Yangiliklar

Prezident kreditorlarning garov bilan ta’minlangan talablarini qondirish tartibini soddalashtirish va huquqiy asoslarini kuchaytirishga qaratilgan qonunni imzoladi. Bu haqda Markaziy bank rasmiy sahifasida ma’lum qilindi.

Unga ko‘ra, qonun kreditorlarning garovdagi mulkka nisbatan ustuvor huquqlarini kafolatlash, suddan tashqari undiruv jarayonlarini soddalashtirish va amaliyotdagi muhim huquqiy bo‘shliqlarni bartaraf etishni maqsad qiladi. Jumladan, endi kredit qarzi garov qiymatining 15%idan kam bo‘lsa va qarz kechikishi 3 oydan oshmasa, undiruv garovga qaratilmaydi.

Shuningdek, tomonlar roziligi mavjud bo‘lsa, garovdagi mulkni sotish uchun sud orqali murojaat etish talab qilinmaydi. Mulkni auksionga chiqarishda esa uning bozor qiymati hisobga olinadi, bu esa ortiqcha sud xarajatlari va ovora bo‘lishlarni kamaytiradi.

Yevropa kosmik agentligi (ESA) tarixdagi eng aniq Quyosh suratini taqdim etdi. 12544 x 12544 piksel o‘lchamdagi bu ulkan tasvir Solar Orbiter zondining EUI asbobi yordamida, Quyoshdan 77,8 mln km uzoqlikda olingan 200 ta suratdan yig‘ildi, deya xabar beradi agentlik.

Ultrabinafsha diapazonda olingan rasmda Quyosh atmosferasining murakkab tuzilmalari – million darajali korona, protuberanslar, tolalar va faollik zonalari aniq ko‘rinadi. Bu surat ilm-fan uchun ham katta ahamiyatga ega bo‘lib, Quyosh koronasi isishi, plazma harakati va magnit maydonlarning ta’sirini o‘rganishga yordam beradi.

Ma’lumot uchun, Solar Orbiter ESA va NASAning qo‘shma loyihasi bo‘lib, u Quyoshni chuqur o‘rganish maqsadida 2020-yilda ishga tushirilgan. Yangi suratlar...

Migratsiya agentligi o‘zbekistonlik tikuvchi, modelchi va mijozlar vakillari uchun Turkiya davlatida ish o‘rinlarini taklif etmoqda. Bu haqda agentlik rasmiy sahifasida ma’lum qilindi.

Unga ko‘ra, 205 ta bo‘sh ish o‘rni mavjud bo‘lib, ish haqi $647 – $820 ni (24 850 – 31 500 lira) tashkil etadi. Nomzodlarda Turkiyadan O‘zbekistonga qaytish uchun aviabilet, ishlash uchun ruxsatnoma xarajatlari, yotoqxona, bir mahal ovqatlanish, kasbga yo‘naltirish, ichki transport va sug‘urta kabi imtiyozlar beriladi.

Nomzod hisobidan esa O‘zbekistondan Turkiyaga borish uchun aviachipta va ishchi vizasi xarajatlari qoplanadi.

Ishga qabul qilinadigan nomzodlar 25-yoshdan 50-yoshgacha bo‘lishi, O‘zbekistondan chiqishga yoki Turkiyaga kirishga taqiqi bo‘lmasligi, sohada kamida bir yillik tajribaga...

WBGMeetings va IMFMeetings doirasida Vashingtonda o‘tkazilayotgan uchrashuvlar chog‘ida O‘zbekiston bosh vazir o‘rinbosari, Iqtisodiyot va moliya vaziri Jamshid Qo‘chqorov va Islom taraqqiyot banki (ITB) prezidenti doktor Muhammad Al Jasser onkologiya xizmatlarini rivojlantirish loyihasining II bosqichi uchun qo‘shimcha moliyalashtirish bitimini imzoladilar.

Yangi kelishuv doirasida ITB tomonidan ajratilgan mablag‘ miqdori $90 mlnga yetkazilib, ushbu bosqich uchun qo‘shimcha $10 mln ajratilishi nazarda tutilgan.

Loyiha O‘zbekistonning 16 ta hududida onkologik xizmatlarni takomillashtirish, tashxis qo‘yish imkoniyatlarini kengaytirish, zamonaviy tibbiy infratuzilmani yaratish hamda sifatli davolash xizmatlaridan foydalanish imkonini oshirishga qaratilgan.

Avvalroq Kursiv Uzbekistan ITB O‘zbekistonda 58 ta maktab qurishga yordam berishi haqida xabar bergan

Tesla AQShda sinov rejimidagi xodimlar uchun robotaksi xizmatini ishga tushirdi. Bu haqda X’dagi Tesla AI akkauntida xabar berildi.

Tesla Ostin va San-Fransisko ko‘rfazi hududida robotaksini ishga tushirganini e’lon qildi. Ayni paytda avtonom taksini faqat korporatsiya xodimlari sinovdan o‘tkazishi mumkin. Sayohat vaqtida mashina rulida operator ham bo‘ladi.

Tesla postga xizmatni amalda ko‘rsatuvchi bir daqiqalik videoni ilova qilgan. endi mijozlar ilova orqali taksi chaqirishi va uning eshiklarini ochishi mumkin. Sayohat boshlanishidan oldin avtomobil displey orqali yo‘lovchilarga xavfsizlik kamarlarini bog‘lashni taklif qiladi. Mijozlar sensorli ekran orqali marshrutini sozlashi va favqulodda to‘xtashini amalga oshirishi mumkin.

Robotaksi shu kungacha 24 ming kilometrdan ortiq masofani...

Shanxay avtosalonida yangilangan Voyah Free+ gibrid krossoveri taqdim qilindi. Bu haqda Autohome nashri ma’lum qildi.

Model endi Huawei ADS 4 tizimi yordamida 3-darajali avtonom haydash imkoniyatiga ega bo‘lib, bu uni o‘z segmentida eng ilg‘or texnologiyalardan biriga aylantiradi. Tomga o‘rnatilgan lidar yordamida avtomobil avtomagistralda mustaqil harakat, qator o‘zgartirish, xavfsiz masofani saqlash va favqulodda tormozlash funksiyalarini bajara oladi.

Dizayn ham yangilangan: yangi faralar, bamperlar, kapot va qanotlar bilan avtomobil yanada zamonaviy ko‘rinishga ega bo‘ldi. Klirens 15 mm ga oshib, murakkab yo‘llarda harakatchanlikni yaxshiladi. Yangi o‘lchamlar: 4915 × 1960 × 1660 mm, g‘ildirak bazasi esa 2960 mm bo‘lib qolgan.

Texnik jihatdan avtomobil...

Oʻzbekistonda Jahon bankining moliyaviy xizmatlar isteʼmolchilari huquqlarini himoya qilish tizimini takomillashtirishga qaratilgan texnik koʻmak missiyasi ish boshladi. Bu haqda Markaziy bank matbuot xizmati xabar berdi.

Maʼlum qilinishicha, missiya doirasida 2025–2026-yillarga moʻljallangan moliyaviy qonunchilik islohotlarini muhokama qilish, shuningdek, moliyaviy xizmatlar mijozi boʻlgan fuqarolar uchun aniq ijobiy natijalarga erishishni maqsad qilgan yangi tartibga solish konsepsiyasini ishlab chiqish koʻzda tutilgan.

Shu bilan birga, Jahon banki ekspertlari tomonidan tayyorlangan ikki muhim hujjat — moliyaviy xizmatlar isteʼmolchilarining huquqlarini himoya qilish konsepsiyasi va moliyaviy bozorni monitoring qilish boʻyicha qoʻllanma muhokama etiladi. Mazkur hujjatlar Buyuk Britaniya va Kanada kabi rivojlangan mamlakatlarning ilgʻor tajribasiga asoslangan.

Ushbu tashabbuslar...

O‘zbekiston valyuta birjasi ma’lumotlariga ko‘ra, 25-aprel kuni dollarning o‘rtacha kursi 12 957,14 so‘mni tashkil etib, oldingi kun bilan solishtirganda 29,97 so‘mga oshdi.

24-aprel kuni esa o‘rtacha kurs 12 927,17 so‘m bo‘lib, 36,74 so‘mga oshgan edi.

Dollar kursi ushbu haftani keskin pasayishdan so‘ng, ko‘tarilish bilan yakunlamoqda: 23-aprel kuni o‘rtacha kurs 12 890,43 so‘m bo‘lib, 11,47 so‘mga oshdi. 22-aprel kuni esa 12 878,96 so‘mga tushib, 30,68 so‘mga pasaydi. 21-aprel kuni esa 12 909,64 so‘mni tashkil etib, 28,56 so‘mga tushgan.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra, 28-aprel kuni yevro 15,11 soʻmga tushib, 14 702,47 soʻmga yetdi. Rossiya rubli...

Nyu-York avtosalonida Kia EV4 elektromobili taqdim etildi. Bu haqda 32cars nashri xabar bermoqda.

Kia EV4 E-GMP platformasida ishlab chiqilgan bo‘lib, 201 ot kuchiga ega elektr motor bilan jihozlangan. Model uch xil variantda taqdim etiladi: Light, Wind va GT-Line.

Asosiy Light versiyasi 58,3 kVt/soat sig‘imli batareyaga ega bo‘lib, bir quvvatlanishda 378 km masofani bosib o‘ta oladi. Wind va GT-Line versiyalarida esa 81,4 kVt/soat quvvatga ega akkumulyator o‘rnatilgan bo‘lib, ular 531 kmgacha yurish imkonini beradi.

O‘lchamlari jihatidan Kia EV4 benzinli Kia K4 modeliga yaqin. Shahar sharoitida elektromobil izlayotganlar uchun EV4 amaliy va zamonaviy tanlov hisoblanadi. Modelning boshlang‘ich narxi $37 mingni tashkil...

Malayziyaning yirik aviakompaniyalaridan biri AirAsia X Toshkentga parvozlarni yo‘lga qo‘yadi. Uzbekistan Airports bu borada aviakompaniya bilan muzokaralar olib bormoqda.

Mazkur uchrashuv 2024-yil Routes Asia aviatsiya forumida boshlangan muzokaralarning mantiqiy davomi bo‘ldi. Unga ko‘ra, oktabr oyidan Kuala-Lumpur — Toshkent yo‘nalishi bo‘yicha haftasiga uch marta, Airbus A320/321 samolyotlarida muntazam qatnovlar tashkil etilishi mumkin.

Shuningdek, Toshkent orqali boshqa davlatlarga yo‘lovchi tashishni ham rejalashtirmoqda. AirAsia X shu yilning fevral oyida O‘zbekistonga muntazam parvozlarni amalga oshirish uchun ruxsat olgandi.

Ma’lumot uchun, AirAsia — Malayziyaning eng yirik budjet aviakompaniyasi bo‘lib, u 25 mamlakatga 400 dan ortiq yo‘nalishlar bo‘yicha ichki va xalqaro reyslarni amalga oshiradi...

Xiaomi kompaniyasi Redmi Turbo 4 Pro smartfonini rasman taqdim etgan edi. Qurilmaning videolari ijtimoiy tarmoqlarda sizib chiqdi.

Smartfonning texnik xususiyatlari quyidagicha:

Bu smartfon hali O’zbekistonga yetib kelgani yo’q. Kursiv Uzbekistan rasmiy sotuvlar va narxlar haqida keyingi yangiliklarda e’lon qiladi.

Avvalroq Kursiv Uzbekistan Xiaomi Redmi Turbo 4 Pro smartfoni taqdim etilgani haqida xabar bergan edi.

Samsung o‘zining yangi yupqa Galaxy S25 Edge smartfoni narxini muddatidan oldin ma’lum qildi. Narxlar haqidagi ma’lumot kompaniya rasmiy saytining Kanadaga tegishli oynasida e’lon qilingan.

Narxlar haqidagi dastlabki ma’lumotlar bilan quyidagi jadvalda tanishish mumkin.

Eslatib o‘tamiz, Kursiv Uzbekistan nashri Samsung One UI 7.0 yangilanishi 16 ta Galaxy qurilmasi uchun chiqarilgani haqida yozgan edi.

Dubay shahrida O‘zbekiston fuqarolari ishtirokida pichoqbozlik yuz bergan. Ushbu vaziyat yuzasidan aniqlik kiritish maqsadida O‘zbekiston diplomatlari Dubay jinoyat qidiruv boshqarmasi rahbariyati bilan uchrashuv o‘tkazdi.

Uchrashuvda BAA tomoni mazkur holat bo‘yicha tergov ishlari olib borilayotganini ma’lum qildi. Ayni paytda 15 nafar O‘zbekiston fuqarosi ushbu ish doirasida qo‘lga olingan.

Shuningdek, BAA vakillari so‘nggi vaqtlarda O‘zbekiston fuqarolari tomonidan qonunbuzarlik holatlarining ortib borayotgani ikki davlat o‘rtasida amal qilayotgan vizasiz rejimga salbiy ta’sir ko‘rsatishi mumkinligini ta’kidladi.

Tashqi ishlar vazirligi fuqarolarni xorijda O‘zbekiston sha’ni va obro‘siga putur yetkazuvchi harakatlarni amalga oshirmaslikka chaqirdi.

Avvalroq «Kursiv» o‘zbekistonliklar Turkiyadagi soxta ish takliflaridan ogohlantirilgani haqida yozgandi.

Sony kompaniyasi 2025-yil 22-aprel kuni yangi Sony FE 50-150 mm F2 GM telefoto zum obyektivini taqdim etdi. Bu haqda Gizmochina nashri xabar bermoqda.

Ushbu obyektiv Sony’ning G Master seriyasiga mansub bo‘lib, 35 mm to‘liq kadrli (full-frame) Alpha kameralar uchun mo‘ljallangan. U butun zum oralig‘ida doimiy f/2 diafragma bilan ishlaydi, bu esa uni portret, to‘y, sport va video suratga olish uchun imkoniyatlarni taqdim etadi.

Asosiy xususiyatlar:

Sony FE 50-150mm F2 GM obyektivi 2025-yil may oyida sotuvga chiqarilishi rejalashtirilgan bo‘lib, uning narxi taxminan 4,4 ming yevro atrofida bo‘ladi.

Eslatib o‘tamiz, Kursiv Uzbekistan nashri Sony Pictures «The Karate Kid: Fusion» filmi taqdim...

Korrupsiyaga qarshi kurashish agentligi 2024-yil yakunlari boʻyicha davlat organlari va tashkilotlarining ochiqlik darajasini aks ettiruvchi ochiqlik indeksi natijalarini eʼlon qildi.

Baholash natijalariga koʻra, Olmaliq kon-metallurgiya kombinati (OKMK) 91,8 ball bilan reytingda yetakchilik qildi va eng ochiq tashkilot sifatida tan olindi. Undan keyingi oʻrinlarni Davlat soliq qoʻmitasi hamda «Oʻzavtosanoat» AJ egalladi.

Bu yilgi baholashda jami 98 ta davlat va xoʻjalik boshqaruvi organlari hamda mahalliy ijroiya hokimiyatlari faoliyati oʻrganildi. Indeks 8 ta indikator va 84 ta mezon asosida shakllantirildi.

Reyting natijalari quyidagicha:

Xitoyning CATL kompaniyasi elektromobillar sohasida yana bir inqilobiy texnologiyani e’lon qildi. Shanxayda bo‘lib o‘tgan taqdimotda kompaniya 1500 km gacha masofa bosib o‘tishga qodir Freevoy Dual-Power tizimi, Shenxing akkumulyatorining yangi avlodi va natriy-ionli Naxtra batareyasini tanishtirdi. Bu haqda CarNewsChina nashri ma’lum qildi.

Freevoy energiya tizimi

Freevoy ikki tomonlama energiya tizimi — taqdimotning asosiy e’tibor markazida bo‘ldi. U ikkita mustaqil energiya blokidan iborat bo‘lib, biri kunlik foydalanish uchun, ikkinchisi esa uzoq safarlar uchun xizmat qiladi. NCM va LFP texnologiyalarini birlashtirgan tizim CATL’ning «o‘z-o‘zini hosil qiluvchi anod» texnologiyasi bilan jihozlangan bo‘lib, energiya zichligini 60% oshirishi kutilmoqda. Tizim 3 va 4 darajali avtonom...

Saudiya Arabistoniga noqonuniy turfirmalar orqali Umra safariga jo‘nab ketgan 580 nafar o‘zbekistonlik charter reyslar orqali ortga qaytarildi. Bu haqda «O‘zbekiston 24» telekanali ma’lum qildi.

Xabarga ko‘ra, ziyoratchilar safar davomida og‘ir sharoitlarga duch kelgan. Tashkilotchilar o‘z majburiyatlarini bajarmagani oqibatida fuqarolar oziq-ovqat, boshpana va zarur yordamsiz qolgan.

Jabrlanuvchilarning aytishicha, bir necha kishi bitta xonaga joylashtirilgan, ellikboshi tayinlanmagan va va’da qilingan Madina safari tashkil etilmagan. Ba’zi holatlarda esa odamlar joy yo‘qligi sababli ko‘chada tunashga majbur bo‘lgan.

Davlat rahbari topshirig‘i asosida ziyoratchilar maxsus charter reyslar bilan O‘zbekistonga qaytarildi. Ularning barchasiga huquqiy va psixologik yordam ko‘rsatildi.

Avvalroq Kursiv Uzbekistan Panorama va Gulbakhor Airways...

Rossiyaning reklama joylashtirish bo‘yicha onlayn xizmati Avito MDH davlatlari bozoriga chiqish imkoniyatini ko‘rib chiqmoqda. Bu haqda «RBK» nashri xabar bermoqda.

Ivan Tavrin onlayn xizmat xodimlari bilan uchrashuvda kompaniya rivojlanish istiqbollari haqida so‘z yuritdi. U xizmatga egalik qiluvchi Kismet Capital Group kompaniyasi asoschisi hisoblanadi. Shuningdek, kompaniya Yaqin Sharq va Janubi-Sharqiy Osiyo bozorlariga ham kirishga qiziqish bildirmoqda.

Ma’lumot uchun, Avito 2007-yilda Rossiyada tashkil etilgan. Xizmat saytidagi e’lonlarni ham jismoniy shaxslar, ham kompaniyalar joylashtirishi mumkin. Kompaniyaning shtab-kvartirasi Moskvada joylashgan va mintaqaviy bo‘limlar Rossiya Federatsiyasining turli shaharlarida ham ochilgan.

Forbes Russia nashri Avito kompaniyasini $4,6 milliardga baholadi. Shu bilan kompaniya Runetning eng qimmatli...

Apple kompaniyasi ishlab chiqarishni Xitoydan Hindistonga ko‘chirishni rejalashtirmoqda. Bu haqda Reuters xabar bermoqda.

Ta’kidlanishicha, Apple AQSh va Xitoy o‘rtasida davom etayotgan uzoq muddatli savdo urushiga tayyorgarlik ko‘rmoqda.

Bugun, 25-aprel kuni kelgusi yilning boshida AQShda sotiladigan barcha iPhone’lar yig‘ilishini Hindistonga ko‘chirish rejalari haqida xabar berildi. Manbaning tasdiqlashicha, prezident Donald Trampning siyosati texnologiya gigantini Xitoydan voz kechishga majbur qilmoqda.

Eslatib o‘tamiz, kompaniya Xitoyda eng koʻp smartfon sotuvchi brendlar orasida beshinchi oʻringa tushdi. 2025-yilning birinchi choragida Apple 9,8 million dona iPhone yetkazib berdi. Kompaniyaning Xitoydagi bozor ulushi 13,7 foizni tashkil etdi. Bu koʻrsatkich 2024-yilning shu davrida 15,6 foizga teng edi.

Avvalroq...

2025-yilning birinchi choragi yakunlariga koʻra, Alphabet (Google kompaniyasining boshqaruvchisi) sof foydasini 46 foizga oshirib, $34,5 milliardga yetkazdi. Bu haqda kompaniya tomonidan e’lon qilingan moliyaviy hisobotda ma’lum qilindi.

Ma’lum qilinishicha, kompaniyaning umumiy daromadi oʻtgan yilning shu davriga nisbatan 12 foizga oʻsib, $90 milliardga yetdi. Bir dona aksiyaga toʻgʻri keluvchi foyda $2,8 ni tashkil etib, investorlar kutgan prognozdan ancha yuqori boʻldi.

Alphabetʼning daromad oʻsishiga eng katta hissani quyidagilar ta’minladi:

Shuningdek, kompaniya bulutli texnologiyalar (cloud computing) yoʻnalishida ham sezilarli yutuqlarga erishdi, bu sohadagi daromadlar 28 foizga oʻsdi. Biroq bu...

Bugungi kunda Chevrolet Damas avtomobilining birlamchi bozordagi narxi 93 million so‘mdan boshlanadi. 2025-yilning yanvar – mart oylarida O‘zbekistonda 22,4 ming dona yangi Damas ishlab chiqarilgan, bu o‘tgan yilning shu davriga nisbatan 18 foizga ko‘pdir. Ikkilamchi bozorda sotilgan avtomobillarning aniq soni haqida ma’lumot yo‘q.

Kursiv Uzbekistan nashri Chevrolet Damas modelining narxlari va ikkilamchi bozorda avtomobil sotib olayotganda nimalarga ahamiyat berish lozimligi haqida material tayyorladi.

Motor va texnik holat

Toshkentda Markaziy Osiyo davlatlari maxsus xizmatlari rahbarlarining birinchi uchrashuvi bo‘lib o‘tdi. Ushbu tadbir O‘zbekistonning Markaziy Osiyo rahbarlarining VII Maslahat uchrashuvidagi raisligi doirasida tashkil etildi.

Ochilish marosimida O‘zbekiston prezidenti Shavkat Mirziyoyevning ishtirokchilarga yo‘llagan murojaati o‘qib eshittirildi. Unda mintaqadagi xavfsizlikni ta’minlash, qo‘shma yondashuvlar ishlab chiqish va ta’sirchan mexanizmlarni shakllantirishga xizmat qiluvchi doimiy muloqot zarurligi ta’kidlandi.

Uchrashuvda zamonaviy xavf va tahdidlarga baho berish, terrorizm, ekstremizm, noqonuniy qurol va narkotik savdosi, transmilliy jinoyatchilik hamda kiberxavfsizlik bo‘yicha hamkorlikni kuchaytirish masalalari muhokama qilindi.

Avvalroq Kursiv Uzbekistan Shavkat Mirziyoyev va Sergey Lavrov nima haqida suhbatlashganini yozgan edi.

Samsung Galaxy S25 Ultra uchun Android 16 asosidagi One UI 8 interfeysining sinov versiyasi sinovdan o‘tkazildi. Yangi yangilanish katta o‘zgarishlar emas, balki kichik vizual yangiliklar va texnik qulayliklar bilan ajralib turdi. Bu haqda Sammobile nashri ma’lum qildi.

Yangi versiyada Quick Share funksiyasi yangilandi. Endi foydalanuvchi «Qabul qilish» yorlig‘i orqali telefonini boshqa qurilmalardan fayl olish uchun ochiq holatga keltira oladi. Galereya ilovasida yangi menyu uslubi va bir nechta fon rasmi ranglari qo‘shildi.

Samsung, shuningdek, Galaxy Buds qurilmalarini ulash jarayonida Galaxy Wearable ilovasini majburiy ochilmasligini ta’minladi. Endi foydalanuvchi naushnikni Bluetooth orqali ulaganida, ilova avtomatik ochilmaydi.

Biroq One UI 8 hali ham...

O‘zbekistonning yana to‘qqizta noyob daraxti «MonumentalTrees.com» xalqaro ro‘yxatiga nomzod sifatida kiritildi. Bu haqda Ekologiya vazirligi ma’lum qildi.

Nomzod daraxtlar orasida Qoraqalpog‘istonning Chimboy tumanidagi 100 yillik 5 ta qayrag‘och, Jizzax shahridagi 200 yillik tut, Samarqand viloyatining Kattaqo‘rg‘on shahridagi 250 – 300 yillik tut, Narpay tumanidagi 450 yillik va Payariq tumanidagi 1000 yoshdan oshgan chinor daraxtlari mavjud. Ushbu daraxtlar o‘zining uzoq yashash yoshi va biologik o‘ziga xosligi bilan ajralib turadi.

Oldinroq ham bir nechta qadimiy daraxtlar – Jizzaxning Forish tumanidagi 1500 yillik sharq biotasi, Urgutdagi 1160 yillik chinor, Bo‘stonliqda joylashgan 1000 yillik archa, 800 yillik yong‘oq, 600 yillik chinorlar hamda Boysun...