Yangiliklar

Bugun, 31-iyul kuni dollar kursi 100,85 so‘mga oshib, 12 692,42 so‘mni qayd etdi. Bu haqda Valyuta birjasi xabar bermoqda.

Dollar kursining iyul oyidagi qiymati

1-iyul kuni 12 676,11 so‘mni tashkil etgan AQSh dollari kursi 2-iyul kuni 84,4 so‘mga pasayib, 12 591,71 so‘mga tushdi. 3-iyulda esa yana 34,15 so‘mga kamayib, 12 557,56 so‘m bo‘ldi.

Keyingi kunlarda esa dollar narxi asta-sekin ko‘tarildi. 4-iyulda 49,17 so‘mga oshib, 12 606,73 so‘mni tashkil etdi. 7-iyulga kelib kurs 70 so‘mga ko‘tarilib, 12 676,73 so‘mga yetdi. 8-iyulda esa 35,36 so‘mlik o‘sish kuzatilib, dollar 12 712,09 so‘m bo‘ldi.

Biroq 9 – 11-iyul kunlari dollar kursi ketma-ket pasaydi. Jumladan, 9-iyulda 58,77 so‘mga, 10-iyulda 18,98 so‘mga...

Toshkentdan Samarqand va Andijonga olib boruvchi pullik avtomobil yo‘llari 2026-yildan amaliy bosqichga o‘tishi mumkin. Bu haqda Iqtisodiyot va moliya vazirligi tomonidan e’lon qilingan 2026 – 2028-yillarga mo‘ljallangan fiskal strategiyada keltirib o‘tildi.

Shu munosabat bilan xalqaro moliya institutlari ko‘magida mavjud avtomagistrallarni yangilash, ta’mirlash va zamonaviylashtirish ishlari ham amalga oshiriladi.

Shuningdek, yo‘l harakati xavfsizligini ta’minlash va yo‘llarning o‘tkazuvchanlik darajasini oshirish bo‘yicha kompleks dasturlar ishlab chiqiladi. Mazkur chora-tadbirlar global tajriba va zamonaviy texnologiyalar asosida shakllantirilmoqda.

Temiryo‘l transporti borasida ham muhim o‘zgarishlar kutilmoqda. Xususan, Toshkent – Samarqand yo‘nalishida tezyurar poyezdlar harakatini yanada samarali qilish uchun yangi liniya qurilishi rejalashtirilgan. Nukus – Miskin...

Yangi iPhone 17 seriyasi oldingisidan qimmatroq bo‘lishi mumkin. Tom’s Guide nashrining yozishicha, har bir model narxi taxminan $50 ga oshadi.

Agar bu ma’lumot tasdiqlansa, iPhone 17 modellari quyidagi narxlarda sotilishi mumkin:

Yangi iPhone 17 Air modeli, bu – yangilik. Bu nom birinchi marta tilga olinmoqda. U iPhone 16 Plus’dan biroz qimmatroq bo‘lishi mumkin. Biroq ayrim mish-mishlarga ko‘ra, uning narxi hatto Pro Max’dan ham yuqori bo‘lishi mumkin.

Apple yangi modellarning asosiy xotirasini o‘zgartirmasa, oddiy va Pro modellar 128 GB, Pro Max esa 256 GB xotira bilan sotuvga chiqadi.

Hozircha bu faqat tahlilchilarning taxmini bo‘lib, rasmiy ma’lumot avgust-sentabr oylarida e’lon...

Volkswagen Passat eHybrid model qatori yangilandi. Endi avvalgi Life va R-Line o‘rniga yangi Match va Black Edition komplektatsiyalari taklif etilmoqda. Bu haqda 32cars nashri xabar berdi.

Yangi versiyalar narx jihatidan o‘zgarishsiz qolgani bilan, uskunalar to‘plami kengaygan.

Match komplektatsiyasiga metal bo‘yoqli kuzov, IQ.Light matritsali chiroqlar, orqa oynalarning tuslangan varianti hamda 360 daraja ko‘rinish, favqulodda to‘xtash funksiyasi bilan jihozlangan haydovchiga yordam tizimlari paketi kiradi. Avval bu qo‘shimchalar alohida xarid qilinganda taxminan $5,2 ming turardi.

Black Edition esa R-Line bazasida ishlab chiqilgan. Unda 19 dyuymli Leeds disklar, panoramali tom va 90% qoraytirilgan orqa oynalar mavjud. Bundan tashqari, 15 dyuymli multimedia ekrani...

O‘zbekistonda xorijiy tillardan kirib kelgan bir qator so‘zlarga o‘zbekcha muqobillar tavsiya etilgan yangi ro‘yxat tasdiqlandi. Bunga doir Vazirlar Mahkamasi huzuridagi Atamalar komissiyasi bayoni qabul qilindi, deb xabar bermoqda O‘zbekiston Fanlar akademiyasi.

Ro‘yxatga ishbilarmonlik, ommaviy axborot vositalari va kundalik nutqda faol qo‘llaniladigan «avans», «aysberg», «lider», parol, «navigator» kabi xorijiy so‘zlar, shuningdek, rus tilidan kirib kelgan «otvyortka», dostavka, «pereplyot» kabi so‘zlar ham kiritilgan.

Yangi qoidaga ko‘ra, IT-park ham endi «AT parki» (Axborot texnologiyalari parki) deb yuritilishi lozim.

Mazkur hujjat zamonaviy o‘zbek tilining me’yorlari asosida ishlab chiqilgan bo‘lib, rasmiy leksikani tartibga solish, uni standartlashtirish va kundalik muloqotda ommalashtirishga xizmat qiladi.

Yangi atamalar...

Google korporatsiyasi sun’iy intellekt (SI) funksiyalarining yirik yangilanishini taqdim etdi. Foydalanuvchilar real vaqt rejimida interaktiv matolar yaratishlari va videolarni tahlil qilishlari mumkin bo‘ladi, dedi kompaniya vitse-prezidenti Robbi Shtayn.

Google AI rasmlar va PDF fayllar haqidagi murakkab savollarga javob bera oladi. Masalan, shartnomani tahlil qilish yoki o‘quv taqdimotiga qo‘shimcha materiallar taklif etish.

Kompaniya vakillarining ta’kidlashicha, yangilanish ayniqsa maktab o‘quvchilari va talabalar uchun foydali bo‘ladi.

Interaktiv kanvas rejimi tadqiqot rejasini tayyorlashga, ma’lumotlarni tizimlashtirishga, alohida masalalarni chuqurroq ochib berishga va ortiqcha narsalarni olib tashlashga yordam beradi.

Bundan tashqari, Google AI o‘rnatilgan internet sahifalarini tahlil qilish funksiyasini oladi. Foydalanuvchi ushbu sahifadan brauzerda ochilgan...

Saudiya Arabistonining Taif shahridagi Green Mountain Park dam olish maskanida attraksion qulab tushishi oqibatida kamida 23 kishi jarohat oldi. Bu haqda Freepressjournal xabar bermoqda.

Voqea 25-iyul kuni sodir bo‘lgan. Mahalliy matbuotning yozishicha, uch nafar fuqaroning ahvoli og‘ir.

Internetda tarqalgan videoda attraksion markaziy ustuni sinib, ikki bo‘lakka ajralgani ko‘rish mumkin. Ustun sinib ketganida odamlarning ba’zilari bir necha metr nariga uchib tushgan.

Voqea 360 Degrees nomli attraksionda yuz bergan. Guvohlarning aytishicha, markaziy ustun yuqori tezlikda orqaga tortilgan va sinib ketgan. Natijada ikki-uch kishi qarama-qarshi yo‘nalishga uchib ketgan, qolganlar esa o‘rindiqlarda qolgan holda yerga qulagan.

Hodisa joyiga tez yordam va...

Ijtimoiy tarmoqlarda Chorvoq yaqinidagi hududda yong‘in yuzaga kelganiga doir videolar tarqaldi. Xabarlarga ko‘ra, yong‘in qurigan o‘t-o‘lanlardan kelib chiqqan.

Tarmoq foydalanuvchilarining ma’lum qilishicha, yong‘in borgan sari kuchaymoqda.

Favqulodda vaziyatlar vazirligi hozirda voqea joyida Toshkent viloyati yong‘in-qutqaruv bo‘linmalari hamda O‘rmon xo‘jaligi xodimlari yong‘inni bartaraf etish ishlarini olib borayotganini ma’lum qildi.

Bundan avval ham Chorvoqqa yaqin hudud, Bo‘stonliq tumani «Xo‘jakent» MFY tog‘li hududidagi 2 gektar maydonda quruq o‘t va shox-shabba sabab yong‘in chiqqandi.

Yong‘in o‘chirilgan kunning ertasiga hududda yana chiqqan tutunlar qolgan shox-shabbalardan chiqqani aytilgandi.

Toshkent viloyatining Bo‘stonliq tumanida 20 MVt quvvatga ega bo‘lgan Chorvoq shamol elektr stansiyasining qurilishi boshlandi. Bu haqda «O‘zbekgidroenergo» matbuot xizmati xabar berdi.

Stansiya uchun Burchmulla qishlog‘i yaqinidan 10 gektar yer ajratilgan. Loyihaga ko‘ra, yiliga 50 mln kVt⋅soatgacha elektr energiyasi ishlab chiqariladi.

Loyihani Xitoyning TBEA Co. Ltd kompaniyasi amalga oshiradi. Qurilish uchun Xitoy tomonidan $28 dollar miqdorida grant ajratilgan.

Mazkur stansiya 2025-yilda ishga tushiriladi. Joriy yilda O‘zbekiston bo‘ylab 16 ta quyosh va shamol elektr stansiyasi va ular uchun infratuzilma qurilishi rejalashtirilgan. Bu loyihalarga $5 mlrd yo‘naltiriladi.

Iyul boshiga kelib mamlakatda yashil energiya ishlab chiqarish hajmi 8,7 mlrd kVt⋅soatga yetdi. Bu...

Google avgust oyida Google Pixel 10 smartfonlarining to‘rt modelini taqdim etadi. Ular: Pixel 10, Pixel 10 Pro, Pixel 10 Pro XL va bukiluvchi Pixel 10 Pro Fold. Qurilmalar haqida texnik ma’lumotlar va narxlar e’lon qilindi.

Barcha modellar yangi Tensor G5 chipida ishlaydi. Akkumulyator quvvati oddiy modellarda 100 soatgacha, bukiluvchi modelda 72 soatgacha yetadi.

Pixel 10 va Pixel 10 Pro ekran o‘lchami 6,3 dyuym. Pro versiyada 100 martalik Pro Res zum, 8K video yozuv va 50+48 MP kamera mavjud. Pixel 10 esa 20 martalik Super Res zum va 4K videoga ega.

Pro XL modelida 6,8 dyuymli ekran bo‘ladi. Pixel...

BYD kompaniyasi yangi ikkita model: Yuan UP seriyasiga qo‘shilgan yangi kirish darajasidagi va Seagull asosida yaratilgan Atto 1 avtomobilini avvalgi modellarga nisbatan arzon narxlarda taqdim etmoqda.

Yuan UP seriyasidagi yangi model

Joriy yilning 30-iyul kuni BYD o‘zining Yuan UP seriyasiga yangi kirish darajasidagi modelni qo‘shdi. Mazkur model 301 km yurish masofasiga ega bo‘lib, Xitoyda $10 400 narxda taklif etilmoqda. Shuningdek, u BYD’ning haydovchiga yordam beruvchi tizimi – God’s Eye bilan jihozlanmagan. Taqqoslash uchun, hozirgi mavjud bo‘lgan uchta model $13 900 dan $16 700 gacha narxda sotiladi va 401 km yurish masofasiga ega.

Yuan UP...

Stellantis kompaniyasi Opel Astra va Astra Sports Tourer avtomobillarining yangilangan versiyalarini namoyish etdi. Bu haqda kompaniya saytida ma’lum qilindi. Har ikkala model ham plagin-gibrid texnologiyasiga ega.

Yangi tizim avvalgisiga nisbatan 16 ot kuchiga kuchliroq. Endi umumiy quvvat 196 ot kuchini tashkil qiladi. Akkumulyator sig‘imi esa 12,4 kVt-soatdan 17,2 kVt-soatgacha oshdi. Endi avtomobil elektrda 83 km masofani bosib o‘ta oladi.

Dvigatel 1,6 litrli turbomotor bo‘lib, unga 7 pog‘onali, ikki muftali elektromexanik robot uzatmalar qutisi o‘rnatilgan.

Astra Plug-in Hybrid 38 460 yevrodan, Astra Sports Tourer esa 39 960 yevrodan boshlanadi.

Astra L avlodi 2021-yilda taqdim etilgan. 2025-yilda Yevropada atigi 30 ming...

«Ko‘cha nomi va ko‘chmas mulk obyekti raqami ko‘rsatkichi o‘rnatish tartibi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Nizomda ko‘rsatkichlarning shakli, o‘lchami, ishlab chiqarish va o‘rnatish tartibi belgilab berilgan. Unga ko‘ra, namunaviy ko‘rsatkichlar uch toifaga ajratiladi:

Qarorga muvofiq, ko‘rsatkichlarda ko‘cha nomi qisqartirilmasligi qat’iyan belgilangan.

Eslatib o‘tamiz, avvalroq Toshkentda yo‘l harakati xavfsizligi uchun 6,9 milliard so‘m ajratilishi haqida yozgan edik.

Markaziy bank tomonidan «We-Finance Code» xalqaro tashabbusi doirasida ayollar tadbirkorligini rag‘batlantirishga qaratilgan Milliy Nizom ishlab chiqildi.

Mazkur Nizom ayollarga moliyaviy xizmatlar ko‘rsatishdagi teng imkoniyatlarni kengaytirish, gender siyosatini mustahkamlash, shuningdek, O‘zbekistonning xalqaro maydondagi islohotlarini namoyish etish va mamlakat obro‘sini oshirishga xizmat qiladi.

Milliy Nizom asosida Markaziy bank rahbarligidagi moliyaviy tashkilotlar vakillaridan iborat ishchi guruh Milliy koalitsiya tuzilgan bo‘lib, ular ayollar tadbirkorligini qo‘llab-quvvatlash bo‘yicha aniq amaliy chora-tadbirlarni o‘z ichiga olgan Majburiyatnoma xatlarini ishlab chiqdi. Bu xatlar tashabbusga qo‘shiluvchi moliyaviy institutlar uchun asosiy mezon hisoblanadi.

Bugungi kunda «We-Finance Code» tashabbusi dunyoning 30 dan ortiq davlatida joriy qilingan. Markaziy Osiyoda esa O‘zbekiston mazkur...

Volkswagen va SAIC kompaniyalarining Xitoydagi qo‘shma korxonasi yangi Volkswagen Lamando L va Lamando L GTS modellarini namoyish qildi. Bu haqda Autohome xabar bermoqda.

Rasmiy savdo avgust oyining oxirida Chengdu avtosalonida boshlanadi. Dizayn va texnik xususiyatlar allaqachon ochiqlangan. Narxlar hali e’lon qilinmagan.

Yangi Lamando L dizayni butunlay yangilangan. Oldi faralar «yoritilgan chiziq» bilan birlashtirilgan, logotip ham yoritiladi. Old bamper yanada sport uslubida, GTS versiyasida esa panjara qoraytirilgan. Kuzov cho‘zilgan, tomi past, eshiklar ramkasiz. GTS’da qora g‘ildiraklar mavjud. Mashina o‘lchamlari 4791 x1831 x 1469 mmni tashkil etadi. G‘ildirak bazasi 2731 mm.

Orqa qismida ham yoritilgan logotip, yangi bamper va GTS versiyasida...

2025-yil 30-iyulda qabul qilingan «Ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun bilan parlamentdagi muxolifat vakolatlari sezilarli darajada kengaytirildi. Bu haqda Adliya vazirligi ma’lum qildi.

Endilikda muxolifatga mansub siyosiy partiya fraksiyasi Oliy Majlis Qonunchilik palatasidagi 1 nafar qo‘mita raisi hamda 2 nafar qo‘mita raisi o‘rinbosari lavozimlarini kafolatli egallaydi.

Muxolifatga qonun loyihasi ikkinchi o‘qishgacha ko‘rib chiqilguniga qadar o‘sha masalaga doir muqobil tahrirdagi qonun loyihasini yoki uning alohida qismini taklif etish huquqi berildi.

Shuningdek, muxolifat har chorakda «Hukumat soati» doirasida savollar berish va muhim masalalarni ko‘tarish, parlament so‘rovi orqali esa dolzarb mavzularni rasmiy muhokamaga olib chiqish huquqiga ega bo‘ladi.

Eslatib...

Shu yilning yanvar – iyun oylarida «O‘zbekiston respublika tovar-xom ashyo birjasi» (O‘zRTXB) orqali sotilgan «chiroyli» avtoraqamlar sotuvi hajmi 23 foizga kamaygan. Bu haqda birja matbuot xizmati Kursiv Uzbekistan’ga ma’lum qildi.

Birjaning avtoraqam.uzex.uz savdo tizimida shu yilning dastlabki olti oyida 80 mingdan ziyod avtoraqamlar onlayn-auksionlar orqali sotilgan. Bu ko‘rsatkich 2024-yilning shu davriga nisbatan 23 foizga kamaygan.

Bitimlar summasida ham 11 foiz kamayish kuzatilgan, ya’ni bu yil qariyb 378,7 mlrd so‘mlik raqam sotilgan bo‘lsa, o‘tgan yilda bu ko‘rsatkich 426,2 mlrd so‘mni tashkil qilgan.

Birja ma’lumotlariga ko‘ra, sotilgan avtoraqamlarning 96 foizi jismoniy shaxslarga, qolgan 4 foizi esa yuridik shaxslarga to‘g‘ri kelgan. Raqamlar...

Fransiya tashqi ishlar vaziri Jan-Noel Barro X ijtimoiy tarmog‘idagi sahifasida 15 davlat tomonidan Falastinni davlat sifatida tan olish haqidagi qo‘shma bayonotni e’lon qildi.

Bayonotda Isroil va Falastin ikki mustaqil demokratik davlat sifatida tinchlikda, xavfsizlikda va xalqaro miqyosda tan olingan chegaralar doirasida yonma-yon yashashi kerakligi haqidagi qat’iy pozitsiya tasdiqlangan.

Tashqi ishlar vazirlari ushbu bayonotni 2025-yil sentabr oyida BMT Bosh Assambleyasining 80-sessiyasi doirasidagi davlat va hukumat rahbarlari uchrashuvi arafasida e’lon qilgan.

«Biz Andorra, Avstraliya, Kanada, Finlyandiya, Fransiya, Islandiya, Irlandiya, Lyuksemburg, Malta, Yangi Zelandiya, Norvegiya, Portugaliya, San-Marino, Sloveniya va Ispaniya tashqi ishlar vazirlari sifatida, Falastin davlatini tan olganimizni...

2025-yil 1-avgustdan O‘zbekistonda ekologik tartib-qoidalarni buzganlik uchun belgilangan jarimalar miqdori oshiriladi. Bu haqda Toshkent shahar Ekologiya boshqarmasi ma’lum qildi.

Yangi tartibga ko‘ra, chiqindilarni noqonuniy joylarga tashlash, daraxtlarni kesish, suvni ifloslantirish, atmosfera havosiga zarar yetkazish va boshqa qoidabuzarliklar uchun jarimalar 412 ming so‘mdan 20,6 mln so‘mgacha bo‘lgan miqdorda belgilanmoqda.

Shuningdek, sog‘lom daraxtni kesish holatida tabiatga yetkazilgan zarar ham alohida hisoblab chiqiladi.

Eslatib o‘tamiz, avvalroq «Yashil belgi» ekologik markirovka tartibi belgilangan edi.

Shavkat Mirziyoyevning tegishli farmoniga muvofiq bir qator mas’ullar yangi lavozimlarga tayinlandi. Bu haqda davlat rahbari matbuot xizmati ma’lum qildi.

Unga ko‘ra, Po‘lat Bobojonov prezidentning kadrlar bo‘yicha maslahatchisi o‘rinbosari lavozimiga tayinlanib, avvalgi birinchi o‘rinbosar lavozimidan ozod etildi.

Galina Saidova iqtisodiy siyosat bo‘yicha maslahatchi o‘rinbosari etib tayinlandi.

Obid Xakimov esa O‘zR prezidenti iqtisodiy siyosat bo‘yicha maslahatchisining o‘rinbosari lavozimi bilan birga Iqtisodiy tadqiqotlar va islohotlar markazi direktori bo‘ldi.

Abdusalom Azizov, Muzaffar Kamilov va Rustam Kamilov prezidentning vakillik organlari, NNTlar, din va yoshlar masalalari bo‘yicha maslahatchisi o‘rinbosari bo‘ldi.

Javlon Vahabov tashqi siyosat bo‘yicha maslahatchi o‘rinbosari – Markaziy Osiyo xalqaro instituti direktori lavozimini egalladi.

Banklar 31-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan 30-iyul kuni dollar kursi 91,56 so‘mga oshib, 12 591,57 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 74,52 so‘mga oshib, 14 545,78 so‘mni, rubl esa 1,86 so‘mga oshib, 153,82so‘mni tashkil qildi. 

Samsung Hindistonda yangi Samsung Galaxy Z Fold7 smartfoni kutilganidan ham ko‘proq talabga uchraganini bildirdi. Bu haqda Sammobile xabar bermoqda. Ba’zi hududlarda ushbu model hatto omborda qolmagani aytilmoqda.

Kompaniya Hindistondagi Noida zavodida ishlab chiqarishni oshirmoqda. Maqsad – ortib borayotgan ehtiyojni qondirish.

Galaxy Z Fold7 arzon bo‘lmasa ham mamlakatda juda mashhur bo‘lib ketdi. Atigi 48 soat ichida Fold7 va Flip7 modellari bo‘yicha 210 mingta oldindan buyurtma qabul qilingan.

Smartfonga talab nafaqat do‘konlarda, balki onlayn savdo kanallarida ham yuqori. Galaxy Z Fold7 ilgari ekstremal mustahkamlik testidan ham muvaffaqiyatli o‘tgan edi.

Eslatib o‘tamiz, Kursiv Uzbekistan nashri Samsung‘ning eng yaxshi smartfonlari haqida yozgan...

AQSh prezidenti Donald Tramp 1-avgustdagi bojlar muddati arafasida Janubiy Koreya bilan yangi savdo kelishuvini ma’lum qildi. Bu haqda CNN agentligi xabar berdi.

Bitimga ko‘ra, Janubiy Koreya AQShga $350 mlrd sarmoya ajratadi, mahsulotlariga esa 15 foizlik boj joriy etiladi. Bu avvalgi 10 foizlik minimal bojdan yuqori.

Tramp aprel oyida ayrim davlatlarga qo‘yilgan 25 foizlik bojlarni vaqtincha to‘xtatgan edi. Endi esa Yevropa Ittifoqi, Yaponiya va Braziliya kabi mamlakatlar ham 15 foizlik bojga duch kelmoqda. Janubiy Koreya avtomobillariga nisbatan bojlar yumshatilgan, biroq po‘lat va mis mahsulotlariga amaldagi bojlar saqlanib qoladi.

O‘tgan yili Janubiy Koreya AQShga $132 mlrdlik mahsulot eksport qilgan bo‘lsa, AQShdan...

2025-yil sentabrida BMT yig‘ilishida Kanada Falastin davlatini rasmiy tan olishini e’lon qilmoqchi. Bosh vazir Mark Karni bu qarorni G‘azo sektoridagi ocharchilik va gumanitar inqiroz bilan izohladi, deya xabar bermoqda Reuters.

Kanadaning bu qarori Fransiya va Buyuk Britaniyaning so‘nggi bayonotlari ortidan e’lon qilindi. Ular ham Falastin davlatini tan olish niyatida. Isroil va AQSh bunday e’tiroflarni «Hamasga mukofot» deb atab, tanqid qildi.

Karni tan olish qarori Falastin Ma’muriyatining islohotlar o‘tkazish va 2026-yilda umumiy saylov o‘tkazishga tayyorligi bilan bog‘liqligini aytdi. Bu orada G‘azoda ocharchilik sabab 154 kishi, jumladan, 89 bola hayotdan ko‘z yumdi.

Ekspertlar bu qaror Isroilga ikki davlatli yechimga qaytish uchun...