Yangiliklar

O‘zbekistonda o‘tkazilayotgan aholi va qishloq xo‘jaligini ro‘yxatga olish tadbiri yuzasidan fuqarolar orasida turli savollar paydo bo‘lmoqda. Milliy statistika qo‘mitasi mazkur jarayon soliqqa tortish yoki tekshiruv o‘tkazish bilan bog‘liq emasligini ma’lum qildi.

Qo‘mitaning tushuntirishicha, ayrim fuqarolar uy-joyi yoki chorva soni haqidagi ma’lumotlar keyinchalik ortiqcha soliqqa sabab bo‘lishidan xavotir bildirgan. Biroq rasmiylarga ko‘ra, bunday holatlar mutlaqo yuz bermaydi va ro‘yxatga olish jarayonida to‘plangan barcha ma’lumotlar qonun asosida maxfiy saqlanadi.

Statistika qo‘mitasi bayonotida ta’kidlanishicha, savolnomalarda keltirilgan javoblar boshqa idoralarga taqdim etilmaydi hamda soliqqa tortish yoki tekshiruv o‘tkazish uchun foydalanilmaydi. Ushbu ma’lumotlar faqat umumiy statistik tahlil uchun xizmat qiladi va alohida shaxs yoki...

Ispaniyaning janubida ikki poyezd ishtirokida sodir bo‘lgan temiryo‘l halokati oqibatida kamida 21 kishi halok bo‘ldi, ko‘plab odamlar jarohat oldi. Bu haqda Reuters agentligi xabar berdi.

Voqea 2026-yil 18-yanvar kuni Kordoba viloyatidagi Adamuz shahri yaqinida yuz berdi. Malaga – Madrid yo‘nalishidagi yuqori tezlikdagi Iryo poyezdi relsdan chiqib, qo‘shni yo‘ldan kelayotgan Madrid – Uelva yo‘nalishidagi Renfe kompaniyasiga qarashli Alvia poyezdi bilan to‘qnashdi. Natijada ikkala poyezd ham relsdan chiqib ketdi.

Transport vaziri Oskar Puente halokat sababi hozircha noma’lum ekanini ma’lum qildi va ushbu temiryo‘l qismi 2025-yil may oyida ta’mirlanganini bildirdi.

Rasmiy ma’lumotlarga ko‘ra, halokat oqibatida kamida 21 kishi halok bo‘lgan...

Markaziy bank «Yangi bank» aksiyadorlik jamiyatini tugatish bo‘yicha Tugatish komissiyasi tashkil etilgani va u o‘z faoliyatini boshlaganini ma’lum qildi.

Hozirda bank omonatchilarining ro‘yxati (reyestri) shakllantirilmoqda. Mazkur jarayon 8 ish kuni davom etishi rejalashtirilgan. Shuningdek, 2 ish kuni ichida Omonatlarni kafolatlash agentligi tomonidan kompensatsiya miqdori hamda agent-bank haqidagi qo‘shimcha ma’lumotlar rasmiy veb-saytda e’lon qilinadi. Ushbu axborot taxminan 28-yanvar kuni ochiqlanishi kutilmoqda.

Markaziy bank yana bir bor eslatishicha, «Banklardagi omonatlarni himoya qilish kafolatlari to‘g‘risida»gi qonunga muvofiq, jismoniy va yuridik shaxslarning banklardagi omonatlari davlat tomonidan qonunchilikda belgilangan tartib va miqdorlarda kafolatlanadi.

«Yangi bank»dagi kafolatlangan omonatlar bo‘yicha kompensatsiya to‘lovlari belgilangan tartibda Omonatlarni kafolatlash...

Bugun neon chiroqlarining patentlanishidan tortib, Hindistonda ayol rahbarning hokimiyatga kelishi va kompyuter texnologiyalaridagi yangi bosqichgacha bo‘lgan voqealarni yodga olamiz. Kursiv Uzbekistan kunning eng muhim voqealarini xronologik tartibda taqdim etadi.

1736-yili shotlandiyalik mexanik-ixtirochi Jeyms Vatt tavallud topdi. U universal bug‘ mashinasini yaratib, Sanoat inqilobining asosiy harakatlantiruvchi kuchiga aylangan. Vatt nafaqat texnik kashfiyotlari, balki ot kuchi tushunchasini fanga kiritgani bilan ham mashhur bo‘lib, keyinchalik Xalqaro birliklar tizimidagi quvvat birligi uning sharafiga «Vatt» deb nomlangan.

1915-yili fransiyalik fizik va ixtirochi Jorj Klod neon reklama chiroqlari uchun AQSh patentini qo‘lga kiritdi. «Fransuz Edisoni» deb nom qozongan Klod elektr zaryadi yordamida inert gazlarning...

AQSh Grenlandiya masalasiga aralashgan 8 ta Yevropa davlatiga bojlarni oshirmoqchi

17-yanvar kuni AQSh prezidenti Donald Tramp Grenlandiyani sotib olish bo‘yicha kelishuvga erishilmaguncha Yevropa davlatlariga nisbatan bojlarni oshirishini ma’lum qildi. Bu haqda Reuters agentligi xabar berdi.

«Qarshi neft bazasi» rahbari ishdan olindi

«Qarshi neft bazasi» direktori o‘z lavozimidan ozod etildi. Bu haqda «O‘zbekneftgaz» matbuot kotibi Mo‘min Ibodov xabar berdi.

Shri-Lankada dunyodagi eng yirik safir taqdim etildi

Shri-Lankada dunyodagi eng yirik safir ommaga taqdim etildi. Associated Press xabariga ko‘ra, safir 3563 karat vaznga ega bo‘lib, uning qiymati $300 – $400 mln atrofida baholanmoqda.

Centrum Air shaffof tomli Airbus A321neo samolyotini parvozga...

Yangi iPhone Fold egiluvchan smartfonining real ko‘rinishi oshkor qilindi. Qurilma ilgari tarqalgan chizmalar asosida yaratilgan bo‘lib, bukilishsiz mukammal tashqi ko‘rinishda ishlab chiqilgan.

iPhone Fold old panelida 5,5 dyuymli displeyga ega bo‘ladi, ichki ekrani esa 7,8 dyuym bo‘lib, asosiy xususiyati – ko‘rinadigan bukilish chizig‘ining yo‘qligi hisoblanadi. Apple kompaniyasi bukilishsiz ko‘rinishga erishish uchun metall plitalar, bukilish joyi ichidagi suyuq metall va sensor panel kombinatsiyasidan foydalangan.

Qurilma buklangan holatda qalinligi 9 mm, ochilgan holatda esa 4,5 mm bo‘ladi. Smartfon Apple A20 Pro SoC bazasida ishlaydi va Apple’ning ikkinchi avlod C2 modemini hamda katta sig‘imli akkumulyatorni qo‘llab-quvvatlaydi.

Ice Universe insayder ma’lumotlariga ko‘ra...

Erondagi noroziliklar natijasida kamida 5 ming kishi halok bo‘lgan, shulardan taxminan 500 nafari xavfsizlik xodimlari hisoblanadi. Bu haqda Reuters agentligi ma’lum qildi.

Noroziliklar 28-dekabrda iqtisodiy qiyinchiliklar sabab boshlangan va ikki hafta ichida keng ko‘lamli namoyishlarga aylangan. Bu Eron Islom inqilobidan beri eng yirik tartibsizliklar sifatida baholanmoqda.

Eron Oliy Rahbari Oyatulloh Ali Xomanaiy mamlakat urushga tortilmasligini, biroq jinoyatchilar jazolanmasdan qolmasligini aytdi. Sud tizimi vakillari esa ayrim holatlarda ijro etishlar davom etishi mumkinligini bildirgan.

AQShdagi HRANA huquqiy tashkiloti halok bo‘lganlar sonini 3 308 nafar, hibsga olinganlar sonini esa 24 mingdan ortiq deb ma’lumot bergan.

Eng og‘ir to‘qnashuvlar shimoli-g‘arbiy...

Centrum Air aviakompaniyasi aviaparki yangi Airbus A321neo samolyoti bilan kengaytirildi. Samolyot 17-yanvar kuni Lyublyanadan Toshkent Islom Karimov nomidagi xalqaro aeroportiga qo‘ndi.

Airbus A321neo yangi avlod o‘rta masofali samolyot bo‘lib, avvalgi A320 oilasi modellari bilan solishtirganda yoqilg‘i tejamkorligi va uchish masofasi bilan ajralib turadi. Yangi dvigatellar va takomillashgan aerodinamika yordamida yoqilg‘i sarfi kamaytirilib, chiqindilar darajasi pasaytirilgan.

Samolyot 221 nafar yo‘lovchi uchun mo‘ljallangan bo‘lib, to‘liq iqtisodiy klass konfiguratsiyasida ishlab chiqilgan. Kattaroq uchish masofasi aviakompaniyaga uzoq masofalarga reyslarni amalga oshirish va marshrut tarmog‘ini kengaytirish imkonini beradi.

Ma’lumot uchun, Centrum Air Airbus A321neo’ni Uzoq Sharq, Yevropa va boshqa xalqaro yo‘nalishlarda yaqin kunlarda...

RedMagic kompaniyasi RedMagic 11 Air smartfonining asosiy xususiyatlarini rasman oshkor qildi. Bu haqda ITHome nashri xabar berdi.

Eng katta diqqatni tortuvchi jihat 7000 mA·soat sig‘imli akkumulyator bo‘lib, u nozik Air-smartfonlar orasida rekord ko‘rsatkichga ega. Yangi model 120 Vt quvvatga ega tezkor zaryadlashni qo‘llab-quvvatlaydi. Shuningdek, o‘yinga mo‘ljallangan to‘g‘ridan to‘g‘ri quvvatlash rejimi orqali qurilmani batareyaga ortiqcha yuklamasdan ishlatish imkonini beradi.

RedMagic 11 Air Snapdragon 8 Elite Gen 5 chipi va RedCore R4 o‘yin protsessori bilan jihozlangan. Qurilmada LPDDR5X Ultra operativ va UFS 4.1 flesh-xotira mavjud bo‘lib, noyob PC-o‘yin emulyatori orqali Tomb Raider 9, Assassin’s Creed: Rogue va Need for Speed...

BMW kompaniyasi 4-seriya avtomobillarini ishlab chiqarishni to‘xtatishni rejalashtirmagan, aksincha, uchinchi avlod ustida ish olib bormoqda. Bu haqda BMW’ning tadqiqot va ishlanmalar bo‘limi rahbari Yoaxim Post ma’lum qildi.

Uning so‘zlariga ko‘ra, 4 Series BMW uchun muhim va sport xarakteriga ega model bo‘lib, kelajakda ham kompaniya portfelida muhim o‘rin tutadi. Post, shuningdek, 3-seriya va X3 modellarini ishlab chiqishda 4-seriya va X4 kabi hosila modellar ham bir vaqtning o‘zida rejalashtirilishini, bu esa ishlab chiqarishda sinergiya yaratishini ta’kidladi.

Yangi avlod 4 Series Neue Klasse deb nomlangan yangi elektrlashtirilgan platformaga asoslanadi. Ushbu platforma asosida elektromobillar hamda ichki yonuv dvigatelli modellar ishlab chiqariladi. Elektromobil...

Shri-Lankada dunyodagi eng yirik safir ommaga taqdim etildi. Associated Press xabariga ko‘ra, safir 3563 karat vaznga ega bo‘lib, uning qiymati $300 – $400 mln atrofida baholanmoqda.

Nodir binafsha yulduzli safir «Star of Pure Land» nomi bilan mashhur. Tosh Ratnapura shahrida – an’anaviy qimmatbaho toshlar qazib olinadigan markazda topilgan va rasmiy ravishda 2026-yil yanvar oyida ommaga taqdim etilgan.

AP ma’lumotlariga ko‘ra, safir yuzasida aniq ko‘rinadigan «yulduz» effekti – asterizmga ega bo‘lib, bu uning kollektsion va bozor qiymatini sezilarli darajada oshiradi.

Shri-Lanka hukumat va zargarlar sanoati vakillari ushbu topilma mamlakatni qimmatbaho toshlar qazib olish va eksport qilish bo‘yicha jahon markazlaridan...

«Qarshi neft bazasi» direktori o‘z lavozimidan ozod etildi. Bu haqda «O‘zbekneftgaz» matbuot kotibi Mo‘min Ibodov ma’lum qildi.

Unga ko‘ra, «O‘zbekneftgaz» AJ boshqaruv raisi Abdug‘ani Sanginov boshchiligidagi ishchi guruh joriy o‘rganish ishlarini bugun «Qarshi neft bazasi»dan boshladi. Tekshiruvlar davomida bazaning faoliyati qoniqarsiz ekani aniqlangan.

Xususan, neft mahsulotlarini realizatsiya qilish tizimi samarali va shaffof yo‘lga qo‘yilmagan, korxona rahbariyati boshqaruv va ichki nazorat mexanizmlarini yetarli darajada ta’minlamagani sababli qator kamchiliklar yuzaga kelgan.

Aniqlangan kamchiliklar natijasida baza 2025-yilni moliyaviy zarar bilan yakunlagan. Tahlillarga ko‘ra, korxonada xo‘jalik faoliyati to‘g‘ri tashkil etilmagan va xarajatlar topilgan daromadlarga mutanosib ravishda optimallashtirilmagan.

Shuningdek, neft mahsulotlari zichligini...

Samsung kompaniyasining yangi flagman smartfoni Galaxy S26 Ultra haqida yangi tafsilotlar oshkor qilindi. Bu haqda mashhur insayder Ice Universe ma’lum qildi.

Ma’lumotlarga ko‘ra, Galaxy S26 Ultra qora, oq, ko‘k va binafsha ranglarda sotuvga chiqadi. Galaxy S26 va Galaxy S26+ modellari 2 nm texnologiyasi asosida ishlab chiqarilgan Exynos 2600 chipi bilan jihozlanadi. Galaxy S26 Ultra esa 3 nm texnologiyasiga ega Snapdragon Elite Gen 5 chipidan foydalanadi.

Galaxy S26 Plus uchun komponentlar ishlab chiqarilishi o‘tgan oy boshlangan bo‘lsa, S26 va S26 Plus yakuniy yig‘ilishi joriy oyda boshlanadi. Shu bilan birga, Galaxy S26 Ultra boshqa modellardan avval ommaviy ishlab chiqarishga chiqarilgan...

Chery kompaniyasi yangi, besh o‘rinli katta krossover – Chery Fengyun T9L modeli uchun oldindan buyurtmalarni ochdi. Bu haqda ITHome nashri ma’lum qildi.

Unga ko‘ra, modelning rasmiy bozorga chiqarilishi Xitoy Yangi yili bayramidan keyin rejalashtirilgan. Avtomobilning asosiy xususiyatlari esa allaqachon e’lon qilindi.

Fengyun T9L to‘liq o‘lchamdagi krossover sinfiga kiradi. Avtomobilning uzunligi 4870 mm, eni 1930 mm, balandligi 1710 mm, g‘ildiraklar orasidagi masofa esa 2920 mm.ni tashkil etadi. Salonida kenglik va qulaylikka alohida e’tibor qaratilgan.

Ikkinchi qator yo‘lovchilari uchun oyoqlar uchun bo‘shliq 1037 mm.ni tashkil qiladi, oldingi o‘rindiqlar esa «nol tortishish» effekti bilan yuqori darajada qulay. Avtomobil atmosferik yoritish va...

17-yanvar kuni AQSh prezidenti Donald Tramp Grenlandiyani sotib olish bo‘yicha kelishuvga erishilmaguncha Yevropa davlatlariga nisbatan bojlarni oshirishini ma’lum qildi. Bu haqda Reuters agentligi xabar berdi.

Unga ko‘ra, Tramp 1-fevraldan boshlab Daniya, Norvegiya, Shvetsiya, Fransiya, Germaniya, Niderlandiya, Finlyandiya va Buyuk Britaniyadan import qilinadigan tovarlarga qo‘shimcha 10 foizlik boj joriy etilishini aytdi. 1-iyundan esa bu ko‘rsatkich 25 foizga yetkaziladi.

Tramp Grenlandiyani AQSh xavfsizligi uchun muhim hudud deb baholab, uning strategik joylashuvi va tabiiy resurslarini asos sifatida keltirdi. Daniya va Grenlandiya rahbarlari esa hudud sotilmasligini va AQSh tarkibiga kirishni istamasligini qat’iy bildirgan.

Mazkur tahdid AQShning Yevropa Ittifoqi...

Bu sana futbolga katta ta’sir o‘tkazgan insonlar, kino olamining yulduzlari va aviatsiya tarixidagi ulkan voqealar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1778-yili mashhur ingliz dengiz sayyohi Jeyms Kuk Tinch okeanidagi Gavayi orollariga yetib borgan birinchi yevropalik bo‘ldi. U o‘z homiysi graf Sendvich sharafiga ushbu hududni «Sendvich orollari» deb atagan. Bu kashfiyot keyinchalik Tinch okeani mintaqasidagi savdo yo‘llari va madaniy aloqalarning rivojlanishiga katta ta’sir ko‘rsatdi.

1882-yilda ingliz yozuvchisi va shoiri Alan Aleksandr Miln dunyoga keldi. U o‘z o‘g‘li Kristofer Robin va uning o‘yinchoq ayig‘idan ilhomlanib yozgan «Vinni Pux» asari orqali jahon adabiyotida...

Kursiv Uzbekistan 17-yanvar kuni e’lon qilingan muhim yangiliklarni bir joyga jamladi.

Dam olish kunlari qaysi banklar ishlaydi

Markaziy bank dam olish kunlari aholiga qulaylik yaratish maqsadida bir qator tijorat banklarida valyuta ayirboshlash va xalqaro pul o‘tkazmalari xizmatlari davom etishini ma’lum qildi.

17 – 18-yanvar shanba va yakshanba kunlari 18 ta banklarning ayrim shoxobchalari faoliyat yuritadi.

Termiz – Denov yo‘nalishida avtobus qatnovi ishga tushirildi — yo‘l haqi 10 ming so‘mdan boshlanadi

Surxondaryo viloyatida aholi uchun qulay va uzluksiz transport xizmatlarini kengaytirish maqsadida Termiz – Denov yo‘nalishi bo‘yicha yangi muntazam avtobus qatnovi yo‘lga qo‘yildi. Bu haqda viloyat Transport...

23 yoshgacha bo‘lgan futbolchilar o‘rtasidagi Osiyo kubogida chorakfinal bahslari bo‘lib o‘tmoqda.

Bugun, 17-yanvar kuni O‘zbekiston yoshlar terma jamoasi yarimfinal yo‘llanmasi uchun Xitoy jamoasiga qarshi maydonga tushdi.

Uchrashuvning asosiy va qo‘shimcha bo‘limlarida hisob ochilmadi – 0:0. G‘olib penaltilar seriyasida aniqlandi. Unda Xitoy futbolchilariga omad kulib boqdi va ular 4:2 natija bilan yarimfinalga yo‘l oldi.

Shu tariqa O‘zbekiston U-23 terma jamoasi Osiyo kubogi bilan xayrlashdi. Xitoy yoshlar jamoasi esa yarimfinalda Vyetnamga qarshi maydonga tushadi.

Avvalroq «Kursiv» nashri O‘zbekiston U-23 terma jamoasining Xitoyga qarshi asosiy tarkibi e’lon qilingani haqida yozgandi.

O‘zbekiston yashash xarajatlari eng past bo‘lgan davlatlar TOP-20 taligidan joy oldi. Bu haqda xalqaro tahliliy platforma Numbeo’da ma’lum qilindi.

Platforma tomonidan tuzilgan 2026-yilgi global yashash qiymati reytingiga ko‘ra, mamlakat 155 ta davlat orasida 138-o‘rinni egalladi.

Tadqiqot natijalariga ko‘ra, O‘zbekistonda yashash xarajatlari indeksi 27,3 ballni tashkil etgan. Reytingda Nyu-York shahri 100 ball bilan asos sifatida olingan bo‘lib, indeks qanchalik past bo‘lsa, mamlakatda yashash shunchalik arzon hisoblanadi.

Numbeo tahlili besh asosiy yo‘nalishni qamrab olgan: oziq-ovqat narxlari, uy-joy ijara haqi, restoranlar, kommunal xizmatlar va xarid qobiliyati. Alohida ko‘rsatkichlar bo‘yicha O‘zbekiston quyidagi natijalarni qayd etdi:

OpenAI kompaniyasi ChatGPT’da reklama ko‘rsatishni sinov tariqasida joriy etishni boshladi. Bu haqda kompaniya rasmiy sahifasida ma’lum qildi.

Dastlabki bosqichda reklama AQShdagi bepul versiya foydalanuvchilari orasida test qilinadi.

Kompaniya ma’lumotiga ko‘ra, Plus, Pro, Business, Enterprise va Edu kabi pullik obunalarda reklama joylashtirilmaydi. Reklama bloklari aniq belgilangan bo‘ladi va sun’iy intellekt tomonidan beriladigan javoblardan alohida joylashtiriladi. Ular ChatGPT javoblarining mazmuniga hech qanday ta’sir ko‘rsatmaydi.

Reklamalar standart holatda foydalanuvchi qiziqishlariga moslashtirilgan bo‘ladi. Shu bilan birga, foydalanuvchilar istalgan vaqtda reklama sozlamalari uchun ishlatiladigan ma’lumotlarni o‘chirish imkoniyatiga ega. OpenAI ta’kidlashicha, ChatGPT bilan bo‘lgan suhbatlar reklama beruvchilarga uzatilmaydi. Kelajakda esa foydalanuvchilar reklama beruvchilarga to‘g‘ridan to‘g‘ri...

Apple’ga oid ma’lumotlar sizib chiqishlari sabab sudga tortilgan insayder Jon Prosser iPhone 18 Pro modelining ehtimoliy dizaynini namoyish qildi. U Front Page Tech YouTube-kanalida joylangan video joyladi.

Videoda smartfon tashqi ko‘rinishidagi o‘zgarishlar va korpus uchun uchta yangi rang – bordo, jigarrang va binafsha ranglar ustida ishlanayotganini ma’lum qilindi.

Renderlarga ko‘ra, Apple Face ID tizimi komponentlarining bir qismini ekran ostiga joylashtirish imkoniyatini sinovdan o‘tkazmoqda. Bu orqali kompaniya hozirgacha iPhone’larda qo‘llanib kelinayotgan pilula shaklidagi kesmadan voz kechishi mumkin. Uning o‘rnida displeyda faqat bitta dumaloq teshik qoladi va old kamera chap yuqori burchakka siljitiladi.

Shu bilan birga, Dynamic Island funksiyasi saqlab...

O‘zbekiston yoshlar terma jamoasining U-23 Osiyo kubogi chorak final bosqichi doirasida Xitoyga qarshi o‘yin uchun asosiy tarkibi ma’lum bo‘ldi. Bu haqda O‘zbekiston futbol assotsiatsiyasi xabar berdi.

Mazkur uchrashuv Toshkent vaqti bilan soat 16:30 da Saudiya Arabistonining Jidda shahrida joylashgan «Qirol Abdulla Al Faysal Sports Siti» stadionida bo‘lib o‘tadi.

O‘yin g‘olibi musobaqaning yarimfinal bosqichiga yo‘l oladi.

Avvalroq Kursiv Uzbekistan U-23 Osiyo kubogida O‘zbekiston Janubiy Koreyani mag‘lub etgan haqida xabar bergan edi.

Bugun, 17-yanvar kuni soat 15:17 da Qirg‘iziston Respublikasida sodir bo‘lgan zilzila O‘zbekistonda ham sezildi. Bu haqda Seysmoprognostik monitoring respublika markazi xabar berdi.

Yer silkinishining epitsentri Botken viloyati hududida joylashgan bo‘lib, zilzila Toshkent shahridan 214 kilometr janubi-sharqda qayd etildi.

Markaz ma’lumotiga ko‘ra, zilzilaning magnitudasi 2,9, chuqurligi esa 5 kilometrni tashkil qilgan.

Zilzila O‘zbekiston hududida ham sezilgan. Xususan, Farg‘ona viloyatining So‘x tumanida yer silkinishi 2 ball kuch bilan, epitsentrdan 21 kilometr masofada sezilgan.

Hozircha zilzila oqibatida jabrlanganlar yoki moddiy zarar haqida ma’lumot kelib tushmagan.

Avvalroq «Kursiv» nashri Tojikistonda sodir bo‘lgan zilzila kuchi O‘zbekistonning uchta viloyatida sezilgani haqida yozgandi.

Istanbul xalqaro aeroportining sobiq bosh direktori Berk Albayrak Toshkent viloyatida barpo etilayotgan yangi xalqaro aeroport qurilishi loyihasida ishtirok etadi. Bu haqda o‘zining Linkedin’dagi ma’lumotlarida ma’lum qildi.

U loyiha doirasida konsorsiumning asosiy ishtirokchisi – Saudiya Arabistonining Vision Invest kompaniyasi vakili sifatida faoliyat yuritadi.

Berk Albayrak 2026-yil yanvar oyidan boshlab «Yangi Toshkent» aeroporti qurilishi bo‘yicha loyiha ofisi (PMO) bosh menejeri lavozimini egallagan. Uning ish joyi sifatida Vision Invest kompaniyasi ko‘rsatilgan.

«Ushbu muhim loyihani amalga oshirishda o‘z hissamni qo‘shish va barcha manfaatdor tomonlar bilan birgalikda yuksak natijalarga erishishni intiqlik bilan kutyapman», – degan Berk Albayrak.

Haber.aero nashrining...