Yangiliklar

Xitoyda Voyah brendi o‘zining mashhur miniveni — Voyah Dreamer’ning maxsus Champion Edition talqini uchun oldindan buyurtmalarni qabul qilishni boshladi. Bu haqda Autohome xabar berdi.

Yangi versiya 2026-yil mart oyida Dreamer’ning 200 minginchi nusxasi konveyerdan chiqishi munosabati bilan taqdim etilmoqda. Maxsus talqin cheklangan miqdorda ishlab chiqariladi va rasmiy narxi 319 900 yuan (taxminan $45 ming) etib belgilangan.

Champion Edition standart model o‘lchamlarini saqlab qolgan: uzunligi 5315 mm, g‘ildirak bazasi esa 3200 mm. Biroq tashqi ko‘rinishda o‘ziga xos uslub qo‘llanilgan — kuzov to‘liq qora rangda bo‘lib, obsidian qora tusidagi yirik radiator panjarasi bilan uyg‘unlashtirilgan.

Modelning asosiy ustunligi — zamonaviy elektron tizimlar...

1-mart kuni Yaqin Sharqda vaziyat yanada keskinlashdi. Eron AQSh va Isroilning avvalgi zarbalariga javoban Fors ko‘rfazi hududidagi Amerika harbiy bazalari, Iroq Kurdistoni hamda Isroil shaharlariga hujumlarni qayta boshladi. Bunga javoban Isroil ham Eron hududlariga yangi aviazarbalar berganini ma’lum qildi, deb yozmoqda BBC.

Xomanaiy halok bo‘ldi

28-fevral, shanba kuni AQSh va Isroil tomonidan amalga oshirilgan qo‘shma hujum natijasida Eronning oliy rahbari Ali Xomanaiy halok bo‘lgani haqida xabarlar tarqaldi. Rasmiy Tehron vaqtinchalik boshqaruv kengashi ish boshlaganini tasdiqladi.

Eron prezidenti Masoud Pezeshkian videomurojaat bilan chiqib, mamlakat qurolli kuchlari javob zarbalarini davom ettirishini bildirdi. Uning aytishicha, vaqtinchalik uch kishilik qo‘mita hokimiyat...

Yaqin Sharqda xavfsizlik bilan bog‘liq vaziyat murakkablashib borayotgan bir paytda O‘zbekistonning Isroildagi diplomatik vakolatxonasi vatandoshlar uchun shoshilinch ogohlantirish e’lon qildi. Elchixona ma’lumotiga ko‘ra, Isroilda bo‘lib turgan fuqarolarga vaziyat barqarorlashguniga qadar mamlakatni vaqtincha tark etish tavsiya etilmoqda.

Diplomatik missiya fuqarolardan hushyorlikni oshirishni, Isroil rasmiylari tomonidan joriy etilgan xavfsizlik talablari va cheklovlariga qat’iy amal qilishni so‘radi. Zarur bo‘lmagan hollarda ko‘chaga chiqmaslik, boshpanalar va maxsus jihozlangan xavfsiz hududlarda bo‘lish muhimligi ta’kidlandi.

Elchixona Isroil – Misr chegarasidagi «Begin» nazorat-o‘tkazish punkti orqali chiqish imkoniyatiga alohida e’tibor qaratdi. Qayd etilishicha, O‘zbekiston fuqarolari Sinay yarimoroliga kirishda viza rasmiylashtirishlari shart emas. Chegaradan o‘tish jarayonini tezlashtirish uchun boj...

O‘zbekiston terma jamoasi nufuzli Strandja Tournament musobaqasi finallarida muvaffaqiyatli ishtirok etib, uchta oltin va ikkita kumush medalni qo‘lga kiritdi. Bu haqda Boks federatsiyasi xabar berdi.

75 kilogramm vazn toifasida Fazliddin Erkinboyev finalda Rami Kivanga qarshi ringga chiqdi. Jang davomida Erkinboyev tashabbusni qo‘ldan bermadi va yakunda hakamlar yakdil qarori bilan 5:0 hisobida g‘alaba qozonib, oltin medalni qo‘lga kiritdi.

85 kilogramm vazn toifasida Akmaljon Isroilov ukrainalik Matviy Rojba bilan to‘qnash keldi. O‘zbekistonlik bokschi jangni to‘liq nazorat qildi va 5:0 hisobidagi ishonchli g‘alaba bilan shohsupaning eng yuqori pog‘onasiga ko‘tarildi.

90 kilogramm vazn toifasida Turabek Habibullayev ukrainalik Bogdan Tolmachyovga qarshi bahs olib bordi...

O‘zbekistonda qishda har doim ham juda sovuq bo‘lmasa-da, ayrim hududlarda — ayniqsa Qoraqalpog‘iston, Jizzax, Navoiy yoki tog‘li viloyatlarda harorat −15…−20 darajagacha tushishi mumkin. Bunday sharoitda ko‘pchilik haydovchilar ertalab mashina o‘t olmay qolganidan shikoyat qiladi. Hatto Toshkent shahrida ham nam va sovuq havo akkumulyator hamda yoqilg‘i tizimiga salbiy ta’sir ko‘rsatadi.

Past harorat dvigatel moyini quyuqlashtiradi, akkumulyator quvvatini kamaytiradi va yoqilg‘i tizimidagi muammolarni yuzaga chiqaradi. Agar avtomobil qish mavsumiga tayyorlanmagan bo‘lsa, sovuq tongda u o‘t olmay qolishi hech gap emas.

Kursiv Uzbekistan sovuq havoda mashina nega o‘t olmasligi va bunga qanday yechim topish mumkinligi haqida tavsiyalarni keltirib o‘tadi.

Akkumulyator — eng...

2-mart, dushanba kuni muborak Ramazon oyining o‘n ikkinchi kuni boʻlib, Toshkent shahrida saharlikning tugashi soat 5:38 ni tashkil qiladi. Iftorlik esa 18:19 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Angliya Premyer-ligasining 28-turida «Manchester Yunayted» o‘z maydonida «Kristal Pelas» ustidan 2:1 hisobida irodali g‘alabaga erishdi va musobaqa jadvalida uchinchi o‘ringa ko‘tarildi.

Uchrashuvning 4-daqiqasidayoq Maksens Lakrua hisobni ochib, mehmonlarni oldinga olib chiqdi. Biroq 56-daqiqada Lakrua jarima maydonchasiga kirib borayotgan Mateus Kunyani ushlab qolgani uchun qizil kartochka oldi va belgilangan penaltini 57-daqiqada Bruno Fernandesh aniq amalga oshirib, muvozanatni tikladi.

Oradan sakkiz daqiqa o‘tib, Benjamin Sheshko Fernandeshning uzatmasidan so‘ng bosh bilan g‘alaba to‘pini kiritdi. Ushbu natijadan so‘ng Maykl Karrik boshqaruvidagi jamoaning ko‘rsatkichi yettita o‘yinda oltita g‘alaba va bitta durangga yetdi. Jamoa to‘plar nisbatiga ko‘ra «Aston Villa»ni ortda qoldirib, 2023-yildan beri ilk bor...

Kursiv Uzbekistan o‘tgan hafta mobaynida respublika va xorijda yuz bergan yangiliklarni bir joyga jamladi.

O‘zbekistonning uch hududida 5 ta quduqdan gaz chiqdi

Foto: Ohio Farm Bureau

O‘zbekistonning uch hududida 5 ta quduqdan gaz chiqdi. Bu haqda «O‘zbekneftgaz» AJ matbuot kotibi ma’lum qildi.

Ma’lum qilinishicha, Qashqadaryo viloyatining Muborak tumanida joylashgan Yangi Kultak konida 5-son qidiruv hamda 10-son baholovchi ishlab chiqarish quduqlaridan sanoat ahamiyatiga ega gaz oqimi olindi. Burg‘ulash ishlari 3200 metr chuqurlikkacha olib borilgan. Hozirda har bir quduqdan kuniga taxminan 245 ming metr kub tabiiy gaz olinayotgani aniqlangan. Ajratib olinayotgan gaz Muborak neft va gaz qazib chiqarish boshqarmasiga yuborilmoqda.

1-mart kuni Angliya Premyer-ligasining 28-turi doirasida markaziy bahslardan biri bo‘lib o‘tdi. Unda «Arsenal» o‘z maydonida azaliy raqibi «Chelsi»ni qabul qilib, 2:1 hisobida g‘alaba qozondi.

Uchrashuv kutilganidek keskin kurashlarga va kutilmagan burilishlarga boy bo‘ldi. O‘yinning 21-daqiqasida «Arsenal» himoyachisi Vilyam Saliba Gabrielning uzatmasidan so‘ng hisobni ochdi. Biroq birinchi bo‘lim yakunlanishi arafasida «Arsenal» himoyachisi Pyero Inkape o‘z darvozasiga gol kiritib qo‘yishi natijasida muvozanat tiklandi.

Ikkinchi bo‘limda maydon egalarining yana bir himoyachisi Yurrien Timber qahramonga aylandi. 66-daqiqada u Deklan Raysning pasini golga aylantirib, «kanonirlar»ni yana oldinga olib chiqdi.

O‘yinning ikkinchi qismi keskin kurashlarga boy bo‘ldi. Xususan, «Chelsi» futbolchisi Pedru Netu 67 va 70-daqiqalarda...

Samsung o‘zining eng ommabop o‘rta segment smartfonlari – Samsung Galaxy A56, A55, A54 hamda A53 modellari uchun fevral oyiga mo‘ljallangan xavfsizlik yangilanishini tarqatishni boshladi. Bu haqda Sammobile nashri ma’lum qildi.

Yangilanish dastlab Janubiy Koreyada foydalanuvchilarga yetib borgan, yaqin kunlarda esa boshqa mamlakatlarda ham bosqichma-bosqich ishga tushirilishi kutilmoqda.

Yangilanishning asosiy maqsadi – tizimdagi muhim zaifliklarni bartaraf etishdan iborat. Patch Android operatsion tizimi va One UI qobig‘idagi jami 37 ta xavfsizlik muammosini yopadi. Odatda Samsung xavfsizlik yangilanishlarini oy boshida chiqaradi, biroq bu safar grafik kompaniyaning Samsung Galaxy S26 flagman seriyasi taqdimoti va Galaxy Unpacked 2026 tadbiriga tayyorgarlik sabab biroz kechikdi.

Avvalroq...

MWC 2026 ko‘rgazmasida Honor o‘zining yangi yuqori toifadagi qurilmalarini ultra yupqa planshet Honor MagicPad 4 hamda kuchli noutbuk Honor MagicBook Pro 14 modelini namoyish qildi. Bu haqda IXbt.com xabar berdi.

Honor MagicPad 4 — atigi 4,8 mm qalinlikda

Yangi planshet korpusi bor-yo‘g‘i 4,8 mm qalinlikka ega bo‘lib, shu bilan birga, ichida eng so‘nggi avlod protsessori – Qualcomm Snapdragon 8 Gen 5 o‘rnatilgan. Qurilma 10 100 mA·soat sig‘imli batareya bilan jihozlangan, bu esa yupqa korpus uchun juda katta ko‘rsatkich hisoblanadi.

Ekrani 12,3 dyuymli AMOLED panel bo‘lib, 3K aniqlik va 165 Gs yangilanish chastotasini taklif etadi. Bu esa planshetni nafaqat...

Yaqin Sharq mintaqasida yuzaga kelgan vaziyatning keskinlashuvi hamda havo makonidan foydalanish bo‘yicha joriy etilgan vaqtinchalik cheklovlar sababli qator aviaqatnovlar bekor qilinmoqda. Bu haqda Musulmonlar idorasi xabar berdi.

Shu munosabat bilan O‘zbekiston Tashqi ishlar vazirligi tomonidan fuqarolarga mazkur hududdagi davlatlarga safar uyushtirmaslik tavsiya etildi. Ayni paytda o‘sha yerda bo‘lib turgan vatandoshlarimizga ehtiyot choralarini kuchaytirish bo‘yicha zarur ko‘rsatmalar berilgan.

Vaziyatni inobatga olgan holda, fuqarolar xavfsizligini ta’minlash maqsadida O‘zbekiston musulmonlari idorasi hamda tur operatorlar tomonidan tashkil etilayotgan umra safarlari vaqtincha kechiktiriladi.

Jumladan, 2026-yil 2-mart kuni O‘zbekiston musulmonlari idorasi tomonidan rejalashtirilgan Toshkent – Jidda yo‘nalishidagi navbatdagi umra ziyoratchilari reysi ham ma’lum muddatga qoldirildi.

Skoda o‘z flagmani – Superb modeliga yanada kuchliroq versiyani qo‘shdi. Kompaniya yangilangan plug-in gibrid (PHEV) modifikatsiyasini taqdim etdi. Bu haqda Carcoops nashri xabar berdi.

Endilikda quvvat qurilmasining umumiy quvvati 272 ot kuchini tashkil qiladi va bu uni hozirgi avloddagi ichki yonuv dvigatelli eng kuchli Superb modeliga aylantiradi.

Biroq muhim jihat bor: yangi agregat faqat liftbek kuzovida va yuqori darajadagi Sportline hamda Laurin & Klement komplektatsiyalarida taklif etiladi.

Texnik xususiyatlari

Yangi gibrid tizim quyidagilardan iborat:

Ijtimoiy tarmoqlarda 1-martdan boshlab tabiiy gaz narxi oshirilgani haqidagi xabarlar tarqaldi. Biroq Energetika vazirligi bu ma’lumotlarni rad etib, amaldagi tariflar o‘zgarishsiz qolayotganini ma’lum qildi.

Vazirlik izohiga ko‘ra, to‘lovlar avvalgi narxlar asosida amalga oshiriladi. O‘zgarish esa faqat isitish mavsumida amal qilgan ijtimoiy me’yorning yakunlanishi bilan bog‘liq.

Bazaviy me’yor qanday o‘zgaradi

Qish mavsumida tabiiy gaz iste’moli bo‘yicha bazaviy me’yor vaqtincha 100 kub metrdan 500 kub metrgacha oshirilgan edi. Noyabr – fevral oylarida har bir oy uchun 500 kub metrgacha imtiyozli me’yor amal qilgan.

2026-yil 1-martdan 31-oktabrga qadar esa yana odatdagi tartib joriy etiladi, ya’ni har oy uchun 100 kub metrgacha...

Xiaomi prezidenti Lu Weibing Xiaomi 17 Ultra Leica Edition smartfonining yangi qora va kumush rangdagi talqinini namoyish qildi. Bu haqda Weibo platformasida xabar berdi.

Yangi dizayn Leica mutaxassislari bilan hamkorlikda ishlab chiqilgan bo‘lib, klassik Leica M seriyasidagi retro-fotoapparatlardan ilhomlangan. Qurilmaning mat qora orqa paneli yorqin kumush ramka bilan uyg‘unlashgan.

Modelda Leica brendining 100 yilligiga bag‘ishlangan qizil logotip alohida urg‘u sifatida qo‘llangan. Smartfon, avvalo, mobil fotografiya ishqibozlari hamda Leica muxlislari uchun mo‘ljallangan premium foto-flagman sifatida taqdim etilmoqda.

Xiaomi 17 Ultra Leica Edition global bozorda Leica Leitzphone powered by Xiaomi nomi bilan ham tanilgan. Qurilma kamera blokini o‘rab turgan aylanuvchi mexanik...

Toshkent shahrida yuz bergan va YPX inspektori halok bo‘lishiga sabab bo‘lgan mudhish yo‘l-transport hodisasi ortidan BMW M4 avtomobilini tyuning qilgan atelye rahbari Asadbek Jumayev jamoatchilikka murojaat qildi. Bu haqda IIV Jamoat xavfsizligi departamenti xabar berdi.

U departamentga bergan intervyusida voyaga yetmagan shaxsning hujjatsiz avtomobil boshqarayotganini bilgani holda bunga befarq bo‘lganini tan oldi. Jumayevning aytishicha, avtomobilni yuqori tezlikka moslab bergani bilan ham u mazkur fojiaga bilvosita aloqador.

«Oldin ijtimoiy tarmoqlarda yozgan gaplarim bilan yoshlarni noto‘g‘ri ruhlantirganimni endi tushunyapman. Bu yerda o‘tirgan har bir kunim men uchun og‘ir saboq bo‘ldi», – deydi u.

Shuningdek, u ilgari...

Yaqin Sharq mintaqasida vaziyat keskinlashgani munosabati bilan Birlashgan Arab Amirliklarida, xususan, Dubay shahrida bo‘lib turgan O‘zbekiston fuqarolariga muhim ogohlantirish berildi. Bu haqda Tashqi ishlar vazirligi xabar berdi.

Vazirlik hamda O‘zbekistonning BAAdagi diplomatik vakolatxonalari vatandoshlar xavfsizligini ta’minlash maqsadida barcha zarur choralarni ko‘rayotganini ma’lum qildi.

Bildirilishicha, havo makonidan foydalanishdagi vaqtinchalik cheklovlar sabab ayrim aviaqatnovlar to‘xtatilgan.

Fuqarolarga mahalliy qonun-qoidalar va rasmiy idoralar ko‘rsatmalariga qat’iy amal qilish, zaruratsiz ko‘chaga chiqmaslik, odamlar gavjum joylardan uzoqroq bo‘lish, axborotni faqat rasmiy manbalardan olish tavsiya etildi.

Favqulodda aloqa raqamlari:

+971 55 986 9040
+971 55 956 4110

Vaziyat yuzasidan qo‘shimcha ma’lumotlar berib boriladi.

Avvalroq Kursiv Uzbekistan Eron...

Indoneziyadagi rasmiy sotuvlarda yangi Redmi A7 Pro smartfoni taqdim etildi. Oldindan buyurtma bosqichida uning narxi atigi 1,499 mln Indoneziya rupiyasi (taxminan $90) bo‘lgan. Bu haqda ITHome nashri xabar berdi.

Asosiy xususiyatlar:

Smartfonning qalinligi 8,15 mm, og‘irligi 208 g. Tanlash uchun to‘rt rang: ko‘mir qora, tuman ko‘k, yashil va apelsin. Qurilmada 3,5 mm quloqchin uyasi va yon tomonda barmoq izi...

2 – 6-mart kunlari kutilayotgan yog‘ingarchilik va havo haroratining keskin o‘zgarishi sabab respublikaning qator tog‘li hududlarida qor ko‘chishi xavfi yuzaga kelishi mumkin. Bu haqda «O‘zgidromet» xabar berdi.

Mutaxassislar quyidagi hududlarda xavf darajasi oshishini ma’lum qilmoqda:

Favqulodda xizmatlar tog‘li hududlarda yashovchi fuqarolar, sayyohlar hamda ushbu yo‘nalishlarda harakatlanuvchi haydovchilardan maksimal ehtiyotkorlik choralarini ko‘rishni so‘ramoqda.

Xususan...

Italiyaning mashhur sportkar ishlab chiqaruvchisi Lamborghini to‘liq elektr superkarni ommaviy ishlab chiqarish rejasini bekor qildi. Bu haqda Thesupercarblog xabar berdi.

2023-yilda taqdim etilgan Lamborghini Lanzador konsepti seriyali modelga aylanmaydi.

Kompaniya rahbariyati endilikda strategik yo‘nalishni gibrid texnologiyalarga qaratmoqda. Brend prezidenti Stephan Winkelmann ta’kidlashicha, muxlislar orasida sof elektromobillarga qiziqish juda past. Uning so‘zlariga ko‘ra, Lamborghini ishqibozlari uchun dvigatel ovozi va hissiy tajriba muhim ahamiyatga ega.

Kompaniya ichki baholashlariga ko‘ra, to‘liq elektr model ishlab chiqish yuqori xarajat talab qilishi va talab past bo‘lgani sabab iqtisodiy jihatdan o‘zini oqlamasligi mumkin.

Rejaga ko‘ra, 2030-yilga borib Lamborghini model qatori to‘liq plug-in gibrid avtomobillardan iborat bo‘ladi...

Eron rasmiylari Oyatulloh Ali Xomanaiy vafotidan keyingi o‘tish davrida davlat boshqaruvi qanday yo‘lga qo‘yilishini ma’lum qildi. Bu haqda Islamic Republic News Agency (IRNA) agentligi xabar berdi.

Eron birinchi vitse-prezidenti Muhammad Moxberning bildirishicha, vaqtinchalik boshqaruv mas’uliyatini mamlakat prezidenti, sud hokimiyati rahbari hamda Konstitutsiyani muhofaza qiluvchi kengash – Qo‘riqchilar kengashi a’zolaridan biri zimmasiga oladi.

Qayd etilishicha, Eron Konstitutsiyasining 111-moddasiga muvofiq, Oliy rahbar vafot etgan taqdirda Ekspertlar kengashi qisqa muddat ichida yangi rahbar nomzodini aniqlashi va e’lon qilishi lozim.

Avvalroq Kursiv Uzbekistan Eron oliy rahnamosi o‘limi rasman tasdiqlangani haqida yozgandi.

Bugun, 1-mart kuni respublikaning aksariyat hududlarida yog‘ingarchiliksiz ob-havo kuzatiladi. Faqat Qoraqalpog‘iston Respublikasi hamda Xorazm viloyatining ayrim joylarida yomg‘ir va qor aralash yog‘ingarchilik bo‘lishi mumkin. Bu haqda «O‘zgidromet» xabar berdi.

Ayrim hududlarda ertalabki soatlarda tuman tushishi ehtimoli bor. Shamol 7–12 m/s tezlikda esadi, shimoliy va cho‘l zonalarida esa ba’zi joylarda 13–18 m/s gacha kuchayishi mumkin.

Kunduzi havo harorati 12–17 daraja iliqni tashkil etadi. Respublikaning shimoliy hududlarida harorat 0–5 daraja iliq atrofida bo‘ladi.

Toshkent shahrida

Poytaxtda yog‘ingarchilik kutilmaydi. Ertalab qisqa muddatli tuman kuzatilishi mumkin. Shamol 3–8 m/s tezlikda esadi. Havo harorati 13–15 daraja iliq bo‘ladi.

Tog‘li hududlarda

Tog‘li hududlarda...

O‘zbekistonning Eron Islom Respublikasidagi elchixonasi ma’lum qilishicha, hozirgi vaziyatga ko‘ra, Eronda bo‘lib turgan O‘zbekiston fuqarolari orasida jabrlanganlar yo‘q. Bu haqda Tashqi ishlar vazirligi xabar berdi.

Diplomatik vakolatxona bergan ma’lumotga ko‘ra, ayni paytda Eron hududida jami 81 nafar O‘zbekiston fuqarosi istiqomat qilmoqda. Ularning:

Elchixona vakillari vatandoshlar bilan doimiy aloqada ekanini, ularning xavfsizligi ustidan nazorat o‘rnatilganini va zarur hollarda tezkor yordam ko‘rsatishga tayyorligini bildirdi.

Favqulodda vaziyat yuzaga kelganda fuqarolar O‘zbekistonning Tehron shahridagi...

Eron davlat televideniyesi Islom Respublikasi oliy rahbari Oyatulloh Ali Xomanaiyning vafot etganini rasman ma’lum qildi. Xabarga ko‘ra, u 28-fevral kuni 86 yoshida hayotdan ko‘z yumgan, deya xabar bermoqda TASS.

Ali Husayniy Xomanaiy 1939-yil 17-iyulda Mashhad shahrida tug‘ilgan. U diniy ta’limni Iroq va Eronning Qum shahridagi madrasalarda olgan. Uning ustozlaridan biri Islom inqilobi yetakchisi Ruhollah Khomeini bo‘lgan. 1960-yillarda u shoh rejimiga qarshi harakatga qo‘shilib, bir necha bor hibsga olingan.

1979-yilgi Islom inqilobidan so‘ng Xomanaiy mamlakat siyosiy hayotida muhim o‘rin egalladi. U Islamic Revolutionary Guard Corpsni shakllantirish jarayonida ishtirok etgan, mudofaa vaziri o‘rinbosari lavozimida ishlagan va Tehronda juma namozlariga imomlik...