Yangiliklar

Rossiyada eng arzon bo‘lgan «Moskviсh 3» krossoveri qimmatlashdi. Bu haqda «Avtonovosti dnya» ma’lum qildi.

«Moskviсh» zavodi mexanik uzatma va variatorga ega «Standart plus», shuningdek, «Komfort» versiyalarini telematikasiz taklif qilmaydi. Barcha yangi avtomobillar «Moy Moskviсh» yoki «M-Kontrol» tizimi bilan jihozlanadi.

O‘zgarishlardan oldin eng arzon variant 1 945 000 rubl ($21 ming) bo‘lgan.

Telematikasiz arzon versiyalar bekor qilinishi xaridor tanlovini chekladi. Endilikda pastroq narx evaziga soddaroq komplektatsiyani tanlash imkoni yo‘q.

Narx:

Eslatib o‘tamiz, Kursiv Uzbekistan nashri tank shaklidagi «Buxanka» Chevrolet Tracker narxida sotuvga qo‘yilgani haqida yozgan edi.

Harbiy sohadagi yirik kashfiyotlar vaqt o‘tishi bilan oddiy kundalik texnologiyalarga aylandi. Bugun ularsiz odamlar hayotini tasavvur qila olmaydi — uyda ham, safarda ham. Ushbu maqolada harbiy sohada yaratilib, keyinchalik xonadonlarga kirib kelgan bir nechta texnologiyalar keltiriladi.

Quyidagilar haqida bilib olasiz:

Mikroto‘lqinli pech

Oshxonadagi eng keng tarqalgan qurilmalardan biri butunlay tasodifan ixtiro qilingan.

Ikkinchi jahon urushi davrida radiolokatsiya texnologiyalarining rivoji jangovar harakatlar xarakterini tubdan o‘zgartirdi...

«Og‘ir» mahallalarda daromad keltiradigan aktiv sifatida 300 – 500 kVt quvvatga ega kichik quyosh elektr stansiyalarini ishga tushirish rejalashtirilmoqda. Bu haqda prezidentning tegishli qarori qabul qilindi.

Hujjatda bir oy muddatda qo‘shimcha prezident qarori loyihasi kiritilishi nazarda tutilgan. Unda kichik quyosh elektr stansiyalarini belgilangan tartibda loyihalash, davlat ekspertizasidan o‘tkazish, tender orqali pudratchini aniqlash va qurilish-montaj ishlarini tashkil qilish masalalari aks etadi.

Shuningdek, qurilgan stansiyalarni foydalanishga qabul qilish va boshqarish tartibi hamda ishlab chiqarilgan elektr energiyasini sotishdan tushgan mablag‘larni taqsimlash mexanizmlari ham belgilanishi ko‘zda tutilgan.

Eslatib o‘tamiz, Kursiv Uzbekistan nashri O‘zbekistonda quyosh panellari o‘rnatgan aholiga 209 mlrd so‘m subsidiya to‘lab berilgani...

Apple kelgusi olti oy ichida bir qator yangi qurilmalarni taqdim etishi kutilmoqda. Bloomberg jurnalisti Mark Gurman’ning ma’lumotlariga qaraganda, yangi iPhone’lar, iPad’lar, MacBook’lar va iOS’ning yangilangan versiyasi rejalashtirilgan.

iPhone’lar: iPhone 17e

Apple e-seriyasini har yili bahorda yangilab borishni rejalashtirmoqda. 2026-yilda iPhone 17e taqdim etiladi. Undagi asosiy o‘zgarishlar tashqi dizayndan ko‘ra ichki texnologiyalarga taalluqli bo‘ladi. Qurilma A19 protsessori, MagSafe quvvatlash tizimi, Apple ishlab chiqqan C1 modem va N1 simsiz chipga ega bo‘ladi. Bu esa Wi-Fi 7, Bluetooth 6 va aqlli uylar uchun Thread texnologiyasini qo‘llab-quvvatlash imkonini beradi. Narxi esa taxminan $599 bo‘lib qolishi mumkin.

Shuningdek, kuz oylarida iPhone...

Suzuki kompaniyasi Yevropa bozori uchun flagman krossoveri Across’ning yangi versiyasini namoyish etdi. Bu haqda Carscoops ma’lum qildi.

Umumiy ma’lumot

Model Toyota bilan yaqin hamkorlik natijasida yaratilgan bo‘lib, amalda yangi Across Toyota RAV4’ning o‘zgartirilgan talqini hisoblanadi. Bu safar Suzuki yo‘ltanlamas Adventure (AQShda Woodland Edition) versiyasidan foydalangan.

Tashqi dizayn

Asosiy tashqi o‘zgarish – RAV4’ning Adventure versiyasidan olingan katta radiator panjarasi bo‘lib, bu Suzuki logotipini organik tarzda joylashtirishga imkon beradi. Krossover 18 dyuymli qoramtir g‘ildirak disklari bilan jihozlangan va to‘rt rangda taqdim etiladi. Shu bilan birga, Across egalari uchun RAV4 aksessuarlarining to‘liq mosligi ta’minlangan.

Ichki dizayn va jihozlar

BMW kompaniyasi AQShda 87,4 ming dona avtomobilni qaytarib olish boshlanganini e’lon qildi. Bunga sabab starter dvigatellarining haddan tashqari qizib ketishi va yong‘in xavfi mavjudligi bo‘ldi. Bu haqda Reuters nashri xabar berdi.

Unga ko‘ra, 2,0 litrli turbo dvigatelga ega ayrim modellar starter mexanizmidagi ichki detalning kutilmagan darajada yeyilishi sababli dvigatelni ishga tushirmasligi yoki jiddiy qizib ketishi mumkin. Kompaniya, hatto, avtomobil harakatlanayotgan paytda ham yong‘in chiqish ehtimolini inkor etmayapti. Nosoz starterlar Valeo kompaniyasi tomonidan yetkazib berilgan.

Muammo bo‘yicha tekshiruvlar 2025-yil sentabr oyida boshlangan. Bunga starter dvigatellarida issiqlik shikastlanishi alomatlari kuzatilgan uchta holat sabab bo‘lgan. Muhandislik tahlili davomida elektr rele kamerasida ishqalanish...

Janubiy Koreyaning Chindo okrugi rahbari Kim Xi Su demografik muammolarni hal qilish uchun chet ellik ayollarni «import qilish»ni taklif etdi. Ushbu bayonot ortidan Janubiy Cholla provinsiyasi hukumati rasman uzr so‘radi.

Kim Xi Su Vyetnam yoki Shri-Lankadan kelgan ayollarni qishloq joylaridagi erkaklarga turmushga berish orqali tug‘ilish darajasini oshirish mumkinligini aytgan edi. Vyetnamning Seuldagi elchixonasi bu shunchaki shaxsiy fikr emas, balki migrant ayollarga bo‘lgan munosabat va qadriyatlar masalasi ekanini keskin ta’kidladi.

Amaldor keyinchalik o‘z so‘zlari uchun uzr so‘rab, maqsadi faqat mintaqadagi og‘ir demografik vaziyatga e’tibor qaratish bo‘lganini bildirdi. Biroq bu jamoatchilikdagi tanqid to‘lqinini to‘xtata olmadi. Yakunda Demokratik partiya rahbariyati Kimni o‘z...

iPhone 18 Pro kamerasi jiddiy yangilanishga ega bo‘lishi mumkin. Tom’s Guide ma’lumotlariga qaraganda, Apple ilk bor iPhone’da o‘zgaruvchan diafragma (variable aperture) texnologiyasini joriy etishni rejalashtirmoqda.

Bu yangilik ayniqsa suratga olishni yoqtiradigan foydalanuvchilar uchun muhim bo‘lishi mumkin. Digital Chat Station Apple ikki katta kamera yangilanishi ustida ishlayotganini aytdi. Bular asosiy kamerada o‘zgaruvchan diafragma va telefoto kamerada keng diafragma. Qaysi modellarga tegishli ekani aniq aytilmagan bo‘lsa-da, boshqa manbalar bu imkoniyatlar iPhone 18 Pro va iPhone 18 Pro Max’da paydo bo‘lishini ko‘rsatmoqda.

Oldinroq tahlilchi Ming-Chi Kuo ham Apple iPhone 18 seriyasida o‘zgaruvchan diafragma ustida ishlayotganini bildirgan edi. 2025-yil...

2026-yil fevral oyida Chevrolet AQSh bozorida Chevrolet Tahoe modeliga nisbatan bir qator moliyaviy takliflarni ishga tushirdi. Bu haqda GMAutority nashri xabar bermoqda. Asosiy imtiyozlar 2025-yilgi Tahoe versiyalariga taalluqli bo‘lib, 2026-yilgi model uchun hozircha chegirmalar mavjud emas.

Mavjud takliflarga ko‘ra, 2025-yilgi Tahoe Premier va High Country komplektatsiyalari uchun $1 ming miqdorida mijoz chegirmasi berilmoqda. Ushbu aksiya panoramali tom oynasi o‘rnatilgan avtomobillarga tatbiq etilmaydi.

Shuningdek, ombordagi 2025-yilgi Tahoe modellari uchun butun mamlakat bo‘ylab lizing dasturlari ham taklif qilinmoqda. Masalan, Tahoe LT 4WD versiyasini 36 oy muddatga oyiga $879 to‘lov evaziga ijaraga olish mumkin. Yillik yurish limiti 10 ming mil...

Navoiy xalqaro aeroporti markazlashgan operativ boshqaruv tizimidan ajratiladi. Bu haqda prezident qarori e’lon qilindi.

Qarorga ko‘ra, 2030-yilga kelib Navoiy xalqaro aeroportida amalga oshiriladigan parvozlar soni 2,3 barobarga oshirilib, yiliga 7 mingtagacha yetkaziladi. Shuningdek, yo‘lovchi tashish hajmi 150 ming nafarga, yuk tashish hajmi esa 45 ming tonnagacha oshirilishi rejalashtirilgan.

«Navoi International Airport« MChJ «Uzbekistan Airports» AJning markazlashgan operativ boshqaruv tizimidan ajratilib, uning faoliyatiga alohida loyihaviy boshqaruv modeli tatbiq etiladi.

Qarorga muvofiq, Navoiy xalqaro aeroportiga ijro etuvchi organiga bir qator mustaqil vakolatlar berildi. Jumladan, o‘z daromadlari hisobidan aviatsiya xizmatlari eksportini kengaytirishga qaratilgan qo‘shimcha xizmat turlarini joriy etish hamda havo kemalariga...

Kuchli sovuq kunlar boshlanishi bilan ko‘plab haydovchilar yoqimsiz va asabiy holatga duch keladi: kalit eshik qulfida umuman aylanmaydi. Vahimaga tushish, kuch bilan bosish yoki yanayam yomoni, qulf ustiga qaynoq suv quyish qimmat ta’mirlarga olib kelishi mumkin. Texnika fanlari nomzodi Oleg Ruban fizika bilimlariga tayangan holda muammoni qanday hal qilish mumkinligi haqida aytib berdi.

Ushbu maqolada quyidagilarni batafsil bilib olasiz:

Qulf muzlashining asl sababi

Ko‘pchilik eshik qulf ichiga tushgan qor sabab muzlab qoladi, deb hisoblaydi. Ammo Oleg...

Xitoyning Hongqi brendi Hongqi HS6 PHEV modeli bilan yana bir Ginnes rekordini qo‘lga kiritdi. Gibrid SUV past harorat sharoitida qayta yonilg‘i quyilmasdan eng uzoq masofa bosib o‘tgan avtomobil sifatida rekord qayd etdi.

Sinov -20°C dan past haroratda o‘tkazildi. Standart, o‘zgartirilmagan Hongqi HS6 PHEV 1,1 ming km masofani bosib o‘tdi.

Bu HS6 PHEV uchun ikkinchi rekord hisoblanadi. 2025-yil noyabr oyida model to‘liq zaryad va to‘liq bak bilan 2,3 ming km yurib, PHEV SUV’lar orasida eng uzoq masofa bosib o‘tgan avtomobil sifatida e’tirof etilgandi.

Hongqi HS6 PHEV 2025-yil dekabr oyida sotuvga chiqarilgan. Uning Xitoydagi narxi taxminan $25,8 mingdan $33 minggacha. Model...

OpenAI kompaniyasi ChatGPT’ning Free va Go obuna rejalaridagi foydalanuvchilar uchun reklamalarni sinovdan o‘tkazmoqda. Bu haqda Tech Crunch ma’lum qildi.

Go rejasi AQShda oyiga $8 turadigan arzon obuna bo‘lib, yanvar o‘rtalarida global miqyosda taqdim etilgan. Boshqa pullik obuna rejalari, jumladan Plus, Pro, Business, Enterprise va Education foydalanuvchilariga reklama chiqmaydi.

Reklamalar foydalanuvchi suhbatlari, oldingi chatlar va oldingi reklamalar bilan bog‘liq ma’lumotlarga asoslanib optimizatsiya qilinadi. Masalan, retsept qidirayotgan foydalanuvchilarga oziq-ovqat yetkazib berish xizmatlari yoki ovqat paketlari reklamalari taqdim etiladi. OpenAI reklamachilarga ayrim umumiy ma’lumotlarni taqdim qiladi.

Foydalanuvchilar reklamalar tarixini ko‘rish, o‘chirish, reklamalarni rad etish va shaxsiylashtirish sozlamalarini boshqarish imkoniyatiga ega bo‘ladi...

Lenovo kompaniyasining taqdimoti kutilayotgan Legion Y700 plansheti haqidagi yangi tafsilotlar ma’lum bo‘ldi.

Gadjet 3040×1904 pikselli 8,8 dyuymli ekran bilan jihozlanadi. Ekran yangilanish chastotasi 165 Gts, eng yuqori yorqinligi esa 800 kd/m² ni tashkil etadi. Shuningdek, 12 bitli rang chuqurligi va P3 rang gammasi to‘liq qamrab olingani ma’lum qilingan (ShIM 2640 Gts). Insayderning xabar berishicha, planshetning asosi flagman darajasidagi Snapdragon 8 Elite Gen 5 chipi bo‘ladi.

Xotira konfiguratsiyasi uch xil variantda taqdim etiladi: 12/256 GB, 16/512 GB va 24 GB/1 TB. To‘plamdagi quvvatlash blogining quvvati 68 Vt, planshetning og‘irligi esa taxminan 360 grammni tashkil qiladi. Legion Y700 qora va oq...

So‘nggi kunlarda Google Pixel smartfonlari egalari qurilmadan kutilmaganda juda baland ovozlar chiqayotgani haqida shikoyatlar bildirmoqda. Tom’s Guide’ga ko‘ra, dastlab bu holat Pixel 10’da kuzatilgani aytilgan bo‘lsa-da, muammo ancha oldin hatto Pixel 6 modelidan beri mavjud ekani ma’lum bo‘ldi.

Foydalanuvchilarning aytishicha, ovoz asosan ilovalarni ochish yoki yopish paytida, ba’zan esa o‘yinlar ishga tushirilganda paydo bo‘ladi. Qizig‘i shundaki, hatto telefon ovozi o‘chirilgan holatda ham bu tovush eshitilgan. Ayrimlar buni dastlab tashqi shovqin yoki nimadir urilgandek deb o‘ylaganini aytgan.

Muammo Pixel 7 Pro, Pixel 8 Pro, Pixel 9 Pro va 9 Pro XL kabi bir nechta modellarda ham qayd etilgan. Ba’zi foydalanuvchilar...

AQShning Michigan shtatida gapiruvchi to‘tiqush jinoyatni fosh etishda muhim dalilga aylandi. Bu haqda Mirror nashri xabar berdi.

Politsiya Martin va Glenna Dyuramlar yashagan uyga yetib kelganida, erkak kishi besh marotaba o‘q yegan holda halok bo‘lgan, uning rafiqasi esa yonida o‘q jarohati bilan og‘ir ahvolda topilgan. Ayol tirik qolgan va tergovchilarga voqea qanday sodir bo‘lganini bilmasligini, kim otganini ko‘rmaganini aytgan.

Dastlab tergov boshi berk ko‘chaga kirib qoldi. Biroq keyinchalik huquq-tartibot idoralari xodimlari uyda yashagan afrikalik kulrang to‘tiqushga e’tibor qaratishdi. Bad laqabli qush tinimsiz ravishda «Otma!» degan so‘zni marhum erkakning ovoziga o‘xshash ohangda takrorlay boshlagan.

Marhumning sobiq rafiqasi va ota-onasi to‘tiqush...

Geely Atlas REV nomli yangi gibrid kupye-krossoverini rasman namoyish qilindi. Bu haqda «Kitayskie avtomobili» nashri xabar bermoqda. Yangi model an’anaviy benzinli Atlas oilasi bilan texnik jihatdan bog‘liq emas.

Atlas REV ketma-ket gibrid hisoblanadi. U faqat elektr tortish bilan 375 km masofani bosib o‘ta oladi. Gibrid rejimda esa umumiy yurish zaxirasi 1 525 kmga yetadi. Model ilgari Okavango R7 nomi bilan ommaviy ishlab chiqarishga ruxsat olgan bo‘lib, Livan brendining Livan 7 elektromobili bazasida yaratilgan.

Tashqi ko‘rinishda Atlas REV ixcham kupye-krossover formatida ishlangan. Old qismida ikki qavatli optika qo‘llangan, kuzov chizig‘i esa silliq pastga tushadi. Avtomobil haqiqiy eshik tutqichlariga ega. Orqa...

2026-yil yanvar oyida «Toshkent» respublika fond birjasi (RFB)da aksiyalar bilan savdolar faol kechdi. Oy yakunlariga ko‘ra, aksiyalar savdosining umumiy hajmi 14,73 mlrd so‘mni tashkil etdi. Bu davrda jami 66,9 mingta bitim tuzildi.

Savdolarning katta qismi Main Board maydonchasiga to‘g‘ri keldi. Unda asosan chakana mijozlar savdo qiladi. Xususan, TOP-10 emitentlar hissasiga 12,8 mlrd so‘m yoki Main Board’dagi umumiy savdo hajmining 87 foizi to‘g‘ri keldi.

Yanvar oyi mobaynida «O‘zsanoatqurilishbank» aksiyalari eng katta o‘sishga erishib, 232,73 foizga qimmatlashdi. Shuningdek, «Aloqabank» (+61,36%) va «Ipak yo‘li» (+42,58%) aksiyalarida ham o‘sish qayd etildi.

Savdo hajmi bo‘yicha esa «O‘zbektelekom» (3,7 mlrd so‘m) yetakchilik qildi. «O‘zRTXB...

AQShda noodatiy avtomobil topildi. Kolesa.kz xabariga ko‘ra, 1981-yilgi Mercedes-Benz S-Class (W126) modeli pikap ko‘rinishiga keltirilgan.

Avtomobil hozirgi egasi tomonidan El Benzo deb nomlangan. Bu nom mashhur Chevrolet El Camino modeliga ishora qiladi.

Mazkur loyiha qachon va kim tomonidan amalga oshirilgani noma’lum. Avtomobilning hozirgi egasi uni bir necha yil avval qo‘shnilaridan sotib olgan. Avvalgi egalari mashinani uzoq vaqt saqlagan, biroq kam ishlatgan.

Hozirda avtomobilning holati mukammal emas. Salon ancha eskirgan, bo‘yoqlarda yorilishlar bor, orqa bamper esa to‘g‘ri o‘rnatilmagan. Shunga qaramay, kapot ostidagi 3 litrli dizel dvigatel ishlash holatida. Motor bir necha oy oldin faqat tekshiruv uchun ishga tushirilgan, shundan...

Telegram messenjeri navbatdagi yirik yangilanishni taqdim etdi. Yangilanish Android va iOS foydalanuvchilari, shuningdek, guruh egalari hamda bot ishlab chiquvchilar uchun bir qator muhim yangiliklarni o‘z ichiga oladi.

Dastlab Android versiyasi yangilandi. Ilova dizayni qayta ishlanib, iOS uslubidagi suzuvchi pastki panel paydo bo‘ldi. Shuningdek, interfeysning bir qator elementlari zamonaviyroq ko‘rinishga keltirildi. iOS foydalanuvchilari uchun esa suyuq shisha (liquid glass) effektlariga ega elementlar soni ko‘paytirildi.

Yangilanish guruh egalari uchun ham qulayliklar olib keldi. Endilikda guruh egasi uni tark etishga qaror qilsa, barcha huquqlarni oldindan tanlangan administratorga topshirishi mumkin. Huquqlar avtomatik tarzda 7 kundan so‘ng yangi egaga o‘tadi.

Telegram’dagi sovg‘alar platformasi ham...

Apple’ning sobiq bosh dizayneri Joni Ayv tomonidan tashkil etilgan LoveFrom kompaniyasi Ferrari’ning ilk elektr avtomobili Luce uchun interyer dizaynini yaratdi. Bu haqda Ferrari kompaniyasi ma’lum qildi.

Interyer minimalistik uslubda yaratilgan bo‘lib, yumaloq shakllar va ko‘plab kichik detallar bilan boyitilgan. Salonning asosiy uch elementi rul va asboblar paneli, buriladigan ekran bilan tugmalar bloki hamda markaziy konsol va uzatma qutisi o‘zgartirgichidir.

Dizayn zamonaviy texnologiyalarni retro uslub bilan uyg‘unlashtiradi. Old panel uchta ekran bilan jihozlangan, ammo ular klassik asboblar kabi ko‘rinadi. Panelning o‘zi esa yarim asrlik avtomobillardan to‘g‘ridan to‘g‘ri olingan kabi ta’sir beradi.

Katta buriladigan ekran boshqa avtomobillardagi ekranlarga deyarli o‘xshamaydi...

Yevropa bozorida Xiaomi kompaniyasining yangi Redmi Note 15 liniyasi taqdim etildi. Qator to‘rtta modeldan iborat. Ixbt.com nashri modelning texnik imkoniyatlari haqida sharh tayyorladi.

Mundarija:

Dizayn va korpus sifati

Redmi Note 15 Pro+ 5G zamonaviy va «oraliq» dizaynga ega. Old va orqa panellar qisman egilgan. Bu yechim kaftga bosim bermaydi, ammo to‘liq tekis qirrali modellar kabi amaliy emas. Qurilma kattaroq va og‘irroq.

Yon ramka...

Yevropa to‘lov tashabbusi (EPI) rahbari Martina Veymert Financial Times nashriga bergan intervyusida Yevropa Visa va Mastercard kabi xalqaro tizimlarga haddan tashqari qaram ekanini ma’lum qildi. U qit’ada transchegaraviy to‘lovlar uchun yagona mahalliy yechim yo‘qligini tanqid qildi.

Yevropa Markaziy banki (YMB) ma’lumotlariga ko‘ra, Visa va Mastercard yevrohududdagi karta operatsiyalarining qariyb uchdan ikki qismini tashkil etadi. 16 ta Yevropa banki va moliyaviy xizmatlar kompaniyasini birlashtirgan alyans rahbari Veymert xalqaro yechimlarga qaramlik yuqori darajada ekanini ta’kidladi.

«Bizda mahalliy karta tizimlari kabi yaxshi milliy aktivlar bor, ammo transchegaraviy hech narsa yo‘q. Agar mustaqillik muhim desak, zudlik bilan harakat qilishimiz...

Onlayn o‘yin platformasi Roblox O‘zbekistonda rasmiy ravishda soliq to‘lovchi sifatida ro‘yxatdan o‘tdi. Bu haqda Yirik soliq to‘lovchilar bo‘yicha hududlararo soliq inspeksiyasi matbuot xizmati ma’lum qildi.

Unga ko‘ra, 9-fevral kuni AQShda joylashgan Roblox Corporation kompaniyasi qo‘shilgan qiymat solig‘i (QQS) to‘lovchisi sifatida respublikada ro‘yxatga olingan. Kompaniya dunyo bo‘ylab mashhur bo‘lgan Roblox onlayn o‘yin platformasini boshqaradi va rivojlantiradi.

Ma’lumot uchun, joriy yil boshidan buyon O‘zbekistonda olti nafar yangi xorijiy kompaniya virtual QQS ofisida ro‘yxatdan o‘tgan. Ular orasida Shveysariyaning FunPlus International AG, Epic Games Commerce GmbH, shuningdek Singapurning Skywork AI Pte. Ltd. kompaniyalari bor.

Avvalroq Kursiv Uzbekistan 2026-yildan QQS tushumlarining bir qismi mahalliy...