Yangiliklar

2025-yil 21-may kuni Budapesht shahrida o‘tgan Turkiy davlatlar tashkilotining norasmiy sammitida O‘zbekiston prezidenti Shavkat Mirziyoyev tashkilot doirasida savdo-iqtisodiy hamkorlikni kengaytirish bo‘yicha bir qator tashabbuslarni ilgari surdi.

Davlat rahbari tashkilot mamlakatlarining o‘zaro tashqi savdo ulushini oshirish maqsadida «Turk-treyd» nomli onlayn savdo platformasini yaratish va tovar ayirboshlashni ko‘paytirish bo‘yicha amaliy dasturni qabul qilishni taklif qildi.

Shuningdek, prezident Mirziyoyev Transkaspiy xalqaro yo‘lagi bo‘yicha yuk tashish hajmini oshirish uchun «yagona darcha» va «yashil yo‘laklar» tizimini joriy etish, Turkiy investitsiya jamg‘armasi doirasida qo‘shma venchur kompaniya tuzish, sanoat sohalarida yirik qo‘shma loyihalarni ishlab chiqish, shuningdek, fan, ta’lim va ekologiya sohalarida hamkorlikni chuqurlashtirish takliflarini bildirdi.

Sammit...

Zeekr brendi o‘zining yangi elektr krossoveri – Zeekr 7X modelini Yevropa bozorida taqdim etdi. Ushbu model Tesla Model Y va Audi Q4 e-tron’ga raqobatchi sifatida ko‘rilmoqda. Bu haqda Speedme xabar bermoqda.

Zeekr 7X Yevropada ilk bor Norvegiyada sotuvga chiqdi, bu yerda uning boshlang‘ich narxi 539 900 norveg kronasi ($53 ming)ni tashkil etadi. Shuningdek, model Niderlandiya va Shvesiyada ham taqdim etiladi. Niderlandiyada narxlar 52 990 yevrodan, Shvesiyada esa 579 000 ($58 ming) shved kronasidan boshlanadi.

Zeekr 7X’ning Privilege AWD versiyasi 100 kVt·soatli NMC batareyasi, 470 kVt (639 ot kuchi) quvvatga ega va 543 km (WLTP) masofani bosib o‘tishga qodir...

Shu yilning yanvar – aprel oylarida O‘zbekistonda Cobalt avtomobili 44,7 ming dona ishlab chiqarildi. Bu ko‘rsatkich o‘tgan yilning shu davriga nisbatan 7,3 foizga oshgan. Bu haqda Milliy statistika qo‘mitasi xabar berdi.

Mahalliy bozorda ikkinchi o‘rinni 30 mingga yaqin ishlab chiqarish bilan Damas egalladi. Bu ko‘rsatkich yillik hisobda 28,9 foizga oshdi.

Uchinchi o‘rinda esa Chevrolet Onix joy oldi. Bu modeldan 15,2 ming dona ishlab chiqarilib, o‘tgan yilga nisbatan 31,6 foizlik o‘sishga erishildi.

Umuman olganda, yengil avtomobillar ishlab chiqarish hajmi 4 oyda 6,9 foizga oshib, 122,4 ming donani tashkil etdi. Yuk avtomobillari ishlab chiqarish esa 19,6 foizga ko‘payib, 1,2 ming...

O‘zbekiston valyuta birjasi ma’lumotlariga ko‘ra, 21-may kuni dollarning o‘rtacha kursi 12 937,93 so‘mni tashkil qilib, oldingi kun bilan solishtirganda 45,02 so‘mga oshdi.

Dollar kursi bu haftani pasayish bilan boshladi: 20-may kuni 34,76 so‘mga oshib, 12 892,91 so‘mni, 19-may kuni 58,95 so‘mga tushib, 12 858,15 so‘mni tashkil qildi.

Mamlakatdagi tijorat banklari 21-may kuni bir AQSh dollarini 12 830 – 12 890 soʻmdan sotib olayotgan boʻlsa, 12 905 – 13 000 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

Jinoyat kodeksining odam savdosi bilan bog‘liq moddalaridagi jinoyatlar uchun jazo choralarining og‘irlashtirilishi belgilandi.

Endilikda odam savdosi qalbaki hujjatlar orqali yoki jabrlanuvchining shaxsini tasdiqlovchi hujjatlarni musodara qilish, yashirish yoki yo‘qotish yo‘li bilan amalga oshirilsa, bunday jinoyat uchun 5 yildan 10 yilga qadar ozodlikdan mahrum qilish jazosi qo‘llaniladi. Oldingi tartibda bu jazo muddati 5 yildan 8 yilga qadar edi.

Shuningdek, agar jinoyat jabrlanuvchining o‘limi yoki og‘ir asoratlar bilan yakunlansa, jinoyatchi 10 yildan 15 yilga qadar ozodlikdan mahrum qilinishi mumkin. Avval bu holatlarda jazo 8 yildan 12 yilga qadar belgilangan edi.

Ushbu qonun kuchga kirishi e’lon qilingan kundan boshlab amal qiladi.

Yangi kashf qilingan, uy hajmidagi asteroid 21-may kuni Yerga juda yaqin, ammo mutlaqo xavfsiz tarzda yaqinlashadi. Bu haqda Space nashri xabar berdi.

U Yer bilan Oy orasidagi masofaning uchdan biriga teng bo‘lgan masofadan o‘tadi.

Unga ko‘ra, bu yaqinlashuv Toshkent vaqti bilan soat 22:30 da sodir bo‘ladi. Shu vaqtda «2025 KF» deb nomlangan asteroid Yerga atigi 71 700 mil (115 000 km) masofadan o‘tadi.

Yaqinlashuv chog‘ida asteroid Yerga nisbatan soatiga 25 880 mil (41 650 km/soat) tezlikda harakatlanadi. Uning trayektoriyasi Yerning janubiy qutb hududiga eng yaqin nuqtadan o‘tadi va so‘ngra Quyosh atrofidagi uzun, egri orbitasida harakatni davom ettiradi.

«2025 KF...

Jahon banki O‘zbekistonda irrigatsiya infratuzilmasini modernizatsiya qilishga qaratilgan loyihaga $200 mln imtiyozli kredit ajratishni ma’qulladi. Bu haqda bank rasmiy sahifasida ma’lum qildi.

Bundan tashqari, loyiha uchun O‘zbekiston hukumati ham qo‘shimcha $23,2 mln miqdorida mablag‘ ajratadi.

Loyiha Suv xo‘jaligi vazirligi tomonidan amalga oshiriladi. Qoraqalpog‘iston Respublikasi, Buxoro, Qashqadaryo, Namangan va Surxondaryo viloyatlari loyihaning asosiy hududlari sifatida belgilangan.

Loyiha doirasida quyidagi ishlar amalga oshiriladi:

Ford Motor kompaniyasi AQSHning Kentukki shtatidagi yirik akkumulyator zavodining bir qismini Nissan kompaniyasiga foydalanish uchun topshirmoqda. Bunga elektromobil (EV) bozoridagi past talab va yuqori ishlab chiqarish xarajatlari sabab bo‘lgan. Bu haqda The Wall street journal (WSJ) narxi xabar bermoqda.

2021-yilda Ford SK On kompaniyasi bilan hamkorlikda Kentukkida ikkita akkumulyator zavodi qurish uchun $7 mlrd sarmoya kiritgan edi. Biroq hozirda ulardan biri to‘liq ishlamayapti, ikkinchisi esa faqat qisman faoliyat yuritmoqda. Ford ushbu zavodning bo‘sh turgan quvvatlarini Nissan’ga ijaraga berib, u yerda Nissan uchun akkumulyatorlar ishlab chiqarishni rejalashtirmoqda.

Nissan uchun bu imkoniyat AQSHda ishlab chiqarishni mahalliylashtirish orqali import bojlari...

Xorazm viloyatida joylashgan «Deshon qal’a» tarixiy obidasi sayyohlik maskaniga aylantiriladi. Bu haqda Ekologiya vazirligi xabar berdi.

Loyiha doirasida Shixlar mahallasidagi 55 ta turar va noturar obyekt ko‘chiriladi. Ularning o‘rnida yashil maydonlar, bog‘lar barpo etiladi, obodonlashtirish va daraxt ekish ishlari olib boriladi.

Qal’a devori milliy me’morchilik uslubida tiklanib, atrofida 1,5-2 metrli yo‘laklar quriladi. Shuningdek, Shixlar va Angarik mahallalarida zamonaviy sayyohlik majmuasi tashkil etilishi rejalashtirilgan.

Avvalroq Kursiv Uzbekistan Xiva shahrida «Arda Xiva» xalqaro turizm markazi ochilgani haqida yozgandi.

2025-yilda smartfonlar ixcham korpusda taqdim etilmoqda. Bulardan iPhone 16 yoki Google Pixel 9 smartfoblarini misol qilib ko‘rsatish mumkin. Qaysi biri yaxshiroq? Kursiv Uzbekistan Palach nashriga tayanib, ma’lumotlarni to‘pladi.

Avvalroq Kursiv Uzbekistan 2025-yildagi TOP – 5 eng kuchli kamerafonlari haqida yozgan edi.

Chevrolet Silverado HD pikapi zamonaviy va hashamatli uy mashinasiga aylantirilgani aks etgan videolar tarqaldi. Bu haqda GMAuthority xabar bermoqda.

Renderda Silverado HD pikapi kengaytirilgan kampir moduli bilan jihozlangan bo‘lib, unda yotoqxona, oshxona, hammom va dam olish zonasi mavjud. Ichki makon zamonaviy mebellar, yoritish tizimlari va texnologik qurilmalar bilan to‘ldirilgan.

Bu dizayn Chevrolet Silverado HD ning nafaqat kuchli yuk tashish imkoniyatlarini, balki sayohat paytida uy qulayliklarini taqdim etish salohiyatini ham namoyish qiladi.

Ma’lumot uchun, Chevrolet kompaniyasining Silverado HD modeli 2025-yilda yangilangan ko‘rinishda taqdim etildi. Model og‘ir yuk tashish, qurilish ishlari va uzoq masofali yo‘llarda foydalanish uchun mo‘ljallangan. U kuchli...

Andijon, Samarqand va Buxoroda jamoat transportlarining narxlarini asossiz oshirish hamda yo‘lovchiga qo‘pol muomala qilish holatlari kuzatildi. Bu bo‘yicha Raqobat qo‘mitasiga murojaatlar kelib tushgan.

Qo‘mita tomonidan Andijondagi «Asaka – Qoratepa» yo‘nalishida, Buxoro viloyatining Kogondagi 105 va 114-yo‘nalishli taksilarda yo‘lkira sun’iy oshirilgani aniqlanib, holat bartaraf etildi.

Shuningdek, Samarqandda avtobus haydovchisining yo‘lovchiga qo‘pol muomalasi va yo‘lkirani ikki marta olish holati aniqlanib, haydovchiga ogohlantirish berildi. Jizzaxda Chery Tiggo 7 Pro avtomobilidagi nosozlik kafolat asosida ta’mirlandi.

Shu bilan birga, Qashqadaryoda Yandex taksi orqali fuqaroning kartasidan noqonuniy pul yechilgan, Toshkent shahrida esa YandexGo xizmatidagi asossiz qarzdorlik bekor qilinib, ortiqcha yechilgan mablag‘ kompensatsiya qilingan.

Avvalroq Kursiv...

Janubiy Koreya O‘zbekistonda statistika tizimni 2028-yilgacha rivojlantirish uchun $3,8 mln miqdorida grant ajratdi. Bu haqda Milliy statistika qo‘mitasi xabar berdi.

Pul mablag‘lari innovatsion raqamli texnologiyalar va xalqaro standartlarni joriy etishga yo‘naltiriladi. Respondentlar bilan intervyu o‘tkazish uchun kompyuter tizimi ishlab chiqiladi, shuningdek, ma’muriy ma’lumotlar integratsiyasi amalga oshiriladi.

Bundan tashqari, grant statistika organi xodimlarini xalqaro o‘qitish va uskunalar xarid qilish imkonini beradi.

Avvalroq «Kursiv» nashri O‘zbekiston BMT Statistika komissiyasi a’zoligiga saylangani haqida xabar bergandi.

2033-yilga borib O‘zbekistonda islom banklari aktivlari hajmi $2,4 mlrdgacha oshadi. Yevroosiyo taraqqiyot bankining (YTB) bazaviy prognoziga ko‘ra, bu ko‘rsatkich bilan mamlakat mintaqada Qozog‘istondan keyingi o‘rinni egallagan.

Shu bilan birga, O‘zbekiston Respublikasidagi sukuk aktivlari 2033-yilga borib $1,8 mlrddan oshadi.

Hujjat mualliflari mintaqada islomiy moliyalashtirish vositalarining yuqori o‘sish salohiyatini qayd etadi. Markaziy Osiyo aholisi tez sur’atlar bilan o‘sib bormoqda. Vaqt o‘tishi bilan mintaqaning islom bankingidan xabardorligi va bunday moliyaviy mahsulotlarga qiziqishi ortib boradi.

Taxminlarga ko‘ra, 2028-yilga borib Markaziy Osiyodagi islom banklari aktivlari $2,5 mlrdgacha oshadi. 2033-yilga kelib ular deyarli $6,3 mlrdni tashkil qiladi. Sukuk aktivlari (obligatsiyalarning islom ekvivalenti) 2028 yilda...

Hyundai Motor kompaniyasi 27-maydan 30-maygacha Janubiy Koreyadagi Ulsan Plant 1 zavodida elektromobillar ishlab chiqarishni vaqtincha to‘xtatishini e’lon qildi. Bu haqda IThome xabar berdi.

Zavodda Hyundai Ioniq 5 hamda Hyundai Kona krossoverining elektr versiyalari ishlab chiqariladi. Ishlab chiqarishning to‘xtatilishiga sabab elektromobillarga global talabning keskin pasaygani, ayniqsa, Yevropa, Kanada va AQSh kabi asosiy eksport bozorlarida. Kompaniya bu holatni bojxona to‘lovlarining oshishi bilan ham bog‘lamoqda.

Hyundai vakillariga ko‘ra, Janubiy Koreyadagi ishlab chiqarishning to‘xtatilishi Yevropa, AQSh va boshqa mintaqalarga eksport hamda sotuvdan keyingi xizmatlarga ta’sir qilmaydi.

Avvalroq Kursiv Uzbekistan Toyota kompaniyasi avtomobillarining narxini oshirishi haqida xabar bergandi.

Samsung Galaxy Z Fold 7 hamda yangi Tri-Fold (uch buklamali) smartfonlari uchun titan korpusni tayyorlamoqda. Bu haqda DGL nashri ma’lum qildi.

Ma’lumotlarga ko‘ra, ushbu qurilmalar orqa panel va sharnir qismlarida titandan foydalanadi. Bu esa ularni avvalgilariga nisbatan yengilroq va mustahkamroq qiladi.

Oldingi Galaxy Z Fold 6 uglerod tolali orqa panel bilan jihozlangan bo‘lsa, Fold 6 Special Edition’da titan ishlatilgan edi. Yangi modellarda esa bu material asosiy konstruktiv element sifatida ishlatilishi mumkin. Titan o‘zining yuqori mustahkamligi, korroziyaga chidamliligi va nisbatan yengil vazni bilan ajralib turadi, biroq ishlab chiqarish jarayoni murakkabligi tufayli narxga ta’sir qilishi mumkin.

Ingichkaroq va S...

AQShda Apple kompaniyasining App Store do‘konida mashhur ko‘p o‘yinchili otishma o‘yini Fortnite yana paydo bo‘ldi. Bu o‘yin besh yillik taqiqdan keyin qayta tiklandi, deya xabar bermoqda Reuters.

Unga ko‘ra, Epic Games va Apple o‘rtasidagi sud jarayoni 2020-yildan beri davom etmoqda. Sud qaroriga ko‘ra, Apple o‘zining App Store’da ilovalar ichidagi to‘lovlarda komissiya olish amaliyotini o‘zgartirishi kerak. Sud Apple kompaniyasining ushbu qoidani buzganini aniqladi va kompaniyani raqobatni oshirishga chaqirdi.

Fortnite dastlab Android qurilmalarida va Yevropa Ittifoqidagi iOS platformalarida qayta paydo bo‘lgan edi. Endilikda esa u Apple qurilmalarida ham o‘ynalishi mumkin.

Eslatib o‘tamiz, avvalroq Siri tasodifan yoqilgan bo‘lsa, Apple sizga pul to‘lashi...

Huawei va JAC kompaniyalari hamkorligida ishlab chiqilgan Maextro S800 ultra-luxury sedani 30-may kuni rasman taqdim etiladi. Bu haqda CarNewsChina nashri xabar bermoqda.

Avtomobil Xitoy bozorida Mercedes-Maybach S-Class’ga bevosita raqib sifatida ko‘rilmoqda. Model premium darajadagi ichki dizayn, sun’iy intellektli boshqaruv tizimlari va yuqori texnologik imkoniyatlarga ega.

Huawei Maextro S800 texnik xususiyatlari quyidagi jadvalda keltirilgan:

Avtomobil HarmonyOS asosidagi boshqaruv tizimi, to‘liq SI yordamchi tizimlar, sun’iy yo‘ldosh aloqasi, raqamli yon oynalar va premium salon qulayliklariga ega.

Huawei’ning ADS idrok etish tizimi DATS (Dinamik Moslashuvchan moment tizimi) va Xmotion korpus boshqaruvi yanada xavfsiz va sezgirroq ishashga hissa qo‘shadi.

Avtomobilning narxi...

Prezident farmoni bilan Tashqi ishlar vazirligi uch oy muddatda AQSh fuqarolari uchun O‘zbekistonga 30 kunlik muddatga vizasiz kirish rejimini joriy qilishi belgilandi.

Shuningdek, O‘zbekiston fuqarolariga AQShga kirish uchun viza talablarini yengillashtirish yuzasidan muzokaralar boshlash va yakuni bo‘yicha taklif kiritish topshirildi.

Shuningdek, Rossiya, Qozog‘iston va Ozarbayjon fuqarolari uchun O‘zbekistonga ichki hujjat yoki ID-karta bilan, 16 yoshga to‘lmaganlar uchun esa «kinder pasport» orqali 30 kungacha kirish imkoniyati yaratiladi.

Shuningdek, Bahrayn, Kuvayt va O‘mon fuqarolari uchun O‘zbekiston hududida 30 kunlik vizasiz rejim joriy etilishi haqida yozgandik.

Avvalroq «Kursiv» O‘zbekiston va Xitoy o‘rtasida o‘zaro vizasiz rejim joriy qilingani haqida yozgandi.

General Motors (GM) konserni Amerika zavodlarida yig‘ilgan avtomobillarni Xitoy bozoriga yetkazib berishni to‘xtatadi. Bu haqda Bloomberg nashri xabar bermoqda.

Qayd etilishicha, Xitoyda GM sotuvida import qilingan avtomobillarning ulushi unchalik katta emas va 0,1 foizdan kamroqni tashkil qiladi – bular asosan premium modellar. GMda cheklovlarning joriy etilishi konsernning mahalliy bozordagi faoliyatini qayta qurish va optimallashtirish deb ataldi.

GMning Xitoydagi import bilan shug‘ullanuvchi vakillari allaqachon bu qarordan xabardor qilingan.

GM o‘z bayonotida Xitoyda rivojlanishni davom ettirishga sodiqligini, biroq «iqtisodiy sharoitlarda sezilarli o‘zgarishlar» bilan duch kelayotganini qayd etgan. GM hali ham Buick Envision’ni Xitoydan AQShga import qilmoqda. GM’ning Xitoyda mahalliy hamkorlar...

Prezident farmoniga asosan, Al-Beruniy nomidagi xalqaro maktab-internat faoliyati 2025/2026-o‘quv yilidan boshlab yo‘lga qo‘yiladi. Bu haqda Adliya vazirligi ma’lum qildi.

Unga ko‘ra, maktab bitiruvchilariga shahodatnoma bilan birga xalqaro ta’lim dasturi diplomi – International Baccalaureate beriladi. Ushbu diplom yetakchi xorijiy oliy ta’lim muassasalariga o‘qishga kirishda qo‘shimcha imtiyozlar yaratadi.

Ta’lim jarayonida o‘quvchilar bilan individual ish tizimi joriy etiladi. Bunda 1 nafar maslahatchi va pedagogga to‘g‘ri keladigan o‘quvchilar soni tegishli normativlar asosida 1:15 va 1:8 nisbatida belgilanadi. Shuningdek, maktabda variativ o‘quv rejalariga muvofiq ta’lim beriladi va o‘quvchilarga ingliz tilidan tashqari kamida yana bitta xorijiy til o‘qitiladi.

Davlat budjeti mablag‘lari hisobidan o‘qitiladigan o‘quvchilar soni...

2025-yil 1-iyuldan boshlab O‘zbekiston talabalari talabalik guvohnomasini yonida olib yurishlariga hojat qolmaydi. Ular guvohnomaning faqat elektron shaklidan foydalanishlari mumkin bo‘ladi.

Mazkur yangilik Yagona interaktiv davlat xizmatlari portali va «Ijtimoiy karta» mobil ilovasida joriy qilinayotgan raqamli hujjatlar tizimining bir qismidir.

Yagona tizim orqali quyidagi 17 turdagi hujjatning elektron varianti mavjud bo‘ladi: biometrik pasport, ID-karta, haydovchilik guvohnomasi, tug‘ilganlik va nikoh guvohnomalari, texnik pasport, pensiya guvohnomasi, nogironlik haqidagi ma’lumotnoma, ta’lim diplomi, yakka tartibdagi tadbirkor guvohnomasi, sug‘urta polisi va boshqalar.

Raqamli hujjatlar tizimi fuqarolarga tez, ishonchli va zamonaviy xizmatlardan foydalanish imkonini beradi hamda ortiqcha hujjatlar olib yurish zaruratini bartaraf etadi.

Eslatib o‘tamiz, avvalroq...

«Prezident iqtidorli farzandlari» tashabbusini amalga oshirish bo‘yicha milliy dastur amalga oshiriladi. Bu haqda prezident farmoni qabul qilindi.

Farmon bilan iqtidorli yoshlarni erta aniqlash va ularni har tomonlama qo‘llab-quvvatlash orqali inson kapitalini rivojlantirish hamda yoshlar bilan manzilli ishlash asosida global mehnat bozorida raqobatbardosh mutaxassislar tayyorlash ko‘zda tutilmoqda.

Shu munosabat bilan Ixtisoslashtirilgan ta’lim muassasalari agentligi tizimida Al-Beruniy nomidagi xalqaro maktab-internat tashkil etiladi. Bundan tashqari, Iqtidorli yoshlarni qo‘llab-quvvatlash hamjamiyati faoliyati yo‘lga qo‘yiladi.

Shuningdek, milliy dastur doirasida «Yorqin iste’dod» loyihasi bosqichma-bosqich amalga oshiriladi.

Loyihada har yili xorijiy oliy ta’lim muassasalarida o‘qish salohiyatiga ega bo‘lgan 1,5 ming nafargacha 9-sinf bitiruvchisi imtihon orqali saralab olinadi...

Formula 1’ning mashhur jamoasi Aston Martin yetakchi smartfon ishlab chiqaruvchi Realme bilan ko‘p yillik hamkorlik shartnomasini imzoladi. Bu haqda f1news nashri ma’lum qildi.

Bu doirada kompaniyalar har yili ikki dona qo‘shma smartfon chiqarishni rejalashtirmoqda. Birinchi hamkorlik mahsuloti – GT 7 Dream Edition – kelasi seshanba kuni taqdim etiladi. Realme bu flagman smartfon yuqori unumdorlik, zamonaviy dizayn hamda Aston Martin logotipi bilan ta’minlanishini va’da qilmoqda.

Aston Martin’ning litsenziyalash bo‘limi rahbari Mett Chapman:

«Biz Realmeni jamoamizga va birinchi hamkorlikdagi smartfonimizga xush kelibsiz. GT 7 Dream Edition yuqori unumdorlikni innovatsion dizayn bilan uyg‘unlashtiradi. Biz kelajakdagi modellar ustida...