Yangiliklar

AQSh Milliy avtomobil yo‘llari harakati xavfsizligi boshqarmasi 44 mingdan ortiq Volkswagen ID.4 elektromobillarini chaqirib olish jarayonini boshladi. Bu haqda Gizmochina nashri ma’lum qildi.

Sabab sifatida yuqori kuchlanishli akkumulyator tizimidagi ehtimoliy nosozliklar ko‘rsatildi, ular batareyaning qizib ketishi va yonib ketishiga olib kelishi mumkin.

Birinchi chaqirib olish 2023 – 2024-yillarda ishlab chiqarilgan 670 ta avtomobilni o‘z ichiga oladi. Ayrim batareya modullarida elektrod siljishi aniqlangan bo‘lib, bu yong‘in xavfini oshiradi. Egalariga zaryadlashni 80 foiz bilan cheklash, tezkor doimiy tok orqali zaryadlashdan saqlanish va zaryaddan so‘ng avtomobilni ochiq havoda qoldirish tavsiya etildi. Volkswagen nosoz modullarni bepul almashtirishni rejalashtirmoqda.

Ikkinchi chaqirib olish...

Bugun telefon oddiy aloqa vositasi emas. U — ish quroli, kamera, hujjat saqlagich, bank hamyoni va hatto shaxsiy kundalik vazifasini bajarayotgan texnika. Shunga qaramay, ko‘pchilik odamlar telefonini atigi bir-ikki yil ichida yaroqsiz holga keltirib qo‘yadi. Kimdadir batareya tez o‘lib qoladi, kimdadir ekran sinadi, boshqalarda esa telefon sekinlashib, qotib ishlay boshlaydi. Eng qizig‘i, bularning aksariyati ishlab chiqaruvchi aybi emas, balki foydalanuvchining o‘zi bilmasdan qilayotgan xatolari bilan bog‘liq.

Kursiv Uzbekistan ushbu maqolada smartfonlarning tez ishdan chiqish sabablarini sanab o‘tadi.

Toshkent shahrining Chilonzor tumanida joylashgan ko‘p qavatli uy yerto‘lasida fuqarolardan yirik miqdorda pul mablag‘larini firibgarlik yo‘li bilan o‘zlashtirib kelgan kiberbunker faoliyati fosh etildi. Bu haqda Toshkent viloyati IIBB ma’lum qildi.

Aniqlanishicha, Andijon viloyatida yashovchi, 1994-yilda tug‘ilgan, avval ham ikki bor sudlangan fuqaro va uning sheriklari fuqarolarga qo‘ng‘iroq qilib, ularni soxta tarzda Uzum Market’ning «yutuqli o‘yini» g‘olibi bo‘lgani bilan chalg‘itgan. Gumonlanuvchilar «sovg‘a» rasmiylashtirish uchun fuqarolarning kredit yoki mikroqarz limitidan vaqtincha pul o‘tkazilishi zarurligini, bu mablag‘ keyinchalik to‘liq qoplab berilishini va’da qilgan.

Natijada jabrlanuvchilar kredit va mikroqarz mablag‘larini Alhikma Ilm nomli korxonaga o‘tkazgan. Shundan so‘ng guruh a’zolari savdo platformalarida o‘zlarini mahsulot...

O‘zbekiston va Turkiya o‘rtasidagi strategik sheriklik munosabatlarini mustahkamlash maqsadida Shavkat Mirziyoyev rafiqasi Ziroat Mirziyoyeva bilan birga rasmiy tashrif bilan Anqara shahriga keldi. Bu haqda prezident matbuot xizmati ma’lum qildi.

«Esenbog‘a» xalqaro aeroportida oliy martabali mehmonlarni Turkiya Respublikasi prezidenti Rajab Toyyib Erdo‘g‘an va rafiqasi kutib oldi. Aeroportda ikki davlat bayroqlari ko‘tarilib, faxriy qorovul saf tortdi. Davlat rahbarlari va birinchi xonimlar o‘rtasida qisqa uchrashuv bo‘lib o‘tdi.

Suhbat davomida O‘zbekiston bilan Turkiya o‘rtasidagi keng qamrovli strategik sheriklik munosabatlarini yanada kengaytirish masalalari muhokama qilindi. Bugun Oqsaroy qarorgohida Oliy darajadagi Strategik hamkorlik kengashining to‘rtinchi yig‘ilishi bo‘lib o‘tadi.

Muzokaralarda siyosat, savdo-iqtisodiyot, investitsiya, transport, energetika...

Xiaomi kompaniyasi Redmi Turbo 5 Max smartfonini rasman taqdim etdi. Bu haqda ITHome xabar bermoqda. Model dunyoda birinchi bo‘lib MediaTek Dimensity 9500s yagona chipli tizimi asosida ishlaydi. Qurilma yuqori unumdorlik, katta batareya va kuchli himoya darajasi bilan e’tibor qaratmoqda.

Eng katta batareya va tezkor zaryadlash

Redmi Turbo 5 Max tarixdagi eng katta Redmi batareyasi bilan jihozlandi. Batareya sig‘imi 9000 mA/soatni tashkil etadi. Smartfon 100 Vt quvvatli tezkor zaryadlashni qo‘llab-quvvatlaydi. Qurilma powerbank rejimida ham ishlay oladi. Bunda tashqi qurilmalarni 27 Vt quvvat bilan zaryadlash mumkin.

Displey va tashqi dizayn

Smartfon 6,83 dyuymli OLED displeyga ega. Ekran 1,5K aniqlikni...

Tank shaklidagi «Buxanka» Chevrolet Tracker narxida sotuvga qo‘yildi. Qozog‘istonning Balxash shahrida juda kam uchraydigan maxsus texnika «Buxanka» asosida ishlab chiqarilgan ZVM-2411 «Uzola» gusenitsali yo‘ltanlamas sotuvga chiqarildi.

Ushbu avtomobil 2015-yilda ishlab chiqarilgan bo‘lib, yurish masofasi atigi 300 kilometrni tashkil etadi. Mashinaning asosiy xususiyati g‘ildiraklar o‘rniga to‘liq gusenitsalar o‘rnatilgani.

Bu esa unga botqoqliklar, qor bosgan hududlar va qiyin yo‘llardan bemalol o‘tish imkonini beradi. Muhimi, bu texnika qo‘lbola emas, balki «Zavoljye» yo‘ltanlamas mashinalari zavodi tomonidan ishlab chiqarilgan rasmiy model hisoblanadi.

Avtomobil 2,9 litrli ZMZ-409 dvigatel bilan jihozlangan bo‘lib, 142 ot kuchiga ega. Uzatmalar qutisi mexanik. Noyob gusenitsali yo‘ltanlamas narxi 9 mln tenge...

You Tube’dagi Area of Interest kanali Kia Sonet avtomobilining Kia Sonet HTK Plus modeli namoyish etildi. Kursiv Uzbekistan model haqida maqola tayyorladi.

Maqolada quyidagilar haqida so‘z boradi:

Tashqi dizayn va yoritish tizimi

Kia Sonet HTK Plus subkompakt krossover segmentida zamonaviy va aniq chiziqlarga ega dizayn bilan ajralib turadi. Oq rangdagi кузов qora plastik himoya elementlari bilan uyg‘unlashtirilgan bo‘lib, avtomobilga SUVlarga xos jiddiy ko‘rinish beradi. Old qismida katta qora radiator panjarasi joylashgan...

AvtoVAZ kompaniyasi rasmiy dilerlarga yangilangan Lada Aura 2026 modelini yetkazib berishni boshladi. Bu haqda ishlab chiqaruvchi matbuot xizmati xabar bermoqda. Yangi versiya zamonaviy elektronika va qulaylik tizimlari bilan boyitilgan.

Yangi Aura modelida kalitsiz kirish tizimi joriy qilingan bo‘lib, u avtomobilga 1,5 metr masofada yaqinlashganda eshik qulflarini avtomatik ochadi. Hozircha iqlim nazorati tizimi mavjud emas, biroq kompaniya uni yil davomida qo‘shishni rejalashtirmoqda. Mashina Sber servislari hamda ovozli yordamchini qo‘llab-quvvatlaydigan yangilangan multimedia tizimiga ega.

Aura Premier komplektatsiyasi LED optika, to‘rtta xavfsizlik yostig‘i, ESP tizimi, parktroniklar, konditsioner va kruiz-nazoratni o‘z ichiga oladi. Status versiyasida esa charm salon, orqa o‘rindiqlar isitish tizimi hamda...

O‘zbekistonda 2025-yil davomida jami 15,9 mln kvadrat metr turar-joy binolari foydalanishga topshirildi. Mazkur ko‘rsatkich o‘tgan yilning mos davriga nisbatan 2,8 foizga oshgan. Bu haqda Milliy statistika qo‘mitasi ma’lum qildi.

Hududlar kesimida tahlil qilinganda, eng yuqori ko‘rsatkich Toshkent viloyatida qayd etildi — 2 mln kvadrat metr. Keyingi o‘rinlarni Xorazm (1,7 mln kv.m) va Farg‘ona (1,6 mln kv.m) viloyatlari egallagan. Poytaxt Toshkent shahrida esa foydalanishga topshirilgan uy-joylar maydoni 1 mln kvadrat metrni tashkil etdi.

Qurilish hajmi bo‘yicha eng past ko‘rsatkichlar Sirdaryo (136,1 ming kv.m) va Samarqand (436,5 ming kv.m) viloyatlarida kuzatilgan. Buxoro va Namangan viloyatlarida esa ko‘rsatkichlar mos ravishda 1,5 mln...

Xitoyning ADA Space kompaniyasi Alibaba’ning Qwen-3 sun’iy intellekt modelini orbital ma’lumotlar markazida ishga tushirganini e’lon qildi. Bu haqda vitse-prezident Vang Yabo 2026-yil 26-yanvarda Pekinda bo‘lib o‘tgan seminarda ma’lum qildi.

Tizim 2025-yil may oyida orbitaga chiqarilgan 12 ta sun’iy yo‘ldoshda ishlaydi. Har bir sun’iy yo‘ldosh sekundiga 744 trillion operatsiyani bajarishga qodir yuqori samarali sun’iy intellekt chiplari bilan jihozlangan. Kompaniya ma’lumotlariga ko‘ra, so‘rovni qayta ishlash va kosmik sun’iy intellektdan javob olish 2 daqiqadan kam vaqtni oladi.

ADA Space kompaniyasi 2035-yilga borib 2800 ta sun’iy yo‘ldoshdan iborat orbital hisoblash tarmog‘ini yaratishni ko‘zda tutuvchi Star Computing loyihasini amalga oshirmoqda. Ikkinchi va uchinchi...

TBC Uzbekistan Sharof Sharipovning TBC Digital bosh moliya direktori (CFO) etib tayinlanganini ma’lum qildi. TBC Digital TBC Uzbekistan ekotizimidagi barcha bizneslarni birlashtiruvchi boshqaruvchi kompaniya hisoblanadi.

Sharof Sharipov Buyuk Britaniyada bank va moliya sohasida 20 yildan ortiq tajribaga ega. U IPO, kompaniyalarni qo‘shilish va sotib olish, obligatsiyalar chiqarish hamda transchegaraviy moliyaviy bitimlar bilan shug‘ullangan.

Avvalroq u Virgin Money va UBS Investment Bank kompaniyalarida rahbarlik lavozimlarida ishlagan. Shuningdek, Token Inc to‘lov platformasi va 10x Banking fintex kompaniyasida bosh moliya direktori bo‘lgan. Sharof Sharipov Buyuk Britaniyadagi Uorvik universiteti bitiruvchisi.

Yangi lavozimida u TBC Uzbekistan bosh direktori Nika Kurdiani, TBC Digital Kuzatuv kengashi...

Niderlandiyaning Veyk-an-Zee shahrida davom etayotgan nufuzli Tata Steel Chess 2026 superturnirining 10-turida O‘zbekiston vakillari Nodirbek Abdusattorov va Javohir Sindorov o‘z partiyalarini durang bilan yakunladilar.

29-yanvar kungi bahslardan so‘ng, Abdusattorov 6,5 ochko bilan musobaqa jadvalida yakka peshqadamlik qilmoqda. Javohir Sindorov esa peshqadamdan yarim ochko ortda qolgan holda, 6 ochko bilan ikkinchi o‘rinni band etgan.

Turnir yetakchisi Nodirbek Abdusattorov 10-turda Sloveniya vakili Vladimir Fedoseyevga qarshi oq donalarda harakat qildi. Tomonlar o‘rtasidagi keskin strategik kurash teng natija bilan yakunlandi. Ushbu durang Nodirbekka o‘zining eng yaqin ta’qibchilaridan masofani saqlab qolish va turnir jadvalining eng yuqori pog‘onasidagi o‘rnini mustahkamlash imkonini berdi.

Yana bir o‘zbekistonlik...

30-yanvar uchun valyutalar kursi yangilandi. Unga ko‘ra, dollar 32,13 so‘mga oshib, 12 199,10 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

22-yanvarda esa 48,78 so‘mga oshib, 12 122,07 so‘m etib belgilandi. 23-yanvarda 14,85 so‘mga oshib, 12 136,92 so‘mga yetdi. 26-yanvarda 51,97 so‘mga tushib, 12 084,95 so‘mni tashkil etdi. 27-yanvar esa dollar 13,17 so‘mga tushib, 12 098,12 so‘mga yetdi. 28-yanvarda 29,90 so‘mga oshib, 12 128,02 so‘mni tashkil etgan edi. 29-yanvarda dollar 40,96 so‘mga oshib, 12 168,98 so‘mni tashkil etdi.

Jadval:

Markaziy bank ma’lumotlariga ko‘ra, yevro 2,93 so‘mga...

Dunyoning mashhur YouTube blogeri MrBeast (Jimmy Donaldson) LinkedIn tarmog‘ida Language Coordinator – Uzbek lavozimiga vakansiya ochdi. Tanlangan mutaxassis kontentni o‘zbek tiliga o‘girish, dublyaj va subtitrlash jarayonlarini muvofiqlashtirishi lozim.

Nomzodlarga qo‘yiladigan asosiy talablar qatorida o‘zbek tilida native speaker bo‘lish va ingliz tilini kamida C1 darajasida bilish ko‘rsatilgan. Shuningdek, talabgorlardan tarjima, subtitrlash yoki dublyaj sohasida 1 yildan 3 yilgacha bo‘lgan tajriba kutilmoqda.

Ishga qabul qilingan xodim hamkor studiyalar ishini nazorat qiladi, ssenariylar, videolar sarlavhasi va tavsiflarining madaniy jihatdan to‘g‘ri tarjima qilinishini ta’minlaydi. Ish turi masofaviy va yarim kunlik (part-time) bo‘lib, saralash jarayoni suhbat va amaliy keyslarni o‘z ichiga oladi.

Hukumat qarori bilan fanlar majmuasida chet tili birinchi fan sifatida belgilangan ta’lim yo‘nalishlariga qabul qilish xorijiy tilni bilish bo‘yicha kamida «B1» darajadagi milliy yoki xalqaro tan olingan sertifikat asosida amalga oshiriladi. Bu haqda Adliya vazirligi xabar berdi.

Unga ko‘ra, Fanlar majmuasida chet tili fani mavjud bo‘lgan ta’lim yo‘nalishlariga qabul jarayonida:

Avval ushbu yo‘nalishlarga qabul qilish faqat kamida...

Ayrim toifadagi talabalarning talabalar turarjoyidagi xarajatlari qoplab beriladi. Hukumat qarori bilan «Ayrim toifadagi talabalarining davlat oliy ta’lim tashkilotlari talabalar turar joylarida yashash xarajatlarini qoplab berish tartibi to‘g‘risida»gi nizom tasdiqlandi.

Unga ko‘ra, yashash xarajatlari davlat oliy ta’lim tashkilotlarida faqat kunduzgi ta’lim shaklida tahsil olayotgan talabalarga, davlat granti yoki to‘lov kontrakt asosida o‘qishidan qat’i nazar, Davlat budjeti hisobidan qoplab beriladi.

Talabaning talabalar turarjoyida yashash xarajatlari uning oilasi Ijtimoiy reyestrda «kambag‘allik chegarasidagi oila» toifasiga kiritilgan kundan boshlab 12 oy davomida qoplab beriladi.

Talabalar ustuvorlik asosida, navbatsiz davlat oliy ta’lim tashkilotining talabalar turar joyiga qabul qilinadi. Yashash xarajatlarini qoplab berish bo‘yicha ariza talaba...

Rossiyaning neft ishlab chiqaruvchisi «Lukoyl» o‘zining xalqaro aktivlarini AQShning Carlyle investitsiya kompaniyasiga sotish to‘g‘risida kelishuvga erishganini e’lon qildi. Bu haqda neft kompaniyasining matbuot xizmati xabar berdi.

Bitim Qozog‘istondagi aktivlarni o‘z ichiga olmaydi, ular guruhning mulki bo‘lib qoladi va faoliyatini davom ettiradi.

Ushbu kelishuv faqat kompaniyaga tegishli emas va bir nechta shartlarga, jumladan, zarur tartibga soluvchi tasdiqlarni olish, xususan, AQSh Moliya vazirligining Xorijiy aktivlarni nazorat qilish idorasi (OFAC)dan Carlyle bilan bitim tuzish uchun ruxsat olish shartlariga bog‘liq.

«Lukoyl» boshqa potensial xaridorlar bilan muzokaralarni davom ettirmoqda.

2025-yil 22-oktabrda OFAC «Lukoyl» va uning oltita sho‘ba korxonalariga qarshi sanksiyalar joriy qildi. Shundan...

2026-yil uchun umumiy kvota respublika ishchi kuchining 0,25 foizi yoki 18,1 ming kishi etib belgilangan. Bu haqda Qozog‘iston Mehnat va aholini ijtimoiy muhofaza qilish vazirligi ma’lum qildi.

Vazirlikka ko‘ra, 2025-yilda Qozog‘istonda qurilishdan tortib qishloq xo‘jaligigacha bo‘lgan iqtisodiyotning asosiy tarmoqlarini qamrab olgan 14 ming 210 nafar xorijiy fuqaro ish bilan taʼminlangan. Hukumat mamlakat taraqqiyotiga haqiqiy hissa qoʻsha oladigan malakali mutaxassislarni jalb qilish uchun sharoit yaratishda davom etmoqda. 2026-yil uchun umumiy kvota 18,1 ming kishi etib belgilangan. Xonadonlarda ishlash uchun immigrant ishchilarni jalb qilish kvotasi ham ishchi kuchining 2,9 foizi yoki 221,9 ming kishini tashkil etadi.

2025-yilda Qozog‘istonda xorijiy ishchi kuchidan...

29-yanvar kuni birja savdolarida kumushning narxi tarixda ilk bor troya unsiyasi uchun $120 darajasidan yuqoriga chiqdi. Buni Comex savdolari ko‘rsatmoqda.

Toshkent vaqti bilan 11:29 holatiga kumush narxi mazkur darajani kesib o‘tdi. Kun davomida narxlar keskin tebranib, 13:36 ga kelib troya unsiyasi $117,10 atrofida baholandi. Trading Review ma’lumotiga ko‘ra, hozirgi o‘sish sur’ati 1980-yildan beri kuzatilgan eng keskin ralli hisoblanadi.

Mutaxassislar kumush narxining keskin oshishini uning qimmatbaho metall sifatidagi jozibasi va bozordagi taklif tanqisligi bilan izohlamoqda. Zaxiralar pastligicha qolayotgani, taklif esa cheklangani narxlar bosimini kuchaytirgan.

Shu bilan birga, yuqori narxlar sanoat tarmoqlarida kumushga bo‘lgan talabni qisqartirishi mumkin. Ekspertlar bahosiga ko‘ra...

Biznesni rivojlantirish banki orqali kafolatlangan omonatlar bo‘yicha kompensatsiya to‘lovlari jarayoni boshlandi. Bu haqda Omonatlarni kafolatlash agentligi xabar berdi.

«Yangi bank»dagi kafolatlangan omonatlar bo‘yicha jami 31,5 ming nafar omonatchiga 208 mlrd so‘m miqdorida kompensatsiya to‘lash rejalashtirilgan.

To‘lovlar «BRB» mobil ilovasi orqali amalga oshiriladi. Bunda jismoniy shaxslar kompensatsiyani «BRB» mobil ilovasi orqali onlayn tarzda yoki BRB bank xizmatlari markazlariga borib, naqd pul shaklida olishi mumkin. Yakka tartibdagi tadbirkorlar va yuridik shaxslar esa kompensatsiyani BRB bank xizmatlari markazlariga murojaat qilib, ushbu bankda hisobvaraq ochish yoki boshqa bankdagi hisobvaraqqa pul o‘tkazish yo‘li bilan olishi mumkin.

Agentlik kompensatsiya to‘lovlarini amalga oshirish jarayonida hech qanday...

Yevropa Chempionlar ligasining 8-turi doirasida o‘tkazilgan uchrashuvlarda qator dramatik natijalar qayd etildi. Lissabonda darvozabonning goli sensatsiya yaratgan bo‘lsa, «Barselona», «Arsenal» va «Chelsi» jamoalari ham muhim g‘alabalarga erishdi.

«Benfika» — «Real Madrid» 4:2

Lissabonda o‘tgan «Benfika» va «Real Madrid» uchrashuvi turgi eng hayajonli yakunlardan biriga aylandi. O‘yinning 90+8-daqiqasida «Benfika» darvozaboni Anatoliy Trubin raqib darvozasi oldiga yetib kelib, bosh bilan g‘alaba to‘pini kiritdi (4:2). Ushbu gol Portugaliya klubini pley-offga olib chiqqan bo‘lsa, «Real Madrid»ni kuchli sakkizlikdan tushirib yubordi. Madridliklar tarkibida Kilian Mbappe dubl qayd etdi, biroq jamoaning ikki futbolchisi maydondan chetlatilishi mag‘lubiyatga sabab bo‘ldi.

«Barselona» — «Kopengagen» 4:1

«Barselona...

General Motors (GM) kompaniyasining aksiyalari 2025-yilning to‘rtinchi choragi bo‘yicha moliyaviy hisobot e’lon qilinganidan so‘ng tarixiy maksimumga yetdi. Bu haqda GMAutority xabar berdi. 27-yanvar kuni savdolar chog‘ida kompaniya aksiyalari $87,31 darajagacha ko‘tarildi.

Aksiyalar keskin qimmatlashishiga 2025-yil yakunlari bo‘yicha ijobiy moliyaviy natijalar sabab bo‘ldi. Kompaniya aksiyadorlariga tegishli sof foyda $2,7 mlrdni tashkil etdi. EBIT (Foizlar va soliqlargacha bo‘lgan foyda) bo‘yicha tuzatilgan foyda esa $12,7 mlrdga teng bo‘ldi.

To‘rtinchi chorak davrda aksiyadorlarga tegishli sof zarar $3,3 mlrdni tashkil qilgan. Shu bilan birga, EBIT bo‘yicha tuzatilgan foyda $2,8 mlrd darajasida qolgan. GM bunga elektromobil yo‘nalishidagi quvvatlarni qayta tashkil etish va investitsiyalar bilan bog‘liq...

2025-yilda O‘zbekiston Qozog‘istondan jami $189,9 millionlik 66,1 tonna yangi, muzlatilgan va sovitilgan go‘sht va go‘sht mahsulotlarini import qildi. Bu haqda Kursiv Kazakhstan xabar berdi.

O‘tgan yil O‘zbekistonga go‘sht eksporti miqdori 2024-yildagiga nisbatan 1,8 baravar va umumiy qiymati bo‘yicha esa 1,5 baravar oshdi.

Qozogʻistonning bir kilogramm goʻshtining oʻrtacha narxi oʻzbekistonlik importchilarga $2,87 ga tushdi, bu 2024-yilda bir kilogramm uchun $3,32 dollarni tashkil etgan. Ya’ni bir kilogramm go‘sht taxminan 36 ming so‘mdan import qilingan.

Oʻzbekiston Qozogʻiston goʻshtining eng yirik xaridori boʻlib qoldi – 2025-yilda Qozogʻiston $213,6 millionga yoki kilogrammi uchun $2,91 ga teng 73,3 ming tonna goʻsht eksport qildi.

Taqqoslash uchun...

Counterpoint Research tahliliy kompaniyasi 2025-yil yakunlari bo‘yicha dunyodagi eng ommabop smartfonlar reytingini e’lon qildi. Bu haqda ITHome xabar bermoqda. Hisobotga ko‘ra, global bozorda eng ommabop model Apple’ning iPhone 16 smartfoni bo‘ldi.

Reytingda yetakchilik avvalgidek ikki brend o‘rtasida bo‘lingan. Apple o‘nta modeldan yettitasini egallagan bo‘lsa, qolgan uch o‘rin Samsung smartfonlariga to‘g‘ri kelgan. Mutaxassislar Apple va Samsung’ning bozordagi ustunligi ketma-ket to‘rtinchi yil saqlanib qolayotganini qayd etmoqda.

Counterpoint Research’ning tahlilchisi Harshit Rastogi yangi iPhone 17 liniyasiga bo‘lgan talab keskin oshganini ta’kidladi. Mazkur smartfonlarning sotuvlari taqdimotdan keyingi ilk chorakda avvalgi avlodga nisbatan 11 foizga ko‘paygan. Eng katta o‘sish standart iPhone 17 modelida kuzatilgan...