Yangiliklar

Guanchjou avtosalonida Great Wall’ning yangi Cannon 2026 Off-road pikapi namoyish etildi.

Modelning narxi 180 ming yuan ($24 ming)dan boshlanadi. Model yo‘l-yo‘lakay yurishga moslab yangilandi. Dizayn o‘zgarib, texnik qism modernizatsiya qilingan.

Pikap baland havo olish tizimi, masofadan boshqariladigan elektr osma tizim va K-MAN osmasi bilan jihozlangan. Unda gaz bilan to‘ldirilgan amortizatorlar va maxsus off-road shinalar mavjud. Salonida 10,25 dyuymli raqamli panel va 14,6 dyuymli ekranli media tizimi bor. Konditsioner, kruiz-kontrol va charm o‘rindiqlar ham qo‘yilgan.

Cannon 2026 Off-road to‘liq uzatma bilan keladi. Unda 3 ta differensial blokirovkasi va 9 ta off-road rejimi mavjud. Dvigateli 2,4 litrli dizel bo‘lib...

Adliya vazirligi Inson a’zolarini transplantatsiya qilish haqida retsipiyentlar va donorlarga tibbiy xulosalar berish boʻyicha nizomni roʻyxatdan oʻtkazdi. Bu haqda Adliya vazirligi xabar berdi.

Nizomga binoan, retsipiyent va tirik donor tibbiyot muassasalarida uch oy muddat ichida to‘liq tibbiy tekshiruvlardan o‘tishi talab etiladi. Transplantatsiya amaliyotiga ruxsat berish to‘g‘risidagi yakuniy qaror faqat Hukumatning 2024-yil 13-iyundagi 333-sonli qarorida ko‘rsatilgan davlat tibbiyot muassasalari tibbiy konsiliumlari tomonidan amalga oshiriladi.

Tibbiy konsilium retsipiyentning a’zo yoki to‘qimalar transplantatsiyasiga muhtojligi va donorning amaliyotga layoqatliligi haqida xulosa beradi yoki rad etadi. Agar transplantatsiya amaliyoti insonning ko‘rish, nutq, eshitish qobiliyatining yo‘qolishiga, ruhiyatining buzilishiga yoxud mehnat qobiliyatining 33 foizdan ortiq barqaror...

Samarqand viloyatining Urgut tumanida katta miqdordagi giyohvandlik vositasining savdosiga chek qo‘yildi. Bu haqda DXX matbuot xizmati ma’lum qildi.

Unga ko‘ra, 1966-yilda tug‘ilgan, ilgari giyohvandlik vositalari savdosi bo‘yicha sudlangan shaxs 993 gramm opiy moddasini xaridorga $15 mingga sotayotgan vaqtida ushlandi. Narkotik moddalar Tоjikistondan kontrabanda yo‘li bilan olib kelingan.

Unga nisbatan Jinoyat kodeksining 28, 246-moddasi 2-qismi (kontrabanda) va 273-moddasi 5-qismi bo‘yicha jinoyat ishi qo‘zg‘atilib, «qamoq» ehtiyot chorasi qo‘llandi.

Eslatib o‘tamiz, avvalroq Andijondagi xonadonda narkolaboratoriya fosh etilgan edi.

Tijorat banklari 24-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 19-noyabr uchun valyuta kurslari qanday o‘zgargani haqida yozgan edi. 

Tank 300 Polar Edition avtomobili Guanchjou 2025 avtosalonida namoyish etildi. Bu haqda Autohome xabar bermoqda.

Ushbu maxsus versiya Tank 300 asosida chuqur qayta ishlangan. Mashina og‘ir off-rouding uchun moslangan. Model Xitoyning Shimoliy va Janubiy qutb ekspeditsiyalari uchun tanlangan.

Mashina oldindan buyurtma uchun ochilgan. Jami 300 dona ishlab chiqariladi va dunyo bo‘ylab sotiladi.

Tashqi ko‘rinishda Polar Orange rangdagi kuzov va maxsus logotip bor. Sovuq hududlarda qulay yurish uchun uchta funksional paket taklif etiladi. Winter Guardian to‘plamida old oyna va purkagich isitgichi bor. Snow Conquest to‘plamida AT tipidagi yo‘ltanlamas shinalar mavjud. Escort to‘plamida esa simsiz boshqariladigan osma tizimi bor.

Kapot ostida...

Ekologiya va iqlim o‘zgarishi milliy qo‘mitasi barcha qurilish tashkilotlaridan atmosfera havosini muhofaza qilish bo‘yicha belgilangan talablarga qat’iy rioya etishni talab qildi. Bu haqda qo‘mita matbuot xizmati ma’lum qildi.

Qurilish maydonlarida chang va qum zarrachalari tarqalishining oldini olish, osma yomg‘irlatgich va suv purkagichlar o‘rnatish, transport vositalarini yuvish shoxobchasini tashkil etish va maydonni himoya qoplamalari bilan jihozlash majburiydir.

Talablar bajarmagan korxonalarga Ma’muriy javobgarlik kodeksi asosida jarima, faoliyatni 10 ish kunigacha to‘xtatish yoki tugatish chorasi qo‘llanadi.

Eslatib o‘tamiz, avvalroq sanoat korxonalari atmosfera ifloslanishini ikki baravar kamaytirishi haqida yozgan edik.

O‘zbekistonning bir nechta hududida elektr energiya resurslaridan noqonuniy foydalanish holatlari aniqlandi. Bu haqda Bosh prokuratura departamenti ma’lum qildi.

Unga ko‘ra, Jomboy tumanida fermer xo‘jaligi rahbari suv nasosini elektr tarmog‘iga o‘zboshimchalik bilan ulab, 106,4 mln so‘mlik energiyadan noqonuniy foydalangan.

Qoraqalpog‘istonda esa YTT savdo do‘koni 97,8 mln so‘mlik elektrdan, Ishtixonda fuqaro novvoyxona uchun 82,5 mln so‘mlik tabiiy gazdan noqonuniy foydalangani ma’lum bo‘ldi.

Mazkur holatlar bo‘yicha Jinoyat kodeksining 169-moddasi (o‘g‘rilik) asosida jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq Sirdaryoda Gentra salonidan 78,1 mln so‘mlik noqonuniy tamaki mahsulotlari topilan edi.

Ekologiya va iqlim o‘zgarishi milliy qo‘mitasi barcha sanoat korxonalariga 2025-yil 1-dekabrgacha atmosfera havosiga chiqariladigan zararli moddalarni ikki baravar kamaytirish topshirig‘ini berdi. Bu haqda qo‘mita matbuot xizmati ma’lum qildi.

Korxonalar avtomatik monitoring stansiyalarini o‘rnatishi, chang-gaz va suv tozalash uskunalarini modernizatsiya qilishi, shuningdek, sanitar himoya zonalarini kuzatuv postlari bilan jihozlashi shart. Majburiyatni bajarmaganlar uchun kompensatsiya to‘lovlari besh baravarga oshiriladi va faoliyatiga nisbatan ma’muriy yoki jinoiy choralar qo‘llanilishi mumkin.

Talab qat’iy bo‘lib, barcha korxonalar ifloslantiruvchi moddalarni kamaytirish va bartaraf etish chora-tadbirlarini joriy yil 1-dekabrga qadar amalga oshirishi lozim.

Eslatib o‘tamiz, avvalroq Toshkentdagi havo sifatining yomonlashuvi tabiiy va mavsumiy omillar bilan bogʻliqligi...

Andijonda Hakamlik sudi sudyasi fuqarolarni chet elga ishga yuborilishi bilan bog‘liq noqonuniy harakat bilan qo‘lga tushdi. Bu haqda DXX matbuot xizmati ma’lum qildi.

Unga ko‘ra, sudya ikki fuqaro­ni Janubiy Koreyaga mavsumiy ishchi sifatida yuborishni va’da qilib, buning evaziga $15 ming talab qilgan hamda oldindan $4,1 ming avans olgan.

Ammo va’dasini bajara olmagach, pulning bir qismini qaytarish vaqtida Davlat xavfsizligi xizmati va Iqtisodiy jinoyatlarga qarshi kurashish departamenti xodimlari tomonidan dalillar bilan ushlandi.

Sudyagа Jinoyat kodeksining 168-moddasi 3-qismi «a» bandi va 28, 211-moddasi 2-qismi «b» bandi bo‘yicha ish qo‘zg‘atilib, qamoq ehtiyot chorasi qo‘llandi.

Eslatib o‘tamiz, avvalroq Xovosda ikki nafar IIB xodimi...

O‘zbekistonda o‘tgan hafta davomida bir qancha yangiliklar yuz berdi. Kursiv Uzbekistan ularni bir joyga jamladi.

Sibir suvini O‘zbekistonga yo‘naltirish g‘oyasi yana ko‘tarildi

Sibir daryosining ortiqcha suv oqimini O‘zbekiston va Qozog‘istonga yo‘naltirish masalasi yana muhokamalar markazida qayta ko‘tarildi. Bu haqda Rossiya Fanlar akademiyasi Suv muammolari instituti direktori Viktor Danilov-Danilyan ma’lum qildi.

Uning aytishicha, bu tashabbus «Quruqlik suv resurslari» bo‘yicha ilmiy kengashning oktabr oyidagi yig‘ilishida ko‘rib chiqilgan. Loyiha doirasida Rossiya suv xo‘jaligining strategik rivojlanishi, suv tanqisligi va mavjud suv resurslarini qayta taqsimlash imkoniyatlari o‘rganilmoqda.

2026-yildan boshlab yakka tartibdagi tadbirkorlar firma nomiga ega bo‘lishiga ruxsat beriladi

2026-yildan boshlab yakka tartibdagi tadbirkorlarga...

CITES Konvensiyasining 24-noyabrdan 5-dekabrgacha davom etadigan navbatdagi yuqori darajadagi yig‘ilishida ilk bor rus tili rasmiy muhokamalar uchun qo‘llanadi. Bu haqda Rossiya ekologiya nazorati xizmati rahbari Svetlana Radionova ma’lum qildi, deya xabar bermoqda TASS.

Uning aytishicha, 1973-yilda Konvensiya tashkil etilgandan beri birinchi marta rus tili teng huquqli tarzda ishlatilmoqda.

«Bu yutuqqa prezidentimiz ko‘magida erishildi. Endi ikki hafta davom etadigan mazmunli uchrashuvlarda rus tilidan to‘liq foydalanish imkoniyati beriladi», – dedi Radionova.

Shuningdek, u aslida BMTning barcha olti rasmiy tili Konvensiyada qo‘llanishi kerakligini, hozirda esa atigi uch til bilan cheklanib qolayotganini ta’kidladi. Uning fikricha, rus tilining keng...

Grossmeyster Javohir Sindarov O‘zbekiston tarixida ilk bor Nomzodlar turnirida ishtirok etishni ta’minlagan shaxmatchiga aylandi. U FIDE Jahon kubogi yarim finalida vatandoshi Nodirbek Yakubboevni tay-breykda 1,5:0,5 hisobida mag‘lub etdi.

O‘zbekistonlik shaxmatchilar o‘rtasidagi dastlabki ikki klassik partiya durang bilan yakunlangandi. Rapiddagi uchrashuvda Sindarov g‘alaba qozondi va ikkinchi rapidda durangni ushlab, final yo‘llanmasini hamda amaldagi jahon chempioniga raqib bo‘ladigan asosiy saralash bosqichi – Nomzodlar turniriga avtomatik yo‘l oldi.

Finalda Sindarov Xitoy vakili Vey I bilan kuch sinashadi.

Yakubboev esa uchinchi o‘rin va Nomzodlar turniriga qolgan yagona yo‘llanma uchun rossiyalik Andrey Yesipenkoga qarshi bahsni davom ettiradi. Yesipenko tay-breykda Vey Iga imkoniyatni boy bergandi.

«Red Wings» aviakompaniyasi 2025-yil noyabr-dekabr oylaridan boshlab Maxachqal’adan O‘zbekistonga parvozlar sonini oshiradi. Bu haqda RIA Dagestan nashri ma’lum qildi.

Unga ko‘ra, 3-dekabrdan boshlab Maxachqal’adan Urganchga chorshanba va shanba kunlari muntazam reyslar yo‘lga qo‘yiladi. Shuningdek, aviakompaniya Maxachqal’adan Buxoro, Toshkent va Namanganga amalga oshirib kelayotgan parvozlarni davom ettiradi.

Aviakompaniya yangi yo‘nalishlar yo‘lovchilarga safarlarni qulay rejalashtirish imkonini berishini ma’lum qildi.

Avvalroq «Kursiv» nashri Oʻzbekiston aeroportlarida yoʻlovchilar oqimi 14 foizga oshgani haqida yozgandi.

Uch davlat Qozog‘iston, Qirg‘iziston va O‘zbekiston – suv va energiya sohalaridagi hamkorlikning yangi qoidalarini kelishib oldi. 22-noyabr kuni Olmaotada bo‘lib o‘tgan uchrashuvga Qozog‘iston energetika vaziri Erlan Akkenjenov rahbarlik qildi. O‘zbekiston tomonidan hujjatga Energetika vaziri Jo‘rabek Mirzamahmudov imzo qo‘ydi.

Toktog‘ul suv omboridagi murakkab vaziyat sabab tomonlar qish mavsumida o‘zaro ko‘mak ko‘rsatishga qaror qildi. Qozog‘iston va O‘zbekiston sovuq mavsumda Qirg‘iziston Respublikasiga elektr energiyasi yetkazib berishini tasdiqladi. Bu orqali Qirg‘iziston elektr ishlab chiqarish uchun sarflanadigan suv miqdorini kamaytirib, Toktog‘ul omborida ko‘proq suv jamg‘arish imkoniga ega bo‘ladi.

Bahor va yozda to‘plangan suv Qozog‘iston hamda O‘zbekiston tomoni­ga yo‘naltiriladi. Bu esa vegetatsiya davrida ekin maydonlarini...

Migratsiya agentligi hamda Buyuk Britaniyaning Skills Provision Ltd kompaniyasi hamkorligida yuqori kuchlanishli elektr uzatish tarmoqlari montajchilari uchun yirik tanlov e’lon qilindi. Bu haqda agentlikning rasmiy sahifasida ma’lum qilindi.

Overhead High Voltage Transmission Linesman yo‘nalishi bo‘yicha 500 nafar mutaxassis ishga qabul qilinadi.

Tanlov doirasida nomzodlar 110 kV va undan yuqori elektr uzatish liniyalarida ishlash tajribasiga, balandlikda ishlash ko‘nikmasiga ega bo‘lishi talab etiladi. Shuningdek, minoralar qurilishi, ta’miri, kabel tortish, montaj qilish, texnik chizmalarni o‘qish, xavfsizlik qoidalariga qat’iy amal qilish bo‘yicha malaka muhim hisoblanadi. Ingliz tilini «B2» darajada bilish va xalqaro sertifikatga ega bo‘lish ham asosiy shartlar qatoriga kiradi.

Ish rejimi mavsumga...

Mercedes-Benz 8-dekabr kuni taqdim etilishi kutilayotgan yangilangan GLB krossoverining deyarli kamuflyajsiz suratlarini ommaga chiqardi. Bu haqda Carcoops nashri xabar berdi.

Tashqi ko‘rinish keskin o‘zgarishlarga uchramagan bo‘lsa-da, dizayn evolyutsion tarzda yangilangan. Chuqur o‘rnatilgan eshik tutqichlari, oynalarning qayta ishlangan shakli va pastki qismdagi plastik himoya detallarida Smart 5 modeliga o‘xshash yechimlar seziladi. Ort qismdagi bo‘rtma arkalarning yanada ifodaliroq bo‘lgani ham modelga sportchi ko‘rinish beradi.

Amaldagi avlod bilan solishtirganda, yangi GLB «yulduz» naqshi bilan ishlangan old faralar, yumaloqlashtirilgan kuzov chiziqlari va to‘liq qayta ishlab chiqilgan orqa dizayn bilan ajralib turadi. Vertikal tarzda joylashtirilgan orqa chiroqlar yagona yorug‘lik paneli bilan bog‘langan, davlat raqami...

Apple Music striming platformasi 2025-yilning eng yaxshi 50 ta K-pop qo‘shig‘i reytingini taqdim etdi. Ro‘yxatning cho‘qqisidan Blackpink guruhining uch yillik tanaffusdan keyingi ilk qo‘shig‘i – «Jump» joy oldi.

Iyul oyida taqdim etilgan ushbu dans-pop trek kollektivning yaqinlashayotgan uchinchi studiyaviy albomiga kiradi. Klip esa allaqachon 200 milliondan ortiq ko‘rish yiqqan.

Ikkinchi o‘rinni «K-pop-ovchi qizlar» animatsion filmidagi to‘qima guruh Huntr/x ijro etgan Golden egalladi. Ushbu saundtrek Spotify’ning global K-pop chartida rekord darajada uzoq – 71 kundan ko‘proq vaqt davomida yetakchilik qilgan. Avvalgi rekord esa BTS a’zosi Jungkook’ning Seven treki nomiga tegishli edi. Golden yaqinda Gremmi mukofotiga nomzod bo‘ldi, film esa Netflix...

O‘zbekiston hududida hafta davomida havo o‘zgaruvchan bo‘lib, deyarli barcha hududlarda yog‘ingarchilik kuzatilmaydi. Shamol asosan sharqdan esadi, ba’zi viloyatlarda tuman tushishi mumkin. Harorat kundan-kunga biroz pasayib boradi, ammo kunlik ko‘rsatkichlar hali ham iliq chegaralarda qolmoqda.

Qoraqalpog‘iston Respublikasi va Xorazm viloyati

Hududda havo barqaror va quruq bo‘ladi. 25-26 noyabr kunlari kechalari 0–5 daraja iliq, ayrim joylarda 2 daraja sovuq kuzatilishi mumkin. Kunduzgi harorat 12–17 daraja atrofida bo‘ladi. 27-28 noyabrda kechalari 3 daraja sovuq – 2 daraja iliq, kunduzlari esa 10–15 darajadan 8–13 darajagacha pasayadi.

Buxoro va Navoiy viloyatlari

Hafta davomida havo o‘zgaruvchan, yog‘ingarchilik kutilmaydi. Shamol sharqdan 7–12 m/s tezlikda esadi...

AQSh prezidentining Janubiy va Markaziy Osiyo bo‘yicha maxsus vakili, elchi Sergio Gor Amerika – O‘zbekiston ishbilarmonlik va investitsiya kengashiga hamrais etib tayinlandi. Bu haqda AQShning O‘zbekistondagi elchixonasi xabar berdi.

U endilikda kengashda AQSh tomonining ishtirokini O‘zbekiston prezidenti administratsiyasi rahbari Saida Mirziyoyeva bilan birgalikda boshqaradi.

Rasmiy ma’lumotga ko‘ra, ushbu qaror ikki davlat o‘rtasidagi iqtisodiy muloqotni yangi bosqichga olib chiqadi. Yaqinda O‘zbekiston prezidentining Vashingtonga amalga oshirgan tashrifi ham O‘zbekiston – AQSh munosabatlarida sezilarli faollik va ijobiy dinamika yuzaga kelganini tasdiqladi.

Yangi hamraislik doirasida tomonlar biznes, investitsiya va strategik sheriklik yo‘nalishlarida yanada chuqur hamkorlikni rivojlantirishni rejalashtirmoqda.

Avvalroq «Kursiv» nashri O‘zbekiston va AQSh...

O‘zbekistonda 2025-yil 1-dekabrdan AI-80 benzini savdosi to‘xtatiladi. Prezidentning 18-noyabr kuni qabul qilgan qaroriga ko‘ra, ekologik toza yonilg‘iga o‘tish va havoning sifatini yaxshilash maqsadida bu turdagi benzin AYoQShlarda endi realizatsiya qilinmaydi.

Jarayonning bajarilishi Neft mahsulotlari va gazdan foydalanishni nazorat qilish inspeksiyasi hamda Ekologiya qo‘mitasi tomonidan kuzatiladi. Bajarilishi belgilangan ekologik chora-tadbirlar doirasida poytaxtda yuk tashuvchi avtomobillar harakati tig‘iz vaqtlarda cheklanadi.

Qurilish maydonlarida esa ish boshlanishidan oldin fon monitoring stansiyalari va onlayn kuzatuv kameralarini o‘rnatish majburiy bo‘ladi. Ushbu talablarga amal qilish «Qurilishda ekologik faoliyat standarti» orqali tartibga solinadi.

Shuningdek, 2026-yil apreliga qadar shamol yo‘nalishi va tezligini inobatga olgan holda qurilishlarni rejalashtirish bo‘yicha...

O‘zbekistonda 23-noyabr kuni havo asosan o‘zgaruvchan bo‘ladi, deyarli barcha hududlarda yog‘ingarchilik kutilmaydi. Bu haqda «O‘zgidromet» xabar berdi.

Toshkent shahrida yomg‘ir kuzatilmaydi, havo biroz bulutli bo‘ladi. Shamol sharqdan 3–8 m/s tezlikda esadi. Harorat kechasi 3–5 daraja iliq, kunduzi 15–17 daraja iliq bo‘ladi.

Qoraqalpog‘iston Respublikasi va Xorazm viloyatida kechasi havo 0–5 daraja iliq, ayrim joylarda 2 darajagacha sovuq bo‘lishi mumkin. Kunduzi harorat 12–17 daraja iliq atrofida bo‘ladi. Shamol sharqdan 7–12 m/s tezlikda esadi.

Buxoro va Navoiy viloyatlarida havo o‘zgaruvchan, yog‘ingarchilik kutilmaydi. Harorat kechasi 0–5 daraja iliq, kunduzi 13–18 daraja iliq, shamol esa 7–12 m/s.

Toshkent, Samarqand, Sirdaryo va Jizzax viloyatlarida...

Angliya Premyer-ligasining navbatdagi turida «Chelsi» safarda «Byornli»ni 2:0 hisobida magʻlub etdi va turnir jadvalida ikkinchi oʻringa koʻtarilib oldi.

Uchrashuvdagi hisob birinchi boʻlimning 36-daqiqada ochildi. Bayno-Gittensning aniq uzatmasidan soʻng Nеtu bosh bilan darvozani ishgʻol qildi. Ikkinchi boʻlimda mehmonlar ustunlikni yana bittaga mustahkamladi: Enso Fernandes zaxiradan tushib, hisobni 2:0 koʻrinishiga keltirdi.

Uchrashuv davomida «Chelsi» toʻliq ustunlikni ushlab turdi, toʻqqizta burchak toʻpi va bir nechta xavfli hujumlar yaratdi. «Byornli» esa keskin vaziyat yarata olmadi va uchrashuvni golsiz yakunladi.

Mazkur gʻalabadan soʻng «Chelsi» ochkolari sonini 23 taga yetkazib, turnir jadvalida ikkinchi oʻringa koʻtarilib oldi.

Avvalroq Kursiv Uzbekistan «Neftchi» 24 yildan soʻng yana chempionlikni qoʻlga...

S&P Global xalqaro reyting agentligi Oʻzbekistonning uzoq muddatli suveren kredit reytingini bir pogʻona koʻtarib, «barqaror» prognozi bilan «BB» darajasiga baholadi. Bu haqda agentlik saytida ma’lum qilindi.

Agentlikning ta’kidlashicha, mamlakat avvalgi marta 2018-yilda «BB-» reytingini olgan edi. Oradan yetti yil oʻtib, reytingning oshirilishi Oʻzbekiston iqtisodiy siyosatining izchil mustahkamlanayotgani bilan izohlandi.

So‘nggi yillarda energetika tariflarining bosqichma-bosqich yangilanishi, boshqaruv shaffofligining oshishi va yirik investitsiya loyihalari O‘zbekiston iqtisodiy barqarorligini mustahkamlamoqda. Konchilik, energetika va infratuzilma yo‘nalishlaridagi loyihalar uzoq muddatli o‘sishni qo‘llab-quvvatlashi kutilmoqda.

Tashqi iqtisodiy pozitsiyaga eng katta ta’sir ko‘rsatayotgan omil – oltin eksporti. Markaziy bank zaxiralari 2025-yil oktabrida $59 mlrdga yetib, 2023-yildan...

Migratsiya agentligi va Skills Provision Ltd kompaniyasi yuqori kuchlanishli elektr uzatish tarmoqlari montajchisi (Overhead High Voltage Transmission Linesman) lavozimi boʻyicha mutaxassislarni Buyuk Britaniyaga ishga taklif qilmoqda. Bu haqda agentlik matbuot xizmati xabar berdi.

Ta’kidlanishicha, tanlov doirasida 500 ta boʻsh ish oʻrni taklif etilmoqda. Mazkur yoʻnalish boʻyicha ishchilar mehnat xavfsizligi qoidalariga rioya qilish, elektr montaji, arqon bilan ishlash (rigging), osma va bloklash, yerga ulash, jumper oʻrnatish, poʻlat konstruksiyalarni yigʻish va ta’mirlash kabi vazifalarni bajaradi. Ish jarayonida texnik chizmalarni toʻgʻri oʻqiy olish va jamoada intizomga rioya qilish ham muhim talab sifatida koʻrsatilgan.

Qish mavsumida haftasiga 39 soat, yoz oylarida esa...