Yangiliklar

Eron janubidagi Minob shahrida boshlang‘ich maktabga uyushtirilgan zarba oqibatida halok bo‘lgan 165 nafar o‘quvchi qiz va maktab xodimlari uchun dafn marosimi o‘tkazildi. Bu haqda Al Jazeera nashri xabar berdi.

Eron rasmiylariga ko‘ra, hodisa shanba kuni AQSh va Isroil tomonidan amalga oshirilgan qo‘shma hujumlar doirasida sodir bo‘lgan. Zarba janubdagi Minob shahridagi qizlar maktabiga berilgani aytilmoqda.

Eron davlat televideniyesi minglab odamlar Minob markaziy maydoniga to‘planganini namoyish etdi. Motam ishtirokchilari mamlakat bayroqlarini ko‘targan, ayrimlar esa halok bo‘lgan o‘quvchilarning suratlarini ushlab turgan. Marosim davomida AQSh va Isroil siyosatiga qarshi shiorlar yangradi.

Eron tashqi ishlar vaziri Abbos Arakchi ushbu hujumda AQSh va Isroilni ayblab...

Barselonada bo‘lib o‘tgan Mobile World Congress 2026 (MWC 2026) ko‘rgazmasida Tecno o‘zining asosiy taqdimotini o‘tkazib, kameraga urg‘u berilgan o‘rta narx segmentidagi Camon 50 smartfonlar liniyasini namoyish etdi. Bu haqda kompaniya rasmiy sahifasida ma’lum qildi, deya yozmoqda Rozetked.

Kompaniya barcha yangiliklar «Amaliy sun’iy intellekt hamma uchun» konsepsiyasi asosida ishlab chiqilganini ta’kidladi.

Camon 50: mobil suratga olishda yangi imkoniyatlar

Yangi seriyada suratga olish jarayonida sun’iy intellekt funksiyalariga alohida e’tibor qaratilgan. AI RAW 2.0 dvijogi tasvirni qayta ishlaydi, AI Auto Zoom obyektni avtomatik kuzatib kompozitsiyani shakllantiradi, SuperZoom FlashSnap esa uzoq masofadan tez harakatlanayotgan obyektlarni tiniq tasvirga olish imkonini beradi.

Butun liniya...

BYD kompaniyasi bir oy avval taqdim etgan BYD Denza Z9 GT modeli haqida yangi tafsilotlar ma’lum bo‘ldi. Bu haqda Electrek nashri xabar bermoqda. Avtomobil gibrid va to‘liq elektr versiyalarda ishlab chiqariladi.

Elektr versiyasining yurish zaxirasi 1000 km dan oshishi kutilmoqda. Model ikki xil batareya bilan taklif qilinadi. Birinchi variant 102,3 kVt/soat sig‘imli batareya bilan jihozlanadi. Ikkinchi variant esa 122,5 kVt/soat batareyaga ega bo‘ladi. CLTC sikliga ko‘ra, avtomobilning yurish zaxirasi 820 km dan 1036 km gacha yetadi. Bazaviy versiyada esa bu ko‘rsatkich hatto 1068 km ga chiqishi mumkin.

Shu bilan birga, CLTC sikli real sharoitdagi yurish zaxirasini biroz yuqori ko‘rsatishi...

Qozog‘istonda Changan CS35 Max krossoveri 8,99 mln tenge ($19 – $20 ming) narxda sotuvga chiqarildi. Bu haqda Auto.ru nashri xabar berdi.

Taqqoslash uchun, Rossiyada shunga yaqin komplektatsiya 2,7 million rubl atrofida baholanmoqda. Narxlar o‘rtasidagi farq deyarli ikki baravarni tashkil etadi.

Mutaxassislar bunday tafovutni modelning Qozog‘istonda mahalliy yig‘ilishi bilan izohlashmoqda. Avtomobil Olmaotadagi AMMKZ zavodida ishlab chiqariladi. Mahalliylashtirish darajasi hamda soliq va bojxona imtiyozlari yakuniy narxning sezilarli pasayishiga ta’sir ko‘rsatgani aytilmoqda.

Texnik jihatdan Qozog‘iston bozori uchun mo‘ljallangan versiya Rossiyadagisidan farq qilmaydi. U 1,5 litrli turbomotor (147 ot kuchi, 280 Nm), 7 pog‘onali robotlashtirilgan uzatma va old g‘ildirakdan tortish tizimi bilan jihozlangan.

3-mart kuni davlat rahbari ayollar va bolalar huquqlarini himoya qilishni yanada kuchaytirish, ularga nisbatan zo‘ravonlik va tazyiqning oldini olishga qaratilgan yangi tashabbuslar taqdimoti bilan tanishdi. Bu haqda prezident matbuot xizmati xabar berdi.

So‘nggi yillarda erta nikoh, erta tug‘uruq hamda xotin-qizlar va voyaga yetmaganlarga nisbatan zo‘ravonlik holatlarining oldini olish masalalari davlat siyosatining ustuvor yo‘nalishlaridan biriga aylangan. Bu borada huquqni muhofaza qiluvchi organlar va mas’ul tuzilmalar faoliyatini muvofiqlashtirish maqsadida idoralararo kengash tashkil etilgan edi.

Taqdimotda ekspertlar va jamoatchilik takliflari, shuningdek, xalqaro tajriba asosida ishlab chiqilgan qator yangiliklar ko‘rib chiqildi. Unga ko‘ra, shahvoniy shilqimlik uchun belgilangan ma’muriy qamoq jazosini qat’iylashtirish, voyaga yetmaganlarga...

3-mart kuni Shavkat Mirziyoyev raisligida Xorazm viloyatida amalga oshirilayotgan islohotlar samaradorligi hamda kelgusidagi ustuvor vazifalarga bag‘ishlangan yig‘ilish bo‘lib o‘tdi. Bu haqda prezident matbuot xizmati xabar berdi.

So‘nggi yillarda hudud iqtisodiyotida sezilarli o‘sish kuzatilgani qayd etildi. Xususan, sanoat hajmi 2016-yildagi 2,8 trillion so‘mdan 34,3 trillion so‘mga yetgan, yalpi hududiy mahsulot 63 trillion so‘mni tashkil qilgan. O‘tgan yil davomida viloyatga $1 milliarddan ortiq investitsiya jalb etilgan.

Shu bilan birga, mavjud salohiyatdan to‘liq foydalanilmayotgani ta’kidlandi. Ayniqsa, boy tarixiy va madaniy merosga ega hududda sayyohlarning o‘rtacha qolish muddati 1-2 kun bilan cheklanib qolayotgani turizm infratuzilmasini kengaytirish zaruratini ko‘rsatmoqda. Xiva shahri hamda qator tumanlarda...

4-mart sanasi texnologiya olamidagi inqilobiy yangiliklar, shuningdek, jahon futboli tarixidagi quvonchli va qayg‘uli voqealar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1951-yili Shotlandiya futboli va Angliyaning «Liverpul» klubi tirik afsonasi Kenni Dalglish tavallud topdi. U o‘z faoliyati davomida ko‘plab sovrinlarni, jumladan, uch marta Yevropa chempionlari kubogini qo‘lga kiritgan. Muxlislar orasida «Qirol Kenni» nomini olgan hujumchi Yevropa futboli tarixida o‘chmas iz qoldirgan.

1969-yilda eronlik afsonaviy futbolchi Ali Dayi dunyoga keldi. U uzoq yillar davomida xalqaro maydonda o‘z terma jamoasi safida 109 ta gol urib, mutlaq rekordchi bo‘lgan va bu natija keyinchalik Krishtianu Ronaldu

Shayx Nuriddin Xoliqnazar hazratlari «Ro‘zador odam tishini tish pastasi bilan yuvsa bo‘ladimi?» degan savolga quyidagicha javob berdi:

«Bismillahir rohmanir rohim. Ro‘zador kishi tishlarini tozalashda tish pastalaridan foydalanish mumkin. Albatta, bunda so‘lagiga qo‘shilib tish pastasi yoki uning qoldiqlari yutilib ketishidan saqlanishi lozim bo‘ladi. Vallohu a’lam», – deydi Shayx Nuriddin Xoliqnazar hazratlari.

Eslatib o‘tamiz, avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. Unga ko‘ra, saharlikdan keyin 250 – 300 ml suv ichish tavsiya etiladi. Bu organizmga ro‘za davomida zarur bo‘lgan zaxira suyuqlikni beradi.

Hududlar kesimida saharlik va iftorlik vaqtlaridagi farqni @fatvouz_taqvim_bot telegram boti orqali aniqlash mumkin...

Eron klublaridagi o‘zbekistonlik futbolchilar va Markaziy bankdan yangi talab — 3-mart kuni e’lon qilingan yangiliklar Kursiv Uzbekistan dayjestida.

Tarix fanidan attestatsiyadagi bahsli savol bo‘yicha vazirlik qarorini o‘zgartirdi

Tarix fani o‘qituvchilari o‘rtasida katta muhokamaga sabab bo‘lgan attestatsiya savoli yuzasidan rasmiy qaror qabul qilindi. Endilikda testdagi bahsli savolda ikkita javob varianti ham to‘g‘ri deb e’tirof etiladi.

Gap 2025-yil may oyida o‘tkazilgan attestatsiya sinovidagi: «Yustinian I vafotidan so‘ng qaysi qabila butun Ispaniyani egallagan?» mazmunidagi savol haqida bormoqda. O‘qituvchilarning bir qismi «Vestgotlar» javobini belgilagan, biroq dastlab test kalitida boshqa variant asosiy javob sifatida ko‘rsatilgan edi.

O‘zbekiston va Indoneziya erkin...

4-mart kuni ba’zi joylarda yomg‘ir yoki qor yog‘ishi mumkin, kechasi va ertalab ayrim hududlarda tuman tushadi. Harorat kechasi 3° dan 15° gacha, kunduzi esa 2–15° atrofida iliq bo‘ladi.

Quyida ob-havo ma’lumoti hududlar kesimida:

Apple kompaniyasi uch yillik ketma-ketlikda uchinchi yangi iPad Air’ni taqdim etdi. Bu haqda GSMArena nashri ma’lum qildi.

2026-yilgi model Apple M4 chipi bilan jihozlangan, qo‘shimcha RAM olgan va birinchi marta Apple’ning N1 va C1X simsiz chiplariga ega bo‘lgan iPad sifatida e’lon qilindi. Ushbu model, asosan, 2022-yilda chiqarilgan M1 chipli Air egalari va standart iPad foydalanuvchilarini yangilashga yo‘naltirilgan.

Dizayn va ranglar

2026-yilgi iPad Air 11 va 13 dyuymli modellar bilan taqdim etiladi. Rang variantlari: Space Gray (kosmik kulrang), Blue (ko‘k), Purple (binafsha) va Starlight (yulduz yog‘dusi). Displey Liquid Retina LCD bo‘lib, 60Hz yangilanish tezligida ishlaydi.

Texnik xususiyatlar

4-mart, chorshanba kuni muborak Ramazon oyining o‘n to‘rtinchi kuni boʻlib, Toshkent shahrida saharlikning tugashi soat 5:35 ni tashkil qiladi. Iftorlik esa 18:21 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. 

Rossiyaning Moskvich brendi yangi M70 va M90 krossoverlari savdosi boshlanishi arafasida ularning narxlarini ma’lum qildi. Bu haqda Autonews nashri xabar berdi.

Boshlang‘ich narx taxminan $29 mingga teng. Ushbu qiymatda M70 modeli barcha o‘rindiqlar isitilishi, panoramali tom, ikki zonali iqlim nazorati va boshqa qulayliklarni taklif etadi. Avtomobil 1,5 litrli, 150 ot kuchiga ega dvigatel hamda 7 pog‘onali robotlashtirilgan uzatmalar qutisi bilan jihozlangan.

Yuqori komplektatsiyadagi M70 narxi taxminan $35 ming. Ushbu versiyada simsiz quvvatlash tizimi, 360 darajali kameralar, ko‘r burchaklarni monitoring qilish tizimi mavjud. U 2 litrli, 200 ot kuchiga ega dvigatel va 9 pog‘onali avtomat uzatmalar qutisiga ega.

Flagman model...

Shavkat Mirziyoyev farmoni bilan marhum inspektor Eshnazarov Xosilbek «Jasorat» medali bilan taqdirlandi. Bu haqda prezident matbuot xizmati ma’lum qildi.

Toshkent shahar IIBB YHXB yo‘l-patrul xizmati inspektori, marhum kichik serjant Eshnazarov Xosilbek o‘z burchini sidqidildan va yuksak sharaf bilan ado etib, yo‘l harakati xavfsizligini ta’minlash borasida fidokorona xizmat qilgani uchun «Jasorat» medali bilan mukofotlandi. Shuningdek, u yosh avlodni Vatanga muhabbat va sadoqat ruhida tarbiyalashda faol ishtirok etgan va mardlik hamda fidoyilik namunasini ko‘rsatgani e’tirof etildi.

YPX inspektori Xosilbek Eshnazarov 1993-yilda Qashqadaryo viloyatining G‘uzor tumanida tug‘ilgan. Hodisa 25-fevral kuni soat 21:46 da sodir bo‘ldi. Boshqaruvda 2010-yilda tug‘ilgan, ayni paytda xususiy maktabning 10-sinf...

Bugun, 3-mart kuni Shavkat Mirziyoyev raisligida mamlakat mudofaa salohiyatini mustahkamlashga bag‘ishlangan yig‘ilish bo‘lib o‘tdi. Bu haqda prezident matbuot xizmati xabar berdi.

Unda joriy yil 13-yanvar kuni o‘tkazilgan Xavfsizlik kengashining kengaytirilgan majlisida belgilangan ustuvor vazifalar ijrosi muhokama qilindi. Xalqaro maydonda keskinlik saqlanib qolayotgani, geosiyosiy raqobat kuchayib borayotgani hamda turli tahdidlar xavfi ortib borayotgani sharoitida harbiy xavfsizlikni ta’minlash dolzarb vazifa ekani ta’kidlandi.

Mudofaa vaziri qo‘shinlarning jangovar shayligini oshirish, qisqa muddatda safarbarlik imkoniyatlarini kuchaytirish, harbiy bo‘linmalarni zamonaviy qurol-aslaha va texnika bilan ta’minlash bo‘yicha amalga oshirilayotgan ishlar yuzasidan hisobot berdi.

Yig‘ilishda ilg‘or xorijiy tajribani o‘rganish, harbiy boshqaruv tizimiga zamonaviy yondashuvlarni joriy etish masalalariga...

Amerikaning Samson Sky kompaniyasi hamda Air Tashkent aviakompaniyasi O‘zbekistonga Switchblade uchuvchi avtomobillarini yetkazib berish bo‘yicha memorandum imzoladi. Umumiy qiymati $60 mln bo‘lgan 300 dona avtomobil yetkazib berilishi rejalashtirilgan.

Air Tashkent Switchblade’lardan xususiy va tijoriy parvozlar uchun uchuvchilarni tayyorlashda foydalanishni mo‘ljallamoqda. Samson Sky mexaniklarni o‘qitish va servis xizmatini yo‘lga qo‘yishda ko‘maklashadi. Shuningdek, kompaniya aviakompaniya va O‘zbekiston hukumati bilan hamkorlikda ushbu transport vositalarini mamlakat yo‘llari hamda havo hududida foydalanish uchun sertifikatlash masalasida ham ishlaydi.

Uch g‘ildirakli uchuvchi avtomobil – Samson Sky Switchblade ilk bor 2009-yilda taqdim etilgan. U ikki kishiga mo‘ljallangan bo‘lib, yerda soatiga 200 km tezlikka erisha oladi va...

Bugun, 3-mart kuni Shavkat Mirziyoyev tomonidan Zulfiya nomidagi Davlat mukofoti bilan taqdirlash to‘g‘risidagi qaror imzolandi. Bu haqda prezident matbuot xizmati xabar berdi.

Hujjatga ko‘ra, mamlakatimizda o‘z iqtidori, tashabbuskorligi va yutuqlari bilan tengdoshlariga o‘rnak bo‘lib kelayotgan, ta’lim, fan, madaniyat, san’at, sport, axborot texnologiyalari hamda jamoatchilik faoliyatida yuqori natijalarga erishgan iqtidorli qizlar mukofot bilan taqdirlanadi.

Milliy mukofot komissiyasi taklifiga asosan Qoraqalpog‘iston Respublikasi, barcha viloyatlar va Toshkent shahridan eng munosib nomzodlar saralab olindi. Mukofot sohibalariga 8-mart – Xalqaro xotin-qizlar kuni munosabati bilan tantanali marosimda diplom va ko‘krak nishonlari topshiriladi.

Shuningdek, har bir sovrindorga bazaviy hisoblash miqdorining 50 baravari miqdorida pul mukofoti berilishi...

Shri-Lanka hukumati Yaqin Sharqdagi vaziyat sabab reyslari bekor qilingan sayyohlar uchun vizalarni ikki haftaga bepul uzaytirdi. Bu haqda RBC ma’lum qildi.

Unga ko‘ra, reysi bekor qilingan turistlar endi orolda yana 14 kun davomida hech qanday jarima va sanksiyalarsiz qolishlari mumkin. Shuningdek, ushbu chora 30 kungacha vizasiz kirgan o‘zbekistonliklarga ham tatbiq etiladi.

Harbiy harakatlar sabab Shri-Lankaga va undan qaytish bo‘yicha yuzdan ortiq reyslar bekor qilingan. Sayyohlarga aviakompaniyalar va diplomatik vakolatxonalar bilan aloqada bo‘lib turish tavsiya etilgan.

Isroil va AQShning Eronga bergan zarbalari hamda Tehronning javob operatsiyasidan so‘ng dunyoning ko‘plab mamlakatlari, jumladan, O‘zbekiston sayyohlari ham Bali, Shri-Lanka va BAAda qolib...

Buxoro shahrida terrorizm va ekstremistik faoliyatga aloqador ota va o‘g‘ilga qarshi jinoyat ishi qo‘zg‘atildi. Bu haqda DXX matbuot xizmati ma’lum qildi.

Buxoro shahrida yashovchi 1999-yilda tug‘ilgan shaxs 2019-yilda Suriya davlatidagi «Tavhid va jihod katibasi» xalqaro terror tashkilotiga qo‘shilib, faoliyat yuritgan. U ijtimoiy tarmoqlar orqali turli bahonalar bilan pul yig‘ib, terroristik tashkilotning moliyaviy ta’minotiga ko‘maklashgan.

2021 – 2025-yillarda ushbu shaxs internet orqali o‘zbekistonlik fuqarolarni kriptovalyuta shaklida pul yuborishga chaqirgan va natijada katta miqdorda mablag‘ yig‘ilgan. Hozirda uning aldoviga uchib pul yuborgan 8 nafar shaxsga nisbatan terrorizmni moliyalashtirish aybi bilan jinoyat ishi qo‘zg‘atilgan va tergov harakatlari olib borilmoqda.

Shuningdek, u...

Boy shaxslar Yaqin Sharqdagi xavfli vaziyat sababli Saudiya Arabistoni orqali xususiy samolyotlar bilan mintaqani tark etmoqda. Bu haqda Daily Mail nashri ma’lum qildi.

Abu Dabi, Dubay, Qatar va Bahrayn hududlariga Eron raketalari va dronlari hujumi ortidan Yaqin Sharqdagi boy elitalar xavfsiz evakuatsiya yo‘llarini izlamoqda. Riyod esa Yaqin Sharqdan chiqish uchun muhim tranzit nuqtasiga aylangan, chunki King Khalid xalqaro aeroporti hali faoliyat ko‘rsatmoqda.

Xususiy xavfsizlik kompaniyalari Dubaydan Riyodga odamlarni yetkazish uchun SUV avtomobillarini safarbar qilmoqda va keyin ularni xususiy samolyotlar bilan Yevropaga yoki boshqa xavfsiz joylarga jo‘natmoqda. Evakuatsiya qilinayotganlar orasida global moliya kompaniyalarining rahbarlari va hududda ish safari yoki...

Yaqin Sharqdagi harbiy keskinliklar fonida Dubay xalqaro aeroporti faoliyatida yuzaga kelgan uzilishlar har daqiqada qariyb $1 million miqdorida iqtisodiy yo‘qotishlarga sabab bo‘lmoqda. Bu haqda NDTV World xabar berdi.

Unga ko‘ra, asosiy zarba nafaqat aeroportning o‘ziga, balki butun aviatsiya va xizmat ko‘rsatish tarmog‘iga tegmoqda. Xususan, Emirates aviakompaniyasi, tranzit yo‘lovchi tashuvlari, mehmonxonalar, savdo nuqtalari va transport infratuzilmasi katta moliyaviy yo‘qotishlarni boshdan kechirmoqda.

Ma’lum qilinishicha, Dubay aeroporti 100 dan ortiq mamlakatlardagi 260 dan ziyod shaharlarni bog‘lovchi yirik global aviahab hisoblanadi. 28-fevral kuni mintaqada havo hududi yopilishi ortidan barcha reyslar to‘xtatilgan. Aeroport faoliyati faqat 2-martdan boshlab cheklangan tartibda tiklana boshlagan.

Bloomberg xabariga ko‘ra...

Chevrolet Cobalt avtomobili O‘zbekistondagi eng ommabop avtomobil hisoblanib, yanvar oyida 5,4 ming dona sotilgan. Kursiv Uzbekistan nashrining navbatdagi maqolasida ushbu modelning xalqaro bozorlardagi o‘rni va ahamiyati haqida so‘z boradi.

Mundarija:

O‘zbekiston bozori

O‘zbekistonda Chevrolet Cobalt eng faol sotilayotgan birlamchi bozor hisoblanadi. GX-Optima AT Plus 146,5 mln so‘m darajasida taklif etiladi. GX-Midnight AT 155 mln so‘m etib belgilangan. 2025/2026 yangilanishi doirasidagi Midnight MCM esa 165 mln so‘mdan boshlanadi.

Model 1 485 sm³ atmosferali benzin dvigateli...

BYD yangi BYD Song Ultra EV elektromobilini 3-mart kuni ishlab chiqarishga tayyor ko‘rinishda ommaga ko‘rsatdi. Bu haqda CarNewsChina nashri ma’lum qildi.

Modelning sotuv jarayoni 5-mart kuni kompaniyaning Technology Day tadbiri doirasida boshlanadi.

Song Ultra EV ilk bor tom qismiga o‘rnatilgan LiDAR datchigi bilan taqdim etildi. Bu Song oilasi uchun birinchi holat. Sensor «God’s Eye» B, ya’ni DiPilot 300 tizimi bilan ishlaydi. Platforma 300 TOPS hisoblash quvvatiga ega. Tizim shahar va magistralda Navigation on Autopilot funksiyasini qo‘llab-quvvatlaydi. Kuzov bo‘ylab yuqori aniqlikdagi kameralar 360 daraja kuzatuvni ta’minlaydi.

Salon 15,6 dyuymli aylanuvchi markaziy ekran va 10,25 dyuymli raqamli panel bilan jihozlangan. G‘ildirak...

Ashxoboddagi O‘zbekiston elchixonasi Erondagi vakolatxona va Turkmaniston idoralari bilan hamkorlikda fuqarolarni chegarada kutib olish va xavfsiz vatanga qaytarish ishlarini olib bormoqda. Bu haqda «Dunyo» AA ma’lum qildi.

Turkmaniston davlat idoralarining ko‘magi bilan elchixona xodimlari 13 nafar fuqaroni «Saraxs» turkman – eron chegara posti orqali O‘zbekistonga xavfsiz kuzatib qo‘ydi.

Shuningdek, 2026-yil 2-martdan «Gaudan – Bajgiran», «Artik – Lyutfabad», «Akyayla – Incheburun» va «Oltin Asir – Incheburun» nazorat-o‘tkazish punktlari orqali fuqarolar hamda transport vositalarining o‘tishi qayta tiklandi.

Elchixona xodimlari, jumladan, avtotransport vositalari safarbar etilgan holda, fuqarolarni «Gaudan – Bajgiran» nazorat-o‘tkazish punktida kutib olmoqda.

O‘zbekistonning Turkmanistondagi elchixonasi xodimlariga quyidagi telefon raqamlari...