Yangiliklar

Kursiv Uzbekistan kun davomida ro‘y bergan O‘zbekiston va dunyoda dolzarb yangiliklarni bir joyga jamladi.

4-sentabr kuni xorijiy valyutalarni qaysi banklarda qulay narxda almashtirish mumkin

Tijorat banklari 4-sentabr uchun xorijiy valyutalarni ayirboshlash kurslarini yangiladi. Kursiv Uzbekistan xorijiy valyuta kurslarining eng qulay narxlari to‘g‘risidagi ma’lumotlarni taqdim etadi.

Sotib olish

Sotish

Farg‘ona vodiysida vaqtincha gaz uzatish to‘xtatiladi

5-sentabr kuni soat 12:00 dan boshlab 36 soat davomida «Ohangaron – Pungon» magistral gaz quvuri orqali gaz uzatish vaqtincha to‘xtatiladi. Unga ko‘ra, bu yangi qurilgan 22 km qo‘shimcha quvurni tarmoqqa ulash ishlari bilan bog‘liq.

«Qayrat» — «Real Madrid»: YChLning Olmaotadagi markaziy...

5-sentabr kuni O‘zbekiston hududida kechasi harorat 12–22° oralig‘ida, kunduzi esa 22–38° atrofida bo‘lishi prognoz qilinmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

O‘zbekiston diplomatlari Saudiya Arabistonining Asir hududi hokimi shahzoda Turkiy bin Talol Ol Saud bilan uchrashuv o‘tkazdi. Bu haqda «Dunyo» AA ma’lum qildi.

Suhbatda ikki tomonlama munosabatlarni rivojlantirish, hududlararo sheriklikni mustahkamlash hamda turizm, iqtisodiyot va investitsiya sohalarida hamkorlik masalalari muhokama qilindi.

Asir hokimi O‘zbekistonning so‘nggi yillardagi yutuqlarini yuqori baholab, mamlakatning xalqaro maydondagi nufuzi ortib borayotganini ta’kidladi. U, shuningdek, O‘zbekistonning diniy-ma’rifiy sohadagi islohotlarini alohida e’tirof etdi.

Uchrashuvda turizm sohasi alohida yo‘nalish sifatida qayd etilib, Saudiya fuqarolari uchun 30 kunlik vizasiz kirish tizimi ijobiy baholandi. Tomonlar qishloq xo‘jaligi, tekstil, xizmat ko‘rsatish va boshqa sohalarda hamkorlikni yo‘lga qo‘yishga kelishib oldilar.

Eslatib o‘tamiz, avvalroq...

O‘zbekistonning turli hududlarida o‘zini Davlat xavfsizlik xizmati xodimi sifatida tanishtirib, fuqarolarni ishga joylashtirishni va’da qilgan firibgarlar qo‘lga olindi. Bu haqda DXX matbuot xizmati ma’lum qildi.

Qashqadaryo viloyatida avval firibgarlik uchun sudlangan shaxs yana jinoyatga qo‘l urib, bir fuqaroning ishonchiga kirgan. U DXXga ishga joylashtirishni va’da qilib, $30 ming va 510 mln so‘m pulni olgan. Shuningdek, qarindoshini Qurolli Kuchlar akademiyasiga kiritish bahonasida yana $10 ming talab qilgan. U tezkor tadbir vaqtida qo‘lga olingan.

Samarqand viloyatida esa yana bir shaxs $7 ming olayotganda ashyoviy dalillar bilan ushlandi.

Har ikki holat bo‘yicha jinoyat ishi qo‘zg‘atilib, tergov harakatlari olib borilmoqda. Mutasaddilar aholiga bunday...

Shavkat Mirziyoyev 4-sentyabr kuni qishloq xo‘jaligida qo‘shilgan qiymat zanjirini yaratish masalalari bo‘yicha taqdimot bilan tanishdi. Bu haqda prezident matbuot xizmati ma’lum qildi.

So‘nggi yillarda paxta va g‘alla maydonlari qisqartirilib, oziq-ovqat mahsulotlari uchun ajratildi, 160 ming gektar yangi bog‘ va tokzor barpo etildi, 1,5 ming loyiha asosida $1 mlrdlik oziq-ovqat ishlab chiqarish yo‘lga qo‘yildi. Shunga qaramay, sohada yashirin iqtisodiyot ulushi yuqoriligicha qolmoqda.

Yangi tizimga ko‘ra, 2026-yil 1-yanvardan boshlab dehqon va fermerlar g‘alla va paxtadan tashqari yetishtirgan mahsulotlarini sotishda qo‘shilgan qiymat solig‘idan (QQS) ozod etiladi. Shu bilan birga, urug‘, o‘g‘it, yoqilg‘i va transport kabi xarajatlarga to‘langan QQSni qaytarib olish imkoniyati saqlanadi.

AQSh prezidenti Donald Tramp Oq uyning yaqinda ta’mirlangan Rose Garden bog‘ida to‘rt nafar texnologiya rahbari uchun kechki ziyofat tashkil etmoqda. Tadbirda Mark Sukerberg (Meta), Tim Kuk (Apple), Bill Geyts (Microsoft), Sem Altman (OpenAI) hamda Sundar Pichai (Google/Alphabet) ishtirok etadi, deya xabar bermoqda CNN.

Oq uy matbuot xizmatiga ko‘ra, yangilangan hudud endi Rose Garden Club deb ataladi va prezident uni siyosat, biznes va texnologiya yetakchilarini muntazam qabul qilish joyiga aylantirishni rejalashtirgan.

Rose Garden qayta ta’mirlanish jarayonida maysalar olib tashlanib, o‘rniga tosh yotqizildi, prezident muhrlari o‘rnatildi va yoritish hamda musiqiy tizim yangilandi. CNN ma’lumotiga ko‘ra, bog‘da mashhur qo‘shiqlardan tortib, klassik musiqagacha...

Mashhur italyan moda dizayneri Jorjio Armani 91 yoshida vafot etdi. Armani Groupning ma’lum qilishicha, u yaqinlari qurshovida hayotdan ko‘z yumgan, deya yozmoqda CNN.

Armani o‘z faoliyati davomida italyancha nafislik timsoliga aylangan. Gollivud qizil gilamida yulduzlarga liboslar taqdim etib, modani yangi bosqichga olib chiqqan. 1975-yilda asos solingan Jorjio Armani brendi qisqa vaqt ichida dunyo bo‘ylab mashhur bo‘ldi.

U Richard Gere, Sofiya Loren, Arnold Shvartsenegger kabi yulduzlarni kiyimlari bilan bezagan, Versace bilan raqobatda 1980-yillarga o‘z uslubini muhrlagan. Armani nafaqat liboslar, balki Emporio Armani, Armani Exchange, Armani/Casa kabi yo‘nalishlar hamda hashamatli mehmonxonalar bilan ham tanilgan.

Armani Italiya Respublikasi ordeni, xalqaro mukofotlar va...

Andijon viloyati Bulokboshi tumanida muqaddam sudlangan fuqaro Damas avtomashinasida 124 dona «Regapen» dorisini Andijonga olib kelayotganda qo‘lga olindi. Bu haqda Bosh prokuratura departamenti ma’lum qildi.

Toshkent shahri Yangi hayot tumanida esa «N.A.» MChJ dorixonasi xodimi 50 dona «Omnadren 250» dorisini shifokor retseptisiz 3 mln so‘mga sotayotganda ushlangan.

Shuningdek, Surxondaryo viloyatida fuqaro 200 dona «Benzonal» dorisini 1,2 mln so‘mga sotayotganda dalillar bilan qo‘lga tushdi.

Mazkur holatlar yuzasidan Jinoyat kodeksiga muvofiq jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq departament tomonidan energiya resurslaridan noqonuniy foydalanish holatlari aniqlangan edi.

O‘zbekistonda korporativ obligatsiyalar bozorining o‘sishi uchun REPO operatsiyalarini to‘liq ishga tushirish zarur. Bu tizim kompaniyalar va investorlarga qimmatli qog‘ozlardan moliyalashtirish manbai sifatida foydalanish imkonini beradi. Bu haqda Toshkentda bo‘lib o‘tayotgan «O‘zbekiston kapital bozori» VII Cbonds xalqaro konferensiyasida Respublika fond birjasi (RFB) boshqaruvi raisi Georgiy Paresishvili ma’lum qildi, deya xabar bermoqda Kursiv Uzbekistan muxbiri.

Paresishvilining so‘zlariga ko‘ra, bugungi kunda davlat qimmatli qog‘ozlari bozorida REPO operatsiyalari faol qo‘llanilmoqda, chunki Markaziy bank tijorat banklariga likvidlik berish uchun davlat obligatsiyalarini qabul qilmoqda. Lekin korporativ obligatsiyalar segmentida bu mexanizm deyarli mavjud emas. «REPO bitimlari barmoq bilan sanagulik», — dedi u.

RFB rahbari ta’kidlashicha, faol...

So‘nggi paytlarda mobil aloqa operatorlari tomonidan abonentlarning roziligisiz pullik SMS va xizmatlarga avtomatik ulash holatlari ko‘paymoqda. Natijada fuqarolarning hisobidan ularning xabarisiz mablag‘ yechib olinmoqda. Bu haqda Senatning Mudofaa va xavfsizlik masalalari qo‘mitasi raisi Qutbiddin Burxonov ma’lum qildi.

Qo‘mitaning dastlabki o‘rganishlariga ko‘ra, 2025-yil 1-yanvar holatida mamlakatda 36 milliondan ortiq mobil aloqa abonenti bor. Mazkur pullik xizmatlarni operatorlar emas, balki 100 dan oshiq kontent provayderlar ko‘rsatmoqda. Ularning ba’zilarining faoliyati telekommunikatsiya kompaniyalari bilan tuzilgan hamkorlik shartnomalariga asoslangan.

Ammo amalda bu xizmatlar uchun to‘lov abonentning telefon raqamiga biriktirilgan hisobidan uning roziligisiz yechib olinmoqda. Eng qizig‘i, bir marta xizmatga ulanish kifoya shundan so‘ng har...

Senatning o‘ninchi yalpi majlisida banklar portfelida muammoli kreditlarni bartaraf etishga qaratilgan qonun maʼqullandi. Bu haqda Yuqori palata matbuot xizmati xabar berdi.

Ushbu hujjat sud va boshqa organlar hujjatlarining ijrosini raqamlashtirish, inson omilini kamaytirish hamda ijrodan bo‘yin tovlashning oldini olishga qaratilgan.

Qonunga ko‘ra, auksionda sotilmagan mol-mulk undiruvchiga berilganda, unga qo‘yilgan barcha taqiqlar davlat ijrochisi qarori bilan bekor qilinadi. Bu qaror mol-mulkni taqiqlarsiz davlat ro‘yxatidan o‘tkazish uchun asos bo‘lib xizmat qiladi.

Mazkur qonun xorijiy tajriba asosida ishlab chiqilgan bo‘lib, kreditorlarning huquqlarini mustahkamlash, banklardagi muammoli kreditlarni kamaytirish va fuqarolar hamda yuridik shaxslarning manfaatlarini samarali himoya qilishga xizmat qiladi.

1-avgust holatiga ko‘ra, banklardagi...

Smartfon xarid qilishda uning texnik xususiyatlariga e’tibor qaratish lozim. Ushbu maqolada 2025-yilning eng yaxshi 5G smartfonlari va ularning texnik xususiyatlari haqida so‘z boradi.

iPhone 16 Pro Max

Undagi mavjud 6,9 dyuymli ekran iPhone tarixida eng kattasi. Tasvir yorqin va ranglari alohida ajralib turadi. A18 Pro chipi vazifalarni tez bajaradi. Batareya quvvati 17 soat 17 daqiqaga yetadi. Ekran yorqinligi o‘lchovida undan Pixel 9 Pro biroz ustun kelgan. Korpus o‘lchami biroz o‘zgargan, lekin u S24 Ultra’dan yupqaroq va yengilroq. Katta ekran sabab bir qo‘l bilan boshqarish qiyin bo‘lishi mumkin.

Samsung Galaxy S25 Ultra

Modeldagi 6,9 dyuymli displey katta ish maydonini beradi. S...

O‘zbekiston Senati mahkumlarga kitob o‘qish orqali jazoni qisqartirish huquqini beruvchi qonunni ma’qulladi. Bu haqda yuqori palata matbuot xizmati xabar berdi.

Unga ko‘ra, endilikda mahkumlar Respublika Ma’naviyat va ma’rifat markazi tasdiqlagan ro‘yxatdagi har bir kitob o‘qilgani uchun jazodan 3 kun qisqaradi. Shu bilan birga, bir yil davomida eng ko‘pi bilan 30 kunlik imtiyoz olish mumkin.

Mazkur imkoniyat umrbod ozodlikdan mahrum qilinganlarga tatbiq etilmaydi. Faqat jazoni shartli ravishda muddatidan oldin o‘tash imkoniga ega bo‘lgan shaxslargagina qo‘llanadi. Senat ma’lumotiga ko‘ra, bu norma 13,5 mingdan ortiq mahkumga taalluqli bo‘lishi mumkin.

Qonun bilan «Huquqbuzarliklar profilaktikasi to‘g‘risida»gi hujjatga ham o‘zgartirishlar kiritildi. Endilikda profilaktik hisobga olish...

Surxondaryo viloyati IIB xabar berishicha, ayol va uning chaqalog‘i norasmiy turmush o‘rtog‘i tomonidan majburan molxonada ushlab turilgan. Voqea haqida huquq-tartibot idoralariga 26-avgust kuni xabar berilgan.

Shundan so‘ng Uzun tumanidagi mahallaga profilaktika inspektori yetib kelgan. Uy egalari qarshilik ko‘rsatganiga qaramay, u molxona eshigini buzib kirib, ayol va bolasini og‘ir sharoitida saqlanayotganini aniqlagan.

Tergov jarayonida ma’lum bo‘lishicha, ayolning norasmiy turmush o‘rtog‘i uni bir necha oy davomida molxonada majburan saqlab kelgan. Jabrlanuvchining nutqida nuqsoni borligi qayd etilgan. IIBning ta’kidlashicha, erkak unga nisbatan psixologik va jismoniy zo‘ravonlik qilgan.

Hozirda ayol va uning farzandi shifokorlar nazoratida. Ularning ta’minoti hududiy ijtimoiy himoya boshqarmasi tomonidan...

2025-yilning yanvar–iyun oylarida O‘zbekistondagi barcha toifadagi xo‘jaliklar tomonidan 53,2 ming tonna baliq ovlangan. Bu haqda Milliy statistika qo‘mitasi ma’lum qildi.

Bu ko‘rsatkich o‘tgan yilning mos davriga nisbatan 9,4 foizga o‘sgan. Joriy yilning dastlabki yarmida Xorazm viloyatida 9,4 ming tonna baliq ovlangan. Bu ko‘rsatkich respublika bo‘yicha eng yuqori ulushga ega bo‘lib, jami ovlangan baliqlarning 17,7 foizini tashkil etgan.

2024- yilning yanvar–iyun oylarida respublika boʻyicha fermer xo‘jaliklari tomonidan 24,6 ming tonna baliq ovlangan.

O‘zbekistonda baliqchilikni rivojlantirish uchun $150 mln ajratilishi rejalashtirilgan. Shundan $50 mln qismi aynan Andijon viloyatiga to‘g‘ri keladi.

Andijon viloyatdagi 5,7 ming gektar sun’iy suv havzalarining atigi...

Samsung o‘zining navbatdagi hamyonbop Samsung Galaxy S25 FE smartfoni rasmiy taqdim etdi. Bu haqda kompaniyaning o‘zi ma’lum qildi.

Smartfon Android 16 asosidagi One UI 8 interfeysi bilan chiqdi va 7 yil davomida yangilanishlarni oladi. Qiziq jihati shundaki, FE modeli Galaxy S25 Ultra’dan ham oldin final versiyani oldi.

Yangi qurilma 4 nm Exynos 2400 chipida ishlaydi. U 8 GB tezkor xotira va 512 GB gacha doimiy xotira bilan jihozlangan. Sovutish tizimidagi bug‘ kamerasi hajmi 10% kattalashtirilgan. Batareya sig‘imi 4900 mA/soat, tezkor quvvatlanishi esa 45 Vt.

Uning ekrani 6,7 dyuymli Dynamic AMOLED 2X, Full HD+ aniqlik va 120 Hz yangilanish tezligi...

5-sentabr kuni uchun dollar kursi 12 437,15 so‘m (+62,6 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 55,56 so‘mga oshib, 14 480,57 so‘mni, rubl esa 0,21 so‘mga oshib, 153,34 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

Portugaliya poytaxti Lissabonda mashhur Gloriya funikulyori 3-sentabr kuni relsdan chiqib ketishi natijasida 17 kishi halok bo‘ldi, 23 kishi jarohat oldi. Bu haqda DW nashri xabar berdi.

Ulardan besh nafarining ahvoli og‘ir ekani qayd etildi. Guvohlarning aytishicha, vagon tik ko‘chadan katta tezlikda tushib kelib, binoga kuchli zarba bilan urilgan va butunlay vayron bo‘lgan.

Lissabon meri Karlush Muedash shahar tarixida bunday fojia yuz bermaganini ta’kidlab, 4-sentabrdan uch kunlik motam e’lon qildi.

Dastlabki ma’lumotlarga ko‘ra, halokatga tortuvchi trosning uzilishi yoki bo‘shashishi sabab bo‘lgan bo‘lishi mumkin. Shahar transport operatori Carris vagon vaqtida texnik ko‘rikdan o‘tganini ma’lum qildi va hozirda tergov ishlari huquqni muhofaza...

O‘zbekistonga o‘z ehtiyoji uchun olib kiriladigan transport vositalari bo‘yicha moslikni baholash tartibi yengillashtirildi. Bu haqda Jahon savdo tashkiloti bilan hamkorlik doirasida tuzilgan idoralararo komissiya qarori qabul qilindi. Qaror nusxasi Kursiv’da mavjud.

Unga ko‘ra, avtomobillarni Piskent avtopoligonida tekshirish joriy etilganidan keyin rasmiy sotuvlarda katta o‘zgarish kuzatilmagan. Shu bilan birga, joriy yilning birinchi yarmida jismoniy shaxslar tomonidan olib kirilgan avtomobillar soni 2 693 taga ortgan.

Qabul qilingan qarorga ko‘ra, yuridik shaxslar uchun avtomobil turini ma’qullash hujjatining amal qilish muddati 3 yildan 5 yilga uzaytirildi.

Shuningdek, 2-sentabrdan shaxsiy ehtiyoj uchun olib kiriladigan bir dona avtomobilni Piskent avtopoligonida sinovdan o‘tkazish talabi bekor qilindi.

Istiqbolli loyihalar milliy agentligi (ILMA) direktorining birinchi o‘rinbosari Vyacheslav Pak kapital bozori ishtirokchilarini normativ-huquqiy hujjatlarning jamoatchilik muhokamasida faolroq ishtirok etishga chaqirdi. Bu haqda u Toshkentda bo‘lib o‘tayotgan «O‘zbekiston kapital bozori» Cbonds VII xalqaro konferensiyasida ma’lum qildi, deya xabar bermoqda Kursiv Uzbekistan muxbiri.

ILMA normativ-huquqiy hujjatlar loyihalarini jamoatchilik muhokamasi uchun e’lon qiladi, biroq fikr-mulohazalarning sifati juda past darajada. Hujjat ishlab chiqilayotgan paytda hamma jim turadi, u qabul qilingach esa tanqidlar boshlanadi, deya ta’kidladi Pak.

«Yana bir bor ta’kidlamoqchiman: kapital bozorini rivojlantirish faqat regulyatorning sa’y-harakati emas. Bu regulyator va bozorning qo‘shma harakatlari bo‘lishi kerak. Siz bizga o‘z maslahatlaringizni...

Qozog‘istonda tashqi ishlar vaziri, sobiq Milliy xavfsizlik qo‘mitasi (KNB) mulozimi Murat Nurtleu va taniqli biznesmen Gadji Gadjiyev hibsga olingani haqida xabarlar tarqaldi.

Orda.kz’ning yozishicha, ularning uylarida tintuv o‘tkazilgan, shuningdek, bir nechta yuqori lavozimli KNB xodimi ham qo‘lga olingan.

Shunga qaramay rasmiy vakillar ushbu ma’lumotlarni inkor etmoqda. Qozog‘iston madaniyat va axborot vaziri Aida Balaeva o‘zining Facebook sahifasida tarqalgan xabarlarni «ba’zi OAV va anonim Telegram-kanallardagi tasdiqlanmagan ma’lumotlar» deya atadi va hozircha rasmiy tasdiq yo‘qligini bildirdi.

Manbalarga ko‘ra, Murat Nurtleu tergov asosida hibsga olingan va uyida tintuv ishlari olib borilgan. Xuddi shunday holatda biznesmen Gadji Gadjiyev ham ushlangan. Ushbu jarayonlar KNB...

O‘zbekiston Tashqi ishlar vaziri Baxtiyor Saidov Fransiyaning O‘zbekistondagi yangi tayinlangan elchisi Ualid Fukdan ishonch yorliqlari nusxalarini qabul qildi. Bu haqda vazir o‘z telegram kanalida ma’lum qildi.

«Ikki davlat o‘rtasidagi mustahkam tarixiy zamin va boy an’analarga ega munosabatlar so‘nggi yillarda yuqori sur’atlar bilan rivojlanib, strategik sheriklik darajasiga ko‘tarildi. Bugungi kunda hamkorlik iqtisodiyotdan tortib madaniyatgacha bo‘lgan barcha sohalarni qamrab olmoqda. Shu bilan birga, mavjud salohiyat yanada keng bo‘lib, uni to‘liq ro‘yobga chiqarish uchun diplomatlarimizning hamkorlikdagi sa’y-harakatlari muhim ahamiyat kasb etadi», deya qayd etgan Baxtiyor Saidov.

Vazir yangi elchiga O‘zbekistondagi faoliyatida muvaffaqiyatlar va samarali mehnat tiladi.

Bundan avval ushbu lavozimda Oreliya Bushez faoliyat...

5-sentabrdan boshlab Yaponiyada yangilangan Honda Prelude yangi avlodi sotuvga chiqdi. Bu haqda «Avtonovosti dnya» xabar bermoqda.

Sport kupe modeli gibrid e/HEV tizimi bilan jihozlangan. Avtomobilning haydovchi o‘rindig‘i dinamik harakat uchun qulay qo‘llab-quvvatlashni, yo‘lovchi o‘rindig‘i esa yuqori darajadagi komfortni ta’minlaydi. Salonida Bose audiosistemi (8 karnay), ikki zonali konditsioner va 9 dyuymli multimedia ekrani o‘rnatilgan.

2,0 litrli dvigatelga asoslangan gibrid tizim S+ Shift texnologiyasi orqali 8 pog‘onali uzatmalar qutisini imitatsiya qiladi. Uchta asosiy rejim — Sport, GT, Comfort hamda shaxsiy sozlanadigan Individual rejim mavjud bo‘lib, haydovchi dvigatel, osma tizim, rul, kruiz-kontrol va hatto motor tovushini ham sozlashi mumkin.

Yaponiyada yangi...

Citibank o‘tkazgan so‘rovnoma natijalariga ko‘ra, kelgusi besh yil ichida post-savdo bozoridagi aylanmaning 10 foizi kriptovalyuta va raqamli aktivlar orqali amalga oshirilishi kutilmoqda.

So‘rovnomada dunyoning turli hududlaridan – Amerika, Yevropa, Osiyo – Tinch okeani mintaqasi va Yaqin Sharqdan 537 nafar moliyaviy tashkilot vakillari (banklar, brokerlar, aktivlarni boshqaruvchilar va investorlar) qatnashgan. Ularning yarmidan ko‘pi post-savdo jarayonlarida generativ sun’iy intellekt (GenAI) texnologiyasini sinovdan o‘tkazayotganini bildirgan.

Citi hisobotida qayd etilishicha, 2021-yildan buyon raqamli aktivlardan foydalanish tajriba darajasidan strategik bosqichga o‘tgan. Hali to‘liq o‘zgarish nuqtasiga yetilmagan bo‘lsa-da, jarayon yaqin kelajakda keskin o‘sishi mumkinligi aytilmoqda.

So‘rovnoma ishtirokchilari likvidlikni oshirish va xarajatlarni kamaytirish raqamli texnologiyalarga sarmoya...