Yangiliklar

Realme kompaniyasi tomonidan Realme P3 Ultra smartfoni taqdim etilgan edi. Ushbu materialda bu modelning texnik xususiyatlari haqida hikoya qilinadi.

Telefon dizayni juda ajralib turadi. Neptune Blue va Orion Red versiyalarida sun’iy teri ishlatilgan. Glowing Lunar White modeli esa butunlay boshqacha. Uning orqa paneli oy yuzasi kabi ishlangan. Maxsus material tufayli qorong‘ida yashil rangda yorug‘lik chiqaradi.

Orqa tomonni biroz nur bilan yoritish kifoya – u qorong‘ida porlaydi. Bu effekt bolalikdagi soat ko‘rsatkichlarini eslatadi. Lekin bu funksiya vaqt o‘tishi bilan unutiladi.

Qutida telefon bilan birga g‘ilof, USB-A to USB-C kabel va 80 vattlik zaryadlovchi mavjud. Realme P3 Ultra avval Hindiston...

Markaziy bank va Omonatlarni kafolatlash agentligi bilan birgalikda sanatsiya qilish jamg‘armasini tashkil etadi. Bu haqda Adliya vazirligi xabar berdi.

Bu jamg‘arma muammoli banklarni sog‘lomlashtirish (ya’ni sanatsiya qilish) jarayonida moliyaviy qo‘llab-quvvatlashni ta’minlaydi.

Markaziy bank sanatsiya qilish to‘g‘risida qaror qabul qilinishidan oldin bankning aktivlari, majburiyatlari va balansdan tashqari moddalari bo‘yicha baholash o‘tkazilishini ta’minlaydi.

Baholash natijasida bankni tugatish taklifi berilganda, aksiyadorlar va kreditorlar duch keladigan zarar miqdori aniqlanadi. Shuningdek, sanatsiya amalga oshirilgach, ularning ko‘rgan haqiqiy zararlari ham hisoblab chiqiladi. So‘ng ularning o‘rtasidagi farq hisoblanadi.

Shu bilan birga, Markaziy bank sanatsiya jarayonidagi bank tuzgan ayrim shartnomalar bo‘yicha to‘lov va o‘tkazmalarni to‘xtatishga haqli...

Honor Magic V5 hali rasmiy taqdimotga chiqmagan bo‘lsa-da (2-iyulga belgilangan), qurilma haqida videolar paydo bo‘ldi. Bu haqda GSMArena xabar berdi.

Qutida 66 vattlik zaryadlovchi, USB A-to-C kabel va himoya g‘ilof bor. G‘ilof orqa panel va mentešaga to‘liq yopishadi, lekin old ekranni qoplamaydi. Kamera atrofida halqa mavjud bo‘lib, u tayanch (kickstand) vazifasini bajaradi.

Magic V5 buklangan holatda 8,8 mm, yozilgan holatda esa atigi 4,1 mm qalinlikda. Kamerasi orqa tomonda ancha yirik, lekin avvalgi Magic V3’dan kichikroq.

Rasmiy og‘irligi 217 gramm deb ko‘rsatilgan. Ammo videodagi tarozida u 224 gramm chiqdi – ehtimol, bunga oldindan o‘rnatilgan ekran himoyasi sabab. G‘ilof og‘irligi...

Ijtimoiy tarmoqlarda Eron va Isroil o‘rtasidagi keskinlik ortidan Eronda katta raketa tashilayotgani tasvirlangan video tarqaldi. Biroq faktlarni tekshirish bu da’voni rad etdi: video eski bo‘lib, harbiy texnikaga hech qanday aloqasi yo‘q bo‘lib chiqdi.

Hindistonlik The Quint nashri jurnalisti Rudjuta Txetening ma’lumotiga ko‘ra, ushbu video ilk bor internetda 2018-yilda paydo bo‘lgan. Unda sanoat uskunasi, ya’ni O‘zbekistondagi gazni qayta ishlash zavodiga olib borilayotgan shlam bunkeri ko‘rsatilgan.

Video ilgari ham Markaziy Osiyodagi infratuzilma loyihalarining rivoji kontekstida e’lon qilingan edi.

2025-yilda esa ushbu video kontekstdan uzib olingan holda ijtimoiy tarmoqlarda «raketa tashilmoqda» degan yolg‘on bilan yana tarqatila boshlandi. Mazkur video yuz minglab ko‘rishlar...

Shvetsiya O‘zbekistondan mehnat muhojirlarini qabul qilish imkoniyatini ko‘rib chiqmoqda. Bu haqda Migratsiya agentligi ma’lum qildi. Mazkur idora va Shvetsiya Migratsiya vazirligi ushbu yo‘nalishda hamkorlik qilish bo‘yicha deklaratsiya imzoladi.

Shvetsiya Migratsiya vaziri Yuxan Forssell imzolangan hujjatni tarixiy deb atadi. Toshkent va Stokgolmning rejalarida noqonuniy migratsiyaga qarshi kurashish masalasi ham bor.

Uchrashuv davomida tomonlar raqamli platforma yaratish va o‘zbekistonlik fuqarolarni Shvetsiyaning qurilish, logistika va tibbiyot sohalarida ishlashga tayyorlash kabi bir nechta tashabbuslarni muhokama qildi.

Migratsiya agentligining qayd etishicha, Shvetsiyada transport, qurilish, ta’lim va boshqa sohalarda mutaxassislar yetishmayapti. Shu bilan birga, O‘zbekistonda malakali kadrlar tayyorlash imkoniyati mavjud.

Avvalroq «Kursiv» nashri O‘zbekiston Rossiyaning...

Namangan viloyatining Kosonsoy tumanida o‘tkazilgan tezkor tadbir davomida qalbaki AQSh dollarlarini sotmoqchi bo‘lgan ikki nafar fuqaro ushlandi. Bu haqda Bosh prokuratura departamenti ma’lum qildi.

Unga ko‘ra, fuqaro $20 ming miqdoridagi qalbaki pulni $14 mingga sotishga kelishib, boshqa fuqaroga qalbaki $8 mingni bergan vaqtda qo‘lga olingan. Tadbir davomida yana bir shaxsdan yana $6 ming miqdoridagi qalbaki pul ashyoviy dalil sifatida musodara qilindi.

Mazkur holat yuzasidan Jinoyat kodeksining 176-moddasi asosida jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq departament tomonidan Sirdaryoda qalbaki dollar sotayotgan shaxslar ushlangan edi.

Mazda kompaniyasi yangi Mazda EZ-60 elektromobili uchun 30 mingdan ortiq oldindan buyurtma tushganini e’lon qildi. Bu haqda CarNewsChina xabar bermoqda.

Oldindan savdo 2025-yil aprel oyida boshlangan edi. Rasmiy taqdimot esa 2025-yil sentabr oyiga rejalashtirilgan.

Mazda ushbu modelni Xitoyda Changan kompaniyasi bilan hamkorlikda ishlab chiqmoqda. EZ-60 Mazda’ning Xitoy bozoridagi elektromobil strategiyasining muhim qismiga aylandi.

Mazda avvalroq EZ-6 sedanini taqdim etgan edi. Bu model 2024-yilda chiqarilgan. Joriy yil boshida Mazda 600 dona EZ-6 avtomobilini Belgiya tomon eksport qilgan. Bu kompaniya tarixidagi birinchi yirik elektromobil eksporti bo‘ldi.

EZ-60 uchun o‘zgacha oldindan buyurtma tizimi joriy etilgan. Xaridorlar atigi 10 yuan (1,40 AQSh...

2025-yil 23-iyun kuni «Banklarni sanatsiya qilish va tugatish to‘g‘risida»gi qonun qabul qilindi. Bu haqda Adliya vazirligi ma’lum qildi.

Ushbu hujjat banklar, bank guruhlari hamda bank aksiyalarining nazorat paketiga ega bo‘lgan xolding kompaniyalarga nisbatan qo‘llaniladi. Sanatsiya va tugatish bo‘yicha vakolatli organ – O‘zbekiston Markaziy banki hisoblanadi.

Sanatsiya jarayonini boshlash uchun quyidagi holatlar mavjud bo‘lishi lozim: bankning to‘lovga qobiliyatsizligi yoki uning yuzaga kelish xavfi, oldin ko‘rilgan choralar samarasizligi, shuningdek, bank tizimiy ahamiyatga ega bo‘lib, uni tugatish orqali maqsadlarga erishib bo‘lmasligi.

Markaziy bank maxsus boshqaruvchi tayinlash huquqiga ega. Sanatsiya vositalari esa quyidagilardan iborat: aktiv va majburiyatlarni o‘tkazish (sotish), oraliq bank tashkil etish...

Nvidia o‘zining Blackwell avlodidagi eng arzon grafik kartasi – GeForce RTX 5050 modelini e’lon qildi. Bu haqda kompaniya saytida xabar berildi.

Bu karta avvalgi RTX 3050 o‘rnini bosadi. RTX 4050 esa umuman kompyuterlar uchun chiqarilmagan.

Yangi RTX 5050 narxi atigi $250 ni tashkil etadi. Bu RTX 5060’dan bor-yo‘g‘i 50 dollarga arzon. Biroq texnik jihatdan ular o‘rtasidagi farq sezilarli.

RTX 5050 grafik protsessori GB107 asosida ishlab chiqilgan. Unda 2560 ta CUDA yadrosi bor.

Solishtirish uchun, RTX 5060’da bu ko‘rsatkich 3840 taga teng. Ya’ni RTX 5060 1,5 baravar kuchliroq.

Yangi karta 8 GB GDDR6 xotiraga ega. Xotira tezligi – 20 GGs...

AQSh razvedkasi xulosasiga ko‘ra, AQShning Eron yadroviy obyektlariga bergan zarbalari bu dasturga jiddiy putur yetkazmagan, faqat uni bir necha oyga kechiktirgan. Bu haqda Reuters axborot agentligi ma’lum qildi.

Sulh e’lon qilinishi ortidan Eron va Isroil o‘zaro hujumlarni to‘xtatdi.

Prezident Tramp vositachiligida tuzilgan sulh natijasida havo hududlari ochildi, Ben Gurion aeroporti qayta ishga tushdi. Tomonlar g‘alaba da’vosida bo‘lsa-da, urushda yuzlab odamlar halok bo‘ldi. Isroil va Eron bir-birini sulhni buzganlikda aybladi.

Eslatib o‘tamiz, avvalroq AQSh prezidenti Donald Tramp Isroil va Eron o‘rtasida sulh e’lon qilinganini e’lon qilgan edi.

Qozon shahri havo hududining yopilishi sababli Uzbekistan Airways’ning HY649 Toshkent – Qozon reysi Orenburg shahridagi muqobil aerodromga yo‘naltirildi. Bu haqda aviakompaniya matbuot xizmati ma’lum qildi.

Shu sababli, Qozon – Toshkent yo‘nalishidagi HY650 reysi ham kechikib amalga oshiriladi.

Aviakompaniya yuzaga kelgan noqulayliklar uchun uzr so‘raydi. Yangiliklarni rasmiy manbalardan kuzatib boring.

Eslatib o‘tamiz, avvalroq Centrum Air Samarqand – Vladivostok yo‘nalishidagi parvozlarni yo‘lga qo‘ygan edi.

O‘zbekiston bo‘ylab harorat kechasi 15-28°, kunduzi 26-43° oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Oliy Majlis Qonunchilik palatasi tomonidan qabul qilingan yangi qonun loyihasi energiya resurslaridan noqonuniy foydalanishga qarshi kurashish mexanizmlarini kuchaytirmoqda. Bu haqda palata matbuot xizmati ma’lum qildi.

Shuningdek, IIV va FVV xodimlariga elektr energiyasidan behuda foydalanish holatlarini rasmiylashtirish huquqi berilishi taklif qilinmoqda.

Yakka tartibdagi tadbirkorlar ham bu turdagi huquqbuzarliklar uchun javobgar subyekt sifatida ko‘riladi. Elektr, gaz va suv tarmoqlariga noqonuniy ulanib, o‘g‘irlik qilganlik uchun javobgarlik kuchaytiriladi.

Deputatlar qonun loyihasini birinchi o‘qishda qabul qildi. Tashabbuskorlar hujjat huquqbuzarliklarning oldini olish va qonun ustuvorligini ta’minlashga xizmat qilishini ta’kidladilar.

Eslatib o‘tamiz, avvalroq yil yakunigacha 12 ta quyosh va 4 ta shamol elektr stansiyasi ishga tushirilishi...

Xitoy minglab yangi avtomobillarni «ishlatilgan» deb rasmiylashtirib, Rossiya, Markaziy Osiyo va Yaqin Sharq bozorlariga eksport qilmoqda. Bu haqda Reuters axborot agentligi ma’lum qildi.

Unga ko‘ra, «nol kilometrli» deb ataluvchi bu mashinalar aslida biror marta ham haydalmagan bo‘lsa-da, ishlatilgan avtomobil sifatida sotilmoqda.

Bu amaliyot orqali Xitoy kompaniyalari savdo hajmini sun’iy ko‘rsatmoqda va ichki bozorda sotilishi qiyin bo‘lgan mashinalardan xalos bo‘lmoqda. Mahalliy hukumatlar eksportni rag‘batlantirib, maxsus kvotalar, soliq imtiyozlari va logistika infratuzilmasi bilan bu jarayonni qo‘llab-quvvatlamoqda.

2024-yilda Xitoy 436 mingta ishlatilgan avtomobil eksport qilgan bo‘lsa, ularning 90 foizi yangi mashinalar bo‘lgan. Bu holat xorijda Xitoy brendlariga nisbatan ishonchni pasaytirmoqda va ba’zi...

Qashqadaryo, Namangan, Farg‘ona va Samarqand viloyatlarida o‘tkazilgan tezkor tadbirlar davomida qo‘shni davlatlardan kontrabanda yo‘li bilan olib kirilgan jami 8,2 kg giyohvandlik moddasi musodara etildi. Bu haqda DXX matbuot xizmati ma’lum qildi.

DXX va IIO organlari hamkorligida o‘tkazilgan reydda surxondaryolik shaxs 896 gr «gashish» moddasi bilan ushlangan, uning uyidan esa qo‘shimcha 2 kg 260 gr «opiy» topilgan. Namanganda esa avtomashina salonidan 2 kg 990 gr «gashish» aniqlangan, bu modda Qirg‘izistondan keltirilgani ma’lum bo‘ldi.

Farg‘onada ikki shaxs 487 gr «gashish»ni $5 mingga sotayotgan vaqtida qo‘lga olingan. Ularning birining uyidan yana 599 gr modda topilgan. Samarqand viloyatida esa ilgari bir necha bor...

Islom hamkorlik tashkiloti (IHT) Tashqi ishlar vazirlari kengashining 51-sessiyasida O‘zbekiston Inson huquqlari bo‘yicha Milliy markazi direktorining birinchi o‘rinbosari, professor Mirzatillo Tillaboyev IHT Inson huquqlari bo‘yicha mustaqil doimiy komissiyasiga uch yillik muddatga a’zo etib saylandi. Bu haqda «Dunyo» AA ma’lum qildi.

Mazkur saylov O‘zbekistonning inson huquqlari sohasidagi xalqaro obro‘-e’tibori ortib borayotganidan dalolat beradi. Sessiya doirasida Istanbul deklaratsiyasi qabul qilinib, sun’iy intellektga oid Jidda deklaratsiyasi ham tasdiqlandi. Shuningdek, O‘zbekiston mezbonligida o‘tkazilgan IV Samarqand forumi ham alohida e’tirof etildi.

Yangi saylangan komissiya a’zolari IHTga a’zo davlatlarda inson huquqlarini himoya qilish, islomofobiyaga qarshi kurashish, ayollar va bolalar huquqlarini ilgari surish kabi dolzarb masalalarda...

Mo‘g‘uliston davlat saroyida Shavkat Mirziyoyev va Mo‘g‘uliston prezidenti Uxnaagiyn Xurelsux o‘rtasida tor va kengaytirilgan tarkibdagi muzokaralar bo‘lib o‘tdi. Bu haqda davlat rahbari matbuot xizmati ma’lum qildi.

Uchrashuvda tomonlar O‘zbekiston – Mo‘g‘uliston munosabatlarini mustahkamlash, savdo-iqtisodiy, madaniy-gumanitar va transport-logistika sohalarida hamkorlikni kengaytirishga kelishib oldi.

Ikki davlat rahbarlari o‘zaro tovar ayirboshlash hajmini oshirish, qo‘shma korxonalar tashkil etish, geologiya, qishloq xo‘jaligi, ta’lim va sog‘liqni saqlash sohalarida yangi loyihalarni yo‘lga qo‘yishga kelishdi. Ulan-Bator shahrida O‘zbekiston mahsulotlari uchun savdo uyi ochildi, O‘zbekiston Geologiya vazirligining vakolatxonasi tashkil etildi.

Prezidentlar, shuningdek, poytaxtlar o‘rtasida aviaqatnovlarni yo‘lga qo‘yish, oliy ta’limdagi hamkorlikni kengaytirish hamda madaniy almashinuvlarni davom ettirish borasida ham...

Qashqadaryo viloyatining Dehqonobod tumani hokimining sobiq o‘rinbosari Sherdil Ergashov besh yilga ozodlikdan mahrum etildi. Bu haqda Rasul Kusherbaev ma’lum qildi.

U «Global commerce» MChJ tomonidan qurilgan obyektdan foydalanishga topshirish dalolatnomasiga imzo qo‘yish evaziga $5 ming miqdorida pora olayotgan vaqtida ushlandi.

Sud qaroriga ko‘ra, u ikki yil muddatga mansabdorlik lavozimlarida ishlash huquqidan mahrum etildi. Bundan tashqari, besh yilga ozodlikdan mahrum qilish jazosi tayinlandi.

2025-yil 11-iyun kuni apellyatsiya sudi birinchi instansiya hukmini o‘zgarishsiz qoldirdi.

Avvalroq Kursiv Uzbekistan Qashqadaryoda soliq idorasi mansabdori pora bilan qo‘lga olingani haqida yozgandi.

Tojikistonning «Oriyonbank» ochiq aksiyadorlik jamiyatining O‘zbekistondagi vakolatxonasiga berilgan akkreditatsiya guvohnomasi rasmiy ravishda bekor qilindi. Bu haqda Markaziy bank matbuot xizmati xabar berdi.

Mazkur qaror «Oriyonbank»ning Kuzatuv kengashi tomonidan vakolatxonaning faoliyatini tugatish bo‘yicha qabul qilingan qarorga muvofiq amalga oshirildi.

Ma’lumot uchun, «Oriyonbank»ning O‘zbekistondagi vakolatxonasi 2022-yil 4-avgustdan buyon faoliyat yuritib kelayotgandi.

Avvalroq «Kursiv» Rossiya elchisi O‘zbekistondagi diplomatik missiyasini yakunlagani haqida yozgandi.

Toshkent shahrining Yashnobod tumanidagi Ohangaron koʻchasi vaqtincha yopiladi. Bu haqda Yoʻl harakati xavfsizligi xizmati (YHX) xabar bermoqda.

«Yopiladigan qism: Temur Malik – Parkent – Mahtumquli ko‘chalari aylanma harakatidan , THAY – Ohangaron shohko‘chalari aylanma harakatigacha bo‘lgan qismi», – deya ta’kidladi YHXX.

Yo‘lning yopilishi ta’mirlash ishlari bilan bog‘liq. 25-iyundan 1-iyulgacha avtomobillar harakati cheklanadi

YHXX aholiga Bektemir Shoh, Farg‘ona yo‘li, Maxtumquli va Yangi O‘zbekiston ko‘chalari bo‘ylab yopiq uchastkani aylanib o‘tishni tavsiya qildi.

Avvalroq O‘zbekistonda yo‘l qoidabuzarliklarni sun’iy intellekt aniqlashi haqida yozgan edik.

O‘zbekistonda yo‘l harakati qoidabuzarliklarini aniqlashda sun’iy intellekt (SI) texnologiyasi joriy etiladi. Bu haqda Yo‘l harakati xavfsizligi xizmati matbuot anjumanida ma’lum qilindi.

Yangi tizim kameralar yozuvlari, qoidabuzarlik tarixi va yo‘l harakati qoidalari bilan avtomatik solishtirish orqali ish olib boradi. Agar sun’iy intellekt ma’lumotlar orasida nomuvofiqlikni aniqlasa, holat qo‘shimcha tekshiruvga yuboriladi.

Loyiha inson omili va texnik xatoliklardan kelib chiqadigan tortishuvli holatlarni kamaytirishga qaratilgan. 2024-yilda haydovchilar kameralar orqali belgilangan jarimalarning qariyb 10 foizini rad etgan.

Hozircha tizim sinov bosqichida. To‘liq ishga tushirilishi yaqin oylarda rejalashtirilgan.

Eslatib o‘tamiz, Kursiv Uzbekistan nashri Qashqadaryoda «G‘uzor – Buxoro – Nukus – Beyneu» yo‘lining 100 kilometri rekonstruksiya...

AQShning Mayami shahrida bo‘lib o‘tayotgan FIFA Ijroiya futbol sammitida O‘zbekiston futbol assotsiatsiyasi vakillari ham qatnashmoqda.

Mazkur sammit FIFA tomonidan har yili tashkil etiladi va dunyo futbolining eng muhim muloqot platformalaridan biri hisoblanadi. U FIFA prezidenti, konfederatsiyalar va milliy assotsiatsiyalar rahbarlarini birlashtiradi.

Bu yilgi tadbirda O‘zbekiston futbol assotsiatsiyasi birinchi vitse-prezidenti Ravshan Irmatov va bosh kotib Avaz Maksumov ishtirok etmoqda.

Sammit doirasida bolalar, o‘smirlar va ayollar futboli, FIFA musobaqalarini tashkil etish, bo‘lajak Jahon chempionati va yoshlar turnirlari kabi mavzular muhokama qilinmoqda.

FIFA prezidenti Janni Infantino O‘zbekiston milliy terma jamoasini ilk bor Jahon chempionatiga yo‘llanma olgani bilan tabrikladi.

Shuningdek, u O‘zbekiston futbol...

Shavkat Mirziyoyev va rafiqasi Mo‘g‘uliston Respublikasi prezidenti  Uxnaagiyn Xurelsuxning taklifiga binoan Mo‘g‘ulistonga yetib bordi. Bu haqda davlat rahbari matbuot xizmati xabar bermoqda.

O‘zbekiston rahbarini Mo‘g‘uliston tashqi ishlar vaziri Batmunx Batseseg va boshqa rasmiy shaxslar kutib olgan.

Tashrif doirasida oliy darajadagi O‘zbekiston – Mo‘g‘uliston muzokaralari bo‘lib o‘tadi.

Avvalroq Kursiv Uzbekistan Mo‘g‘ulistonning Hunnu Air aviakompaniyasi Toshkentga aviaqatnovlarni yo‘lga qo‘yishi haqida yozgandi.

O‘zbekiston valyuta birjasi (UZCE) ma’lumotlariga ko‘ra, 24-iyun kuni dollar kursi 45,26 so‘mga yuqorilab, 12 456,25 so‘m qilib belgilandi.

Avvalroq AQSh valyutasining kursi hafta davomida qanday o‘zgargani haqida yozgan edik. 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.

Shuningdek, Markaziy bank ma’lumotlariga ko‘ra, yevro 223,82 so‘mga pasayib...