Yangiliklar

Aralash jang sanʼati yulduzi Konor Makgregor uzoq tanaffusdan soʻng oktagonga qaytadi. U 2026-yil iyun oyida AQShning 250 yilligiga bagʻishlab Oq uyda oʻtkaziladigan tarixiy UFC turnirida amerikalik Maykl Chendlerga qarshi jang qiladi.

«Shartnoma imzolandi va tasdiqlandi. Bu jang men uchun katta imkoniyat, uni qoʻldan chiqarmayman», — dedi Makgregor Fox News telekanaliga bergan intervyusida

Sobiq ikki vazn toifasi bo‘yicha chempioni (66 va 70 kg) tayyorgarlikka kirishganini maʼlum qildi. Uning aytishicha, jangga sakkiz oy qolgani bois, olti oylik mashgʻulot yetarli boʻladi.

«Men diqqatimni faqat tayyorgarlikka qarataman. Bu jangga koʻp narsa tikilgan», — deya...

O‘zbekiston Rossiyadagi migrantlar uchun imtihonlarni soddalashtirishni taklif qilmoqda. Bu haqda Vazirlar Mahkamasi huzuridagi Migratsiya agentligi direktori Behzod Musayev ma’lum qildi.

O‘zbekiston va Rossiya mehnat bozorini shakllantirishga bag‘ishlangan forumda Behzod Musayev Rossiyada ishlayotgan o‘zbekistonliklar huquq va manfaatlarini himoya qilish, ularning erkin harakatlanishi hamda ish ruxsatnomasini olishdagi murakkab jarayonlarni soddalashtirish masalalarini ko‘tardi.

Uning so‘zlariga ko‘ra, O‘zbekiston fuqarolari Rossiyada ishlash istagini bildirsa, til imtihonini o‘z yurtida, jumladan, hududlarda topshirish imkoniyati bo‘lishi kerak.

«Til imtihonini topshirishda tarix va qonunchilikka oid ko‘plab murakkab va hech kimga kerak bo‘lmagan savollar bor. Biz bu misollarni keltirib o‘tdik. [Rossiya prezidenti huzuridagi] Inson huquqlari...

6-oktabr uchun valyuta kurslari e’lon qilindi. Shu kun uchun AQSh valyutasi 12 060,48 so‘m (-39,24 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 26-sentabrda yana pasayish kuzatilib, dollar 12 199,71 so‘mni tashkil etdi. 29-sentabrda kurs 61,04 so‘mga arzonlashib, 12 138,67 so‘mga tushdi. 30-sentabrda esa pasayish davom etdi va 12 067,76 so‘m qilib belgilandi. 2-oktabrda 12 084,10 so‘m (+16,34 so‘m) etib belgilandi. 3-oktabrda dollar 15,62 so‘m oshib, 12099,72 so‘mga teng bo‘ldi.

Markaziy bank ma’lumotlariga ko‘ra, yevro 66,63 so‘mga tushib, 14 156,59 so‘mni, rubl esa 1,93 so‘mga tushib, 146,97 so‘mni tashkil qildi.

Joriy yilning 1-oktabr kuni Toshkent shahrining Olmazor tumanida yashovchi 50 yoshli erkak ko‘p qavatli uyning 10-qavatidan o‘zini tashlab, vafot etdi. Bu haqda Milliy telekanali xabar berdi.

Qo‘shnilarining aytishicha, u aslida Qoraqalpog‘istondan bo‘lib, turmush o‘rtog‘i bilan ijarada yashagan. Fojia sodir bo‘lishidan oldin er-xotin o‘rtasida janjal chiqqani aytilmoqda. Ayol hozirda og‘ir ahvolda reanimatsiyada davolanmoqda.

Bosh prokuratura matbuot kotibi Hayot Shamsutdinovning ma’lum qilishicha, voqea yuzasidan tergovga qadar tekshiruv ishlari olib borilmoqda.

Bundan avval ham xuddi shu tumanda 24 yoshli ayol ikki farzandi va o‘zini ko‘p qavatli uydan tashlagandi. Hodisa 17-sentabr kuni soat 14:18 da sodir bo‘lgan. Ayol dastlab 1 va...

29-sentabr kuni Istanbul shahrida o‘zbekistonlik bloger «Jasmin» (Muzaffar Rahimov) va yana besh nafar fuqaro hibsga olindi. Bu haqda O‘zbekistonning Istanbuldagi Bosh konsulxonasi ma’lum qildi.

Rasmiy xabarga ko‘ra, ular giyohvandlik vositalari va psixotrop moddalarning noqonuniy aylanmasi bilan bog‘liq jinoyatni sodir etishda gumon qilinmoqda. Mahalliy politsiya xodimlari tomonidan o‘tkazilgan tintuv vaqtida ashyoviy dalillar topilgan va ekspertizaga yuborilgan.

Ular Istanbulning Maltepe tumanidagi yopiq turdagi jazoni ijro etish muassasasiga joylashtirilgan.

Hozirda mazkur holat yuzasidan tergov harakatlari davom etmoqda.

Avvalroq Britaniyada Rossiya josusligida gumonlanuvchi shaxslar qo‘lga olingani haqida yozgan edi.

3-oktabr kuni O‘zbekiston milliy terma jamoasi va Turkiyaning «Istanbul Bashakshehir» klubi yarim himoyachisi Abbosbek Fayzullayev 22 yoshni qarshiladi.

Futbolchi Sirdaryo viloyatida tug‘ilgan va professional faoliyatini Toshkentning «Paxtakor» klubida boshlagan. U 2021 – 2023-yillar davomida ushbu jamoa sharafini himoya qildi. U 2023-yil avgustida esa «SSKA» bilan shartnoma imzoladi.

Rossiya Premyer-ligasidagi ilk mavsumidayoq u yirik sovringa sazovor bo‘ldi. «SSKA» safida o‘ynagan vaqtida Fayzullayev Rossiya Kubogi va Rossiya Superkubogini qo‘lga kiritdi.

Joriy yil yozida esa futbolchi faoliyatini Turkiya superligasida davom ettirishga qaror qildi. U «Istanbul Bashakshehir» jamoasiga 7,5 mln yevro evaziga o‘tdi. Transfermarkt portali 8-iyul holatiga ko‘ra uning bozor qiymatini 8 mln...

Oʻzbekistonlik taniqli bokschi Hasanboy Doʻstmatov navbatdagi jangini 25 – 26-oktabr kunlari Qirgʻiziston poytaxti Bishkek shahrida tashkil etiladigan boks kechasida o‘tkazadi. Bu haqda sportchi o‘z instagram sahifasida ma’lum qildi.

Unga ko‘ra, Doʻstmatovning raqibi meksikalik tajribali bokschi Rene Kalisto boʻladi. Ular oʻta yengil vazn (50,8 kg) toifasida IBF reytingida yuqori oʻrin uchun bahs olib boradi.

32 yoshli Doʻstmatov professional ringda 7 ta jang oʻtkazgan va ularning barchasida gʻalaba qozongan. Rene Kalisto esa hozirga qadar 25-marta ringga chiqib, 23 gʻalaba, 1 magʻlubiyat va 1 durang natija qayd etgan.

Hozirgi paytda IBF reytingida Kalisto 7-oʻrinda, Doʻstmatov esa 8-pogʻonada qayd etilgan. Bishkekdagi jang ikki...

O‘zbekistonda yangi iPhone 17 seriyasi savdoga chiqishi bilan bozorda katta qiziqish uyg‘otdi. Toshkentdagi «Malika» bozori, Uzum Market va Yandex.Market’dagi narxlar bir-biridan keskin farq qilmoqda. Xaridorlar uchun esa asosiy savol — qaysi modelni tanlash ma’qul va ularning texnik imkoniyatlari qanday? Kursiv nashrining navbatdagi maqolasida O‘zbekistonda iPhone 17 seriyasining narxlari va xususiyatlari taqqoslanadi.

Ushbu maqoladan quyidagilarni bilib olasiz:

Modellar haqida qisqacha

iPhone 17 seriyasi to‘rtta modeldan iborat. Oddiy iPhone 17’da OLED displey...

Markaziy bank iste’molchilarning huquqlarini buzish holatlari aniqlangani sababli bir qator tijorat banklariga jarima sanksiyasi qo‘lladi.

Xususan, olib borilgan tekshiruvlarda TBC bank, «Davr bank» va «Hamkorbank» shartnomalarida qonunchilik talablariga rioya etilmagani, garov huquqlarining kechiktirib reyestrdan chiqarilgani, ortiqcha foizlar hisoblangani va iste’molchilardan qo‘shimcha to‘lovlar olingani ma’lum bo‘ldi.

Natijada Markaziy bank TBC bankka 615 mln so‘m, «Davr bank»ka 931 mln so‘m va «Hamkorbank»ka 955 mln so‘m jarima belgiladi. Shuningdek, banklarga ortiqcha undirilgan milliardlab so‘m mablag‘larni mijozlarga qaytarish vazifasi yuklatildi. Jumladan, ortiqcha hisoblangan foizlar, noqonuniy komissiyalar va garov bilan bog‘liq xizmat haqlari umumiy hisobda o‘nlab milliard so‘mni tashkil qiladi.

Masalan, TBC bank mijozlarga...

25-sentabr kuni Xitoyda taqdim etilgan Xiaomi 17, 17 Pro va 17 Pro Max smartfonlari yaqin kunlarda O‘zbekiston bozoriga kirib keladi. Toshkentdagi smartfonlar bozori sotuvchilariga ko‘ra, birinchi partiyalar oktabr oxiri – noyabr boshlarida kutilmoqda.

Narxlar:

O‘zbekistondagi taxminiy narxi:

Xitoydagi narx:

Narxlardagi farq import xarajatlari va bojxona to‘lovlari bilan bog‘liq.

Texnik tafsilotlar

Yangi Xiaomi 17 seriyasi kuchli texnologiyalar bilan jihozlangan. Oddiy model Snapdragon 8 Gen 4 protsessorida ishlaydi, 120 Hz yangilanish tezligiga ega AMOLED displey bilan ta’minlangan va 5000 mA/soat sig‘imli batareyaga ega. Bu telefonni uzoq vaqt quvvatlashsiz ishlatish mumkin qiladi.

Pro va Pro Max versiyalarida kamera tizimi...

Oppo kompaniyasi Oppo Find X9 va Find X9 Pro smartfonlarini joriy oyda taqdim etishga tayyorlanmoqda. Qurilmalar yaqinda Tailandning NBTC organidan sertifikat oldi.

Sertifikatsiya bosqichlari tugallandi

Shu bilan birga, ular avvalroq bir nechta boshqa xalqaro platformalarda ham ko‘ringan: GCF, Hindistonning BIS, Singapurning IMDA va Indoneziyaning SDPPI ro‘yxatlarida paydo bo‘lgan. Shuningdek, Find X9 Pro Geekbench bazasida testdan o‘tdi, Find X9 esa Malayziyaning SIRIM ro‘yxatiga kiritilgan.

Qo‘shimcha mahsulotlar ham bo‘lishi mumkin

Malayziya SIRIM organi Oppo‘ning boshqa qurilmalarini ham tasdiqladi. Jumladan, Enco Air 5 Pro TWS quloqchinlari va Oppo Watch S aqlli soati ham sertifikat oldi. Bu esa ularning Find X...

Xalqaro futbol federatsiyasi (FIFA) 2026-yilgi Jahon chempionati uchun rasmiy toʻpni namoyish etdi.

Ma’lum qilinishicha, Adidas tomonidan ishlab chiqilgan va Trionda deb nomlangan toʻp musobaqa mezbonlari — Kanada, Meksika va AQShning birdamligini ramziy ifodalaydi. Ispan tilidan olingan Trionda nomi «uch toʻlqin» degan ma’noni anglatadi.

FIFA prezidenti Janni Infantino toʻpni taqdim etar ekan, quyidagicha fikr bildirdi.

“Jahon chempionati rasmiy toʻpi, bu – chinakam san’at asari! Men Trionda’ni taqdim etishdan faxrlanaman. Adidas yana bir bor texnologiya va dizayn uygʻunligini namoyish etdi. Ushbu toʻp uch mezbon mamlakatning birdamligi va ishtiyoqini oʻzida mujassam etgan», dedi Infantino.

Trionda mezbon davlatlar...

Birlashgan Arab Amirliklari (BAA)ning yirik aviakompaniyasi Etihad Airways O‘zbekistonga muntazam aviaqatnovlarni amalga oshirish uchun ruxsatnoma oldi.

«O‘zaviatsiya» agentligining ma’lum qilishicha, bu qaror 1998-yil 17-noyabrda imzolangan O‘zbekiston va BAA o‘rtasidagi havo qatnovi to‘g‘risidagi Hukumatlararo bitim asosida qabul qilingan. Unga ko‘ra, Etihad Airways kompaniyasi Abu-Dabi – Toshkent – Abu-Dabi yo‘nalishida doimiy parvozlarni amalga oshiradi.

Mazkur qatnovlar zamonaviy Airbus A320-232/251N hamda Airbus A321-231/251N/251NX samolyotlarida bajarilishi rejalashtirilgan.

Etihad Airways’ning Toshkentga kirib kelishi O‘zbekiston va BAA o‘rtasidagi turizm, savdo hamda iqtisodiy hamkorlikni yanada rivojlantirishi kutilmoqda.

Eslatib o‘tamiz, Kursiv Uzbekistan nashri Uzbekistan Airways 15-sentabr kungi Nukus – Toshkent reysi jadvali o‘zgarganini e’lon qilgani haqida...

Toshkentda sifatsiz tibbiyot buyumlarini sotayotgan shaxslar ushlandi. Bu haqda Bosh prokuratura huzuridagi departament xabar berdi.

Ma’lum bo‘lishicha, ikki nafar shaxs boshqa fuqaroga 7,6 ming quti jarrohlik igna ipini $10 mingga sotayotganida qo‘lga olingan.

Tadbir davomida ulardan umumiy bahosi 214,5 million so‘mlik 23 turdagi 13,6 ming dona sifati kafolatlanmagan tibbiyot buyumlari ashyoviy dalil sifatida olindi.

Holat yuzasidan jinoyat ishi qo‘zg‘atilgan va tergov harakatlari olib borilmoqda.

Avvalroq dori vositalari va tibbiy jihozlarni ro‘yxatdan o‘tkazish tartibi yangilanishi haqida xabar berilgandi. Unga ko‘ra, endilikda tibbiy jihozlar xavf darajasiga qarab 4 toifaga bo‘linadi va faqat klinik tadqiqotlarning ijobiy natijasi asosida ro‘yxatdan o‘tkaziladi...

O‘zbekistonda 2026-yildan boshlab ishlab chiqarilganiga 50 yil va undan ortiq bo‘lgan avtomobillardan foydalanish hamda ularni qayta ro‘yxatdan o‘tkazish cheklanishi mumkin. Bu boradagi qaror loyihasi jamoatchilik muhokamasiga taqdim etildi.

Hujjatga ko‘ra, mazkur transport vositalari davlat ro‘yxatidan chiqariladi, ammo «antikvar» toifasiga kiradigan mashinalar ushbu cheklovdan ozod etiladi.

Shuningdek, umumiy vazni yuki bilan 44 tonnadan ortiq bo‘lgan yuk va maxsus transport vositalari hamda ochiq konlarda ishlaydigan o‘zi ag‘daruvchi yuk mashinalari uchun alohida davlat raqamlari joriy etilishi rejalashtirilgan.

Ushbu qonun loyihasining asosiy maqsadi yo‘llarda xavfsizlikni ta’minlash, ekologik muammolarni kamaytirish va juda eski texnik vositalarni asta-sekin foydalanishdan chiqarishdan iborat.

Loyiha Vazirlar Mahkamasi tomonidan...

Markaziy bank 2025-yilning birinchi yarmida mikromoliya tashkilotlari (MMT) va lombardlar faoliyatiga oid tahlil natijalarini e’lon qildi.

Unga ko‘ra, yanvar – iyun oylarida ajratilgan kreditlar hajmi 13,3 trln so‘mga yetib, o‘tgan yilning shu davridagiga nisbatan 2,1 barobar oshgan.

Umumiy kreditlarning 90 foizi (12 trln so‘m) MMTlarga, 10 foizi (1,3 trln so‘m) esa lombardlarga to‘g‘ri keldi. Kreditlar, asosan, jismoniy shaxslarga yo‘naltirilgan bo‘lib, ular umumiy hajmning 97 foizini (12,8 trln so‘m) tashkil etdi. Yuridik shaxslarga ajratilgan mablag‘ esa 417 mlrd so‘mni tashkil qildi.

Iyun oyida jismoniy shaxslar uchun mikroqarzlar stavkalari 36 – 109,5 foiz oralig‘ida shakllanib, o‘rtacha yillik 59,9 foizni tashkil...

30-sentabr kuni Xitoyning Shandun viloyatida Xiaomi SU7 egasi mashinasini uy tashqarisida qo‘yib ketganida, avtomobil to‘satdan o‘zidan o‘zi harakatlana boshladi. Voqea ijtimoiy tarmoqlarda tez tarqalib, Xiaomi avtomobili to‘satdan yurib ketdi xeshtegi ostida muhokamalarga sabab bo‘ldi.

Kuzatuv kameralari yozuviga ko‘ra, mashina turarjoy oldida qo‘yilgan paytda egasi va yonida bo‘lgan ayol uy ichida bo‘lgan. Videoda avtomobil ishga tushib oldinga qarab ketayotgani, ayol esa vahima bilan qichqirgani va egasining tashqariga yugurib chiqqani aks etgan.

Avtomobil egasi Xiaomi mijozlarga xizmat ko‘rsatish markaziga darhol murojaat qilgan. Dastlabki tushuntirishlarda telefon orqali tasodifiy masofadan ishga tushirish ehtimoli tilga olingan. Biroq egasi bu versiyani rad etib, telefonidan foydalanmaganini...

Yandex Go platformasi kar va zaif eshituvchi haydovchilar uchun yangi imkoniyatlarni ishga tushirdi. Bu haqda kompaniya Kursiv’ga ma’lum qildi.

Endilikda ular xizmatga telefon qo‘ng‘iroqlarisiz, maxsus moslashtirilgan veb-sayt orqali ulanib, o‘quv materiallarini ishora tilida o‘rganishlari mumkin. Avtomobillarda haydovchi va yo‘lovchi o‘zaro muloqot qilishi uchun maxsus kartochkalar ham joriy etildi.

Hozirda O‘zbekistonda Yandex Go bilan hamkorlik qilayotgan 700 nafar kar va zaif eshituvchi haydovchi oyiga 35 mingdan ortiq safar amalga oshirmoqda. Yangi imkoniyatlar Xalqaro karlar kuni munosabati bilan taqdim etildi va ular eshitishda muammosi bo‘lgan haydovchilarning fikr-mulohazalari asosida ishlab chiqildi.

Yo‘lovchilar bilan muloqotni yengillashtirish uchun avtomashinalarda «Kar yoki zaif eshituvchi haydovchi» yozuvi...

O‘zbekiston Raqamli texnologiyalar vazirligi delegatsiyasi Avstraliyada Rubicon Water kompaniyasi vakillari bilan hamkorlik uchrashuvi o‘tkazdi. Bu haqda Raqamli texnologiyalar vazirligi ma’lum qildi.

Muzokaralarda sug‘orish tizimlarini raqamlashtirish, suvdan foydalanishni optimallashtirish va avtomatlashtirish masalalari muhokama qilindi.

Tomonlar qo‘shma loyihalarni kengaytirish, mahalliy mutaxassislar uchun o‘quv dasturlari ishlab chiqish va tajriba almashish bo‘yicha kelishib olishdi.

Rubicon Water yirik irrigatsiya tarmoqlarini modernizatsiya qilish bo‘yicha yetakchi kompaniya bo‘lib, avtomatlashtirilgan eshiklar, oqim o‘lchagichlar va aqlli dasturiy ta’minot ishlab chiqadi. Bu texnologiyalar suvni real vaqt rejimida boshqarib, samaradorlikni oshiradi va yo‘qotishlarni kamaytiradi.

Eslatib o‘tamiz, avvalroq O‘zbekiston va Misr «yashil iqtisodiyot» bo‘yicha hamkorlik qilishi haqida xabar bergan...

Farg‘ona, Andijon va Buxoro viloyatlarida Umra haqida litsenziyasiz reklama tarqatgan fuqaro va turfirmalar aniqlandi. Bu haqda Raqobat qo‘mitasi xabar berdi.

Xususan, Farg‘onada fuqaro o‘zining Telegram sahifasida litsenziyasiz safar xizmatlarini reklama qilgani ma’lum bo‘ldi. Mazkur holat yuzasidan hujjatlar sudga yuborildi.

Andijonda esa «Abu Zubayr travel» MChJ litsenziyasiz faoliyat yuritib, reklama tarqatgani uchun unga nisbatan ish qo‘zg‘atilib, moliyaviy jarima belgilandi.

Shunga o‘xshash yana bir holat Buxoro viloyatida aniqlandi. Unda «Sokin turizm Bukhara» MChJ hujjatlarsiz reklama tarqatgani uchun jarimaga tortildi va qonun talablariga rioya qilish bo‘yicha ko‘rsatma berildi.

Bundan avval Andijon shahridagi «Ih­los Travel1» MChJ faoliyatida ham qonun buzilish holatlari aniqlangandi...

Samsung kompaniyasi o‘z smartfonlari uchun ekranni himoya qilishning butunlay yangi texnologiyasini ishlab chiqmoqda. Bu haqda GSMArena xabar bermoqda.

One UI 8.5 tizimida topilgan Privacy Display funksiyasi yordamida foydalanuvchi ekrandagi ma’lumotlarni begona ko‘zlardan yashira oladi. Bu texnologiya maxsus plyonka emas, balki bevosita ekran ichiga o‘rnatiladi va istalgan payt yoqib-o‘chirish mumkin.

Sozlamalarda Auto Privacy tugmasi paydo bo‘ladi. U odam ko‘p to‘planadigan joylarda — masalan, metro yoki liftda – avtomatik tarzda maxfiy rejimni yoqadi. Foydalanuvchi jadval bo‘yicha ishlash vaqtini belgilashi yoki ayrim dasturlar uchun alohida cheklov o‘rnatishi mumkin.

Privacy Display nafaqat ekranning ko‘rish burchagini toraytiradi, balki shaxsiy belgilanadigan elementlarni ham yashira oladi...

O‘zbekiston temiryo‘llari turizm oyligi doirasida pensiyadagilar uchun chegirma e’lon qildi. Bu haqda kompaniya matbuot xizmati xabar berdi.

Unga ko‘ra, 2 – 8-oktabr hamda 1 – 30-noyabr kunlari barcha mahalliy yo‘nalishdagi poyezd chiptalarining tarif qismiga 20 foizlik chegirma beriladi.

Chegirma 55 yoshdan oshgan ayollar va 60 yoshdan katta erkaklarga taalluqli bo‘lib, yuqori tezlikda harakatlanuvchi «Afrosiyob» elektropoyezdlari bundan mustasno.

Chiptalarni eticket.railway.uz onlayn platformasi orqali elektron tarzda yoki barcha chiptaxonalardan xarid qilish mumkin.

Avvalroq «Kursiv» UzAirways pensiya yoshidagi fuqarolarga 15 foiz chegirma e’lon qilgani haqida yozgandi.

Maxsus taklif «Keksalar uchun turizm oyligi» doirasida 1-noyabrdan 30-noyabrgacha amalga oshiriladigan ichki aviaqatnovlarga tatbiq...

Buyuk Britaniya hukumati Eronning yadro dasturi bilan bog‘liq 71 nafar shaxs va tashkilotni sanksiyalar ro‘yxatiga qo‘shdi. Bu haqda New Region nashri ma’lum qildi.

Ushbu qaror xalqaro sanksiyalar qayta tiklanganidan bir kun o‘tib e’lon qilindi. Natijada mazkur shaxs va tashkilotlarning aktivlari muzlatildi.

Sanksiyalar 2019-yilda qabul qilingan qonun asosida joriy etilgan bo‘lib, Eronning xalqaro kompaniyalar orqali cheklovlarni chetlab o‘tishining oldini olishni maqsad qiladi. Qoidalar Eronning yadro quroli va uni yetkazib berish tizimini ishlab chiqishda ishtirok etgan shaxslarning moliyaviy resurslarini bloklashni ko‘zda tutadi.

Ro‘yxatga Eronning yadro dasturi rahbarlari, yirik moliya va energetika kompaniyalari, jumladan, Eron milliy neft kompaniyasi ham kiritilgan. Ularning faoliyati...

2025-yil yanvar – avgust oylarida 62 mingdan ortiq chet el fuqarolari davolanish maqsadida Oʻzbekistonga tashrif buyurgan. Bu haqda Milliy statistika qoʻmitasi ma’lum qildi.

Ularning eng ko‘pi Tojikistondan boʻlib, 44,2 ming nafardan ortiq bemor O‘zbekiston tibbiyot xizmatidan foydalanish uchun kelgan. Shuningdek, Qirgʻiziston (10,4 ming), Qozogʻiston (5,5 ming) va Rossiyadan (1,3 ming) ham bemorlar koʻp tashrif buyurgan.

Shu bilan birga, Afg‘oniston, Turkmaniston kabi qo‘shni davlatlar, bundan tashqari, Turkiya, AQSh, Xitoy va Ukraina kabi uzoq davlatlardan ham Oʻzbekistonga davolanish uchun kelgan xorijliklar bor.

Bundan avval Farg‘onada kuvaytlik shifokorlar murakkab jarrohlik amaliyotlarini o‘tkazishi haqida xabar berilgandi. Unga ko‘ra, Kuvayt Jarrohlik kengashi prezidenti...