Yangiliklar

Osiyo taraqqiyot banki (OTB) va «Masdar» kompaniyasi Qashqadaryo viloyati Guzar shahrida yirik quyosh energetikasi loyihasini amalga oshirish uchun $30 mln miqdorida moliyalashtirish shartnomasini imzoladi.

Loyiha doirasida 300 megavatt quvvatga ega quyosh elektr stansiyasi hamda 75 megavatt-soat sig‘imdagi energiya saqlash tizimi (akkumulyator batareyalari) quriladi. Bundan tashqari, quyosh energiyasini milliy elektr tarmog‘iga ulash uchun 1,6 kilometr elektr uzatish liniyasi va 220 kilovoltlik podstansiya barpo etiladi.

Moliyalashtirishning $12,5 millioni OTB krediti, $12,5 millioni Osiyoda xususiy infratuzilmani rivojlantirish jamg‘armasi (LEAP 2) jamg‘armasi krediti va $5 millioni Kanada iqlim va tabiat jamg‘armasi (CANPA) hisobidan ajratiladi. Ushbu jamg‘armalarning barchasi OTB tomonidan boshqariladi.

Loyiha ishga tushirilgach...

Mashhur mobil o‘yin Subway Surfers’ning davomi rasman e’lon qilindi. Bu haqda SYBO studiyasi rasmiy sahifasida xabar berdi.

SYBO studiyasi yangi loyihani Subway Surfers City nomi ostida taqdim etdi. O‘yin iOS va Android platformalarida 26-fevral kuni ishga tushiriladi.

Yangi qismda o‘yin konsepsiyasi sezilarli darajada o‘zgargan. Agar original Subway Surfers dunyo bo‘ylab sayohatga asoslangan bo‘lgan bo‘lsa, endi voqealar Subway City deb nomlangan doimiy megapolisda kechadi. Ushbu shahar ko‘p madaniyatli markaz sifatida tasvirlangan bo‘lib, u to‘rtta asosiy hududga bo‘lingan: Doki, Sautline, Sunrise Boulevard va Delorian Park.

O‘yin jarayoniga bir qator yangi mexanikalar qo‘shilgan. Jumladan, tezlashtiruvchi panellar, maxsus oyoq zarbasi (stomp) hamda sakrab...

Kumush narxlari AQShning asosiy minerallarga import bojlarini joriy qilmaslik to‘g‘risidagi qaroridan so‘ng investorlar foyda ko‘rishlari ortidan pasaydi. Bu haqda Bloomberg xabar berdi.

Kumush narxi $93,7 lik rekord darajaga yetganidan so‘ng 7,3 foizga pasayib, bir unsiya uchun $87,7 ni tashkil etdi. Metall so‘nggi to‘rtta savdo sessiyasida 20 foizdan ortiqqa oshdi. Oltin ham pasaydi.

AQSh prezidenti Donald Tramp muhim minerallarning barqaror yetkazib berilishini ta’minlash va minimal narxlarni belgilash uchun ikki tomonlama kelishuvlar bo‘yicha muzokaralar olib borish rejalarini e’lon qildi, garchi u tariflar ehtimolini istisno qilmagan bo‘lsa ham. Tariflar bilan bog‘liq xavotirlar AQSh omborlarida kumush kabi ba’zi ta’minotni saqlab qolmoqda, bu...

UzAuto Motors kompaniyasining soliq tushumlari 42 foizga pasaygan. Bu haqda Soliq qo‘mitasi ma’lum qildi.

Kompaniya o‘tgan yilning 11 oyida 1,88 trln so‘m soliq to‘lagan. Ko‘rsatkich 2024-yilda 3,2 trln so‘m edi. 2025 yil yanvar – noyabr oylarida ishlab chiqarish sohasida eng yirik soliq to‘lovchilardan tushumlar o‘tgan yilga nisbatan keskin kamaydi. Davlat soliq qo‘mitasi ma’lumotlariga ko‘ra, TOP-20 korxonaning umumiy soliq tushumlaridagi ulushi 20,8%ni tashkil qildi. 2024 yilning shu davrida bu ko‘rsatkich 41,4% edi.

Eng yirik soliq to‘lovchi «O‘zbekneftgaz» AJ 2025-yil yanvar – noyabrda 3,44 trln so‘m soliq to‘ladi. Bu o‘tgan yilning mos davriga nisbatan 585,9 mlrd so‘mga kam.

«Uzbat» AO tomonidan...

Qozog‘istonda 5 o‘rindiqli Chery C8 nomli yangi va nisbatan arzon krossover savdosi boshlandi. Bu haqda Kolesa.kz nashri xabar berdi.

Modelning boshlang‘ich narxi 9,49 mln tengeni (taxminan $19,5 ming) tashkil etadi. Ushbu avtomobil oilaviy foydalanish uchun mo‘ljallangan bo‘lib, jihozlari bilan e’tiborni tortmoqda.

Chery C8 ilk bor 2025-yil oxirida Qozog‘iston bozori uchun e’lon qilingan edi. Amalda u mahalliy haydovchilarga yaxshi tanish bo‘lgan Tiggo 8 Pro’ning soddalashtirilgan va arzonlashtirilgan talqini hisoblanadi. Model AMMKZ multibrend zavodida mahalliy yig‘uvdan chiqarilmoqda.

Dizayn va o‘lchamlar

Tashqi ko‘rinishda Chery C8 Tiggo 8 Pro’ga juda o‘xshash. Biroq u original disklar, radiator panjarasi va bamperlari bilan farqlanadi. Krossoverning...

Aholining kitobxonlik darajasini oshirish va yosh ijodkorlarni rag‘batlantirish maqsadida Kitobxonlik madaniyatini rivojlantirish jamg‘armasi tashkil etiladi. Bu haqda Adliya vazirligi ma’lum qildi.

Unga ko‘ra, «Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora-tadbirlari to‘g‘risida»gi prezident qarori asosida 2026 – 2030-yillarda har bir kishining yiliga o‘qiydigan kitoblar soni o‘rtacha 10 taga yetkazish maqsadi belgilandi.

Qarorga muvofiq, Yoshlar ishlari agentligi huzurida Kitobxonlik madaniyatini rivojlantirish jamg‘armasi tashkil etiladi va uning vasiylik kengashi tarkibi tasdiqlandi. Jamg‘arma mablag‘lari quyidagi yo‘nalishlarda sarflanishi belgilandi:

BYD kompaniyasi Ocean seriyasidagi ikki yangi flagman model Seal 08 sedan va Sealion 08 SUV avtomobillarini rasman tasdiqladi. CarNewsChina’ga ko‘ra, yangi modellar Xitoyda 2026-yilning birinchi choragida taqdim etilishi rejalashtirilgan.

Ushbu avtomobillar Ocean 8 liniyasini BYD’ning Ocean oilasidagi eng yuqori darajadagi modellarga aylantiradi. Hozircha BYD Seal 08 va Sealion 08 modellari bo‘yicha narxlar, texnik xususiyatlar va dvigatel turlari haqida ma’lumot bermagan. Rasmiy e’lon qilingan yagona materiallar teaser suratlar.

E’lon qilingan tasvirlarga ko‘ra, Seal 08 o‘rta va yirik toifadagi, sport uslubidagi tom qismiga ega sedan bo‘ladi. Sealion 08 esa balandroq va burchakli dizaynga ega o‘rta-yirik SUV sifatida namoyon bo‘lmoqda.

BYD’ning...

Osiyo futbol konfederatsiyasi 2026-yilgi U-17 Osiyo kubogi final bosqichiga qur’a tashlash marosimi 12-fevral kuni Kuala-Lumpur shahrida o‘tkazilishini ma’lum qildi. Bu haqda O‘zbekiston futbol assotsiatsiyasi xabar berdi.

Musobaqa joriy yilning 14 – 31-may kunlari Saudiya Arabistonida bo‘lib o‘tadi. Qur’a jarayonida ishtirokchi jamoalar to‘rtta savatchaga ajratiladi. O‘zbekiston U-17 terma jamoasi musobaqaning amaldagi g‘olibi sifatida birinchi savatchadan o‘rin olgan.

Mazkur turnir noyabr oyida Qatarda bo‘lib o‘tadigan 17 yoshgacha bo‘lgan futbolchilar o‘rtasidagi FIFA Jahon chempionatiga saralash vazifasini o‘taydi. Reglamentga ko‘ra, Osiyo kubogining eng yaxshi 8 ta jamoasi 2026-yilgi mundial yo‘llanmasini qo‘lga kiritadi.

Avvalroq Kursiv Uzbekistan U-17 Jahon chempionatida O‘zbekiston Italiyaga mag‘lub bo‘lib, musobaqa...

Salkam 17 ming muxlis 2026-yilgi FIFA Jahon chempionati chiptalarini qaytarib berdi. Bu haqda Iordaniyaning Roya News portali xabar berdi.

Portal ma’lumotlariga ko‘ra, chiptalarning bekor qilinishi muxlislarning shaxsiy xavfsizligi borasidagi xavotirlari, shuningdek, Jahon chempionati mezbon davlatlaridan biri bo‘lgan Qo‘shma Shtatlardagi siyosiy vaziyat bilan bog‘liq.

Ta’kidlanishicha, yangi boykot to‘lqini AQSh prezidenti Donald Trampning bayonotlari va AQSh rasmiylarining xalqaro miqyosda, jumladan, Venesuela va Meksikaga nisbatan harakatlaridan keyin kuchaygan.

Keng tarqalgan chiptalar bekor qilinishi fonida FIFA bu hafta favqulodda yig‘ilish o‘tkazishni rejalashtirdi. Tashkilot rahbariyati turnir oldidan chiptalar savdosining pasayishi, muxlislarning xavfsizlik borasidagi xavotirlariga oid xavflarni muhokama qilishi kutilmoqda.

2026-yilgi FIFA Jahon...

Xitoyda 2025-yil yakunlariga ko‘ra, eng ko‘p sotilgan avtomobil brendlari ma’lum bo‘ldi. Unga ko‘ra, o‘tgan yilda Xitoy bozorida sotilgan avtomobillarning katta qismi aynan mahalliy brendlarga to‘g‘ri kelgan. Agar 2023-yilda eng mashhur 10 brend ichida atigi 4 tasi Xitoyniki bo‘lgan bo‘lsa, 2025-yilga kelib ularning soni 6 taga yetdi.

BYD yetakchi, ammo savdo pasaydi

2025-yilda ham BYD Xitoydagi eng ommabop avtomobil brendi bo‘lib qoldi. Yil davomida 3,1 million dona avtomobil sotilgan bo‘lsa-da, bu ko‘rsatkich 2024-yilga nisbatan 11,9 foizga kam. Natijada BYD’ning bozor ulushi 15,3 foizdan 12,99 foizga tushdi. Kompaniya rahbariyati buni bozordagi raqobatning keskin kuchaygani bilan izohladi.

Volkswagen va...

Eron so‘nggi qirolining o‘g‘li Rizo Pahlaviy mamlakatdagi davomli noroziliklar fonida o‘zini o‘tish davri rahbari sifatida taklif qilmoqda. Bu haqda Deutsche Welle xabar bermoqda.

Deyarli yarim asrdan beri AQShda surgunda yashayotgan Pahlaviy Eron xalqini o‘z kelajagini erkin va adolatli saylovlar orqali mustaqil belgilashga chaqirmoqda. U amaldagi rejim ag‘darilgan taqdirda mamlakatni boshqarish uchun maxsus guruh tuzishni va birinchi imkoniyat tug‘ilishi bilan vatanga qaytishni rejalashtirayotganini ma’lum qildi.

Shahzoda kelajakdagi Eronni din davlatdan ajratilgan dunyoviy va demokratik davlat sifatida ko‘rishini ta’kidlagan. 2025-yil iyun oyida Isroil va Eron o‘rtasidagi 12 kunlik urush paytida Pahlaviy muvaqqat hukumat rahbari bo‘lish taklifini ilgari surgandi.

AQShda Chevrolet Malibu avtomobillariga o‘rnatilgan noqonuniy airbaglar sabab bir necha halokatli avariyalar qayd etildi. Federal regulyatorlar xabariga ko‘ra, National Highway Traffic Safety Administration (NHTSA) Xitoydan noqonuniy olib kirilgan airbaglar tufayli jiddiy xavf mavjudligi haqida shoshilinch ogohlantirish e’lon qildi.

Reuters ma’lumotiga ko‘ra, o‘tgan oy ikki nafar haydovchi alohida yo‘l-transport hodisalarida halok bo‘lgan. Har ikkala holatda ham avariya omon qolish mumkin bo‘lgan darajada bo‘lgan, biroq airbag shishishi vaqtida portlab, metall bo‘laklar salon ichiga sochilgan.

NHTSA ma’lumotiga ko‘ra, ushbu airbag inflatorlari Xitoyning Jilin Detiannuo Automobile Safety System kompaniyasi tomonidan ishlab chiqarilgan. Tekshiruv davomida shu turdagi ehtiyot qismlar ishtirokida kamida 10 ta avariya...

«UzAuto Motors» AJ Chevrolet Tracker va Onix avtomobillarini chegirmali narxlarda taklif qildi. Bu haqda kompaniya o‘zining rasmiy sahifasida ma’lumot berdi.

Unga ko‘ra, ushbu aksiya doirasida Chevrolet Tracker va Onix MY2025 rusumli avtomobillarini 100% to‘lov asosida xarid qilgan mijozlarga amaldagi chegirmalarga qo‘shimcha ravishda maxsus chegirmalar beriladi.

Xususan, Chevrolet Tracker MY2025 avtomobilining barcha komplektatsiyalari uchun 100% to‘lov sharti bilan 12 mln so‘m qo‘shimcha chegirma taqdim etiladi. Bunda komplektatsiyasiga qarab avvaldan amal qilayotgan 22 mln so‘mgacha bo‘lgan chegirmalar ham saqlanib qoladi.

Chevrolet Onix MY2025 modeli bo‘yicha esa 100% to‘lov sharti bilan quyidagi chegirmalar belgilangan: Onix Premier 2 Turbo AT PLUS uchun...

Qora va rangli metall chiqindilarini tayyorlash faoliyati endi litsenziyalanishi belgilandi. Bu haqda Adliya vazirligi ma’lum qildi.

2026-yil 15-yanvar kuni qabul qilingan qonun bilan bir qator hujjatlarga o‘zgartirish va qo‘shimchalar kiritildi. Ushbu o‘zgartirishlarga ko‘ra, qora va rangli metall parcha va chiqindilarini tayyorlash (xarid qilish), qayta ishlash hamda realizatsiya qilish faoliyati litsenziya talablariga bo‘ysunadi. Shu bilan birga, tabiiy gazning ulgurji va chakana savdosi ham litsenziyalash tartibiga kiritildi.

Litsenziya olishda davlat boji miqdorlari ham belgilandi. Jumladan, qora va rangli metall chiqindilarini tayyorlash, qayta ishlash va realizatsiya qilish faoliyati uchun boj BHMning 10 barobarida etib belgilandi. Tabiiy gazning ulgurji va chakana savdosi...

Geely kompaniyasi Galaxy Cruiser nomli yangi krossoverining seriyali versiyasi bozorga chiqishini rasman tasdiqladi. Bu haqda «Kitayskiy avtomobil» nashri xabar berdi.

2025-yili Shanxay avtosalonida konsept-kar sifatida namoyish etilgan model 2026-yil oxirigacha sotuvga chiqarilishi kutilmoqda.

Kompaniya ma’lumotiga ko‘ra, Galaxy Cruiser global model bo‘ladi. Avtomobil dastlab Xitoy bozorida taqdim etiladi, keyinchalik esa boshqa mamlakatlarga, jumladan Buyuk Britaniyaga ham eksport qilinadi. Geely ushbu krossoverni Land Rover Defender va Mercedes-Benz G-Class’ga muqobil sifatida ko‘rmoqda.

Shuningdek, yangi model SEA-R modulli platformasi asosida ishlab chiqiladi. Ushbu platforma yo‘ldan tashqarida harakatlanish uchun moslashtirilgan bo‘lib, sinov jarayonlarida yuqori natijalarni ko‘rsatgan. Galaxy Cruiser to‘liq uzatmali parallel gibrid tizim bilan...

Tijorat banklari 16-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

O‘zbekistonlik shaxmatchi Nodirbek Abdusattorov chess.com platformasidagi saralash turnirida g‘alaba qozonib, FIDE Freestyle Chess World Championship musobaqasiga yo‘llanmani qo‘lga kiritdi. Bu haqda O‘zbekiston shaxmat federatsiyasi xabar bermoqda.

Abdusattorov rasmiy Play-In turnirining hal qiluvchi bahsida hindistonlik Pranav Venkateshni 2:0 hisobida mag‘lub etdi. Mazkur musobaqa FIDE va Freestyle Chess hamkorligida tashkil qilinayotgan ilk rasmiy jahon chempionati hisoblanadi.

Asosiy turnir 13 – 15-fevral kunlari Germaniyaning Vayssenxaus shahrida bo‘lib o‘tadi. Germaniyadagi turnirda qatnashadigan sakkiz nafar shaxmatchi ro‘yxati to‘liq shakllandi. E’tiborlisi, ishtirokchilar orasida yana bir o‘zbekistonlik grossmeyster Javohir Sindorov ham bor.

Asosiy tarkibda dunyoning eng kuchli shaxmatchilari jamlangan. Turnir ishtirokchilari ro‘yxati quyidagicha: Magnus Karlsen (Norvegiya...

Xitoyda Audi kompaniyasining mutlaqo yangi Audi A6L avtomobili namoyish etildi. Model brend uchun Xitoy bozorida strategik ahamiyatga ega hisoblanadi.

Ma’lum qilinishicha, narxlar va komplektatsiyalar keyinroq e’lon qilinadi. Yangi Audi A6L benzinli avtomobillar uchun mo‘ljallangan PPC platformasida ishlab chiqildi. Ushbu platforma Audi A5L va yangi Q5L modellarida ham qo‘llaniladi. PPC’ning asosiy ustunligi E3 1.2 elektron arxitekturasi bilan chuqur integratsiyadir. Shu orqali Audi’ning benzinli modellarida ilk bor Huawei Qiankun aqlli haydovchiga yordam tizimi paydo bo‘ldi.

Avtomobil ikkita lidar bilan jihozlangan. Yordamchi tizim trassada yarim avtonom harakatlanishni, parkovka manevrlarini yodlab qolishni, bo‘sh joylarni topishni va masofadan turib parkovka qilishni qo‘llab-quvvatlaydi.

Eksteryer dizaynida...

Xitoyning Wuling brendi yangi Wuling Xingguang 560 krossoverini taqdim etdi. Bu haqda Autohome nashri xabar bermoqda.

Wuling Xingguang 560 uch xil kuch qurilmasi bilan taklif qilinadi. Benzinli versiya mexanik uzatma bilan 59,8 ming yuan ($8,6 ming), variatorli talqin esa 72,8 ming yuan ($10,4 ming) qilib belgilangan. Gibrid versiya 88,8 ming yuanga baholangan.

Krossoverning o‘lchamlari 4745×1850×1755 mmni tashkil etadi. G‘ildirak bazasi 2810 mm bo‘lib, bu ko‘rsatkich Monjaro‘dan bir necha santimetrga kichik. Barcha versiyalar 18 dyuymli disklar bilan jihozlangan.

Old osma McPherson turida, orqa qismi ko‘p richagli. Salonida 12,8 dyuymli multimedia ekrani mavjud. Old o‘rindiqlar 180 daraja yotqiziladi. Orqa o‘rindiqlar...

Mahkumlar masofali video-uchrashuv orqali muloqot qilish huquqiga ega bo‘ldi. Bu haqda Adliya vazirligi ma’lum qildi.

2026-yil 15-yanvar kuni qabul qilingan qonun Jinoyat-ijroiya kodeksiga o‘zgartirish va qo‘shimchalar kiritdi. Unga ko‘ra, ozodlikdan mahrum etilgan mahkumlar o‘z shaxsiy mablag‘lari hisobiga 15 daqiqa davom etuvchi masofali video-uchrashuv yoki telefon orqali muloqot qilish huquqiga ega bo‘ladi.

Ma’lumot uchun, avval mahkumlar 15 daqiqa davom etuvchi telefon orqali bir marta so‘zlashish huquqiga ega bo‘lgan.

Eslatib o‘tamiz, avvalroq O‘zbekistonda notarial harakatlar videokonferensiya orqali ham amalga oshirilishi haqida xabar bergan edik.

Xiaomi Android 15 va Android 16 asosidagi HyperOS 3.0 ning barqaror versiyasini chiqarishda davom etmoqda, ammo barcha smartfonlar ham ushbu beta versiyada yangilana olmaydi. Bu haqda XiaomiTime ma’lumot berdi.

Unga ko‘ra, ba’zi modellar, dastlabki sinovlarda ishtirok etganiga qaramay, operatsion tizimning oldingi versiyalarida qolishi mumkin.

So‘nggi bir necha oy ichida HyperOS 3.0 flagmanlardan tortib budjet modellarigacha bo‘lgan ko‘pgina mos keladigan qurilmalarga o‘rnatildi. Biroq ba’zi smartfonlar uchun yangilanish jarayoni amalda to‘xtab qoldi. Masalan, Xiaomi 13 Lite, POCO F5 va POCO F5 Pro ikki oydan ortiq vaqt davomida yangi sinov versiyalarini olmagan. Xiaomi 13T hali ham ichki alfa sinovdan o‘tkazilmoqda.

Xitoy...

AQSh Davlat departamenti 75 mamlakat, jumladan, O‘zbekiston uchun ham immigratsiya vizalarini vaqtincha to‘xtatishga qaror qilgandi. O‘zbekiston Tashqi ishlar vazirligi matbuot kotibi Axror Burxanov Kursiv Uzbekistan’ga bu bo‘yicha ma’lumot berdi.

Uning aytishicha, ro‘yxatda O‘zbekiston bor bo‘lsa ham, lekin hali hech qanday cheklovlar o‘rnatilmagan. Fuqarolarga viza berish tizimi oldin qanday ishlagan bo‘lsa, hozir ham shu tarzda davom etmoqda.

15-yanvar kuni Shavkat Mirziyoyev raisligida bo‘lib o‘tgan Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida O‘zbekistonning AQShdagi elchisi Furqat Siddiqovga Qo‘shma Shtatlardagi mavsumiy ishchilar jalb qilinadigan davlatlar ro‘yxatiga O‘zbekistonni kiritish bo‘yicha muzokaralar o‘tkazish topshirildi.

Ma’lumot uchun, AQShning immigratsion vizasi...

Yevropa davlatlari Grenlandiyada harbiy mavjudlikni kuchaytirishga kirishdi. Daniya esa NATO hududida mavjudlikni ta’minlash rejalarini davom ettiradi, deya yozmoqda Reuters agentligi.

Daniya Grenlandiyada xavfsizlikni mustahkamlash maqsadida NATO hamkorlari bilan harbiy mashg‘ulotlarni rejalashtirmoqda. Shu munosabat bilan Germaniya, Fransiya, Shvetsiya, Norvegiya, Finlyandiya va Niderlandiya hududga harbiy xizmatchilarni yuborib, mashg‘ulotlarga tayyorgarlikni boshladi. Bu chora AQSh, Daniya va Grenlandiya rasmiylari uchrashuvida kelishuvga erishilmagan kunning ertasigayoq qo‘llab-quvvatlandi.

Grenlandiyaning strategik joylashuvi va tabiiy resurslarga boyligi hisobga olinib, AQSh prezidenti Donald Tramp hududni milliy xavfsizlik nuqtai nazaridan muhim deb atadi va kuch ishlatish imkoniyatini inkor etmadi. Daniya va Grenlandiya esa hudud sotilmasligini va kuch...

Chiqindi xizmatidan qarzdor abonentlarga rasmiy ogohlantirish yuborildi. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.

15-yanvar holatiga ko‘ra, mamlakat bo‘ylab chiqindi xizmatlari bo‘yicha 9,3 mlrd so‘m debitor qarzdorlik mavjud. Shu munosabat bilan 118,6 ming nafardan ortiq abonentlarga «Hududiy elektr tarmoqlari» AJning «2100» qisqa raqami orqali SMS-ogohlantirishlar yuborilgan.

Qayd etilishicha, ogohlantirishdan so‘ng 5 kun ichida qarzdorligini bartaraf etmagan abonentlarga elektr energiyasi uchun to‘lov qilish imkoniyati vaqtincha cheklanadi.

Ma’lumot uchun, mazkur tartib 2025-yil 1-iyuldan chiqindi xizmatlari bo‘yicha shakllangan qarzdorliklarga nisbatan joriy etilgan bo‘lib, 2025-yil 1-noyabrdan boshlab oyma-oy qo‘llanib kelinmoqda.

Eslatib o‘tamiz, avvalroq 20 kun ichida respublika...