Yangiliklar

Tracker — bu o‘rta o‘lchamdagi krossover avtomobil bo‘lib, u dunyoning turli hududlarida turli nomlar ostida ishlab chiqarilgan. Model yillar davomida bir nechta modernizatsiyalardan o‘tgan. Tracker modeli Chevrolet brendining xalqaro bozorga mo‘ljallangan yengil SUV segmentidagi muhim ishtirokchilaridan biridir. Quyidagi maqolada ushbu Chevrolet Tracker avtomobili qanday tarixiy yo‘lni bosib o‘tgan degan savolga javob beramiz.

Boshlanishi: Geo Tracker (1989 – 2004)

Chevrolet Tracker dastlab 1989-yilda Geo Tracker nomi ostida AQShda taqdim etilgan. Bu model aslida yapon ishlab chiqaruvchisi Suzuki bilan hamkorlikda yaratilgan. U Suzuki Vitara asosida ishlab chiqilgan. Geo Tracker kichik o‘lchamdagi model. Uning to‘rt g‘ildirakli yurish tizimi, ixchamligi va yo‘ldan...

8-iyul kuni Oliy Majlis Qonunchilik palatasi deputatlari «Avtomobil yo‘llari to‘g‘risida»gi yangi qonun loyihasini birinchi o‘qishda ma’qulladi.

Yangi hujjat avtomobil yo‘llarini rejalashtirish, loyihalash, qurish va ulardan foydalanish tartiblarini tubdan yangilashni nazarda tutadi.

Qonun loyihasi 7 bob va 47 moddadan iborat bo‘lib, pullik avtomobil yo‘llari, xususiy hamda xorijiy investitsiyalarni jalb qilish, yo‘l infratuzilmasini zamonaviy texnologiyalar bilan uyg‘unlashtirish kabi muhim yo‘nalishlarda aniq huquqiy asoslarni yaratadi.

Eng muhim jihatlardan biri – yo‘llarni loyihalashtirishda aholi fikri va atrof-muhitga ta’sir omillari endi qonuniy darajada hisobga olinishi shart bo‘ladi. Deputatlar bu orqali yo‘llar sifati, ularning ekologik xavfsizligi va insonlar hayotidagi qulaylik darajasini oshirishga erishishni maqsad...

Xonanda Botir Qodirov shoir Shamsiddin Sadoiy (To‘rayev) mualliflik huquqini buzganligi uchun sud qarori bilan 132 million so‘m miqdorida tovon va ma’naviy zarar to‘lashi belgilandi. Bu haqda Adliya vazirligi xabar berdi.

Iyun oyida Shamsiddin To‘rayev tomonidan Uchtepa tumanlararo fuqarolik sudiga mualliflik huquqlarining buzilishi yuzasidan da’vo arizasi kiritilgan. Sud arizasida «Davlating borida», «Omonat» va «Tingla do‘stim» nomli she’rlar muallifining roziligisiz foydalanilgani va bu bilan unga ma’naviy zarar yetkazilgani qayd etilgan.

Sud ishini ko‘rib chiqib, xonanda Botir Qodirovdan bazaviy hisoblash miqdorining (BHM) 300 barobari – 112,5 million so‘m miqdorida tovon va qo‘shimcha 20 million so‘m ma’naviy zarar undirishga qaror chiqardi.

Bundan tashqari...

Iyun oyida Oʻzbekistonda aholi va tadbirkorlar oʻrtasida inflyatsion kutilmalar pasaydi. Bu haqda Markaziy bank oʻtkazgan soʻrov natijalari asosida tayyorlangan hisobotda ma’lum qilindi.

Ma’lum qilinishicha, biznes vakillari orasida inflyatsion kutilmalarning oʻrtacha darajasi 11,8 foizni tashkil etdi, medianasi esa 10,3 foiz boʻldi. Soʻrovda qatnashganlarning 13,4 foizi narxlar eng koʻp ta’lim sohasida, 12,9 foizi transportda va 12,3 foizi umumiy ovqatlanish sohasida oshishini kutmoqda.

Aholi orasida esa inflyatsion kutilmalarning oʻrtacha darajasi oy davomida 13,7 foizdan 13,2 foizgacha kamaydi. Mediana koʻrsatkichi esa 11,1 foizdan 11 foizgacha tushdi. Hududlar kesimida esa eng yuqori kutilmalar Toshkentda (15,2%), Samarqandda (14,1%) va Surxondaryoda (14%) qayd etildi. Navoiy...

Markaziy bank ma’lumotlariga ko‘ra, 8-iyul kuni dollar kursi 35,36 so‘mga yuqorilab, 12 712,09 so‘m qilib belgilandi.

30-iyun kuni dollar 40,84 so‘mga oshib, 12 694,97 so‘m etib belgilandi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab esa pasayish bosqichma-bosqich boshlandi. 1-iyulda dollar 18,86 so‘mga tushib, 12 676,11 so‘mga yetdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mni tashkil qildi. 3-iyulda yana pasayish davom etdi: 34,15 so‘mga kamayib, 12 557,56 so‘mga tushdi.

4-iyul kuni esa vaziyat o‘zgardi – dollar kursi 49,17 so‘mga ko‘tarilib...

9 – 11-iyul kunlari O‘zbekistonning tog‘ va tog‘ oldi hududlarida kuchli yomg‘irlar yog‘ishi kutilmoqda. Bu haqda «O‘zgidromet» ogohlantirish bilan chiqdi.

Unga ko‘ra, bu yog‘ingarchiliklar natijasida bir qator viloyatlarda sel-suv toshqin hodisalari yuzaga kelishi mumkin.

Xususan, Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrobod tumanlarida, Toshkent viloyatining Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq tumanlari hamda Angren va Olmaliq shaharlarida sel xavfi mavjud.

Shuningdek, Namangan viloyatida Pop, Kosonsoy, Chortoq, Chust, Namangan va Yangiqo‘rg‘on tumanlarida, Farg‘ona viloyatida So‘x, Shohimardon, Farg‘ona va Beshariq tumanlarida, Andijon viloyatida esa Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda...

Edu-Action Exams Centre rasmiy bayonotiga ko‘ra, 2025-yil 11-iyuldan boshlab O‘zbekistonda IELTS’ning qog‘ozli shakldagi imtihonlari vaqtincha to‘xtatildi.

Bu qaror IDP, British Council hamda Cambridge University Press & Assessment tomonidan texnik va operatsion sabablar bilan bog‘liq holda qabul qilingan.

Imtihonga ro‘yxatdan o‘tganlarga ikki xil imkoniyat taqdim etilmoqda:

Talabgorlar Edu-Action Exams Centre’ga (https://exams.uz/) murojaat qilib, o‘z tanlovlarini bildirishlari so‘ralmoqda.

Avvalroq Kursiv Uzbekistan Magistraturaga hujjat topshirish boshlangani haqida xabar bergaan edi.

Donald Tramp va Benyamin Netanyaxu dushanba kuni Vashingtonda uchrashdi. Bu haqda Reuters xabar bermoqda.

Uchrashuvda Eron bilan muzokaralar rejalari, G‘azo sektoridagi falastinliklarni boshqa davlatlarga ko‘chirish tashabbusi va Isroil – Hamas o‘rtasidagi sulh masalalari muhokama qilindi.

Netanyaxu matbuot oldida bergan bayonotida AQSh va Isroil boshqa davlatlar bilan birgalikda G‘azo aholisi uchun «yaxshiroq kelajak» ta’minlash ustida ishlayotganini aytdi.

«Kim qolishni xohlasa – qolsin, lekin chiqishni istaganlar uchun bu imkoniyat bo‘lishi kerak», – degan u.

Tramp esa qo‘shni davlatlarning bu reja bo‘yicha hamkorlik qilayotganini ta’kidladi.

«Barcha qo‘shni davlatlar bilan ajoyib hamkorlik qilyapmiz. Yaxshi...

Adidas brendi 1969-yilda ilk bor basketbol maydonida paydo bo‘lgan va tez orada madaniy ikonaga aylangan mashhur Superstar krossovkasining Lionel Messi sharafiga tayyorlangan yangi modelini taqdim etdi. Bu haqda Highsnobiety nashri xabar qildi.

Krossovkaning och ko‘k rangdagi detallari Argentinaning milliy ranglarini eslatadi, yana bir modelda esa yorqin pushti va qora rang uyg‘unlashib, ustiga oltin harflarda Messi ismi yozilgan.

Narxi $110 bo‘lgan bu krossovkalar nafaqat kundalik kiyimga mos, balki futbolchiga hurmat ifodasi sifatida qaralmoqda. Adidas bu orqali o‘zining eng mashhur siluetlaridan biri orqali Messining sportdagi va xayriya sohasidagi ta’sirini e’tirof etgan.

Adidas Superstar krossovkalari soddaligi, aniq chiziqlari va darhol tanib bo‘ladigan...

Redmi yaqinda K80 Ultra flagmanini taqdim etgan edi, kompaniya allaqachon yangi avlod smartfoni – Redmi K90 Pro ustida ishlamoqda. Bu haqda Gizmochina ma’lum qildi.

Unga ko‘ra, Redmi K90 Pro prototipi flagman darajasidagi texnik xususiyatlarga ega. Smartfon Snapdragon 8 Elite 2 (SM8850) chipi asosida ishlaydi. Bu model seriyada birinchi bo‘lib asosiy kamera tarkibida periskopli teleobyektiv bilan ta’minlanadi. Taqqoslash uchun, K80 Pro modelida oddiy teleobyektiv ishlatilgan. Yangi optika esa yanada aniq va sifatli zoom imkoniyatini beradi.

Shuningdek, K90 Pro metall korpus, stereodinamikalar, ekranga o‘rnatilgan ultratovushli barmoq izi skaneri va kuchli vibratsiya motoriga ega bo‘ladi.

Smartfon 50 MP OmniVision OV50Q sensori...

ChatGPT yangi «Study Together» – «birgalikda o‘rganish» funksiyasini sinovdan o‘tkazmoqda. Bu haqda Techcrunch nashri xabar bermoqda.

Ringblaze kompaniyasining asoschisi va texnik direktori Liem Doning X tarmog‘ida ma’lum qilishicha, funksiya ba’zi hisoblarda allaqachon ish boshlagan.

Bu funksiyaning qachon ommaga taqdim etilishi aniq emas. Barcha foydalanuvchilarga ochiq bo‘ladimi yoki faqat obuna asosida ishlaydimi – noma’lum.

Yangi rejim ChatGPT’ni faqat javob beruvchi emas, balki o‘rgatuvchi vosita sifatida ko‘rsatmoqda. U foydalanuvchiga savollar berib, mantiqiy fikrlash va o‘z javobini shakllantirishga undaydi. Ba’zi foydalanuvchilar ushbu rejimda bir nechta odam ishtirok etadigan o‘quv guruhlari bo‘lishi mumkinmi, degan savol bilan qiziqmoqda.

«Birgalikda o‘rganish» funksiyasi ChatGPT’dan to‘g‘ri...

Samsung kompaniyasi yangi Samsung Galaxy S26 Ultra flagmanini taqdim etishga tayyorgarlik ko‘rmoqda. Android Headlines ma’lumotiga ko‘ra, smartfon Snapdragon 8 Elite Gen 2 chipi, 16 GB operativ xotira va kuchli sovitish tizimi bilan jihozlanadi.

Qurilmada 6,9 dyuymli AMOLED ekran bo‘ladi, ramkalar esa yanada torayadi. S Pen stilusiga qo‘llab-quvvatlash saqlanib qoladi.

Galaxy S26 Ultra yangi kameralar tizimi bilan chiqadi. Asosiy kamera 200 megapikselli ISOCELL HP2 matritsaga ega bo‘ladi, shuningdek, 50 MP ultra keng burchakli va periskop kameralar, 12 MP telefoto moduli o‘rnatiladi. Kamera tizimi uchun yangi ProVisual Engine protsessori va lazerli fokuslash tizimi ham qo‘shiladi.

Smartfon ichki sovishini yaxshilash uchun bu...

7-iyul holatiga ko‘ra, tijorat banklarida amal qilayotgan mikroqarz va avtokreditlar bo‘yicha yillik foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha yillik foiz stavkasi 35,4 foizni tashkil etmoqda. Bu kreditlar asosan kichik biznes, oilaviy tadbirkorlik va iste’mol ehtiyojlari uchun beriladi.

Eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

Italiyaning mashhur avtomobil ishlab chiqaruvchisi Ferrari nisbatan budjetli modelini taqdim etdi. Bu haqda Kursiv Media xabar berdi.

Amalfi deb nomlangan superkar 240 ming yevroga baholangan bo‘lib, kompaniya uni boshlang‘ich darajadagi model sifatida taqdim qildi. Mutaxassislar bu narx yuqoridek tuyulishi mumkinligini tan olsalar-da, bu Ferrari tarixidagi eng arzon modellardan biri ekani ta’kidlanmoqda.

Yangi avtomobil soatiga 100 km tezlikka atigi 3,3 soniyada chiqadi. Uning maksimal tezligi esa 320 km/soatni tashkil etadi. Salonida 1200 vatt quvvatga ega Burmester premium audio tizimi o‘rnatilgan.

Eslatib o‘tamiz, Kursiv Uzbekistan Ferrari ilk elektromobilini ishlab chiqarish uchun sex qurishi haqida yozgan edi.

Beijing Hyundai kompaniyasi o‘zining birinchi to‘liq elektr quvvatida ishlaydigan SUV modeli – Elexio’ning ichki ko‘rinishini rasman e’lon qildi. Bu haqda CarNewsChina xabar berdi.

Mazkur model shu yilning uchinchi choragida bozorga chiqarilishi kutilmoqda. Salonning asosiy diqqatga sazovor jihati – 4K aniqlikdagi va 1000 cd/m² yorug‘likka ega 27 dyuymli ikki ekranli displey hisoblanadi. Rulda joylashgan paddle-shifter tugmalari haydovchiga to‘rt xil kinetik energiyani tiklash darajasini tanlash va bitta pedal yordamida boshqaruv rejimini faollashtirish imkonini beradi.

Elexio haydovchi va old yo‘lovchi uchun sinxronlangan ikki zonali simsiz quvvatlash imkoniyatini taqdim etadi. Shuningdek, avtomobil 29 ta saqlash bo‘limi, suriladigan maxfiy quti va ikki yo‘nalishda kengayadigan...

iPhone 17 Pro Max smartfoni Apple tarixidagi eng katta sig‘imli batareyaga ega bo‘lishi kutilmoqda. Lifehacker nashrining Instant Digital’ga tayanib xabar berishicha, yangi flagman qurilmaning batareyasi hajmi va avtonom ishlash muddati bo‘yicha eng yuqori bo‘lishi mumkin.

Yangi iPhone 17 Pro Max 5 000 mA⋅soat sig‘imli akkumulyator bilan jihozlanadi. Bu batareya taxminan 35 soat yoki undan ko‘proq vaqt davomida zaryadsiz ishlash imkonini beradi. Qurilmaning ishlash muddatining uzayishiga A19 Pro chipining energiya samaradorligi va yangi Qualcomm Snapdragon X80 modemi katta ta’sir ko‘rsatadi.

iPhone batareyalari quyidagi o‘zgarish bosqichlarini bosib o‘tgan.

iPhone 17 seriyasining rasmiy taqdimoti 2025-yil sentabr oyida bo‘lib o‘tishi kutilmoqda.

Avvalroq Mobil...

Nissan kompaniyasi 2026-yildan boshlab Xitoyda ishlab chiqarilgan elektromobillarini Janubi-Sharqiy Osiyo, Yaqin Sharq va boshqa mintaqalarga eksport qilishni rejalashtirmoqda. Bu haqda CarNewsChina xabar bermoqda.

Bu orqali kompaniya xorijdagi xizmat ko‘rsatish tarmog‘idan samarali foydalanishni maqsad qilgan.

Eksport qilinadigan modellardan biri – Nissan N7 sedanidir. Bu Xitoyda Nissan’ning qo‘shma korxonasi tomonidan yaratilgan ilk elektromobil bo‘lib, 2024-yil aprelida savdoga chiqdi. N7 modeli qisqa vaqt ichida 10 mingdan ortiq buyurtma to‘pladi. Uning boshlang‘ich narxi 119 900 yuanni (taxminan $16,4 mingni) tashkil etadi. U Guangjou shahridagi zavodda ishlab chiqariladi.

Mazkur modelda Xitoy kompaniyalari ishlab chiqqan sun’iy intellekt dasturi ishlatilgan. Biroq ba’zi mamlakatlarda Xitoyda ishlab...

O‘zbekiston BMTning Oziq-ovqat va qishloq xo‘jaligi tashkiloti kengashiga saylandi. Bu haqda O‘zbekiston Tashqi ishlar vazirligi xabar berdi.

2025-yil 4-iyul kuni Rim shahrida Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) Kengashining 2028–2029-yillarga mo‘ljallangan a’zoligiga saylov bo‘lib o‘tdi. Unda O‘zbekiston birinchi marta ushbu nufuzli organ tarkibiga bir ovozdan saylandi.

FAO Kengashi geografik taqsimot asosida 3 yil muddatga saylanadigan 49 ta a’zo davlatdan iborat bo‘lib, o‘z vakolatlari doirasida budjet masalalari, FAO dasturlarini muhokama qiladi. Bundan tashqari, konferensiyaga muhim qarorlar hamda tavsiyalar beradi.

FAO Kengashiga a’zolik O‘zbekiston uchun global qishloq xo‘jaligi va oziq-ovqat siyosatini shakllantirishda, normativ hujjat va standartlar ishlab chiqishda...

Toshkent viloyatida faoliyat yurituvchi «Lutfilla fayz» MChJ spirtli ichimliklar reklamasini joylashtirilgani uchun moliyaviy jarimaga tortildi. Bu haqda Raqobat qo‘mitasi xabar berdi.

Aniqlanishicha, korxona tomonidan joylangan reklamalar «Reklama to‘g‘risida»gi Qonunning 38-moddasiga zid bo‘lib, unga ko‘ra har qanday quvvatdagi alkogol mahsulotlarini reklama qilish taqiqlanadi.

Qo‘mita Maxsus komissiya tomonidan korxonaga nisbatan moliyaviy jarima qo‘llash haqida qaror qabul qilindi.

Avvalroq Kursiv Uzbekistan 17 ta tashkilot reklama qonunchiligini buzgani uchun jarimaga tortilgani haqida yozgandi.

Chevrolet Onix bugungi kunda nafaqat O‘zbekiston, balki janubiy Amerikada ham ommabop sedanlardan biri hisoblanadi. Bu avtomobil o‘zining ixcham dizayni, yoqilg‘i tejamkorligi va qulay funksiyalari bilan ajralib turadi. Ayniqsa, shaharda harakatlanish uchun qulay bo‘lganligi, arzon narxli variantlari va zamonaviy ko‘rinishi uni ko‘plab haydovchilarning tanloviga aylantirdi. Ushbu maqolada Chevrolet Onix avtomobilining dizayni haqida bilish kerak bo‘lgan mavzularni batafsil ko‘rib chiqamiz.

Chevrolet Onix Braziliya va O‘zbekistonda

Janubiy Amerika bozorida, ayniqsa, Braziliya va Argentinada sotilayotgan Onix va Onix Plus modellari O‘zbekistonda ishlab chiqarilayotgan Onix bilan bir xil GEM platformasiga asoslangan. Ular tashqi ko‘rinish va asosiy tuzilma jihatidan o‘xshash.

Biroq Janubiy Amerikadagi Onix...

Isroil bosh vaziri Benyamin Netanyaxu AQSh prezidenti Donald Trampni Tinchlik bo‘yicha Nobel mukofotiga nomzod sifatida tavsiya etdi. Bu haqda The Hill nashri xabar berdi.

Tavsiya Trampning Isroil va Eron o‘rtasidagi o‘t ochishni to‘xtatish bo‘yicha ko‘rsatgan tashabbuslari bilan bog‘liq. Netanyaxu bu haqda Oq uyda bo‘lib o‘tgan kechki ovqat paytida e’lon qildi va maktubni shaxsan prezidentga topshirdi.

Netanyaxu Trampni «bir mamlakatdan boshqasigacha tinchlikni qaror toptirayotgan rahbar» sifatida ta’rifladi. Ularning Eron yadroviy obyektlariga qarshi uyushtirgan qo‘shma harbiy zarbalari ham muvaffaqiyatli deb baholandi.

Tramp esa bu tavsiyani «juda ahamiyatli» deb atadi va o‘zining tinchlik yo‘lidagi sa’y-harakatlarini, xususan, Hindiston – Pokiston hamda Isroil...

1-iyul holatiga ko‘ra, O‘zbekistonning doimiy aholisi soni 37 million 859 ming 698 nafarga yetdi. Bu haqda Milliy statistika qo‘mitasi ma’lum qildi.

Bu ko‘rsatkich 2024-yilning shu davriga nisbatan 2 foizga oshgan. O‘tgan yili 37 134,2 ming kishini tashkil etgan.

Hozirda mamlakatda 19,1 million nafar erkak, 18,8 million nafar ayol istiqomat qilmoqda. Shuningdek, 19,3 million kishi shaharlarda, 18,6 million kishi esa qishloq joylarda yashaydi.

Shuningdek, 1-aprel holatiga ko‘ra, hududlar kesimida esa eng ko‘p aholi Samarqand (4,3 mln) va Farg‘ona (4,1 mln) viloyatlarida qayd etilgan. Toshkent shahri aholisi 3,1 milliondan oshgan.

Shuningdek, Qashqadaryoda 3,6 mln, Andijonda 3,4 mln, Namanganda...

Qozog‘istonda quroq ko‘rpa yig‘ish bo‘yicha jahon rekordi o‘rnatildi. Bu haqda Qazaqparat agentligi xabar berdi.

Olmaotada quroq ko‘rpa yig‘ish bo‘yicha noyob madaniy tadbir o‘tkazildi. Alaman quroq jamoasi tashabbusi bilan Medeu muz maydonining butun yuzasini qamrab olgan quroq ko‘rpa yig‘ildi.

Mazkur ish Global Book of Records (GBR) Jahon rekordlari kitobi vakillari tarafidan baholandi. Kitobining Osiyo va Afrika bo‘yicha bosh inspektori Quandik Qudaybergenov ushbu tashabbus qanday amalga oshirilganini ochiqladi.

«Dunyo bo‘yicha mashhur to‘rtta jahon rekordlari kitobi bor. Shulardan Global Book of Records madaniy rekordlarga alohida e’tibor qaratadi. Bizning Mumbay va Dubaydagi ofislarimizga Qozog‘istonning Alaman quraq jamoasidan etno-rekordni ro‘yxatdan...

Fazoviy kemani avtonom boshqarish bo‘yicha o‘tkazilgan xalqaro musobaqada ChatGPT modeli yuqori natijaga erishdi. Bu haqda Space ma’lum qildi.

Tadqiqotchilar tomonidan «quvib boruvchi fazoviy apparatni boshqaruvchi agent» vazifasi yuklatilgan model ikkinchi o‘rinni egalladi.

Musobaqa mashhur Kerbal Space Program o‘yini asosida tashkil etilgan bo‘lib, unda sun’iy yo‘ldoshni quvish, tutib olish va aniqlanishdan qochish kabi topshiriqlar bajarildi.

Eksperiment kosmosni avtonom o‘zlashtirish bo‘yicha ishlanmalar yaqin yillarda amaliyotga tatbiq etilishi mumkinligini ko‘rsatmoqda.

Mutaxassislar bu yutuqqa qaramay, sun’iy intellekt hali ham to‘liq ishonchli emasligini, ayniqsa, «gallyutsinatsiyalar» – noto‘g‘ri va mazmunsiz xulosalar berish xatarini kamaytirish ustida ishlash zarurligini ta’kidladi.

Eslatib o‘tamiz, avvalroq Sun’iy intellekt texnologiyalari global...