Yangiliklar

Vivo kompaniyasi tomonidan Tayvanda yangi Vivo V60 Lite 5G smartfoni taqdim etildi. Bu haqda Gizmochina xabar bermoqda.

U V60 seriyasidagi o‘rta segment model sifatida joylashgan bo‘lib, katta AMOLED displey, yangi Dimensity 7360-Turbo chipi, yupqa va suvdan himoyalangan korpus hamda 6 500 mA/soat sig‘imli kuchli akkumulyator bilan ajralib turadi.

Smartfon 6,77 dyuymli AMOLED ekranga ega bo‘lib, FHD+ (2392×1080) aniqlikda, 120 Hz yangilanish tezligida ishlaydi va HDR10+ formatini qo‘llab-quvvatlaydi. Old panelda 32 megapikselli kamera joylashgan. Orqa tomonda esa Sony IMX882 asosiy 50 megapikselli sensor (OIS bilan) va 8 megapikselli ultra-keng moduldan iborat ikkitalik kamera o‘rnatilgan. Qurilma Android 15 operatsion tizimida...

Geely kompaniyasi tomonidan Zeekr 001 2026 modeli taqdim etildi. Bu haqda CarNewsChina nashri xabar bermoqda.

Xitoyda mashina uchun oldindan buyurtmalar qabul qilinmoqda, xaridorlar $280 miqdorida oldindan to‘lov qilib qo‘yishlari mumkin. Dilerlarga yetkazib berish 4-oktabrdan boshlanadi, mijozlarga esa ilk avtomobillar 11-oktabrdan topshiriladi.

Model avgust oyida sotuv litsenziyasini olgan va dizaynini saqlab qoldi. Old qismidagi faralar va kunduzgi chiroqlar o‘ziga xos uslubda joylashgan, gabaritlari esa 4977 × 1999 × 1533 mm, g‘ildirak bazasi 3005 mm etib belgilangan.

Texnik jihatdan katta yangilanishlar kuzatilmoqda. Bazaviy orqa g‘ildirakdan tortuvchi versiya 370 kVt (489 ot kuchi) quvvatga ega elektromotor bilan ta’minlangan. Xaridorlar ikkita batareya turidan...

30-sentabr kuni UEFA Chempionlar ligasi 2-turidan o‘rin olgan bahsda Qozog‘istonning «Qayrat» klubi o‘z maydonida Madridning «Real» jamoasini qabul qiladi. Uchrashuv Olmaotada joylashgan «Markaziy» stadionda bo‘lib o‘tadi.

Ushbu bellashuv uchun chiptalarning rasmiy narxlari e’lon qilindi. Unga ko‘ra, narxlar 30 ming tengedan (676 ming so‘m) boshlanib, 250 ming tengegacha (5,6 mln so‘m) yetadi. Shuningdek, 75 ming tenge (1,7 mln so‘m)  va 150 ming tengega (3,4 mln so‘m) ham chiptalarni xarid qilish mumkin.

Ma’lumot uchun, «Real» Chempionlar ligasining dastlabki turida «Marsel» bilan bahs yuritib, 2:1 hisobida g‘alaba qozondi. «Qayrat» esa «Sporting»ga 4:1 hisobida imkoniyatni boy berdi. Tomonlar o‘rtasidagi ilk o‘zaro o‘yin 30-sentabr kuni Toshkent vaqti bilan...

24-sentabr uchun valyuta kurslari e’lon qilindi. Shu kun uchun AQSh valyutasi 12 171,03 so‘m (-86,10 so‘m) etib belgilandi. Bu haqda Markaziy bank xabar bermoqda.

Valyuta birjasida dollar so‘nggi besh kunlikda turlicha dinamiklarni ko‘rsatdi. Xususan, 16-sentabrda yana pastlab, 12 285,16 so‘mga tenglashdi (−59,45 so‘m).

17-sentabrda ham pasayish davom etdi, 12 254,27 so‘mni qayd etdi. Ammo 18-sentabrda 12 314,71 so‘mga (+60,44 so‘m) oshdi. Shu tariqa qisqa muddat ichida kursda keskin o‘zgarishlar kuzatildi. 19-sentabrda AQSh valyutasi 12 349,87 so‘m (+35,16 so‘m) etib belgilandi. 23-sentabr kuni AQSh valyutasi 12 257,13 so‘m (-92,74 so‘m) bo‘ldi.

Jadval:

Markaziy bank ma’lumotlariga ko‘ra, yevro 69,75 so‘mga tushib, 14 364,25 so‘mni, rubl esa 0,77 so‘mga pastlab...

«Milliy tiklanish» partiyasi rahbari Alisher Qodirov pedagoglar uchun pensiya yoshini 50 yosh qilib belgilash kerakligini qayd etdi. Bu haqda partiya matbuot xizmati xabar bermoqda.

«O‘qituvchilarga 50 yoshdan keyin pensiya beraylik dedik, nimaga? O‘qituvchi tamom bo‘ladi. Uchuvchiga berasiz 45 yoshdan keyin, maxsus xizmat xodimiga berasiz 45 yoshdan keyin. Nimaga? Ular og‘ir sharoitda ishlagani uchun, pedagog og‘ir sharoitda ishlamaydimi? 50 bolani qarshisida 3 yili 30 yildek o‘tadi», degan Qodirov.

Avvalroq 1-oktabrdan pensiyalar oshirilishi haqida yozgan edik.

O‘zbekiston AQShning yirik investitsiya kompaniyasi bo‘lgan BlackRock bilan qo‘shma fond tashkil etishni rejalashtirmoqda. Ushbu masala O‘zbekiston prezidenti Shavkat Mirziyoyevning BlackRock direktorlar kengashi a’zosi Adebayo Ogunlesi bilan uchrashuvida muhokama qilindi.

Prezident matbuot xizmati ma’lumotiga ko‘ra, yaqin kunlarda tomonlar fondni yaratish konsepsiyasi hamda qo‘shma loyihalarni amalga oshirish rejasini kelishib oladi.

BlackRock — dunyodagi eng yirik investitsiya kompaniyalaridan biri bo‘lib, 1988-yilda AQShda tashkil etilgan. Financial Times 2025-yilning ikkinchi choragi yakunlariga ko‘ra, kompaniya aktivlari $12,5 trillionni tashkil etganini xabar qildi. Kompaniyaning bosh ofisi Nyu-York shahrida joylashgan.

Hozirda BlackRock 30 davlatdagi 70 dan ortiq ofislar orqali faoliyat yuritadi. Uning mijozlari orasida yirik institutsional...

Toshkentda ICT Week Uzbekistan 2025 axborot-kommunikatsiya texnologiyalari haftaligi o‘z ishini boshladi. Ushbu har yili o‘tkaziladigan tadbir an’anaviy tarzda yetakchi global va mintaqaviy IT kompaniyalarni birlashtirib, raqamli transformatsiya jarayonidagi eng muhim trendlarni muhokama qilish va tajriba almashish uchun o‘ziga xos platformaga aylanadi.

ICT Week doirasida Qatar, Xitoy, Yaponiya, Koreya, Qozog‘iston, Latviya va boshqa mamlakatlardan kelgan vakillar o‘zlarining loyiha  va startaplarini taqdim etdi. Forum O‘zbekiston Respublikasining Raqamli texnologiyalar vazirligi hamda IT ta’lim uyushmasi ko‘magida o‘tkazildi.

ICT Week haftaligining asosiy maqsadi hamkorlikning yangi formatlarini, yangi loyihalarni va texnologik yechimlarni izlash uchun mutaxassislar, kompaniyalar va davlat muassasalarini birlashtirish orqali IT ekosistemasining rivojlanishiga hissa qo‘shish...

Changan, Huawei va CATL hamkorligida yaratilgan yangi Avatr 07 2026 modeli Xitoy bozoriga chiqdi. Bu haqda CarNewsChina xabar bermoqda.

Mashina 219 900 yuandan ($31 910) boshlanadigan narxda taklif qilinmoqda. Narx o‘zgarishsiz qolgan bo‘lsa-da, avtomobilning jihozlari yangilandi. Avatr 07 ikkita variantda sotiladi — BEV (to‘liq elektr) va EREV (generatorli gibrid).

Avatr brendi 2022-yildan beri faoliyat yuritib kelmoqda va hozirda to‘rtta modelni ishlab chiqaradi.

Yangilangan Avatr 07 avvalgi dizaynini saqlab qolgan. Mashina ikki qavatli chiroqlar, bamperga integratsiya qilingan faralar, qiya kapot, tomdagi LiDAR sensori va yashirin eshik tutqichlari bilan jihozlangan. Orqa qismda esa ikki chiziqli chiroqlar joylashtirilgan.

SUV o‘lchamlari...

Leapmotor kompaniyasi Leapmotor B05 avtomobilini (ichki bozorda Lafa 5 nomi bilan tanilgan) noyabr oyida Guangzhou avtosalonida rasman taqdim etadi. Bu haqda CarNewsChina xabar bermoqda.

Hozirda Xitoyda mashina uchun oldindan buyurtmalar qabul qilinmoqda. Dastlabki yetkazib berish ishlari 2025-yilning oxirida boshlanadi. B05 Ultra versiyasi esa 2026-yilda sotuvga chiqarilishi rejalashtirilgan.

Suratga olingan interyer tafsilotlariga ko‘ra, model ichki qismi ko‘proq B01 sedanini eslatadi. Old panelda yirik sensorli ekran joylashgan, haydovchi uchun esa ixcham raqamli asboblar paneli va ikki spikali rul o‘rnatilgan. Markaziy konsolda simsiz quvvatlash panjarasi mavjud. Ichki makon hajmi ham B01 ga yaqin bo‘lishi aytilmoqda.

Tashqi dizayn ham Leapmotor’ning an’anaviy uslubida...

Redmi kompaniyasi tomonidan yangi Redmi A5 Airtel Exclusive Edition smartfoni taqdim etildi. Bu haqda Gizmochina xabar bermoqda.

Hindistonda rasman namoyish etilgan Redmi A5 Airtel Exclusive Edition o‘tgan yilgi Redmi A4 Airtel Edition’ning davomchisi hisoblanadi. Bu safar yangilik asosan telefondan foydalanish shartlariga bog‘liq.

Smartfonning o‘zi $67 narxda sotuvga chiqarilgan. U 3 GB tezkor xotira va 64 GB ichki xotiraga ega yagona variantda taklif qilinadi. Xaridorlar uni uch xil rangda tanlashlari mumkin. Sotuvlar Flipkart onlayn platformasi orqali amalga oshiriladi.

Texnik xususiyatlarga to‘xtalsak, Airtel’ga xos maxsus versiya odatiy Redmi A5’dan farq qilmaydi. Qurilma 6,88 dyuymli ekran, 1650×720 pikselli ruxsat, 120 Hz adaptiv...

Har kuni biz o‘nlab tanlovlarni qilamiz, masalan, bolaga qaysi suvni berishni, ota-onamizga qanday dori-darmon olishni, uyimizga qanday texnika sotib olish va hokazo. Bu oddiy qarorlarda yaqinlarimizga bo‘lgan barcha g‘amxo‘rligimiz mujassam.

Biroq zamonaviy dunyoda faqat brend yoki narxga e’tibor berish yetarli emas. Haqiqiy g‘amxo‘rlik — bu asl, xavfsiz va sifatli mahsulotni sotib olayotganimizga ishonch hosil qilishdir. Aynan shu maqsadda raqamli markirovka joriy etilgan.

Raqamli markirovka — ishonch kafolati

Har bir qadoqda unikal DataMatrix-kodi qo‘llaniladi. Bu kod ortida mahsulotning zavoddan to savdo rastalarigacha bo‘lgan butun yo‘li yashiringan. O‘zbekistonda raqamli markirovka tizimi ko‘pincha soxtalashtiriladigan mahsulotlarni qamrab oladi:

22-sentabr kuni Fransiyaning Parij shahrida nufuzli «Oltin to‘p» topshirish marosimi bo‘lib o‘tdi. An’anaga ko‘ra, mukofot France Football jurnali tomonidan taqdim etildi. Bu safar ham sovrinlar yil taqvimiga emas, balki futbol mavsumiga qarab (2024-yil 1-avgustdan 2025-yil 13-iyuligach) berildi.

Asosiy sovrin — «Oltin to‘p»ni «PSJ» hujumchisi Usmon Dembele qo‘lga kiritdi. Ayollar o‘rtasida esa ushbu mukofot ketma-ket uchinchi bor «Barselona» a’zosi Aytana Bonmatiga nasib etdi. Lamin Yamal esa eng yaxshi yosh futbolchi deb topildi.

Foto: Ballon d’Or

Shuningdek, «Manchester Siti» darvozaboni Janluiji Donnarumma «Lev Yashin», Viktor Gyokeresh «Gerd Myuller» sovrinini qo‘lga kiritdi. «PSJ» o‘tgan yilning eng yaxshi klubi deb topilgan bo‘lsa, parijliklar murabbiyi...

Eron va Rossiya yangi atom elektr stansiyasi (AES) qurilishi bo‘yicha kelishuvlarga imzo chekadi. Press TV nashri loyiha bo‘yicha barcha muzokaralar va tadqiqotlar yakunlangani haqida xabar berdi.

Unga ko‘ra, Eron Atom energiyasi tashkiloti rahbari Muhammad Islomiy Rossiyaga safar davomida Eronda yangi AESlar qurilishi bo‘yicha kelishuvlar imzolanishini tasdiqladi. Islomiy boshchiligidagi delegatsiya 25 – 29-sentabr kunlari Moskvada o‘tkaziladigan Jahon atom energetikasi haftaligida ishtirok etadi.

Islomiyning so‘zlariga ko‘ra, Eron va Rossiya o‘rtasidagi shartnoma sakkizta yangi AES qurilishini nazarda tutadi, shundan to‘rttasi Busher shahrida joylashadi. Qolgan stansiyalarni qurish joylari haqida Rossiya tomoniga alohida ma’lumot beriladi. Eron tomoni ma’lum qilishicha, qurilish uchun zarur maydonlar allaqachon...

«Toshkent» respublika fond birjasida (RFB) joy olgan yuqori likvidli aksiyalarning aksariyati 12-sentabrdan 19-sentabrgacha bo‘lgan davrda turli dinamikani ko‘rsatib, UCI fond indeksi 1,13 foizga o‘sdi.

Mazkur davrda «O‘zbekgeofizika» aksiyalari eng katta o‘sishga erishib, 13,01 foizga qimmatlashdi. Shuningdek, faqat «O‘zbektelekom» (+3,28%) va «O‘zmetkombinat» (+0,50%) aksiyalarida ham o‘sish qayd etildi.

Biroq «Hamkorbank» aksiyalari 15,63 foizga arzonlashib (imtiyozli), haftaning eng katta pasayishini qayd etdi. Bundan tashqari, «Ipak yo‘li» aksiyalari (-7,35%) va «Chilonzor buyum savdo kompleksi» aksiyalari (-5,91%) ham pasayish bilan ajralib turdi.

Faqatgina «Aloqabank» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Kapital sug‘urta» (922 ta), «O‘zRTXB» (493 ta) va «Qashqadaryo texnologik transport...

Davlat komissiyasi qaroriga ko‘ra, 2025/2026-o‘quv yili uchun O‘zbekistonda faoliyat yuritayotgan xorijiy va nodavlat oliy ta’lim muassasalariga 1 320 ta davlat granti ajratildi. Bu haqda ta’lim vazirligi matbuot xizmati xabar bermoqda.

Unga muvofiq, 29-sentabrdan 5-oktabrgacha (shu kuni ham) xorijiy va nodavlat oliy ta’lim tashkilotlariga to‘lov-kontrakt asosida o‘qishga tavsiya etilgan abituriyentlar davlat granti tanlovida ishtirok etish uchun ro‘yxatdan o‘tishi mumkin.

Ro‘yxatdan o‘tgan abituriyentlar uchun test sinovlari 12-oktabrgacha o‘tkaziladi. Test natijalari bo‘yicha yig‘ilgan ballar ketma-ketlik asosida shakllantiriladi va 17-oktabrgacha oliy ta’lim muassasalariga taqdim etiladi.

Shuningdek, bu tanlovda davlat oliy ta’lim muassasalarining bakalavriat bosqichiga hujjat topshirib, kirish imtihonlarida qatnashgan, biroq talabalikka qabul qilinmagan...

Yandex Uzbekistan o‘zbek tilida so‘zlashadigan ikki tilli AI-yordamchi — Alisani aqlli ovoz qurilmalarida ishga tushirdi. Endi foydalanuvchilar Alisadan o‘zbek tilida so‘rashlari mumkin va yordamchi ularga kundalik ishlarida yordam beradi hamda muloqotni qo‘llab-quvvatlaydi. Suhbat davomida Alisa o‘zbek tilidan rus tiliga va aksincha, erkin o‘ta oladi — foydalanuvchi qaysi tilda murojaat qilsa, shu tilda javob qaytaradi. AI-yordamchisi Yandex Uzbekistan tomonidan yaratilgan yirik til modeli asosida ishlaydi. Modelni tayyorlashda professional muharrirlar va filologlar ishtirok etgan, uni sinovdan o‘tkazishda esa O‘zbekistonning 13 hududidan 300 nafar foydalanuvchi yordam bergan.

Alisani o‘zbek tilida ishlatish uchun Dom s Alisoy ilovasidagi sozlamalarga kirish kerak: «Virtual yordamchi» → «Assistent...

Google Pixel 10 Pro XL smartfoni DxOMark reytingida displey sifati bo‘yicha birinchi o‘rinni egalladi. U nafaqat Galaxy S25 Ultra, balki Honor Magic8 Pro kabi raqobatchilarni ham ortda qoldirdi. Bu haqda Gizmochina xabar bermoqda.

Smartfon 2025-yil avgustida taqdim etilgan bo‘lib, narxi $1,1 ming etib belgilangan. Qurilma 6,8 dyuymli LTPO OLED ekran bilan jihozlangan. Texnik ko‘rsatkichlar oldingi Pixel 9 Pro XL’dan sezilarli farq qilmaydi. U 2992×1334 pikselli ruxsat, 120 Hz yangilanish tezligi va Gorilla Glass Victus 2 himoyasiga ega. DxOMark laboratoriyasi bir qator takomillashtirishlarni alohida ta’kidlagan.

Yangi displeyda 480 Hz PWM rejimi miltillashni kamaytiradi, 4 nitgacha past yorqinlik qorong‘ida foydalanishni qulaylashtiradi...

Brand Finance kompaniyasi e’lon qilgan Football 50 (2025) reytingiga ko‘ra, Madridning «Real» klubi dunyoning eng qimmat futbol brendi sifatida qayd etildi.

2025-yil holatiga ko‘ra, «Qirollik klubi»ning brend qiymati 14 foizga oshib, 1,92 milliard yevroga yetdi. Klub, shuningdek, 94,9 ballik ko‘rsatkich bilan «AAA+» toifasidagi eng kuchli futbol brendi sifatida ham tan olindi. «Real»ning umumiy tashkiliy qiymati taxminan 6 milliard yevroni tashkil etadi.

Ikkinchi o‘rinda Kataloniyaning «Barselona» klubi qayd etilgan. «Ko‘kanorranglilar»ning brend qiymati 11 foizga ko‘tarilib, 1,71 milliard yevroga yetgan. Shuningdek, «Barselona» ham yuqori «AAA+» reytinggiga ega bo‘lib, umumiy qiymati taxminan 4,4 milliard yevroga teng deb baholangan.

«Manchester Siti» esa 2025-yilgi reytingda...

O‘zbekistonda jimlik saqlanishi kerak bo‘lgan vaqt soat 23:00 dan 07:00 gacha uzaytirilmoqda. Deputatlar tomonidan «Aholini shovqinning zararli ta’siridan himoya qilish to‘g‘risida»gi qonun loyihasi ikkinchi o‘qishda ma’qullandi.

Qonun loyihasiga ko‘ra, dam olish va bayram kunlari kechasi soat 22:00 dan ertalab 09:00 gacha baland ovoz chiqarish, musiqani qattiq qo‘yish yoki tinchlikni buzish mumkin emas.

Ma’lumot uchun, avval shovqin va kuchli ovoz 23:00 dan 06:00 oralig‘ida cheklangan edi.

Shuningdek, ko‘p qavatli uylar ichida qurilish va ta’mirlash ishlari ham cheklanadi. Endi bunday ishlarni faqat ish kunlari ertalab 09:00 dan kechki 18:00 gacha qilishga ruxsat etilishi kutilmoqda.

Eslatib o‘tamiz, «Kursiv» O‘zbekistonda bank ombudsmani instituti...

23-sentabr kuni 5 grammli oltin quyma narxi ilk bor 7,6 mln so‘mdan oshdi. Bu haqda Markaziy bank axborot xizmati xabar berdi.

Ma’lum qilinishicha, narxlar barcha toifadagi quymalar bo‘yicha o‘sdi. Xususan, 10 grammli quyma 14,938 mln so‘mdan 15,219 mln so‘mga, 20 grammli quyma 29,877 mln so‘mdan 30,438 mln so‘mga ko‘tarildi.

Shuningdek, 50 grammli quyma 76,094 mln so‘m, 100 grammli esa 152,188 mln so‘mni tashkil etdi. Bir gramm oltinning qiymati 1,521 mln so‘m bo‘lib, bir kunda 1,9 foizga oshdi.

Joriy paytda dunyo bozorida oltinning bir unsiyasi $3747 (ya’ni 1 gramm uchun $120,47) darajasida sotilmoqda. Bu ko‘rsatkich AQSh Federal rezerv tizimining foiz...

Super og‘ir vazn toifasidagi o‘zbekistonlik bokschi, Olimpiada va Jahon chempioni Bahodir Jalolov o‘zining navbatdagi janggini 6-oktabr kuni Rossiyaning Sankt-Peterburg shahrida tashkil etiladigan IBA Pro 10 turniri doirasida o‘tkazadi. Bu haqda tashkilot matbuot xizmati rasman e’lon qildi.

Manbaga ko‘ra, Jalolovga o‘sha kuni rossiyalik Vitaliy Kuduxov raqiblik qiladi. 36 yoshli sportchi shu kunga qadar professional boksda 10 marta ringga ko‘tarilib, 7 tasida g‘alaba qozongan va 3 bor mag‘lubiyatga uchragan.

Bahodir Jalolov esa professional faoliyati davomida 15 ta jang o‘tkazib, barchasida zafar quchgan. Janglarining 14 tasi muddatidan avval yakunlangan.

O‘zbekistonlik bokschi oxirgi marta 2025-yilning aprel oyida Ostona shahrida tashkil etilgan turnirda ringga...

BMTga hozirgacha faqat erkaklar rahbarlik qilgan. Endi esa ayol bosh kotib saylanishi zarurligi haqidagi talablar kuchayib bormoqda, deb xabar berdi Bloomberg.

Bu oy qabul qilingan rezolyutsiyada BMT a’zolari bosh kotib lavozimiga nomzod ko‘rsatishda ayollarni ko‘rib chiqishga chaqirildi. Ehtimoliy nomzodlar orasida Barbados bosh vaziri Mia Mottley, Yangi Zelandiya sobiq bosh vaziri Jacinda Ardern, BMTning sobiq inson huquqlari bo‘yicha komissari Michelle Bachelet va BMT bosh kotibining o‘rinbosari Amina Mohammed bor.

AQSh prezidenti Donald Tramp ma’muriyati BMT faoliyatini muntazam tanqid qilib kelmoqda. Garchi AQSh an’anaviy tarzda tashkilotning eng katta moliyaviy homiysi bo‘lsa-da, bu mavqeni endilikda Xitoy egallashi mumkin. Shu bois Vashington rahbar...

Iqlimshunos Erkin Abdulahatovning ta’kidlashicha, oxirgi paytlarda eng toza shahar Nukus bo‘lyapti. Unga ko‘ra, ushbu holat shamol omili bilan bog‘liq. So‘nggi paytlarda Nukusda shamollar ortgan va bu havoning tozalanishiga olib kelmoqda.

«Shamol omiliga borib taqalyapti baribir. Kimlardir Nukusda bir hafta yashab eksperiment qilsa ham bo‘ladi. Masalan, siz 3-4 kun Nukusda yashab, 3-4 kun Urganchda, yana Navoiy, Buxoroda, Farg‘ona yoki Toshkentda yashasangiz farqini bilasiz. U yerda oxirgi paytda shamol kuchayib ketdi. O‘zi yiliga u tomonda 2,5 metr sekund esadi, hozir 3,5 m/s. Ya’ni bir metr sekund ortgan. Toshkentda kamaygan, ularda ortyapti. Shamolning ko‘proq va tezroq esishi bu...

Xitoyning Great Wall Motor kompaniyasiga qarashli Ora brendi tomonidan yangi GWM Ora 5 elektromobili e’lon qilindi. Yangi avtomobil 25-sentabr kuni o‘tkaziladigan Natural Aesthetics Design Appreciation tadbirida rasman taqdim etiladi. Bu haqda CarNewsChina xabar bermoqda.

Model nomi jamoatchilik o‘rtasida o‘tkazilgan so‘rov orqali tanlangan. Ora brendi bosh menejeri Lu Venbin 12-sentabrda Ora Cat, Ora 5 va Ora i5 variantlarini taklif qilgan, natijada eng ko‘p ovoz olgan Ora 5 nomi tanlab olingan. Menejerning ta’kidlashicha, raqamli nomlash tizimi xalqaro miqyosda tanish, sodda va brendning kelgusi modellari uchun yagona yo‘nalishni belgilaydi.

Dizayni haqida Xitoy Sanoat va axborot texnologiyalari vazirligi tomonidan taqdim etilgan hujjatlar ayrim...