Yangiliklar

Navoiy viloyatining Zarafshon shahrida fuqaroni ichki ishlar organlariga ishga kiritib qo‘yish hamda imtihonsiz haydovchilik guvohnomasi olib berishni va’da qilgan shaxs qo‘lga olindi. Bu haqda Navoiy telekanalining «Diyor 24» axborot dasturi xabar berdi.

Ma’lum bo‘lishicha, 1994-yilda Uchquduq tumanida tug‘ilgan shaxs bir fuqaroning ishonchiga kirib, go‘yoki ichki ishlar organlaridagi tanishlari orqali uni tizimga ishga joylashtirib berishini va haydovchilik guvohnomasini imtihonsiz rasmiylashtirib berishini aytgan. Ushbu xizmatlar evaziga u $1000 talab qilgan.

Tezkor tadbir davomida gumonlanuvchi Zarafshon shahridagi savdo majmualaridan biri oldida arizachidan kimyoviy ishlov berilgan $1000 ni olayotgan vaqtida ashyoviy dalillar bilan ushlangan.

So‘roq jarayonida u o‘z aybiga to‘liq iqror bo‘lib, ichki...

Avvalroq 16-yanvar kuni soat 21:30 dan boshlab Samarqand viloyatining Urgut tumani hududidan o‘tuvchi M-39 Olmaota – Bishkek – Toshkent – Shahrisabz avtomobil yo‘lining Taxtaqoracha dovonida harakat vaqtincha cheklangani haqida xabar berilgandi.

Samarqand viloyati IIB JXX YHXB Axborot xizmati xabariga ko‘ra, bugun 17-yanvar kuni soat 12:10 holatiga ko‘ra, dovonda ob-havo sharoiti yaxshilanishi va yo‘l qoplamasi tozalanganidan so‘ng transport vositalari harakati tiklandi.

Viloyat IIB JXX YHXB haydovchilardan dovon hududida harakatlanishda ehtiyot choralariga rioya qilish hamda yo‘l harakati xavfsizligi qoidalarini qat’iy bajarishni so‘ragan.

Avvalroq Kursiv Uzbekistan havo sovuqligi munosabati bilan energiya tizimi kuchaytirilgan rejimga o‘tkazilishi haqida yozgandi.

Bugun, 17-yanvar kuni huquqni muhofaza qiluvchi organlar tomonidan Taftish.uz nomi bilan faoliyat yuritgan media platforma atrofida shakllangan guruh faoliyati yuzasidan batafsil ma’lumotlar e’lon qilindi. Unga ko‘ra, mazkur loyiha ayrim shaxslar tomonidan ommaviy axborot vositasi niqobi ostida noqonuniy daromad manbaiga aylantirilgan.

Tergov materiallarida qayd etilishicha, guruh a’zolari YouTube, Instagram va boshqa ijtimoiy tarmoqlarda fuqarolar, tadbirkorlar hamda tashkilotlar sha’ni va qadr-qimmatini kamsituvchi videomateriallar joylashtirgan. Ushbu videolar keyinchalik o‘chirilishi yoki tarqatilishi to‘xtatilishi evaziga pul talab qilish vositasi sifatida ishlatilgan.

Guruh yetakchisi: sudlanganliklar va jazo choralariga qaramay davom etgan faoliyat

Guruh yetakchisi sifatida 1988-yilda Buxoro viloyatida tug‘ilgan G‘ayrat Aberayev tilga olinmoqda. Rasmiy...

Ice Universe Apple’ning ilk buklanadigan smartfoni – iPhone Fold maketining real fotosuratini e’lon qildi. Maket qurilmaga oid avvalroq sizib chiqqan chizmalar asosida yaratilgan.

Manbalarga ko‘ra, iPhone Fold old panelida 5,5 dyuymli, ichki buklanadigan ekrani esa 7,8 dyuymli displeyga ega bo‘ladi. Asosiy yangilik – ekranda ko‘zga tashlanadigan bukilish izi bo‘lmasligi. Insayderlar Apple bunga bosimni teng taqsimlovchi metall plastina, sharnirda suyuq metall va maxsus sensorli panel kombinatsiyasi orqali erishayotganini aytmoqda.

Qurilmaning qalinligi buklangan holatda 9 mm, ochilganda esa atigi 4,5 mm bo‘lishi kutilmoqda. iPhone Fold Apple A20 Pro protsessori, Apple’ning ikkinchi avlod C2 modemi hamda sig‘imi katta akkumulyator bilan jihozlanadi.

Ice...

Checheniston rahbari Ramzon Qodirovning o‘g‘li Adam Qodirov yo‘l-transport hodisasi ortidan Grozniydagi yangi respublika shifoxonasiga yetkazildi. U hozirda og‘ir ahvolda reanimatsiyada qolmoqda. Bu haqda Kavkaz.Realii nashriga Grozniydagi ikki mustaqil manba xabar bergan.

Manbalardan birining aytishicha, hodisadan so‘ng shifoxona atrofidagi yo‘llar yopilgan. «Adam reanimatsiyaga hushsiz holatda olib kelingani aytilmoqda. Uning aniq ahvoli haqida rasmiy ma’lumot yo‘q», – deydi suhbatdosh. Shunga o‘xshash ma’lumotni Chechen diasporasi vakili ham tasdiqlagan.

Shuningdek, Adam Qodirov korteji yuqori tezlikda harakatlangan. Yo‘lda kutilmagan to‘siq paydo bo‘lgach, kortejdagi avtomobillar birin-ketin to‘qnashgan. Natijada bir nechta mashinalar shikastlangan va jabrlanganlar borligi aytilmoqda. Harakat vakillarining ta’kidlashicha, aynan Adam Qodirov bilan bog‘liq holat...

Surxondaryo viloyatida aholi uchun qulay va uzluksiz transport xizmatlarini kengaytirish maqsadida Termiz – Denov yo‘nalishi bo‘yicha yangi muntazam avtobus qatnovi yo‘lga qo‘yildi. Bu haqda viloyat Transport vazirligi ma’lum qildi.

Qatnovlar har kuni belgilangan jadval asosida amalga oshiriladi. Xususan, Termiz shahridagi Manguzar avtoshohbekatidan avtobuslar soat 14:00 da yo‘lga chiqadi. Denov avtoshohbekatidan esa Termiz yo‘nalishidagi qatnovlar har kuni soat 17:00 ga belgilangan.

Yo‘lkira narxlari yo‘nalishga qarab belgilangan. Jumladan, Termiz – Denov yo‘nalishi uchun yo‘l haqi 35 ming so‘mni tashkil etadi. Shuningdek, Termiz – Sho‘rchi yo‘nalishi 30 ming so‘m, Termiz – Qumqo‘rg‘on 20 ming so‘m, Termiz – Jarqo‘rg‘on yo‘nalishi esa 10 ming...

16-yanvar kuni soat 21:30 dan boshlab Samarqand viloyatining Urgut tumani hududidan o‘tuvchi M-39 Olmaota – Bishkek – Toshkent – Shahrisabz avtomobil yo‘lining Taxtaqoracha dovonida noqulay ob-havo sharoiti kuzatildi. Bu haqda viloyat IIB YHXB xabar berdi.

Qor yog‘ishi va havo haroratining keskin pasayishi oqibatida yo‘l qoplamasining yuza qismi muzlab, harakat xavfsizligiga tahdid yuzaga keldi.

Shu munosabat bilan dovon hududida yo‘l-transport hodisalarining oldini olish va fuqarolar xavfsizligini ta’minlash maqsadida Taxtaqoracha dovonining Urgut – Kitob yo‘nalishi bo‘yicha transport vositalari harakati vaqtincha cheklandi.

Mas’ul idoralar haydovchilardan belgilangan cheklovlarga qat’iy amal qilishni, muqobil yo‘llardan foydalanishni hamda yo‘l harakati xavfsizligi qoidalariga rioya etishni so‘ramoqda.

Avvalroq...

Tesla kompaniyasi Model Y krossoverining 2026-yilgi yetti o‘rindiqli versiyasi savdosini rasman boshladi. Yangilik uchinchi qator o‘rindiqlari bilan jihozlanib, avtomobilni oilaviy foydalanish uchun yanada qulayroq qiladi.

Uchinchi qator o‘rindiqlari Premium All-Wheel-Drive Long Range komplektatsiyasida taklif etilmoqda. Ushbu opsiya narxi $2,5 mingni tashkil qiladi va boshqa versiyalar uchun mavjud emas.

Tesla ushbu imkoniyatni o‘tgan yili e’lon qilib, yetti kishi uchun joy va yuklar uchun yetarli hajm va’da qilgan edi. Biroq konfigurator rasmlariga ko‘ra, uchinchi qatordagi o‘rindiqlar asosan bolalar uchun mo‘ljallangan – oyoqlar uchun joy cheklangan. Kompaniya yetti o‘rindiqli salon ikkinchi va uchinchi qator o‘rindiqlari buklanadigan ekanini bildirgan, biroq ularning elektr mexanizmga...

Markaziy bank dam olish kunlari aholiga qulaylik yaratish maqsadida bir qator tijorat banklarida valyuta ayirboshlash va xalqaro pul o‘tkazmalari xizmatlari davom etishini ma’lum qildi.

17 – 18-yanvar shanba va yakshanba kunlari quyidagi banklarning ayrim shoxobchalari faoliyat yuritadi:

Avvalroq Kursiv Uzbekistan...

17-yanvar sanasi tarixda siyosiy o‘zgarishlar, madaniy yangiliklar va sport olamidagi yorqin shaxslar bilan esda qolgan. Kursiv Uzbekistan kunning eng muhim voqealarini xronologik tartibda taqdim etadi.

1706-yili AQSh tarixidagi eng nufuzli shaxslardan biri Benjamin Franklin dunyoga keldi. U nafaqat siyosatchi va diplomat, balki yashin qaytargich hamda bifokal ko‘zoynakni ixtiro qilgan olim sifatida ham mashhurdir. Franklin AQShning uchta asosiy hujjati – Mustaqillik deklaratsiyasi, Konstitutsiya va 1783-yilgi Parij tinchlik shartnomasini imzolagan yagona insondir.

1893-yili Tinch okeanidagi Gavayi orollarida davlat to‘ntarishi yuz berib, qirolicha Liliuokala taxtdan ag‘darildi. Bu harakat amerikalik shakar plantatorlari va biznesmenlar tomonidan uyushtirilgan bo‘lib, monarxiyaning tugatilishiga olib keldi. Mazkur...

Kursiv Uzbekistan 16-yanvar kuni e’lon qilingan muhim yangiliklarni bir joyga jamladi.

Chiqindi xizmatidan qarzdor abonentlar ogohlantirish oldi

Chiqindi xizmatidan qarzdor abonentlarga rasmiy ogohlantirish yuborildi. 15-yanvar holatiga ko‘ra, mamlakat bo‘ylab chiqindi xizmatlari bo‘yicha 9,3 mlrd so‘m debitor qarzdorlik mavjud. Shu munosabat bilan 118,6 ming nafardan ortiq abonentlarga «Hududiy elektr tarmoqlari» AJning «2100» qisqa raqami orqali SMS-ogohlantirishlar yuborilgan.

Mahkumlarga masofadan videomuloqot qilish huquqi berildi

Mahkumlar masofali video-uchrashuv orqali muloqot qilish huquqiga ega bo‘ldi. 2026-yil 15-yanvar kuni qabul qilingan qonun Jinoyat-ijroiya kodeksiga o‘zgartirish va qo‘shimchalar kiritdi. Unga ko‘ra, ozodlikdan mahrum etilgan mahkumlar o‘z shaxsiy mablag‘lari hisobiga 15 daqiqa davom...

Rossiyada migrantlar bilan bog‘liq qonunchilik choralari yana og‘irlashtirilmoqda. Bu haqda Rossiya Davlat dumasi vitse-spikeri va migratsiya siyosati bo‘yicha komissiya raisi Irina Yarovaya ma’lum qildi.

Unga ko‘ra, migrantlarning majburiy tibbiy ko‘rikdan bo‘yin tovlashiga beriladigan jarimalarni 12 barobar oshirish taklif qilinmoqda. Jarimalar miqdori 25 mingdan 50 ming rublgacha (taxminan 320 – 640 ) bo‘lishi mumkin.

Uning so‘zlariga ko‘ra, Davlat dumaga noqonuniy migratsiyaga qarshi choralar ko‘rish va fuqarolarning sog‘lig‘ini himoya qilishga qaratilgan uchta qonun loyihasi kiritilgan. Ushbu hujjatlar nafaqat migrantlar, balki tibbiy tashkilotlar uchun javobgarlikni kuchaytirishni nazarda tutadi. Agar migrant tibbiy ko‘rikdan bo‘yin tovlasa, sud qaroriga binoan Rossiyadan deportatsiya qilinishi mumkin.

Silk Avia 2026-yil 1-fevraldan boshlab ichki yo‘nalishlar bo‘yicha tariflarni oshiradi. Bu haqda aviakompaniya rasmiy sahifasida ma’lum qilindi.

Yangilangan tariflar o‘rtacha 7-7,5 foizga ko‘tarilgan bo‘lib, chiptalar aviakompaniya saytida, barcha aeroportlarda va Uzbekistan Airways Sales filiallarida sotuvga qo‘yilgan.

Ma’lumot uchun, narxlar bir tomonga hisoblangan. Yo‘lovchilarga sayohatlarini rejalashtirishda ushbu o‘zgarishlarni inobatga olish tavsiya qilinadi.

Eslatib o‘tamiz, avvalroq 1-fevraldan «Afrosiyob» poyezdlari chiptalari 15 foizga qimmatlashishi haqida yozgan edik.

Xitoyning Toyota kompaniyasidagi asosiy hamkori GAC 2026-yilda Rossiya bozoriga yangi avtomobil modellari bilan chiqadi. Bu haqda Autostat nashri ma’lum qildi.

GAC Motor Rossiya bosh direktorining o‘rinbosari Yan Syaolin ma’lum qilganidek, kompaniya yil davomida to‘rtta yangi modelni taqdim etadi. Asosiy yangilik sifatida GAC S7 krossoveri bo‘lib, u brendning yangi premium avtomobil liniyasini ochadi.

Model hozirda Rossiyada sertifikatlash jarayonidan o‘tmoqda. Avtomobilning o‘lchamlari 4900 x 1950 x 1780 mm va g‘ildiraklar orasidagi masofa 2880 mm bo‘lib, 1,5 litrlik turbo dvigatelga asoslangan gibrid tizimi bilan taklif qilinadi.

Bundan tashqari, yil davomida Rossiya bozorida GAC S9 flagman gibrid krossoveri, GAC Aion V...

TikTok kelasi haftalarda Yevropa bo‘ylab yangi yosh aniqlash tizimini ishga tushiradi. Bu tizim 13 yoshgacha bo‘lgan bolalarga tegishli hisoblarni aniqlaydi va o‘chirib tashlaydi, deya yozmoqda Reuters.

Texnologiya foydalanuvchi profil ma’lumotlari, videolar va xulq-atvor signallarini tahlil etib, akkaunt egasining yoshini bashorat qiladi. Belgilangan akkauntlar mutaxassis moderatorlar tomonidan ko‘rib chiqiladi.

Yevropa davlatlari foydalanuvchilarning yoshini aniqlash bo‘yicha qat’iy ma’lumotlarni himoya qilish qoidalariga rioya etilishini nazorat qilmoqda. Buyuk Britaniyada o‘tkazilgan sinov natijasida 13 yoshdan kichik minglab hisoblar o‘chirildi.

TikTok yangi texnologiyani aynan Yevropa tartibga soluvchi talablariga mos ravishda ishlab chiqqan va tizimni Irlandiyaning Ma’lumotlarni himoya qilish komissiyasi bilan hamkorlikda yaratgan. Tizim yuz...

AvtoVAZ kompaniyasi Lada Granta modelini avtomat uzatmalar qutisi bilan ishlab chiqarishni rejalashtirmayapti. Bu haqda kompaniyaning mahsulot marketingi rahbari Sergey Kornienko ma’lum qildi.

Kornienko kompaniya Lada Iskra modelida katta salohiyat ko‘rayotganini ta’kidladi. Uning so‘zlariga ko‘ra, agar hozirgi Lada Granta modeliga avtomat uzatma qo‘shilsa, tannarx oshib ketadi va Lada Iskra bilan narx farqi sezilarli darajada qisqaradi.

«Hozirda ko‘proq e’tiborimiz LADA Iskra’ga qaratilgan. Biz unda ko‘proq imkoniyatlarni ko‘ryapmiz. Agar hozirgi LADA Granta’ga avtomat qo‘shilsa, ma’lum vaqt o‘tadi, tannarx ham oshadi va ehtimol Iskra’ning avtomatli versiyasidan narxdagi farqi juda kam bo‘lib qoladi», – dedi marketing rahbari.

Eslatib o‘tamiz...

Havo haroratining keskin pasayishi munosabati bilan energetika tizimi kuchaytirilgan ish rejimiga o‘tkaziladi. Bu haqda Energetika vazirligi ma’lum qildi.

16-yanvardan boshlab yurtimizda havo harorati keskin pasayishi kutilmoqda. Shu munosabat bilan yoqilg‘i-energetika tizimi sovuq ob-havo sharoitida barqaror ishlash bo‘yicha tegishli chora-tadbirlar amalga oshirilmoqda. Elektr, issiqlik va gaz tarmoqlarida qo‘shimcha texnik ko‘riklar o‘tkazilib, ishlab chiqarish va yetkazib berish quvvatlari mavjud sharoitga moslashtirildi.

Mas’ul xizmatlar 24/7 rejimida ish olib bormoqda. Sovuq kunlarda energiyaga bo‘lgan talab ortadi. Ayrim hududlarda vaqtinchalik texnik cheklovlar bo‘lishi mumkin. Bunday holatlarda aholi va ijtimoiy obyektlarni barqaror ta’minlash ustuvor vazifamiz bo‘ladi.

Iste’molchilarga elektr va gazdan oqilona foydalanish, isitish uskunalarini...

O‘zbekistonda mahkumlarning jazoni o‘tash tartibini takomillashtirishga qaratilgan qonunchilikka o‘zgartirish va qo‘shimchalar kiritildi. Bu haqda Adliya vazirligi ma’lum qildi.

Qonun bilan ayrim qonun hujjatlariga o‘zgartirishlar kiritildi. Unga ko‘ra, Jinoyat-ijroiya kodeksining 73-moddasi 4-qismida nazarda tutilgan shaxslar (umrbod ozodlikdan mahrum etilganlar bundan mustasno) jazoni o‘tash davrida belgilangan tartibda tasdiqlangan adabiyotlar ro‘yxatidagi kitoblarni o‘qiganligi tasdiqlansa, jazoni o‘tash muddati qisqartirilishi mumkin.

Muddati har bir o‘qilgan kitob uchun 3 kunga, biroq bir yil davomida ko‘pi bilan 30 kungacha qisqartirilishi belgilandi. Kitob o‘qiganlik fakti mahkumning jazoni ijro etish muassasasi ma’muriyatiga bergan arizasiga asosan, muassasa xodimlari, jamoatchilik vakillari va boshqa mutasaddilardan iborat komissiya tomonidan aniqlanadi.

Komissiya...

Xitoy rahbari Si Szinpin va Kanada bosh vaziri Mark Karni Pekinda bo‘lib o‘tgan uchrashuvdan so‘ng o‘zaro savdo tariflarini pasaytirish haqida e’lon qildi. Bu haqda Reuters agentligi xabar bermoqda.

Yangi kelishuvga ko‘ra, Xitoy 1-martga qadar Kanada raps yog‘iga qo‘yilgan bojlarni 85 foizdan 15 foizga tushiradi. O‘z navbatida, Ottava Xitoy elektromobillariga 6,1 foizli stavka bo‘yicha soliq solishga rozi bo‘lgan. Ta’kidlash joizki, 2024-yilda Kanada AQSh bilan birga Xitoy elektromobillariga 100 foizlik boj joriy etgan edi.

Mark Karni deyarli o‘n yil ichida Xitoyga tashrif buyurgan birinchi Kanada rahbari bo‘ldi. Si Szinpin munosabatlardagi ushbu o‘zgarishni olqishladi. AQSh Kanadaning eng yirik savdo hamkori bo‘lib, 2024-yilda...

Avvalroq Taftish.uz internet nashrining 5 nafar xodimi protsessual tartibda ushlangandi. Ichki ishlar vazirligi ushbu ommaviy axborot vositasining vakillari nega qo‘lga olingani bo‘yicha izoh berdi.

Vazirlikning yozishicha, nashrning norasmiy rahbari G‘ayrat Aberayev va muxbirlar murojaatchilarni aldash bilan bir qatorda, fuqarolarni obroʻsizlantiruvchi yoki boshqa usulda sharmanda qiluvchi videolarini tarqatish bilan tahdid qilib yoki shunday videolarni internet orqali eʼlon qilinganidan keyin, oʻchirib berish evaziga fuqarolardan pul talab qilish bilan shugʻullanib kelgan. Jumladan, 2025-yilning noyabr oyida Azizjon Yuldashev va Dilshod Nishonov Aberayevning topshirigʻiga ko‘ra, «Chilonzor buyum savdo kompleksi» rahbariyati bilan mazkur hududdan doʻkon sotib olgan fuqaro oʻrtasidagi kelishmovchilik haqida bozor ma’muriyatini obroʻsizlantiruvchi...

Specialty Vehicle Engineering (SVE) kompaniyasi 2026-yil uchun mo‘ljallangan SXR Series Supercharged Cadillac Escalade va Escalade ESV modellarini taqdim etdi. GM Authority’ga ko‘ra, ushbu hashamatli yo‘ltanlamaslar kuch va tezlik borasida mutlaqo yangi darajani namoyish etadi.

Yangi SXR Series ikki xil variantda taklif etiladi: 6,2 litrli V8 dvigatelli 800 ot kuchi va 6,8 litrli V8 dvigatelli 1 000 ot kuchiga ega talqin. Modellar oddiy va uzun kuzovli (ESV), shuningdek, orqa yoki to‘liq uzatmali bo‘lishi mumkin. Dvigatel ichki qismlari to‘liq qayta ishlanib, supercharger va maxsus zanglamas po‘latdan yasalgan chiqarish tizimi o‘rnatilgan.

SVE kuchni yanada silliq uzatish uchun Boost-By-Wire tizimini ishlab chiqqan. Bu...

Xitoy 2026-yildan boshlab Rossiyadan elektr energiyasi xaridini to‘liq to‘xtatadi. Qaror shartnomalarda belgilangan minimal 12 MVt quvvat talablari mavjud bo‘lishiga qaramay qabul qilindi. Bu haqda Kommersant xabar berdi.

Sababi shundaki, Xitoyda eksport narxi birinchi marta ichki tariflardan oshib ketdi, bu esa importni Xitoy tomoni uchun foydasiz qildi. Xitoyda ichki narxlar MVt/soat uchun taxminan 350 yuan (taxminan $50,2) miqdorida barqaror qolmoqda. Rossiyaning Uzoq Sharqida yagona tarif narxi (quvvat plyus energiya) yanvar oyida MVt/soat uchun 4300 rublga ($55,7) yetishi mumkin – bu bozorni liberallashtirish va tariflarning tezlashishi tufayli 42 foizga o‘sishni anglatadi.

Eksport operatori va Xitoy Davlat elektr tarmoqlari korporatsiyasi o‘rtasidagi shartnoma...

«O‘zbekiston temir yo‘llari» AJ yuqori tezlikda harakatlanuvchi «Afrosiyob» elektropoyezdlari uchun chipta narxlari 2026-yil 1-fevraldan boshlab 15 foizga oshirilishini ma’lum qildi.

Unga ko‘ra, chipta narxlarining oshirilishiga elektropoyezdlarga texnik xizmat ko‘rsatish va ehtiyot qismlar xarajatlarining ko‘payishi, elektr energiyasi hamda ekspluatatsiya xarajatlarining oshgani, harakat xavfsizligini to‘liq ta’minlash va xalqaro standartlar darajasida xizmat ko‘rsatishni davom ettirish zarurati sabab bo‘lgan.

Shuningdek, infratuzilmani saqlash va doimiy modernizatsiya qilish ishlari ham narxlarni qayta ko‘rib chiqishga ta’sir qilgan.

Yangilangan tariflar

Shu bilan birga, «Sharq», «Nasaf» va «O‘zbekiston» yo‘lovchi poyezdlari chiptalari narxlari ham 15 foizga oshirilgani ma’lum qilindi.

Avvalroq «Kursiv» nashri Talgo kompaniyasi O‘zbekistonda tezyurar poyezdlarni...

Zeekr kompaniyasi Zeekr 007 va Zeekr 007 GT elektromobillarining yangi versiyalarini chiqarishni rejalashtirayotganini ma’lum qildi. Avtomobillar 2026-yilning ikkinchi choragida bozorga chiqishi kutilmoqda.

Ma’lumotlarga ko‘ra, yangi modellar keyingi avlod Nvidia Drive Thor-U haydovchiga yordam tizimi chipi hamda 900 voltli yuqori kuchlanishli arxitektura bilan jihozlanadi. Bu esa tezroq zaryadlanish, energiya samaradorligi va avtopilot tizimlarining yanada barqaror ishlashini ta’minlashi kerak. Aniq texnik konfiguratsiyalar rasmiy taqdimotdan keyin e’lon qilinadi.

Eslatib o‘tamiz, Zeekr 2025-yil oktabr oyida 900 voltli arxitekturaga ega yangilangan Zeekr 001 modelini taqdim etgan edi. Ushbu model yulduzli osmon panoramali tomi bilan ajralib turadi. Shu bilan birga, Zeekr 007 (2025) H...