Yangiliklar

Osiyo Taraqqiyot Banki (OTB) 30-sentabr kuni e’lon qilgan hisobotida Osiyo va Tinch okeani mamlakatlarida iqtisodiy o‘sish prognozlarini pasaytirdi. Bunga AQSh tariflari va global savdodagi noaniqliklar sabab sifatida ko‘rsatildi.

«Osiyo taraqqiyot istiqbollari» hisobotiga ko‘ra, mintaqadagi rivojlanayotgan davlatlar iqtisodiyoti 2025-yilda 4,8 foiz, 2026-yilda esa 4,5 foizga o‘sishi kutilmoqda. Avvalgi prognoz mos ravishda 4,9 va 4,7 foiz edi.

O‘zbekiston bo‘yicha prognozlar esa o‘zgarmadi — 2025-yilda 6,6 foiz, 2026-yilda 6,7 foiz. Bu joriy yil birinchi yarmidagi kutilganidan yuqori natijalar va ikkinchi yarmida faollikning pasayishi bilan izohlanadi.

OTB mutaxassislariga ko‘ra, mintaqadagi asosiy xavflar qatoriga AQSh savdo siyosatidagi noaniqlik, Xitoy bilan muzokaralarning cho‘zilishi, geosiyosiy keskinliklar va...

General Motors kompaniyasi tomonidan Yaqin Sharq bozorida yangi 2026 Chevrolet Captiva elektromobili rasman taqdim etildi. Bu haqda GMAutority xabar bermoqda. Avgust oyida ilk bor namoyish etilgan model endi mintaqada savdoga chiqishga tayyorlanmoqda.

Modelning texnik xususiyatlari

Chevrolet Middle East vakillarining ta’kidlashicha, Captiva EV zamonaviy, ekologik toza va oilaviy ehtiyojlarga moslashtirilgan model sifatida ishlab chiqilgan. Krossover besh kishiga qulay joy taqdim etadi. Uning ichki qismi yangidan ishlangan, tashqi ko‘rinishi esa ikki rangli kuzov va qora tom bilan ajralib turadi. Avtomobil bir martalik quvvat bilan 415 kilometr (NEDC) masofani bosib o‘tadi. Plug-and-charge texnologiyasi esa yonilg‘i va dvigatel xizmatini talab qilmasdan...

Olti tonnadan ortiq yodlanmagan osh tuzi qayta yodlashga yuborildi. Bu haqda Sanitariya-epidemiologik osoyishtalik va jamoat salomatligi qo‘mitasi xabar berdi.

Qo‘mitaning ma’lum qilishicha, joriy yilning sakkiz oyida osh tuzi ishlab chiqaruvchi, sotuvchi va foydalanuvchi korxonalarda tekshiruvlar o‘tkazildi. Natijada 4411 ta osh tuzi namunasi tekshirilib, 1306 tasi talabga javob bermagani aniqlandi.

Talabga javob bermagan tuz namunalarining 19 tasi ishlab chiqarish korxonalariga, 182 tasi savdo va umumiy ovqatlanish korxonalariga, 1105 tasi esa maktabgacha ta’lim muassasalari va maktablarga to‘g‘ri keladi.

Natijada olti tonnadan ortiq (6042,5 kg) yodlanmagan osh tuzi savdodan olib, ishlab chiqaruvchi korxonalarga qayta yodlash uchun jo‘natildi. Shuningdek, bitta korxona faoliyati...

2025-yilning yanvar – avgust oylarida O‘zbekiston aholisi orasida internetdan foydalanuvchil1ar ulushi 94,2 foizga yetdi. Bu haqda Milliy statistika qo‘mitasi ma’lumotlari e’lon qilindi.

So‘nggi yillarda internet qamrovi barqaror o‘sishda davom etmoqda. 2021-yilda bu ko‘rsatkich 76,6 foizni tashkil etgan bo‘lsa, 2022-yilda 83,9 foizga, 2023-yilda 89 foizga, 2024-yilda esa 93,3 foizga yetgan edi.

Joriy yilning sakkiz oyida O‘zbekiston aholisi orasida internetdan foydalanish eng yuqori darajaga chiqdi.

Avvalroq «Kursiv» O‘zbekistondagi aloqa operatorlari endi xalqaro internetga bevosita ulanishi mumkinligi haqida yozgandi.

Bugun UEFA Chempionlar ligasi umumiy guruh bosqichi 2-turidan o‘rin olgan bahsda Madridning «Real» klubi safarda Qozog‘istonning «Qayrat» jamoasi mehmoni bo‘ladi.

29-sentabr kuni ispan grandi ushbu bahsda ishtirok etish uchun 7 ming km yo‘l bosib, Olmaotaga yetib keldi. Jamoa a’zolarini kutib olish jarayonida bir muxlis Kilian Mbappega salom berdi, fransiyalik futbolchi esa muxlisning salomiga tabassum bilan alik oldi.

Ma’lumot uchun, «Qayrat» va «Real» o‘rtasidagi bahs bugun, 30-sentabr kuni Toshkent vaqti bilan soat 21:45 da Olmaotadagi «Markaziy» stadionida start oladi.

Eslatib o‘tamiz, avvalroq «Real» Qozog‘istonda qanday kutib olingani haqida xabar berilgandi.

Vivo kompaniyasi tez orada o‘zining yangi Vivo V60e modelini taqdim etishga tayyorlanmoqda. Bu haqda Gizmochina xabar bermoqda.

Hindistonning Flipkart platformasida ochilgan maxsus sahifa smartfonning asosiy xususiyatlarini ochiqlab berdi. Yangi model Vivo brendida birinchi marta 200 megapikselli asosiy kamera bilan jihozlanadi. Orqa panelda unga 8 MP ultra-keng modul hamrohlik qiladi. Old kamerasi esa 50 megapikselli bo‘lib, autofokus funksiyasi bilan selfi va videoqo‘ng‘iroqlar uchun yuqori sifatni ta’minlaydi. Qurilma to‘rt tomonlama egri displey bilan chiqadi.

Vivo V60e 6500 mA/soat quvvatga ega katta batareyaga ega bo‘lib, 90 vattli tezkor simli quvvatlashni qo‘llab-quvvatlaydi. Smartfon MediaTek Dimensity 7360 Turbo protsessorida ishlaydi. Yana bir muhim...

Nubia kompaniyasi tomonidan Red Magic 11 Pro seriyasining taqdimot sanasi e’lon qilindi. Bu haqda Gizmochina xabar bermoqda.

Yangi qurilmalar 17-oktabr kuni namoyish etiladi va Snapdragon 8 Elite Gen 5 chipi asosida ishlab chiqiladi. Seriya ikkita modelni o‘z ichiga oladi. Red Magic 11 Pro va Red Magic 11 Pro+ modellari turlicha xususiyatlarga ega. Har ikkisi bir xil konfiguratsiyaga ega bo‘ladi, biroq Pro+ versiyasi 24 GB tezkor xotira va 1 TB doimiy xotira bilan ajralib turadi. Oddiy Pro versiyasi esa kamroq RAM hajmi bilan taklif qilinadi.

Tarqatilgan ma’lumotlarga ko‘ra, yangi smartfonlar yassi ekran va keyingi avlod ostki displey kamerasi bilan...

2025-yil 30-sentabr kuni Afg‘onistonda internet tarmog‘i to‘liq o‘chirildi, natijada mamlakat bo‘ylab telefon liniyalari ham ishdan chiqdi. Mazkur qaror Tolibon tomonidan amalga oshirilgan, deyilmoqda xabarlarda.

Tolibon vakillarining ma’lum qilishicha, internetni cheklash bo‘yicha topshiriq harakat rahbari Haybatulloh Oxundzoda tomonidan berilgan va ayrim hududlarda ijtimoiy buzuqliklarning oldini olish maqsadini ko‘zlagan. Ammo NetBlocks tashkiloti uzilish butun mamlakat miqyosida kuzatilayotganini bildirdi.

Tahlilchilarning fikricha, internet va aloqa vositalarining uzilishi fuqarolar hayotini keskin qiyinlashtiradi, biznes va ta’lim jarayonlariga katta zarar yetkazadi. Bu esa Afg‘onistonning tashqi dunyodan yanada ajralib qolishiga sabab bo‘ladi.

Xalqaro valyuta jamg‘armasining sobiq maslahatchisi Omer Farhodiy ushbu qarorni keskin tanqid qilib, bunday chora afg‘on...

30-sentabr kuni 5 grammli oltin quyma narxi tarixiy rekordini yana bir bor yangilab, 7,69 mln so‘mdan oshdi. Bu haqda Markaziy bank axborot xizmati xabar berdi.

Ma’lum qilinishicha, narxlar barcha toifadagi quymalar bo‘yicha o‘sdi. Xususan, 10 grammli quyma 15,230 mln so‘mdan 15,383 mln so‘mga, 20 grammli quyma 30,460 mln so‘mdan 30,766 mln so‘mga ko‘tarildi.

Shuningdek, 50 grammli quyma 76,915 mln so‘m, 100 grammli esa 153,830 mln so‘mni tashkil etdi.

Avvalroq Kursiv Uzbekistan 24-sentabr kuni 5 grammlik oltin quyma narxi ilk bor 7,67 mln so‘mdan oshgani haqida yozgandi.

Ma’lumot uchun, 2025-yilning 8 oyida O‘zbekistonda 17 387 ta jami hajmi 380 kilogrammlik oltin...

«RIA Novosti» ochiq manbalar asosida o‘tkazgan tahlilga ko‘ra, yirik iqtisodiy markazlar orasida uy ijarasi eng qimmat shahar London bo‘ldi.

Britaniya poytaxtida bir xonali kvartira o‘rtacha oyiga $2,7 mingni tashkil etadi. Agar uy markazda joylashgan bo‘lsa, narx $3,1 minggacha yetadi. Singapur Londondan atigi bir necha dollar arzonroq bo‘lib, reytingda ikkinchi o‘rinni egalladi.

AQSh poytaxti Vashingtonda esa bir xonali uy ijarasi o‘rtacha $2,3 mingni tashkil etadi. Amsterdamda narx bundan $50 arzon, Dublinda esa $2,2 ming atrofida. Keyingi o‘rinlarda Reykyavik ($2,16 ming), Lyuksemburg va Gonkong ($2 ming), shuningdek, Bern ($1,8 ming) va Kopengagen ($1,75 ming) qayd etilgan.

Eng arzon uy-joy ijarasi...

Prezident farmoni bilan 2026-yil 1-yanvardan Kosmik tadqiqotlar va texnologiyalar agentligi yiliga kamida uch marta davlat kosmik monitoringini o‘tkazadi. Bu haqda Adliya vazirligi xabar berdi.

Xabarga ko‘ra, mazkur jarayon geologiya, yer munosabatlari va ekologiya sohalaridagi noqonuniy holatlarni aniqlashga qaratiladi.

Xususan, yer qa’ridan ruxsatsiz foydalanish, yer maydonlarini o‘zboshimchalik bilan egallash yoki ularda noqonuniy qurilishlar qilish, chiqindilarni belgilangan hududdan tashqarida saqlash hamda yangi noqonuniy chiqindi zonalarini aniqlash nazoratga olinadi.

2026-yil 1-martdan vakolatli organlar aniqlangan huquqbuzarliklar bo‘yicha ma’lumotlarni SGM platformasiga raqamli shaklda kiritib boradi. Ma’lumotlar ogohlantirish berilgani, huquqbuzarlik bartaraf etilgani yoki ish prokuratura va sud organlarida ko‘rib chiqilayotgani haqidagi belgilarni ham o‘z...

Moskvada yangi futbol loyihasi — UMMA League yo‘lga qo‘yildi. Bu haqda liga rahbari Rinat Kayumov ma’lum qildi.

Kayumovning so‘zlariga ko‘ra, liga musulmonlarning turli jamoalari va turnirlarini yagona format ostida birlashtirish maqsadida tashkil etilgan. Hozirda musobaqa rasmiy ro‘yxatdan o‘tkazilmoqda va unda 14 ta jamoa qatnashmoqda. Shuningdek, liga tarkibida boshqa din vakillari ham ishtirok etmoqda.

Qoidalar:

Kayumovning ta’kidlashicha, ligada faqat havaskor futbolchilar ishtirok etadi. Professional futbolchilarga faqat mehmon sifatida...

Ijtimoiy tarmoqlarda piyodalar uchun tovushli-yorug‘lik signal qurilmasining shovqini haqida xabarlar tarqaldi. Toshkent shahar hokimligi matbuot xizmati ushbu holat bo‘yicha izoh berdi.

Unga ko‘ra, hozirda Shota Rustaveli ko‘chasidagi yangi piyodalar svetofori texnik rejimda ishlamoqda. Tizimlar to‘liq ishga tushirilmagan, sozlash va optimallashtirish jarayoni davom etmoqda.

Qurilmada tovush balandligi taxminan 90 dB darajadan 40 – 50 dB gacha pasaytirilmoqda. Bu ko‘rsatkich shahar muhiti uchun qulay hisoblanadi. Shuningdek, qurilmaning ishchi fazalari piyodalar oqimi jadalligiga moslashtirilmoqda: odamlar kamaysa, u avtomatik tarzda o‘chadi va ertalab yana yoqiladi.

Avvalroq «Kursiv» O‘zbekistonda shovqin solmaslik vaqti bir soatga uzaytirilishi rejalashtirilayotgani haqida yozgandi.

O‘zbekistonlik traktor va yuklovchi mashina haydovchilari Bolgariyaga ishga taklif qilinmoqda. Bu haqda Migratsiya agentligi xabar berdi.

Ma’lum qilinishicha, ish mavsumiy bo‘lib, shartnoma olti oyga tuziladi, oyiga 250 soat ishlanadi va qo‘shimcha soatlar uchun alohida haq to‘lanadi. Maosh 1000 yevro ($1,2 ming) bo‘lib, yotoqxona ish beruvchi tomonidan bepul ta’minlanadi.

Ish o‘rinlari traktor haydovchisi (10 ta) va yuklovchi mashina haydovchilari (ikkita) uchun mo‘ljallangan. Nomzodlar 40 yoshgacha bo‘lishi, xorijga chiqish pasporti, sudlanmaganlik ma’lumotnomasi hamda tegishli haydovchilik guvohnomasiga ega bo‘lishi kerak. Mehnat shartnomasi ish beruvchi bilan bevosita tuziladi, aviachipta xarajati esa ish haqidan ushlab qolinadi.

Ro‘yxatdan o‘tish Migratsiya agentligining xorijda ish platformasi

Xitoyda Geely konserniga qarashli Zeekr brendi tomonidan Zeekr 9X gibrid avtomobili taqdim etildi. Bu haqda CarNewsChina xabar bermoqda.

Yangi Zeekr 9X — to‘liq o‘lchamli plug-in gibrid krossover bo‘lib, u 1381 ot kuchi quvvat, ikki kamerali pnevmatik osma va 1250 km CLTC yurish masofasini taklif qiladi.

Modelning boshlang‘ich narxi $64 ming etib belgilangan. Oldindan buyurtmalar ochilgach, atigi bir soat ichida avtomobil 42 mingdan ortiq buyurtmalar to‘plagan.

Zeekr 9X 5239×2029×1819 mm va 3169 mm g‘ildiraklar bazasiga ega. Dizaynda C shaklidagi LED faralar, keng radiator panjarasi va 22 dyuymli disklar ishlatilgan.

Avtomobil beshta LiDAR sensori bilan jihozlangan. Nvidia Thor-U chipi asosidagi G-Pilot...

Rossiya sanoat va savdo vaziri Anton Alixanov «Innoprom. Belarus» ko‘rgazmasida bergan intervyusida 2026-yilda mahalliy «Atom» elektromobilining 5-6 ming dona nusxasi ishlab chiqarilishi rejalashtirilayotganini ma’lum qildi. Bu haqda «TASS» xabar bermoqda.

Vazirning so‘zlariga ko‘ra, avtomobilning keng miqyosda ishlab chiqarilishi aynan kelgusi yilda boshlanadi.

Alixanov birinchi yilda «Atom» eksportga chiqarilmasligini ta’kidlagan. Uning fikricha, bu loyiha kelajakda katta istiqbolga ega bo‘lib, vaqt o‘tishi bilan nafaqat Rossiya, balki boshqa mamlakat avtohavaskorlarining ham e’tiborini qozonishi mumkin. Biroq bunda eng muhim omil — mamlakatda qulay va keng qamrovli quvvatlash infratuzilmasi yaratilishi hisoblanadi.

Vazirning aytishicha, «Atom»ning birinchi avlodi ancha muvaffaqiyatli chiqqan, ammo ayrim tugmalar va boshqaruv...

Google o‘zining gradientli yangi logotipini barcha platformalarda bosqichma-bosqich joriy eta boshladi. Bu haqda The Verge nashri ma’lum qildi.

Ma’lum qilinishicha, yangilangan belgida «G» harfi avvalgi to‘rt rang — qizil, sariq, yashil va ko‘k, ammo yanada yorqinroq gradient shaklida tasvirlangan. Bu kompaniyaning so‘nggi o‘n yildagi ilk yirik vizual o‘zgarishi hisoblanadi.

Avvalgi logotip 2015-yilda taqdim etilgan edi. O‘shanda «G» rangli, ammo sodda dizaynda bo‘lib, kompaniya mahsulotlari o‘rtasida yagona uslub yaratgan. Endilikda Google o‘zini sun’iy intellekt davridagi yangi bosqichda ekanini ko‘rsatish uchun yanada zamonaviy va dinamik ko‘rinishga urg‘u bermoqda.

Shu bilan birga, kompaniya boshqa xizmatlarning ham vizual elementlarini yangiladi. Masalan, Google Home...

O‘zbekistonda 1-oktabr kuni O‘qituvchi va murabbiylar kuni nishonlanadi hamda bu dam olish kuni hisoblanadi. Shu munosabat bilan 30-sentabr kuni barcha xodimlar ishdan bir soat vaqtli ketish huquqiga ega.

O‘zbekiston Mehnat kodeksining 187-moddasiga binoan, bayram kunlari arafasida barcha xodimlarning ish kuni kamida 1 soatga qisqartiriladi.

Shu bilan birga, uzluksiz ishlaydigan tashkilotlarda yoki ish jarayonini qisqartirish imkoni bo‘lmagan hollarda, qo‘shimcha ishlaganlik xodimga qo‘shimcha dam olish vaqti berish yoki uning roziligi bilan belgilangan normalar asosida qo‘shimcha haq to‘lash orqali kompensatsiya qilinishi belgilangan.

Avvalroq «Kursiv» O‘zbekistonda shovqin solmaslik vaqti bir soatga uzaytirilishi rejalashtirilayotgani haqida yozgandi.

Tijorat banklari 30-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.    

Chimyon tog‘ida adashib qolgan yetti kishi qutqarildi. Bu haqda Favqulodda vaziyatlar vazirligi (FVV) xabar berdi.

Unga ko‘ra, Toshkent viloyatining Bo‘stonliq tumanidagi Chimyon tog‘ida sayrga chiqqan yetti nafar fuqaro yo‘ldan adashib, tog‘dan tusha olmay qolgan.

Bu haqda FVVga xabar kelishi bilan qutqaruvchilar voqea joyiga yetib borib, ularni xavfsiz hududga olib tushdi. Ma’lum qilinishicha, hech kim tan jarohati olmagan.

Avvalroq Bo‘stonliqda o‘lik holda topilgan ayiq bo‘yicha ekspertiza tekshiruvi o‘tkazilishi haqida xabar berilgandi.

Unga ko‘ra, Burchmullo davlat o‘rmon xo‘jaligi hududidagi bitta Tyan Shan qo‘ng‘ir ayig‘i taxminan 70 – 80 metr balandlikdagi qoyadan yiqilib nobud bo‘lgani ma’lum bo‘lgan.

Isroil bosh vaziri Benyamin Netanyaxu Dohaga uyushtirilgan havo hujumi va qatarlik fuqaro halok bo‘lgani uchun Qatar hukumatidan rasman uzr so‘radi. Bu haqda Al Jazeera ma’lum qildi.

Unga ko‘ra, bosh vazir bu murojaatini Oq uyda AQSh prezidenti Donald Tramp bilan uchrashuvi chog‘ida Qatar bosh vaziriga qilgan qo‘ng‘iroq orqali yetkazdi.

Netanyaxu Isroilning 9-sentabr kuni Hamas rahbarlariga qarshi amalga oshirgan zarbasi oqibatida qatarlik xavfsizlik xodimi Badr al-Dosari halok bo‘lganidan chuqur afsusda ekanini bildirdi. Shuningdek, u Qatarning suvereniteti buzilganini tan olib, bunday hujum kelajakda takrorlanmasligini ta’kidladi.

Bu Isroilning Qatarga qarshi ilk harbiy zarbasi bo‘lib, u xalqaro miqyosda keskin qoralandi. BMT Bosh kotibi Antoniu...

2026 – 2027-yillarda «Tadbirkorlikni rivojlantirish kompaniyasi» AJ tomonidan 4 trln so‘mlik moliyaviy qo‘llab-quvvatlash orqali 5 mingta loyihani amalga oshirish rejalashtirilgan. Bu haqda Adliya vazirligi ma’lum qildi.

2025-yil 1-noyabrdan boshlab tadbirkorlarni moliyaviy rag‘batlantirish uchun qo‘shimcha vositalar joriy qilinadi. Jumladan, «chempion» tadbirkorlar toifasiga kiruvchi loyihalarga 10 mlrd so‘mgacha kreditlar ajratiladi, kichik biznes mikroloyihalari uchun esa foiz stavkalari pasaytirilgan holda qayta moliyalashtirish imkoniyati yaratiladi.

Shuningdek, 2025-yil 1-dekabrdan tadbirkorlarga qo‘shimcha kafolat va kafilliklar berilishi belgilandi. Yirik loyihalar uchun 10 mlrd so‘mgacha, ayrim hollarda undan ortiq miqdorda kafolatlar taqdim etiladi. Yaxshi kredit tarixiga ega tadbirkorlarga esa mavjud limit 1,5 baravargacha oshiriladi.

2026-yildan uzoq hududlardagi...

Alphabet’ga qarashli YouTube AQSh prezidenti Donald Tramp ochgan sud ishini $24,5 mln to‘lab hal qildi. Bu haqda Reuters agentligi xabar berdi.

Ish 2021-yil yanvaridagi Kapitoliy voqealaridan so‘ng Tramp akkaunti vaqtincha bloklangani bilan bog‘liq edi.

Kelishuvga ko‘ra, $22 mln Oq uyda qurilayotgan $200 mln.lik bal zal loyihasini qo‘llab-quvvatlash uchun Milliy Mall jamg‘armasiga ajratiladi. Qolgan qismi esa boshqa da’vochilar, jumladan, Amerika Konservativ Ittifoqi va yozuvchi Naomi Vulfga yo‘naltiriladi.

YouTube o‘zini aybli deb tan olmadi va siyosatiga o‘zgarish kiritmaydi. Trampning YouTube akkaunti 2021-yilda yangi video yuklash huquqidan mahrum etilgan edi. Bu taqiq 2023-yilda bekor qilindi.

Eslatib o‘tamiz, avvalroq Tramp xorijiy filmlarga...

Magistraturaga qo‘shimcha qabul, Mirziyoyevning qisqa ta’tili, Rossiyadagi migrantlarga bekor qilinadigan ijtimoiy nafaqalar — 29-sentabrda bir qator yangiliklar yuz berdi. Kursiv Uzbekistan nashri tomonidan 29-sentabrda yuz bergan voqealar bitta materialga jamlandi.

Magistratura uchun qo‘shimcha qabul tartibi qanday

2025/2026-o‘quv yili magistratura bosqichiga qabul natijalari tasdiqlandi. O‘qishga kira olmagan abituriyentlar uchun Vazirlar Mahkamasi qaroriga ko‘ra qo‘shimcha qabul imkoniyati yaratiladi, deya xabar bermoqda Oliy ta’lim, fan va innovatsiyalar vazirligi.

Unga ko‘ra, qo‘shimcha qabul oliygohlarning moddiy-texnik bazasi va professor-o‘qituvchilar salohiyatidan kelib chiqib, Oliy ta’lim, fan va innovatsiyalar vazirligi bilan kelishilgan holda

Toshkent aeroportida kuzgi spotting-tur uchun arizalar qabul qilinmoqda

2025-yil 17-oktabr kuni Toshkent xalqaro...