Yangiliklar

Rossiya iqtisodiy o‘sishi 2025-yilda atigi 0,5 foiz atrofida bo‘ldi hamda bu ko‘rsatkich mutaxassislar va siyosatchilar orasida jiddiy xavotirlarga sabab bo‘ldi. Bu haqda Davlat Dumasining Iqtisodiy siyosat qo‘mitasi raisi birinchi o‘rinbosari Nikolay Arefyev aytdi.

Arefyevning so‘zlariga ko‘ra, rasmiy inflyatsiya 6 foizga yaqinlashmoqda, real ishlab chiqarish o‘sishi esa deyarli yo‘q. Iqtisodiyot sanksiyalar, yuqori asosiy foiz stavkasi va sanoat salohiyatining pasayishi bosimi ostida. O‘tgan yili yopilgan bizneslar soni ochilganlarga qaraganda ikki baravar ko‘p bo‘ldi, bu esa pasayishning davom etayotganidan dalolat beradi.

Deputat narxlarning oshishini mahalliy ishlab chiqarishning yetishmasligi va tobora qimmatlashib borayotgan va arzonlashib borayotgan import tovarlariga qaramlik bilan bog‘ladi. Uning ta’kidlashicha...

So‘nggi kunlarda AQSh dollari qiymatida ketma-ket pasayish kuzatildi. Hafta boshida qisqa muddatli o‘sish qayd etilgan bo‘lsa-da, keyingi kunlarda dollar kursi barqaror ravishda tushib bordi.

12-yanvar kuni dollar 22,53 so‘mga qimmatlashib, 12 131,55 so‘mga yetdi. Bu hafta boshidagi yagona o‘sish bo‘ldi. Shundan so‘ng kurs pastlash yo‘liga o‘tdi.

13-yanvar kuni dollar 32,37 so‘mga arzonlab, 12 099,18 so‘mni tashkil etdi. 14-yanvarda pasayish yanada kuchaydi va kurs 51,14 so‘mga tushib, 12 048,04 so‘m etib belgilandi.

15-yanvar kuni ham dollar qiymati kamayishda davom etdi. Bu kuni kurs 46,33 so‘mga pasayib, 12 001,71 so‘mga tushdi. 16-yanvar kuni esa dollarning navbatdagi pasayishi...

AQSh ma’muriyati 14-yanvar kuni Eronda amalga oshirilishi kerak bo‘lgan 800 ta qatl ijrosi vaqtincha to‘xtatilganini ma’lum qildi. Bu haqda Deutsche Welle xabar bermoqda.

Donald Tramp o‘z manbalariga tayanib Erondagi qatllar to‘xtatilishini ma’lum qilgan, biroq Oq uy rasmiysi ushbu axborotning birlamchi manbasiga aniqlik kiritmadi. Eron sud hokimiyati rahbari G‘ulom Husayn Muhsiniy-Ejeiy namoyishlarda qo‘lga olingan 18 ming kishining ishi tezlashtirilgan tartibda ko‘rib chiqilishi va qisman o‘lim hukmlari chiqarilishi mumkinligiga ishora qilgan bo‘lsa-da, mamlakat Tashqi ishlar vaziri Abbos Arog‘chiy hukumatning odamlarni osish rejasi yo‘qligini bildirdi.

Ayni paytda Eron rasmiylari Iroq bilan chegara hududidagi havo kengliklarini yopishga buyruq bergan, bu esa AQShning ehtimoliy...

Tecno kompaniyasi Spark Go 3 smartfonini rasman taqdim qildi. Bu haqda kompaniya rasmiy saytida ma’lum qildi.

Qurilma atigi $100 narx bilan taklif etilmoqda va budjet segmenti uchun yetarli texnik imkoniyatlarga ega.

Smartfon Unisoc T7250 (T615) protsessori asosida ishlaydi. Ushbu chipset AnTuTu testida qariyb 300 ming ball to‘playdi. Qurilma 4 GB tezkor xotira hamda 64 yoki 128 GB ichki xotira bilan taqdim etiladi.

Tecno Spark Go 3’ning ekrani 6,75 dyuymli bo‘lib, HD+ aniqlikka ega. Asosiy afzalligi — 120 Hz yangilanish chastotasi. Bu ko‘rsatkich ushbu narx toifasidagi smartfonlar uchun kam uchraydi. Batareya sig‘imi 5000 mA·soatni tashkil etadi, quvvatlash esa 15 Vt...

19-yanvar uchun valyutalar kursi yangilandi. Unga ko‘ra, dollar 6,88 so‘mga pasayib, 11 962,78 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi. 13-yanvarda 32,37 so‘mga pasayib, 12 099,18 so‘m, 14-yanvarda 51,14 so‘mga pasayib, 12 048,04 so‘m, 15-yanvarda esa 46,33 so‘mga pasayib, 12 001,71 so‘m etib belgilandi. 16-yanvar kuni ham dollar pasayishda davom etib, 11 969,66 so‘mni tashkil etdi.

Markaziy bank ma’lumotlariga ko‘ra, yevro 40,31 so‘mga pasayib, 13 887,59 so‘mni, rubl 1,38 so‘mga oshib...

iQOO Xitoyda iQOO Z11 Turbo smartfonini rasman taqdim etdi. Bu haqda kompaniya ma’lum qildi.

Asosiy versiya 12/256 GB xotira bilan 2400 yuan yoki $345 ga baholandi. Milliy subsidiyalar bilan esa smartfonni 2040 yuan, ya’ni taxminan $290 ga xarid qilish mumkin.

Qurilma to‘rt xil rangda taqdim etildi. Midnight Black talqinida orqa panel shisha tolali materialdan tayyorlangan. Qolgan ranglarda esa to‘liq shisha qoplama ishlatilgan. Yon ramkasi alyuminiydan yasalgan. Korpus qalinligi 7,9 mm, vazni esa 202 grammni tashkil etadi. Smartfon IP68 va IP69 darajadagi himoyaga ega.

iQOO Z11 Turbo 6,59 dyuymli tekis OLED displey bilan jihozlangan. Ekran 2750×1260 piksellar aniqligiga va...

AQShning Keurig Dr Pepper kompaniyasi JDE Peet’s qahva va choy guruhini $18 mlrdga sotib olish bo‘yicha rasmiy taklif kiritdi. Bu haqda Reuters xabar bermoqda.

Keurig har bir aksiya uchun 31,85 yevro taklif qilmoqda. JDE Peet’s boshqaruvi va aksiyadorlarning 69 foizi ushbu taklifni qabul qilish majburiyatini olganini tasdiqladi. Bitim 2026-yilning ikkinchi choragida to‘liq yakunlanishi kutilmoqda. Rejaga ko‘ra, birlashgan tuzilma keyinchalik ikkita alohida ochiq kompaniyaga: qahva va boshqa ichimliklar biznesiga ajratiladi.

Ushbu yirik xarid global qahva bozorida narxlar rekord darajaga yetgan bir paytda amalga oshirilmoqda. Bunga Braziliya va Vyetnamdagi qurg‘oqchilik hamda AQSh prezidenti Donald Tramp tomonidan savdo hamkorlariga nisbatan kiritilgan import...

Dam olish kunlari arafasida O‘zbekiston hududida ob-havo biroz beqaror bo‘ladi. «O‘zgidromet» shanba kuniga o‘tar kechasi respublikaning katta qismida yog‘ingarchilik kuzatilishini ma’lum qildi.

Bunda avval yomg‘ir yog‘ib, keyinchalik qorga aylanishi mumkin. Farg‘ona vodiysi viloyatlarida esa yomg‘ir kechga tomon boshlanadi.

Shanba kuni kunduzi mamlakat bo‘yicha ob-havo nisbatan barqarorlashadi. Ayrim joylarda asosan qor ko‘rinishidagi yog‘ingarchilik bo‘ladi, ammo uning kuchi kamayadi. Qoraqalpog‘iston Respublikasi va Xorazm viloyatida esa asosan yog‘ingarchiliksiz ob-havo saqlanib turadi.

Yakshanba kuni respublikaning katta qismida yog‘ingarchilik kutilmaydi. Faqat kechasi va ertalab Navoiy, Toshkent, Sirdaryo viloyatlarida hamda Farg‘ona vodiysining ayrim hududlarida biroz qor yog‘ishi mumkin.

Havo harorati shanba va yakshanba kunlari...

Amerikaning Noble Capital investitsiya fondi AQSh federal sudida Rossiya hukumati hamda Moliya vazirligi, Markaziy bank va Milliy farovonlik jamg‘armasiga qarshi da’vo arizasi bilan murojaat qildi. Bu haqda RBK xabar berdi.

Murojaatda 1916-yildan beri Rossiya imperiyasi obligatsiyalari bo‘yicha $225,8 milliardlik majburiyatlarni undirish talab qilingan. Da’vo arizasi Kolumbiya okrugi sudiga topshirildi. Jamg‘arma qarzni 2014 va 2022-yillardagi voqealardan keyin muzlatilgan Rossiya suveren aktivlaridan foydalanib to‘lashni taklif qilmoqda.

Noble Capital o‘zini Nyu-Yorkning National City Banki orqali chiqarilgan 5,5 foiz kuponli $25 millionlik Rossiya Imperial obligatsiyalarining qonuniy egasi deb hisoblaydi. Rossiya imperiyasi 1918-yilda tashqi qarzidan voz kechganiga qaramay, uning xususiy xorijiy investorlar oldidagi...

O‘zbekistonda dabdabali to‘ylarni tartibga solish maqsadida «Milliy tiklanish» demokratik partiyasi raisi Alisher Qodirov hashamat solig‘ini joriy etish kerakligini ma’lum qildi. Bu haqda 16-yanvar kuni partiya tomonidan o‘tkazilgan matbuot anjumanida xabar berildi.

Qodirovning ta’kidlashicha, to‘ylar boylikni ko‘rsatish vositasiga aylanmasligi kerak.

«Ko‘rpaga qarab oyoq uzatish davri ortda qoldi. Hech kim bir-biriga ko‘rsatish uchun to‘y qilmasligi lozim. Daromadimizni faqat to‘ylarga isrof qilish millatimizning og‘riqli illatlaridan biri», – dedi u.

Partiya raisi hashamat solig‘i taklifini izohlarkan, to‘yga kelgan har bir mehmon uchun soliq hisoblanishi kerakligini aytdi. U, shuningdek, aholiga mablag‘ni to‘ylarga sarflash o‘rniga farzandlar ta’limi, uy-joy yoki...

Xitoyda Beijing Off-Road brendi ostida Beijing 81 2.0 avtomobili namoyish qilindi. Model taktik box deb nomlanmoqda. Bunga uning burchakli va qo‘pol dizayni sabab bo‘lgan. Avtomobil «Gelik»ka juda o‘xshaydi.

Ishlab chiqaruvchi ma’lumotiga ko‘ra, avtomobil ikki talqinda chiqadi. Bular Regular Edition va Professional Edition. Ommaviy namoyish 2026-yil aprel oyida Pekin avtosalonida bo‘lib o‘tadi. O‘sha paytdan boshlab dastlabki buyurtmalar ham qabul qilinadi. To‘liq savdoga chiqish sanasi 2026-yil 1-avgust etib belgilangan.

Oldingi versiyaga nisbatan kapot kamroq bo‘rtib chiqqan. Radiator panjarasi beshta vertikal teshikdan iborat bo‘lib, ularning har biri qizil LED yoritgich bilan jihozlangan.

Ichki qismida beshta egri LED va burilish ko‘rsatkichlarining besh segmenti...

2025/2026-oʻquv yili uchun Oʻzbekiston prezidenti va nomli davlat stipendiyalarining respublika bosqichi tanlovlari 22 – 29-yanvar kunlari oʻtkazilishi rejalashtirilmoqda. Bu haqda Oliy ta’lim, fan va innovatsiyalar vazirligi xabar berdi.

Talabgorlar hujjatlari 2025-yil 1 – 15-noyabr kunlari vazirlikning my.edu.uz elektron platformasi orqali qabul qilingan. Dastlabki ekspertiza jarayonida 98 ta oliy ta’lim tashkilotidan hujjat topshirgan 700 dan ortiq talabgorlarning hujjatlarida turli kamchiliklar aniqlangan va hozirda ularni bartaraf etish boʻyicha ishchi guruh tomonidan ishlar olib borilmoqda.

Rasmiy ma’lumotlarga koʻra, barcha tayyorgarliklar yakunlanganidan so‘ng, respublika bosqichi tanlovlari belgilangan sanalarda oʻtkaziladi.

Avvalroq Kursiv Uzbekistan «El-yurt umidi» jamg‘armasi hisobidan maqsadli stajirovka tartibi tasdiqlangani haqida...

Apple 2026-yilning birinchi yirik premyerasi iPhone 17e’ni taqdim etishga tayyorlanmoqda. Bu haqda RBK nashri xabar berdi. Bu model kompaniyaning eng arzon smartfonlar oilasiga kiradi. Quyida modeldagi beshta asosiy yangilik keltirib o‘tiladi.

Kuchli A19 chipi

iPhone 17e 3 nm texnologiyadagi A19 protsessor bilan jihozlanadi. Bu chip hozirgi iPhone 17’ning standart modeli bilan bir xil bo‘lib, qurilmaga tezlik, silliq ishlash, ko‘p vazifali rejim va sun’iy intellekt funksiyalarini qo‘llab-quvvatlash imkonini beradi.

Ingichka ekran ramkalari

Qurilma 6,1 dyuymli ekran bilan chiqadi, lekin ramkalari yupqaroq bo‘ladi, bu esa uni vizual jihatdan katta iPhone modellari kabi ko‘rsatadi. Shu bilan birga, Always-on Display va...

O‘zbekiston 2025-yilning yanvar – noyabr oylarida 11 ta xorijiy davlatga qiymati $13,2 mlnga teng bo‘lgan 25,5 ming tonna olma eksport qildi. Bu haqda Milliy statistika qo‘mitasi xabar berdi.

Bu ko‘rsatkich 2024-yilning mos davriga nisbatan 42,2 foizga qisqargan. O‘sha davrda O‘zbekistondan 44,1 ming tonna olma eksport qilingan. Hisobot davrida o‘zbek olmasining eng yirik xaridorlari Qozog‘iston va Rossiya bo‘lib qolmoqda. Ushbu ikki davlat eksportning asosiy qismini tashkil etgan.

Eksport geografiyasida Qozog‘iston 12,2 ming tonna, Rossiya esa 11,3 ming tonna bilan yetakchilik qilayotir. Keyingi o‘rinlarda Qirg‘iziston 1,3 ming tonna, Iroq 204 tonna va Turkmaniston 167 tonna olma bilan qayd etilgan. Boshqa davlatlarga...

16-yanvar kuni Taftish.uz internet nashrining 5 nafar xodimi protsessual tartibda ushlandi. Bu haqda Toshkent shahar Ichki ishlar bosh boshqarmasi xabar berdi.

Qayd etilishicha, ushlanganlar orasida 1988-yilda tug‘ilgan G‘ayrat Aberayev hamda nashr vakillari 1992-yilda tug‘ilgan Azizjon Yuldashev, 2000-yilda tug‘ilgan Sardor Xamidov, 2006-yilda tug‘ilgan Marjona Eshquvvatova hamda 1998-yilda tug‘ilgan Dilshod Nishonovlar bor. Ular Jinoyat kodeksining 165-moddasi (tovlamachilik) va 168-moddasida (firibgarlik) nazarda tutilgan jinoyatlarni sodir etganlikda gumon qilinmoqda.

Hozirda ularning qo‘shimcha ravishda Jinoyat kodeksining 139-moddasi (tuhmat) hamda 244⁶-moddasida (yolgʻon axborot tarqatish) ko‘rsatilgan jinoyatlarga aloqadorliklari tekshirilmoqda.

IIBB holat yuzasidan qo‘shimcha axborot berilishini ma’lum qildi.

Eslatib o‘tamiz, avvalroq Toshkent shahrining Bektemir tumanida AQSh prezidenti...

Dongfeng Nissan o‘rta o‘lchamdagi SUV segmenti uchun mo‘ljallangan yangi Nissan NX8 modelini rasman namoyish qildi.

NX8 dizayni Nissan’ning yangilangan V-motion uslubida ishlangan. Model sanoatdagi eng uzun 2,4 metrli uzluksiz yoritilgan old chiroqlar, yoritiluvchi tekis logotip va matritsali faralar bilan ajralib turadi. Orqa qismida esa 2 064 ta OLED elementdan iborat fonarlar o‘rnatilgan bo‘lib, ularni sozlanadigan yoritish effektlari bilan boshqarish mumkin.

Texnologiyalar borasida NX8 LiDAR tizimi, aqlli haydovchi yordamchilari, jumladan yuqori tezlik va shahar harakati uchun mo‘ljallangan NOA funksiyasi hamda avtomatik parkovka tizimi bilan jihozlangan.

Salonida markaziy va yo‘lovchi uchun ikki ekranga ega raqamli panel hamda proyeksion displey mavjud...

Sovet avtosanoati tarixida dizel dvigatel bilan jihozlangan «Volga» avtomobillari juda kam uchraydi. Yaqinda shunday noyob modellardan biri Peugeot dizel dvigatelli GAZ-24 sotuvga qo‘yildi, deb xabar berdi «Tarantas news».

Unga ko‘ra, sotuvga qo‘yilgan nusxa juda yaxshi holatda saqlanib qolgan. Avtomobil 1990-yilda ishlab chiqarilgan bo‘lib, hozirgi egasi uni 1993-yilda sotib olgan. Shimoliy hududlarda foydalanilgani va doimiy garajda saqlangani uning holatiga ijobiy ta’sir ko‘rsatgan.

Ushbu GAZ-24 nafaqat dizel dvigatelga, balki tom qismidagi lyuk bilan ham ajralib turadi. Avtomobilning yurish masofasi 78,4 ming kilometrni tashkil etadi. Noyob «Volga» uchun sotuvchi 990 ming rubl (152,2 mln so‘m) narx belgilagan. Bu yangi Chevrolet Cobalt...

Prezident qaroriga ko‘ra, barcha vazirlik va idoralarda 2026-yil 1-martga qadar tegishli soha bo‘yicha tavsiya etiladigan kasbiy adabiyotlar ro‘yxati shakllantiriladi. Bu haqda Adliya vazirligi ma’lum qildi.

Shu bilan birga, har yili kamida uchta kasbiy adabiyot mahalliy nashriyotlar orqali o‘zbek tiliga tarjima qilinadi va malakali mutaxassislar ishtirokida izohlar, lug‘at va misollar bilan boyitiladi.

Qarorga muvofiq, 2026-yil 1-aprelga qadar tashkilotlarda «Kitob burchagi» tashkil etiladi va xodimlar uchun har oy «Kitob o‘qish soati» yo‘lga qo‘yiladi. Shuningdek, ichki kitobxonlik reyting tizimi joriy qilinadi va tanlov asosida eng ko‘p kitob o‘qigan xodimga bir oylik ish haqi miqdorida pul mukofoti beriladi.

Bundan tashqari, eng ko‘p...

Janubiy Koreya sudi bugun 16-yanvar kuni sobiq prezident Yun Sok Yolni besh yilga ozodlikdan mahrum etishga hukm qildi. Bu haqda Yonhap nashri xabar berdi.

Seul markaziy tuman sudi Yunni 2024-yil dekabr oyida urush holatini e’lon qilgani bilan bog‘liq hibsga olish buyrug‘ini bajarishga to‘sqinlik qilganlikda aybdor deb topgan.

Shuningdek, sobiq prezident rasmiy hujjatlarni soxtalashtirish va urush holatini joriy etishda talab qilinadigan qonuniy protseduralarga rioya qilmaslik ayblari bilan ham aybdor deb topildi.

Bu hukm Yunning urush holatini e’lon qilishdagi muvaffaqiyatsiz harakatlariga oid jinoyat ishlaridagi ilk qaror hisoblanadi. Sud hukmi apellyatsiya qilish imkoniyatini beradi.

Avvalroq Kursiv Uzbekistan Janubiy Koreya sobiq prezidentiga o‘lim...

Navoiy shahrida tahsil oluvchi ikki nafar 5-sinf o‘quvchisi ingliz tili bo‘yicha «B2» darajadagi milliy sertifikatni qo‘lga kiritdi. Bu haqda Navoiy viloyati Maktabgacha va maktab ta’limi boshqarmasi matbuot xizmati xabar bermoqda.

Shuningdek, «Thompson International School» nodavlat maktabining 5-sinf o‘quvchisi Yasmina Ergasheva ham xuddi shunday muvaffaqiyatga erishdi. U ham milliy sertifikat imtihonini ilk urinishda topshirib, «B2» darajasiga ega bo‘ldi.

«Yosh bo‘lishiga qaramay, bunday yuqori natijaga erishish – Yasminaning izchil mehnati, bilimga bo‘lgan intilishi va mas’uliyati samarasidir», – deyiladi boshqarma xabarida.

Navoiy shahridagi 22-umumta’lim maktabining 5-sinf o‘quvchisi Islombek Mansurov imtihonni birinchi urinishdayoq topshirib, ushbu natijani qayd etgan...

Qirg‘izistondan O‘zbekistonga 21 kg og‘irlikdagi giyohvandlik vositasini kontrabanda yo‘li bilan olib kelganlar ushlandi. Bu haqda Davlat xavfsizlik xizmati xabar berdi.

Xususan, Andijon shahrida yashovchi, 40 va 36 yoshli ikki nafar fuqaro «O‘zbek – Qirg‘iz» davlat chegarasining Namangan viloyati Uychi tumani «Yangiyer» MFY hududidan o‘tuvchi qismida harakatlanayotgan vaqtida to‘xtatib tekshirildi. Natijada ularning yuk sumkasi ichida 19 kg 169 gr «gashish» moddasi borligi ma’lum bo‘lib, ashyoviy dalil sifatida olindi. Shuningdek, tezkor tadbir davom ettirilib, narkotikni olib ketish uchun yordamlashish maqsadida kelgan vaqtida, ularning 35 yoshli hamshahari ham qo‘lga olindi.

Hozirda mazkur shaxslarga nisbatan Jinoyat kodeksining 246-moddasi 2-qismi va 25, 273-moddasi...

YouTube platformasida 18 yoshgacha bo‘lgan foydalanuvchilar uchun Shorts videolarini tomosha qilish vaqtini cheklash imkoniyati paydo bo‘ldi. Bu haqda kompaniya rasmiy xabarida ma’lum qildi.

Yangi sozlamalar orqali ota-onalar bolalar akkauntlari uchun kunlik tomosha vaqtini 15 daqiqadan 2 soatgacha bo‘lgan oraliqda belgilashlari mumkin. Shuningdek, yaqin vaqt ichida Shorts kontentini bolalar uchun to‘liq bloklash imkoniyati ham joriy etilishi rejalashtirilgan.

YouTube vakillarining ta’kidlashicha, bu – sohada birinchi bo‘lib ota-onalarga farzandlari tomosha qiladigan qisqa videolar hajmini to‘liq nazorat qilish imkonini beruvchi yangilik hisoblanadi. Bundan tashqari, ota-onalar bolalarga uxlash vaqti kelganini yoki tanaffus qilish zarurligini eslatuvchi bildirishnomalarni ham sozlashlari mumkin.

Avvalroq Kursiv Uzbekistan Buyuk Britaniyada...

Avtomobil ishlab chiqaruvchilari orqa oynadan voz kechib, uning o‘rniga kameralar va salon ichidagi ekranlardan foydalanishga o‘tmoqda. Bu yo‘nalishga ilk bo‘lib Polestar 4 elektr krossoveri asos soldi.

Polestar 4 klassik orqa oynaga ega bo‘lmagan ilk seriyali avtomobillardan biri bo‘ldi. Orqa ko‘rish uchun avtomobil yuqori aniqlikdagi keng burchakli HD-kamera va salon ichida joylashgan raqamli oynadan foydalanadi. Kamera tasviri real vaqt rejimida haydovchiga uzatiladi.

Yechim munozaralarga sabab bo‘ldi. Ayrimlar bunday yondashuv ko‘rish imkoniyatini yomonlashtirishi mumkinligini aytmoqda. Ishlab chiqaruvchi esa texnologiyalar yordamida ko‘rinish sifati yaxshilanayotganini ta’kidlaydi.

Orqa oynaning olib tashlanishi dizaynerlarga ko‘proq erkinlik beradi. Bu aerodinamikani yaxshilash, avtomobil orqa qismini yanada jasur shaklda...

Xiaomi kompaniyasi Xitoyda Redmi Turbo 5 Max smartfoniga oldindan buyurtmalar qabul qilishni boshladi. Bu haqda brendning Weibo‘dagi rasmiy sahifasida ma’lum qilindi.

Oldindan buyurtma bergan yoki birinchi sotuv to‘lqinida smartfon sotib olgan foydalanuvchilar bir yil qo‘shimcha kafolatga ega bo‘ladi. Shuningdek, xaridorlar bir yil davomida qurilmani ta’mirlashsiz to‘liq almashtirish huquqiga ega bo‘ladi.

Redmi Turbo 5 Max dunyoda birinchi bo‘lib MediaTek Dimensity 9500s bir kristalli tizimi asosida ishlaydigan smartfon bo‘ladi. Qurilma AnTuTu testida 3,61 mln ball to‘plagan. Xiaomi China prezidenti Lu Veybinning aytishicha, avvallari bunday quvvatli chiplar faqat K-seriyadagi flagmanlarda qo‘llanilgan, endi esa yuqori unumdorlik o‘rta narx segmentiga ham kirib kelmoqda.

Xiaomi...