Yangiliklar

Qibraydagi 200 dan ortiq issiqxonalarda reyd o‘tkazildi. Bu haqda Ekologiya va iqlim o‘zgarishi milliy qo‘mitasi xabar berdi.

Xususan, 29-noyabrdan 30-noyabrga o‘tar kechasi Qibray tumanida 100 nafar xodim ishtirokida issiqxonalar, qozonxonalar va ishlab chiqarish obyektlari tekshirildi. Tungi reydda 226 ta issiqxona o‘rganilib, ularning aksariyati talablarga to‘liq javob bermasligi aniqlandi.

Tekshiruvlarga ko‘ra, tumandagi:

Tekshiruv natijasida ekologik talablarni buzgan...

Andijonda 200 mingdan ortiq pirotexnika vositalarining noqonuniy aylanmasiga chek qoʻyildi. Bu haqda Andijon viloyati bojxona boshqarmasi xabar berdi.

Unga ko‘ra, Andijon tumanida o‘tkazilgan tezkor tadbirda kuzatuvga olingan shaxs boshqaruvidagi avtomobil to‘xtatilib tekshirildi. Yukxonadan sakkizta karton qutiga joylangan, uch turdagi jami 238,9 ming dona pirotexnika vositasi topildi. Ularning qiymati taxminan 60 million so‘mdan ortiq.

Boshqarma hozirda holat yuzasidan bojxona tekshiruvlari davom etayotganini ma’lum qildi.

Ma’lumotga ko‘ra, 2025-yilning o‘tgan davri davomida viloyatda pirotexnika vositalari bilan bog‘liq 13 ta noqonuniy holat aniqlangan bo‘lib, umumiy qiymati 200 million so‘mdan oshgan mahsulotlarning aylanmasi to‘xtatilgan.

Avvalroq O‘zbekistonda pirotexnika vositalari uchun jarimalar 10 million so‘mgacha oshirilishi...

Prezident qaroriga ko‘ra, ta’lim muassasalarida xavfsizlikni kuchaytiruvchi «Xavfsiz ta’lim» konsepsiyasi joriy etiladi.

Unga ko‘ra, maktablar, nodavlat ta’lim tashkilotlari va xorijiy ta’lim muassasalari filiallarining xavfsizligi jismoniy va texnik qo‘riqlash tizimlari orqali ta’minlanadi. Qo‘riqlash departamenti shartnoma asosida ta’lim obyektlariga qo‘riqlash signalizatsiyasi, «tashvish tugmasi» tizimlari, videokuzatuv moslamalarini o‘rnatadi va ularga xizmat ko‘rsatadi.

Shuningdek, kuchli jinoyatchilik kuzatiladigan hududlardagi mahallalarda qo‘riqlash vazifalarini samarali bajarish uchun huquq-tartibot maskanlari tarkibiga qo‘riqlash xizmati inspektori lavozimi kiritiladi.

Bundan tashqari, xavf yuqori bo‘lgan hududlarda, turistlar ko‘p tashrif buyuradigan obyektlar va ommaviy dam olish joylarida qo‘riqlash-patrul xizmati tashkil etiladi.

Avvalroq 2024-yilda oliy ta’lim muassasalari talabalari ishtirokida 761 ta...

4pda tomonidan joriy yil noyabr oyining eng yaxshi smartfonlari e’lon qilindi. Ro‘yxatga bir nechta Huawei flagmanlari, Honor va Oppo kompaniyalari smartfonlari, shuningdek, Poco kiritilgan. Quyida ular haqida asosiy ma’lumotlarni bilib olishingiz mumkin.

Ijtimoiy tarmoqlarda Boysun tumanida gaz sizib chiqayotgani haqidagi videolar tarqaldi. Energetika vazirligi holat bo‘yicha rasmiy izoh berdi.

Unga ko‘ra, mazkur holat bir hafta oldin sodir bo‘lgan va hozirda vaziyat barqaror.

«Bu holat M-25 konining 202-son qudug‘ida bir hafta oldin kuzatilgan geologik jarayon. Ya’ni avvaldan yoqib qo‘yilgan olovning vaqtincha so‘nishi holati hisoblanadi. Mutaxassislarning ta’kidlashicha, bu holat kondagi geologik jarayon natijasida yuz bergan va qisqa vaqtda yana yoqib qo‘yilgan. Ayni paytda Boysundagi M-25 konida vaziyat barqaror bo‘lib, barcha jarayon mutaxassislar nazorati ostida amalga oshirilmoqda», – deyiladi xabarda.

Eslatib o‘tamiz, noyabr oyi boshida ham Boysundagi M-25 konida...

Orol dengizining qurigan tubida yuzaga kelayotgan ekologik muammolarni o‘rganish va ularni bartaraf etish maqsadida Mo‘ynoq tumanidan 65 km uzoqlikda maxsus ilmiy-tadqiqot stansiyasi barpo qilindi. Bu haqda Qishloq xo‘jaligi vazirligi xabar berdi.

Stansiyada jami 24 ta konteyner o‘rnatilgan bo‘lib, ularning 20 tasi yashash uchun, qolganlari oshxona, hojatxona va qorovulxona sifatida jihozlangan. Hudud ichimlik suvi, elektr, internet va doimiy video kuzatuv tizimi bilan ta’minlangan.

Bu yerda hududning tuproq va iqlim sharoitiga mos o‘simliklarni yetishtirish, ularni parvarishlash, tuproq unumdorligini tiklash, shuningdek, tuz va qumning harakati, meteorologik, biologik va geologik jarayonlar bo‘yicha tadqiqotlar olib boriladi. Ushbu ishlar hududining ekologik holatini yaxshilash, bioxilma-xillikni tiklash...

Toshkentda havoni ifloslantirayotgan 100 dan ortiq obyektlarning faoliyati to‘xtatildi. 24 – 28-noyabr kunlari poytaxtda o‘tkazilgan reydlar natijalari bo‘yicha Davlat ekologik nazorat inspeksiyasi boshlig‘ining birinchi o‘rinbosari Ikrom Tagayev ma’lumot berdi.

Reydlar davomida 1,4 mingta issiqxona o‘rganilib, ulardan 67 tasining ekologiya talablariga rioya qilmagani uchun faoliyati to‘xtatildi. 403 nafar shaxsga ma’muriy bayonnoma rasmiylashtirildi. Ba’zi issiqxonalarga gazga ulanish uchun texnik shartlar berildi.

Shuningdek, qurilish obyektlari bo‘yicha tekshiruvlarda 53 ta noqonuniy qurilish aniqlanib, ularni bartaraf etish ishlari boshlandi. 186 ta holatda havoning ifloslanishi qayd etildi, 235 ta qurilish maydonida esa ko‘kalamzorlashtirish talabga javob bermagani aniqlandi. Shundan kelib chiqib, 34 ta obyekt qurilishi vaqtincha...

Prezident qaroriga ko‘ra, 2026-yil 1-yanvardan «Ochiq budjet» portalida yangi modul ishga tushiriladi. Unda jismoniy shaxslar tomonidan to‘langan daromad solig‘i, mol-mulk va yer solig‘i bo‘yicha ma’lumotlar hamda ushbu soliq tushumlari hisobidan amalga oshirilgan budjet xarajatlari ochiq e’lon qilib boriladi.

Shuningdek, 2026-yildan Namangan viloyatida yangi soliq boshqaruvi modeli bo‘yicha eksperiment o‘tkaziladi. Mazkur tartibga ko‘ra, jismoniy shaxslarning mol-mulk yoki yer solig‘i bo‘yicha 1 mln so‘mdan ortiq qarzi bo‘lsa, uni undirishda elektr energiyasining billing tizimidan foydalanish mexanizmi joriy etiladi. Soliq organlari faoliyatini baholashda esa inson omilisiz, avtomatik shakllanadigan ko‘rsatkichlardan foydalanish davom ettiriladi.

Bundan tashqari, 2026-yil 1-yanvardan boshlab jismoniy shaxslar tomonidan ko‘chmas mulkni ijaraga...

Namanganda qattiq maishiy chiqindilarni yoqib, ulardan elektr energiyasi olishga mo‘ljallangan zamonaviy zavod qurilishiga start berildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

China Everbright International kompaniyasi bilan imzolangan bitimga muvofiq, Namanganda chiqindilarni termik qayta ishlash orqali elektr energiyasi ishlab chiqarish bosqichma-bosqich yo‘lga qo‘yiladi.

29-noyabr kuni Chust tumanining Zarafshon mahallasida 10 gektarlik hududda zavodning tamal toshi qo‘yildi. Marosimda investorlar, viloyat hokimi, ekologiya va sektor mas’ullari, mahalla faollari hamda jamoatchilik ishtirok etdi.

Loyihaning umumiy qiymati $141,5 mln bo‘lib, zavod kuniga 1,5 ming tonna yoki yiliga 547 ming tonnagacha chiqindi qayta ishlaydi. Natijada yiliga 227,5 mln kVt/soat...

AQSh valyutasi hafta davomida 12,37 so‘mga pasaydi, Airbus 6 mingga yaqin A320 samolyotini chaqirib olmoqda — 29-noyabrning eng muhim hodisalari Kursiv uzbekistan dayjestida.

Hafta davomida davomida dollar qanchaga pastladi

24 – 28-noyabr kunlari O‘zbekistonda AQSh dollarining rasmiy kursi notekis harakatlandi. Haftaning boshida valyuta asta-sekin mustahkamlanib, keyin pasaydi va yakunda yana biroz ko‘tarildi. «Kursiv» nashrining ushbu maqolasida dollar kursining hafta davomidagi o‘zgarishi haqida so‘z boradi.

Chevrolet’ning yangi elektromobili qanday xususiyatlar bilan chiqadi

General Motors tomonidan Shanxaydagi GM China Advanced Design studiyasi ishlab chiqqan Chevrolet’ning yangi elektromobil konsepti taqdim etildi. Bu haqda Car Guide xabar bermoqda.

Yangi model, asosan, Xitoy...

Angliyada «Manchester Siti» va «Lids» o‘rtasidagi uchrashuv 3:2 hisobida mezbonlar foydasiga yakunlandi. Ushbu bahsda o‘zbekistonlik himoyachi Husanov maydonga tushmadi.

Uchrashuvning 1-daqiqasidayoq «Manchester Siti» hisobni ochdi. Fil Foden Matyus Nunes uzatmasidan so‘ng darvozani aniq ishg‘ol qildi – 1:0.

25-daqiqada Yosko Gvardiol qaytgan to‘pni darvozaga joylab, hisobni 2:0 ko‘rinishiga keltirdi. Ikkinchi bo‘limda «Lids» bosimni kuchaytirdi. 49-daqiqada Dominik Kalvert Lyuin yaqin masofadan gol urdi va farqni qisqartirdi.

66-daqiqada Gvardiol qo‘pollik qilgani uchun hakam penalti belgiladi va unga sariq kartochka ko‘rsatdi. 68-daqiqada Lukas Nmecha 11 metrlik zarbada imkoniyatni boy berdi. Biroq qaytgan to‘pni o‘zi darvozaga yo‘llab, muvozanatni tikladi – 2:2.

Bahs yakuniga yetib borar...

O‘zbekistonda pochta va kuryerlik xizmatlari bozori 2025-yilning yanvar – oktabr oylarida 5,5 trln so‘mga yetdi. Bu o‘tgan yilning mos davriga nisbatan 10,1 foizga o‘sish demakdir. Bu haqda Milliy statistika qo‘mitasi xabar bermoqda.

Bozor hajmi bo‘yicha Toshkent shahri yetakchi bo‘lib qolmoqda. Poytaxtda ushbu xizmatlar hajmi 2,9 trln so‘mni tashkil etdi.

Keyingi o‘rinlarda Samarqand viloyati mavjud bo‘lib, bu hududda ko‘rsatkich 602,4 mlrd so‘mga, Toshkent viloyatida esa 433,5 mlrd so‘mga yetgan.

Eng past hajmlar Sirdaryo viloyatida 41,3 mlrd so‘m, Navoiy viloyatida esa 34,6 mlrd so‘m darajasida qayd etilgan.

Jadval:

Milliy statistika qo‘mitasi bahosiga ko‘ra, 2025-yilning noyabr oyi boshiga kelib mamlakatda barcha...

Farg‘ona va Qashqadaryo viloyatlarida qalbaki aksiz markali alkogol mahsulotlarining savdoga chiqarilishiga chek qo‘yildi. Bu haqda Bosh prokuratura huzuridagi Departament ma’lum qildi.

Farg‘ona shahrida o‘tkazilgan tezkor tadbirda «V.A.» MChJ savdo do‘koni sotuvchisi O.S. xaridorga 2 dona qalbaki aksiz markali alkogol mahsulotini sotayotgan vaqtda ushlandi. Tekshiruv davomida do‘kondan turli nomdagi, umumiy qiymati 106,7 mln so‘mlik qalbaki alkogol mahsulotlari hamda 10,5 mln so‘mlik tamaki mahsulotlari ashyoviy dalil sifatida olib qo‘yildi.

Shahrisabz shahrida Departament xodimlari va IIB hamkorligida o‘tkazilgan tezkor tadbirda «Bo‘ston» MFY hududidagi «D.D.» xususiy korxonasiga qarashli savdo do‘konida umumiy qiymati 34,5 mln so‘mlik 18 turdagi 938 dona qalbaki aksiz markali alkogol...

Apple kompaniyasi ilk bor asosiy Apple M7 chipini TSMC emas, balki Intel’da ishlab chiqarishni ko‘rib chiqmoqda. Bu haqda taniqli tahlilchi Min-Chi Kuo xabar berdi.

Ma’lumotga ko‘ra, kelajakda MacBook Air, iPad va ehtimol arzonroq Vision Pro qurilmalari uchun mo‘ljallangan standart M7 modeli Intel’ning 18A texnologiyasi asosida ishlab chiqarilishi mumkin. Intel Apple uchun moslashtirilgan ushbu jarayonni ichki ravishda 18AP deb nomlagan.

Chipni ommaviy ishlab chiqarish 2027-yilda boshlanishi kutilmoqda. Shu sababli, ushbu qarorning natijalari yaqin yillarda ko‘rinmaydi.

Ayni paytda kuchliroq M7 Pro va M7 Max versiyalari an’anaviy hamkor bo‘lgan TSMC’da ishlab chiqarilishi saqlab qolinadi. Ular kompaniyaning yangi N2P texnologiyasi yoki takomillashtirilgan A...

O‘zbekiston Xalqaro metrik konvensiyaga rasman a’zo bo‘ldi. Bu haqdagi qonun 27-noyabr kuni qabul qilindi, deb xabar berdi Adliya vazirligi.

Mazkur konvensiya dunyo davlatlari o‘rtasida o‘lchov birliklari va metrologiya standartlarining yagona tizimini ta’minlashga qaratilgan.

Xalqaro metrik konvensiya 1875-yilda Parijda 17 ta davlat tomonidan imzolangan. Dastlabki ishtirokchilar orasida Argentina, Belgiya, Ispaniya, Rossiya va AQSh bo‘lgan.

Hujjatning qabul qilinishi mamlakatlarga kelishilgan va aniq o‘lchov me’yorlaridan foydalanish imkonini beradi.

Konvensiya doirasida Xalqaro og‘irlik va o‘lchovlar byurosi hamda Metrologiya bo‘yicha xalqaro qo‘mita tashkil etilgan. Ushbu tuzilmalar xalqaro metrologiyani muvofiqlashtirish va o‘lchov tizimlarini ishlab chiqishni ta’minlaydi.

Eslatib o‘tamiz, Kursiv Uzbekistan nashri avtotransportlar uchun ekologik stiker...

Xitoy elektromobil ishlab chiqaruvchisi BYD Qin Plus DM-i plagin-gibrid sedanlaridan 88 981 dona avtomobilni chaqirib olishga qaror qildi. Bu haqda CarNewsChina xabar bermoqda.

Xitoyning Bozorni nazorat qilish davlat boshqarmasi talabi bilan boshlangan tekshiruv shuni ko‘rsatdiki, ayrim batareya bloklarida barqarorlik muammosi mavjud.

Chaqirib olish ikki ishlab chiqarish partiyasini qamrab oladi. Birinchi guruh — 2021-yil 26-sentabrdan 2023-yil 23-sentabrga qadar ishlab chiqarilgan 52 890 ta avtomobil. Ikkinchi partiya — 2021-yil 7-yanvardan 2022-yil 30-sentabrgacha chiqarilgan 36 091 ta mashina.

Muammoni bartaraf etish uchun BYD barcha zararlangan avtomobillarga masofadan turib OTA dasturiy yangilanish yuboradi. Dastur nosozlik aniqlanganida panelda ogohlantiruvchi belgi paydo bo‘ladi. Shundan...

«UzAuto Motors» AJ aksiyadorlari 2025-yilning 9 oyi yakunlari bo‘yicha dividend to‘lash haqida qaror qabul qildi. Har bir aksiya uchun 4 642 so‘m miqdorida daromad tasdiqlandi. Ushbu qaror Yagona korporativ axborot portalida e’lon qilindi.

Dividend to‘lovlari uchun jami 1,25 trln so‘m yo‘naltiriladi. Bu qariyb $105 mln ga teng. Qolgan foyda, ya’ni 11 trln so‘mdan ortiq mablag‘ taqsimlanmay qoladi. To‘lovlar Qimmatli qog‘ozlar markaziy depozitariysi orqali amalga oshiriladi.

Hozirda kompaniya aksiyalarining qariyb 0,3 foizi erkin muomalada.

2025-yildagi uchinchi dividend

Bu 2025-yilda to‘lanayotgan uchinchi dividend hisoblanadi. Avvalroq aksiyadorlar yil boshida har bir aksiya uchun 975 so‘m olgan edi. Iyul oyidagi yig‘ilish qarori...

O‘zbekistonda avtotransportlar uchun ekologik stiker berish tartibi belgilandi. Bu haqda Adliya vazirligi xabar bermoqda.

Yangi hujjatga ko‘ra, avtomobillarning ekologik toifasi ishlab chiqaruvchi tomonidan ko‘rsatilgan ekologik sinf asosida aniqlanadi.

Nizomga muvofiq, benzin hamda siqilgan yoki suyultirilgan gazda yuruvchi transport vositalarida «Yevro-2» va undan yuqori ekologik sinfga mansublari «toza» toifaga kiritiladi. «Yevro-0» va «Yevro-1» sinfidagi avtomobillar esa «o‘rta» ekologik toifaga ajratiladi.

Dizel yoqilg‘ida harakatlanuvchi transportlarda «Yevro-4» va undan yuqori sinf «toza» toifa hisoblanadi. «Yevro-3» darajadagi avtomobillar «o‘rta» toifaga kiritiladi. «Yevro-0», «Yevro-1» va «Yevro-2» sinfidagi dizel avtomobillar esa «zararli» ekologik toifaga mansub bo‘ladi.

Gibrid avtomobillar, muqobil yoqilg‘ida harakatlanuvchi transport vositalari hamda ishlab...

Chery kompaniyasi Chery Exeed Exlantix MX nomli yangi krossoverni rasman namoyish qildi. Bu haqda CarNewsChina xabar bermoqda. Model Exlantix ET5 platformasi asosida yaratilgan bo‘lib, Xitoy bozorida allaqachon savdoga chiqdi. Avtomobilning narxi $19 mingdan boshlanadi.

Krossover gibrid kuch qurilmasiga ega. Unda 1,5 litrli turbomotor faqat generator vazifasini bajaradi. Harakat esa orqa joylashgan 195 kVt quvvat va 324 Nm momentga ega elektromotor orqali amalga oshiriladi. 32,66 kVt/soatli LFP batareya faqat elektrda 210 km yurishni ta’minlaydi. Umumiy yurish masofasi esa CLTC sikliga ko‘ra 1 310 km ga yetadi.

Tashqi ko‘rinishda yopiq old panel, brendga xos optika dizayni va zamonaviy chiziqlar ajralib turadi...

Uzbekistan Airways Airbus A320 samolyotlarida dasturiy ta’minot bilan bog‘liq aniqlangan muammolar yuzasidan rasmiy munosabat bildirdi. Avvalroq Reuters Airbus kompaniyasi 6 mingga yaqin A320 laynerini bort dasturini yangilash uchun chaqirib olayotgani haqida xabar qilgan edi.

Aviakompaniya vakilining «Kursiv» nashriga ma’lum qilishicha, hozircha milliy aviatashuvchining qaysi samolyotlariga mazkur choralar tatbiq etilishi bo‘yicha aniq axborot yo‘q.

«Hozircha bizning flotdan qaysi bortlar ushbu jarayonga tushishi ma’lum emas. Hatto kamida bitta samolyot ta’sir ostida qoladimi-yo‘qmi ham aniqlashtirilmagan. Faqat kutish qolmoqda», – dedi kompaniya vakili.

Airbus kompaniyasi A320 seriyasi samolyotlarida parvozlarni boshqarish tizimida muammolar yuzaga kelishi mumkinligini bildirgan. Aniqlik kiritilishicha...

Yevropaning Airbus aviakompaniyasi bort dasturiy ta’minotidagi nosozlik sabab A320 seriyasiga mansub qariyb 6 mingta samolyotni chaqirib olayotganini ma’lum qildi. Bu haqda Reuters xabar berdi.

Muammo aviakompaniyalarni eski dasturiy versiyaga vaqtincha qaytishga majbur qilmoqda. A320 parkidagi parvozlarning taxminan uchdan ikki qismi qisqa muddatga to‘xtatilishi mumkin.

Ayrim aviakompaniyalar allaqachon reyslarni bekor qilishni boshlagan. Ular orasida Germaniyaning Lufthansa, Kolumbiyaning Avianca, Hindistonning IndiGo va Vengriyaning Wizz Air aviakompaniyalari bor. Eng yirik A320 operatori hisoblangan American Airlines muammoni 29-noyabr kuni bartaraf etishni rejalashtirayotganini bildirgan.

Xitoy aviakompaniyalari ham katta A320 parkiga ega. China Eastern Airlines ixtiyorida 320 dan ortiq, China Southern Airlines flotida esa...

Mazda kompaniyasi Mazda CX-5 krossoverining uchinchi avlodini rasman namoyish qildi. Yangi model dizayndan ko‘ra texnologiyalar va raqamli servislar rivojiga urg‘u berishi bilan ajralib turadi.

Avtomobil o‘lchamlari kattalashib, jismoniy boshqaruv tugmalarining aksariyati olib tashlandi. Krossover zamonaviy EEA+ platformasiga o‘tdi. Ushbu arxitektura onlayn ulanish imkoniyatlari, OTA yangilanishlar va kengaytirilgan haydovchi yordamchi tizimlarini ta’minlaydi.

Yevropa bozori uchun dastlabki narxlar e’lon qilindi. Mazda CX-5 qiymati 35 ming yevrodan boshlanadi. Model old va to‘liq uzatma variantlarida taklif etiladi. Dvigatel sifatida sinovdan o‘tgan 2,5 litrli benzinli Skyactiv-G saqlanib qolgan. U avtomat uzatmalar qutisi bilan ishlaydi.

Asosiy yangilik — Google servislarining to‘liq integratsiyasi bo‘ldi. Interfeys bir...

Chelyabinskda bo‘lib o‘tgan professional boks oqshomida o‘zbekistonlik chempionlar Javohir Umattaliyev va Asadxo‘ja Mo‘ydinxo‘jayev ilk professional janglarini muvaffaqiyatli o‘tkazdi. Har ikki sportchi yuqori saviyasini namoyish etdi.

Janglardan so‘ng ular Britaniyaning Queensberry promouterlik kompaniyasi bilan shartnoma imzolagani ma’lum bo‘ldi.

Jahon chempioni Javohir Umattaliyev professional ringdagi birinchi jangini ozarbayjonlik Rahim Aliyevga qarshi o‘tkazdi. Bahs barcha olti raund davom etdi. O‘zbek bokschi vaziyatni to‘liq nazorat qildi. Aniqligi yuqori zarbalar bilan raqib bosimini bostirdi. Hakamlar yakdil qaror bilan g‘alabani Umattaliyevga berdi. Uning professionallar safidagi debyuti ishonchli chiqdi.

Asadxo‘ja Mo‘ydinxo‘jayev esa Qozog‘iston vakili Aydos Tastaevga qarshi ringga ko‘tarildi. Olimpiya chempioni jangning birinchi raundidayoq tashabbusni qo‘lga oldi...

General Motors tomonidan Shanxaydagi GM China Advanced Design studiyasi ishlab chiqqan Chevrolet’ning yangi elektromobil konsepti taqdim etildi. Bu haqda Car Guide xabar bermoqda.

Yangi model, asosan, Xitoy bozori uchun mo‘ljallangan bo‘lib, brendning kelajakdagi ixcham elektromobillari dizayn yo‘nalishini ko‘rsatib beradi.

Konsept hozircha faqat dizayn bosqichida. Shu sabab texnik xususiyatlar oshkor etilmagan. Biroq aynan shu uslub keyingi avlod Chevrolet elektromobillari uchun global dizayn asosiga aylanishi mumkin.

Model panjarasiz old qismga ega. Optika ajratilgan dizaynda ishlangan. Old panel silliq ko‘rinishda bajarilgan. Chevrolet logotipi yoritish funksiyasiga ega bo‘lishi mumkin. Bu element Xitoy elektromobil bozorida e’tibor qozonish uchun mo‘ljallangan.

Dastlabki eskizlarda kuzov juda keskin...