Yangiliklar

Infinix kompaniyasi 60 Pro nomli yangi smartfonini namoyish qildi. Bu haqda Gizmochina nashri xabar berdi.

Dizayni jihatidan u iPhone 17 Pro Max’ni eslatadi, biroq Xitoy brendi qurilmasi kattaroq batareya va kamera blokiga joylashtirilgan mini-ekran bilan ajralib turadi.

Smartfon orqa panelidagi kamera modulida piksel tipidagi qo‘shimcha ekran joylashgan. U to‘liq displey bo‘lmasa-da, vaqt, havo harorati, bildirishnomalar, zaryadlanish jarayoni kabi ma’lumotlarni ko‘rsatish imkonini beradi. Bu yechim dizayn va funksionallikni uyg‘unlashtirgan noodatiy element sifatida baholanmoqda.

Texnik jihatdan Infinix 60 Pro Snapdragon 7s Gen 4 platformasiga asoslangan bo‘lib, o‘rta yuqori darajadagi unumdorlikni ta’minlaydi. Qurilma 6,8 dyuymli 1.5K aniqlikdagi, 144 Gts yangilanish chastotasiga ega...

So‘nggi sutka davomida o‘zbek va jahon sportchilari ijtimoiy tarmoqlarda ancha faol bo‘lishdi: kimdir turmush o‘rtog‘iga sevgisini izhor qildi, yana kimdir oila davrasida tug‘ilgan kun nishonladi.

Ahmadaliyev va Meliqo‘ziyev mashg‘ulotlarda

Professional boks bo‘yicha sobiq jahon chempion Murodjon Ahmadaliyev navbatdagi janglariga jiddiy hozirlik ko‘rmoqda. MJ o‘zining ijtimoiy tarmoqdagi sahifasida yana bir mashhur charm qo‘lqop ustasi Bektemir Meliqo‘ziyev bilan birgalikda shug‘ullanayotgani aks etgan video va rasmlarni ulashdi.

Eldor Shomurodov oila davrasida

O‘zbekiston milliy terma jamoasi sardori Eldor Shomurodov bo‘sh vaqtini oilasiga bag‘ishlashda davom etmoqda. Futbolchi o‘g‘li Mustafo bilan birgalikda oshxonada yegulik tayyorlayotgani aks etgan samimiy suratni sahifasiga joyladi. Maydondagi hujumchi...

Qozog‘istonning Olmaota shahrida haydovchisiz taksilarni sinov tariqasida ishga tushirish rejalashtirilmoqda. Bu haqda Kazinform agentligi xabar berdi.

2026-yil 1-mayga qadar shahar ko‘chalariga 50 ta haydovchisiz avtomobil chiqarilishi kutilmoqda.

Mazkur ma’lumot Olmaota shahri raqamlashtirish boshqarmasi rahbari o‘rinbosari Meyram Dyusyukov tomonidan mintaqaviy kommunikatsiyalar xizmati brifingida ma’lum qilindi. Uning so‘zlariga ko‘ra, loyiha Yandex Kazakstan kompaniyasi bilan hamkorlikda amalga oshiriladi va shahar transport tizimini modernizatsiya qilishdagi eng yirik tashabbuslardan biri bo‘ladi.

Avvalroq «Kursiv» nashri O‘zbekiston Airbus’dan yangi Flexrotor uchuvchisiz tizimlarini xarid qilishi haqida yozgandi.

Transparency International tashkilotining 2025-yil uchun yillik ma’lumotlariga ko‘ra, O‘zbekiston yangilangan Korrupsiyani qabul qilish indeksida (CPI) 100 balldan 31 ball oldi va 182 mamlakat orasida 124-o‘rinni egalladi.

2024-yilga nisbatan mamlakat balli 1 ballga kamaydi. 2012-yildan beri uzoq muddatli o‘sishga qaramay, so‘nggi ikki yil ichida dinamika sekinlashdi: 2023-yilda eng yuqori cho‘qqiga chiqqanidan so‘ng, indeks pasayishni boshladi.

Qo‘shni Qozog‘iston esa O‘zbekistonga qaraganda yaxshi ko‘rsatkichni qayd etgan. Qozog‘istonda reyting 2 ballga kamaysa ham mamlakat 38 ball bilan Markaziy Osiyoda korrupsiya holati kam davlat bo‘la oldi.

Qirg‘izistonning ko‘rsatkichi (26 ball, +1) yaxshilangan bo‘lsa, Turkmaniston (17) va Tojikiston (19) ko‘rsatkichlari o‘zgarishsiz qoldi.

Chevrolet kompaniyasi Braziliyada elektromobillar qatorini kengaytirmoqda. Kompaniya mamlakatda ilk bor Chevrolet flex-fuel gibrid modellari taqdim etilishini tasdiqladi. Bu haqda GMAutority xabar berdi.

GM’ning Janubiy Amerika bo‘yicha vitse-prezidenti Fabio Ruaning so‘zlariga ko‘ra, yangi gibrid avtomobillar ishga tushirish bosqichiga juda yaqin. U aniq sanani ochiqlamagan bo‘lsa-da, modellar tez orada bozorga chiqishini ta’kidlagan.

Yangi gibridlar Braziliyada noldan ishlab chiqiladi. Loyihada etanol yoqilg‘isida ishlovchi dvigatel va yengil gibrid tizim birlashtiriladi. Shu orqali GM davlat imtiyozlaridan foydalanish va bozor talabiga javob berishni maqsad qilgan.

Braziliya GM uchun muhim bozorga aylanadi. Chunki mamlakat kompaniya tarixida ilk bor mahalliy ishlab chiqilgan flex-fuel gibrid texnologiyasi sotiladigan...

Xiaomi kompaniyasi tomonidan yaqinda taqdim etiladigan Yangi Xiaomi SU7 902 km yurish masofasiga ega bo‘ladi. Bu haqda CarNewsChina xabar bermoqda.

Yangi SU7 uchun oldindan buyurtmalar allaqachon boshlandi. Model uchta talqinda taklif qilinmoqda. Narxlar 229,9 ming yuandan 309,9 ming yuangacha. Bu $32,8 mingdan $44,3 minggacha bo‘lgan oraliqni tashkil etadi.

Avtomobil dizaynida old panjara yangilangan. Markazga millimetr to‘lqinli radar joylashtirilgan. Oldingi uslubidagi faralar saqlab qolingan. Yangi Capri Blue kuzov rangi ham taqdim etilgan.

Yon tomondan fastbek silueti saqlangan. 20 dyuymli yangi disklar va qizil tormoz suportrlari o‘rnatilgan. Orqa qismida fonarlari va elektr boshqaruvli spoyler mavjud. Old panel va rul to‘liq qayta...

O‘zbekiston hukumati qarori bilan Yadro fizikasi instituti huzurida Respublika radioaktiv chiqindilarni saqlash markazi tashkil etilmoqda. Bu haqda tegishli hukumat qarori qabul qilindi.

Yangi markaz Yadro fizikasi instituti huzuridagi mavjud radioaktiv chiqindilarni ko‘mish punkti negizida tuziladi. U respublika hududidagi radioaktiv chiqindilarni maxsus avtotransportda tashish, qabul qilish, saralash va uzoq muddatli xavfsiz saqlash bo‘yicha yagona xizmat ko‘rsatuvchi davlat muassasasi hisoblanadi.

Markazning asosiy vazifalari qatoriga respublika ichida ishlab chiqarilgan yoki chetdan olib kirilgan, foydalanish muddati tugagan hamda yaroqsiz holga kelgan radioaktiv manbalar bilan ishlash kiradi. Muassasa ushbu chiqindilarni saralash, qayta ishlash va saqlash jarayonlarini amalga oshiradi.

Shuningdek, tashkilot radioaktiv chiqindilar bilan...

O‘zbekiston va Osiyo infratuzilmaviy investitsiyalar banki (OIIB) loyihalar portfeli 7 mlrd dollardan oshdi. Bu haqda Shavkat Mirziyoyev va bank rahbari Szou Szyai boshchiligidagi delegatsiya uchrashuvida ma’lum qilindi. 2025-yilda moliyalashtirish hajmi $1 mlrddan yuqori bo‘ldi.

Prezident xususiy sektor, ayollar va yoshlar tadbirkorligini qo‘llab-quvvatlash muhimligini qayd etdi. Shuningdek, davlat-xususiy sheriklik, kambag‘allikni qisqartirish, energetika va suv ta’minoti yo‘nalishlari ustuvor deb belgilandi.

Mintaqaviy ahamiyatga ega yirik infratuzilmaviy loyihalarda bankning faol ishtiroki muhimligi ta’kidlandi. OIIB rahbari O‘zbekistondagi islohotlarni yuqori baholadi va ularni qo‘llab-quvvatlashga tayyorligini bildirgan.

Eslatib o‘tamiz, Kursiv Uzbekistan nashri OIIB Qoraqalpog‘iston va Xorazmda yo‘llarni ta’mirlash uchun 173,4 mln dollar ajratishi haqida...

Qirg‘iziston prezidenti Sadir Japarov Qamchibek Tashiyevni bosh vazir o‘rinbosari va Milliy xavfsizlik davlat qo‘mitasi raisi lavozimidan ozod qildi. Davlat rahbari uni nega ishdan olganiga izoh berdi.

Prezident matbuot xizmatining xabar berishicha, Sadir Japarov bu qadamning asosiy maqsadi davlat birligini mustahkamlash va jamiyatda, jumladan, davlat idoralari o‘rtasida bo‘linishlarning oldini olish bo‘lganini ta’kidladi.

«Avvalambor, men bu qarorni davlatimiz manfaatlarini ko‘zlab, jamiyatda, shu jumladan, davlat tuzilmalari o‘rtasida bo‘linishga yo‘l qo‘ymaslik, birdamlikni mustahkamlash maqsadida qabul qildim», – deya davlat rahbarining so‘zlarini keltiradi uning matbuot kotibi.

So‘nggi paytlarda siyosiy doiralarda maxsus xizmat rahbari navbatdagi prezidentlik saylovlarida ishtirok...

Vyetnamda sig‘imi bo‘yicha jahon rekordini yangilashi kutilayotgan «Trong Dong» stadionining qurilish ishlari boshlab yuborildi. 135 ming o‘ringa mo‘ljallangan ushbu inshoot Shimoliy Koreyadagi dunyoning eng yirik stadioni hisoblangan «Rungrado»dan o‘zib ketadi.

Yangi stadion qurilishi 2028-yilda yakunlanishi va foydalanishga topshirilishi rejalashtirilgan. «Trong Dong» yig‘iladigan tom qismi bilan jihozlanadi, bu esa yil davomida nafaqat sport musobaqalari, balki turli madaniy va jamoat tadbirlarini o‘tkazish imkonini beradi. Vyetnam ushbu loyiha orqali FIFA, OFK yoki Olimpiya kengashi tasnifidagi yirik xalqaro turnirlarga mezbonlik qilishni maqsad qilgan.

Stadion barcha qat’iy xalqaro standartlarga javob beradigan tarzda loyihalashtirilgan. Hozirgi kunda dunyodagi eng katta stadion Shimoliy Koreyadagi 130 ming o‘rinli...

O‘zbekistonlik hamshiralar Italiyaga ishga taklif qilinmoqda. Bu haqda Migratsiya agentligi xabar bermoqda. Oylik maosh 1,8 ming yevrodan boshlanadi.

Loyiha doirasida ishtirokchilar bepul italyan tili kurslarida o‘qitiladi. Mashg‘ulotlar tibbiyot terminologiyasiga asoslanadi, onlayn formatda o‘tkaziladi va har bir nomzodning ish jadvaliga moslashtiriladi. Til tayyorlov bosqichi yakunlangach, ish beruvchi bilan suhbatdan muvaffaqiyatli o‘tgan mutaxassislar Italiyaga ishga yuboriladi.

Ma’lumotga ko‘ra, g‘oliblar ish joylari Milan shahridagi klinikalarga taklif etiladi. Dasturda «Oliy hamshiralik ishi» yo‘nalishi bitiruvchilari qatnashishi mumkin.

Agentlikning qayd etishicha, dastlabki 10 nafar o‘zbekistonlik mutaxassis Milan shahrida italyan tibbiyoti standartlari bo‘yicha tajriba orttirishni boshlagan.

Eslatib o‘tamiz, Kursiv Uzbekistan nashri Litvada qurilish yo‘nalishida ishlash istagida...

Rossiya hukumati mamlakat hududida Telegram messenjeri ishini sekinlashtirish bo‘yicha qaror qabul qildi. Roskomnadzor 10-fevral, seshanba kunidan boshlab servis faoliyatini qisman cheklash choralarini ko‘rishni rejalashtirmoqda. Bu haqda RBK xabar berdi.

Ma’lum qilinishicha, cheklovlar bo‘yicha ishlar boshlangan. Nashrning manbasi Telegram’ni sekinlashtirish choralari allaqachon amalga oshirilayotganini qo‘shimcha qilgan. Ushbu xabarlar fonida VK kompaniyasi aksiyalari narxi keskin o‘sdi. Moskva vaqti bilan soat 13:16 holatiga ko‘ra, kotirovkalar 3,38 foizga oshib, bir dona aksiya narxi 320 rublni (50,8 ming so‘m) tashkil qilgan. VK xorijiy servislarga milliy muqobil sifatida MAX messenjerini rivojlantirmoqda.

Roskomnadzor avvalroq, 2025-yilning avgust oyida Telegram va WhatsApp orqali amalga oshiriladigan qo‘ng‘iroqlarni cheklagan...

11-fevral uchun valyutalar kursi yangilandi. Unga ko‘ra, dollar 10,35 so‘mga tushib, 12 309,99 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

4-fevral kuni 16,21 so‘mga oshib, 12 258, 38 so‘mni, 5-fevral kuni 7,39 so‘mga oshib, 12 265,77 so‘mni tashkil qildi. 8-fevral kuni dollarning qiymati 13,71 so‘mga oshib, 12 279,48 so‘mga yetdi. Dollar o‘sishda davom etib, 9-fevral kuni 12 303,16 so‘mni (+23,68 so‘m) tashkil qildi. 10-fevral kuni esa 17,18 so‘mga oshib, 12 320,34 so‘mga yetgandi.

Markaziy bank ma’lumotlariga ko‘ra, yevro 106,5 so‘mga pasayib, 14 614,39 so‘mni, rubl 0,14 so‘mga pasayib, 159,36 so‘mni tashkil qildi.

Eslatib...

Jinoyat, Jinoyat-protsessual hamda Ma’muriy javobgarlik to‘g‘risidagi kodekslarga bir qator o‘zgartirish va qo‘shimchalar kiritish taklif etilmoqda. Bu haqda quyi palata matbuot xizmati xabar berdi.

Qonunchilik palatasi majlisida giyohvandlik vositalari, psixotrop va kuchli ta’sir qiluvchi moddalarning noqonuniy muomalasi uchun javobgarlikni kuchaytirishga qaratilgan qonun loyihasi ikkinchi o‘qishda moddama-modda ko‘rib chiqilmoqda.

Xususan, Jinoyat kodeksidagi giyohvandlik vositalari yoki psixotrop moddalar, shuningdek, kuchli ta’sir qiluvchi yoki zaharli moddalar bilan qonunga xilof ravishda muomala qilishdan iborat jinoyatlar aholi salomatligi va genofondiga qarshi jinoyatlar sifatida alohida bobga birlashtirilmoqda.

Shuningdek, Jinoyat kodeksidagi mazkur bobda narkotiklarning noqonuniy muomalasiga hokimiyat (mansab) vakolatlarini suiiste’mol qilish yo‘li bilan homiylik (rahnamolik...

UzAuto Motors 2025-yil oxirida ikki yangi tijorat avtomobilini rasman taqdim etdi: Chevrolet Damas Max (yuk tashish uchun) va Chevrolet Damas Move (yo‘lovchi tashish uchun). Yangi avlod modelida sezilarli yangilanishlar bor. Shu bilan birga, avvalgi Damas versiyasini ishlab chiqarish ham davom etadi. Quyida yangi va eski Damas o‘rtasidagi farqlar texnik xususiyatlar, qulaylik, xavfsizlik tizimlari va narxlar kesimida batafsil tahlil qilinadi.

Maqolada quyidagilar haqida so‘z boradi:

Texnik ko‘rsatkichlardagi...

Bekobodning «Metallurg» klubi Proligada ishtirok etish uchun qo‘yilgan barcha minimal talablarni bajarib, rasman liga qatnashchilari safiga qaytdi. Klub FIFA oldidagi qarzdorlikni bartaraf etib, transfer taqig‘idan qutuldi. Bu haqda UzPFL xabar berdi.

9-fevral kuni FIFA «Metallurg» klubidan transfer taqig‘ini olib tashladi. Bunga qadar klub Liga talabiga ko‘ra FIFA Legal Portal va FIFA TMS platformalariga kirish huquqini tiklab, legioner futbolchi oldidagi mavjud qarzdorlikni to‘liq bartaraf etgan. Ushbu jarayonlar «O‘zmetkombinat» AJ tomonidan tasdiqlangan «Yo‘l xaritasi» asosida amalga oshirildi.

Endilikda klubga yangi futbolchilarni ro‘yxatdan o‘tkazish uchun MyLeague platformasidan foydalanish huquqi taqdim etiladi. Birinchi navbatda, klub rahbar organi va futbolchilarning professional mehnat shartnomalari ro‘yxatdan...

Qozog‘istonning yangi konstitutsiya loyihasida rus tili va undan foydalanishga oid qism o‘zgartiriladi. Bu haqda respublika konstitutsiyaviy sudi raisining o‘rinbosari Baqit Nurmuxan ma’lum qildi.

31-yanvar kuni konstitutsiyaviy islohotlar bo‘yicha komissiya Qozog‘istonning yangi konstitutsiyasi loyihasini e’lon qilgan edi. Loyihaning 9-moddasida davlat tashkilotlari va mahalliy o‘zini o‘zi boshqarish organlarida qozoq tili bilan teng ravishda rus tilidan ham rasmiy foydalanilishi qayd etilgandi. Endilikda ushbu moddada ishlatilgan «teng» so‘zi «qatorida» so‘ziga almashtiriladi. Ya’ni rus tili qozoq tili bilan teng maqomda emas, balki «qozoq tili qatorida» qo‘llanadi.

Qozog‘istonning amaldagi konstitutsiyasi 7-moddasining ikkinchi xatboshisiga ko‘ra, rus tili davlat tashkilotlari va mahalliy davlat hokimiyati organlarida qozoq tili...

Changan Deepal S05 elektromobili Euro NCAP reytingida besh yulduzni qo‘lga kiritdi. Bu haqda Kursiv Media ma’lum qildi. Model yangilangan baholash protokollari asosida sinovdan o‘tkazilgan.

Mundarija:

Yo‘lovchilar va atrofdagilar uchun himoya

Sinovlarning muhim jihatlaridan biri kuzovning xatti-harakati bilan bog‘liq bo‘ldi. Old tomondan to‘qnashuvda Deepal S05 qarama-qarshi avtomobilga yetadigan zarar kamaytiradi. Salonda esa mustahkam ustunlar kattalar xavfsizligini yuqori darajada ta’minlaydi. Himoya darajasi 94 foizga baholandi. Markaziy xavfsizlik yostiqchasi haydovchi va old yo‘lovchining bosh qismi to‘qnashishini...

2026-yil 9-fevral kuni xorijdagi bo‘sh ish o‘rinlarini xususiy bandlik agentliklari o‘rtasida taqsimlash tartibi to‘g‘risidagi nizom Adliya vazirligida davlat ro‘yxatidan o‘tkazildi.

Ushbu nizom Migratsiya agentligi tomonidan xorijiy ish beruvchilar va rekruting tashkilotlaridan jalb qilingan bo‘sh ish o‘rinlarini xususiy bandlik agentliklari o‘rtasida ochiq tanlov yo‘li bilan taqsimlash tartibini belgilaydi.

Agentlik xorijiy ish beruvchilar va rekruting tashkilotlaridan jalb qilingan bo‘sh ish o‘rinlari to‘g‘risidagi ma’lumotlarni elektron platformada e’lon qiladi. Bu bo‘yicha xususiy bandlik agentliklarining elektron platformadagi shaxsiy kabinetlariga avtomatik ravishda xabarnoma yuboriladi.

Kvotalar to‘g‘risidagi e’lon muddati 5 ish kunidan kam bo‘lmasligi kerak. Xususiy bandlik agentliklari kvotalar to‘g‘risidagi e’lon joylashtirilgan kundan boshlab undagi...

Toshkent viloyatida aksiz markasisiz tamaki mahsulotlari savdosiga chek qo‘yildi. Bu haqda Bosh prokuratura huzuridagi Departament ma’lum qildi. Qibray tumanida o‘tkazilgan tezkor tadbirda 7,5 ming quti noqonuniy sigareta to‘xtatib qolindi.

Departamentning Qibray tumani bo‘limi va boshqa huquqni muhofaza qiluvchi organlar hamkorligida tadbir o‘tkazildi. Tekshiruv davomida avval sudlangan fuqaro O.Q. boshqaruvidagi Captiva avtomobili ko‘zdan kechirildi.

Mashina salonidan turli nomdagi 7,5 ming quti aksiz markasisiz tamaki mahsulotlari topildi. Aniqlanishicha, mahsulotlar sotish maqsadida vodiy viloyatlariga olib ketilayotgan bo‘lgan.

Topilgan tamaki mahsulotlari ashyoviy dalil sifatida olib qo‘yildi. Holat yuzasidan Jinoyat kodeksining 186-1-moddasi bilan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, Kursiv...

Ijtimoiy tarmoqlarda Olmaliq shahridagi maktabda 10-sinf o‘quvchisi vafot etgani haqida xabarlar tarqaldi. Holat yuzasidan Toshkent viloyati maktabgacha va maktab ta’limi boshqarmasi munosabat bildirdi.

Telegramdagi «Nemolchi» kanaliga ko‘ra, 10-sinf o‘quvchisining o‘limiga maktabda o‘tkazilgan «tarbiyaviy» suhbat sabab bo‘lgani aytilmoqda. Ota-onalar murojaatida suhbat ichki ishlar xodimlari ishtirokida o‘tganini bildirgan.

Xabarda ta’kidlanishicha, maktabda mish-mishlar sabab yig‘ilish tashkil etilgan. Kattalar yuqori sinf o‘quvchilariga baland ovozda gapirgan. So‘ng ayrim o‘quvchilar alohida xonaga chaqirilgan. Marhuma qiz ham suhbatda bo‘lgan va kuchli stressni boshdan kechirgan.

Boshqarma ma’lumotiga ko‘ra, voqea 28-yanvar kuni Olmaliq shahridagi 5-sonli maktabda sodir bo‘lgan. 2009-yilda tug‘ilgan 10-sinf o‘quvchisi maktab yo‘lagida hushini yo‘qotgan.

Dastlabki...

Ijtimoiy tarmoqlarda koronavirusga qarshi emlangan insonlar hayoti xavf ostida ekani, jumladan, ularda saraton kasalligi paydo bo‘lishi mumkinligi haqida xabarlar tarqaldi. Holat yuzasidan Sanitariya-epidemiologik osoyishtalik va jamoat salomatligi qo‘mitasi raisining birinchi o‘rinbosari Nurmat Atabekov rasmiy izoh berdi.

Uning ta’kidlashicha, bu kabi xabarlar mutlaqo asossiz. Pandemiya boshlanganidan buyon dunyo bo‘yicha 710 mlndan ortiq odam COVID-19 bilan kasallangan, 7 mlndan ziyod kishilar vafot etgan. Agar vaksinalar yaratilmagan va emlash ishlari tizimli olib borilmaganida, bu ko‘rsatkichlar bir necha barobar yuqori bo‘lishi mumkin edi. Vaksina paydo bo‘lishidan oldingi davrda o‘lim holatlari ancha ko‘p bo‘lgani bunga yaqqol dalil bo‘ladi.

Mutaxassisning aytishicha, amalda qo‘llanilgan vaksinalar inson...

2026-yil fevral oyida Rossiyada Tracker krossoverining minimal narxi 1,65 mln rublni tashkil qildi. Bu qariyb 264 mln so‘mga teng. Taqqoslash uchun, O‘zbekistonda ushbu modelning rasmiy narxi ancha past.

O‘zbekiston bozorida Chevrolet Tracker aksiyada 215 951 360 so‘mdan boshlanadi. Bu taxminan 1,35 mln rublga teng. Ikki bozor o‘rtasidagi farq 48 mln so‘m yoki qariyb 300 ming rublni tashkil qilmoqda.

Rossiyada Tracker qayerda va nechaga sotilmoqda

Rossiyada Chevrolet Tracker hozircha cheklangan miqdorda mavjud. Avtomobillar parallel import orqali olib kelinmoqda va asosan buyurtma asosida taklif qilinmoqda.

Vladivostok shahrida 1.0 Turbo dvigatelga ega Tracker sotuvga chiqarilgan. Model 116 ot...

Armaniston va AQSh fuqarolik yadroviy sektorida hamkorlik qilish bo‘yicha kelishuv imzoladi. 9-fevral kuni Yerevanda AQSh vitse-prezidenti JD Vens va Armaniston bosh vaziri Nikol Pashinyan «123-kelishuv» bo‘yicha muzokaralar yakunlanganini e’lon qildi. Bu haqda Reuters agentligi xabar bermoqda.

JD Vensning so‘zlariga ko‘ra, ushbu kelishuv AQShga dastlabki bosqichda $5 mlrdlik, uzoq muddatda esa yoqilg‘i va texnik xizmat ko‘rsatish shartnomalari bo‘yicha qo‘shimcha $4 mlrdlik eksportni amalga oshirishga ruxsat beradi.

«Ushbu kelishuv Armaniston va Qo‘shma Shtatlar o‘rtasidagi chuqurlashib borayotgan energetik hamkorlikda yangi sahifa ochadi», – dedi Nikol Pashinyan qo‘shma matbuot anjumanida.

Ushbu qadam Armanistonning Rossiya va Eronga bo‘lgan uzoq...