Yangiliklar

Sun’iy intellekt chiplariga bo‘lgan mislsiz talab Nvidia’ni tarixdagi eng qimmat kompaniyaga aylantirdi. Kompaniya qiymati $5 trlndan oshib, rekord yangiladi. Bu haqda CNN agentligi ma’lum qildi.

Bu marraga Nvidia atigi uch oy avval 4 trillionlik darajani zabt etganidan keyin yetdi.

2025-yilda Nvidia aksiyalari 50 foizga oshgan. Kompaniya o‘sishiga AQSh prezidenti Donald Tramp va Xitoy rahbari Si Szinpin o‘rtasidagi muzokaralardan kutilayotgan natijalar ham turtki bo‘ldi. Ular Xitoy bozorini Nvidia’ning ilg‘or AI chiplariga ochishi mumkin.

Bosh direktor Jensen Xuang Vashingtondagi GTC AI konferensiyasida Nvidia chiplari kelajakda telefon minoralaridan tortib, o‘zini boshqaruvchi avtomobillargacha keng qo‘llanishini ta’kidladi.

Shu bilan birga, Nvidia yaqinda OpenAI...

Rio de Janeyro hukumati 1950-yilda ochilgan mashhur «Marakana» stadionini sotuvga qo‘yish qarorini qabul qildi. Bundan maqsad shahar budjetiga yuk bo‘lgan xizmat ko‘rsatish xarajatlarini kamaytirish va € 1,89 milliard davlat qarzining bir qismini qoplashdir, deb xabar beradi RMC Sport nashri.

Rio shtati qonunchilik majlisi prezidenti Rodrigu Amorimning aytishicha, «Marakana»ni saqlash xarajatlari o‘ta yuqori, har bir o‘yinga o‘rtacha € 160 ming sarflanadi. Unga ko‘ra, stadion va unga tutash infratuzilmani sotish orqali € 320 million atrofida mablag‘ tushishi kutilmoqda.

Shtat 2026-yilga borib qarzini to‘liq to‘lashi lozim bo‘lgani sabab, bu tashabbus iqtisodiy jihatdan muhim hisoblanadi.

«Marakana» dunyo futbolining eng taniqli arenalaridan biridir. 1950-yilgi...

2025-yilning yanvar – sentabr oylarida mamlakatda jami 98,5 ming tonna baliq ovlangan. Milliy statistika qo‘mitasiga ko‘ra, bu ko‘rsatkich o‘tgan yilning shu davriga nisbatan 9,3 foizga ko‘p.

Ma’lumotga qaraganda, eng ko‘p baliq Xorazm (15,5 ming tonna), Toshkent (12,2 ming tonna) va Andijon viloyatlarida (10,3 ming tonna) ovlangan.

Ovlangan baliqlar bo‘yicha eng kam hajm esa Qashqadaryo viloyatida (2 ming tonna) qayd etilgan.

Avvalroq O‘zbekistonda gulmohi balig‘ini yetishtirish ommalashtirilishi xabar qilingandi. Unga ko‘ra, davlat rahbari mutasaddilarga gulmohi yetishtirish mumkin bo‘lgan tumanlarni aniqlash va bu tajribani butun respublika bo‘ylab ommalashtirish bo‘yicha ko‘rsatmalar berdi.

Shuningdek, Niderlandiya bilan hamkorlikda baliq ozuqasi ishlab chiqarish...

Saudiya Arabistoni dunyoda ilk bor osma stadion qurishni rejalashtirmoqda. Stadion 46 ming tomoshabinga mo‘ljallangan bo‘lib, quyosh va shamol energiyasida ishlaydi. Daily Telegraph nashrining xabar berishicha, stadion 2034-yilgi futbol bo‘yicha Jahon chempionati uchun mo‘ljallangan.

Qurilish ishlari 2027-yilda boshlanib, 2032-yilgacha yakunlanishi kutilmoqda. Ma’lumotlarga ko‘ra, futuristik inshoot NEOM loyihasining The Line nomli shahri markazida barpo etiladi. Stadion 350 metr balandlikda quriladi va sport infratuzilmasi uchun yangi standartlarni belgilashi kutilmoqda.

FIFA loyihani dastlabki bosqichda ma’qullagan, biroq mutaxassislar inshootning balandligi va joylashuvi sababli muhandislik jihatdan murakkabliklar yuzaga kelishini ta’kidlamoqda. NEOM tashabbuslari amalga oshirishda kechikishlar kuzatilayotganiga qaramay, rasmiylar stadionni 2034-yilgi turnir oldidan ustuvor loyiha sifatida...

Adliya vazirligi «Banklar kapitalining monandligiga qo‘yiladigan talablar to‘g‘risidagi nizom»ni ro‘yxatdan o‘tkazdi. Bu hujjat banklar, jumladan, mikromoliya banklari uchun kapitalning yetarliligi bo‘yicha talablarni belgilaydi.

Endi faoliyatini boshlaganiga uch yildan kam bo‘lgan banklarning birinchi darajali kapitali ustav kapitalining kamida 70 foizini tashkil etishi kerak. Bunda birinchi darajali asosiy kapital tarkibiga oddiy aksiyalarni joylashtirishdan olingan qo‘shimcha mablag‘lar, taqsimlanmagan foyda, o‘tgan yillardagi qoplanmagan zararlar va joriy yil zararlari kiradi.

Shuningdek, kredit xavfi bank aktivlari va balansdan tashqari majburiyatlar, jumladan, hosilaviy instrumentlar asosida hisoblanadi.

Avvalroq kredit berishdan oldin banklar mijozlarga cheklist berishi haqidagi Markaziy bank talablari e’lon qilingandi. Unga ko‘ra, banklar jismoniy shaxslarga...

BYD Yaponiyada o‘tayotgan Japan Mobility Show 2025 ko‘rgazmasida o‘zining yangi BYD T35 elektr yuk mashinasini namoyish etdi. Bu haqda CarNewsChina xabar bermoqda. Modelning boshlang‘ich narxi esa 8 mln iyena (taxminan $52,5 ming) atrofida bo‘ladi.

Texnik xususiyatlari

BYD T35 ikki xil kuzov turida taqdim etiladi – alyuminiy furgon va ochiq platformali (flatbed) versiyalar. Model LFP (lityiy temir fosfat) Blade Battery texnologiyasiga asoslangan bo‘lib, Cell-to-Chassis (CTC) dizayniga ega. Bu yechim batareyani avtomobil shassisiga bevosita integratsiya qilib, barqarorlik va xavfsizlikni oshiradi.

Bir marta to‘liq zaryad bilan T35 WLTC sikli bo‘yicha 250 km masofani bosib o‘tadi. Orqa o‘rnatilgan elektromotor 150 kVt...

28-oktabr kuni «Melisa» to‘foni Kubaning janubiy-sharqiy qirg‘oqlariga 195 km/soat tezlikdagi shamol bilan yopirildi. Dastlabki ma’lumotlarga ko‘ra, mamlakat sharqida 735 mingga yaqin fuqarolar xavfsiz joylarga evakuatsiya qilingan.

Kuba prezidenti Migel Dias Kanel to‘fon katta zarar yetkazishini aytib, aholiga evakuatsiya ko‘rsatmalariga qat’iy amal qilishni so‘radi. Elektr ta’minoti deyarli butun sharqiy hududda o‘chirildi, aholining bir qismi Santiago de Kuba shahri atrofidagi xavfsiz joylarga joylashtirildi.

Santiago de Kubadan 40 km g‘arbda joylashgan Guamo tog‘li hududida kuchli yomg‘ir va shamol sababli daryo yo‘llari toshgan, pasttekisliklarda suv toshqinlari yuzaga kelgan. Mahalliy ommaviy axborot vositalari Sierra-Maestra tog‘ etagdagi shaharlar ko‘chalari suv bilan to‘lgani haqida xabar bermoqda.

Yaponiya xalqaro hamkorlik banki (JBIC) O‘zbekistonda qayta tiklanuvchi energetika loyihalari uchun $1,45 mlrd miqdorida moliyaviy paket tayyorlamoqda.

JBIC loyihaning $635 mln qismini to‘g‘ridan to‘g‘ri moliyalashtiradi. Shuningdek, Sumitomo Mitsui Banking va Norinchukin Bank ham kredit ajratadi, sug‘urta kafolatini esa NEXI ta’minlaydi. Mablag‘lar Samarqand yaqinida joylashadigan ikki yirik quyosh elektr stansiyasi va energiya saqlash tizimlari qurilishiga yo‘naltiriladi. Ularning umumiy quvvati 1 Gt bo‘lib, bu mamlakatdagi eng yirik «yashil energetika» loyihalaridan biri bo‘ladi.

Loyihada Saudiya Arabistonining ACWA Powe kompaniyasi 51 foizlik ulush bilan bosh ishtirokchi sifatida qatnashadi. Bundan tashqari, Yaponiyaning Sumitomo Corp, Chubu Electric Power va Shikoku Electric Power korporatsiyalari ham hamkor...

30-oktabr uchun valyuta kurslari e’lon qilindi. Shu kun uchun AQSh valyutasi 11 990,53 so‘m (-13,94 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 23-oktabr kuni dollar 12 101,29 so‘mga (+90,27 so‘m) tenglashdi. 24-oktabr kuni dollar 12 129,33 so‘m (+28,04 so‘m) etib belgilandi. 27-oktabr kuni dollar 12 117,35 so‘mga (-11,98 so‘m), 28-oktabr kuni esa 12 053,46 so‘mga (-63,89 so‘m) tenglashdi. 29-oktabr kuni AQSh valyutasi 12 004,47 so‘m (-48,99 so‘m) bo‘ldi.

Markaziy bank ma’lumotlariga ko‘ra, yevro 34,23 so‘mga tushib, 13 959,38 so‘mni, rubl esa 0,49 so‘mga oshib, 150,71 so‘mni tashkil qildi.

Markaziy...

Poytaxt xalq deputatlari Kengashi 2025-yilgi shahar budjeti parametrlari bo‘yicha o‘zgartishlarni ma’qulladi. Unga ko‘ra, qo‘shimcha manbalardan tushgan mablag‘lar ta’lim, sport, ijtimoiy yordam va obodonlashtirish sohalariga yo‘naltiriladigan bo‘ldi.

Hujjatga ko‘ra, mablag‘larning bir qismi ta’lim tizimiga ajratiladi. Bolalar bog‘chalari, maktablar va kollejlarni ta’mirlash hamda jihozlash, inventar va uskunalarni yangilash ishlari amalga oshiriladi. Shuningdek, tibbiyot transporti va texnikasini xarid qilish, shifoxona va poliklinikalardagi sharoitlarni yaxshilash uchun ham mablag‘ ajratiladi.

Bundan tashqari, obodonlashtirish va qulay shahar muhitini yaratish bo‘yicha loyihalar ham qo‘shimcha moliyalashtiriladi – jamoat joylarini yangilash, ko‘kalamzorlashtirish va infratuzilmani rivojlantirish ishlari olib boriladi. Ajratilgan mablag‘lardan maqsadli foydalanish ustidan nazorat hokimiyatning tegishli boshqarmalari va...

O‘zbekiston davlat budjetiga 2025-yilning yanvar – sentabr oylarida 73 ta xorijiy kompaniya tomonidan jami 124,8 mlrd so‘m miqdorida soliq to‘lovlari amalga oshirildi. Bu ko‘rsatkich o‘tgan yilning shu davridagiga nisbatan 44 foizga ko‘p.

Hisobotlarga ko‘ra, jami to‘langan soliqlarning 93 foizi atigi 10 ta yirik texnologik kompaniya hissasiga to‘g‘ri keladi. Ular orasida dunyo IT bozorining yetakchilari bor:

Shuningdek, boshqa xalqaro kompaniyalar ham O‘zbekistonda faoliyatdan tushgan daromadlari bo‘yicha soliq to‘lagan:

«UzAuto Motors» AJ 2025-yil 3-noyabr kuni soat 10:00 dan boshlab Chevrolet Cobalt avtomobili uchun onlayn shartnoma jarayonini ishga tushiradi. Bu haqda kompaniya ma’lum qildi.

Shu sanadan boshlab Chevrolet Cobalt’ning yangi versiyalari savdoga chiqadi. Yangi komplektatsiyalarning ko‘rgazma namunalari allaqachon mamlakatdagi dilerlik markazlariga yetkazib berilgan, mijozlar ularni joyida ko‘rib, tanlov qilishlari mumkin.

Kompaniya Cobalt modeliga bo‘lgan yuqori talab va mijozlardan kelayotgan ko‘plab so‘rovlarni inobatga olib, ortiqcha ajiotajning oldini olish maqsadida kontraktatsiyani to‘liq onlayn formatda o‘tkazishga qaror qilgan. Shartnoma tuzish uzavtosavdo.uz sayti yoki UzAvtoSavdo mobil ilovasi (iOS/Android) orqali amalga oshiriladi.

3-noyabr kuni barcha Chevrolet dilerlik markazlari vaqtincha yopiladi...

29-oktabr kuni Andijondagi Bobur Arena stadionida O‘zbekiston kubogining final uchrashuvi bo‘lib o‘tadi. G‘oliblik uchun «Paxtakor» va «Buxoro» klublari maydonga tushadi.

«Sherlar» yarimfinalda Samarqandning «Dinamo» jamoasini penaltilar seriyasida 4:2 hisobida mag‘lub etdi. «Buxoro» esa Jizzaxning «So‘g‘diyona» klubidan 3:2 hisobida ustun kelib, hal qiluvchi bahsga yo‘l olgan edi.

Ma’lumot uchun, «Paxtakor» klubi O‘zbekiston kubogining 13 karra g‘olibi sanaladi. «Buxoro» esa hali turnirni biror marta ham yutmagan, bu buxoroliklar uchun ilk final sanaladi. Final uchrashuvi soat 18:30 da start oladi. G‘olib musobaqa chempioniga aylanadi.

2024-yili O‘zbekiston kubogi finalida «Andijon» va «Navbahor» ishtirokida vodiy derbisi guvohi bo‘lgan edik. Gollarga boy bo‘lgan bahsning ekstra...

28-oktabr kuni Smart kompaniyasi tomonidan Smart #5 EHD avtomobili rasman taqdim etildi. Bu haqda CarNewsChina xabar bermoqda.

Model brend tarixida birinchi plug-in gibrid avtomobil. U to‘rtta komplektatsiyada taklif etiladi. Narxi 189 900 dan 239 900 yuangacha. (taxminan $26,7 ming – $33,8 ming)

Yangi model Geely’ning NordThor Hybrid 2.0 texnologiyasi asosida ishlab chiqilgan. Uning yurituv tizimi 1,5 litrli turbomotor hamda old g‘ildiraklarga ulangan 200 kVt (268 ot kuchi) quvvatli elektromotordan iborat. Ichki yonuv dvigateli 120 kVt (161 ot kuchi) quvvat va 255 N/m aylanish momenti ishlab chiqaradi. Quvvat uzatish tizimi sifatida 3DHT Evo avtomatik transmissiyasi qo‘llanilgan.

Smart #5 EHD...

Yashil iqlim jamg‘armasi Osiyo taraqqiyot banki (OTB) tomonidan boshqariladigan «Muzliklardan fermer xo‘jaliklarigacha» dasturiga $250 million ajratdi.

Ushbu dastur Markaziy Osiyo, Janubiy Kavkaz va Pokistonda muzliklar bilan oziqlanadigan hududlarda yashovchi aholining iqlim o‘zgarishiga moslashish imkoniyatlarini kengaytirishga qaratilgan.

Dastur doirasida O‘zbekiston, Qozog‘iston, Qirg‘iziston, Tojikiston va Turkmaniston hududlarida suvni tejash, samarali sug‘orish tizimlarini yaratish hamda suv havzalarini boshqarish bo‘yicha loyihalar amalga oshiriladi. Maqsad – muzliklarning tez erishi sababli yuzaga kelayotgan suv tanqisligi, qurg‘oqchilik va toshqinlar xavfini kamaytirishdan iborat.

Shu bilan birga, ushbu dastur muzliklar bilan oziqlanadigan va taxminan 27 million gektar maydonni egallaydigan to‘rtta daryo havzasiga – Markaziy Osiyodagi Norin va...

BYD kompaniyasi tomonidan 29-oktabr kuni Tokioda bo‘lib o‘tayotgan Tokyo Motor Show 2025 ko‘rgazmasida BYD Racco elektromobili namoyish etildi. Bu haqda CarNewsChina xabar bermoqda. Model Yaponiyada 2026-yil yozida rasmiy savdoga chiqariladi.

Yapon bozoriga mo‘ljallangan yangi model

Yaponiyada kei-car segmenti umumiy avtomobil bozorining uchdan bir qismini tashkil etadi. Shu sababli BYD Racco kompaniyaning bu bozorga kirishidagi strategik qadami bo‘ldi.

Modelning boshlang‘ich narxi 2,6 mln iyena (taxminan $17 ming) atrofida bo‘ladi.

Texnik ma’lumotlar

BYD Racco‘da old g‘ildirakli elektr motor va 20 kVt/soat sig‘imli Blade (LFP) batareya o‘rnatilgan. Avtomobil WLTC standarti bo‘yicha 180 km masofani bosib o‘tadi. Shuningdek, u 100 kVt...

Yaponiya elchisi Kenji Hirata hamda Dominikan respublikasining elchisi Alexandro Arias Sarsuela O‘zbekistonda o‘z diplomatik faoliyatlarini boshladi. O‘zbekiston Tashqi ishlar vaziri Baxtiyor Saidov ulardan ishonch yorliqlari nusxalarini qabul qilib olganini ma’lum qildi.

Uchrashuvlarda O‘zbekiston bilan ushbu mamlakatlar o‘rtasidagi hamkorlikni mustahkamlash, yangi qo‘shma loyihalarni yo‘lga qo‘yish hamda ikki tomonlama aloqalarni kengaytirish masalalari muhokama qilindi. Saidov elchilarga mamlakatdagi diplomatik faoliyatlarida muvaffaqiyat tiladi.

Avvalroq Baxtiyor Saidov Serbiyaning yangi tayinlangan elchisini qabul qilgani xabar berilgandi. Unga ko‘ra, Saidov Serbiyaning O‘zbekistondagi yangi tayinlangan Favqulodda va muxtor elchisi Momchilo Babichdan ishonch yorliqlarini qabul qildi.

«Inter» klubi darvozaboni Xosep Martines 28-oktabr kuni Komo shahrida mashinada ketayotganda yo‘lda elektr aravachada harakatlanayotgan 81 yoshli erkakni urib yuborgan. Bu haqda ESPN nashri ma’lum qildi.

Politsiya xabariga ko‘ra, Martines darhol to‘xtab, tez yordam xizmatlarini chaqirgan. Voqea joyiga bir necha daqiqa ichida tez yordam mashinasi va vertolyot yetib kelgan, ammo tibbiyot xodimlari erkakning hayotini saqlab qola olmagan. Martinesning o‘zi jarohat olmagan, biroq ruhiy zarbaga uchragani aytilmoqda.

Futbolchi qon tahlillari, spirtli ichimlik yoki giyohvand moddalar mavjudligini aniqlash uchun shifoxonada majburiy tekshiruvdan o‘tkazilgan. Politsiya hodisa joyidagi shinalar izlarini o‘rganib, to‘qnashuv paytidagi tormoz masofasi va tezlikni aniqlash uchun tergov boshlagan.

«Inter» bosh...

Adliya vazirligi radioaktiv chiqindilar bilan muomala talablari ro‘yxatdan o‘tkazdi. Bu haqda vazirlik matbuot xizmati xabar berdi.

Ta’kidlanishicha, talablar AES, kichik modulli reaktorlar, ilmiy reaktorlar va boshqa yadro qurilmalariga tatbiq etiladi. Maqsad – chiqindilar bilan ishlashda xavfsizlikni ta’minlash.

Xodimlar doimiy individual nurlanish nazoratidan o‘tadi. Chiqindilar faolligi bo‘yicha tasniflanadi. Radiatsiya tarqalishining oldi olinadi. Muhofaza va muhandislik to‘siqlari qo‘llanadi. Xodimlar PPE va dozimetrik nazorat vositalari bilan ta’minlanadi.

Radiatsion nazorat shakli loyiha hujjatlarida belgilanadi. U ekspluatatsiya hujjatlarida ham ko‘rsatiladi. Ekspluatatsiya qiluvchi tashkilotlar yo‘riqnomalar va qo‘llanmalar ishlab chiqadi. Ish tartibi va xavfsizlik qoidalari hujjatlashtiriladi.

Radioaktiv chiqindi hosil bo‘lish normalari alohida hisobda yuritiladi. Yillik rejalashtirilgan...

Namangan shahriga yangi hokim etib Ayubxon Kamalov tayinlandi. Bu haqda Namangan viloyati hokimi Shavkatjon Abdurazzoqov ishtirokida o‘tkazilgan xalq deputatlari Kengashining navbatdan tashqari sessiyasida ma’lum qilindi.

Deputatlar viloyat hokimining Kamolovni shahar hokimi lavozimiga tayinlash haqidagi qarorini bir ovozdan ma’qulladi.

Ayubxon Kamolov 2020-yil dekabridan O‘zbekiston Markaziy banki raisining o‘rinbosari lavozimida faoliyat yuritib kelgan. U sobiq hokim Anvar Otaxo‘jayevning o‘rnini egalladi.

Eslatib o‘tamiz, Otaxo‘jayev $60 ming miqdorida pora olayotganda qo‘lga olingan edi. Shu pullar evaziga u tadbirkorga eski uylar o‘rnida yangi bino qurish huquqini va’da qilgan.

Avvalroq Markaziy bank rahbariyati tarkibida ham bir qator o‘zgarishlar yuz bergandi. Unga ko‘ra...

Jizzax viloyatining Zomin tumanidagi dengiz sathidan 2,4 ming metr balandlikda joylashgan Suffa qishlog‘ida 28-oktabr kuni kechasi qor yog‘gani haqidagi videolavhalar ijtimoiy tarmoqlarda tarqaldi.

Mutaxassislarning ta’kidlashicha, havo haroratining keskin pasayishi va qor yog‘ishi O‘zbekistonning tog‘li hududlarida oktabr oyining so‘nggi kunlarida ajablanarli hol emas.

O‘zgidromet ma’lumotlariga ko‘ra, yaqin kunlarda respublikaning ayrim viloyatlarida yomg‘ir va qorga aylanishi mumkin bo‘lgan yog‘ingarchilik kutilmoqda. Shu bilan birga, pasttekisliklarda qor barqaror tus olmasligi, lekin tog‘li hududlarda haroratning kechasi -2 -5 darajagacha tushishi ehtimoli bor.

Avvalroq Kursiv Uzbekistan 29-oktabr kuni O‘zbekiston hududida asosan o‘zgaruvchan ob-havo kuzatilishi haqida xabar bergan edi.

Kuvayt delegatasiyasi O‘zbekistonda yangi islom banki tashkil etish bo‘yicha muzokaralar olib bormoqda. Bu haqda Investitsiyalar, sanoat va savdo vazirligi (ISSV) xabar bermoqda.

Muzokaralarda moliya, sanoat, energetika va infratuzilma sohalarida hamkorlikni kengaytirish masalalari muhokama qilingan. Shuningdek, Kuvayt tomonining O‘zbekiston hududida amalga oshirilayotgan investitsiya loyihalarida ishtirokini kuchaytirish istiqbollari ko‘rib chiqilgan.

Uchrashuv davomida islomiy moliya tizimini rivojlantirish va Noor Financial Investment Company ishtirokida O‘zbekistonda yangi islom bankini tashkil etish imkoniyatlari alohida e’tibor markazida bo‘lgan.

Kuvayt delegatsiyasi O‘zbekistonda olib borilayotgan iqtisodiy islohotlarni yuqori baholab, mamlakatning investitsiyaviy tashabbuslarida faol ishtirok etishga tayyor ekanini ta’kidlagan.

Eslatib o‘tamiz, Kursiv Uzbekistan keyingi yildan boshlab kredit berishdan oldin...

Xitoyning BAIC kompaniyasiga qarashli Arcfox brendi Alpha T5 modelini taqdim etdi. Bu haqda CarNewsChina xabar bermoqda.

Yangi Alpha T5 jami 7 xil komplektatsiyada taqdim etilmoqda. Rasmiy narx oralig‘i 113,800 – 158,800 yuanni (taxminan $16 ming – $22,2 ming) tashkil etadi.

Kengaytirilgan yurish masofasi

EREV versiyasi 1,5 litrli BAIC Shenqing tizimiga ega bo‘lib, 215 km sof elektr masofa, umumiy hisobda esa 1215 km yurish imkonini beradi. BEV versiyalarida esa batareya quvvati 64,8 kVt/soat, 74,4 kVt/soat va 79,2 kVt/soat bo‘lib, CLTC standarti bo‘yicha 560 km, 660 km va 705 km masofani bosib o‘tadi.

Aqlli boshqaruv tizimlari

Taqdimot chog‘ida kompaniya...

Shavkat Mirziyoyev kelasi hafta Vashingtonda AQSh prezidenti Donald Tramp bilan uchrashadi. Bu haqda AQSh davlat kotibi o‘rinbosari Kristofer Landau ma’lum qildi.

Uning so‘zlariga ko‘ra, O‘zbekiston rahbarining tashrifi yetakchilar o‘rtasidagi samarali uchrashuvga zamin yaratadi. Bu haqda Landau O‘zbekiston rasmiylari bilan muzokaralardan so‘ng X ijtimoiy tarmog‘ida yozgan.

Reuters agentligining manbasiga ko‘ra, AQSh prezidenti Donald Tramp Markaziy Osiyoning besh davlati – O‘zbekiston, Qozog‘iston, Qirg‘iziston, Tojikiston va Turkmaniston rahbarlari bilan sammit o‘tkazadi. Uchrashuv 6-noyabr kuni Vashingtonda bo‘lib o‘tishi rejalashtirilgan.

Qozog‘iston prezidenti Qosim-Jo‘mart Toqayev sammitda ishtirok etishini allaqachon tasdiqlagan va Trampga taklif uchun minnatdorlik bildirgan.

Reuters’ning ta’kidlashicha, uchrashuv AQShning an’anaviy tarzda Rossiya ta’sir doirasida...