ikki davlat o‘rtasida rasmiy tinchlik bitimi imzolanishi rejalashtirilgan. Trampning ta’kidlashicha, bu urush yillar davomida minglab insonlar hayotiga zomin bo‘lgan va ko‘plab xalqaro urinishlarga qaramay yakunlanmagan edi. Uning ma’lumotiga ko‘ra, AQSh ma’muriyati uzoq vaqt davomida har ikki tomon bilan muzokaralar olib borgan.

Tinchlik bitimi bilan bir qatorda AQSh har ikki davlat bilan ikki tomonlama iqtisodiy hamkorlik bo‘yicha kelishuv ham imzolaydi. Tramp bu jarayon Janubiy Kavkaz mintaqasining salohiyatini to‘liq...

iQOO kompaniyasi yangi IQOO Z10 Turbo+ smartfonini taqdim etdi. Bu haqda ITHome nashri xabar bermoqda. Qurilma kuchli MediaTek Dimensity 9400+ protsessori va 3,26 mln AnTuTu balli bilan ajralib turadi.

Smartfon LPDDR5X Ultra tezkor xotira va UFS 4.1 flesh xotiraga ega. Sovitish uchun 7000 mm² maydonli bug‘ kamerasi ishlatiladi.

OLED ekrani 6,78 dyuym, 1,5K aniqlik va 144 Hz yangilanish tezligiga ega. Yorqinligi 2000 nitgacha, pik yorqinligi esa 5500 nit.

Batareya sig‘imi 8000 mA·soat bo‘lib, iQOO seriyasidagi eng kattasi. 90 Vt tezkor quvvatlashni qo‘llab-quvvatlaydi. Vazni 212 g, qalinligi 8,16 mm. Asosiy kamera 50 MP bo‘lib, OIS stabilizatsiyasi mavjud.

Narxlar quyidagicha:

UEFA Konferensiyalar ligasi saralash bosqichi doirasida «Istanbul Bashakshehir» safarda Norvegiyaning «Viking» jamoasiga qarshi maydonga tushdi va 1:3 hisobida irodali g‘alabaga erishdi.

Uchrashuvning 2-daqiqasida Sander Svennsen mezbonlar hisobini ochdi. O‘zbekiston terma jamoasi sardori Eldor Shomurodov 58-daqiqada zaxiradan maydonga tushdi.

Oradan ikki daqiqa o‘tmay, Deniz Turyuch hisobni tenglashtirdi. 79-daqiqada Kristofer Operi «Bashakshehir»ni oldinga olib chiqdi, 90+4-daqiqada esa Deyvi Zelke so‘nggi nuqtani qo‘ydi – 1:3.

Turk klubi ikkinchi bo‘limda to‘liq tashabbusni qo‘lga olib, safarda muhim g‘alabani qo‘lga kiritdi. Javob uchrashuvi 13-avgust kuni Istanbulda bo‘lib o‘tadi.

Eslatib o‘tamiz, Kursiv Uzbekistan «Istanbul Bashakshehir» klubi Konferensiyalar ligasi saralashining navbatdagi bosqichiga yo‘l olgani haqida yozgan edi.

Samarqand shahri va Samarqand tumani inspektorlari 54 ta bodikamera bilan ta’minlandi. Bu haqda Energetika vazirligi xabar berdi.

Endi ularning iste’molchilar bilan muloqoti, o‘rganish ishlari va joylardagi faoliyat jarayonlarini yozib olinadi. Bu orqali elektr ta’minoti tizimida shaffoflikni ta’minlash hamda korrupsion holatlarning oldini olish maqsad qilingan.

Bundan tashqari, «Hududiy elektr tarmoqlari» AJ «Energosavdo» Samarqand filialida «E-dalolatnoma» rasmiylashtirish tizimi ishga tushirildi. Tuman va shahar elektr ta’minoti korxonalariga 158 dona planshet ajratildi. Endi inspektorlar dalolatnomalarni planshet orqali tuzib, tizimga kiritadi. Bu esa hujjatlarning hisobini yuritish va ijrosini ta’minlash imkonini beradi.

Bundan avval senator Toshkentdagi elektr uzilishlari bo‘yicha energetika vaziriga so‘rov yuborgani haqida...

Myunxenda o‘tgan o‘rtoqlik uchrashuvida «Bavariya» «Tottenhem»ni 4:0 hisobida mag‘lub etdi. Uchrashuvdagi birinchi gol 12-daqiqada sobiq «shporlar» hujumchisi Garri Keyn tomonidan kiritildi. U 16-daqiqada penaltidan hisobni oshirish imkoniyatini boy berdi – zarbasi darvoza ustidan ketdi.

Ikkinchi bo‘lim boshida Kingsli Koman hisobni 2:0 qildi. 17 yoshli Lennart Karl jarima maydonchasi tashqarisidan aniq zarba berib, uchinchi golni urdi. Yakuniy natijani esa Yona Kusi-Asare chiroyli zarba bilan o‘rnatdi.

«Bavariya» tarkibiga yozda «Liverpul»dan kelgan Luis Dias ilk bor asosiy tarkibda maydonga tushdi.

«Tottenhem» 13-avgust kuni Yevropa superkubogida «PSJ»ga qarshi o‘ynaydi. Premer-ligadagi ilk uchrashuv esa 16-avgust kuni «Byornli»ga qarshi bo‘lib o‘tadi. «Bavariya» esa Germaniya Superkubogi oldidan...

Fit Service avtoxizmatlar tarmog‘ining mintaqaviy texnologi Konstantin Yershov yozda avtomobil ishga tushmasligining asosiy sabablarini va ularni mustaqil bartaraf etish usullarini tushuntirdi.

1. Akkumulyator muammosi

Dastlab akkumulyatorni tekshiring. Multimetr yordamida kuchlanishni o‘lchang: me’yor – 12,6 V. Agar ko‘rsatkich 12,0–12,2 V bo‘lsa, batareya zaryadi kamaygan. 12 V dan past bo‘lsa, bu kritik holat. Shuningdek, klemmalarni ham tekshiring: ular toza va mahkam bo‘lishi kerak. Kuchlanish past bo‘lsa, akkumulyatorni zaryadlash yoki almashtirish kerak bo‘ladi.

2. Nosoz starter

Agar akkumulyator normal holatda bo‘lsa, lekin kalitni burashda shiqillagan tovush eshitilayotgan bo‘lsa, demak, muammo starterda. Qarsillashlar rele ishlayotganini ko‘rsatmoqda, lekin starter tiqilib qolgan...

Kambodja bosh vaziri Hun Manet AQSh prezidenti Donald Trampni Nobel mukofotiga nomzod sifatida ko‘rsatdi. Bu haqda CNN axborot agentligi ma’lum qildi.

U Trampning Kambodja va Tailand o‘rtasidagi chegara mojarosini to‘xtatishdagi «favqulodda diplomatik mahoratini» e’tirof etdi.

Manetning aytishicha, 26-iyul kuni Tramp ikki davlat rahbarlari bilan telefon orqali muloqot qilib, so‘nggi yillarda eng og‘ir to‘qnashuvlardan biriga chek qo‘yishga yordam bergan. Bu muzokaralar 28-iyulda Malayziyada sulh bitimiga olib kelgan. Mojaro davomida 43 kishi halok bo‘lib, 300 mingdan ziyod odamlar uyini tark etishga majbur bo‘lgan.

Kambodja vitse-prezidenti o‘tgan hafta bu reja haqida aytgan va Trampga AQShning Kambodja importiga soliqni 49 foizdan 19 foizga...

«Milliy tiklanish» partiyasi rahbari Alisher Qodirov O‘zbekistonning dunyoviy davlat sifatidagi tamoyillarini izohlab, bu tizim har bir fuqaroning tanlovini hurmat qilishga asoslanishini ta’kidladi.

Uning so‘zlariga ko‘ra, dunyoviy davlatda ko‘pchilik saylagan parlament va prezident tomonidan qabul qilingan qonunlarga amal qilgan holda, odamlar xohlagancha yashashi mumkin.

Qodirov fikricha, mamlakatda barcha millat va dunyoqarash vakillarining qonun doirasida emin-erkin farovonlikka intilishi uchun sharoit yaratilgan va hech kim kamsitilmasligi kafolatlangan.

«Agar biron vatandosh pivo ichmoqchi bo‘lsa, ichadi, bu uning tanlovi, ichmaydigan vatandosh ichmaydi va buning sababini har ikki toifa hech kimga izoh berishga majbur emas», – dedi u.

U...

8-avgust kuni soat 08:58 da O‘zbekiston hududida zilzila qayd etildi. Seysmoprognostik monitoring Respublika markazi ma’lumotiga ko‘ra, yer silkinishining magnitudasi 4,2 bo‘lib, chuqurligi 15 km.ni tashkil etdi.

Episentr Andijon viloyatining Marhamat tumanida bo‘lib, bu yerda zilzila 4 ball kuchida sezildi. Andijon viloyatining boshqa hududlarida 3 ballgacha, Farg‘ona viloyatida 2-3 ball, Namangan viloyatida esa 2 ball kuchida sezilgan.

Toshkentdan episentr 268 km janubiy-sharqda joylashgan.

Avvalroq Kursiv Uzbekistan Kamchatkada 8,7 magnitudali zilzila yuz bergani haqida xabar bergan edi.

O‘zbekiston milliy tashuvchilari ilk bor Xitoyning ichki hududlaridan katta hajmli va og‘ir vaznli yuklarni avtomobil transportida bevosita tashishni yo‘lga qo‘ydi. Bu haqda Transport vazirligi ma’lum qildi.

Har birining og‘irligi 270 tonnadan ortiq bo‘lgan maxsus yuk modullari Surxondaryoda qurilayotgan issiqlik elektr stansiyasi uchun mo‘ljallangan.

Bunday nostandart yuklar – sanoat uskunalari, metall konstruksiyalar va energetika qurilmalari – qismlarga ajratib bo‘lmaydigan yirik texnikalardan iborat bo‘lib, ular maxsus transport vositalarida va tegishli ruxsatnomalar asosida yetkazilmoqda.

Eslatib o‘tamiz, avvalroq vazirlik O‘zbekiston va Indoneziya o‘rtasidagi haftalik aviaqatnovlar soni 56 taga yetkazilishi haqida xabar bergan edi.