Yangiliklar

AQShda talab kamligi va prezident Donald Tramp joriy etgan tariflar Germaniya, Xitoy hamda boshqa yirik ishlab chiqaruvchilarning buyurtma hajmiga salbiy ta’sir ko‘rsatdi. Bu haqda Reuters xabar bermoqda.

Germaniyada eksportga yo‘naltirilgan sohalarda deyarli tiklanish kuzatilmadi. Fransiyada ishlab chiqarish sust, Italiyada esa ozgina pasaygan bo‘lsa, faqat Ispaniya zavodlari sentabrga nisbatan o‘sish qayd etdi.

«Yevrozona ishlab chiqarish sektori hozircha to‘xtab qolgan holatda. Ichki talab biroz barqaror turgani bilan tashqi buyurtmalar zaif, xususan, AQSh va Fransiyadan kelayotgan talab pastligicha qolmoqda», – dedi Oxford Economics mutaxassisi Paolo Grinyani.

Osiyo mamlakatlarida, jumladan, Xitoy va Janubiy Koreyada ham eksport buyurtmalari kamaygan...

Xitoyda Chery kompaniyasi beshinchi avlod Chery Tiggo 8 avtomobili uchun oldindan savdolarini boshladi. Bu haqda CarNewsChina xabar bermoqda.

Avtomobil to‘rtta komplektatsiyada taklif etilmoqda: Comfort, Luxury, Premium va Flagship. Narxlar 105 900 yuandan 135 900 yuangacha ($16 300 – 20 900) oraliqda belgilangan. Modelning rasmiy taqdimoti 10-noyabr kuni o‘tkaziladi.

Yangi Tiggo 8 to‘liq qayta ishlab chiqilgan dizaynga ega. U ikki xil old panjarali variantda taqdim etiladi. Biri xromli ko‘p burchakli panjara bilan oilaviy uslubda yaratilgan bo‘lsa, ikkinchisi asalaricha uyasi shaklidagi sport ko‘rinishdagi panjaraga ega. Yon qismida yarim yashirilgan eshik tutqichlari va 19 dyuymli g‘ildiraklar o‘rnatilgan.

Avtomobil o‘lchamlari 4749 mm uzunlik...

Surxondaryo viloyatining Boysun tumanida gaz sizib chiqish holati qayd etildi. Bu haqdagi videolar ijtimoiy tarmoqlarda tarqaldi. Mahalliy aholi havo tarkibida gaz hidi sezilayotgani va nafas olish qiyinlashgani haqida ma’lum qildi.

Hozircha hech qaysi tashkilot voqea yuzasidan izoh bermadi. Hodisaning sabablari va oqibatlari o‘rganilmoqda. Kursiv Uzbekistan hodisaga oid tafsilotlarni aniqlashtirish uchun Energetika vazirligiga so‘rov yubordi.

Eslatib o‘tamiz, bu hududda shunga o‘xshash holatlar qayd etilgan edi. O‘tgan yil sentabr oyida texnologik jarayon buzilishi natijasida vodorod sulfidi sizib chiqib, muammo ikki haftada bartaraf etilgandi. Joriy yilning yanvar, mart va may oylarida ham kon hududida gaz sizib chiqish holatlari kuzatilgan.

Avvalroq Kursiv...

Bloomberg tahlilchilariga ko‘ra, Nvidia aksiyalari Uoll-strit tarixidagi eng nufuzli aksiyalar sifatida baholandi. Kompaniyaning ilk bor bozordagi qiymati $5 trillionga yetgan va bu uning jahon iqtisodiyoti hamda fond bozoriga katta ta’sirini ko‘rsatadi.

Bugungi kunda Nvidia’ning bozordagi hajmi S&P 500 indeksidagi 11 ta sektorning oltitasidan ham katta bo‘lib, indeksning 8,5 foizini tashkil etadi. Bu esa indeksning eng quyi qismidagi 240 ta kompaniyaning umumiy qiymatidan ham yuqori.

Nvidia’ning o‘sishini asosan sun’iy intellektga yo‘naltirilayotgan katta investitsiyalar qo‘llab-quvvatlamoqda. Microsoft, Amazon va Meta kabi yirik kompaniyalar yaqin 12 oy ichida SI loyihalariga sarmoyalarni 34 foizga oshirmoqchi. Shu sababli Nvidia’ning kelgusi moliyaviy yildagi daromadi $285 milliardga...

4-noyabr uchun valyuta kurslari e’lon qilindi. Shu kun uchun AQSh valyutasi 11 972,34 so‘m (-32, 75 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 28-oktabr kuni 12 053,46 so‘mga (-63,89 so‘m), 29-oktabr kuni 12 004,47 so‘mga (-48,99 so‘m), 30-oktabr kuni esa 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi. 3-noyabr kuni dollar 12 005,09 so‘mga (-20,13 so‘m) tenglashdi.

Markaziy bank ma’lumotlariga ko‘ra, yevro 112,14 so‘mga tushib, 13 786,15 so‘mni, rubl esa 0,77 so‘mga tushib, 147,79 so‘mni tashkil qildi.

Eslatib o‘tamiz, Kursiv Uzbekistan AQSh dollari...

UzAuto Motors 3-noyabrda Chevrolet Cobalt uchun yangi shartnomalarni ochdi. 2025-yilda xaridorlar to‘rtta turdagi komplektatsiyadan birini tanlash imkoniga ega bo‘ldi. Eng arzon model 147,9 mln so‘mdan boshlanadi, eng qimmati esa 165,2 mln so‘mni tashkil qiladi. Narxlar orasidagi farq 17 mln so‘mdan ortiq. «Lekin bu ortiqcha to‘lov o‘zini oqlaydimi?» degan savol har bir xaridor uchun muhim. Autostrada oddiy va yangilangan Cobalt avtomobillarining farqlari va texnik o‘xshashliklarni o‘rgangan.

Modellarning asosiy farqlari

Yangi Cobalt’ning asosiy farqi — dvigatel va ichki jihozlarda. Avvalgi versiyalarda ishlatilgan B15D2 L2C dvigateli o‘rniga endilikda B15D2 L2B motor o‘rnatilgan. Bu motor gaz taqsimotining o‘zgaruvchan fazalariga ega. Euro-5 standartiga...

AQSh, Yevropa Ittifoqi va Buyuk Britaniya Rossiya neft sanoatiga qarshi yangi sanksiyalar joriy etganidan so‘ng Turkiya neftni boshqa davlatlardan xarid qilishni boshladi. Bu haqda Reuters xabar bermoqda.

Turk neftni qayta ishlash zavodlari Rossiyadan yetkazib berish hajmini qisqartirib, Iroq va Qozog‘iston yo‘nalishiga o‘tgan. Xususan, SOCAR Turkey Aegean Refinery dekabr oyi uchun Iroq, Qozog‘iston va boshqa manbalardan to‘rt partiya xom neft xarid qilgan.

Katta ishlab chiqaruvchilardan biri bo‘lgan Tupras ham Rossiyadan tashqari manbalar, jumladan, Iroqdagi Urals turiga o‘xshash navlarni tanlayotgani aytiladi. Kompaniya yaqin orada o‘zining bir zavodida Rossiya neftidan butunlay voz kechishi mumkin. Tupras, shuningdek, ilk bor Braziliyadan ham neft sotib...

Markaziy bankning bank nazorati qo‘mitasi mikromoliya tashkiloti faoliyatini amalga oshirishga ruxsat beruvchi navbatdagi qarorlarni qabul qildi. Bu haqda regulyator matbuot xizmati xabar berdi.

Unga ko‘ra, quyidagi MChJlar mikromoliya tashkilotlari reyestriga kiritildi:

Endilikda ushbu kompaniyalar mikromoliya faoliyatini amalga oshirishi mumkin bo‘ladi.

Avvalroq O‘zbekistonda mikromoliya tashkilotlariga islomiy moliya xizmatlarini ko‘rsatishga ruxsat berilgandi. Yangi tartibga ko‘ra, tashkilotlar faoliyatida zaxira fondlarini shakllantirish, aktivlar sifatini baholash hamda umidsiz qarzlarni hisobdan chiqarish tartiblari aniq belgilandi. Shuningdek, ularning kapital yetarliligi jami xususiy kapitalning jami aktivlarga nisbati orqali hisoblanadi va bu koeffitsiyent 10 foizdan kam bo‘lmasligi...

Xiaomi 17 Ultra flagmani debyutga tayyor va Xitoyda ikki versiyada sertifikatdan o‘tgan. Bu haqda Gizmochina xabar bermoqda.

Modellar 2512BPNDAC va 25128PNA1C raqamlari ostida ro‘yxatga olingan. Ikkalasi ham UWB (ultra keng polosali aloqa) texnologiyasini qo‘llab-quvvatlaydi. Yuqori versiyada Tiantong va Beidou sun’iy yo‘ldosh tizimlari orqali qo‘ng‘iroq va xabar yuborish imkoniyati ham mavjud.

Manbalarga ko‘ra, yangi flagman 6,8 dyuymli 2K OLED displey bilan ta’minlanadi, ekran yangilanish tezligi 120 Hz bo‘ladi. Qurilma eng yangi Snapdragon 8 Elite Gen 5 protsessorida ishlaydi, shuningdek, IP68 himoya darajasi, simli va simsiz zaryadlash hamda yuqori sig‘imli Xiaomi Jinsha River akkumulyatori bilan jihozlanadi.

Asosiy e’tibor kamera tizimiga qaratilgan...

9 – 16-oktabr kunlari Sankt-Peterburg, Chelyabinsk va Moskvadan 16 nafar bola O‘zbekistonga qaytarildi. Bu haqda «Dunyo» AA xabar berdi.

O‘zbekistonning Rossiyadagi elchixonasi Ichki ishlar, Sog‘liqni saqlash vazirliklari va Milliy ijtimoiy himoya agentligi bilan hamkorlikda og‘ir hayotiy vaziyatga tushgan voyaga yetmagan bolalarni aniqlash va vatanga qaytarish ishlarini olib bormoqda.

Elchixona huzuridagi ishchi guruh bolalarning shaxsini aniqlash, zarur hujjatlarni rasmiylashtirish, tibbiy ko‘rikdan o‘tkazish va tashkiliy masalalarni hal qildi.

Hujjatlar tayyorlangach barcha bolalar Toshkentga yuborildi. Shuningdek, Yekaterinburg, Volgograd, Ufa, Nijniy Novgorod, Moskva viloyati, Maxachqala va Novosibirsk shaharlarida ota-onasiz qolgan yana 19 nafar bola aniqlanib, 1-noyabr kuni Rossiya organlari bilan hamkorlikda O‘zbekistonga qaytarildi.

O‘zbekistonda 2025-yilning yanvar – sentabr oylarida jami 5 895 ta yo‘l-transport hodisasi sodir bo‘ldi. Bu haqda Senatning mudofaa va xavfsizlik masalalari qo‘mitasi raisi Qutbiddin Burhonov ma’lum qildi.

Uning so‘zlariga ko‘ra, bu ko‘rsatkich o‘tgan yilning shu davridagiga nisbatan 3,8 foizga kamaygan. Shu bilan birga, avariyalar oqibatida halok bo‘lganlar soni 1 368 nafardan 1 303 nafarga tushgan, ya’ni 4,8 foizga kamayish kuzatilgan.

Piyodalar ishtirokidagi yo‘l-transport hodisalari soni ham qisqargan 2 855 tadan 2 689 tagacha, bu esa 5,8 foizlik pasayishni anglatadi.

Avvalroq Kursiv Uzbekistan Toshkentda «Gelik» tez yordam mashinasi bilan to‘qnashgani haqida xabar bergan edi.

2025-yilda budjet segmenti tez sur’atlarda rivojlanib, hozirda 200 dollargacha bo‘lgan telefonlar orasida kuchli dizayn, tiniq ekran, silliq ishlash va hatto 5G qo‘llab-quvvatlovi bilan ajralib turadigan modellar ko‘paydi. Gizchina nashri 200 dollargacha bo‘lgan eng yaxshi smartfonlar va ularning texnik imkoniyatlarini ko‘rib chiqdi.

Ushbu maqoladan quyidagilarni bilib olasiz:

Moto G (2025)

Samsung Galaxy A16 5G

CMF Phone 1

DOOGEE Blade 10

Moto G 5G (2024)

Moto G (2025)

Motorola o‘zining Moto G seriyasida soddalik va ishonchlilikni saqlab qolgan. 2025-yilgi model 6,7 dyuymli Full HD+ ekranga ega bo‘lib, ranglar tiniqligi va kontrasti bilan ajralib turadi...

3-noyabr kuni Chevrolet Cobalt avtomobillari xaridi uchun o‘tkazilgan onlayn kontraktatsiya jarayoni yakuniga yetdi. UzAuto Motors ma’lumotiga ko‘ra, jarayon davomida jami 100 mingta shartnoma rasmiylashtirildi.

Shulardan 99 493 tasi jismoniy shaxslar, 507 tasi esa yuridik shaxslar tomonidan tuzilgan. Barcha jismoniy shaxslar One ID tizimida ro‘yxatdan o‘tgan. Kontraktatsiya davomida kompaniyaning Call-markazi orqali 876 ta murojaat qabul qilinib, ko‘rib chiqilgan.

Jarayon mobaynida UzAutoSavdo onlayn tizimi 560 ta kiberhujumga uchragan, biroq tizim barqaror ishlashda davom etgan.

Kompaniya eslatishicha, onlayn shartnoma tuzgan mijozlar 7 kalendar kun ichida shartnoma shartlariga muvofiq to‘lovni amalga oshirishlari zarur.

Shuningdek, barcha rasmiy shartnomalarda maxsus QR-kod (https://t.me/uzautomotorscom/4025) mavjud bo‘lishi kerak...

Mustaqil Davlatlar Hamdo‘stligi (MDH)ga a’zo davlatlarning temir yo‘l transporti bo‘yicha kengashi direksiyasi O‘zbekiston va Qirg‘izistondan Qozog‘istonning Qo‘riq portiga yuklarni jo‘natishni 20-noyabrgacha taqiqladi.

Ushbu cheklov tashabbuskori Qozog‘iston temir yo‘li korxonasi bo‘ldi. Mazkur choralar Tojikiston va Turkmanistondan keladigan yuklarga ham tatbiq etiladi. Cheklovga portda yuzlab yuk vagonlari to‘planib qolgani sabab bo‘lgan.

Qo‘riq porti Qozog‘istonning Mang‘istau viloyatida, Kaspiy dengizi qirg‘og‘ida joylashgan. U 2018-yilning yozidan buyon faoliyat yuritadi. Port tarkibida logistika markazi va 54 vagongacha tashish imkoniyatiga ega parom kompleksi mavjud.

Parom floti orqali Markaziy Osiyodagi davlatlardan yuklar Ozarbayjon orqali Yevropa mamlakatlariga tranzit tarzda yetkaziladi.

Avvalroq Malayziya kompaniyasi O‘zbekistonda uchta quruqlik portini qurishni...

3-noyabr erta tongda Afg‘onistonning Mozori Sharif shahri yaqinida 6,3 magnitudali zilzila qayd etildi. Rasmiy ma’lumotlarga ko‘ra, kamida 10 kishi halok bo‘lgan, yana 260 dan ortiq kishilar jarohat olgan.

AQSh geologik xizmati zilzila 28 km chuqurlikda yuz berganini ma’lum qildi. Hodisa natijasida shaharning ramziy obidalardan biri – tarixiy Ko‘k masjidning bir qismi zarar ko‘rgan. Sog‘liqni saqlash boshqarmasi vakili Samim Juyonda Reuters agentligiga bergan ma’lumotiga ko‘ra, ertalabki holatga ko‘ra, 150 kishi shifokorlarga murojaat qilgan, 7 kishi vafot etgan.

«Tibbiy brigadalar hodisa joyiga yetib kelgan, barcha yaqin kasalxonalar favqulodda rejimga o‘tkazilgan», – dedi Sog‘liqni saqlash vazirligi vakili Sharofat...

UzAuto Motors kompaniyasi Chevrolet Cobalt avtomobillari uchun onlayn kontraktatsiya boshlanganidan so‘ng bir soat ichida 53 911 dan ortiq shartnomalar muvaffaqiyatli rasmiylashtirilganini ma’lum qildi.

Ma’lumotlarga ko‘ra, soat 11:00 holatiga uzavtosavdo.uz platformasi orqali erishilgan. Kompaniya ma’lum qilishicha, jarayon davomida UzAutoSavdo onlayn tizimiga 30 ta kiberhujum uyushtirilgan. Shunga qaramay, tizim barqaror ishlashda davom etgan. Shu vaqt ichida 165 mingdan ortiq faol foydalanuvchi seansi qayd etilgan, soniyasiga esa 1 180 dan ortiq yangi seans ochilgan.

Bundan tashqari, kompaniyaning Call-markazi qisqa vaqt ichida 584 ta murojaatni qabul qilib, ularni ko‘rib chiqqan.

UzAuto Motors onlayn tarzda tuzilgan barcha shartnomalarda maxsus QR-kod bo‘lishiga alohida e’tibor qaratmoqda...

Škoda Group O‘zbekistonda temiryo‘l transportini ishlab chiqarish bo‘yicha qo‘shma korxona tashkil etishni rejalashtirmoqda. Bu haqda xolding matbuot xizmati xabar berdi.

Yangi korxona faoliyati uch asosiy yo‘nalishda yo‘lga qo‘yiladi. Birinchi yo‘nalish – temiryo‘l transport vositalarini mahalliy sharoitda yig‘ish va ishlab chiqarishni yo‘lga qo‘yishdan iborat. Ikkinchisi – transport vositalarining butun xizmat muddati davomida texnik xizmat ko‘rsatish va ta’mirlash tizimini yaratish. Uchinchi yo‘nalish esa mahalliy mutaxassislarni tayyorlash, ularning malakasini oshirish hamda zamonaviy texnologiyalarni o‘zlashtirish maqsadida Skoda Akademiyasini tashkil etishdan iborat.

Skoda Group bosh direktori Petr Novotniy ta’kidlashicha, Markaziy Osiyo bozori kompaniya uchun istiqbolli yo‘nalish bo‘lib, Yevropa texnologiyalari O‘zbekiston transport infratuzilmasining barqaror rivojlanishiga...

O‘zbekiston va Italiya hukumatlari o‘rtasida investitsiyalarni o‘zaro rag‘batlantirish va himoya qilish bo‘yicha imzolangan xalqaro bitim tasdiqlandi. Bu haqda Adliya vazirligi xabar berdi.

Ushbu bitim 2025-yil 29-may kuni Samarqandda imzolangan. Joriy yilning 31-oktabridagi prezident qarori bilan esa bitim rasman tasdiqlandi. Mazkur shartnomani amalga oshirish uchun Investitsiyalar, sanoat va savdo vazirligi vakolatli organ etib belgilandi.

Shuningdek, Vazirlar Mahkamasi hamda tegishli vazirlik va idoralar bitim kuchga kirgandan so‘ng uning qoidalarining bajarilishini ta’minlash bo‘yicha nazorat olib boradi.

Avvalroq O‘zbekistonga investitsiyalar so‘nggi besh yilda 2,8 baravarga oshgani xabar qilingandi. 2025-yil yanvar – sentabr oylarida iqtisodiyot va ijtimoiy sohani rivojlantirish uchun jami 443,6 trillion...

Yaponiyaning Mitsubishi Motors kompaniyasi uch qatorli, futuristik Elevance yo‘ltanlamas konseptini namoyish etdi. Bu haqda Carscoops nashri ma’lum qildi.

Model to‘rtta elektromotor, S-AWC to‘liq tortish tizimi va uglerodga neytral yonilg‘ida ishlovchi dvigatelga ega gibrid tizim bilan jihozlangan.

Salon uch qatorli bo‘lib, old o‘rindiqlar orqaga buriladi, markazda esa harakat rejimlarini tanlash sensorli boshqaruvi joylashgan. Sun’iy intellektli Co-Driver tizimi yo‘l sharoitini tahlil qilib, optimal rejimni tanlaydi.

Avtomobil bilan birga glamping tirkamasi ham taqdim etildi – unda ikki kishilik yotoq, mini oshxona va dush mavjud. Mutaxassislar fikricha, yangi Mitsubishi Pajero Sport aynan Elevance asosida ishlab chiqilishi mumkin.

Shuningdek, kompaniya vakillari Elevance’ni kelajakdagi mustaqil...

Mudofaa vazirligi aholiga yanada qulay va tezkor xizmat ko‘rsatish maqsadida Call-markaz ishini yo‘lga qo‘ydi. Bu haqda vazirlik matbuot xizmati ma’lum qildi.

Ushbu tizim «Jismoniy va yuridik shaxslarning murojaatlari to‘g‘risida»gi Qonunga muvofiq tashkil etilgan bo‘lib, fuqarolardan kelib tushayotgan murojaatlarni tezkor qabul qilish va ularni hal etish uchun mo‘ljallangan.

Call-markaz bilan 1530 qisqa raqami orqali bog‘lanish mumkin. Ushbu raqam orqali fuqarolar muddatli harbiy xizmat, safarbarlik chaqiruvlari, ijtimoiy himoya, sog‘liqni saqlash, tibbiyot sohasiga oid masalalar hamda kadrlar va mudofaa xizmatlari bilan bog‘liq savollarga javob olishlari mumkin.

Vazirlikka ko‘ra, murojaat qilgan shaxslarning shaxsiy ma’lumotlari, murojaat mazmuni va barcha tafsilotlar maxfiy saqlanadi. Barcha murojaatlar...

2025-yilning yanvar – sentabr oylarida mamlakat bo‘ylab jami 29 ta sport inshooti ishga tushirildi. Bu haqda Milliy statistika qo‘mitasi ma’lum qildi.

Ushbu loyihalar uchun respublika budjetidan 180,6 milliard so‘m miqdorida investitsiya yo‘naltirilgan.

Eng ko‘p sport obyektlari Namangan (12 ta) va Buxoro (7 ta) viloyatlarida foydalanishga topshirilgan. Qashqadaryo, Xorazm, Andijon viloyatlari va Toshkent shahrida ikkitadan, Qoraqalpog‘iston Respublikasi va Navoiy viloyatida esa bittadan sport inshootlari qurilgan.

Avvalroq Qatar mezbonlik qiladigan 17 yoshgacha futbolchilar o‘rtasidagi Jahon chempionatida ishtirok etish uchun O‘zbekiston U-17 terma jamoasi yakuniy tarkibni e’lon qilgandi. O‘zbekiston «J» guruhidan Paragvay, Panama va Irlandiya bilan birgalikda o‘rin olgan. Vakillarimiz musobaqadagi...

Nissan kompaniyasi o‘zining to‘rtinchi avlod Elgrand minivenini namoyish etdi. Bu haqda Carscoops nashri ma’lum qildi.

Yangi model Timeless Japanese Futurism uslubida yaratilgan bo‘lib, futuristik dizayn, ilg‘or texnologiyalar va hashamatli salon bilan ajralib turadi. Yangi Elgrand 2026-yil yozida sotuvga chiqishi rejalashtirilgan.

Avtomobil piksel ko‘rinishidagi radiator panjarasi, LED yoritgichlar va qora-rangli panellar uyg‘unligi bilan zamonaviy ko‘rinishga ega. Salon esa 14,3 dyuymli ikkita displey, Bose’ning 22 dinamikli audio tizimi va elektr boshqaruvli kapitan o‘rindiqlari bilan jihozlangan.

Texnik jihatdan yangi Elgrand 1,5 litrli turbomotor va elektromotordan iborat e-POWER gibrid tizimi, shuningdek, yangilangan e-4ORCE to‘liq g‘ildirakdan tortish tizimi bilan ta’minlangan. Modelda ProPILOT 2.0 tizimi...

Oliy Majlis Senati qurilish oynalariga utilizatsiya yig‘imi joriy etilishini ma’qulladi. Bu haqda Yuqori palata matbuot xizmati xabar berdi.

Mazkur yig‘im qurilish oynalaridan foydalanish natijasida hosil bo‘ladigan chiqindilarni qayta ishlash xarajatlarini qoplash uchun joriy qilinadi. Bu o‘zgarishlar «Tabiatni muhofaza qilish to‘g‘risida»gi va «Chiqindilar to‘g‘risida»gi qonunlarga kiritilmoqda. Yangi tartib atrof-muhitni himoya qilish, ekologik xavfsizlikni kuchaytirish va odamlar sog‘lig‘ini himoya qilishga qaratilgan.

Shuningdek, ayrim qonunlarga Milliy statistika qo‘mitasining nomi va huquqiy maqomi o‘zgartirilishi bo‘yicha ham tuzatishlar kiritiladi. Bu rasmiy statistikani yanada ochiq, qulay va samarali boshqarishni ta’minlashga yordam beradi.

Avvalroq Golden House’ga qonunbuzarliklarni bartaraf etish bo‘yicha ko‘rsatma berilgani xabar qilingandi. Mazkur...

Farg‘ona tumanining Oqbilol qishlog‘ida qattiq maishiy chiqindilarni yoqish orqali elektr energiyasi ishlab chiqarish loyihasi doirasida yangi korxona qurilishiga start berildi.

Tadbirda viloyat hokimining o‘rinbosarlari Nuriddin Mamajonov va Xakimjon Dolimov, shuningdek, xitoylik investorlar hamda mas’ul mutasaddilar ishtirok etishdi.

Prezidentning 2025-yil 24-martdagi qaroriga muvofiq, Farg‘ona viloyatida $141,5 million miqdorida to‘g‘ridan to‘g‘ri investitsiyalar jalb qilinmoqda. Loyiha doirasida kuniga 1,5 ming tonna chiqindilarni termik usulda qayta ishlash orqali 227,5 million kVt elektr energiyasi ishlab chiqaradigan zamonaviy uskunalar ishga tushiriladi.

Bu tashabbus chiqindilardan samarali foydalanish va hududda barqaror energiya manbalarini yaratish yo‘lida muhim qadam bo‘lishi kutilmoqda.

Avvalroq Kursiv Uzbekistan Farg‘ona vodiysida metan cheklovi sababli...