Yangiliklar

Xitoyning Air China aviakompaniyasi Urumchi – Toshkent – Urumchi yo‘nalishida birinchi reysni amalga oshirdi. Bu haqda Uzbekistan Airports xabar berdi.

Bugun, 22-iyul kuni 12:50 da poytaxt aeroportiga yetib kelgan Boeing-737 samolyoti birinchi reys bo‘ldi.

«Bu yo‘nalish ikki mamlakat o‘rtasidagi aviatsiya hamkorligining navbatdagi bosqichi bo‘lib, savdo va turizm aloqalariga ijobiy ta’sir ko‘rsatadi. Yo‘lovchilar uchun xavfsiz, qulay va zamonaviy parvozlarni ta’minlash biz uchun ustuvor vazifa», — dedi Air China vakili.

Uzbekistan Airports Handling kompaniyasi rahbariyati ham yangi yo‘nalishni iliq kutib olib, uni ikki davlat o‘rtasidagi iqtisodiy, madaniy va gumanitar aloqalarni mustahkamlovchi ko‘prik deb baholadi.

Zominda qiymati $10 mlnlik beton mahsulotlarini ishlab chiqaruvchi korxona ish boshladi. Bu haqda prezident matbuot xizmati xabar bermoqda. Bu korxona 60 kishini ish bilan ta’minlagan.

Shavkat Mirziyoyev 22-iyul kuni Jizzax viloyatiga tashrif buyurib, Zomin tumanida barpo etilayotgan texnopark qurilishini ko‘zdan kechirdi. 400 gektar maydonda tashkil etilayotgan sanoat hududida xitoylik investorlar bilan hamkorlikda $1,2 mlrdlik 31 loyiha amalga oshiriladi.

Yaqin kunlarda qiymati $42 millionlik yana bir loyiha ishga tushiriladi. Bu loyihada «Midea» brendi ostida yiliga 300 ming dona maishiy texnika ishlab chiqariladi. 150 ta yangi ish o‘rni yaratiladi.

Texnoparkning birinchi bosqichida 9 ta loyiha joylashtirilgan bo‘lib, bugungi kunda yana...

Dunyoning eng yirik chip ishlab chiqaruvchisi TSMC ilk bor $1 trillionlik kapitalizatsiyaga erishdi. Bu haqda Forbes xabar bermoqda.

Kompaniyaning aksiyalari 1150 tayvan dollari (taxminan $39,1) qiymatga chiqdi. Kapitalizatsiya esa 29,82 trillion tayvan dollarini, ya’ni $1,013 trillionni tashkil etdi. AQShdagi depozitariy kvitansiyalari ham o‘sishda davom etmoqda.

TSMC Apple va Nvidia kabi texnologik gigantlar uchun asosiy chip yetkazib beruvchi hisoblanadi. Investorlar kompaniya sun’iy intellekt sohasidagi talab fonida yanada kuchayishini kutmoqda.

Bloomberg yozishicha, TSMC’ning aksiyalari aprel oyidan buyon 50 foizga yaqin o‘sgan. Bu uni Osiyodagi ilk kompaniya sifatida $1 trillionlik kapitalizatsiyaga olib chiqdi.

2025-yilning ikkinchi choragida TSMC daromadi 39 foizga oshib...

O‘zbekiston va SOCAR Ustyurtda neft qazib olishni rejalashtirmoqda. Bu haqda davlat rahbari matbuot xizmati ma’lum qildi.

Bugingi kunda Toshkent murakkab konlarda foydali qazilmalarni qazib olish bo‘yicha boshqa mamlakatlar bilan hamkorlik qilmoqda. Shuningdek, xorijiy hamkorlar yordamida soha mutaxassislarini tayyorlash va tarmoqqa raqamli texnologiyalarni joriy etish ishlari olib borilmoqda.

Shavkat Mirziyoyev mavjud quduqlar samaradorligini oshirish orqali energiya resurslarini qazib olishda zamonaviy burg‘ulash usullarini qo‘llash muhimligini ta’kidladi.

Bundan tashqari, Energetika vaziri Jo‘rabek Mirzamahmudov «O‘zbekiston 24»ga bergan intervyusida prezidentning Ozarbayjonga rasmiy tashrifi davomida erishilgan kelishuvlarning bajarilishi muhokama qilinganini ta’kidladi.

Jumladan, Ozarbayjonning davlat kompaniyasi SOCARni istiqbolli maydonlarda geologiya-qidiruv ishlariga jalb etish, hujjatlarni tayyorlash...

Telegram asoschisi Pavel Durov platformada shantaj va raqamli firibgarlik holatlari ortib borayotganini tan oldi hamda foydalanuvchilarni bunday holatlar haqida xabar berishga chaqirdi.

Uning yozishicha, noyob raqamli sovg‘alar, virtual raqamlar va shaxsiy havolalar narxi so‘nggi paytlarda keskin ko‘paygan. Ayrim hollarda ularning qiymati $100 mingdan oshgan.

Biroq, bu raqamli aktivlarga bo‘lgan talab firibgarlar uchun ham yangi maydonga aylangan. Ayrim jinoyatchilar foydalanuvchilardan noyob sovg‘alarni majburan tortib olishga, boshqalar esa shaxsiy ma’lumotlarni oshkor qilish bilan tahdid qilib pul undirishga harakat qilmoqda. Durov bunday holatlarni noqonuniy va axloqsizlik deb atadi.

U jabrlanganlarga ikki yo‘lni taklif qildi: istaganlar to‘lov evaziga bevosita uning kanaliga yozishi mumkin...

Oliy Majlis Qonunchilik palatasi navbatdagi majlisida Markaziy bank raisi Timur Ishmetovga parlament so‘rovi yuborishga qaror qildi. Bu haqda parlament matbuot xizmati xabar bermoqda.

So‘rov mavzusi bank tizimini isloh qilish va banklarni transformatsiya qilish ishlari bilan bog‘liq.

Prezidentning 2020-yildagi farmoniga asosan 2020–2025-yillar uchun bank tizimini isloh qilish strategiyasi qabul qilingan. Lekin tahlillar shuni ko‘rsatmoqdaki, banklar faoliyatida davlat ulushi hali ham yuqori. Xususiy banklar esa hali belgilangan ko‘rsatkichlarga erisha olmagan.

Deputatlar bu holat tadbirkorlar va aholining zamonaviy bank xizmatlariga bo‘lgan ehtiyojini to‘liq qondirmayotganini ta’kidladi. Ayniqsa, yangi banklar ko‘proq Toshkent va viloyat markazlarida joylashgani sababli qishloq joylarda xizmatlar yetarli darajada emas.

Bundan...

Batareyalarini o‘zi almashtirgan holda 24/7 ishlaydigan gumanoid robot taqdim etildi. Bu haqda UBTech Robotics xabar berdi.

Kompaniya Walker S2 nomli yangi gumanoid robotini taqdim etdi. Bu robot ikki dona batareyaga ega bo‘lib, ularni o‘zi mustaqil ravishda almashtira oladi.

Batareya qanday almashtiriladi

Yaqin orada ishlab chiqarilishi kutilayotgan mazkur ishchi robot orqa tomonida ikkita batareya bo‘linmasiga ega bo‘ladi. Qachonki bir batareya quvvati tugay boshlasa, robot sanoat korxonasiga o‘rnatilgan almashtirish stansiyasiga boradi, tanasining yuqori qismini burab, qo‘llaridagi moslamalar yordamida ishlatilgan batareyani chiqarib olib, yangisini o‘rniga qo‘yadi.

Yuqoridagi videoda Walker S2 robotining ishlab chiqarish liniyasida ishlashi uchun zarur bo‘lgan mohir qo‘llari...

IT Home nashri xitoylik bloger tomonidan tarqatilgan ma’lumotlarga tayanib, Huawei’ning yangi bukiluvchi smartfoni haqida ilk tafsilotlarni e’lon qildi. Taqdim qilinadigan qurilma Huawei Mate X7 bo‘lishi kutilmoqda.

Ekran va dizayn

Yangi qurilma widescreen (keng ekranli) nisbati biroz nozik sozlangan ekran formatiga ega bo‘ladi. Shuningdek, korpus ingichka va yengil dizaynda bo‘lishi aytilmoqda. Ichki ekran 7.95 dyuymli, 2K COE LTPO+UTG texnologiyasiga asoslangan bo‘lishi kutilmoqda.

Batareya va ishlash

Huawei yangi modelda 5500 mA/soat atrofida sig‘imga ega batareyani sinovdan o‘tkazmoqda. Bu o‘tgan yili chiqarilgan Mate X6 modelidagi 5110 mA/soat batareyaga nisbatan sezilarli yaxshilanish hisoblanadi.

Kamera

Huawei Mate X7 ikki xil asosiy...

Yandex Uzbekistan navigatsiya xizmatiga qo‘shimcha ravishda svetofor chiroqlarini real vaqtda xaritada ko‘rish imkoniyatini qo‘shdi. Bu haqda «Kursiv» nashriga ma’lum qildi.

Ilk bosqich Toshkent shahrida sinovdan o‘tkazilmoqda. Amir Temur shohko‘chasi, Tiklanish va Gulyor ko‘chalari kesishmasi kabi chorrahalarda Yandex Maps va Navigator foydalanuvchilari svetoforning aynan qaysi chirog‘i yonib turganini mobil qurilmalari orqali kuzatishlari mumkin.

Ushbu yangi yechim bilan haydovchilarga «yashil to‘lqin» orqali harakatlanish uchun optimal tezlik tavsiya qilinadi, tirbandliklar prognozi aniqroq bo‘ladi va taksining yetib kelish vaqti ham yanada ishonchli hisob-kitob qilinadi.

Shuningdek, teskari taymer funksiyasi ustida ham ish olib borilmoqda. Bu haydovchilarga harakatni qachon davom ettirish mumkinligini aniq ko‘rsatadi. Bu esa...

Samsung, HUAWEI va Apple brendlariga oid yangi qurilmalar haqida ma’lumotlar tarqaldi. Bu haqda 4pda nashri xabar bermoqda.

Samsung kompaniyasining arzon Galaxy Tab S10 Lite plansheti relizdan oldin oshkor bo‘ldi. Qurilma Android 15 operatsion tizimi, Exynos 1380 protsessori, 6 GB tezkor xotira va 25 vattli tez zaryadlash funksiyasiga ega bo‘ladi. Uning narxi $299 – 349 atrofida bo‘lishi kutilmoqda.

Shuningdek, Huawei 6480 – 6600 mA·soat sig‘imli akkumulyatorga ega smartfon ustida ishlayotgani ma’lum bo‘ldi. Qurilma kremniy-uglerod texnologiyasiga asoslangan batareyaga ega bo‘ladi. Model nomi aniqlanmagan, lekin bu nova 15 yoki Flip 2 bo‘lishi mumkin.

Apple esa birinchi bukiluvchi smartfoni ustida ishlamoqda. Bloomberg muxbiri...

General Motors (GM) Braziliyada yangi 2026-yilgi Chevrolet Tracker 100 Years Edition modelini rasman taqdim etdi. Bu haqda GMAutority xabar bermoqda.

Ushbu model kompaniyaning mamlakatdagi 100 yillik faoliyatini nishonlash uchun chiqarilgan. Tracker 100 Years – Chevrolet’ning yil davomida Braziliya bozoriga chiqargan uchinchi yubiley modeli bo‘ldi. Bungacha S10 va Onix avtomobillari ham maxsus seriyada ishlab chiqarilgan edi.

Yangi Tracker RS komplektatsiyasiga asoslangan. Maxsus Noronha Blue rang, 17 dyuymli disklari, grafit rangdagi bamper bezaklari va 100 yillik logotipi bilan ajralib turadi. Saloniga premium o‘rindiqlar va eksklyuziv detallarga ega.

Avtomobil 1.2 litrli turbomotor bilan jihozlangan. U 141 ot kuchi va 225 Nm aylanish...

Poytaxtning Mirzo Ulug‘bek tumanida Yo‘l patrul xizmati (YPX) xodimlari tomonidan qoidabuzarliklar asosida qidiruvga berilgan Chevrolet Captiva rusumli avtomobil qo‘lga olindi. Bu haqda Yo‘l harakati xavfsizligi xizmati (YHXX) xabar berdi.

Unga ko‘ra, ushbu avtomobil jami 129 marotaba yo‘l harakati qoidalarini buzgani aniqlangan. Shuningdek, Majburiy ijro byurosi tomonidan 123 marta qidiruvga berilgan.

YHXX bergan ma’lumotlarga ko‘ra, haydovchining to‘lanmagan jarimalari summasi 54 million so‘mdan oshgan. Ayni paytda avtomobil jarima maydonchasiga olib ketilgan.

Avvalroq Kursiv Uzbekistan yo‘l qoidabuzarligi uchun jarimalar bir oyda kelmasa bekor qilinishi mumkinligi haqida yozgandi.

Shuningdek, avtomobil kapotini akvariumga aylantirgan fuqaro jarimaga tortilgandi.

Rossiyada rus tilini bilmagan migrantlarga haydovchi va shifokor bo‘lish taqiqlanadi. Bu haqda Rossiya mehnat va ijtimoiy himoya vaziri o‘rinbosari Andrey Pudov ma’lum qildi, deya xabar bermoqda TASS.

Unga ko‘ra, haydovchi, sotuvchi va tibbiyot xodimi lavozimlariga jalb etiladigan migrantlar rus tili va Rossiya tarixidan imtihon topshirish majburiyatidan ozod etilmasligi belgilandi.

Bundan oldin Davlat dumasi deputatlari umumiy majlisda hukumat kvotasi asosida Rossiyada ishlayotgan migrantlarni rus tili va Rossiya tarixi bo‘yicha test topshirish talabidan ozod etish to‘g‘risidagi qonun loyihasini ikkinchi o‘qishda qabul qilgan edi. Duma spikeri Vyacheslav Volodin esa Ichki ishlar vazirligiga Mehnat va ijtimoiy himoya vazirligining hukumat kvotasi asosida Rossiyaga taklif etiladigan...

Foydalanuvchilar Samsung Galaxy S23 smartfonining kamerasi bilan bog‘liq muammolar yuzasidan shikoyat qilmoqda. Bu haqda Android Police xabar bermoqda.

Samsung Galaxy S23 smartfonlari Android 15 asosidagi One UI 7 interfeysini joriy yilning aprel oyida oldi. Yangilanish avvaliga muammosiz ishlagani aytilgan edi. Biroq oradan vaqt o‘tib, foydalanuvchilar kameraning sifati yomonlashganidan shikoyat qila boshladi.

Samsung Community forumi va Reddit’da yozilgan fikrlarga ko‘ra, kamera suratlari endi juda xira chiqmoqda. HDR tasvirlari bilan Samsung qurilmalari endi bunday natijani bermayapti. Ayrim foydalanuvchilar esa suratlar xira tushishini va kamera ilovasining sekin ishlashini qayd etgan.

Ba’zilar suratga olinganidan keyin oldindan ko‘rish funksiyasi faqat 2-3 soniya o‘tgach ishlashini...

Bloomberg nashri muxbiri Mark Gurmanning yozishicha, iOS 27 versiyasi buklanadigan ekranlar va ular uchun zarur bo‘lgan interfeys yechimlariga yo‘naltirilgan funksiyalarni o‘z ichiga oladi.

«Apple yangi form-faktorga moslashtirilgan dasturiy funksiyalarga ustuvorlik beradi», – deyiladi Gurman.

Ya’ni Apple oddiy iPhone bilan bir xil iOS’da ishlaydigan bukiluvchi iphone chiqarishni xohlamaydi.

Mazkur tafsilotga ko‘ra, Apple bukiluvchi smartfonlarni aynan Xitoy bozoriga yanada chuqurroq kirib borish uchun tanlamoqda.

«Bu format, ayniqsa, Xitoyda ommalashdi, bu Apple o‘z mavqeyini mustahkamlashga intilayotgan muhim bozor sanaladi. Xiaomi, Honor, Huawei va Vivo kabi mahalliy brendlar allaqachon bukiluvchi modellarni taqdim etgan...

21-iyul holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 34,8 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,2 foizni, yuridik shaxslar ulushi esa 23 foizni ko‘rsatmoqda.

14-iyul holatiga ko‘ra, mikroqarzlarning o‘rtacha foiz stavkasi 35,4 foizni tashkil etgandi.

Eng yuqori foiz stavkasi quyidagi banklarda qayd etilgan:

Eng...

Yanvar – iyun oylarida 73,1 ming dona Chevrolet Cobalt avtomobili ishlab chiqarilgan. Milliy statistika qo‘mitasi tomonidan 2025-yilning yanvar-iyun oylari bo‘yicha avtomobil ishlab chiqarish ko‘rsatkichlari e’lon qilindi.

Damas ham ancha yuqori natijani qayd etdi — 46 ming dona. Maxsus yengil avtomobillar segmentida esa 23 ming dona bilan so‘nggi besh yillikning eng yuqori darajasi qayd etildi.

Chevrolet Tracker o‘z pozitsiyasini mustahkamladi. Modeldan yarim yilda 22,8 ming dona ishlab chiqarildi. KIA ishlab chiqarilishi o‘tgan yilga nisbatan oshib, 11,7 ming donaga yetdi. Onix biroz pasaygan bo‘lsa-da, hali ham 17 mingdan ortiq ko‘rsatkichni ushlab turibdi.

Xitoy brendlari orasida barqarorlik saqlanmoqda. Chery avtomobillari...

O‘zbekiston 2025-yilning yanvar – iyun oylarida 311 ming tonna meva eksport qildi. Eksport qilingan mahsulotlarning umumiy qiymati $368,6 mlnni tashkil etdi. Bu ko‘rsatkich 2024-yilning shu davriga nisbatdan qariyb 43 foizga ko‘p, deb xabar bermoqda EastFruit.

Har yili mamlakatda 3,4 million tonna meva va 1,9 million tonna uzum yetishtiriladi. 2024-yilda meva, sabzavot va oziq-ovqat mahsulotlari umumiy qiymati $2,3 milliardga eksport qilingan. Shundan $1,5 milliardi aynan meva va sabzavotlarga to‘g‘ri kelgan.

Joriy yilning olti oyi davomida meva eksporti tarkibi quyidagicha bo‘ldi:

Adliya vazirligi FHDY sohasidagi 2025-yil 1-yarim yillik natijalarini e’lon qildi. Hisobotga ko‘ra, bu davrda respublika bo‘ylab 95,2 mingdan ziyod nikoh qayd etilgan bo‘lib, o‘rtacha nikoh yoshi 24 yoshni tashkil qilgan.

Shuningdek, 34,3 ming nafar ayol turmush o‘rtog‘i familiyasini olgan. 30 yoshgacha bo‘lganlar orasida eng ko‘p nikoh Samarqand viloyatida (2170 ta) qayd etilgan bo‘lsa, 50 yoshdan yuqori yoshda tuzilgan nikohlar soni 669 tani tashkil etib, bu Toshkent shahrida eng yuqori ko‘rsatkich bo‘lgan.

Shuningdek, 40 yoshdan keyin ota bo‘lganlar soni 3 ming nafarni tashkil etgan bo‘lib, shundan 45 yoshdan keyin farzand ko‘rganlar soni 915 nafar. 50 yoshdan keyin ota bo‘lgan erkaklar...

Ukraina prezidenti Vladimir Zelenskiyning ma’lum qilishicha, Rossiya bilan muzokaralarning navbatdagi bosqichi shu hafta Turkiyada bo‘lib o‘tadi.

«Bugun men Rustem Umerov bilan asirlarni almashish va Rossiya tomoni bilan Turkiyada o‘tkaziladigan navbatdagi uchrashuvga tayyorgarlikni muhokama qildim. Umerov uchrashuv chorshanba kuniga rejalashtirilganini ma’lum qildi», – deydi Zelenskiy.

Muzokaralarning aniq sanasi hali belgilanmagan. TASS agentligi Rossiya manbasiga tayanib, muzokaralar 24-iyul kuni o‘tkazilishini xabar berdi.

Biroq delegatsiyalar Istanbulga 23-iyul kuni kelishi ham mumkinligi inkor etilmadi. Keyinchalik TASS Turkiyadagi manbaga tayanib, muzokaralarning aniq sanasi 23-iyul ekanini yozdi.

Avvalroq Rossiya – Ukraina urushida halok bo‘lgan chet elliklar soni bo‘yicha...

21-iyul kuni Jenevada O‘zbekistonning Jahon savdo tashkiloti (JST)ga a’zo bo‘lish jarayoni doirasida Shveysariya bilan bozorlarga kirish bo‘yicha ikki tomonlama muzokaralar yakunlandi. Tomonlar bu haqda rasmiy protokol imzoladi. Bu haqda O‘zbekiston prezidentining Jahon savdo tashkiloti (JST) masalalari bo‘yicha maxsus vakili Azizbek Urunov ma’lum qildi.

Shu tariqa O‘zbekiston JSTga a’zo bo‘lishi yo‘lida yana bir davlat bilan kelishuvga erishdi. Ayni paytda faqat bir necha davlatlar bilan muzokaralar yakuniga yetmagan.

Urunovning yozishicha, o‘zbekistonlik va shveysariyalik mutaxassislarning mashaqqatli va konstruktiv muzokaralari natija bergan. Bu kelishuv O‘zbekistonning global savdo maydonida o‘z o‘rnini mustahkamlashiga xizmat qilishi kutilmoqda.

O‘zbekistonning JSTga a’zolik harakatlari

Iyun oyida O‘zbekiston JSTga...

Buyuk Britaniya, Fransiya, Kanada va yana 22 davlat Isroilni G‘azoda olib borayotgan harakatlarini keskin tanqid qildi. Bu haqda Reuters axborot agentligi ma’lum qildi.

Ular yuzlab falastinliklarning, jumladan, oziq-ovqat tarqatish nuqtalari yaqinida o‘ldirilganini «insoniylikka zid» deb baholab, zudlik bilan urushni to‘xtatishga chaqirdi.

Bayonotda G‘azodagi insoniy yordamning yetkazilishi sekinligi va yuzlab tinch aholining yordam izlar ekan o‘ldirilgani «dahshatli holat» sifatida ko‘rsatildi.

Isroil bu tanqidlarni rad etib, aybni Hamasga yukladi. G‘arb davlatlari esa Isroildan gumanitar yordam oqimini ochishni va xalqaro tashkilotlarga xavfsiz faoliyat yuritish imkonini berishni talab qilmoqda.

Eslatib o‘tamiz, avvalroq Isroil Suriyaning Damashq shahriga havo zarbasi bergan edi.

Qozog‘istondan O‘zbekistonga 500 bosh yosh sayg‘oq ko‘chiriladi. Mutaxassislar ularning mahalliy muhitga moslashuv jarayonini o‘rganadi.

2025-yil iyul oyida g‘arbiy Qozog‘iston viloyatida sayg‘oq populyatsiyasini nazorat qilish bo‘yicha rasmiy dastur boshlangan edi. Ushbu dastur doirasida mavjud populyatsiya sonini 2,3 milliondan ortiq boshdan 460 ming boshga nazoratli tarzda kamaytirish rejalashtirilgan.

Shu munosabat bilan O‘zbekiston Ekologiya vazirligi Qozog‘istondagi sayg‘oqlarning bir qismini O‘zbekistonga ko‘chirish tashabbusi bilan chiqdi.

Vazir Aziz Abduhakimovning ta’kidlashicha, Qozog‘iston Ekologiya vazirligi bilan hamkorlikda 500 bosh yosh sayg‘oq O‘zbekistonga ko‘chiriladi. Ushbu tashabbus kamyob turni asrab qolish yo‘lidagi muhim qadam sifatida baholanmoqda.

Avvalroq O‘zbekiston Koreyaga olti bosh xizmat itini eksport qilgani haqida...

AQSh prezidenti Donald Tramp 2025-yil boshidan buyon 500 dan ortiq federal sud da’vosi bilan yuzlashdi. Bunda har bir ish kuniga to‘rttadan da’vo to‘g‘ri kelmoqda. Bu haqda The Washington Times nashri xabar berdi.

Unga ko‘ra, ushbu ishlarning yarmidan ko‘pida hukm chiqarilgan bo‘lib, 75 foizida sud Trampning pozitsiyasini rad etgan.

Sud qarorlarining asosiy qismini sobiq prezidentlar Obama va Bayden tomonidan tayinlangan sudyalar chiqargan bo‘lib, ularda Tramp yutqazish holatlari 80 foizdan oshgan. Hatto Reygan va Jorj Bush tayinlagan sudyalar ham Trampga qarshi hukm chiqargan.

Ba’zi eng muhim ishlar xorijiy talabalarni chiqarib yuborish, mahbuslar huquqlari, federal grantlar va agentlik islohotlariga oid bo‘lib, bu...