Yangiliklar

O‘zbekiston oilaviy zo‘ravonlikka qarshi qonun qabul qilgan Markaziy Osiyodagi birinchi davlat sifatida bolalarga nisbatan sodir etilgan jinsiy jinoyatlar uchun javobgarlikni kuchaytirdi. Bu haqda prezident administratsiyasi rahbari Saida Mirziyoyeva mas’ul rahbarlar bilan o‘tgan yig‘ilishda aytib o‘tdi.

Shu bilan birga, zo‘ravonlik holatlariga tezkor chora ko‘rishning samarali tizimini ishlab chiqish zarurati ta’kidlandi. Mirziyoyevaning bildirishicha, ko‘pincha haqiqiy ahvol ko‘zga ko‘rinmaydi va ko‘p narsa yashiriladi. Statistikani oshkor qilishdan, tanqidga duch kelishdan yoki obro‘ yo‘qotilishidan qo‘rqish, muammoni hal qilishni kechiktiradi.

Mas’ul rahbarlar bilan ayollar va bolalar huquqlarini himoya qilish, zo‘ravonlikka qarshi kurashish, erta homiladorlikning oldini olish choralari kabi dolzarb masalalar muhokama qilindi. Saida Mirziyoyeva...

Shavkat Mirziyoyevga suv xo‘jaligida energiya samaradorligini oshirish va xalqaro hamkorlikni mustahkamlash ishlari yuzasidan hisobot taqdim etildi. Bu haqda davlat rahbari matbuot xizmati ma’lum qildi.

Hisobotda eskirgan va energiya sarfi yuqori nasos agregatlarini zamonaviy, energiya tejamkorlariga almashtirish rejalari ko‘rib chiqildi. Qoraqalpog‘istonda 274 ta nasos stansiyasi faoliyat yuritib, 185 ming gektardan ortiq yer maydonlarini sug‘oradi. Ularning yarmidan ko‘pi 1979-yildan buyon ishlatiladi va energiya sarfi zamonaviy nasoslarga nisbatan 2-3 barobar yuqori.

Kegeyli tumanidagi eski agregat zamonaviy energiya tejamkoriga almashtirilganda, elektr energiyasi sarfi ikki barobarga kamaydi. Shu tajribadan kelib chiqib, Qoraqalpog‘istondagi 276 ta nasosni bosqichma-bosqich zamonaviy agregatlarga almashtirish rejalashtirilgan. Yillik 25 mlrd...

2027-yilda O‘zbekiston va Ozarbayjon prezidentlari futbol bo‘yicha U-20 Jahon chempionatini ikki mamlakatda o‘tkazishga tayyorgarlikni boshlash bo‘yicha qarorni bir vaqtda imzoladi. Mazkur qaror tarixiy ahamiyatga ega bo‘lgan muhim voqeani boshlab berdi, deya yozmoqda TIV matbuot xizmati.

Nufuzli musobaqa O‘zbekistonning xalqaro sport maydonidagi obro‘-e’tiborini oshirishga xizmat qiladi. Shu bilan birga, u yoshlar sportini rivojlantirish va FIFA hamda Osiyo futbol konfederatsiyasi bilan hamkorlikni yangi bosqichga olib chiqishi kutilmoqda.

Tayyorgarlik jarayoni doirasida stadionlar, infratuzilma va logistika sohalarida keng ko‘lamli ishlar olib boriladi. Musobaqa O‘zbekiston va Ozarbayjon o‘rtasidagi sport sohasidagi hamkorlikni mustahkamlashga ham xizmat qiladi. Yosh futbolchilar uchun katta tajriba maydoni yaratadi va...

AQShning Braun universitetida sodir bo‘lgan otishma oqibatida halok bo‘lgan o‘zbekistonlik talaba MuhammadAziz Umurzakovning oilasini qo‘llab-quvvatlash maqsadida xayriya mablag‘lari yig‘ilmoqda. Hozirga qadar xayriya uchun belgilangan $260 ming miqdordagi mablag‘dan $238 ming jamlandi.

Xayriyada 5,2 mingdan ortiq shaxslar ishtirok etdi. Eng yirik xayriya mablag‘i 18 ming dollar bo‘lib, uni Uilyam Akman ajratgan. Platforma orqali belgilangan mablag’ning 92 foizi yig‘ib bo‘lindi.

Hodisa 14-dekabr kuni universitetning muhandislik binosida imtihon jarayonida sodir bo‘lgan. Otishma oqibatida ikki kishi halok bo‘lgan, to‘qqiz nafar shaxs turli darajadagi jarohatlar olgan. Voqeadan so‘ng gumonlanuvchi Benjamin Erikson Braun universiteti hududida qo‘lga olingan.

AQSh prezidenti Donald...

O‘sh shahrida buyuk o‘zbek shoiri, mutafakkir va davlat arbobi Alisher Navoiy haykali hamda uning nomi bilan atalgan shohko‘chaning ochilish marosimi bo‘lib o‘tdi. Bu haqda «Dunyo» axborot agentligi xabar berdi.

Marosimda ishtirok etish uchun O‘zbekiston Madaniyat vaziri Ozodbek Nazarbekov boshchiligidagi delegatsiya O‘sh shahriga tashrif buyurdi.

Alisher Navoiy haykali va shohko‘chaning ochilish marosimida Qirg‘iziston prezidentining O‘sh viloyatidagi vakolatli vakili Amankan Kenjebayev, davlat va jamoat tashkilotlari vakillari, O‘zbekiston delegatsiyasi hamda OAV xodimlari qatnashgan.

Eslatib o‘tamiz, Kursiv Uzbekistan Mozori Sharifda Alisher Navoiy haykali buzilishi yuzasidan izoh berilgani haqida yozgan edi.

Tesla kompaniyasi direktorlar kengashi a’zolari aksiyalar shaklidagi mukofotlar orqali jami $3 mlrddan ortiq daromad oldi. Bu haqda Reuters xabar bermoqda.

Ilon Maskning ukasi Kimbal Mask 2004-yildan buyon aksiyalar qiymatining oshishi hisobiga salkam $1 mlrd ishlagan. Direktorlar kengashi raisi Robin Denholm esa 2014-yildan beri $650 mln daromad ko‘rgan. Taqqoslash uchun, 2018 – 2020-yillarda Tesla direktorlarining o‘rtacha daromadi Alphabet kompaniyasi direktorlarinikidan sakkiz barobar ko‘p bo‘lgan.

Hatto 2021-yilda sudlashuvlar sababli to‘lovlar to‘xtatib turilganiga qaramay, yetti yillik davrda Tesla vakillarining o‘rtacha daromadi Meta direktorlarinikidan 2,5 barobar yuqori bo‘lib qolmoqda. Tesla rahbariyati ushbu to‘lovlar bevosita aksiyadorlar uchun qiymat yaratish bilan bog‘liq ekanini ta’kidlamoqda.

Biroq...

Joriy yil 14-dekabr kuni «Arda Xiva» turistik majmuasidagi «Xorazm palovi» xalqaro festivalida to‘qqiz tonnalik osh tayyorlandi. Bu haqda Turizm qo‘mitasi xabar berdi.

Festival doirasida mamlakat miqyosida rekord natija qayd etildi. Ulkan qozonda 9 tonna xorazmcha palov tayyorlandi. Uni pishirish uchun 2,5 tonna go‘sht, 3 tonna sabzi, 2,5 tonna guruch va 750 litr paxta yog‘i ishlatildi.

Ushbu jarayon ko‘plab mahalliy aholi va sayyohlarni bir joyga jamladi. Taom tayyor bo‘lgach, mehmonlar palovdan tatib ko‘rish imkoniga ega bo‘ldi. Festival bayramona muhit, mehmondo‘stlik va birdamlik kayfiyatida o‘tdi.

Eslatib o‘tamiz, avvalroq Qashqadaryoda to‘yda 14 qozon palov tayyorlagan erkak jarimaga tortilgandi. Unga ko‘ra, viloyatning...

Jahon banki ijrochi direktorlar kengashi O‘zbekistonda munitsipal infratuzilmani modernizatsiya qilish uchun $250 mlnlik moliyalashtirish paketini ma’qulladi. Bu haqda Jahon banki Kursiv Uzbekistan’ga ma’lum qildi.

«Shaharlarda yashash va unumdorlikni oshirish uchun qulay sharoitlar yaratish» (LPCP) dasturi Yangiyo‘l va Marg‘ilon shaharlari hamda respublika bo‘yicha yana 14 ta tumanni, jumladan, Qo‘ng‘irot, Chimboy, Asaka, G‘ijduvon, G‘allaorol, Yakkabog‘,Xatirchi, Chortoq, Bulung‘ur, Sirdaryo, Denov, Quva, Shovot va Hazorasp kabi hududlarni qamrab oladi.

Loyiha doirasida suv ta’minoti, kanalizatsiya, yo‘llar, maktablar va jamoat joylari kabi infratuzilma obyektlari yangilanadi. 2030-yilga borib, ushbu chora-tadbirlar natijasida 300 ming kishining transport xizmatlaridan va 400 ming kishining jamoat bog‘laridan foydalanish imkoniyati yaxshilanishi kutilmoqda.

Dastur...

O‘zbekiston prezidenti 2027-yilda futbol bo‘yicha U-20 Jahon chempionatini O‘zbekiston va Ozarbayjonda yuqori saviyada tashkil etish bo‘yicha qaror qabul qildi.

Qarorga ko‘ra, Jahon chempionatiga tayyorgarlik ko‘rish va uni o‘tkazish bo‘yicha Tashkiliy qo‘mita tuzildi hamda chora-tadbirlar dasturi tasdiqlandi.

Tashkiliy qo‘mita Jahon chempionatini yuqori saviyada o‘tkazish uchun mas’ul bo‘lgan davlat organlari va tashkilotlar faoliyatini muvofiqlashtiradi. Musobaqa obyektlarining infratuzilmasi yaxshilanadi, stadionlar va mashg‘ulot maydonlari zamonaviy talablarga moslashtiriladi. Shuningdek, ishtirokchilarning kelib-ketishi, viza masalalari, transport, tibbiy xizmat, volontyorlar faoliyati hamda uzluksiz elektr ta’minoti ta’minlanadi.

Musobaqa kunlari akkreditatsiyadan o‘tgan shaxslar va chipta egalari uchun Toshkent va Yangi Toshkent yo‘nalishida maxsus avtobuslar qatnovi yo‘lga qo‘yiladi hamda...

Xitoyning Noetix Robotics startapi taqdim etgan arzon odamsimon robot Bumi bozorda qisqa fursatda katta qiziqish uyg‘otdi. Bu haqda Humanoids Daily nashri xabar berdi.

Kompaniya ushbu qurilma bo‘yicha minglab oldindan buyurtmalar rasmiylashtirilganini hamda o‘z tarixidagi eng yirik tijoriy shartnomani imzolaganini ma’lum qildi.

Noetix Robotics Shanxay fond birjasida ro‘yxatdan o‘tgan va tahliliy yechimlar yetkazib beruvchi HCR (Huichen) kompaniyasi bilan strategik hamkorlikka kirishdi. Kelishuvga ko‘ra, HCR ming dona Bumi humanoid robotini buyurtma qilgan. Bu bitim yosh startap uchun eng katta tijoriy kontrakt sifatida qayd etildi.

Shartnoma faqat robotlarni yetkazib berish bilangina cheklanmaydi. Unga HCR’ning dasturiy platformasini Bumi’ning apparat tizimiga integratsiya qilish ham...

KamAZ tomonidan yangi Moskvich M70 va M90 avtomobillari taqdim etildi. Taqdimot 12-dekabr kuni Naberejniye Chelnida direktorlar kengashi yig‘ilishi doirasida bo‘lib o‘tdi.

Yangi avtomobillar amalda ishlab chiqarilayotgan Moskvich modellari bilan birga ko‘rsatildi. Kompaniya ma’lumotiga ko‘ra, Moskvich M90 brendning yangi flagmani bo‘ladi. U yetti o‘rindiqli krossover hisoblanadi. Avtomobil to‘liq uzatma tizimiga ega. Rossiya sharoitiga moslashtirilgan va opsiyalar to‘plami kengaytirilgan. Hozircha rasmiy tasvirlar e’lon qilinmagan.

Moskvich zavodida ishlab chiqarish 2022-yilda qayta yo‘lga qo‘yilgan. Hozirda Moskvich 3, Moskvich 3e, Moskvich 6 va Moskvich 8 modellari ishlab chiqarilmoqda.

Brend savdolari pasayishda davom etmoqda. 2025-yil noyabrida sotuvlar yiliga nisbatan 47 foizga kamayib, 1,4 ming dona...

Qozog‘istonning «KazTransOil» kompaniyasi 2025-yilning dekabr oyida O‘zbekiston yo‘nalishida neft tranzitini qayta tikladi hamda Qirg‘iziston Respublikasiga tashuv hajmini oshirdi. Bu haqda kompaniya matbuot xizmati xabar bermoqda.

Kompaniya ma’lumotlariga ko‘ra, O‘zbekistonga neft tranziti shu oyning o‘zida 35 ming tonnagacha bo‘lgan hajmda amalga oshiriladi. Qirg‘izistonga neft yetkazib berish esa joriy yilning noyabr oyida qayta tiklangan bo‘lib, bungacha mazkur yo‘nalishdagi tashuvlar 2017-yilda amalga oshirilgan edi.

2025-yil yakuniga qadar Qirg‘izistonga 30 ming tonnagacha neft yetkazib berish rejalashtirilgan. Ikki yo‘nalish bo‘yicha umumiy yetkazib berish hajmi 65 ming tonnani tashkil etadi. Neft barcha yo‘nalishlarda magistral neft quvurlari tizimi orqali «KazTransOil»ning Shag‘ir neft quyish terminaligacha yetkaziladi va...

Disney’ning «Hayvonlar shahri 2» («Zootopia 2») multfilmi namoyish boshlanganiga atigi 17 kun bo‘lishiga qaramay, $1 milliardlik daromad chegarasidan oshdi.

The Hollywood Reporter nashriga ko‘ra, bu natija uni PG reytingidagi filmlar va animatsion kartinalar orasida eng tez $1 milliardga yetgan filmga aylantirdi.

Hozircha u 2025-yilda bunday natijaga erishgan ikkinchi film, bundan avvalgi rekord «Lilo & Stitch»ga tegishli. «Hayvonlar shahri 2» AQShda $259,6 million, xorijda esa $877,8 million ishlab topib, umumiy daromadini $1,08 milliardga yetkazdi.

Disney Animation ijodiy rahbari Jared Bushning aytishicha, bu muvaffaqiyat tomoshabinlarning yana kinoteatrlarga qaytayotganini ko‘rsatadi va film jamoasi uchun katta rag‘bat.

Oldinda yangi yil ta’tili borligi sababli...

AQSh prezidenti Donald Tramp yakshanba kuni Oq uyda bo‘lib o‘tgan tadbirda Vashingtonda g‘alaba arkasini qurish rejasini ma’lum qildi. Bu haqda The Guardian xabar bermoqda.

Tramp yangi monument Arlington ko‘prigi va qabristoni yaqinida, Linkoln memoriali qarshisida joylashishini ta’kidladi. Prezidentning aytishicha, bu inshoot Parijdagi mashhur G‘alaba arkasi o‘xshash bo‘ladi, ammo undan har tomonlama ustun bo‘lishi kutilmoqda.

Tramp Vins Heyli arka maketini ko‘rganda hayratda qolganini va loyihani amalga oshirishga kirishganini qo‘shimcha qildi. Ushbu tashabbus 20 milliondan ortiq amerikaliklar tibbiy sug‘urta narxlarining keskin oshishi va yashash narxining qimmatlashuvi bilan kurashayotgan bir paytda ilgari surilmoqda.

Tanqidchilar va kuzatuvchilar prezidentning iqtisodiy inqiroz davrida e’tiborini G‘alaba...

O‘zbekistonda Paralimpiya terma jamoalari markazi faoliyati yo‘lga qo‘yiladi. Bu haqda prezident «Paralimpiya sport turlarini yanada rivojlantirishning qo‘shimcha chora-tadbirlari to‘g‘risida»gi qarorni imzoladi.

Hujjatga ko‘ra, Toshkent shahridagi Olimpiya shaharchasida Paralimpiya terma jamoalari markazi faoliyati yo‘lga qo‘yiladi. Yangi Markaz poytaxtning Yashnobod tumanidagi zamonaviy infratuzilmaga ega majmuada joylashtiriladi. Asosiy maqsad parayengil atletika, paradzyudo, parataekvondo, parasuzish kabi sport turlari bo‘yicha zaxirani shakllantirish va iqtidorli yoshlarni saralash tizimini raqamlashtirishdir.

2026-yil 1-yanvardan boshlab terma jamoalarni shakllantirishda sportchining musobaqa natijalari bilan birga sport normativlarini bajarganligi ham asosiy mezon sifatida qaraladi. Shuningdek, «ERP-sport» elektron tizimi orqali sportchilarning ko‘rsatkichlari doimiy monitoring qilib boriladi. Hududlarda esa haqiqiy talabdan kelib...

16-dekabr uchun valyuta kurslari e’lon qilindi. Shu kun uchun AQSh valyutasi 12 130,01 so‘m (+32,08 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi...

Poytaxt avtobuslarida yo‘l haqini to‘lamasdan harakatlanayotgan 3 mingga yaqin yo‘lovchilarga nisbatan jarima qo‘llanildi. Bu haqda Transport vazirligi xabar berdi.

Unga ko‘ra, 2025-yilning 1 – 10-dekabr kunlari 38 va 46-avtobus yo‘nalishlarida yo‘l haqi to‘lovini nazorat qilish ishlari kuchaytirilgan tartibda olib borildi. Ushbu reydlar davomida avtobuslarda chiptasiz harakatlangan 238 nafar yo‘lovchi aniqlanib, ularga nisbatan ma’muriy bayonnomalar rasmiylashtirildi.

Shuningdek, so‘nggi o‘n kun ichida poytaxt bo‘ylab o‘tkazilgan nazorat tadbirlari natijasida jami 2 966 nafar yo‘lovchi avtobusdan chiptasiz foydalangani aniqlangan. Ularga nisbatan jarima chorasi qo‘llanildi.

«Yo‘l haqini o‘z vaqtida to‘lash bu nafaqat qonun talabi, balki jamiyat madaniyatining ham muhim ko‘rsatkichidir...

2025-yilning yanvar – oktabr oylarida 26,4 ming nafar o‘zbekistonliklar ta’lim olish maqsadida xorijga chiqqan. Bu haqda Milliy statistika qo‘mitasi ma’lumotlarni taqdim qildi.

Ushbu ko‘rsatkich o‘tgan yilning shu davriga nisbatan 6,1 ming nafarga yoki 18,9 foizga kamaygan.

O‘zbekistonlik talabalar, asosan, qo‘shni va Osiyo mamlakatlarini afzal ko‘rmoqda. Xususan, eng ko‘p ta’lim safari Rossiya va Tojikiston hissasiga to‘g‘ri kelgan.

2025-yilning dastlabki o‘n oyida o‘zbekistonlik talabalar ta’lim olish uchun eng ko‘p borgan davlatlar quyidagilar:

12 – 13-dekabr kunlari Toshkentda bo‘lib o‘tgan xalqaro Digital Startup Awards dasturining finaliga O‘zbekistondan to‘rtta startap chiqdi. Ulardan biri HGT loyihasi ikkinchi o‘rinni egallab, $25 ming miqdorida mukofotga sazovor bo‘ldi.

HGT GovTech yo‘nalishida faoliyat yuritadi. Startap aholining kommunal xizmatlar bilan o‘zaro aloqasini yengillashtiruvchi, xavfsiz va qulay to‘lov tizimini ishlab chiqmoqda.

Tanlovda birinchi o‘rin Qozog‘istonning Multicode startapiga nasib etdi. U yuk vagonlari operatorlari uchun sun’iy intellektga asoslangan «B2B SaaS» platformasi uchun $40 ming mukofot oldi.

Uchinchi o‘rin esa Gruziyaning Telagri loyihasiga berilib, u qishloq xo‘jaligini kreditlash uchun mo‘ljallangan fintex yechimi bilan $15 ming yutdi.

Shuningdek, «Eng yaxshi ayollar startapi» nominatsiyasi bo‘yicha...

Yangi avlod Kia Seltos krossoveri Hindistonda jonli suratlar orqali namoyish etildi. Bu haqda CarDekho nashri xabar berdi.

Avvalroq global taqdimotda model gibrid va 2,0 litrli benzin dvigateli bilan chiqishi aytilgan bo‘lsa, Hindiston bozori uchun butunlay boshqa texnik konfiguratsiya tanlandi.

Mahalliy versiyada na 2,0 litrli benzin dvigateli, na gibrid tizim mavjud. Barcha motorlar 1,5 litrli hajmga ega. Asosiy variant 115 ot kuchiga ega atmosferali dvigatel bo‘lib, u 6 pog‘onali mexanik uzatma yoki variator bilan taklif etiladi. Shuningdek, 160 ot kuchiga ega 1,5 litrli turbomotor ham mavjud bo‘lib, u 6 pog‘onali mexanika yoki 7 pog‘onali robotlashtirilgan uzatma bilan ishlaydi.

Uchinchi dvigatel...

2025-yil 13-dekabr kuni Rocket Lab xususiy kompaniyasi Yaponiya aerokosmik tadqiqotlar agentligi (JAXA) bilan hamkorlikda RAISE and Shine missiyasini muvaffaqiyatli amalga oshirdi. Bu haqda Daily Galaxy xabar bermoqda.

Mazkur parvoz Rocket Lab va JAXA o‘rtasidagi to‘g‘ridan to‘g‘ri shartnoma asosida amalga oshirilgan ilk missiya hisoblanadi. RAISE-4 sun’iy yo‘ldoshi Yaponiya tadqiqot institutlari va xususiy kompaniyalari tomonidan ishlab chiqilgan sakkizta yangi texnologiyani kosmosda sinovdan o‘tkazishga mo‘ljallangan.

Ushbu innovatsiyalar kelajakda sun’iy yo‘ldosh aloqasi, materialshunoslik va kosmik tadqiqotlar sohasida muhim o‘rin tutishi kutilmoqda. Hamkorlik shartnomasiga ko‘ra, ikkinchi missiya 2026-yilning boshida amalga oshiriladi. 2025-yil Rocket Lab uchun rekord darajadagi yil bo‘ldi. Kompaniya jami 19 ta missiyani...

Oppo kompaniyasi Xitoyda Oppo Reno 15c smartfonini rasman namoyish qildi. Yangi model katta sig‘imli batareya va kuchli kamera imkoniyatlari bilan ajralib turadi.

Oppo Reno 15c 6,59 dyuymli tekis AMOLED ekran bilan jihozlangan. Displey aniqligi 2760×1256 pikselni tashkil etadi. Yangilanish chastotasi 120 Hz. Ekranostida optik barmoq izi skaneri joylashgan. Smartfon qalinligi 7,89 mm, vazni 197 gramm.

Asosiy kamera tizimi to‘rtta 50 Mp sensordan iborat. Bosh kamera Sony LYT-600 sensoriga ega. Periskop kamera Samsung JN5 sensori bilan optik zumni qo‘llab-quvvatlaydi. Keng burchakli modul Sony IMX355 sensoridan foydalanadi. Old kamera ham 50 Mp aniqlikka ega.

Batareya sig‘imi 6 500 mA/soatni tashkil etadi...

Ijtimoiy tarmoqlarda Ford Explorer 2026 modelining noodatiy dizayndagi renderlari paydo bo‘ldi. Bu haqda Tarantas News nashri xabar berdi.

Mustang sportkari uslubidan ilhomlangan ushbu kontseptsiya katta qiziqish uyg‘otgan bo‘lsa-da, kompaniya uni seriyali ishlab chiqarishni rejalashtirmayapti.

2019-yildan beri ishlab chiqarilayotgan oltinchi avlod Ford Explorer hanuz dolzarbligini saqlab kelmoqda. Model allaqachon restylingdan o‘tgan, Xitoy bozori uchun esa yaqinda tor chiroqlar va yoritilgan old panel bilan yangilangan tashqi ko‘rinish taqdim etilgan. Shunga qaramay, dizayner Kelsonik tomonidan yaratilgan yangi render bundan ancha keskin va provokatsion ko‘rinishga ega.

Tasvirlarda Explorer old panjarasi, qo‘shimcha chiroqlari, yirik kapoti va sport uslubidagi spoyleri bilan Mustang’ga xos qiyofa kasb...

AQSh bozori uchun Chevrolet Malibu keyingi yildan ishlab chiqarilmaydi. Bu haqda SlashGear ma’lum qildi. 2026-yilga kelib ommabop sedanlar qatori yana qisqaradi.

Ushbu sedan oxirgi yillarda faqat bitta komplektatsiyada taklif etilgan edi. Avtomobil 1,5 litrli turbo dvigatel, variator uzatma va old g‘ildirakdan tortish tizimi bilan jihozlangan. General Motors ma’lumotiga ko‘ra, Malibu 1964-yildan buyon 10 mln donadan ortiq sotilgan. Bu model Chevrolet’ning so‘nggi ishlab chiqarilgan sedani edi. Endi kompaniya sedan segmentini to‘liq tark etmoqda.

Subaru Legacy ham ishlab chiqarishdan chiqarildi. So‘nggi avtomobil 2025-yil 12-sentabr kuni AQShdagi zavoddan chiqdi. Yakuniy nusxa Magnetite Gray rangidagi Limited versiya bo‘lgan. Subaru Legacy AQSh bozori...