Yangiliklar

2026-yilda yangilangan Li Auto L9 taqdim etiladi. Bu haqda ITHome xabar bermoqda. Uning elektr yurish zaxirasi 400 kmdan oshadi.

2025-yil Li Auto uchun muvaffaqiyatsiz bo‘ldi. Kompaniya 600 mingdan ortiq avtomobillar sotishni rejalashtirgan, ammo atigi 410 ming dona realizatsiya qildi. 2026-yil uchun savdo maqsadi 550 ming dona etib belgilangan. Asosiy umid esa kuchli yangilangan flagman krossover – Li Auto L9 ga qaratilgan.

Ma’lumotlarga ko‘ra, 2026-yilgi L9 modeli kattaroq o‘lchamlarga ega bo‘ladi. Shassi qayta ishlanadi va sig‘imi 70 kVt/soatdan yuqori bo‘lgan yangi tortish batareyasi o‘rnatiladi. Bu avtomobilning sof elektr rejimidagi yurish zaxirasini 400 km dan oshirishga imkon beradi.

Manbalarga ko‘ra, kompaniya...

Motorola kompaniyasi Moto G liniyasiga kiruvchi ikkita yangi smartfon – Moto G67 Power va Moto G77 Power modellarini taqdim etdi. Bu haqda Insomnia nashri ma’lum qildi.

Moto G67 Power modeli asosiy versiyada 4 GB RAM bilan ta’minlangan. Qurilmada 6,8 dyuym diagonalga ega 120 Gts yangilanish tezlikli AMOLED ekran, Dimensity 6300 platformasi va LYTIA 600 sensoriga asoslangan 50 MP asosiy kamera mavjud. Batareya sig‘imi 5200 mA·soat bo‘lib, 30 vattli tezkor quvvatlashni qo‘llab-quvvatlaydi. Shuningdek, qurilmada 128 GB ichki xotira va Wi-Fi 5 mavjud.

Moto G77 Power modeli xotira bo‘yicha 8/128 GB bilan jihozlangan. Bu modelning ekrani, batareyasi va quvvatlash tizimi...

Xiaomi kompaniyasi bolalar uchun mo‘ljallangan yangi aqlli soat – Kids Watch modelini taqdim etdi. Bu haqda Gizmochina nashri ma’lum qildi.

Ushbu soat boshqa bolalar soatlaridan narxi bilan farq qiladi va $200 ni tashkil etadi. Qurilmaning o‘ziga xos xususiyatlaridan biri shundaki, korpus soat kamaridan qisman chiqarib olinishi mumkin. Shu tarzda soat qo‘lga taqilganda vertikal holatga keladi, bu esa videqo‘ng‘iroqlar uchun qulaylik yaratadi. Soat 5 MP aniqlikdagi old kamera bilan jihozlangan bo‘lib, korpus vertikal holatga kelganda 8 MP aniqlikdagi orqa kamera ham ishlaydi.

Soat 1,75 dyuym diagonalga ega AMOLED ekran, 450 x 390 piksel aniqlik, 1/16 GB xotira va...

Oppo kompaniyasi Reno15 FS smartfonini rasman taqdim etib, uni Yevropa bozorida sotuvga chiqardi. Bu haqda Oppo’ning rasmiy sahifasida ma’lum qilindi.

Qurilma taxminan $440 narxda taklif etilmoqda va bu ko‘plab ommabop modellardan yuqori hisoblanadi. Smartfon Snapdragon 6 Gen 1 platformasi asosida ishlaydi hamda 8/512 GB xotira bilan jihozlangan. Asosiy kamera 50 MP, qo‘shimcha ultra keng burchakli kamera esa 8 MP aniqlikka ega.

AMOLED displey 6,57 dyuym diagonalga ega bo‘lib, Full HD+ aniqlik va 120 Gts yangilanish tezligini qo‘llab-quvvatlaydi. Batareya sig‘imi 6500 mA·soatni tashkil etadi va 80 vattli tezkor quvvatlash imkoniyatiga ega. Shuningdek, smartfon IP68 darajasidagi chang va suvdan himoyaga...

Apple kompaniyasi bu yil kuzda iPhone Air smartfonining ikkinchi avlod modeli – iPhone Air 2’ni taqdim etishni rejalashtirmoqda. Bu haqda Xitoydagi Fixed Focus Digital manbalari xabar berdi.

Ma’lumotlarga ko‘ra, yangi modelda sezilarli o‘zgarishlar bo‘lmaydi. Asosiy yangilik sifatida Samsungning CoE texnologiyasiga ega OLED-ekrani ishlatilishi kutilmoqda. U poliarizatsiya qatlami yo‘qligi sababli ekranni yanada ingichka, yengil va yorqin qiladi hamda kam quvvat sarflaydi.

Avval tahlilchilar ishlab chiqarish muammolari sabab, iPhone Air 2’ning chiqarilishi 2027-yil bahoriga kechishi mumkinligini taxmin qilgan edi. Ammo yangilangan ma’lumotlarga ko‘ra, smartfon shu yil kuzida taqdim etiladi.

Shuningdek, manbalar Apple kompaniyasi buklanuvchi iPhone ustida ishlashni to‘xtatganini va standart...

Yandex kompaniyasi GWM Connection xizmatlari faollashtirilgan Haval, Tank va Wey avtomobillarini «Alisa» ekotizimi orqali boshqarish imkoniyati yaratdi. Bu haqda Yandex rasmiy sahifasida ma’lum qildi.

Unga ko‘ra, foydalanuvchilar «Stansiyalar», «TV Stansiyalar» va «Alisa bilan uy» ilovasi orqali dvigatelni ishga tushirish, o‘rindiqlarni isitishni yoqish, yoqilg‘i zaxirasi yoki batareya quvvati darajasi haqida ma’lumot olishlari mumkin. Ovozli buyruqlar yordamida avtomobilni safarga oldindan tayyorlash, jumladan, iqlim nazoratini faollashtirsa bo‘ladi.

Shuningdek, «Alisa» eshiklar holati haqida ma’lumot beradi va so‘rov bo‘yicha ularni masofadan turib qulflaydi. Tasodifiy ishga tushishlarning oldini olish uchun tizim faqat tanish ovozlarni tanib oladi hamda PIN-kod kiritishni talab qiladi.

Kelgusida foydalanuvchilar avtomobil...

20-yanvar kuni prezidentga qilingan taqdimotda 2026 – 2030-yillarda qon bilan ishlash xizmatini yanada takomillashtirish bo‘yicha ishlab chiqilgan takliflar ham ko‘rib chiqildi.

Unga ko‘ra, qon va qon mahsulotlariga bo‘lgan ehtiyojning ortib borayotgani inobatga olinib, xizmat imkoniyatlarini kengaytirish rejalashtirilmoqda.

Jahon sog‘liqni saqlash tashkiloti tavsiyalariga muvofiq, har ming aholiga to‘g‘ri keladigan qon topshirishlar sonini 10 tadan 30 tagacha oshirish, umumiy donatsiyalar sonini 1 milliontagacha yetkazish rejalashtirilgan. Natijada respublika bo‘yicha qon zaxirasi 150 ming litrdan 450 ming litrgacha oshiriladi.

Shuningdek, beg‘araz qon donorlarining sonini 300 ming nafardan 900 ming nafargacha yetkazish maqsad qilingan.

Qon mahsulotlari harakati «Qon mahsulotlari elektron hisobi» axborot tizimi...

21-yanvar sanasi avtomobil sanoatining ilk qadamlari, tovush tezligidan yuqori uchuvchi samolyotlar va madaniy voqealarga boyligi bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1899-yili Germaniyaning Opel kompaniyasi o‘zining birinchi avtomobilini ishlab chiqarishni boshladi. Bungacha tikuv mashinalari va velosipedlar ishlab chiqarish bilan shug‘ullangan Adam Opelning kompaniyasi «Opel-Lutzmann» modelini taqdim etish orqali avtomobilsozlik sanoatiga rasman kirib keldi. Bu qadam keyinchalik Yevropaning eng yirik avtokonsernlaridan biri paydo bo‘lishiga zamin yaratdi.

1905-yilda fransuz modasining afsonasi, Christian Dior moda uyi asoschisi Kristian Dior dunyoga keldi. U Ikkinchi jahon urushidan so‘ng ayollar modasida inqilobiy «New Look» uslubini yaratib, Parijni...

Milanda bo‘lib o‘tgan UEFA Chempionlar ligasining 7-turi doirasida «Arsenal» «Inter»ni 1:3 hisobida mag‘lub etdi. Londonliklar ushbu g‘alaba orqali pley-off bosqichiga to‘g‘ridan to‘g‘ri yo‘llanma olish sari dadil qadam tashladi.

Uchrashuv yuqori tempda boshlanib, 10-daqiqadayoq hisob ochildi. Timberning uzatmasidan so‘ng Gabriel Jezus «Arsenal»ni oldinga olib chiqdi. Mezbonlar 18-daqiqada yosh iqtidor Petar Suchichning goli evaziga muvozanatni tiklashga muvaffaq bo‘lishdi. Biroq birinchi bo‘limning 31-daqiqada Leandro Trossardning pasi evaziga Jezus dubl qayd etib, mehmonlarning ustunligini ta’minladi.

Ikkinchi bo‘lim keskin kurashlar va qo‘polliklarga boy bo‘ldi. Hakam «Inter»dan Alessandro Bastoni va Franchesko Acherbini, «Arsenal»dan esa Mikel Merino va Deklan Raysni sariq kartochka bilan ogohlantirdi. O‘yinning 84-daqiqasida...

Yevropa Chempionlar ligasi guruh bosqichining 7-turi doirasida «Tottenxem» o‘z maydonida «Borussiya Dortmund» ustidan 2:0 hisobida g‘alaba qozondi.

O‘yinning 14-daqiqasida «Tottenxem»ning yosh vingeri Vilson Odober oshirgan to‘pni himoyachi Kristian Romero darvozaga joylab, hisobni ochdi. Oradan o‘n daqiqa o‘tib, 24-daqiqada «Dortmund» yarim himoyachisi Daniel Svensson qo‘pol o‘yini sababli to‘g‘ridan to‘g‘ri qizil kartochka oldi va maydonni erta tark etdi. Bu holat nemis klubini qiyin ahvolga solib qo‘ydi.

Son jihatdan ustunlikka erishgan «shporlar» 37-daqiqada yana Odoberning faolligi evaziga ikkinchi golni urdi. Bu safar uning uzatmasidan so‘ng Dominik Solanke imkoniyatdan unumli foydalandi. O‘yinning qolgan qismida bir kishi kam bo‘lib harakat qilgan «Borussiya Dortmund» vaziyatni...

Yevropa Chempionlar ligasining 7-turi doirasida «Real Madrid» o‘z maydonida Fransiyaning «Monako» jamoasini qabul qilib, yirik hisobda mag‘lubiyatga uchratdi. Alvaro Arbeloa shogirdlari turnir jadvalida muhim ochkolarni qo‘lga kiritdi.

Uchrashuv madridliklarning to‘liq ustunligi ostida boshlandi. 5-daqiqadayoq Federiko Valverde uzatmasidan so‘ng Kilian Mbappe hisobni ochdi. Birinchi bo‘lim o‘rtalari – 26-daqiqada fransiyalik hujumchi Vinisius Juniorning uzatmasidan keyin dubl qayd etib, hisobni 2:0 ko‘rinishiga keltirdi. Tanaffusga chiqish oldidan 44-daqiqada Jud Bellingem hakam tomonidan sariq kartochka bilan ogohlantirildi.

Ikkinchi bo‘limning 51-daqiqada yosh iqtidor sohibi Franko Mastantuono Vinisiusning uchrashuvdagi ikkinchi samarali uzatmasidan unumli foydalanib, hisobni yiriklashtirdi. Oradan to‘rt daqiqa o‘tib, 55-daqiqada mehmonlar darvozasiga to‘rtinchi gol kiritildi...

Yevropa Chempionlar ligasining 7-turida kutilmagan natija qayd etildi. «Manchester Siti» safarda Norvegiyaning «Budyo-Glimt» klubiga yirik hisobda imkoniyatni boy berdi.

Mazkur uchrashuvda «Siti» safida harakat qilayotgan hamyurtimiz Abduqodir Husanov o‘yinni asosiy tarkibda boshlab, final hushtagiga qadar to‘liq maydonda harakat qildi. Pep Gvardiola shogirdlari ushbu mag‘lubiyat sababli muhim ochkolarni yo‘qotdi.

Birinchi taymning 22-daqiqasida mezbonlar hujumchisi Kasper Hyog hisobni ochdi. Oradan ikki daqiqa o‘tib yana Hyog dublni rasmiylashtirdi. Ikkinchi taymning 58-daqiqasida «Budyo-Glimt» uchinchi golini kiritdi. Hauge uzoq masofadan chiroyli gol kiritdi.

Uchrashuvning 60-daqiqasida Sherki hisobni qisqartirdi, biroq oradan ikki daqiqa o‘tib Pep Gvardiola shogirdlari maydonda bir kishi kam bo‘lib qoldi. Rodri ikkinchi...

Metan zapravkalar faoliyatiga cheklov kiritildi, oltin narxi 4,7 ming dollardan oshdi — 20-yanvarda e’lon qilingan muhim yangiliklar dayjesti Kursiv Uzbekistan materialida.

Sovuq ob-havo sabab metan zapravkalar faoliyatiga vaqtincha cheklov kiritildi

Havo haroratining keskin pasayishi sababli O‘zbekistonda avtomobillarga gaz to‘ldirish kompressor shoxobchalari – metan zapravkalar faoliyatiga vaqtincha cheklov kiritildi. Qayd etilishicha, tabiiy gazga bo‘lgan talabning keskin oshishi ayrim hududlarda gaz quvurlarida bosim pasayishiga olib kelgan. Shu sababli energiya resurslarini aholiga uzluksiz yetkazib berish maqsadida energetika tizimi 24 soatlik kuchaytirilgan ish rejimida faoliyat yuritmoqda.

Zomindagi kanat yo‘li 200 mlrd so‘mdan ko‘proqqa sotildi

O‘zbekiston Milliy banki Zomin tumanida joylashgan kanat yo‘lini auksion...

21-yanvar kuni O‘zbekiston hududida ob-havo o‘zgaruvchan bo‘ladi, ayrim joylarda qor yoki yomg‘ir yog‘ishi mumkin. Kechasi harorat -10°…+5°, kunduzi +0°…+12° atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Bugun, 20-yanvar kuni Yevropa Chempionlar ligasining guruh bosqich 7-tur uchrashuvlari doirasida «Manchester Siti» safarda Norvegiyaning «Budyo-Glimt» klubi mehmoni bo‘ladi. O‘zbekistonlik himoyachi Abduqodir Husanov o‘yinni asosiy tarkibda boshlaydi.

«Manchester Siti» ayni damda 6 o‘yindan so‘ng 13 ochko jamg‘argan holda turnir jadvalining 4-pog‘onasida bormoqda va to‘g‘ridan to‘g‘ri nimchorak finalga yo‘llanma beruvchi kuchli sakkizlikdan joy olgan. Pep Gvardiola shogirdlari ushbu o‘yindagi g‘alaba orqali o‘z mavqeyini yanada mustahkamlab olishi mumkin.

«Budyo-Glimt» uchun esa vaziyat ancha qiyinroq. Norvegiya chempioni hozircha 3 ochko bilan 36 ta jamoa orasida 33-o‘rinda bormoqda va keyingi bosqichga chiqish imkoniyatlarini saqlab qolish uchun bugun ochko olishi zarur.

Avvalroq Kursiv Uzbekistan...

Samsung kompaniyasi Galaxy A57 modelida Xitoyda ishlab chiqarilgan CSOT OLED-displeylaridan foydalanishi mumkin. Bu haqda Business Koreya nashri ma’lum qildi.

Kompaniya smartfon narxlarini ushlab turish va rivojlanayotgan bozorlar, xususan, Hindiston va Janubi-Sharqiy Osiyoda xaridorlar uchun narxni maqbul qilish maqsadida Samsung Display o‘rniga arzonroq CSOT panellarini qo‘llaydi.

O‘tgan yili Samsung dunyodagi eng yirik smartfon ishlab chiqaruvchi unvonini Apple’ga boy berdi. Vyetnam bozorida kompaniyaning ulushi 31% dan 28% ga tushdi, Xiaomi va Oppo esa ulushini oshirdi.

CSOT ekranlari Galaxy A57 narxini avvalgi darajada saqlashga yordam beradi va Xitoy brendlarining bozorga kirib kelishini sekinlashtiradi. Vertikal integratsiya tufayli Samsung xotira, kamera va platalarni...

Toshkent davlat tibbiyot universiteti yaqinida o‘rnatilgan hind tilidagi reklama peshlavhasi ruxsat hujjatlarisiz ekani aniqlandi. Bu haqda Toshkent shahar hokimligi matbuot xizmati xabar berdi.

Hokimlik ishchi guruhi tomonidan o‘tkazilgan tekshiruvda peshlavha «Davlat tili to‘g‘risida» va «Reklama to‘g‘risida»gi qonunlar talablariga zid tarzda joylashtirilgani aniqlangan. Xususan, davlat tilidagi matn ustuvorligi saqlanmagan va reklama materiallari qonuniy tartibda ruxsat berilmagan.

Aniqlangan qoidabuzarliklar asosida peshlavha belgilangan tartibda demontaj qilindi. Hokimlik tadbirkorlik subyektlarini reklama vositalarini joylashtirishda qonunchilikka qat’iy rioya qilishga chaqiradi. Qonunbuzarliklar aniqlangan taqdirda, materiallar olib tashlanadi va mas’ullarga nisbatan tegishli choralar ko‘riladi.

Avvalroq Kursiv Uzbekistan Toshkent shahrining dizayn-kodi jamoatchilik muhokamasiga chiqarilgani haqida yozgandi.

Shavkat Mirziyoyev raqamli texnologiyalar sohasida erishilgan yutuqlar hamda 2026-yilga belgilangan ustuvor vazifalar bilan tanishdi. Bu haqda prezident matbuot xizmati ma’lum qildi.

Xorijiy ekspertlarning tahlillariga ko‘ra, 2024/2025-yillarda O‘zbekistondagi startap va venchur ekotizimining umumiy qiymati $3,9 mlrdga yetdi, mahalliy startaplar soni 750 tadan oshdi. Hozirgi kunda 15 ta venchur fond faoliyat yuritmoqda va venchur kapitali $180 mlndan oshdi.

O‘zbekiston dunyodagi ikkinchi eng tez rivojlanayotgan va Markaziy Osiyodagi eng dinamik startap ekotizimi sifatida e’tirof etilmoqda. Taqdimotda 2030-yilga qadar startaplar sonini 5 minggacha, eksport bozorlariga chiqqan startaplar sonini 200 taga yetkazish, venchur investitsiyalar hajmini $2 mlrdga oshirish maqsad qilinayotgani ta’kidlandi.

Elektron davlat...

Shavkat Mirziyoyev sog‘liqni saqlash tizimini yanada takomillashtirish hamda aholiga ko‘rsatilayotgan tibbiy xizmatlar sifatini oshirishga qaratilgan takliflar taqdimoti bilan tanishdi. Unda yurak-qon tomir va miya qon aylanishining o‘tkir buzilishlari bilan bog‘liq kasalliklarning oldini olish va davolash masalalari muhokama qilindi.

Ma’lum qilinishicha, «Infarkt va insultga qarshi kurashish» milliy dasturi 2026-yil 1-maydan Samarqand viloyati va Toshkent shahrida, 1-oktabrdan Andijon, Namangan va Farg‘ona viloyatlarida, 2027-yildan esa respublikaning boshqa hududlarida joriy etiladi. Dastur Stent for Life va Action Plan for Stroke xalqaro tashabbuslari asosida ishlab chiqilgan.

Milliy dastur doirasida 30 yoshdan oshgan aholi o‘rtasida so‘rovnoma va skrininglar o‘tkazilib, xavf guruhiga mansub fuqarolar maqsadli tibbiy...

Yaponiyada so‘nggi yillarda ayiqlar bilan odamlar o‘rtasidagi to‘qnashuvlar keskin oshdi. Mamlakat to‘qnashuvlarni kamaytirish uchun dronlar tizimi joriy etadi.

Rasmiy ma’lumotlarga ko‘ra, 2021-yildan beri bu kabi hodisalar 163 foizga ko‘paygan. Butun mamlakat bo‘yicha jami 20 792 holat qayd etilgan. Shulardan 100 tasida odamlar jarohat olgan. Afsuski, 10 dan ortiq holatlarda esa halokatli oqibatlar yuz bergan.

Shu sababli Terra Drone kompaniyasi Miyagi prefekturasidagi Isinomaki shahrida ayiqlarni qo‘rqitish uchun dronlar tizimini ishga tushirdi. Dron kapsaitsinga asoslangan sprey baloni bilan jihozlangan bo‘lib, ayiqlarning nozik hid sezuvchanligi sababli ularni qo‘rqitadi. Dron ayiqlardan 5 – 10 metr masofada ishlaydi, operator esa xavfsiz yuzasidan...

Vivo kompaniyasi X200 seriyasida yangi smartfon modeli X200T’ni taqdim etishga tayyorlanmoqda. Bu haqda GSM Arena ma’lum qildi.

Kompaniya ma’lum qilishicha, X200T modeli keyingi hafta sotuvga chiqariladi. Qurilma sayohat qilish va real sharoitlarda suratga olish uchun mo‘ljallangan bo‘lib, uning asosiy ishlash platformasi Dimensity 9400+ chipiga tayangan. Shu sababli smartfon yuqori unumdorlikni ta’minlaydi.

Qurilmaning kamera tizimi uchta 50 MP sensordan iborat. Asosiy kamera Sony IMX921 sensori (1/1,56 dyuym), super keng burchakli kamera ISOCELL JN1 sensori (1/2,76 dyuym) va telefoto kamera Sony IMX882 sensori (1/1,95 dyuym) bilan jihozlangan bo‘lib, 100 baravar yaqinlashtirish imkonini beradi. Zeiss kompaniyasi kameralarni sozlash jarayonida ham ishtirok...

2026-yilgi Shayx Zoid nomidagi «Insoniy birodarlik» xalqaro mukofoti sovrindorlari e’lon qilindi. Prezident administratsiyasi rahbari Saida Mirziyoyeva ushbu mukofot hakamlar hay’ati a’zosi sifatida ishtirok etgani va g‘oliblarni tabriklash o‘zi uchun katta sharaf ekanini bildirdi.

Mirziyoyeva Ozarbayjon va Armaniston o‘rtasida erishilgan tinchlik kelishuvini alohida e’tirof etib, bu voqea uzoq yillar davom etgan va murakkab nizolarni ham muloqot hamda kelishuv orqali hal qilish mumkinligini yaqqol namoyon etganini ta’kidladi.

Shuningdek, u qizlarning ta’lim olish huquqini himoya qilish yo‘lida uzoq yillardan buyon faoliyat yuritib kelayotgan Zarqa Yaftalining xizmatlarini alohida qayd etdi. Uning izchil va qat’iyatli sa’y-harakatlari insonlar taqdiri va butun jamiyatlar kelajagini o‘zgartirishga qodir...

2025-yil yakunlariga ko‘ra, O‘zbekiston sun’iy intellekt (SI) joriy etish darajasi bo‘yicha 141-o‘rinni egalladi. Bu haqda Microsoftning Sun’iy intellekt iqtisodiyoti instituti hisobotida ma’lum qilindi. Taqqoslash uchun, Shri-Lanka 140-o‘rinda, Suriya esa 128-o‘rinda joylashgan.

Tadqiqotda operatsion tizimlar va qurilma turlaridagi farqlar hisobga olingan holda, ushbu texnologiyadan foydalanuvchilar ulushi ko‘rsatkichi asos qilib olingan. O‘tgan yil iyul oyi boshida O‘zbekistonda SI tarqalish darajasi 5,7 foiz deb baholangan bo‘lsa, yilning ikkinchi yarmida bu ko‘rsatkich 6,3 foizga yetgan.

Reytingda birinchi o‘rinni BAA egallagan, undan keyingi o‘rinlarni Singapur va Norvegiya band etgan. Bu davlatlarda SI joriy etish darajasi 45,3 foizdan 64 foizgacha yetgan. Eng past natijalar...

2026-yil yanvar oyida Toshkent shahrida bir qator yirik xalqaro sport tadbirlarini o‘tkazish rejalashtirilmoqda. Bu haqda Shavkat Mirziyoyevga sport sohasiga oid taqdimot davomida ma’lumot berildi.

Xususan, Osiyo olimpiya kengashining 46-Bosh assambleyasi, Butunjahon suzish federatsiyasi Ijroiya byurosi yig‘ilishi hamda Markaziy Osiyo mintaqaviy antidoping agentligi anjumani Toshkentda bo‘lib o‘tishi ko‘zda tutilgan. Ushbu tadbirlarda Xalqaro olimpiya qo‘mitasi, WADA va xalqaro sport federatsiyalari rahbarlari qatnashadi.

Umumiy hisobda 360 nafardan ortiq xorijiy mehmonlar tashrif buyurishi kutilmoqda. Davlat rahbari ushbu nufuzli tadbirlarni yuqori saviyada tashkil etish bo‘yicha mas’ullarga aniq topshiriqlar berdi.

Avvalroq «Kursiv» nashri O‘zbekistonda ommaviy sport bilan shug‘ullanuvchilar soni 17 millionga yetkazilgani haqida yozgandi.