Yangiliklar

Brand Finance kompaniyasi e’lon qilgan Football 50 (2025) reytingiga ko‘ra, Madridning «Real» klubi dunyoning eng qimmat futbol brendi sifatida qayd etildi.

2025-yil holatiga ko‘ra, «Qirollik klubi»ning brend qiymati 14 foizga oshib, 1,92 milliard yevroga yetdi. Klub, shuningdek, 94,9 ballik ko‘rsatkich bilan «AAA+» toifasidagi eng kuchli futbol brendi sifatida ham tan olindi. «Real»ning umumiy tashkiliy qiymati taxminan 6 milliard yevroni tashkil etadi.

Ikkinchi o‘rinda Kataloniyaning «Barselona» klubi qayd etilgan. «Ko‘kanorranglilar»ning brend qiymati 11 foizga ko‘tarilib, 1,71 milliard yevroga yetgan. Shuningdek, «Barselona» ham yuqori «AAA+» reytinggiga ega bo‘lib, umumiy qiymati taxminan 4,4 milliard yevroga teng deb baholangan.

«Manchester Siti» esa 2025-yilgi reytingda...

O‘zbekistonda jimlik saqlanishi kerak bo‘lgan vaqt soat 23:00 dan 07:00 gacha uzaytirilmoqda. Deputatlar tomonidan «Aholini shovqinning zararli ta’siridan himoya qilish to‘g‘risida»gi qonun loyihasi ikkinchi o‘qishda ma’qullandi.

Qonun loyihasiga ko‘ra, dam olish va bayram kunlari kechasi soat 22:00 dan ertalab 09:00 gacha baland ovoz chiqarish, musiqani qattiq qo‘yish yoki tinchlikni buzish mumkin emas.

Ma’lumot uchun, avval shovqin va kuchli ovoz 23:00 dan 06:00 oralig‘ida cheklangan edi.

Shuningdek, ko‘p qavatli uylar ichida qurilish va ta’mirlash ishlari ham cheklanadi. Endi bunday ishlarni faqat ish kunlari ertalab 09:00 dan kechki 18:00 gacha qilishga ruxsat etilishi kutilmoqda.

Eslatib o‘tamiz, «Kursiv» O‘zbekistonda bank ombudsmani instituti...

23-sentabr kuni 5 grammli oltin quyma narxi ilk bor 7,6 mln so‘mdan oshdi. Bu haqda Markaziy bank axborot xizmati xabar berdi.

Ma’lum qilinishicha, narxlar barcha toifadagi quymalar bo‘yicha o‘sdi. Xususan, 10 grammli quyma 14,938 mln so‘mdan 15,219 mln so‘mga, 20 grammli quyma 29,877 mln so‘mdan 30,438 mln so‘mga ko‘tarildi.

Shuningdek, 50 grammli quyma 76,094 mln so‘m, 100 grammli esa 152,188 mln so‘mni tashkil etdi. Bir gramm oltinning qiymati 1,521 mln so‘m bo‘lib, bir kunda 1,9 foizga oshdi.

Joriy paytda dunyo bozorida oltinning bir unsiyasi $3747 (ya’ni 1 gramm uchun $120,47) darajasida sotilmoqda. Bu ko‘rsatkich AQSh Federal rezerv tizimining foiz...

Super og‘ir vazn toifasidagi o‘zbekistonlik bokschi, Olimpiada va Jahon chempioni Bahodir Jalolov o‘zining navbatdagi janggini 6-oktabr kuni Rossiyaning Sankt-Peterburg shahrida tashkil etiladigan IBA Pro 10 turniri doirasida o‘tkazadi. Bu haqda tashkilot matbuot xizmati rasman e’lon qildi.

Manbaga ko‘ra, Jalolovga o‘sha kuni rossiyalik Vitaliy Kuduxov raqiblik qiladi. 36 yoshli sportchi shu kunga qadar professional boksda 10 marta ringga ko‘tarilib, 7 tasida g‘alaba qozongan va 3 bor mag‘lubiyatga uchragan.

Bahodir Jalolov esa professional faoliyati davomida 15 ta jang o‘tkazib, barchasida zafar quchgan. Janglarining 14 tasi muddatidan avval yakunlangan.

O‘zbekistonlik bokschi oxirgi marta 2025-yilning aprel oyida Ostona shahrida tashkil etilgan turnirda ringga...

BMTga hozirgacha faqat erkaklar rahbarlik qilgan. Endi esa ayol bosh kotib saylanishi zarurligi haqidagi talablar kuchayib bormoqda, deb xabar berdi Bloomberg.

Bu oy qabul qilingan rezolyutsiyada BMT a’zolari bosh kotib lavozimiga nomzod ko‘rsatishda ayollarni ko‘rib chiqishga chaqirildi. Ehtimoliy nomzodlar orasida Barbados bosh vaziri Mia Mottley, Yangi Zelandiya sobiq bosh vaziri Jacinda Ardern, BMTning sobiq inson huquqlari bo‘yicha komissari Michelle Bachelet va BMT bosh kotibining o‘rinbosari Amina Mohammed bor.

AQSh prezidenti Donald Tramp ma’muriyati BMT faoliyatini muntazam tanqid qilib kelmoqda. Garchi AQSh an’anaviy tarzda tashkilotning eng katta moliyaviy homiysi bo‘lsa-da, bu mavqeni endilikda Xitoy egallashi mumkin. Shu bois Vashington rahbar...

Iqlimshunos Erkin Abdulahatovning ta’kidlashicha, oxirgi paytlarda eng toza shahar Nukus bo‘lyapti. Unga ko‘ra, ushbu holat shamol omili bilan bog‘liq. So‘nggi paytlarda Nukusda shamollar ortgan va bu havoning tozalanishiga olib kelmoqda.

«Shamol omiliga borib taqalyapti baribir. Kimlardir Nukusda bir hafta yashab eksperiment qilsa ham bo‘ladi. Masalan, siz 3-4 kun Nukusda yashab, 3-4 kun Urganchda, yana Navoiy, Buxoroda, Farg‘ona yoki Toshkentda yashasangiz farqini bilasiz. U yerda oxirgi paytda shamol kuchayib ketdi. O‘zi yiliga u tomonda 2,5 metr sekund esadi, hozir 3,5 m/s. Ya’ni bir metr sekund ortgan. Toshkentda kamaygan, ularda ortyapti. Shamolning ko‘proq va tezroq esishi bu...

Xitoyning Great Wall Motor kompaniyasiga qarashli Ora brendi tomonidan yangi GWM Ora 5 elektromobili e’lon qilindi. Yangi avtomobil 25-sentabr kuni o‘tkaziladigan Natural Aesthetics Design Appreciation tadbirida rasman taqdim etiladi. Bu haqda CarNewsChina xabar bermoqda.

Model nomi jamoatchilik o‘rtasida o‘tkazilgan so‘rov orqali tanlangan. Ora brendi bosh menejeri Lu Venbin 12-sentabrda Ora Cat, Ora 5 va Ora i5 variantlarini taklif qilgan, natijada eng ko‘p ovoz olgan Ora 5 nomi tanlab olingan. Menejerning ta’kidlashicha, raqamli nomlash tizimi xalqaro miqyosda tanish, sodda va brendning kelgusi modellari uchun yagona yo‘nalishni belgilaydi.

Dizayni haqida Xitoy Sanoat va axborot texnologiyalari vazirligi tomonidan taqdim etilgan hujjatlar ayrim...

Shavkat Mirziyoyev 20 – 24-sentabr kunlari BMT Bosh Assambleyasining 80-yubiley sessiyasi tadbirlarida ishtirok etish uchun AQShning Nyu-York shahrida bo‘lib turibdi. Tashrif doirasida davlat rahbari mamlakatning qator kompaniyalari va mutasaddilarini qabul qildi.

Davlat rahbari kimlar bilan uchrashdi

22-sentabr kuni Shavkat Mirziyoyev Nyu-York shahrida Xalqaro valyuta jamg‘armasi boshqaruvchi direktori Kristalina Georgiyevani qabul qildi. 

Tomonlar XVJ bilan hamkorlikni kengaytirish, makroiqtisodiy siyosat, budjet va soliq ma’muriyatchiligini takomillashtirish masalalarini muhokama qildi.

Uchrashuvda mamlakat moliya sohasining barqarorligi, «yo‘l xaritasi»ni amalga oshirish hamda XVJ markazlarida o‘zbekistonlik mutaxassislarning malaka oshirishi ijobiy baholandi.

Prezident o‘ziga ajratilgan qarorgohda AQShning Traxys kompaniyasi direktorlar kengashi raisi Alan Dokter, Kolorado Geologiya maktabi vitse-prezidenti Jon Bredford...

Xiaomi bu hafta Xitoyda o‘zining yangi Xiaomi 17, Xiaomi 17 Pro va Xiaomi 17 Pro Max smartfonlarini taqdim etadi. Gizmochina nashri Xiaomi 17 va iPhone 17 smartfonlari o‘rtasidagi o‘xshashliklarni taqdim qildi.

Ular Qualcomm’ning so‘nggi Snapdragon 8 Elite Gen 5 protsessori, Leica bilan hamkorlikda yaratilgan kameralar va qo‘shimcha funksiyalarni taqdim etuvchi ikki displeyli dizayn bilan jihozlanadi. Shunga qaramay Xiaomi 17 seriyasi ko‘plab jihatlarda Apple’ning yangi iPhone 17 liniyasidan ilhomlanganini ko‘rish mumkin.

Yangi Xiaomi smartfonlari dizaynda bir qator yangilanish olgan. Ayniqsa, Pro va Pro Max modellari kamera moduliga joylashtirilgan orqa tomonidagi kichik ekran bilan farqlanadi. Bu displey qo‘shimcha funksiyalarni...

Markaziy bank bank xizmatlari bo‘yicha ombudsman institutini joriy etishni rejalashtirmoqda. Bu haqda Oliy Majlis Qonunchilik palatasidagi majlisda Markaziy bank raisi o‘rinbosari Abrorxo‘ja Turdialiyev ma’lum qildi.

Uning ko‘ra, yangi tuzilma banklar va tadbirkorlar o‘rtasida hozirda sudgacha borayotgan nizolar sonini sezilarli darajada kamaytiradi. Ombudsman xizmati bank xizmatlaridan foydalanuvchilarni himoya qilish va sudga bormasdan dastlabki darajada nizolarni hal qilish imkonini beradi.

Shuningdek, majlisda ijtimoiy muhokama qilingan islom moliyasi qonun loyihasi doirasida, ijtimoiy va xalqaro standartlarga mos bank xizmatlari tizimini shakllantirish masalalari muhokama qilindi. Turdialiyev islomiy moliya standartlari xalqaro qoidalar asosida belgilanishi va investorlarga tushunarli bo‘lishi muhimligini ta’kidladi.

Yangi ombudsman tuzilmasi orqali Markaziy...

NASA sakkiz mingdan ortiq arizachilar orasidan 10 kishini yangi kosmonavtlar guruhi sifatida tanlab oldi. Bu haqda CNN agentligi ma’lum qildi.

Bu safargi tanlovda ilk marta ayollar soni erkaklardan ko‘pligi bilan ajralib turadi. Yangi kosmonavtlar tarkibiga muhandislar, geologlar, harbiy uchuvchilar, shifokorlar va SpaceX sobiq xodimlari kirdi. Ularning eng mashhuri Anna Menon, u ilgari xususiy kompaniya missiyasida kosmosga uchib, tarixda birinchi marta NASA kosmonavtlar korpusiga amaliy uchuvchilik tajribasi bilan qo‘shildi.

Kosmonavtlar ikki yil davomida maxsus tayyorgarlikdan o‘tadi. Bu davrda ular NASA tarixi, geologiya, suvda omon qolish, kosmik tibbiyot va yuqori tezlikdagi samolyotlarda uchish kabi fanlarni o‘rganadi.

Tayyorgarlikdan so‘ng yangi guruh xalqaro...

Samsung o‘zining yangi One UI 8.0 interfeysini kutilganidan ancha erta foydalanuvchilarga taqdim etmoqda. Bu haqda Gizmochina xabar bermoqda.

O‘tgan hafta yangilanish avvaliga Galaxy S25 seriyasi uchun chiqarilgan edi, endi esa ro‘yxatga boshqa modellarning ham qo‘shilgani ma’lum bo‘ldi.

Hozirgi paytda Galaxy Z Fold 6, Galaxy Z Flip 6, Galaxy Z Fold SE va Galaxy S24 FE smartfonlari egalariga barqaror One UI 8.0 yangilanishi yetkazilmoqda. Avvalroq bu qurilmalar yangilanishni hafta oxirida olishlari rejalashtirilgan edi, ammo tarqatish allaqachon boshlangan.

Eslatib o‘tamiz, bir necha kun oldin yangilanish Galaxy S24, Galaxy S24 Plus va Galaxy S24 Ultra uchun ham chiqarilgandi.

AQShning Texas shtatidagi Starbase markazida Starship S38 kemasining oltita Raptor dvigateli muvaffaqiyatli sinovdan o‘tkazildi. Bu haqda Nasa space flight xabar berdi.

Kuzatuvlarga ko‘ra, hammasi rejaga muvofiq o‘tgan, endi rasmiy tasdiq kutilmoqda. Kema endi 11-marta uchiriladi. Parvoz sentabr oxiri yoki oktabr boshida bo‘lishi mumkin. Shu bilan birga, u Starship v2 versiyasining ham, Pad A uchirish maydonchasining ham so‘nggi parvozi bo‘ladi.

Ma’lumot uchun, 2025-yil Starship uchun og‘ir kechdi: o‘n marotaba sinov o‘tkazildi, ulardan faqat bittasi muvaffaqiyatli yakunlandi. Ba’zilar portlab ketgan, boshqalari esa uchishni tugata olmagan.

Keyingi bosqichda SpaceX yangi va ishonchliroq Starship v3 modellarini ishga tushirishni rejalashtirmoqda. Bu kema kelajakda Marsga...

O‘zbekistonda shamolli va changli ob-havo hafta davomida saqlanib qoladi. Bu haqda Ekologiya vazirligi xabar berdi.

Unga ko‘ra, joriy yil 21-sentabr kuni Turkmanistondan kirib kelgan nam va beqaror havo massasi O‘zbekistonning bir qator hududlarida havo sifatini keskin yomonlashtirdi. Shu kuni Urganch, Qarshi va Samarqandda mayda zarrachalar (PM2.5 va PM10) ko‘paygani qayd etildi. 22-sentabr kuni esa Buxoro, Samarqand, Guliston, Jizzax va Toshkentda chang zarralari konsentratsiyasi oshdi.

G‘arbdan 15 – 20 m/s tezlikda esgan shamol, ayrim joylarda esa chang-to‘zonlar havoning yanada ifloslanishiga sabab bo‘ldi. Toshkentda shamol tezligi 12 – 15 m/s ga yetib, soat 15:00 dan keyin chang bo‘ronlari kuzatildi. Prognozlarga...

O‘zbekistonga Qozog‘istondan benzin importi 10 baravarga oshdi. Bu haqda Inbusiness.kz nashri Argus agentligi ma’lumotlariga tayanib xabar berdi.

Unga ko‘ra, 2025-yilning birinchi yarmida O‘zbekiston Rossiyadan olib kelingan neft va kondensat hajmini o‘tgan yilga nisbatan deyarli ikki baravar kamaytirdi.

Bunga Rossiya neftni qayta ishlash zavodlariga uyushtirilgan hujumlar oqibatida yonilg‘i taqchilligi yuzaga kelgani hamda «Gazpromneft»ning Farg‘ona NQZga (Neftni qayta ishlash zavodi) «Transneft» va «KazTransOil» tizimlari orqali yo‘lga qo‘ygan yetkazib berishlari to‘xtagani sabab bo‘ldi. Ushbu bo‘shliqni qisman Astarxon va Salavat zavodlaridan kondensat tashish bilan qoplashga harakat qilindi.

Rossiya importining kamayishi fonida Turkmaniston va Qozog‘istondan xomashyo oqimi keskin oshdi. Jumladan, turkman xomashyosi eksporti qariyb...

Xitoyning Great Wall kompaniyasi tomonidan yangilangan Tank 400 avtomobili rasman namoyish qildi. Bu haqda ITHome xabar bermoqda.

Model tashqi ko‘rinishda katta o‘zgarishlarga ega emas, biroq old bamper biroz qayta ishlangan va kuzov ranglariga yangi tus qo‘shilgan. O‘lchamlari 4964x1970x1905 millimetr bo‘lib, g‘ildirak bazasi 2850 millimetrni tashkil etadi. Yangi versiya avvalgisiga qaraganda qisqaroq, biroq kengroq va balandroq. Mashina 18 dyuymli g‘ildiraklar bilan jihozlangan va 2,5 tonnagacha tirkama torta oladi.

Avtomobil ilk bor bazaviy komplektatsiyadan boshlab lidar va yon hamda orqa kameralar bilan ta’minlandi. Shuningdek, Great Wall’ning yangi avlod Coffee Pilot Ultra uchinchi avlod haydovchiga yordamchi tizimi ham o‘rnatilgan. Salonida 12,3 dyuymli...

Xitoyda Realme GT 8 va GT 8 Pro smartfonlari uchun oldindan buyurtmalar qabul qilina boshlandi. Bu haqda Equal Leaks Telegram kanalida xabar bermoqda.

Qurilmalarni kompaniyaning rasmiy sayti, TMall, JD.com va boshqa savdo maydonlarida buyurtma qilish mumkin. Hozircha oldindan to‘lov talab qilinmaydi.

Dastlabki ma’lumotlarga ko‘ra, Realme GT 8 Pro 6,78 dyuymli Samsung ishlab chiqargan AMOLED displey bilan ta’minlanadi. Ekran 120 Hz yangilanish tezligiga ega bo‘lib, yorqinligi 4500 nitgacha yetadi, PWM chastotasi esa 1920 Hz darajasida bo‘ladi.

Kamera imkoniyatlari ham sezilarli darajada kuchaytirilgan. Asosiy modul Sony IMX966 sensori asosida yaratilgan bo‘lib, 1/1,4 dyuym optik format, F/1,6 diafragma va optik stabilizatsiyaga...

Banklar 23-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi. 

BMT shtab-kvartirasida bo‘lib o‘tgan anjumanda Fransiya prezidenti Emmanuel Makron Parijning Falastin davlatini tan olishini e’lon qildi. Bu haqda Le Monde nashri xabar berdi.

«Men bugun Fransiyaning Falastin davlatini tan olishini rasman e’lon qilaman», dedi Makron.

Fransiya rahbari G‘azo sektoridagi urushni davom ettirishning hech qanday asosga ega emasligini ta’kidlab, urushni to‘xtatish vaqti kelganini aytdi.

Makronning so‘zlariga ko‘ra, Parijning ushbu qarori Isroil va Falastin o‘rtasida muzokaralarga yo‘l ochadi.

«Tinchlik uchun imkoniyat mavjud. Barchamiz tinchlik mexanizmini ishga tushirish ustida ishlashimiz zarur», deya qo‘shimcha qildi u.

Shuningdek, Fransiya prezidenti mamlakatning xalqaro...

Oq uy TikTok’ning AQShdagi faoliyati bo‘yicha muhim qaror qabul qildi. Endi ilova AQShda alohida qo‘shma kompaniya orqali boshqariladi va uning asosiy algoritmi Oracle tomonidan nazorat qilinadi. Bu haqda CNN agentligi ma’lum qildi.

Yangi qo‘shma korxonada Oracle va Silver Lake xususiy kapital firmasi, shuningdek, bir qator amerikalik va xalqaro investorlar ishtirok etadi. ByteDance TikTok US’dagi ulushining 20 foizidan kamini saqlab qoladi.

AQSh hukumati bu bitim orqali milliy xavfsizlik xavotirlarini kamaytirishni maqsad qilmoqda. Chunki algoritmning Xitoy ta’sirida manipulyatsiya qilinishi ehtimoli eng katta savollardan biri bo‘lib qolayotgan edi. Endi algoritm faqat AQSh foydalanuvchilari uchun boshqariladi, Oracle esa uning ishlashini doimiy nazorat qiladi.

O‘zbekiston prezidenti Shavkat Mirziyoyev Turkmaniston prezidenti Serdar Berdimuhamedov bilan telefon orqali suhbatlashdi. Bu haqda prezident matbuot xizmati xabar berdi.

Shuningdek, Mirziyoyev Berdimuhamedovni tug‘ilgan kuni bilan samimiy tabriklab, unga sog‘liq, baxt va tinchlik tiladi.

Suhbatda ikki mamlakat o‘rtasidagi do‘stlik, qo‘shnichilik va strategik sheriklikni mustahkamlash masalalari muhokama qilindi. Tovar ayirboshlash hajmini oshirish, sanoat va energetika sohalarida hamkorlik loyihalarini ilgari surish bo‘yicha fikr almashildi.

Shu bilan birga, «Shovot – Toshovuz» savdo zonasi qurilishi yakunlanayotgani, O‘zbekistonda hududlar forumi, ko‘rgazmalar, shuningdek Turkmaniston madaniyati va kino kunlarini o‘tkazish rejalashtirilgani ta’kidlandi.

Muloqot yakunida Mirziyoyev Turkmaniston rahbari va xalqini yaqinlashib kelayotgan Mustaqillik kuni bilan tabrikladi.

Avvalroq Kursiv...

2025/2026-oʻquv yili uchun Qoraqalpogʻiston yoshlari oliy ta’limga qabulda qoʻshimcha imtiyozlarga ega boʻlishadi. Bu haqda Oliy ta’lim, fan va innovatsiyalar vazirligi ma’lum qildi.

Birinchidan, 68 ball va undan yuqori natija koʻrsatgan 500 nafar abituriyent maqsadli qabul parametrlari asosida talabalikka tavsiya etiladi. Roʻyxatdan oʻtish my.uzbmb.uz sayti orqali amalga oshiriladi.

Ikkinchidan, 200 nafar abituriyent uchun qoʻshimcha qabul imkoniyati yaratiladi. Ular 29-sentabrdan 6-oktabrgacha roʻyxatdan oʻtib, 12-oktabrda test topshiradi va natijalariga koʻra talabalikka tavsiya etiladi.

Uchinchidan, Qoraqalpogʻiston yoshlari uchun respublika oliy ta’lim muassasalarida 7 225 ta qoʻshimcha kontrakt asosidagi oʻrinlar ajratildi. Bu oʻrinlar 56,7 va undan yuqori ball toʻplagan, lekin talabalikka qabul qilinmagan abituriyentlar...

Uzbekistan Airways Boeing kompaniyasi bilan 14 ta Boeing 787-9 Dreamliner samolyotini xarid qilish va yana 8 tasini opsion asosida olish bo‘yicha shartnoma imzoladi. Samolyotlar 2031-yildan boshlab yetkazib beriladi. Bu haqda kompaniya rasmiy sahifasida ma’lum qildi.

Yangi avialaynerlar aviakompaniyaga uzoq masofali parvozlarni kengaytirish, jadvalni barqarorlashtirish va yo‘nalishlar geografiyasini oshirish imkonini beradi. Bu orqali Markaziy Osiyo Shimoliy Amerika, Yevropa, Yaqin Sharq va Osiyo – Tinch okeani mintaqasi bilan yanada yaqinroq bog‘lanadi.

Uzbekistan Airways 2016-yildan beri Dreamliner samolyotlarini parvozlarda qo‘llab kelmoqda. Hozirda ular aviakompaniyaning qit’alar aro reyslarida asosiy o‘rin tutadi. Endi esa 787-9 modeli yo‘lovchi sig‘imini ko‘paytirib, parvoz masofasini kengaytiradi.

Nvidia OpenAI’ga $100 mlrd.gacha investitsiya kiritib, sun’iy intellekt markazlari uchun chiplar yetkazib berishni rejalashtirmoqda. Bu haqda Reuters agentligi ma’lum qildi.

Unga ko‘ra, mazkur hamkorlik OpenAI’ga ilg‘or chiplar xarid qilish imkonini yaratib, kompaniyaning bozordagi yetakchiligini mustahkamlashga xizmat qiladi.

OpenAI rahbari Sem Altman hisoblash quvvatini «kelajak iqtisodiyotining asosi» deb atab, Nvidia bilan hamkorlik yangi SI yutuqlarini yaratishda muhim rol o‘ynashini ta’kidladi.

Tomonlar kamida 10 gigavatt quvvatga ega Nvidia tizimlarini joriy etishga kelishib oldi. Birinchi jihozlar 2026-yilda «Vera Rubin» platformasi asosida yetkazilishi kutilmoqda.

Shu bilan birga, yirik investitsiya hajmi AQShning monopoliyaga qarshi idoralari tomonidan nazoratga olinishi mumkinligi aytilmoqda, chunki bu kelishuv Nvidia...