Yangiliklar

8-iyul kuni OnePlus kompaniyasi o‘zining yangi OnePlus Buds 4 simsiz quloqchinlarini global miqyosda namoyish qildi. Bu haqda Notebookcheck nashri xabar qildi.

Kompaniya shu bilan birga 43 mm o‘lchamdagi Watch 3 aqlli soatini ham taqdim etdi. Buds 4 quloqchinlarining narxi $129.99.

Quloqchinlarning eng asosiy xususiyati – ikkita dinamikli audio tizimi. 11 millimetrli bass uchun mo‘ljallangan dinamik va 6 millimetrli yuqori chastotali dinamik. Har bir dinamik alohida DAC (raqamli-analog konvertor) bilan ta’minlangan bo‘lib, bu esa flagman darajadagi ovoz sifatini ta’minlaydi.

OnePlus Buds 4 LHDC 5.0 kodekni qo‘llab-quvvatlaydi. Bu 24-bit/192 Hz namunaviy chastotaga ega, yo‘qotilmas (lossless) audio uzatishni ta’minlovchi zamonaviy kodek hisoblanadi...

Yozda biz kuchli ochlikni kamroq his qilamiz, shuning uchun yog‘li va og‘ir taomlarni kam kaloriyali alternativalar bilan almashtirish mumkin. Bundan tashqari, issiq tufayli ko‘proq terlaymiz va ko‘proq suv ichamiz, bu esa tanani shaklda ushlab turishga tabiiy ravishda yordam beradi.

Quyidagi top – 5 ta usul bilan esa yozgi issiqni va mavsumiy mahsulotlarni o‘z foydangizga ishlatib, tez vazn tashlashingiz mumkin.

Ko‘p suv iching

Ozishni istagan har bir inson amal qilishi kerak bo‘lgan yagona qoidalardan biri — ko‘p suv ichishdir. Oddiy suv, kokos suvi, limonli suv – bularning barchasi suv balansini saqlash uchun juda yaxshi variantlar. E’tiborda tuting: ichimlikda...

2025-yil 7-iyul kuni «Issiqxona gazlarining chiqarilishini cheklash to‘g‘risida»gi qonun qabul qilindi. Bu haqda Adliya vazirligi ma’lum qildi.

Ushbu hujjat O‘zbekistonda ekologik xavfsizlikni ta’minlash va iqlim o‘zgarishiga qarshi kurashish bo‘yicha muhim huquqiy asoslardan biri bo‘lib xizmat qiladi.

Qonunga muvofiq, issiqxona gazlari chiqindilarini cheklash choralari qator yo‘nalishlarni o‘z ichiga oladi. Bunga davlat hisobini yuritish, maqsadli ko‘rsatkichlarni belgilash, shuningdek, gazlarni qisqartirish va ularni tutib qolish bo‘yicha faoliyatni qo‘llab-quvvatlash kiradi.

Yuridik shaxslar, yakka tartibdagi tadbirkorlar va jismoniy shaxslar O‘zbekiston hududida «yashil» loyihalarni amalga oshirish huquqiga ega bo‘ladi. Bunday loyihalar ekologik toza texnologiyalarni joriy etish orqali gaz chiqindilarini kamaytirishni maqsad qiladi.

Qonunga binoan, mamlakat...

O‘zbekistonda internet orqali noqonuniy qimor o‘yinlari, lotereyalar va bukmekerlik xizmatlari uchun jarimalar joriy qilindi. Bu tartib «Internetda tavakkal o‘yinlar va xizmatlar uchun jarima qo‘llash to‘g‘risidagi nizom»da belgilangan.

Jarima O‘zbekiston fuqarolariga noqonuniy xizmat ko‘rsatgan xorijiy kompaniyalarga ham qo‘llanadi. Shuningdek, litsenziyasiz faoliyat yuritayotgan mahalliy tashkilotlar ham jazolanadi. Mazkur nizom tashabbuskori Istiqbolli loyihalar milliy agentligi (ILMA) bo‘lib, jarimani mazkur agentlik belgilaydi.

Jarima miqdori kompaniya ustav fondining 1 foizigacha bo‘lishi mumkin. Xorijiy kompaniyalar esa 10 mingdan 25 minggacha bazaviy hisoblash miqdorida jarimaga tortiladi.

Maxsus komissiya qaroriga asosan, yozma xabarnoma yuboriladi. Jarima 15 kun ichida to‘lanishi kerak. To‘lanmasa, sud orqali undiriladi.

Qoidabuzarliklar orasida litsenziyasiz...

2025-yil 7-iyulda prezidentning «Xalqaro shartnomani tasdiqlash to‘g‘risida»gi qarori qabul qilindi. Bu haqda Adliya vazirligi ma’lum qildi.

Unga ko‘ra, Mustaqil Davlatlar Hamdo‘stligiga a’zo davlatlar o‘rtasida 2010-yil 10-dekabrda imzolangan shaxslarni davlatlararo qidirish to‘g‘risidagi bitimga o‘zgartirishlar kiritilgan bayonnoma tasdiqlandi.

Mazkur bayonnoma 2024-yil 18-oktabrda Moskva shahrida imzolangan. Bitimni amalga oshirish bo‘yicha mas’ul vakolatli organlar etib Ichki ishlar vazirligi, Davlat xavfsizlik xizmati va Bosh prokuratura belgilandi.

Shuningdek, Vazirlar Mahkamasi hamda tegishli idoralar ushbu xalqaro shartnoma kuchga kirgach, uning bajarilishi ustidan nazoratni ta’minlaydi.

Eslatib o‘tamiz, avvalroq 2025-yil II choragi bo‘yicha Davlat xizmatlari markazlari faoliyati reytingi e’lon qilingan edi.

Xitoyning avtomobil ishlab chiqaruvchi Geely kompaniyasi yangi Galaxy A7 elektromobilini taqdim etdi. Bu haqda Speedme nashri xabar berdi.

Bu model sun’iy intellekt bilan jihozlangan gibrid sedan bo‘lib, 11-iyuldan boshlab Xitoyda oldindan buyurtma qilish uchun ochiladi.

Galaxy A7 EM-i kompaniyaning yangi GEA arxitekturasi asosida ishlab chiqilgan birinchi modeli bo‘lib, SI Super Hybrid 2.0 tizimi bilan jihozlangan. Ushbu tizim 1,5 litrli benzinli dvigatel va 175 kVt quvvatga ega elektr motor yordamida 2100 kilometrgacha yurish masofasini ta’minlaydi. Shuningdek, model 11 bosqichli yangi transmissiya bilan to‘liq jihozlangan.

Model salonida 15,4 dyuymli markaziy ekran, Flyme Auto multimedia tizimi, 16 dinamikali audio tizim, proeksion...

Klublar o‘rtasidagi jahon chempionatining dastlabki yarim finalida «Chelsi» «Fluminense»ni 2:0 hisobida mag‘lub etdi.

Birinchi bo‘limda «Chelsi» ishonchliroq ko‘rindi va to‘pni nazorat qilib, ko‘proq xavfli vaziyatlar yaratdi. 19-daqiqada Juan Pedro himoyachining xatosidan so‘ng uzoq burchakka aniq zarba yo‘llab, klub safidagi debyut golini urdi.

«Fluminense» hujumlar bilan javob qaytarishga urindi, ayniqsa qanotda Guga faol harakat qildi. Biroq uning sheriklarining zarbalari bloklandi yoki aniq bo‘lmadi. Bo‘lim yakuniga kelib o‘yin sur’ati pasaydi, jamoalar ko‘p hollarda qoida buzishdi va o‘yin asosan maydon markazida kechdi.

Ikkinchi bo‘limda braziliyaliklar ikki o‘zgarish amalga oshirib, Keno va Everaldoning chiqishi bilan hujumni kuchaytirdi. «Chelsi» bosim uyushtirishda davom etdi: Palmer va...

Xitoyda Chery kompaniyasining yangi biznes-klassdagi Chery Fulwin A9L sedanining savdosi boshlandi. Bu haqda ITHome texnologiyalar nashri xabar bermoqda.

Mashina katta o‘lchamlari, zamonaviy texnologiyalari va kuchli texnik ko‘rsatkichlari bilan ajralib turadi. Uning uzunligi 5018 mm, eni 1965 mm, g‘ildirak bazasi esa 3000 mmni tashkil etadi.

Avtomobilning eng kuchli versiyasi ikki elektromotor bilan jihozlangan bo‘lib, jami 639 ot kuchini taqdim etadi. U to‘liq yuritishga ega. Barcha versiyalar Kunpeng Super Hybrid CDM 6.0 tizimiga asoslangan. 1,5 litrli dvigatel va elektromotor birgalikda ishlaydi. Sodda versiyada bitta elektromotor mavjud. U ham 374 ot kuchini taqdim etadi. Bu Toyota Camry, Honda Accord yoki Kia K...

Samsung kompaniyasi Galaxy S25 FE smartfonining korpusini yanada yupqalashtirmoqda. Gizmochina nashrining xabar berishicha, yangi modelda ekran ramkalari ingichkalashtiriladi.

Smartfonda displey esa 120 Hz yangilanish chastotasiga ega bo‘ladi. Galaxy S25 FE ilgari chiqarilgan S24 FE modeliga qaraganda 0,6 mm yupqaroq bo‘ladi.

Yangi qurilma qalinligi 7,4 mm ni tashkil etadi. Bu natijaga moslashuvchan OLED ekran qo‘llanilishi orqali erishilgan. Old panel ham yangilanadi: ekran atrofidagi ramkalar har tomonlama toraytiriladi. Dizayn jihatidan bu model Galaxy S25 va S25 Edge flagmanlariga yaqinlashadi.

GeekBench bazasida paydo bo‘lgan ma’lumotlarga ko‘ra, Galaxy S25 FE Exynos 2400 chipi bilan ishlaydi. Qurilmaga 8 GB operativ xotira va Android...

O‘zbekistonlik yosh matematiklar Singapurda 16 ta medalni qo‘lga kiritdi. Bu haqda «Dunyo» axborot agentligi xabar berdi.

Singapurda Singapore International Math Olympiad Challenge (SIMOC – 2025) xalqaro olimpiadasining final bosqichi bo‘lib o‘tdi.

Mazkur musobaqada O‘zbekiston sharafini 45 nafar iqtidorli yosh matematik himoya qildi. Ular milliy saralash bosqichlaridan muvaffaqiyatli o‘tib, Mind Sports va Math Warriors kabi noodatiy formatlardagi bellashuvlarda o‘z bilim va salohiyatini namoyish etdi.

Yakuniy natijalarga ko‘ra, o‘zbekistonlik yoshlar 4 ta oltin, 3 ta kumush va 9 ta bronza medaliga sazovor bo‘ldi. Bundan tashqari, 13 nafar ishtirokchi rag‘batlantiruvchi diplom, 30 nafari esa faol ishtiroki uchun maxsus sertifikat bilan taqdirlandi.

Samsung Electronics 2025-yilning ikkinchi choragida operatsion foydasi 56 foizga kamayganini e’lon qildi. Bu haqda Reuters xalqaro axborot agentligi ma’lum qildi.

Bu pasayish sun’iy intellekt (AI) chiplariga talabning sustligi va AQShning Xitoyga nisbatan eksport cheklovlari bilan bog‘liq.

Kompaniya NVIDIA’ga yuqori o‘tkazuvchanlikka ega HBM chiplarini yetkazib berishda kechikkan. Raqobatchilar – SK Hynix va Micron esa AQSh bozoridagi SI talabidan foyda ko‘rmoqda. Samsung daromadi 74 trln vonni, foydasi esa atigi 4.6 trln vonni tashkil qilgan. Bu so‘nggi 6 chorakdagi eng past ko‘rsatkichdir.

Kompaniya 3.9 trln vonlik aksiyalarni qayta sotib olishini e’lon qildi va foyda tiklanishini yilning ikkinchi yarmida kutmoqda. Moliyaviy hisobotlar 31-iyulda...

Toshkent, Namangan, Farg‘ona va Andijon hududlarida xorijga ishga yuborishni va’da qilib, fuqarolardan katta miqdorda pul olgan shaxslar qo‘lga olindi. Bu haqda Bosh prokuratura departamenti ma’lum qildi.

Sergeli tumanida ikki fuqaro boshqa bir kishini AQShga ishga yuborishini va’da qilib, undan $22 ming olgan. Ular ashyoviy dalillar bilan qo‘lga olingan. Namangan viloyatida esa yana bir shaxs Yaponiyaga ishga yuborishni va’da qilib, fuqarodan $10 ming olgan vaqtida ushlangan (umumiy kelishuv $32 ming bo‘lgan).

Farg‘onada bir xususiy korxona rahbari o‘zini Tashqi mehnat migratsiyasi agentligi xodimi deb tanishtirib, yana bir fuqaroni Janubiy Koreyaga ishga yuborishini aytgan va evaziga $5 ming olgan. Andijonda esa o‘quv...

Donald Tramp ma’muriyatidagi asosiy shaxslardan biri, kadrlar tanlovi va tekshiruviga mas’ul bo‘lgan Serxio Gor tug‘ilgan joyi borasida yolg‘on ma’lumot bergani fosh bo‘ldi. Avvaliga o‘zini Malta orolidan chiqqan muhojir deb tanishtirgan Gor aslida O‘zbekistonda tug‘ilgan ekan. Bu haqda Times of Malta nashri rasmiy hujjatlarga asoslanib xabar berdi.

38 yoshli Serjio Gor uzoq vaqt davomida o‘zini O‘rta yer dengizidagi quyoshli orol – Malta fuqarosi deb ko‘rsatib kelgan. Ammo Malta rasmiylari uning tug‘ilganligi haqida hech qanday yozuvga ega emasliklarini ma’lum qilishgan. Gor esa bu savollardan qochib, faqatgina: «Men Rossiyada tug‘ilmaganman», degan javob bilan cheklangan.

Jurnalistlar Gor 1986-yil 30-noyabrda Toshkentda tug‘ilganini aniqlashdi. Onasi...

2025-yil 8-iyul kuni Xalqaro jinoiy sudning Sudoldi palatasi Afg‘onistondagi vaziyat bo‘yicha Tolibonning oliy rahbar Haybatulloh Oxundzoda va bosh sudya Abdul Hakim Haqqoniy uchun hibsga olish orderlarini chiqardi.

Ular 2021-yil 15-avgustdan boshlab Afg‘onistonda amalda hokimiyatni olib borib kelayotgan shaxslar sifatida tan olingan.

Sud ularni gender asosidagi insoniyatga qarshi jinoyatlar, xususan, ayollar va qizlarga qarshi ta’qib, ta’limdan mahrum qilish, harakat va fikr erkinligini cheklash bo‘yicha ayblamoqda. Jinoyatlar 2021-yildan 2025-yil yanvariga qadar davom etgani aytilmoqda.

Sudga ko‘ra, Tolibon siyosati butun aholi, ayniqsa, ayollar huquqlarini jiddiy buzgan. Ayollar va ularning huquqlarini himoya qilgan shaxslar ham siyosiy nishonga aylangan.

Hozircha orderlar maxfiy saqlanmoqda, ammo...

9-iyul kuni O‘zbekiston bo‘ylab kunduzgi harorat esa 30-41 daraja atrofida bo‘lishi kutilmoqda. Bu haqda «O‘zgidromet» ma’lum qildi.

Quyida ob-havo ma’lumoti viloyatlar kesimida:

Buxoro viloyatidagi «UzTest» hududiy filialida yirik o‘g‘irlik holati aniqlandi. Bu haqda UzA ma’lum qildi.

Unga ko‘ra, Germaniyadan keltirilgan uchta sinov laboratoriya jihozidan biri yo‘qolgan. Bundan tashqari, 1,2 tonna og‘irlikdagi 150 mln so‘mlik «Tormoz stendi» hamda 250 mln so‘mlik gaz ballonlarini o‘lchash vositasi o‘g‘irlangan.

Shuningdek, 6 mlrd so‘mlik mablag‘ning maqsadsiz sarflangani ham aniqlangan. Hozircha Texnik jihatdan tartibga solish agentligi va «UzTest» rahbariyati bu borada rasmiy izoh bermagan.

Eslatib o‘tamiz, avvalroq Toshkentda 51 million so‘mlik noqonuniy elektron sigaret savdosi fosh etilgan edi.

Shavkat Mirziyoyev mahallalarda jinoyatchilikni jilovlash va qonun ustuvorligini ta’minlashga qaratilgan chora-tadbirlar taqdimoti bilan tanishdi. Bu haqda davlat rahbari matbuot xizmati ma’lum qildi.

Yil boshida imzolangan qarorga asosan, har bir mahallada huquqbuzarliklarning oldini olish ustuvor vazifa etib belgilangan edi. So‘nggi olti oyda viloyat, tuman va mahallalar bo‘yicha «yo‘l xaritalari» ishlab chiqildi, profilaktika kuchaytirildi. 5,2 mingta mahallada birorta ham jinoyat qayd etilmadi.

Shunga qaramay, ayrim hududlarda kriminogen vaziyat og‘irligicha qolmoqda. Davlat rahbari jinoyatchilikka qarshi kurashda sun’iy intellekt, videokuzatuv tizimlarini keng joriy etish zarurligini ta’kidladi. Ayniqsa, giyohvandlik va kiberjinoyatlarga qarshi kurashish, aholini ogoh qilish muhim vazifa sifatida qayd etildi.

Ichki ishlar tizimi...

Firibgarlikda ayblanib, Interpol orqali xalqaro qidiruvga berilgan O‘zbekiston fuqarosi Litva hududida qo‘lga olinib, Toshkentga ekstraditsiya qilindi. Bu haqda IIV ma’lum qildi.

Unga ko‘ra, mazkur shaxs Jinoyat kodeksining 168-moddasi, ya’ni firibgarlik bo‘yicha ayblanmoqda.

Tegishli hujjatlar asosida O‘zbekiston Bosh prokuraturasining iltimosiga binoan, Litva tomoni shaxsni topshirishga rozilik berdi. Ekstraditsiya jarayoni Interpolning Toshkent va Vilnyusdagi milliy markaziy byurolari o‘rtasidagi ilk hamkorlik tajribasi sifatida qayd etildi.

Qidiruvdagi fuqaro Toshkentdagi Islom Karimov nomidagi xalqaro aeroportda huquqni muhofaza qiluvchi organlarga topshirildi. Bu holat ikki davlat o‘rtasidagi xalqaro jinoyatchilikka qarshi kurashdagi hamkorlikni yanada kuchaytirishga xizmat qiladi.

Eslatib o‘tamiz, avvalroq odam savdosida gumon qilingan shaxs Ummon Sultonligidan...

AQSh prezidenti Donald Tramp Ukrainaga Rossiya hujumlariga qarshi kurashishda yordam berish maqsadida qo‘shimcha mudofaa qurollari yuborilishini ma’lum qildi. Bu haqda Reuters xabar berdi.

Unga ko‘ra, mazkur qaror Vashingtonning ilgari qurol yetkazishni to‘xtatgani ortidan bildirildi va u ijtimoiy va siyosiy tanqidlarga sabab bo‘ldi.

Tramp Oq uyda Isroil bosh vaziri bilan uchrashuvda: «Ular o‘zini himoya qila olishi kerak. Biz qurollar yuborishga majburmiz,» dedi. AQSh Mudofaa vazirligi bu tashabbus prezident ko‘rsatmasi bilan amalga oshirilayotganini bildirdi.

Ukraina prezidenti Vladimir Zelenskiy ham Tramp bilan suhbatdan so‘ng mamlakatning «osmonni himoya qilish salohiyatini» oshirish ustida ishlashga kelishilganini aytdi. Ukraina AQShdan ko‘proq «Patriot» raketa tizimlari olishga umid...

Senatning Budjet va iqtisodiy masalalar qo‘mitasi raisi o‘rinbosari Kobul Tursunov Raqamli texnologiyalar vaziri Sherzod Shermatov nomiga senator so‘rovi yubordi. Unga ko‘ra, IMEI-kod orqali qurilmalarni ro‘yxatdan o‘tkazish tartibida yuzaga kelgan muammolar yuzasidan chora ko‘rish so‘ralmoqda.

Ma’lum bo‘lishicha, 2024-yildan boshlab telefon olib kirishda majburiy deklaratsiya talab qilinmoqda. Agar bu bajarilmasa, UZIMEI tizimida ro‘yxatga olish uchun bojxona qiymatining 30 foizi to‘lanadi. Ayni vaqtda uzimei.uz, my.gov.uz saytlarida va «Birda» ilovasida texnik cheklovlar mavjud bo‘lib, xizmat haqlari sun’iy oshirilayotgani aytilmoqda.

Shuningdek, ikkinchi SIM-karta uchun IMEI2-kodni alohida va faqat ilgari ro‘yxatga olingan joyda rasmiylashtirish talabi fuqarolarga ortiqcha qiyinchilik tug‘dirmoqda. Shu bois senator vazirdan 10 kun...

O‘tgan hafta davomida AQSh dollarining o‘zbek so‘miga nisbatan kursi sezilarli darajada o‘zgardi. Umumiy hisobda Amerika valyutasi 84,24 so‘mga arzonladi. Kursiv Uzbekistan nashri 30 iyundan 4-iyulgacha Markaziy Osiyo davlatlarida dollar kursi qanday o‘zgarganini o‘rgandi.

O‘zbekiston

30-iyun kuni O‘zbekistonda 1 AQSh dollari 12 694,97 so‘m etib belgilangan edi. Keyingi kunlarda dollar kursida ketma-ket pasayish kuzatildi. 1-iyulda kurs 12 676,11 so‘mga, 2-iyulda esa 12 591,71 so‘mga tushdi. 3-iyul kuni dollar yana arzonlashib, 12 557,56 so‘mni tashkil etdi. 4-iyulda esa bir oz tiklanib, 12 606,73 so‘mga ko‘tarildi.

Dollarning so‘mga nisbatan o‘zgarishi

Shunday qilib, 30-iyundan 4-iyulgacha bo‘lgan besh...

Germaniyaning Porsche kompaniyasi yangi Cayenne Electric modelini ilk bor Buyuk Britaniyada bo‘lib o‘tgan avtomobil tadbirida taqdim etdi. Bu haqda Auto Mailru nashri xabar berdi.

Bu model Cayenne oilasining elektromobilga aylangan ilk vakili bo‘ladi va uning rasmiy debyuti 2026-yilga rejalashtirilgan.

Taqdimot «Shelzli-Uolsh» tepalikka chiqish musobaqasida o‘tkazildi. Tadbir davomida yangi model prototipi maxsus kamuflyajda taqdim etildi. Uni britaniyalik teleboshlovchi Richard Hammond hamda Formula E poygachisi Gabriela Jilkova sinovdan o‘tkazdi.

Aynan Jilkova ushbu elektromobilni tepalikka atigi 31,28 soniyada haydab chiqdi – bu krossoverlar uchun rekord natija hisoblanadi.

Tadbir davomida elektromobilning amaliy imkoniyatlari ham sinovdan o‘tkazildi: prototip yuk avtomobiliga ulangan...

8-iyul kuni prezident Shavkat Mirziyoyev Rossiya prezidenti Vladimir Putin bilan telefon orqali muloqot qildi. Suhbat chog‘ida ikki davlat o‘rtasidagi strategik sheriklik va ittifoqchilikni yanada rivojlantirish masalalari muhokama qilindi.

Davlat rahbarlari avvalo savdo-iqtisodiy sohadagi hamkorlikni mustahkamlash, ayniqsa, sanoat kooperatsiyasi loyihalarini kengaytirish va tovar ayirboshlash hajmini oshirish muhimligini qayd etdi. Hududlararo aloqalar, madaniy-gumanitar hamda ta’lim yo‘nalishidagi almashinuvlar haqida ham fikr almashildi.

Tomonlar shu yil kuzda bo‘lib o‘tadigan O‘zbekiston va Rossiya hududlari kengashining ikkinchi yig‘ilishiga puxta tayyorgarlik ko‘rish zarurligini ta’kidladi.

Prezidentlar xalqaro kun tartibidagi dolzarb masalalarni ham muhokama qilib, yaqin kelajakdagi qo‘shma tadbirlar rejasini ko‘rib chiqdi.

Avvalroq Kursiv Uzbekistan Mirziyoyev va Putin...

2025-yilning yanvar – may oylarida Oʻzbekistonga 1,5 mln dona mobil telefon import qilindi. Bu haqda Milliy statistika qoʻmitasi hisobotida ma’lum qilindi.

Ta’kidlanishicha, mahsulotlarning umumiy qiymati $159 millionni tashkil etadi. Mazkur koʻrsatkich oʻtgan yilning shu davriga nisbatan 37,8 ming donaga yoki 2,5 foizga koʻpdir.

Import hajmi boʻyicha yetakchi davlat Xitoy boʻlib, mamlakatdan 1,1 mln dona telefon yetkazib berilgan. shuningdek, Vyetnamdan 304,5 ming dona, Birlashgan Arab Amirliklaridan 47,3 ming dona, Hindistondan esa 15,6 ming dona telefon keltirilgan.

Shuningdek, qolgan mamlakatlardan jami 900 dona atrofida qurilma olib kirilgan.

Avvalroq Kursiv Uzbekistan 2025-yilning yanvar-fevral oylarida Oʻzbekistonga $60 mlnlik telefon import qilingani haqida...