Yangiliklar

Chevrolet kompaniyasi Braziliyada 2026-yilgi Chevy Spark EUV Activ modelini rasman e’lon qildi. Bu haqda Gm Authority nashri ma’lum qildi.

Avtomobil butun Lotin Amerikasi bo‘ylab sotiladigan yagona to‘liq elektr Sparkdir. GM Janubiy Amerika mahsulot marketingi direktori Paula Saiani ta’kidlashicha, yangi Spark faqat bitta – Activ trimida sotiladi.

«Bu model o‘zining sarguzasht ruhini va jozibasini kuchaytiradi. Shu bilan birga, Braziliya iste’molchilarining afzalliklariga moslashtirilgan maxsus kombinatsiyani taklif etadi», – dedi Saiani.

Spark EUV Activ Braziliya avtomobil bozoridagi tobora bir-biriga o‘xshash kichik SUV segmentida o‘ziga xoslik yaratish uchun ishlab chiqilgan. Model baland tom chizig‘i va ixcham, biroq jasur...

Toshkent shahrida 9 may – Xotira va qadrlash kuni munosabati bilan «Otliq kavaleriya» paradi bo‘lib o‘tadi. Bu haqda Milliy gvardiya matbuot xizmati xabar berdi.

Parad 3-may kuni soat 18:00 da Milliy gvardiya boshchiligida Toshkent shahri hamda viloyati kuch tuzilmalarining otliq bo‘linmalari ishtirokida poytaxtning Amir Temur xiyoboni bo‘ylab o‘tkaziladi.

Avvalroq Kursiv Uzbekistan Toshkent shahrida 29-apreldan 3-maygacha «Toshkent gullari festivali» o‘tkazilishi sababli ayrim ko‘chalar vaqtincha yopilishi haqida xabar bergandi.

Amerikaning General Motors kompaniyasi yangi Chevrolet Bolt’ning 2026 yilgi modelini deyarli tayyorlagan. Talkwheels YouTube kanalida taqdim etilgan ushbu model kichik xetcbek ko‘rinishida bo‘lishi aytilmoqda.

Biroq uchinchi avlod Chevrolet Bolt faqat bitta model bilan cheklanmaydi. U bir nechta turdagi kuzovlarda, jumladan, krossover ko‘rinishida ham taqdim etiladi.

Yangi elektromobil AQShning Kanzas-Siti shahridagi zavodda ishlab chiqariladi. Korxona ishlab chiqarish jarayonlarini zamonaviylashtirgach jarayon boshlanadi.

Model litiy-temir-fosfat (LFP) akkumulyatori bilan jihozlanadi. Bu yechim avtomobilni arzonlashtirish va ishlab chiqarishni tezlashtirish imkonini beradi.

Avval GM ushbu modelni ishlab chiqishni to‘xtatishni rejalashtirgandi, ammo foydalanuvchilar orasida Bolt’ga bo‘lgan talab keskin oshgani sababli yangi model ishlab chiqarishga qaytildi.

Beeline Uzbekistan raisligidagi EUROUZning Jamoatchilik bilan aloqalar va strategik kommunikatsiyalar qo‘mitasi O‘zbekistonda korporativ va moliyaviy kommunikatsiya amaliyotlarini rivojlantirishga bag‘ishlangan ekspert seminarni o‘tkazdi. Gibrid formatda tashkil etilgan tadbirga 70 ga yaqin ishtirokchi va yetakchi kompaniyalar, xalqaro tashkilotlar, moliya sektori va EUROUZ a’zolaridan yuqori darajadagi ma’ruzachilar yig‘ildi.

Seminar investorlar bilan aloqalar, korporativ shaffoflik va obro‘ni boshqarish sohasida tajriba almashish uchun amaliy platformaga aylandi. Kommunikatsiya mutaxassislari islohotlar, biznes natijalari va uzoq muddatli maqsadlar haqida izchil kommunikatsiya orqali ishonchni shakllantirish bo‘yicha ilg‘or tajribalar bilan o‘rtoqlashdilar.

Dastur ikkita ekspert sessiyasini o‘z ichiga oldi: birinchisi moliyaviy shaffoflik va investorlar ishonchiga bag‘ishlandi, ikkinchisi esa davlat, mijozlar, OAV...

Prezident yordamchisi Saida Mirziyoyeva Shayx Zoid nomidagi «Insoniy birodarlik» mukofoti hakamlar hay’ati tarkibiga kiritildi. Bu haqda Mirziyoyevaning Telegram sahifasida ma’lum qilindi.

Unga ko‘ra, Saida Mirziyoyeva Musulmon donishmandlar kengashi bosh kotibi Muhammad Abdusalom bilan uchrashdi. Bu e’tirofni u O‘zbekistonning tinchlik va birdamlik yo‘lidagi siyosatiga berilgan yuksak baho sifatida qabul qilganini bildirdi hamda nufuzli xalqaro tashkilotning diniy bag‘rikenglik va insoniylik g‘oyalarini targ‘ib etishga qo‘shayotgan hissasini yuksak baholab, minnatdorlik bildirdi.

Eslatib o‘tamiz, avvalroq Saida Mirziyoyeva birinchi Orol madaniyati sammitining ochilish marosimidagi ishtiroki haqida yozgan edik.

Markaziy Osiyo – Ko‘rfaz hamkorlik kengashi sammiti noma’lum muddatga qoldirildi. Bu haqda «Kursiv» nashriga Tashqi ishlar vazirligi ma’lum qildi.

Sammit 5-may kuni Samarqandda o‘tkazilishi rejalashtirilgan edi.

Ushbu formatdagi birinchi sammit 2023-yil iyul oyida Jidda shahrida bo‘lib o‘tgan. Kengash tarkibiga Fors ko‘rfazi bilan chegaradosh oltita arab davlati: Saudiya Arabistoni, Birlashgan Arab Amirliklari, Quvayt, Bahrayn, Ummon va Qatar kiradi.

Avvalroq Kursiv Uzbekistan nashri Italiya bosh vaziri Giorgia Meloni Rim papasi Fransisk vafoti munosabati bilan O‘zbekiston va Qozog‘istonga safarini qoldirgani haqida yozgan edi. Hukumat rahbari «Markaziy Osiyo – Italiya» sammitida ishtirok etishi kerak edi.

1-maydan O‘zbekistonda elektromobillar uchun yangi utilizatsiya yig‘imi miqdorlari kuchga kirdi. Bu bo‘yicha 2025-yil 31-yanvarda Bosh vazir tomonidan qaror imzolangandi.

Yangi tartibga ko‘ra, ishlab chiqarilganiga 3 yildan ko‘p bo‘lmagan elektromobillar uchun yig‘im 4 baravarga oshdi – 30 BHMdan (11 mln 250 ming so‘m) 120 BHMga (45 mln so‘m) yetdi.

Ishlab chiqarilganiga 3 yildan oshgan elektromobillar uchun esa yig‘im 2,3 baravar oshdi – 90 BHMdan (33 mln 750 ming so‘m) 210 BHMga (78,75 mln so‘m) ko‘tarildi.

Shuningdek, elektromobillarning faqat elektr energiyasida harakatlanuvchi, biroq ikki turdagi dvigateli bo‘lgan EREV (Extended Range Electric Vehicle) turlari uchun alohida TIF TN kodi joriy etilishi rejalashtirilgan.

Samsung kompaniyasi Galaxy S25 Edge smartfonini ishlab chiqarishga tayyorlanmoqda. Kursiv Uzbekistan Sammobile nashriga tayanib bu smartfon haqida ma’lumotlarni to‘pladi.

Galaxy S25 Edge haqida hozircha mavjud bo‘lgan ma’lumotlarga ko‘ra, smartfon atigi 5,8 mm qalinlikka ega bo‘lishi mumkin. U titan qotishmasidan yasalgan ramka va Gorilla Glass Ceramic 2 oynasi bilan himoyalangan. Uning vazni esa taxminan 163 gramm bo‘lishi aytilmoqda.

Galaxy S25 Edge Snapdragon 8 Elite protsessori, 12 GB operativ xotira va 256 yoki 512 GB ichki xotira bilan jihozlanadi. Asosiy kamera esa 200 megapikselli bo‘lib, unga 12 megapikselli ultra keng burchakli kamera qo‘shiladi. Batareyasi taxminan 3 900 – 4 000 mA/soat...

Donald Tramp 8-mayni Ikkinchi jahon urushidagi G‘alaba kuni, 11-noyabrni esa Birinchi jahon urushidagi G‘alaba kuni deb e’lon qildi. Bu haqda Truth Social tarmog‘idagi sahifasida ma’lum qildi.

«Men 8-mayni Ikkinchi jahon urushidagi G‘alaba kuni, 11-noyabrni esa Birinchi jahon urushidagi G‘alaba kuni deb o‘zgartiraman», – degan u.

U 9-may G‘alaba kunini nishonlash uchun Moskvaga safar qilish haqidagi mish-mishlarni rad etib, tashrif rejalashtirmayotganini aytgan. Kreml matbuot kotibi Dmitriy Peskov ham tegishli kelishuvlar yo‘qligini ma’lum qilgan.

Eslatib o‘tamiz, Kursiv Uzbekistan nashri «Ikkinchi jahon urushidagi g‘alabaning 80 yilligi» esdalik yubiley medali ta’sis etilishi haqida yozgan edi.

Morgan Stanley tahlilchilarining prognoziga ko‘ra, 2050-yilga kelib odamsimon robotlar bozori yillik $5 trlnlik daromad keltirishi mumkin. Bu hozirgi 20 ta yirik avtomobil ishlab chiqaruvchisining umumiy daromadidan ikki baravar ko‘pdir, deya xabar berdi Teslarati.

Hisob-kitoblar shuni ko‘rsatadiki, dunyoda 2050-yilga kelib 1 mlrdga yaqin inson shaklidagi robotlar ishlatiladi, ularning 90 foizi sanoat va tijorat sohalarida xizmat qiladi. 2035-yilga qadar esa bu raqam 13 mlnni tashkil qilishi mumkin.

Tahlilchilar robotlar, eng avvalo, mehnat bozoriga ta’sir ko‘rsatishini ta’kidlamoqda. 2030-yilga kelib ular 40 ming ish o‘rnini egallashi, 2040-yilda esa bu ko‘rsatkich 8,4 mlnga yetishi mumkin.

Tesla kompaniyasi bu yo‘nalishda yetakchi hisoblanib, o‘zining Optimus...

2025-yil 1-may kuni Xiva shahrida Shavkat Mirziyoyev ishtirokida «Arda Xiva» xalqaro turizm markazining tantanali ochilish marosimi bo‘lib o‘tdi. Bu haqda davlat rahbari matbuot xizmati ma’lum qildi.

Unga ko‘ra, mazkur majmua qadimiy Xorazmning boy tarixiy merosi va zamonaviy turizm infratuzilmasini mujassam etgan holda, O‘zbekistonning jahon sayyohlik xaritasidagi mavqeyini mustahkamlashga xizmat qiladi.

Majmua tarkibida 17 ta mehmonxona, ochiq va yopiq akvaparklar, 3 ming o‘rinli amfiteatr, savdo-ko‘ngilochar obyektlar, hunarmandlar uylari va «Ko‘hna Urganch» muzeyi faoliyat olib boradi. Loyihaning ishga tushishi natijasida 1 mln nafargacha qo‘shimcha sayyoh jalb qilinishi, 2 mingdan ortiq ish o‘rinlari yaratilishi kutilmoqda.

Shuningdek, prezident turizmni Qoraqalpog‘iston bilan uyg‘un rivojlantirish...

2-may kuni O‘zbekistonning barcha hududida havo biroz bulutli bo‘lib, aksariyat joylarda yog‘ingarchilik kutilmaydi. Bu haqda «O‘zgidromet» agentligi ma’lum qildi.

Unga ko‘ra, poytaxt Toshkentda kun quyoshli bo‘lib, havo 29-31° gacha isiydi.

Qoraqalpog‘iston va Xorazmda harorat 28-33° bo‘lib, ba’zi joylarda chang-to‘zonlar kuzatiladi.

Buxoro hamda Navoiy viloyatlarida ham shunga o‘xshash holat: kuchli shamollar fonida 35° gacha issiqlik bo‘ladi.

Toshkent, Sirdaryo, Jizzax va Samarqand viloyatlarida kun iliq, harorat 28-33°, shamol ayrim joylarda kuchayishi mumkin.

Qashqadaryo va Surxondaryoda ham havo issiq – 30-35°, yog‘ingarchilik kuzatilmaydi.

Andijon, Namangan va Farg‘onada qisqa muddatli yomg‘ir va momaqaldiroq bo‘lishi mumkin. Bu hududlarda harorat 25-30° atrofida...

Shavkat Mirziyoyev Xorazm viloyatiga amalga oshirgan tashrifi davomida bir qator ijtimoiy-iqtisodiy loyihalar bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, prezident Xiva shahrida qad rostlagan «Arda Xiva» turistik majmuasi faoliyati ko‘rib chiqildi. Mazkur loyiha hududda turizm infratuzilmasini rivojlantirish, yangi ish o‘rinlari yaratish va xizmatlar eksportini kengaytirish maqsadida barpo etilgan.

So‘nggi yillarda viloyatga tashrif buyurayotgan xorijiy sayyohlar soni ortib bormoqda. Turizm xizmatlari eksporti 2017-yildagi $7 mlndan 2024-yilda $380 mlnga yetgan. Turistik yo‘nalishlar soni 100 taga yaqinlashgan.

Davlat rahbari viloyatdagi transport infratuzilmasini ham ko‘zdan kechirdi. «Buxoro–Urganch–Xiva» temir yo‘li to‘liq elektrlashtirilib, yuqori tezlikdagi elektropoyezdlar xarid qilingan. Yangi poyezdlar...

Iqtisodiy tadqiqotlar va islohotlar markazi 2025-yilning birinchi choragi uchun «Banklar faollik indeksi»ni e’lon qildi. Bu reytingda 35 ta tijorat banki ishtirok etdi: 20 tasi yirik, 15 tasi kichik bank.

Yirik banklar orasida «Kapitalbank» birinchi o‘rinda qoldi. «Hamkor bank» ikkinchi, «Asia Alliance Bank» esa uchinchi o‘rinni egalladi. Yangi qo‘shilgan «Anor bank» to‘rtinchi o‘ringa chiqdi. «Trust bank» esa kuchli beshlikni yopdi.

Biroq ayrim banklar pastladi. «O‘zmilliy bank» va «Mikrokreditbank» 6 pog‘onaga tushib ketdi. Bu esa moliyaviy barqarorlik va boshqaruvda muammolar borligini ko‘rsatadi.

Kichik banklar ichida «Universalbank» yetakchilikni saqlab qoldi. «Hayot bank» katta sakrash bilan ikkinchi o‘ringa chiqdi, «TBC Bank» esa uchinchi...

1-may kuni Transport vaziri Ilhom Maxkamov O‘mon Sultonligining O‘zbekistondagi elchisi Al Sayyida Vafo Jabr Nasser Al Busaydiy xonim hamda «UzOman» investitsiya kompaniyasi bosh direktori Oman Bahrom bilan uchrashuv o‘tkazdi. Bu haqda vazirlik matbuot xizmati ma’lum qildi.

Unga ko‘ra, uchrashuv davomida tomonlar O‘zbekiston va O‘mon o‘rtasidagi hamkorlik aloqalarining rivojlanayotganini ta’kidlashdi. Xususan, elchi xonim ikki mamlakat o‘rtasidagi sayyohlar oqimi ortayotganini mamnuniyat bilan qayd etdi.

Muzokaralar chog‘ida «Oman Air» aviakompaniyasi orqali Maskat – Toshkent – Maskat yo‘nalishida to‘g‘ridan to‘g‘ri aviaqatnovlarni yo‘lga qo‘yish masalasi muhokama qilindi.

Shuningdek, «UzOman» kompaniyasi Toshkent va boshqa hududlarda logistika markazlarini rivojlantirish orqali O‘zbekistonni yuk tashishda mintaqaviy tranzit markazga...

Germaniyada qassoblar uchun oyiga 1750 yevro maoshli ish taklif etilmoqda. Bu haqda Migratsiya agentligi ma’lum qildi.

Unga ko‘ra, agentlik va «The International Placement People GmbH & Co. KG» kompaniyasi 150 nafar malakali qassoblarni ishga jalb qiladi. Nomzodlar 18 yoshdan 44 yoshgacha bo‘lishi, jismonan sog‘lom va kamida bir yillik tajribaga ega bo‘lishi kerak.

Shuningdek, ular go‘shtni ajratish, sanitariya qoidalariga rioya qilish hamda tig‘li asboblar bilan ishlash ko‘nikmalariga ega bo‘lishi lozim. Ish jadvali haftasiga 44 soat bo‘lib, maosh qo‘lga to‘liq tegadi.

Nomzodlardan nemis tilining «A2» darajasidagi xalqaro sertifikati, professional yoki oliy ma’lumot diplomi talab etiladi. Diplomi Anabin tizimida H+ maqomida...

Google bosh direktori Sundar Pichai sud jarayonida Gemini AI 2025-yil oxirigacha iPhone’da ishlashini kutayotganini tasdiqladi. Bu haqda Sammobile nashri ma’lum qildi.

Apple birinchi navbatda OpenAI’ning ChatGPT modelini qo‘llaydi, biroq foydalanuvchilarga keyinchalik Gemini va ChatGPT o‘rtasida tanlash imkonini berishi mumkin. Apple va Google o‘rtasida Gemini uchun moliyaviy kelishuv bo‘ladimi – noma’lum.

Hozirda Google Galaxy telefonlariga Gemini AI’ni oldindan o‘rnatish uchun Samsung’ga katta miqdorda to‘lov qilmoqda. Shu bilan birga, Apple OpenAI’ga to‘lamaydi, OpenAI esa iPhone foydalanuvchi bazasiga bepul kiradi.

Agar kelishuv amalga oshsa, Samsung bu sun’iy intellekt bo‘yicha eksklyuziv ustunligini yo‘qotadi va Perplexity kabi muqobil AI modellarini qo‘shishga turtki oladi.

Avvalroq...

Hukumat samaradorligini oshirish departamenti (DOGE) rahbari Ilon Mask O‘zbekiston paxta sanoati shaffofligini ta’minlash uchun ajratiladigan $250 mln miqdoridagi mablag‘ bekor qilingani haqidagi iboraga kulib yubordi.

«Ba’zi narsalar shu qadar kulgiliki, bunga ishonish qiyin! O‘zbekistondagi paxtakorlar?! Bu komediya spektaklidagi sahnaga o‘xshaydi», – dedi Mask.

Bu AQSh Mehnat vaziri Lori Chaves-Deremerning hukumat samaradorligini oshirishga qaratilgan tashabbuslarni bekor qilish haqidagi hisoboti chog‘ida sodir bo‘lgan. Shuningdek, u Maskga qilgan ishi uchun minnatdorlik bildirgan.

Bu Vashingtonning O‘zbekiston paxta sanoatidagi vaziyatni yaxshilashga qaratilgan loyihalarni moliyalashtirishni bekor qilishi birinchi marta emas. Shu yilning mart oyida AQSh Mehnat vazirligi $38 mlnlik tashabbusni...

2025-yilgi Chevrolet Equinox EV’dan marvarid rangi chiqarib tashlanadi. GM Authority xabariga ko‘ra, ushbu rang 2025-yil 26-may haftasidan boshlab ishlab chiqarilmaydi va doimiy ravishda model palitrasidan olib tashlanadi.

Bu rang ilgari faqat RS bezak darajasida qo‘shimcha $995 ga taklif qilingan edi.

O‘rniga 2026-yildan yorqin marvarid bo‘yoq rangi kiritilishi kutilmoqda. Ushbu rang Chevrolet portfeli bo‘ylab marvarid rangini bosqichma-bosqich almashtiradi.

2025-yilgi Equinox EV narxi LT trim uchun $34,9 mingdan, RS trim uchun esa $44,7 mingdan boshlanadi. Model old yoki to‘liq g‘ildirak haydovchi opsiyalari bilan, mos ravishda 220 ot kuchi va 300 ot kuchi ishlab chiqaradigan dvigatellar bilan taqdim etiladi.

Equinox EV GM’ning...

Chevrolet Spark – bu shahar sharoitida harakatlanish uchun yaratilgan ixcham va ishonchli avtomobildir. «Kursiv» nashrining navbatdagi maqolasida ushbu modelning rivojlanish bosqichi haqida ma’lumot olishingiz mumkin.

Dastlab avtomobil 1998-yilda Daewoo Matiz nomi ostida taqdim etilgan bo‘lib, keyinchalik General Motors (GM) uni global bozor uchun Chevrolet Spark nomi bilan ishlab chiqara boshladi.

Spark avtomobili 4 ta asosiy avloddan iborat. Dastlabki ikki avlodda 0.8L va 1.0L hajmdagi benzinli dvigatellar qo‘llanilgan. Uchinchi avlod zamonaviy dizayn, LED chiroqlar va hatto Spark EV elektr versiyasi bilan mashhur bo‘ldi. So‘nggi – to‘rtinchi avlod Spark (2015 – 2022) esa 1.4L dvigatel, Apple CarPlay va CVT avtomatik uzatma bilan...

Moskvadagi Moskvich avtomobil zavodi yangi model – ixcham Moskvich 5 krossoverining birinchi rasmiy suratini e’lon qildi. Bu haqda «Rossiyskaya gazeta» nashri xabar bermoqda.

Ushbu model Xitoyning JAC Sehol X6 ga asoslangan. Uning uzunligi 4505 mm, g‘ildirak bazasi esa 2660 mm.dan iborat. Yangi model zamonaviy dizayn, LED optikasi va 17 dyuymli g‘ildiraklar bilan jihozlangan.

Modelni sotuvga chiqarish to‘g‘risida qaror sinovdan o‘tgandan so‘ng qabul qilinadi. Agar tasdiqlansa Moskvich 5 136 ot kuchiga ega benzinli dvigatellarni oladi. Yoki 174 ot kuchi, CVT bilan tandemda ishlaydi.

Eslatib o‘tamiz, Kursiv Uzbekistan nashri «AvtoVAZ» O‘zbekistonda mahalliy brend nomi ostida avtomobil yig‘ishni yo‘lga qo‘yishi mumkinligi haqida...

Franklin Templeton kompaniyasining shuba korxonasi Franklin Templeton Asset Management Foreign Enterprise O‘zbekiston Milliy investitsiya fondi (UzNIF)ning ishonchli boshqaruvchisi sifatida faoliyatini boshladi. Shu munosabat bilan kompaniya Toshkentda ofis ochdi. Bu haqda kompaniya Kursiv Uzbekistan’ga ma’lum qildi.

Fondning maqsadi – iqtisodiy o‘sishni jadallashtirish, xalqaro investorlarni jalb etish va davlat ulushi mavjud korxonalarning samaradorligini oshirish. Fond 18 ta yirik davlat korxonasining 20 – 40 foizlik ulushlarini boshqaradi, boshlang‘ich aktivlari $1,68 mlrdni tashkil etadi.

«Fondni boshqarish biz uchun sharaf. Biz portfelni nafaqat iqtisodiy, balki ijtimoiy ahamiyatini ham anglab boshqaramiz», – dedi Templeton Global Investments investitsiyalar bo‘yicha bosh direktori Manraj Sekhon.

O‘zbekiston valyuta birjasi ma’lumotlariga ko‘ra, 1-may kuni dollarning o‘rtacha kursi 12 900 so‘mni tashkil etib, oldingi kun bilan solishtirganda 20,16 so‘mga tushdi.

30-aprel kuni esa o‘rtacha kurs 12 920,16 so‘m bo‘lib, 13 so‘mga tushdi.

Dollar kursi bu haftani keskin pasayish bilan boshladi: 28-aprel kuni o‘rtacha kurs 12 948,10 so‘m bo‘lib, 9,04 so‘mga tushgandi. 29-aprel kuni esa kurs 12 933,36 so‘m bo‘lib, 14,94 so‘mga oshdi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 86,12 soʻmga tushib, 14 595,06 soʻmga yetdi. Rossiya rubli esa 1,29 soʻmga pastlab 157,32 soʻmga teng boʻldi.

Mamlakatdagi tijorat banklari 1-may kuni bir AQSh dollarini...

«Moliyaviy va boshqa xavflarni aniqlash, baholash va boshqarish tartibi to‘g‘risida«gi nizom tasdiqlandi. Ushbu hujjat vazirlik va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari kabi davlat organlarida moliyaviy va boshqa turdagi xavflarni tizimli boshqarish jarayonlarini belgilashga qaratilgan.

Nizomga muvofiq, har bir organ faoliyatida yuzaga keladigan xavflarni aniqlash va baholash bo‘yicha alohida Xavflarni boshqarish qo‘mitasi tashkil etiladi. Ushbu qo‘mita xavflarni aniqlash, ularning ehtimolini va ta’sirini baholash, shuningdek, umumiy xavf darajasini hisoblash uchun javobgar bo‘ladi.

Xavflarni baholash quyidagi bosqichlarda amalga oshiriladi: avval xavfning ta’siri va ehtimoli aniqlanadi, so‘ngra ularning ko‘paytmasi orqali umumiy xavf darajasi hisoblanadi. Xavf ta’sirini aniqlashda...