Yangiliklar

Geely Xitoy bozorida Geely Haoyue L modelining yangilangan versiyasini taqdim etdi. Bu haqda CarNewsChina xabar bermoqda.

Modelning narxi $12 mingdan boshlanadi. Haoyue L 27-noyabr kuni sotuvga chiqarildi. Yangilanishlar orasida 1,5 litrli yangi turbo dvigatel bor. U 2,0 litrli versiyaga nisbatan arzonroq variant bo‘lib, modelni o‘rta o‘lchamli SUV toifasida qoldiradi.

Tashqi ko‘rinishda ham o‘zgarishlar seziladi. Ko‘p burchakli yangi radiator panjarasi, yangilangan bamper, kattalashtirilgan bezak havo kanallari va Geely’ning vertikal chiziqli panjara uslubi saqlangan. O‘lchamlari o‘zgarmagan: uzunligi 4865 mm, eni 1910 mm, balandligi 1770 mm, bazasi 2825 mm. Yuqori komplektatsiyalar 20 dyuymli disklar bilan, qolganlari 19 dyuymli g‘ildiraklar bilan chiqadi.

Byurokratiyani kamaytirish boʻyicha O‘zbekistonda BAA tajribasi joriy etilishi mumkin. Shavkat Mirziyoyev 28-noyabr kuni Birlashgan Arab Amirliklari (BAA)ning Hukumat ishlari vaziri Muhammad bin Abdulloh al-Gargaviy boshchiligidagi delegatsiyani qabul qildi.

Uchrashuvda ikki mamlakat do‘stligi va strategik sherikligini yanada mustahkamlash, shuningdek, joriy yil yanvarida BAAga amalga oshirilgan oliy darajadagi tashrif davomida erishilgan kelishuvlarni amalga oshirish masalalari muhokama qilindi.

Keyingi yillarda BAA hukumati bilan 40 dan ortiq yoʻnalishlarda 300 dan ziyod tashabbuslar, jumladan, «Hukumat akseleratori», «Bir million dasturchi» va «Yosh yetakchilar» kabi muhim dasturlar amalga oshirilgani katta mamnuniyat bilan qayd etildi.

Shu bilan birga, byurokratiyani kamaytirish va sun’iy intellekt sohasida 5 million...

Honor GT2 smartfoni 10 000 mA/soatli batareya bilan chiqadi. Bu haqda kompaniyaning o‘z ma’lum qildi.

Ta’kidlanishicha, Xitoyda AAK-AN00 va AAP-AN00 raqamli modellari bilan ro‘yxatdan o‘tgan ikki yangi Honor qurilmasi Honor GT2 liniyasiga mansub bo‘lishi tasdiqlandi. 3C bazasi ma’lumotlariga ko‘ra, har ikkala model 100 Vt tezkor quvvatlashni qo‘llab-quvvatlaydi.

Ma’lumotlarga ko‘ra, Honor hozirda Snapdragon 7, Snapdragon 8 va MediaTek Dimensity 8000 seriyasiga asoslangan 3–4 ta 10 000 mA/soatlik smartfon ustida ishlamoqda. Ularning asosiy ustunligi — rekord darajadagi uzoq ishlash muddati bo‘ladi.

Eslatib o‘tamiz, Kursiv Uzbekistan Honor Magic 8 Pro jahon bozorida namoyish qilingani haqida yozgan edi.

Qonunchilikka kiritilgan o‘zgartirishlarga ko‘ra, O‘zbekistonda muomalasi taqiqlangan tamaki mahsulotlari va elektron sigaretalarni tayyorlash, saqlash, olib kirish yoki olib chiqish jiddiy javobgarlikni keltirib chiqaradi.

Agar bunday harakatlar katta miqdorda sodir etilsa yoki oldin ma’muriy jazoga tortilgan bo‘lsa bazaviy hisoblash miqdori (BHM)ning 300 baravaridan 500 baravarigacha miqdorda jarima qo‘llanadi. Yoki 2 yildan 3 yilgacha axloq tuzatish ishlari, 3 yildan 5 yilgacha ozodlikni cheklash yoxud 3 yildan 5 yilgacha ozodlikdan mahrum qilish bilan jazolanadi.

Shuningdek, agar shaxs aybini tan olib, muomalasi taqiqlangan mahsulotlarni hokimiyat organlariga topshirsa, javobgarlikdan ozod qilinadi. Qonun bilan elektron sigaretalar va ularning suyuqliklari aylanmasiga ham taqiq o‘rnatildi.

Avvalroq O‘zbekistonda...

Rossiyaning Azimut aviakompaniyasi Rostov-na-Donu shahridagi Platov aeroporti orqali Termiz va bir qancha shaharlarga parvozlarni amalga oshirmoqchi. Bu bo‘yicha aviakompaniya Rosaviatsiyadan ruxsat so‘radi.

Aviakompaniya quyidagi yo‘nalishlarda muntazam parvozlar yo‘lga qo‘yishni rejalashtirmoqda:

Ma’lumot uchun, Rostovdagi Platov aeroporti 2022-yil fevralidan buyon yopiq. Bu holat Rossiyaning Ukraina bo‘yicha olib borayotgan maxsus operatsiyasi bilan bog‘liq.

Avvalroq Kursiv Uzbekistan Centrum...

2020-yilda ipoteka bozori asosan Moliya vazirligi mablag‘lari hisobidan rivojlangan bo‘lsa, bugun bu ulush 56 foizga tushdi. Bu haqda «Yashil va qulay uy-joy» xalqaro forumi doirasida Markaziy bank raisi o‘rinbosari Abrorxo‘ja Turdaliyev ma’lumot berdi, deb xabar bermoqda Kursiv Uzbekistan muxbiri.

Turdaliyevga ko‘ra, ipoteka bozorida Moliya vazirligi ulushining kamayishi tijorat banklarining bozorga faol kirib kelayotganini anglatadi. Oldin banklar ehtiyotkor bo‘lgan bo‘lsa, hozir ipoteka kreditlariga talab ortishi bilan ular hamkorlik va raqobat asosida ishlay boshladi. Natijada foiz stavkalari asta-sekin pasaymoqda.

O‘zbekistonda ipoteka kreditlarini qayta moliyalashtirish kompaniyasi (UzMRC) tashkil etilgach, ipoteka bozori yanada tijoratlashdi. Kompaniya banklar uchun resurslar va yangi moliyaviy imkoniyatlar taqdim etib...

2026-yilda dollar kursining o‘zgarishiga bir vaqtning o‘zida bir nechta tashqi va ichki omillar ta’sir qiladi. Bu haqda Markaziy bank tomonidan o‘tkazilgan xalqaro davra suhbatida Markaziy bank raisi o‘rinbosari Nodirbek Achilov Kursiv Uzbekistan’ga ma’lum qildi.

Achilovning aytishicha, tashqi omillar qatoriga tashqi savdo hamkorlaridagi vaziyat, u yerda kurs va inflyatsiya darajasi, shuningdek, iqtisodiy faollik kiradi.

«Bundan tashqari, toʻgʻridan toʻgʻri biz bilan bogʻliq boʻlgan omillar – eksport tushumlari, pul oʻtkazmalaridan tushumlar, xorijiy kredit liniyalari va xorijiy investitsiyalardan tushumlar. Bu oʻz-oʻzidan bozorda taklifni shakllantirib, bozor dinamikasini belgilab beruvchi omil hisoblanadi», – deya aniqlashtirgan u.

Achilov ichki omillar qatoriga...

«Oʻzgidromet» xabariga ko‘ra, Toshkent shahridagi atmosfera havosining sifati avvalgi kunlarga nisbatan biroz yaxshilangani ma’lum bo‘ldi.

28-noyabr soat 09:00 da havodagi PM10 zarrachalar miqdori 166 mkg/m³ bo‘lib, me’yordan oshmagan. PM2.5 esa 99,5 mkg/m³ ni tashkil etgan va belgilangan me’yordan 1,6 baravar yuqori bo‘lgan.

Taqqoslash uchun, 24-noyabrda PM2,5 mayda dispersli zarrachalar miqdori me’yorlardan 3 marta, 27-noyabrda esa 2,02 marta oshgandi.

Sovuq antisiklon kuchaymoqda va inversiya davom etadi

«Oʻzgidromet» respublika hududida sovuq antisiklon ta’siri 5-dekabrga qadar saqlanishini, 29-noyabrdan boshlab esa yanada kuchayishini ma’lum qildi. Bu atmosfera bosimining oshishiga, havo haroratining pasayishiga va kechalari sovuq, kunduzi esa biroz iliq ob-havo...

Albaniya elchisi Gentz Petsani hamda Burundi elchisi Jozef Nkurunziza O‘zbekistonda o‘z diplomatik faoliyatlarini boshladi. O‘zbekiston Tashqi ishlar vaziri Baxtiyor Saidov ulardan ishonch yorliqlari nusxalarini qabul qilib olganini ma’lum qildi.

Uchrashuvlar davomida O‘zbekistonning mazkur davlatlar bilan savdo, investitsiyalar, turizm, ta’lim va madaniy almashinuv yo‘nalishlaridagi hamkorligini kengaytirish masalalari muhokama qilindi.

Shuningdek, siyosiy muloqotni mustahkamlash, sheriklikni rivojlantirish hamda xalqaro va mintaqaviy tashkilotlar doirasidagi hamkorlikni kuchaytirish bo‘yicha umumiy intilishlar bildirildi. Saidov elchilarga mamlakatdagi diplomatik faoliyatlarida muvaffaqiyat tiladi.

Avvalroq Tashqi ishlar vaziri Somalining O‘zbekistondagi birinchi elchisini qabul qilgani xabar berilgandi. Unga ko‘ra, Saidov Somalining O‘zbekistondagi birinchi elchisi Fatxudin Ali Mohamed janoblarining ishonch yorliqlarini qabul qildi.

Portugaliyalaik futbolchi Krishtianu Ronaldu Ispaniyaning WOW FC aralash jang san’atlari MMA kompaniyasidan ulush xarid qildi. Bu haqda Sportsnet.ca nashri xabar bermoqda.

WOW FC’ning asosiy hamkorlaridan biri UFC yengil vazn chempioni Iliya Topuriya hisoblanadi. Ronaldu MMA sportini o‘ziga yaqin qadriyatlar mujassam bo‘lgan soha deb atagan. U intizom, hurmat, matonat va mukammallikka intilish sportning asosiy negizi ekanini ham ta’kidlagan.

40 yoshli Ronaldu hozirda Saudiya Arabistonining «An-Nasr» klubida o‘ynamoqda. U besh karra «Oltin to‘p» sohibi, besh karra Chempionlar ligasi g‘olibi va futbol tarixida rasmiy o‘yinlarda eng ko‘p gol urgan futbolchi hisoblanadi. 2024-yilda u ilk bor ijtimoiy tarmoqlarda 1 mlrd obunachi to‘plagan sportchi...

2026-yildan boshlab «Eng yaxshi ixtiro» va boshqa intellektual mulk sohasidagi nomzodlarni rag‘batlantirish bo‘yicha respublika tanlovi o‘tkazib boriladi. Bu haqda Adliya vazirligi ma’lum qildi.

Unga ko‘ra, 2026-yil 1-martdan tadbirkorlarning barqarorlik reytingini aniqlashda intellektual mulk huquqbuzarliklari uchun sud javobgarlik choralari qo‘llangan holatlar reyting ballarini kamaytiruvchi omil hisoblanadi. Shuningdek, tovar belgilariga ega bo‘lish qo‘shimcha ball beradi.

Bundan tashqari, intellektual mulk obyektlariga doir himoya hujjatlari (guvohnoma, patent) dublikati to‘lov asosida onlayn shaklda beriladi. Intellektual mulk sohasini rivojlantirishga qo‘shgan hissasi uchun maxsus ko‘krak nishoni ta’sis etiladi.

Intellektual mulk obyektlarini boshqarish bo‘yicha oliy ma’lumotli kadrlarni tayyorlash 2026/2027-o‘quv yilidan boshlab O‘zbekiston Milliy universitetida, 2029/2030 o‘quv...

O‘zbekistonning Daniyadagi yangi elchisi Rahmatulla Nurimbetov mamlakat qiroli Frederik X ga ishonch yorliqlarini topshirdi. Bu haqda «Dunyo» axborot agentligi ma’lum qildi.

Marosimdan so‘ng tomonlar siyosiy, savdo-iqtisodiy, investitsion, texnologik va madaniy-gumanitar sohalarda O‘zbekiston – Daniya hamkorligining bugungi holati va rivojlanish istiqbollarini muhokama etdi.

Shuningdek, uchrashuvda tog‘-kon sanoati, «yashil» energetika, sog‘liqni saqlash, farmatsevtika, iqlim barqarorligi va atrof-muhitni muhofaza qilish yo‘nalishlarida hamkorlikni kengaytirish uchun katta imkoniyatlar borligi ta’kidlandi.

Eslatib o‘tamiz, O‘zbekiston va Daniya o‘rtasida diplomatik munosabatlar 1992-yil 25-yanvarda o‘rnatilgan. Rahmatulla Nurimbetov avval 2024-yil 4-dekabrda Shvetsiya qiroli Karl XVI Gustavga, 2025-yil 15-mayda esa Norvegiya qiroli Harald V ga ishonch yorliqlarini topshirgan.

Avvalroq O‘zbekistonning Bangladeshdagi elchisi Sardor Rustamboyev mamlakat...

Geely tomonidan yangilangan Geely Okavango taqdim etildi. Bu haqda Autohome nashri xabar bermoqda.

Model to‘rt xil komplektatsiyada taklif qilinadi. Rasmiy narxlar $14 mingdan boshlanadi. Yangilanishlar dizayn, salon va texnologiyalarni o‘z ichiga olgan. Shuningdek, endi krossover 5, 6 va ixtiyoriy 7 o‘rinli konfiguratsiyada sotiladi.

Tashqi ko‘rinishda mashina kattalashtirilgan ko‘pyoqlik panjarasi, yirik havo kirish kanallari va tajovuzkor old bamper bilan e’tibor tortadi. O‘lchamlari 4865×1910×1770 mm, g‘ildirak bazasi esa 2825 mm.

Salon ancha zamonaviy ko‘rinishga ega. Mashinada 72 rangli atmosferik yoritish, 10,2 dyuymli raqamli panel, 14,6 dyuymli Flyme Auto asosidagi mediaekran o‘rnatilgan. Qimmatroq versiyalarda ikkinchi darajali haydovchi yordamchilari mavjud. Adaptiv kruiz, chiziqda...

Hukumat qishloq xo‘jaligi uchun mo‘ljallangan yerlarning normativ qiymatini aniqlash bo‘yicha nizomni tasdiqladi. Bu haqda Adliya vazirligi ma’lum qildi.

Ushbu nizomga ko‘ra, normativ qiymat yerning normativ ko‘rsatkichlari, yer kadastri, ekilgan qishloq xo‘jaligi ekinlari va tuproq bonitet ballari ma’lumotlari hisobga olingan holda, foyda va rentabellikka asoslangan daromadli yondashuv orqali aniqlanadi.

Aniqlangan normativ qiymatlar davlat yer kadastriga kiritiladi. Qishloq xo‘jaligi tovar ishlab chiqaruvchilarining qishloq xo‘jaligiga mo‘ljallangan yerlar normativ qiymatni aniqlash obyekti hisoblanadi.

Normativ qiymatni Qishloq xo‘jaligi vazirligining «O‘zdavyerloyiha» davlat ilmiy-loyihalashtirish instituti belgilaydi. Har bir xo‘jalik tovar ishlab chiqaruvchisi uchun qishloq xo‘jaligi ekin maydonlari va boshqa baholangan yerlarning normativ qiymati bo‘yicha ma’lumotnoma...

17-noyabr kuni Bangladeshning sobiq bosh vaziri Sheyx Hasina o‘tgan yili talabalar namoyishlarini zo‘ravonlik bilan bostirishda aybdor deb topilib, o‘lim jazosiga hukm qilingandi.

Al Jazeera nashrining xabar berishicha, sobiq bosh vazir davlat loyihasiga tegishli yerlarni noqonuniy olishda aybdor deb topilgan va jami 21 yilga ozodlikdan mahrum etilgan.

Sud 27-noyabr kuni chiqargan hukmda Hasina poytaxt Dakka yaqinidagi Purbachal New Town loyihasida o‘zi va oila a’zolari uchun yer uchastkalarini noqonuniy ravishda qo‘lga kiritgani aniqlangan.

Yer masalasi bo‘yicha uchta ishning har biri bo‘yicha Hasinaga 7 yildan belgilandi va sudya hukmlarni ketma-ket ijro etishga qaror qildi.

Sudya Abdulla Al Mamun hukmda Hasinaning xatti-harakatlarini...

Honor Magic 8 Pro smartfoni endi Xitoydan tashqarida sotuvga chiqdi va Malayziyada namoyish etildi. Bu haqda GSM Arena ma’lum qildi.

Qurilmaning 12/512 GB modeli $1110, 16 GB/1 TB modeli esa $1260 narxda taklif etiladi. Oldindan buyurtmalar 4-dekabrgacha qabul qilinadi. Birinchi xaridorlarga Insta360 Ace Pro kamera, bir yil qo‘shimcha kafolat va boshqa bonuslar taqdim etiladi.

Honor Magic 8 Pro 6,71 dyuymli OLED ekran bilan jihozlangan bo‘lib, u 120 Hz yangilanish chastotasi va 4320 Hz PWM chastotasi bilan ishlaydi. Qurilmada Snapdragon 8 Elite Gen 5 chipi o‘rnatilgan. Asosiy kamera 200, 50 va 50 MP, old kamera esa 50 MP sensorlarga...

1990-yilgi Chevrolet Beretta GT Indy Pace Car Edition avtomobili auksionga qo‘yildi. Bu haqda GMAutority xabar bermoqda.

Mazkur avtomobil ishlab chiqarilganidan beri atigi 16 ming mil (25,7 km) masofa bosgan. 1990-yilda chiqarilgan 7,5 ming dona Indy Pace Car Edition’dan 1,5 mingtasi sariq, 6 mingtasi esa ko‘k-yashil rangda bo‘lgan. Modellar GTZ bazasida ishlab chiqarilib, kuzov rangidagi panjara, qizil Chevrolet Motorsports logotipi, aerodinamik qo‘shimchalar, 16 dyuymli aluminiy disklar va maxsus dekor elementlari bilan ajralib turgan.

Salonda charm bilan qoplangan rul, maxsus matoli o‘rindiqlar, konditsioner, sport boshqaruv paketi va P205/55R16 Goodyear Eagle GT+4 shinalari mavjud bo‘lgan. Shuningdek, elektron asboblar paneli, kruiz nazorati, elektr...

Alibaba Group Xolding Xitoyda o‘zining ilk sun’iy intellekt asosidagi aqlli ko‘zoynaklarini – Quark SI Glasses’ni rasman taqdim etdi. Bu haqda South China Morning post nashri xabar berdi.

Yangi qurilma kompaniyaning Quark SI yordamchisi nomi bilan atalgan bo‘lib, ular ikki liniyada taqdim qilindi: flagman S1 modeli (uch xil konfiguratsiya) va yengilroq G1 modeli (uch versiya).

Alibaba vitse-prezidenti Vu Szyaning aytishicha, SI ko‘zoynaklar sun’iy intellekt davrida inson va texnika o‘rtasidagi munosabatni tubdan o‘zgartiradigan qurilma bo‘lib, ular ahamiyatiga ko‘ra smartfonlardan kam emas.

Texnik imkoniyatlar va narxlar

Hukumat «Istiqbollik mutaxassislarning “El-yurt umidi» jamg‘armasi mablag‘lari hisobidan maqsadli stajirovka tashkil etish tartibi to‘g‘risida”gi nizomni tasdiqladi. Ushbu nizom stajirovkaga nomzodlarni tanlash va yuborish tartibini belgilaydi, deya xabar bermoqda Adliya vazirligi.

Nizomga muvofiq, nomzodlarni saralash va stajirovkaga yuborish Boshqaruv samaradorligi agentligi tomonidan amalga oshiriladi. Buyurtmachi tashkilotlar har yili 10-noyabrga qadar kadrlarga bo‘lgan ehtiyojlarini lavozim va yo‘nalishlar kesimida agentlikka taqdim etadi. «El-yurt umidi» jamg‘armasi Boshqaruv kengashi esa 15-yanvarga qadar stajirovka dasturining xorijiy mamlakatlar kesimidagi kvotalarini tasdiqlaydi.

Nomzodlar ro‘yxatini shakllantirishda quyidagilar inobatga olinadi. Ular stajirovka dasturiga mos mutaxassislik bo‘yicha kamida 3 yillik ish tajribasi, jumladan, so‘nggi 12 oy davomida ushbu sohada...

Tijorat banklari 28-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 28-noyabr uchun valyuta kurslari qanday o‘zgargani haqida yozgan edi.

Qatarda bo‘lib o‘tgan U-17 Jahon chempionatining final uchrashuvida Portugaliya terma jamoasi avstriyalik tengqurlarini 1:0 hisobida mag‘lub etdi.

Uchrashuvdagi yagona gol 32-daqiqada «Benfika» hujumchisi Anisio Kabral tomonidan urildi. Bu uning turnirdagi yettinchi goli hisoblanadi. Avstriya ikkinchi bo‘limda hisobni tenglashtirishga harakat qildi, lekin portugaliyaliklarning qat’iy himoyasi bunga yo‘l qo‘ymadi. Portugaliya butun musobaqa davomida mag‘lubiyatsiz o‘ynadi. Ular yarim finalda Braziliyani penaltilar seriyasida yengib finalga chiqqan edi.

G‘alabadan so‘ng Krishtianu Ronaldu yoshlar jamoasini tabriklashda birinchilar qatorida bo‘ldi.

«Ulug‘vorlar! Tabriklayman, jahon chempionlari», – deb yozgan u.

Uchinchi o‘rin uchun kechgan bahsda Italiya yoshlari Braziliyani penaltilar seriyasida (4:2) yengib, bronza...

O‘zbekiston Tashqi ishlar vazirligi AQSh hududida noqonuniy migrantlarga qarshi kuchaytirilgan tekshiruvlar boshlanganini ma’lum qildi. Bu haqda vazirlik matbuot kotibi Axror Burxanov o‘z Telegram kanalida xabar bergan.

Unga ko‘ra, so‘nggi kunlarda AQSh bo‘ylab federal migratsiya organlari tomonidan keng ko‘lamli reydlar o‘tkazilmoqda. Federal trassalarda haydovchilarning hujjatlari, haydovchilik guvohnomasining haqiqiyligi, muddati, ularning ishga ruxsatnomasi va migratsion maqomi sinchiklab tekshirilmoqda. Bundan tashqari, inspektorlar haydovchilarning ingliz tilidagi muloqot darajasiga ham e’tibor qaratmoqda.

TIV ma’lumotiga ko‘ra, ayrim fuqarolar bir nechta haydovchilik guvohnomasidan foydalanish yoki terrorchilik faoliyatiga aloqadorlikda gumon qilinib, qo‘lga olingan.

Shu bois vazirlik AQShda avtomobil boshqarayotgan o‘zbekistonliklarni barcha hujjatlarini tartibga keltirishga, haydovchilik guvohnomasining haqiqiyligini...

OnePlus vakillari yangi OnePlus Ace 6T smartfoni haqida rasmiy ma’lumot berdi. Bu haqda ITHome xabar bermoqda.

Kompaniya prezidenti Li Tse qurilma ColorOS 16 bilan chiqishini va to‘rt yil davomida Android tizimining yirik yangilanishlaridan uchtasini olishini aytgan.

Ace 6T eng kuchli flagmanlar qatoriga kiradi. Smartfon Snapdragon 8 Gen 5 protsessori asosida ishlaydi. Akkumulyator sig‘imi 8000 mA/soatdan yuqori. Ekran esa 165 Hz yangilanish chastotasiga ega. Yangi Glacier Cooling System sovitish tizimi qurilmaning yuklama paytidagi barqarorligini oshiradi.

Model metall ramka, 100 vattli tezkor zaryadlash, IP69K himoya darajasi va ultratovushli ekran osti skaneri bilan jihozlangan. OnePlus’ning aytishicha, Ace 6T bir nechta mobil o‘yinlarda...

Vivo kompaniyasi dekabr oyida Xitoy bozorida Vivo S50 va Vivo S50 Pro Mini modellari taqdim etadi. Bu haqda Gizmochina nashri ma’lum qildi.

Unga ko‘ra, S50 Pro Mini yangi Snapdragon 8 Gen 5 platformasiga asoslangan birinchi qurilmalardan biri bo‘ladi. Standart Vivo S50 esa Geekbench ma’lumotlariga ko‘ra, Snapdragon 8s Gen 3 platformasida ishlaydi.

Vivo S50 ilgari 3C regulyator bazasida 90 vatt quvvatni qo‘llab-quvvatlashi bilan qayd etilgan edi. Qurilma 16 GB RAM va Android 16 operatsion tizimi bilan ishlaydi. Geekbench testida yagona yadroli unumdorligi 2044 ball, ko‘p yadroli testda esa 5851 ballni tashkil etdi.

Vivo S50 6,59 dyuymli OLED ekran, 1,5K...