Yangiliklar

Donald Tramp ma’muriyati Garvard universitetini yuzlab million dollarlik patentlardan mahrum qilish niyatida ekanini bildirdi. Bu haqda Bloomberg xabar berdi.

Unga ko‘ra, universitet federal grantlar to‘g‘risidagi qonunni buzganlikda ayblangan.

Shuningdek, AQSh savdo vaziri Govard Latnik Garvard prezidenti Alan Garberga yo‘llagan maktubida universitet soliq to‘lovchilarga bo‘lgan majburiyatlarini bajarmayotganini aytgan. Unga ko‘ra, bu Bayh–Dole qonuniga asosan patentlarni olib qo‘yish imkonini beradi. Mazkur qonun federal mablag‘lar hisobidan moliyalashtirilgan tadqiqotlar natijalaridan foydalanishni tartibga soladi.

Garvard 5-sentabrgacha talablarni bajarayotganini, jumladan, Amerika ishlab chiqarishiga ustuvorlik berayotganini isbotlashi kerak. Aks holda hukumat patentlarni olib qo‘yishi yoki ularni uchinchi shaxslarga litsenziyalashi mumkin.

Universitet bu qarorni «o‘z huquq...

Xiva shahrida foydalanishga topshirilgan «Arda Xiva» turizm markazi yiliga 1 million mahalliy va 500 ming xorijiy sayyohni qabul qilish imkoniyatiga ega. Kursiv Uzbekistan turizm markazidan fotoreportaj tayyorladi.

Majmua 24,5 gektar maydonda joylashgan bo‘lib, unda 67 ta turizm obyekti qurildi. Markaz bir vaqtning o‘zida 5 ming sayyohni qabul qila oladi. Unda 18 ta mehmonxona (1 080 o‘rin), 24 ta restoran va kafe, 11 ta hunarmand uylari, 200 ta rastali va 40 ta do‘kondan iborat Sharq bozori, 3 ming o‘rinli amfiteatr, zargarlik markazi, 2 ming kishilik ochiq va yopiq akvapark, 5 ta kinoteatr, qayiq sayri uchun 4 km sohil, musiqali favvora va...

Bugun, 10-avgust soat 6:00 dan boshlab Toshkent viloyatidagi «Bekobod avto» va Sirdaryo viloyatidagi «Xovosobod» chegara bojxona postlari ish boshladi. Bu haqda Bojxona qo‘mitasi xabar berdi.

Unga ko‘ra, mazkur nazorat-o‘tkazish punktlari orqali uchinchi davlat fuqarolari hamda yengil avtomobillar o‘ta oladi.

Bu tartib O‘zbekiston va Tojikiston o‘rtasida imzolangan «Davlat chegarasi orqali o‘tkazish punktlari to‘g‘risida»gi bitim asosida joriy etildi.

Bundan avval o‘zbek – qozoq chegarasida mahsulotlar tranziti uchun «yashil yo‘lak» joriy etilishi mumkinligi haqida yozgandik.

Unga ko‘ra, mazkur tizim meva-sabzavot va boshqa tez buziladigan mahsulotlar tranzitini yengillashtirish uchun joriy etiladi.

«Palermo» klubining 125 yillik yubiley o‘yinida O‘zbekiston terma jamoasi himoyachisi Abduqodir Husanov «Manchester Siti»ning asosiy tarkibida maydonga tushdi va jamoasiga ishonchli o‘yin ko‘rsatishda yordam berdi. Uchrashuv mehmonlarning 3:0 hisobidagi g‘alabasi bilan yakunlandi. Gollarni Erling Holland va ikkinchi bo‘limda dubl qayd etgan Tijani Reynders urdi.

O‘yinning dastlabki nazorati

Mehmonlar tezda to‘pni nazoratiga oldi va 30-daqiqada hisobni ochdi — Erling Holland Lyuisdan uzatma olib, biroz o‘ng tomonga siljidi va uzoq burchakka aniq zarba berdi — 0:1.

Husanovning almashinuvi va ustunlikning ortishi

Husanov birinchi bo‘limni xatosiz o‘tkazdi va tanaffusda almashtirildi. Ikkinchi bo‘limda «Siti» hujumlarni davom ettirdi. 62-daqiqada Savio o‘ng qanotdan yorib...

Xalqaro valyuta jamgʻarmasi (XVJ) mamlakat bank sektorining Bazel tamoyillariga mosligini baholadi. Jamgʻarma hisobotida keltirilishicha, davlat ulushiga ega banklarning jami aktivlardagi ulushi 2019-yildagi 84 foizdan 2024-yilda 67 foizgacha qisqargan.

XVJ boshqa ijobiy oʻzgarishlar sifatida sektor aktivlari qiymatining 690 trln soʻmga yetganini, omonatlarni sugʻurtalash tizimi rivojlanganini va rasmiy daromadi boʻlmagan ipoteka oluvchilar ulushi 2024-yilda 43 foizgacha kamayganini qayd etdi.

Bundan tashqari, mahalliy moliya sektorining kuchli tomonlari sifatida XVJ riskka yoʻnaltirilgan yondashuvni joriy etishni, davlat banklarini xususiylashtirish strategiyasining yaratilishini va sanatsiya toʻgʻrisidagi qonun qabul qilinganini ta’kidladi. Mutaxassislar, shuningdek, korporativ boshqaruv sifatining oshganini va banklarning minimal ustav kapitali 500 mlrd soʻmgacha koʻtarilganini qayd...

«Manchester Siti» klubi o‘yinchilarining haftalik maoshlari e’lon qilindi. Bu haqda Lendesportiva nashri xabar bermoqda. Hamyurtimiz, klub himoyachisi Abduqodir Husanov haftasiga 20 ming funt ( 340 mln so‘m) maosh bilan 25-o‘rinda qayd etilgan.

Klubda eng katta maoshni Erling Holland oladi — haftasiga 525 ming funt. Eng kam maosh esa yosh himoyachi Josh Wilson-Esbrandga to‘lanadi. U haftasiga 7 ming funt oladi. Quyida jamoa o‘yinchilarining haftalik daromadlari to‘liq keltirilgan.

Eslatib o‘tamiz, Kursiv Uzbekistan nashri Abduqodir Husanov «Manchester Siti» mashg‘ulotlariga qaytgani haqida yozgan edi.

Huawei va Seres’ning premium elektromobil brendi Aito yangi Aito M7 modelini Xitoyning Sanoat va axborot texnologiyalari vazirligida ro‘yxatdan o‘tkazdi. Bu haqda CarNewsChina xabar bermoqda.

Model o‘lchamlari kattalashib, u EREV va to‘liq elektr versiyalarda taqdim etiladi. Mashina Huawei ADS 4 aqlli boshqaruv tizimiga ega.

Yangi Aito M7 uzunligi 5 080 mm, eni 1 999 mm, balandligi 1 780 mm. G‘ildirak bazasi 3 030 mmni tashkil etadi. Bu avvalgi M7’dan uzun va keng. Mashina 5 o‘rinli va 6 o‘rinli variantlarda chiqariladi.

Tashqi ko‘rinishi M8 dizayniga o‘xshaydi. Old qismi yopiq panjara va ingichka LED chiroqlar bilan birlashtirilgan. EREV versiyasi xrom elementlarga ega...

2025-yilning 4 – 8-avgust kunlari davomida AQSh dollarining Valyuta birjasidagi kursi biroz o‘sish tendensiyasini namoyon etdi. Kursiv Uzbekistan nashri dollar valyutasining hafta davomidagi o‘zgarishi haqidagi maqolasini taqdim qiladi.

Haftaning boshida, 4-avgust kuni dollar 12 621,29 so‘m qiymatida belgilangan edi. Keyingi kunlarda esa kursda qisqa muddatli pasayishlar kuzatildi.

5-avgust kuni dollar 96,40 so‘mga arzonlashib, 12 524,89 so‘mni tashkil qildi. 6-avgustda esa pasayish davom etib, kurs 12 502,99 so‘mga tushdi. Biroq 7-avgustdan boshlab valyuta yana qimmatlashishni boshladi va 90,78 so‘mga oshib, 12 593,77 so‘mga yetdi.

Dollarning 14.07 – 8.08 sanalaridagi holati:

Haftaning so‘nggi savdo kunida, 8-avgustda...

7-avgust kuni Bolgariyaning Sozopol shahri yaqinida o‘zbekistonlik 22 yoshli yigit ukrainalik ayolni qutqarishga urinayotganda suvga cho‘kib vafot etdi. Bu haqda O‘zbekistonning Istanbuldagi Bosh konsulxonasi xabar berdi.

Guvohlarning aytishicha, u kuchli to‘lqinlarga qaramay suvga sho‘ng‘ib, cho‘kayotgan ayol tomon suzgan. Biroq kuchli oqimdan chiqib keta olmagan. Uning jasadi yirik suv osti qoyalariga qisilib qolgan. Kuchli bo‘ron sabab qutqaruvchilar jasadni faqat ikki kundan so‘ng olib chiqargan.

O‘zbekistonning Istanbuldagi Bosh konsulxonasi va Bolgariyadagi faxriy konsulxona marhumning jasadini vataniga qaytarish ishlarini olib bormoqda.

Bolgariyaning ko‘plab qoyali plyajlari kuchli oqimlar, girdoblar va suv osti g‘orlari tufayli xavfli hisoblanadi. Noqulay ob-havo paytida tor qo‘ltiqlarda bir necha...

Yangilangan Haval Raptor PHEV 2026 19-avgust kuni Xitoy bozorida savdoga chiqadi. Bu haqda ITHome xabar bermoqda.

Asosiy yangilik — gibrid tizimdagi 35,43 kVt·soat sig‘imli yangi batareya bo‘lib, u avtomobilga benzinsiz 151 km (WLTC) masofani bosib o‘tish imkonini beradi. Umumiy yurish masofasi 1000 km’dan oshadi.

Model Moonlight White, Ink Jiangnan Gray, Black Night, Cloud Stream Gray va Mint Green ranglarida taqdim etiladi. Yangilangan ko‘rinishda to‘g‘ri burchakli faralar, orqada Haval o‘rniga GWM yozuvi va yangi fonarlar bor.

Salonida 12,3 dyuymli raqamli panel, Coffee OS 3 operatsion tizimidagi 14,6 dyuymli mediaekran, ikki spikali rul va elektr sozlamali hamda qizdiriladigan old o‘rindiqlar...

Rossiya va O‘zbekistonda xalqaro terrorchilik tashkilotining to‘qqiz a’zosi qo‘lga olindi. Ularning ikkitasi Qashqadaryo viloyatida yashagan.

Tashkilot a’zolari diniy-ekstremistik oqim tarafdorlari bo‘lib, yashirin uchrashuvlar o‘tkazgan, mehnat migrantlari orasida tarafdorlar yollagan va butun dunyo xalifaligini tuzish g‘oyasini targ‘ib qilgan. Maxsus xizmatlar ma’lumotiga ko‘ra, guruh faoliyati chet eldan boshqarilgan.

Qashqadaryolik ikki shaxsning uyida tintuv vaqtida ekstremistik adabiyotlar va xorijiy davlatga tegishli SIM-karta topilgan. Shuningdek, gumondorlardan flesh-xotiralar va bir nechta mobil telefonlar musodara qilingan.

Ma’lum bo‘lishicha, Rossiya Tergov qo‘mitasi qo‘lga olinganlarga nisbatan terrorchilik tashkilotini tuzish va uning faoliyatida ishtirok etish bo‘yicha jinoyat ishi ochgan. Rossiya qonunchiligiga ko‘ra, ularga 15 yilgacha ozodlikdan mahrum etish...

Germaniyalik Ishley Prendge samaliyot ustida video olayotganda iPhone 16 Pro modelini tushirib yubordi. Telefon 800 metr balandlikdan yerga qulagan. Bu haqda uning o‘zi instagramdagi sahifasida ma’lum qilgan.

U telefonini «Lokatsiya» funksiyasi orqali topgan. Qurilma Reyn vodiysidagi o‘rmon ichida edi. Ichida kredit kartasi va haydovchilik guvohnomasi bo‘lgani uchun Ishley uni izlashga qaror qilgan.

Bir necha soat o‘rmon ichida qidirgach, telefonni topgan. Smartfon butunlay sinmagan edi. Uni ishga tushirganda ekranda hech qanday yoriq ko‘rmagan Ishley buni telefon g‘ilofi saqlab qolganini aytgan.

Ko‘plab foydalanuvchilar esa telefonni hatto 1,5 metr balandlikdan tushirib ham old va orqa oynasini sindirib qo‘yadi.

Eslatib o‘tamiz, Kursiv Uzbekistan...

Prezident Shavkat Mirziyoyev Jizzax viloyatida quriladigan kichik atom elektr stansiyasi (AES) qurilish maydonida birinchi beton quyishni 2026-yil martidan kechiktirmaslikni topshirdi. Bu haqda «O‘zbekiston 24» telekanaliga «Uzatom» AJ direktori Azim Ahmedxadjayev ma’lum qildi.

AES qurilish muddati Toshkent shahrining energiya ta’minoti masalalariga bag‘ishlangan yig‘ilishda muhokama qilindi. Prezidentga tayyorgarlik ishlari va Xalqaro atom energiyasi agentligi (MAGATE) bilan erishilgan kelishuvlar haqida axborot berildi.

O‘zbekiston yadro xavfsizligi bo‘yicha to‘rtta xalqaro konvensiyaga qo‘shildi. MAGATE mutaxassislari tanlangan qurilish joyini ijobiy baholadi. Yil oxirigacha stansiyaning xavfsizligi va uning atrof-muhitga ta’siriga oid hujjatlar ishlab chiqiladi.

«Uzatom» AJ rahbarining aytishicha, muhandislik izlanishlari allaqachon yakunlangan va yaqin kunlarda...

O‘zbekistonda iyun oyidan boshlab fuqarolar o‘z nomiga kredit rasmiylashtirilishini taqiqlash imkoniga ega bo‘lib, xizmatdan 73 mingdan ortiq o‘zbekistonlik foydalandi. Bu haqda Kredit axborot-tahliliy markazi Kursiv Uzbekistan nashriga ma’lum qildi.

1-avgust holatiga ko‘ra, 73 346 kishi ushbu xizmatdan foydalangan. Ulardan 22 197 nafari (30 foiz) ayollardir. Eng ko‘p foydalanganlar 26 – 35 yoshdagilar bo‘lib, ularning ulushi 34 foizni tashkil etadi.

Yosh bo‘yicha taqsimot:

Samsung Android 16 asosidagi One UI 8 tizimini joriy oy boshida yangi buklama modellari bilan birga taqdim etdi. Kompaniya uni eski Galaxy qurilmalariga ham yetkazishni boshlaydi.

Kelasi hafta Galaxy S24, Galaxy Z Flip 6 va Galaxy Z Fold 6 foydalanuvchilari One UI 8 beta-versiyasini o‘rnatish imkoniga ega bo‘ladi.

Sentabr oyida yangilanish dasturiga Galaxy S23, Galaxy Z Fold 5, Galaxy Z Flip 5 va ayrim Galaxy A modellari qo‘shiladi. Sentabr oxirida Galaxy S25 seriyasi birinchi bo‘lib One UI 8’ning barqaror versiyasini oladi. Keyin esa Galaxy S va Z seriyasidan so‘ng Galaxy A hamda boshqa mos modellar yangilanishi rejalashtirilgan.

Kompaniya siyosatidagi...

AQSh prezidenti Donald Tramp Oq uyda Ozarbayjon rahbari Ilhom Aliyev va Armaniston bosh vaziri Nikol Pashinyanni qabul qildi. Bu haqda Tramp ma’muriyati xabar bermoqda. Uchrashuvda tomonlar o‘nlab yillar davom etgan keskin mojaro va ko‘plab qurbonlardan so‘ng tarixiy tinchlik deklaratsiyasini imzolagan.

Ozarbayjon va Armaniston AQSh bilan savdo, transport, energetika, infratuzilma va texnologiya sohalarida ikki tomonlama iqtisodiy shartnomalarga erishgan. Bu kelishuvlar Janubiy Kavkaz mintaqasida yangi imkoniyatlar ochishi kutilmoqda.

«35 yildan ortiq davom etgan mojaroni hal qila oldik. Ko‘p urinishlar bo‘lgan, ammo samara bermagan. Bugun biz yakuniy tinchlikka erishdik», – degan Tramp.

Aliyev esa Trampning...

Tijorat banklari dam olish kunlari uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi. 

Xitoyda yangi Geely Galaxy A7 gibrid avtomobilining savdosi boshlandi. Bu haqda ITHome texnologiyalar nashri xabar bermoqda.

Modelning boshlang‘ich narxi 81,8 ming yuanni ($11,3 ming) tashkil qiladi. Bu pulga O‘zbekistonda Chevrolet Cobalt avtomobilini sotib olish mumkin. ($11,6 ming) Galaxy A7 avtomobilining mahalliy bozordagi narxi bojxona to‘lovlari va qo‘shimcha xizmatlar evaziga qimmatroq bo‘lishi mumkin.

Avtomobil GEA platformasida yaratilgan va Thor AI Hybrid 2.0 gibrid tizimi bilan jihozlangan. Multimediasi Flyme Auto tizimida ishlaydi. O‘lchamlari – uzunligi 4918 mm, eni 1905 mm, balandligi 1495 mm. G‘ildirak bazasi 2845 mmni tashkil qiladi. Disk diametrlari 17 yoki 18 dyuym.

Salonida panoramali tom (0,87 m²), ko‘p...

AQSh prezidenti Donald Tramp Rossiya prezidenti Vladimir Putin bilan 15-avgust, juma kuni Alyaskada uchrashishini e’lon qildi. Bu haqda CNN xabar bermoqda. Uchrashuv Ukraina urushini tugatish bo‘yicha ehtimoliy tinchlik kelishuvini muhokama qilish rejasidan so‘ng belgilandi.

Trampning so‘zlariga ko‘ra, Putin taklif qilgan reja Ukraina sharqidagi Donbass mintaqasi va 2014-yilda Rossiya tomonidan anneksiya qilingan Qrimni Rossiya tarkibida qoldirishni ko‘zda tutadi. Reja bo‘yicha jangovar chiziqlar hozirgi holatda to‘xtatiladi.

Putin AQShga so‘nggi marta 2015-yilda BMT Bosh Assambleyasi yig‘ilishida kelgan edi. Tramp bilan esa oxirgi marta 2018-yilda uchrashgan. Yaqinda Trampning maxsus vakili Stiv Uitkoff Moskvada Putin bilan uchrashib, rejani eshitgan va keyinroq Yevropa hamda Ukraina...

Samsung kompaniyasining yangi flagmani Samsung Galaxy S26 Ultra Qualcomm Snapdragon 8 Elite Gen 2 protsessori bilan ta’minlanadi. Bu avvalgi model Galaxy S25 Ultra’dan ancha yuqori unumdorlik beradi.

Qurilmaning tezroq ishlashiga yangi LPDDR5X tezkor xotira ham sabab bo‘ladi. Galaxy S26 Ultra’da xotira tezligi 10,7 Gbit/s bo‘lib, Galaxy S25 Ultra’dagi 8,5 Gbit/s xotiradan qariyb 25% tezroq. Bu telefonning tezroq yuklanishi, ilovalar orasida tez almashishi va GPU (Graphics Processing Unit, ya’ni grafik protsessor) samaradorligini oshiradi.

Samsung ushbu xotirani 2024-yil aprelida taqdim etgan. Hozircha boshqa ishlab chiqaruvchilar bundan tezroq mobil xotira taklif qilmaydi. Micron va SK Hynix’ning eng yuqori ko‘rsatkichi...

Markaziy bankning ma’lum qilishicha, ayrim tijorat banklari dam olish kunlari ham valyuta ayirboshlash va pul o‘tkazmalari xizmatini yo‘lga qo‘ymoqda.

Xizmat ko‘rsatadigan banklar ro‘yxati:

Bundan tashqari, «24/7» rejimida ishlaydigan avtomatlashtirilgan valyuta ayirboshlash bankomatlari orqali ham valyuta operatsiyalarini bajarish mumkin. Shuningdek, bank binosiga bormasdan, tijorat banklarining mobil...

9-avgust kuni O‘zbekiston bo‘ylab shamol asosan sharqdan esadi, harorat kechasi 19–26°, kunduzi 34–42° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

2025-yil 1-noyabrdan boshlab malakasini oshirish yoki yangi kasb o‘rganmoqchi bo‘lgan shaxslarga «kasb vaucheri» berish tartibi joriy etiladi. Bu haqda Adliya vazirligi ma’lum qildi.

Bu vaucher qo‘shimcha ta’lim olish uchun ssuda shaklida ajratiladi.

O‘quvchi o‘qishni tugatib sertifikat olgach, ishga joylashgandan so‘ng ssuda mablag‘ini 2 yil ichida Bandlikka ko‘maklashish davlat jamg‘armasiga qaytaradi.

Shuningdek, quyidagi shaxslarga o‘qish davrida eng kam ish haqi miqdorida stipendiya belgilanadi:

Ma’lumot uchun, ishsizlik nafaqasi olinayotgan paytda stipendiya belgilanmaydi.

Eslatib o‘tamiz, avvalroq ishsizlik nafaqasi mehnat shartnomasini bekor qilganlarga to‘lanishi haqida...

2026-yil 1-yanvardan boshlab Yagona axborot-mehnat tizimi (YAMMT) orqali aniqlangan mehnat qonunchiligi buzilishlarini ish beruvchi ishtirokisiz ko‘rib chiqish va elektron ma’muriy qaror qabul qilish amaliyoti joriy etiladi. Bu haqda Adliya vazirligi ma’lum qildi.

2025-yil 1-sentabrdan esa xodimlari 50 nafargacha bo‘lgan xizmat ko‘rsatish, qishloq xo‘jaligi va qurilish sohasidagi korxonalar Face-ID orqali elektron mehnat shartnomalarini tuzish va bekor qilishga ruxsat oladi.

Shuningdek, davlat mehnat inspektorlari o‘tkazadigan tekshiruvlar uchun oldindan ruxsat olish tartibi bekor qilinadi. «Xavfni tahlil etish» tizimi asosida o‘tkaziladigan tekshiruvlar haqida 10 kun oldin ogohlantirish talabi ham endilikda talab qilinmaydi.

Eslatib o‘tamiz, avvalroq ishsizlik nafaqasi mehnat shartnomasini bekor qilganlarga to‘lanishi haqida...