Yangiliklar

Qurilish va uy-joy kommunal xo‘jaligi vazirligi qurilish sohasida asossiz rad etishlar mavjudligi va korrupsiyaviy holatlar haqidagi fikrlar bo‘yicha izoh berdi. Bu haqda vazirlikning rasmiy kanalida ma’lum qilindi.

Unga ko‘ra, 29-avgust kuni qurilish sohasida faoliyat yuritayotgan tadbirkorlar bilan o‘tkazilgan ochiq muloqotda tadbirkor Usmonjon Abdusamatov sohada asossiz rad etishlar va korrupsiyaviy holatlar mavjudligini tilga olgan edi.

Vazirlik izohiga ko‘ra, qurilish sohasidagi barcha davlat xizmatlari va to‘lovlar belgilangan tartibda faqat elektron tarzda amalga oshiriladi. Jismoniy yoki yuridik shaxslar shaharsozlik hujjatlarini my.gov.uz portali yoki Davlat xizmatlari markazlari orqali topshirishi mumkin. Bu jarayonda fuqaro bilan vakolatli organ vakillari o‘rtasida bevosita muloqotga yo‘l qo‘yilmaydi.

Kompakt smartfonlar deyarli yo‘qolib borayotgan davrda Vivo X200 FE o‘zining ixchamligi, kuchli texnikasi va mustahkamligi bilan ajralib turibdi. Xo‘sh, Vivo X200 FE o‘zi qanday smartfon? Kursiv Uzbekistan Palach nashriga tayanib, qiziqarli ma’lumotlarni to‘pladi.

Vivo X200 FE balandligi atigi 150,8 mm, vazni esa 186 gramm bo‘lib, uni qo‘lda ushlash va kundalik foydalanishda maksimal qulaylik yaratadi. Korpus IP69 standarti bo‘yicha suvdan himoyalangan hamda MIL-STD-810G sertifikatiga ega bo‘lib, yiqilish va zarbalarga ham chidamli.

Kamera imkoniyatlari ham e’tiborga molik. Smartfon 50 MP frontal kamera, 50 MP asosiy modul va 50 MP periskop telefoto kameraga ega. Telefotoda 3,5 barobar optik zoom mavjud, asosiy modul...

Biznes-ombudsman devoniga Bo‘stanliq tumanidagi jamiyat rahbari tijorat banki mansabdor shaxslarining noqonuniy harakatlari yuzasidan murojaat yo‘llagan. Bu haqda ombudsmanning matbuot xizmati xabar berdi.

Unga ko‘ra, «Biznesni rivojlantirish banki» hududiy bo‘linmasi sud qarorida belgilangan asosiy qarzdan tashqari, keyingi davr uchun asossiz ustama jarima hisoblab, korxonaning hisobidan 115,6 million so‘m yechib olgani aniqlandi.

Shuningdek, tadbirkor bir necha bor bankka murojaat qilganiga qaramay, arizalari e’tiborsiz qoldirilgan.

Holat yuzasidan bank mansabdor shaxsi murojaatni ko‘rib chiqish tartibini buzganlik uchun ma’muriy javobgarlikka tortildi. Tadbirkorning mablag‘lari esa to‘liq hajmda korxona hisobiga qaytarib berildi.

Avvalroq Kursiv Uzbekistan turkiyalik tadbirkor Toshkentda yangi klinika ochish uchun $1,2 million investitsiya kiritishi...

9-sentabr kuni Xitoyda BYD Leopard Titanium 7 savdosi boshlanadi. Bu haqda ITHome texnologiya nashri xabar bermoqda.

Boshlang‘ich narx 230 ming yuan ($32 ming) etib belgilangan. Model to‘rt xil versiyada taqdim etiladi va hozirda mamlakat bo‘ylab 300 dan ortiq diler markazlarida buyurtma qabul qilinmoqda.

Titanium 7 4999×1995×1865 mm o‘lchamdagi, 2920 mm g‘ildirak bazasiga ega, besh o‘rinli o‘rta hajmli krossover. Avtomobil BYD kamera nazoratiga ega intellektual haydovchi yordamchisi va lazer tizimi bilan jihozlanadi.

Shuningdek, Lingyuan texnologiyasi yordamida dronlarni boshqarish imkonini beradi. Ular 25 km/soat tezlikda uchib qo‘nishi, to‘siqlardan qochishi va aerofotos’yomka qilishi mumkin.

Pogon variantlaridan biri 35,6 kVt/soat akkumulyator bilan...

Madaniy meros agentligi Samarqand viloyati boshqarmasi Imom Moturidiy maqbarasi rekonstruksiyasi doirasida buzilayotgan uylar va binolar haqidagi xabarlarga rasmiy munosabat bildirdi.

Qayd etilishicha, prezident farmoni asosida Imom Moturidiy majmuasini rekonstruksiya qilish, uning atrofini obodonlashtirish va ziyorat markaziga aylantirish belgilangan. Bu jarayonda barcha loyihalar Madaniy meros agentligi bilan kelishiladi va YUNESKO bilan hamkorlikda amalga oshiriladi.

2025-yil 6-mart kuni Ilmiy-ekspert kengashida loyiha ko‘rib chiqilib, ma’qullangan. Shuningdek, xalqaro mutaxassislar jalb qilinib, qurilish va obodonlashtirish ishlarining madaniy merosga ta’siri yuzasidan hisobot tayyorlangan va YUNESKOga yuborilgan.

Agentlik 2022-yil 29-iyunda qabul qilingan qonunga ko‘ra, jamoat ehtiyojlari uchun uy-joylari buziladigan fuqarolarning turarjoylari bozor qiymatida baholanib, belgilangan tartibda...

OPPO kompaniyasi yangi A6 Pro smartfonining rasmiy taqdimot sanasini e’lon qildi. Qurilma 9-sentabr kuni taqdim etiladi.

Ishlab chiqaruvchi uni «telefonlar uchun olti yillik chidamlilik davrini boshlab beruvchi model» sifatida ta’riflamoqda. Rasmiy posterga ko‘ra, OPPO A6 Pro old panelida markaziy joylashtirilgan bitta teshikli tekis ekran bilan jihozlangan. Ramkasi hozirda trendga aylangan to‘g‘ri burchakli shaklda va oltin rangda ishlangan. Orqa qismi bo‘yicha batafsil ma’lumotlar hozircha oshkor qilinmagan.

Bundan avval OPPO A6 GT modeli JD.com va boshqa savdo maydonchalarida taqdim etilgandi. U Snapdragon 7 Gen 3 protsessori, 7000 mA/soat sig‘imli akkumulyator va IP69 darajasidagi suvdan himoya bilan ajralib turadi. Qalinligi atigi...

2025-yil sentabrda pensiyalarni naqdsiz shaklda oladigan fuqarolar uchun mablag‘lar to‘liq moliyalashtirildi. Bu haqda Pensiya jamg‘armasi xabar berdi.

Pensiya jamg‘armasi 4,2 million nafar pensioner uchun mablag‘larni tijorat banklariga o‘tkazib berdi. O‘z navbatida pensiya to‘lovlarini naqd pulsiz shaklda oluvchi 3,6 million nafar fuqaroning (jami oluvchilarning 86 foizi) pensiya pullari bank kartalariga yuklandi.

Naqd pul shaklida pensiya oluvchilarga esa to‘lovlar 4-sentabrdan boshlab tasdiqlangan jadval asosida Xalq bankining sayyor kassalari orqali yetkazib beriladi.

Joriy yil 1-iyuldan boshlab O‘zbekistonda pensiya va nafaqalar miqdori 10 foizga oshirildi.

Quyidagi jadvalda pensiya va nafaqalarning eski va yangi miqdorlari aks ettirilgan:

Bundan tashqari, Iqtisodiyot va moliya vazirligi e’lon...

Samsung yangi flagmanlari uchun yana ikki xil protsessor strategiyasiga qaytmoqda. Bu haqda Sammobile nashri xabar bermoqda.

Samsung Galaxy S26 Pro va Galaxy S26 Edge modellari Exynos 2600 chipida taqdim etiladi. Bu platforma Samsung Foundry tomonidan 2 nanometrli GAA texnologiyasi asosida ishlab chiqariladi va bozorga chiqqan birinchi 2 nm chip bo‘ladi.

Biroq Galaxy S26 Ultra esa Snapdragon 8 Elite Gen 5 chipida ishlab chiqariladi. Snapdragon varianti TSMC’ning 3 nm texnologiyasida yaratilgan.

Manbalarga ko‘ra, Exynos 2600 asosan Osiyo va Yevropa bozorida, Snapdragon 8 Elite Gen 5 esa Amerika bozorida sotiladi. Shu tariqa Samsung flagmanlari yana ikki xil chip bilan taqdim etiladigan...

Xorijdagi maktabdan o‘quvchilarni ko‘chirish bo‘yicha davlat xizmati ishga tushirildi. Bu haqda Maktabgacha va maktab ta’limi vazirligi xabar berdi.

Mazkur xizmat orqali O‘zbekiston fuqarolari farzandlarini xorijiy maktablardan davlat umumiy o‘rta ta’lim maktablariga ko‘chirish bo‘yicha onlayn ariza berishi mumkin.

Buning uchun my.maktab.uz platformasi orqali elektron ariza topshiriladi. Ushbu xizmat O‘zbekistondagi barcha davlat maktablarida joriy etilgan.

Ariza topshirish tartibi:

Avvalroq Rossiya maktablarida sinfdagi migrant bolalar sonini bir...

Buxoro shahrida faoliyat yurituvchi «Kelajak» MChJ (nomi o‘zgartirilgan) soliq tekshiruvlari yuzasidan Bosh prokuratura huzuridagi Biznes-ombudsman devoniga murojaat qildi.

Aniqlanishicha, soliq organlari tomonidan o‘tkazilgan auditda qurilish ishlari 24 oy ichida yakunlanmagani qayd etilib, korxonaga 2023-yil uchun 6,4 mlrd so‘m, 2024-yil uchun 6,7 mlrd so‘m, jami 13,1 mlrd so‘m mol-mulk solig‘i hisoblangan.

Biroq murojaatni o‘rganish davomida qurilish obyektining ishga tushirish muddati vakolatli organlar tomonidan 2026-yil dekabr oyiga qadar uzaytirilgani aniq bo‘ldi. Shu sababli Soliq kodeksining 411-moddasi 2-qismiga asosan hisoblangan soliq qo‘llanilmaydigan bo‘ldi.

Biznes-ombudsman devoni tomonidan tegishli xulosa berilgach, MChJga soliq tekshiruvi davomida hisoblangan 13,1 mlrd so‘m mol-mulk solig‘i bekor qilindi.

Avvalroq...

BMW kompaniyasi 5-sentabr kuni yangi avloddagi ilk seriyali elektromobili BMW iX3’ni jahon bozorida taqdim etadi. Model 8-sentabrda Myunxen avtosalonida ham namoyish etiladi, deya xabar bermoqda ITHome.

BMW Group rahbari Oliver Tsipsega ko‘ra, yangi avlod dizayn, texnologiya va foydalanuvchi tajribasida katta sakrash bo‘lib, sun’iy intellekt, yangi akkumulyator tizimi va raqamlashtirish kabi innovatsiyalarni o‘z ichiga oladi.

iX3 maxsus ishlab chiqilgan elektr platformasi (NCAR) asosida yaratilgan. U klassik BMW elementlarini saqlagan holda yangi dizayn uslubini qo‘llagan.

Xitoy uchun eksklyuziv versiya ham rejalashtirilgan bo‘lib, unda Alibaba, DeepSeek, Huawei Harmony va Momenta texnologiyalari integratsiya qilinadi.

Eslatib o‘tamiz, avvalroq BMW Neue Klasse uchun yangi elektr...

Milan avtosalonida Audi Concept C prototipi namoyish qilindi. U 2027-yilda ishlab chiqarilishi rejalashtirilgan to‘rtinchi avlod Audi TT modeli uchun prototip avtomobil sifatida taqdim etilgan.

Yangi elektr sportkar klassik TT dizaynini saqlagan holda, Xitoy uslubidagi trendlardan butunlay voz kechgan. Uning markaziy tom qismi Auto Union Type C modeliga ishora qiladi. Platforma esa kelajakdagi Porsche 718 elektr bazasiga asoslangan.

Concept C uzunligi 4,35 m, kengligi 1,95 m, balandligi 1,23 m, g‘ildirak bazasi 2,65 mni tashkil etadi. Uning 1650 kg soddalashgan vazni modelni sinfidagi eng yengil elektromobillardan biriga aylantiradi. Avtomobil faqat elektr versiyada taqdim etiladi. Unda ichki yonuv dvigatelli variant bo‘lmaydi.

Audi...

AQSh prezidenti Donald Tramp Hamas guruhidan G‘azoda saqlanayotgan 20 nafar garovni darhol ozod etishni talab qildi. U bu haqda o‘z Truth Social tarmog‘ida yozdi.

Ma’lumotlarga ko‘ra, 2023-yil 7-oktabrdagi hujumdan so‘ng 250 kishi G‘azoga olib ketilgan, hozirda 50 nafar isroillik garovda, ulardan 20 nafari tirik.

«Hamasga aytinglar, darhol barcha 20 nafar garovdagilarni (2, 5 yoki 7 emas!) ozod qilsin, vaziyat tezda o‘zgaradi. Hammasi yakun topadi«, deya yozadi Tramp.

Huquq tashkilotlari Isroil qamoqlarida 10,8 mingdan ortiq falastinlik qiynoqlar va tibbiy yordamdan mahrum holda saqlanayotganini bildirgan. Shu bilan birga, Isroilning 2023-yil oktabrdan beri olib borayotgan hujumlari natijasida...

Yangi xalqaro aeroport qurilishi uchun Toshkent viloyatining O‘rta Chirchiq va Quyi Chirchiq tumanlaridan jami 1309,76 gektar yer ajratilishi rejalashtirilmoqda. Bu haqda Toshkent viloyati kadastr boshqarmasi xabar berdi.

Shundan:

Ya’ni O‘rta Chirchiq tumanidan 790,76 gektar ajratiladi. Undan 609,95 gektari sug‘oriladigan yer, 112,63 gektari bog‘, 0,65 gektari yaylov va pichanzor, 67,53 gektari esa boshqa yerlar hisoblanadi.

Quyi Chirchiq tumanidan esa 519 gektar ajratiladi. Undan 465,5 gektari sug‘oriladigan yer, 0,06 gektari bog‘ va 53,44 gektari boshqa yer maydoni.

Avval mazkur aeroport qurilishi...

Red Magic o‘yin smartfonlari liniyasi bosh menejeri Jiang Chao yangi Red Magic 11 smartfoni haqida rasmiy ma’lumot berdi. Bu haqda ITHome xabar bermoqda.

Unga ko‘ra, bu model tarixdagi eng kuchli Red Magic smartfoni bo‘ladi. Yangi qurilma bir qator yangiliklar bilan taqdim etiladi. Suvdan himoya, eng so‘nggi flagman chip, rekord darajadagi akkumulyator, yangi yuqori darajadagi sensorli chip va eng ilg‘or to‘liq ekran bilan jihozlanadi.

Shuningdek, smartfon futuristik dizayni bilan ham ajralib turadi.

Geekbench 6.3.0 natijalariga ko‘ra, Red Magic 11 modeli 3309 ball (bir yadro) va 10742 ball (ko‘p yadro) ko‘rsatkichini qayd etdi. GPU esa 22691 ball oldi. Qurilma...

Bosh prokuratura huzuridagi Departament xodimlari noqonuniy alkogol mahsulotlarini savdoga qo‘yishga urinishning oldini oldi. Bu haqda departament telegram kanalida ma’lum qilindi.

Unga ko‘ra, Samarqand tumanida o‘tkazilgan tezkor tadbirda «S.S.» MCHJ mas’ullari 131 mln so‘mlik qalbaki aksiz markali 4 636 dona spirtli ichimliklarni savdoga qo‘yganlikda qo‘lga tushdi. Mahsulotlar daliliy ashyolar sifatida olib qo‘yildi.

Shuningdek, Ellikqal’a va Qo‘ng‘irot tumanlarida ham noqonuniy savdo bilan shug‘ullanayotgan shaxslar aniqlangan. Ular qalbaki aksiz markali 649 dona iste’molga yaroqsiz mahsulotni sotayotgan paytda ushlandi.

Mazkur holatlar yuzasidan Jinoyat kodeksining tegishli moddalariga asosan, jinoyat ishlari qo‘zg‘atilib, tergov ishlari olib borilmoqda.

Avvalroq Kursiv Uzbekistan Qozog‘istonda 17 ta qishloq aholisi spirtli...

«Qayrat» futbol klubi Chempionlar ligasi doirasida o‘z maydonida «Real»ni qabul qilishga tayyorgarlik ko‘rmoqda. Uchrashuv 30-sentabr kuni Olmaotadagi Markaziy stadionda bo‘lib o‘tadi va Qozog‘istonda yilning eng shov-shuvli sport tadbiriga aylanishi kutilmoqda.

O‘yin arafasida Ticketon va «Qayrat» futbol klubi muxlislarni soxta chiptalar sotilishi holatlari haqida ogohlantirib, chiptalarni qayerdan sotib olish xavfsizligini ma’lum qildi.

«Qayrat» — «Real Madrid» uchrashuviga chiptalarni qayerdan sotib olish mumkin

Rasmiy chiptalar sotuvi faqat ikkita platformada amalga oshiriladi:

Chiptalarni uchinchi shaxslardan yoki shubhali saytlardan sotib olish muxlisning stadionga kira olmasligiga olib kelishi mumkin. Elektron tizim soxta chiptani o‘tkazib yubormaydi.

Onlayn...

5-sentabr kuni soat 12:00 dan boshlab 36 soat davomida «Ohangaron – Pungon» magistral gaz quvuri orqali gaz uzatish vaqtincha to‘xtatiladi. Bu haqda Energetika vazirligi ma’lum qildi.

Unga ko‘ra, bu yangi qurilgan 22 km qo‘shimcha quvurni tarmoqqa ulash ishlari bilan bog‘liq.

Mazkur quvur Farg‘ona vodiysining Andijon, Farg‘ona va Namangan viloyatlarida aholining gaz ta’minotini yanada ishonchli qilishga xizmat qiladi.

Ta’mirlash davrida avtomobillarga gaz to‘ldirish shoxobchalari va yirik iste’molchilar ta’minotida vaqtincha cheklovlar joriy etiladi. Shu bilan birga, aholiga qulaylik yaratish maqsadida avtobenzin savdosi ko‘paytiriladi.

Mutasaddilar aholining kundalik turmushida muammolar kelib chiqmasligi uchun zarur choralar ko‘rilayotganini ma’lum qildi.

Eslatib o‘tamiz, avvalroq Farg‘onada plastmassa...

AnTuTu benchmark platformasi avgust oyida narx va unumdorlik nisbatiga ko‘ra eng yaxshi smartfonlarni aniqladi. Tadqiqot natijalariga ko‘ra, ro‘yxatga kirgan modellarning barchasi arzon segmentga mansub bo‘lsa-da, ular kuchli protsessor va yuqori sifatli kameralar bilan ajralib turadi.

Reytingda birinchi o‘rin Realme GT7 Pro’ga nasib etdi. Qurilma Snapdragon 8 Elite chipida ishlaydi va kuchli hisoblash samaradorligi bilan bozorda o‘z o‘rnini mustahkamladi. Ikkinchi pog‘onada Honor GT Pro qayd etilib, u Snapdragon 8 Elite Leadership Edition protsessori bilan jihozlangan. Kuchli uchlikni iQOO 13 modeli yakunladi.

Ro‘yxatning yuqori o‘nligiga yana bir qator flagman darajasidagi brendlar kiritildi. Ulardan OnePlus 13 va 13T, Honor Magic7, Vivo X...

Tijorat banklari 4-sentabr uchun xorijiy valyutalarni ayirboshlash kurslarini yangiladi. Kursiv Uzbekistan xorijiy valyuta kurslarining eng qulay narxlari to‘g‘risidagi ma’lumotlarni taqdim etadi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

AQSh federal sudyasi Donald Tramp ma’muriyatining Garvard universitetiga ajratilgan $2,2 mlrdlik grantlarni bekor qilishini noqonuniy deb topdi. Bu haqda Reuters agentligi ma’lum qildi.

Sudya Allison Burroughs qarorida ma’muriyat universitetga bosim o‘tkazib, uni so‘z erkinligi huquqlaridan mahrum etishga uringanini ta’kidladi. Sud qaroriga ko‘ra, Tramp ma’muriyati endilikda Garvardga ajratilgan federal mablag‘larni muzlatib qo‘yishi yoki to‘xtatishi mumkin emas.

Garvard prezidenti Alan Garber bu qarorni oliygohning akademik erkinligi va ilmiy tadqiqotlarini himoya qiluvchi muhim g‘alaba sifatida baholadi. Oq uy esa sud qaroridan norozi bo‘lib, apellyatsiya berishini bildirdi.

Eslatib o‘tamiz, avvalroq Donald Tramp sog‘lig‘i haqidagi mish-mishlarni rad etgani haqida xabar bergan edik.

Ijtimoiy tarmoqlarda Namangan shahrida profilaktika inspektori tomonidan fuqaro qiynoqqa solingani haqida xabarlar tarqaldi. Bu borada IIV rasmiy munosabat bildirdi.

O‘rganish jarayonida ma’lum bo‘lishicha, 1991-yilda tug‘ilgan fuqaro 14-avgust kuni oila nizosi sababli ichki ishlar bo‘limiga olib kelingan va suhbatdan so‘ng uyiga qaytarilgan. Oradan ikki kun o‘tib, u sog‘lig‘i yomonlashgani uchun shifoxonaga murojaat qilgan.

Namangan shahar prokuraturasi mazkur holat yuzasidan JKning 104-moddasi 1-qismi bilan jinoyat ishi qo‘zg‘atdi.

Ichki ishlar vazirligi holatni alohida nazoratga olib, xodimlarning harakatlariga huquqiy baho berish uchun maxsus ishchi guruhni Namanganga yubordi. Tergov yakuniga ko‘ra aybdorlarga qat’iy chora ko‘rilishi ta’minlanishi bildirildi.

Eslatib o‘tamiz, avvalroq Angrenda IIB tergovchisi pora...

Toshkent viloyati Angren shahar IIB huzuridagi tergov bo‘limi katta tergovchisi fuqaroga nisbatan jinoyat ishi qo‘zg‘atmaslik evaziga $10 ming talab qilgani aniqlandi. Bu haqda DXX ma’lum qildi.

Davlat xavfsizlik xizmati, Bosh prokuratura huzuridagi Departament va Ichki ishlar vazirligi hamkorligida o‘tkazilgan tezkor tadbirda u so‘ralgan pulning $5 mingini olayotganda dalillar bilan qo‘lga olindi.

Mazkur holat yuzasidan tergovchiga Jinoyat kodeksining 210-moddasi 2-qismi «b» bandi bo‘yicha jinoyat ishi qo‘zg‘atilib, «qamoq» ehtiyot chorasi qo‘llanildi.

Eslatib o‘tamiz, avvalroq energiya resurslaridan noqonuniy foydalanish holatlari aniqlangani haqida xabar bergan edik.

Bosh prokuratura huzuridagi Departament tomonidan o‘tkazilgan tezkor tadbirlar davomida Qarshi, Marg‘ilon va Nukus shaharlarida bir qator qonunbuzarliklar fosh etildi.

Qarshi shahrida fuqaro kompyuter o‘yinlari zalida elektr tarmog‘iga noqonuniy ulanib, 207,6 mln so‘mlik elektr energiyasidan foydalangani aniqlandi.

Marg‘ilon shahrida esa fuqaro ovqatlanish shoxobchasini tabiiy gaz tarmog‘iga o‘zboshimchalik bilan ulab, 117,9 mln so‘mlik zarar yetkazgan.

Nukus shahrida MCHJ mas’ul shaxslari qurilish ishlari jarayonida 106,8 mln so‘mlik tabiiy gazdan noqonuniy foydalangani ma’lum bo‘ldi.

Barcha holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.