Yangiliklar

Huawei kompaniyasi o‘zining simsiz quloqchinlari FreeBuds Pro 5’ni taqdim etdi. Bu haqda kompaniya rasmiy sahifasida ma’lum qildi.

Yangi FreeBuds Pro 5 quloqchinlari ilg‘or funksiyalar bilan jihozlangan. Jumladan, qurilmada Huawei StarFlash E2.0 texnologiyasi ishlatilgan. U 2,4 GHz va 5,8 GHz chastotalarida ishlaydi va nazariy tezligi 16 Mbit/s, amalda esa 4,6 Mbit/s ni tashkil qiladi.

Modelda Kirin A3 protsessori mavjud bo‘lib, u StarFlash E2.0 texnologiyasi bilan birgalikda 96 kHz/24 bit sifatida yo‘qotishsiz audio uzatishni ta’minlaydi. Har bir naushnikda ikki transduser mavjud bo‘lib, yuqori sifatli ovoz berishga yordam beradi.

Shu bilan birga, FreeBuds Pro 5 naushnikida dunyoda ilk marta ikki kanalli...

ZTE kompaniyasi yaqin kunlarda bir vaqtning o‘zida ikki xil form-faktordagi bukiladigan smartfonlarni taqdim etishga hozirlanmoqda. Bu haqda GSMArena xabar bermoqda.

Nubia Flip3

Renderlarda Flip3 modeli oldingi – Flip2’dan sezilarli farq qiladi. Qurilmada butun tashqi qopqoqni egallagan katta ekran bo‘ladi va unda kamera uchun kesmalar joylashtirilgan. Bunday dizayn yechimi hozir Samsung va Motorola’ning yangi smartfonlarida ham qo‘llanmoqda. Avvalgi Flip2’da tashqi displey ancha kichik edi. Flip3’dagi o‘zgarish asosiy yangiliklardan biri.

Nubia Fold

Nubia Fold dizayni kompaniyaning boshqa ZTE va Nubia seriyasidagi modellari uslubiga yaqin. Ichki displey deyarli kvadrat shaklda bo‘ladi, orqa panelda esa uchlik asosiy kamera ko‘rinmoqda. Ammo texnik...

Samsung o‘zining arzon Samsung Galaxy A seriyasidagi bir nechta modellarga One UI 8 yangilanishini tarqata boshladi. Bu haqda Sammobile nashri xabar bermoqda.

Yangilanishni birinchi bo‘lib, Galaxy A24, Galaxy A17 4G, Galaxy A16 4G va Galaxy A15 4G foydalanuvchilari olishmoqda.

Hozircha yangilanish Janubiy Koreyada foydalanish uchun ochilgan. Global versiya esa yaqin kunlarda tarqatilishi kutilmoqda. Har bir model uchun yangilanish alohida firmware raqamiga ega:

Galaxy A24 4G ilk bor yangi One UI versiyasiga o‘tmoqda. U 2023-yil may oyida Android 13 va One UI 6 bilan sotuvga chiqqan. Unga to‘rtta yirik...

Huawei Mate 80 seriyasi, jumladan, seriyaning eng yuqori o‘rinda turuvchi Mate 80 RS Master modelini taqdim etdi. Bu haqda Mydrivers nashri ma’lum qildi.

Unga ko‘ra, Mate 80 RS Master modeli ikki nano-SIM kartali va ikkita eSIM-ni qo‘llab-quvvatlaydi. Bu esa to‘rtta telefon raqamini ishlatish imkonini beradi. Shulardan ikki raqamni bir vaqtning o‘zida faollashtirish mumkin. Seriyaning boshqa uch modeli esa faqat ikki nano-SIM karta ko‘taradi.

Haqqoniy testlardan olingan skrinshotlarga qaraganda, Mate 80 seriyasining signal panelida 5A logotipi ko‘rinadi. Bu seriyaning 5G-Advanced yoki 5.5G tarmog‘ini qo‘llab-quvvatlashini bildiradi. Bu modelga yuqori tezlikka ega takomillashtirilgan 5G versiyasi o‘rnatilganini anglatadi.

Asosiy xususiyatlari bo‘yicha Mate...

FIFA 2026-yilgi Jahon chempionati qur’asi uchun savatlarni e’lon qildi. Unga ko‘ra, Oʻzbekiston milliy terma jamoasi 3-savatdan joy oldi.

Qur’a tashlash marosimi 5-dekabr kuni AQShning Vashington shahridagi Kennedy Center majmuasida boʻlib oʻtadi. Turnirda ishtirok etuvchi jamoalar quyidagi tartibda savatlarga taqsimlangan:

1-savat: Kanada, Meksika, AQSh (mezbonlar), Ispaniya, Argentina, Fransiya, Angliya, Braziliya, Portugaliya, Niderlandiya, Belgiya, Germaniya.

2-savat: Xorvatiya, Marokash, Kolumbiya, Urugvay, Shveysariya, Yaponiya, Senegal, Eron, Janubiy Koreya, Ekvador, Avstriya, Avstraliya.

3-savat: Norvegiya, Panama, Misr, Jazoir, Shotlandiya, Paragvay, Tunis, Kot-dʼIvuar, Oʻzbekiston, Qatar, Saudiya Arabistoni, Janubiy Afrika.

4-savat: Iordaniya, Kabo-Verde, Gana, Kyurasao, Gaiti, Yangi Zelandiya, Yevropa pley-off gʻoliblari (A, B, C, D), FIFA qit’alararo...

Tijorat banklari 26-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 26-noyabr uchun valyuta kurslari qanday o‘zgargani haqida yozgan edi. 

Yangi taqdim etilgan Scout Motors avtomobillari yakuniy dizayni taqdim etildi. Bu haqda Carcoops xabar bermoqda.

Kompaniya vitse-prezidenti Kodi Takerning aytishicha, loyiha seriyali avtomobil bosqichiga juda yaqinlashgan. Bir nechta prototiplar turli qit’alarda sinovdan o‘tkazilgan. Shvetsiyadagi sovuq iqlim sinovlari yakunlandi, endi navbatda yangi past harorat testlari bor.

Bosh dizayner Kris Benjamin prototip va seriyali model o‘rtasidagi asosiy farqni tushuntirdi. Ammo bunday yechim katta xarajat talab qilgani uchun seriyali versiyada oddiy, lekin aniq ishlangan dekor paneli qo‘llaniladi.

Scout avtomobillarni ikki turda taklif qiladi. To‘liq elektr versiya va ketma-ket (seriyniy) gibrid. Dastlab bozorda gibrid modellar paydo bo‘ladi. Bu strategiya talabga qarab ishlab chiqarishni...

GMArena nashri Poco F8 Ultra va F8 Pro smartfonlarining rasmlari e’lon qildi. Ushbu seriya 27-noyabr kuni taqdim etilishi kerak edi.

Suratlarda Poco F8 Ultra ko‘k rangda, Poco F8 Pro esa kumush rangda chiqqan.

Poco F8 Ultra orqa paneli g‘ayrioddiy fakturaga ega. Korpusning orqa qismida Bose brendi tushirilgan dinamik joylashgan.

Poco F8 Pro ko‘rinishda sodda, ammo unda ham Bose audiosistemi bor. Rasmiy xususiyatlar hali to‘liq ochiqlanmagan. GSMArena ma’lumotiga ko‘ra, Poco F8 Pro Snapdragon 8 Elite’da ishlaydi. Poco F8 Ultra esa Snapdragon 8 Elite Gen 5 protsessori va VisionBoost D8 chipiga ega. Bu chip o‘yinlarda va boshqa sahnalarda tasvir detallarini yaxshilaydi.

Bojxona hududidan olib chiqiladigan tovarlarning bojxona qiymati deklaratsiyasini to‘ldirish tartibi belgilandi. Bu haqda Adliya vazirligi ma’lum qildi.

Unga ko‘ra, Adliya vazirligida bojxona hududidan olib chiqiladigan tovarlarning bojxona qiymati deklaratsiyasini to‘ldirish tartibi bo‘yicha yo‘riqnoma davlat ro‘yxatidan o‘tkazildi.

Yo‘riqnomaga binoan, bojxona qiymati deklaratsiyasi elektron yoki qog‘oz shaklida to‘ldiriladi. Undagi ma’lumotlarning to‘g‘riligi elektron shaklda deklaratsiya beruvchi shaxsning ERI bilan, qog‘oz shaklida esa uning imzosi bilan tasdiqlanadi.

Deklaratsiya ikki asosiy varaqdan iborat bo‘ladi. Birinchi varaqda deklaratsiya qilinayotgan barcha tovarlarga oid umumiy ma’lumotlar keltiriladi. Ikkinchi varaqda esa tovarlarning bojxona qiymatini aniqlashda qo‘llangan ma’lumotlar hamda qiymatni hisoblash tartibi bayon etiladi.

Deklaratsiya taqdim qilingach, bojxona...

2026-yil 1-apreldan boshlab O‘zbekistonda kartoshka chipslariga aksiz solig‘i joriy etilishi rejalashtirilmoqda. Soliq stavkasi 1 kg uchun 15 ming so‘mni tashkil etadi. Bu taklif Iqtisodiyot va moliya vazirligi tomonidan kiritildi.

Shuningdek, alkogol mahsulotlariga aksiz solig‘i oshiriladi: aroq va konyak kabi kuchli ichimliklar har litr uchun 48 ming so‘m, tabiiy vino – 10 ming so‘m, boshqa vinolar – 12 ming so‘m, pivo esa har bir litr uchun 4 ming so‘m miqdorida soliq bilan belgilanadi.

2026-yil fevralidan boshlab sigara, kalyan tamaki, qizdiriladigan tamaki va veyplarga solinadigan aksiz solig‘i 7 foizga oshiriladi. 2026-yil iyulidan esa sigaretlar uchun aksiz soliq yana 7 foizga...

UEFA Chempionlar ligasining 5-tur uchrashuvlarida «Yuventus» Norvegiyada so‘nggi daqiqalarda g‘alabani ilib ketdi, «Marsel» esa «Nyukasl» ustidan irodali zafar quchdi. «Borussiya Dortmund» o‘z maydonida «Vilyarreal»ni yirik hisobda mag‘lub etdi.

Turning eng dramatik uchrashuvlaridan biri Norvegiyada kuzatildi. «Budyo-Glimt» va «Yuventus» o‘rtasidagi bahsda mezbonlar hisobda oldinga chiqqan bo‘lsa-da, turinliklar o‘yin taqdirini o‘zgartira oldi. Openda va Makkennining gollaridan so‘ng hakam tomonidan qo‘shib berilgan daqiqalarda Devid hal qiluvchi to‘pni kiritib, jamoasiga 3:2 hisobidagi g‘alabani taqdim etdi.

Germaniyada «Borussiya Dortmund» Ispaniyaning «Vilyarreal» klubiga hech qanday imkoniyat qoldirmadi. Seru Girassining ikkita goli, shuningdek, Karim Adeyemi va Svenssonning aniq zarbalari nemislarning 4:0 hisobidagi yirik g‘alabasi bilan yakunlandi.

UEFA Chempionlar ligasining 5-turi doirasida «Manchester Siti» o‘z maydonida «Bayer Leverkuzen»ni qabul qilib, 0:2 hisobida imkoniyatni boy berdi. Uchrashuvda o‘zbekistonlik himoyachi Abduqodir Husanov asosiy tarkibda harakat qildi.

Uchrashuv davomida «shaharliklar» katta ustunlikka ega bo‘lishiga qaramay, hisobni mehmonlar ochdi. O‘yinning 23-daqiqasida Aleks Grimaldo aniq zarba bilan «Bayer»ni oldinga olib chiqdi. Ikkinchi bo‘limning 54-daqiqasida Patrik Shik hisobni 0:2 ko‘rinishiga keltirib, jamoasining g‘alabasini mustahkamladi.

Hamyurtimiz Abduqodir Husanov 65 daqiqa davomida himoyada ishonchli o‘yin ko‘rsatdi. Murabbiylar shtabi bahsning so‘nggi qismida hujumkorlikni oshirish maqsadida uning o‘rniga Rayan Sherkini maydonga tushirdi. Ushbu mag‘lubiyat natijasida «Manchester Siti» muhim ochkolarni yo‘qotgan bo‘lsa, «Bayer» safarda qimmatli yutuqni qo‘lga...

UEFA Chempionlar ligasining 5-turi doirasida Londondagi «Stemford Brij» stadionida kechgan uchrashuvda «Chelsi» «Barselona»ni mag‘lub etdi. Mezbonlar qiyin kechgan bahsda muhim g‘alabani qo‘lga kiritdi.

Uchrashuvning 27-daqiqasida «Barselona» himoyachisi Kunde kutilmaganda to‘pni o‘z darvozasiga yo‘llab qo‘ydi va bu avtogol «Chelsi»ni hisobda oldinga olib chiqdi. Ikkinchi taymning 55-daqiqasida Estivao raqib himoyachilarini ortda qoldirib Joan Garsiya qo‘riqlayotgan darvozaga ikkinchi to‘pni kiritdi. 73-daqiqada Delap hisobni 3:0 ko’rinishiga olib keldi.

Kataloniyaliklar uchun vaziyat birinchi bo‘lim so‘nggida yanada og‘irlashdi. 44-daqiqada himoyachi Ronald Arauxo hakam tomonidan ikkinchi sariq kartochka bilan jazolanib, maydonni tark etdi. Natijada mehmonlar o‘yinning katta qismini bir kishi kam bo‘lib o‘tkazishga majbur bo‘ldi.

Mazkur...

26-noyabr kuni O‘zbekiston hududi bo‘ylab ob-havo asosan o‘zgaruvchan bo‘ladi, yog‘ingarchilik kutilmaydi, shamol sharqdan 3–12 m/s tezlikda esadi, harorat kechasi 0°–7°, kunduzi esa 10°–20° atrofida iliq bo‘ladi. Bu haqda «O‘zgidromet» agentligi ma’lum qildi.

Quyida ob-havo prognozi viloyatlar kesimida: (25-noyabr 20:00 — 26-noyabr 20:00)

Eslatib o‘tamiz, avvalroq sanoat korxonalari atmosfera ifloslanishini ikki baravar kamaytirishi haqida yozgan edik.

Huawei kompaniyasi bugun MatePad Edge planshetini taqdim etdi. Bu gibrid qurilma bo‘lib, klaviaturali stend yordamida noutbuk sifatida ishlatilishi mumkin.

Planshet 14,2 dyuymli OLED ekran, 3120 × 2080 piksel o‘lcham va 120 Gts yangilanish tezligini qo‘llab-quvvatlaydi. Kompaniya ushbu qurilmada 4,1 mm ramka va kamera uchun teshiksiz dizaynga urg‘u bergan.

Qurilmada Kirin X90/X90A tizimli chip, 10 yadroli CPU va 10 yadroli Ma Liang 920 GPU mavjud. Planshet 16–32 GB tezkor xotira va 256 GB–2 TB saqlash imkoniyatiga ega.

Qurilmadagi ikkita asosiy kamera (50 MP va 8 MP) va 12 900 mA/soat batareya, 140 Vt tezkor quvvatlash va 40 Vt qaytarma...

Adliya vazirligi xorijdan olib kelinadigan ko‘z shox pardasi bioprotezlarini davlat tibbiyot muassasalarida qo‘llash tartibini tasdiqladi. Bu haqda vazirlik matbuot xizmati ma’lum qildi.

Nizomga ko‘ra, transplantatsiya amaliyotlarida foydalaniladigan bioprotezlar faqat Vazirlar Mahkamasining 333-son qarorida ko‘rsatilgan davlat tibbiyot muassasalarida qo‘llanadi.

Bioprotezlarni tashish jarayonida har bir muassasada bir tibbiyot xodimi mas’ul hisoblanadi. Xorijdan olib kelingan bioprotezlar 12 soat ichida muassasalarga yetkazilishi shart va faqat maxsus sovitish uskunalarida belgilangan haroratda tashiladi.

Mazkur bioprotezlar davlat tibbiyot muassasalaridagi maxsus muzlatkichlarda 14 kundan ortiq bo‘lmagan muddatda saqlanadi. Shu tartib bilan bioprotezlarning xavfsiz tashilishi va samarali qo‘llanilishi ta’minlanadi.

Eslatib o‘tamiz, avvalroq davlat xizmatlari yagona reyestri yuritilishi...

Farg‘ona viloyatining Buvayda tumanida ekologiya sohasida sodir etilgan qonunbuzarlik va zo‘ravonlik bo‘yicha rasmiy chora ko‘rildi. Holat yuzasidan viloyat hokimligi va Bosh prokuratura axborot berdi.

Ma’lum qilinishicha, 25-noyabr kuni Buvayda tumani hokimi o‘rinbosari Saidali Xizirov Nayman mahallasidan o‘tuvchi Nayman zovuri atrofida daraxtlarning noqonuniy kesilishini to‘xtatish uchun borgan ekologiya inspektoriga kuch ishlatib, uni voqea joyidan olib ketgan.

Holat yuzasidan xizmat tekshiruvi o‘tkazilib, Xizirov hokim o‘rinbosari lavozimidan ozod etildi. Shuningdek, u va boshqa shaxslarga nisbatan Jinoyat kodeksining 206-moddasi 1-qismi, 219-moddasi 2-qismi hamda 198-moddasi 2-qismi bo‘yicha jinoyat ishi qo‘zg‘atildi.

Bosh prokuratura ma’lumotiga ko‘ra, mazkur jinoyat ishining tergovi shaxsan Bosh prokuror...

Shavkat Mirziyoyev raisligida o‘tkazilgan yig‘ilishda Samarqand viloyatida olib borilayotgan yirik infratuzilma va iqtisodiy loyihalar haqida ma’lumot berildi. Bu haqda davlat rahbari matbuot xizmati ma’lum qildi.

Imom Buxoriy maqbarasi hududi 45 gektargacha kengaytirilib, 10 ming o‘rinli masjid va innovatsion muzey qurildi. Hududda mehmonxonalar va mehmon uylari barpo etilishi davom etmoqda. Indoneziya va Malayziyadagi yirik turistik kompaniyalar bilan hamkorlikni kuchaytirish orqali turistlar oqimini oshirish zarurligi qayd etildi.

Yig‘ilishda viloyatning iqtisodiy ko‘rsatkichlari ham e’tirof etildi. So‘nggi 8 yilda $12 mlrdlik investitsiya jalb qilindi, 600 ming doimiy ish o‘rni yaratildi, tadbirkorlar soni ikki baravar oshdi. Sanoat hajmi 1,7 barobar, ishlab chiqarish korxonalari...

Tolibon hukumati va O‘zbekiston o‘rtasida imzolangan yangi bitimga ko‘ra, Afg‘oniston ko‘miri endilikda Pokistonga emas O‘zbekistonga yo‘naltiriladi. Bu haqda afintl nashri xabar berdi.

Kelishuv shartlariga ko‘ra, O‘zbekiston ham Afg‘onistonga yuqori sifatli sement va dori-darmon mahsulotlarini eksport qilishni rejalashtirmoqda. Mazkur qaror Pokiston bilan chegara punktlarining yopilishi va o‘zaro savdo aloqalarining to‘xtab qolishi fonida qabul qilingan.

Tolibon rasmiylari yuzaga kelgan vaziyat sababli mintaqaviy hamkorlar, xususan, Eron va O‘zbekiston bilan iqtisodiy aloqalarni kuchaytirishga urg‘u bermoqda. Avvalroq afg‘on qishloq xo‘jaligi mahsulotlarini O‘zbekiston havo yo‘llari orqali jahon bozoriga olib chiqish rejalari ham e’lon qilingan edi.

O‘tgan oyda Torxam chegara punktining yopilishi Afg‘oniston va Pokiston iqtisodiyotiga...

BYD Braziliya bozorida BYD Atto 8 modelini rasman taqdim qildi. Bu haqda CarNewsChina xabar bermoqda.

Uning narxi $74,2 mingdan boshlanadi. Model dizayni asosan Tang L modeliga mos, biroq Braziliya bozori uchun ayrim o‘zgarishlar kiritilgan. Old qismdagi keng xrom panel saqlangan, biroq emblema lotin yozuvidagi BYD belgisi bilan almashtirilgan. Xitoydagi ayrim versiyalarda qo‘llanilgan tomdagi lazer lidar Braziliya uchun olinib tashlangan. D-ustun shakli ham Tang L dagidek bo‘lib, uchinchi qatorda o‘tiruvchilar uchun yorug‘lik va ko‘rish burchagini yaxshilaydi.

Salon ichida BYD qatlamli geometrik shakllardan foydalangan. Asosiy panelda bambuk o‘ymakorligiga o‘xshash trimlar bor. Braziliyalik mutaxassisning aytishicha, Atto 8 Xitoydagi kabi katta aylanuvchi...

Toshkent shahrida changlanishni kamaytirish uchun namlikni purkovchi qurilma sinovdan o‘tkazilmoqda. Bu haqda poytaxt hokimligi matbuot xizmati xabar bermoqda.

Ushbu innovatsion texnologiya poytaxt sharoitiga moslashtirilmoqda. Qurilma chang konsentratsiyasini kamaytirish, havodagi zarrachalarni yuvish va ekologik vaziyatni yaxshilashga xizmat qiladi.

Sinov Olmazor tumanidagi Taxtapul massivida joylashgan 1-son yuqumli kasalliklar shifoxonasi hududida o‘tkaziladi.

Avvalroq Kursiv Uzbekistan Toshkentda daraxtlarni sug‘orish bo‘yicha cheklovlar bekor qilingani haqida yozgan edi.

Shavkat Mirziyoyev Samarqandda davom etayotgan tashrifi doirasida Samarqand – Urgut yangi temir yo‘l liniyasi qurilishi jarayonlari bilan ham tanishdi. Bu haqda davlat rahbarining matbuot xizmati xabar berdi.

Ma’lumot uchun, 55 kilometr uzunlikdagi ushbu yo‘lning boshlang‘ich nuqtasi fevral oyida boshlangan bo‘lib, ikki vokzal, «Urgut» erkin iqtisodiy zonasida ikkita yuk stansiyasi va bir qator ko‘priklarni o‘z ichiga oladi. Kelgusida liniyani to‘liq elektrlashtirish rejalashtirilgan.

Samarqand – Urgut yo‘nalishi yiliga 359 ming yo‘lovchi va 8,2 million tonna yuk tashish imkonini yaratadi. Ikki juft shaharlararo, to‘qqiz juft yuk poyezdi qatnovi yo‘lga qo‘yilishi ko‘zda tutilgan.

Shuningdek, loyiha Jomboy, Pastdarg‘om, Toyloq va Urgut tumanlari aholisi uchun...

O‘zbekiston Professional futbol ligasi (O‘zPFL) joriy mavsum yakunlariga ko‘ra, «Yilning eng yaxshi murabbiyi» va «Yilning eng yaxshi futbolchisi» nominatsiyalari uchun nomzodlarni e’lon qildi.

Ro‘yxatdan 4 nafar murabbiy va 9 nafar futbolchi o‘rin olgan. Murabbiylar orasida «Paxtakor» ustozi Kamoliddin Tojiyev, «Dinamo»dan Vadim Abramov, «Neftchi»dan Vitaliy Levchenko va «Bunyotkor»dan Ilyos Zeytullayev g‘oliblik uchun kurashadi. Tahlilchilar asosiy raqobat «Sherlar» ustozi Tojiyev va Farg‘ona klubini tartibli jamoaga aylantirgan Levchenko o‘rtasida kechishini taxmin qilmoqda.

Futbolchilar orasida «Paxtakor» hujumchisi Igor Sergeyev 19 ta gol bilan mavsumning eng yaxshi to‘purari bo‘lib turibdi. Biroq umumiy gol va assistlar bo‘yicha «So‘g‘diyona» vakili Lyupcho Doriyev yetakchilik qilmoqda. Uning...

Guliston shahri hamda G‘ijduvon va Bo‘ka tumanlarida hokim almashdi. Uchala hududda ham chaqirilgan sessiyada tashkiliy masalalar ko‘rib chiqildi.

Tahliliy va tanqidiy ruhda o‘tgan yig‘ilishlarda viloyat hokimlari ishtirok etgan. Sessiya davomida viloyat mas’ullari hududlarda yo‘l qo‘yilayotgan qator kamchiliklarni ko‘tardi. Xususan, kambag‘allikni qisqartirish, aholi bandligini ta’minlash, yangi investitsiya loyihalarini ishlab chiqish va amalda tatbiq etish bo‘yicha shahar va tuman birinchi rahbarlarining harakatlari yetarli emasligi tanqid ostiga olindi.

Guliston shahri hokimi lavozimida ishlagan Xodjimanov Jamoliddin Husnididinovich vazifasidan ozod etildi va uning o‘rniga hozirga qadar Sirdaryo viloyati IIB boshlig‘ining birinchi o‘rinbosari bo‘lib faoliyat yuritgan O‘ktamjonov Farrux O‘ktamjonovich tasdiqlandi.

G‘ijduvon tumani hokimi Ashurov Sherzod...