Yangiliklar

Grafik protsessorlar ishlab chiqaruvchi Nvidia kompaniyasi 2024-yilda birinchi marta yillik daromad boʻyicha Samsung Electronicsʼni ortda qoldirib, yarimoʻtkazgichlar sanoatining yangi yetakchisiga aylandi. Bu haqda nufuzli Gartner tahliliy kompaniyasi hisobotida ma’lum qilindi.

Nvidiaʼning 2024-yil yakunidagi daromadi $76,6 milliardni tashkil etdi, bu 2023-yilga nisbatan 120 foiz oʻsish demakdir. Bunday rekord darajadagi natijaga erishilishiga sun’iy intellekt tizimlariga boʻlgan global talab asosiy sabab boʻldi.

Soʻnggi oʻn yil davomida bozor yetakchiligini qoʻldan bermagan Samsung kompaniyasi bu yil $65,6 milliardlik daromad bilan ikkinchi oʻringa tushdi. Har qancha oʻsishga erishgan boʻlsa-da (yiliga 60,8 foiz), u Nvidiaʼning SI chiplar segmentidagi shiddatli oʻsishiga bardosh bera olmadi.

Shuningdek, Intel esa...

Vivo kompaniyasining subbrendi iQOO ikki yangi model — iQOO Z10 va iQOO Z10x smartfonlarini taqdim etdi. Ikkala qurilma ham katta sigʻimli akkumulyatorlari bilan ajralib turadi.

iQOO Z10 modeli 7300 mA·soat sigʻimli akkumulyator bilan jihozlangan boʻlib, shunga qaramay uning qalinligi bor-yoʻgʻi 7,9 mm, ogʻirligi esa 199 grammni tashkil etadi. Qurilma 90 Vt tezkor quvvatlash va 7,5 Vt teskari quvvatlash funksiyalarini qoʻllab-quvvatlaydi.

Smartfon kuchli Snapdragon 7s Gen 3 protsessori, 12 GB operativ va 256 GB ichki xotira, shuningdek, Sony IMX882 asosiy sensoriga ega kameraga ega. Ekran — 6,77 dyuymli OLED, Full HD+ aniqlikda, 120 Gs yangilanish chastotasiga ega.

Qurilma Funtouch...

Oʻzbekistonning Malayziyadagi elchisi Karomiddin Gʻadoyev Kuala-Lumpurda Malayziyaning eng yirik mustaqil energiya ishlab chiqaruvchilaridan biri Malakoff Corporation Berhad bosh ijrochi direktori Anvar Shaxrin Abdul Ajib bilan uchrashuv oʻtkazdi. Bu haqda «Dunyo» axborot agentligi xabar berdi.

Muzokaralarda Oʻzbekistonda «yashil» energiya, ayniqsa gidroenergiya sohasida mavjud ulkan salohiyat taqdim etildi. Malayziya tomoniga O‘zbekistondagi daryo va kanallarda kichik gidroelektr stansiyalar (GES) qurish, shuningdek, yirik quvvatli gidroinshootlarni barpo etish boʻyicha hamkorlik qilish taklifi bildirildi.

Anvar Shaxrin Abdul Ajib oʻz nutqida Oʻzbekistonda amalga oshirilayotgan energetika islohotlari katta taassurot qoldirganini aytib, kompaniya joriy yilda Oʻzbekistonga safar qilib, loyihalarni oʻrganish niyatida ekanini bildirdi.

1975-yilda tashkil etilgan Malakoff Corporation...

AQSh prezidenti Donald Tramp maʼmuriyati Xitoydan import qilinadigan smartfon, kompyuter hamda boshqa bir qator elektron qurilmalarni yuqori boj toʻlovlaridan ozod qildi. Bu haqda BBC axborot xizmati xabar berdi.

AQSh Bojxona va chegara xizmati tarqatgan rasmiy bayonotga koʻra, ushbu tovarlar nafaqat Xitoy mahsulotlariga nisbatan joriy etilgan 125 foizlik «javob» tariflaridan, balki global miqyosda amalda boʻlgan 10 foizlik boj stavkasidan ham chiqarib tashlangan.

Bu Tramp maʼmuriyatining Xitoyga nisbatan olib borayotgan boj siyosatida ilk muhim yumshatish boʻldi. Prezident Tramp bu istisnolar haqida batafsil maʼlumotni yaqin kunlarda taqdim etishini bildirdi.

«Biz juda aniq yondashamiz. Ammo shuni aytishim mumkinki, mamlakat...

Oʻzbekistonning Bangkokdagi Bosh konsulxonasi Myanmada odam savdosi qurboniga aylangan ikki nafar fuqaroga vatanga qaytishda amaliy yordam koʻrsatdi. Bu haqda «Dunyo» axborot agentligi xabar berdi.

25 yoshli va 28 yoshli shaxslar internet orqali ish taklifiga uchib, Tailandga borgan. Ular keyinroq noqonuniy tarzda Myanmaga olib oʻtilib, jinoiy guruhlar tomonidan majburiy mehnatga jalb etilgan. Ular tahdid va zoʻravonlikka duch kelgan, ozod qilinishlari uchun pul talab qilingan.

Xuddi shunday vaziyatga Qirgʻizistonning sakkiz va Qozogʻistonning toʻrt nafar fuqarosi ham tushgan. Qirgʻiziston diplomatlari yoʻqligi bois, ularning qaytishida Oʻzbekiston va Qozogʻiston elchixonalari yordam koʻrsatgan.

Muzokaralar natijasida jabrlanuvchilar Tailanddagi chegara orqali ozod etilib, vaqtincha turar joy va...

AQSh prezidenti Donald Tramp boshqaruvning ilk yilidayoq bir milliongacha muhojirni deportatsiya qilishni koʻzlamoqda. Bu haqda The Washington Post nashri federal rasmiylariga tayanib xabar berdi.

Ta’kidlanishicha, Tramp ma’muriyati 1,4 million kishiga nisbatan chiqarilgan deportatsiya farmoyishlaridan maksimal darajada foydalanishni rejalashtirmoqda. Biroq ayrim shaxslarni mamlakatdan chiqarib yuborish imkonsiz boʻlib qolmoqda. Ularning vatani bu fuqarolarni qabul qilishdan bosh tortayotganini manbalar ta’kidlamoqda.

Shu munosabat bilan AQSh hukumati muhojirlarni qayta qabul qilish boʻyicha Meksika, Kosta-Rika va Panama kabi uchinchi davlatlar bilan muzokaralar olib bormoqda.

Trampning yaqin maslahatchisi Stiven Miller ushbu rejani Ichki xavfsizlik departamenti hamda boshqa tegishli federal idoralar bilan deyarli har kuni muhokama qilayotgani...

Toshkent shahrining Shayxontohur tumanidagi Turkqoʻrgʻon koʻchasining bir qismida avtomobillar harakati vaqtincha cheklanadi. Poytaxt hokimligi matbuot xizmatining xabariga koʻra, cheklovlar 13-apreldan 25-aprelgacha amal qiladi.

Mazkur vaqt oraligʻida KHAY (Kichik halqa avtomobil yoʻli) boʻylab Turkqoʻrgʻon koʻchasi kesishmasidan Xurshida koʻchasi kesishmasigacha boʻlgan yoʻnalishda 35 kV li yuqori kuchlanishli yerosti elektr uzatish tarmoqlari yotqiziladi. Ana shu texnik ishlar sababli yoʻl harakati tartibiga vaqtinchalik oʻzgartish kiritiladi.

Shu davr mobaynida avtomobillar harakati har ikki yoʻnalishda yoʻlning faqat bir tomoni orqali tashkil etiladi. Bu esa haydovchilar uchun muayyan noqulayliklar tugʻdirishi mumkin.

Rasmiylar haydovchilardan tushunmovchiliklar va tirbandliklarning oldini olish maqsadida avvaldan yoʻl xaritasini rejalashtirishni va imkon qadar...

Oʻzbekiston ilmiy-sinov va sifat nazorati markazi (UzTest) Piskentdagi poligonda avtomobillar tekshirilmayotgani yoki nomiga tekshirilayotgani haqidagi xabarlarga munosabat bildirdi.

«Tarmoqlarga sizdirilgan videoda 2024-yilning noyabr oyidagi holat aks etgan boʻlib, u hozirgi tekshiruvlar bilan mutlaqo bogʻliq emasligini ma’lum qilamiz», – deyiladi bayonotda.

Piskent poligonidagi avtomobillarni tekshirish hukumat qarori va BMT reglamenti asosida olib borilmoqda. Ushbu hujjatlar asosida respublikada yengil avtomobillar elektromagnit moslikka tekshiriladi.

Bugungi kunda respublikaga 71 ta avtomobil ishlab chiqaruvchisining avtomobillarini olib kirishga ruxsat berilgan.

Markaz oʻzbekistonliklarga avtomobillar va ularning ehtiyot qismlarini Oʻzbekistondagi rasmiy dilerlardan sotib olish tavsiya etilishini eslatdi.

Eslatib oʻtamiz, oʻtgan yilning noyabr...

Oʻzbekistonlik professional bokschi Shahram Gʻiyosov AQSHning Nyu-Jersi shtatida joylashgan Atlantik-Siti shahrida argentinalik raqibi Franko Maksimiliano Okampo bilan jang qildi.

10 raundga moʻljallangan jang 4-raundda yakun topdi. Dastlabki raunddayoq Franko Okampo nokdaunga uchradi, biroq raund tugashi uni vaqtincha qutqarib qoldi. 4-raundda esa Shahram Gʻiyosovning ketma-ket va kuchli zarbalari raqibga jiddiy ta’sir koʻrsatdi. Referi hisobni ochdi, ammo argentinalik bokschi oʻziga kela olmagach hakam jangni toʻxtatishga majbur boʻldi.

Shu tariqa Shahram Gʻiyosov professional faoliyatidagi 17-jangida 17-gʻalabani qoʻlga kiritdi va bu gal ham raqibini nokaut bilan magʻlub etdi.

Jangdan soʻng jurnalistlar Gʻiyosovdan oilasida yuz bergan judolik haqida soʻrashdi. Bu savol bokschini hayajonga soldi va...

Bugun, 13-aprel kuni soat 09:24 da Tojikistonning Tog‘li Badaxshon hududida yer silkinishi sodir bo‘ldi. Zilzilaning magnitudasi 5,8 ballni tashkil etib, yerosti silkinishlari 10 km chuqurlikda qayd etildi.

Zilzila episentri Toshkent shahridan 266 km janubiy-sharqda, koordinatalar: 39,16° shimoliy kenglik va 70,71° sharqiy uzunlikda joylashgan.

Episentrda yer silkinishi 7 ball kuch bilan sezilgan bo‘lsa, O‘zbekistonning bir qancha hududlarida ham zilzila kuchi quyidagicha qayd etildi:

APL 32-turida «Manchester Siti» safarda «Kristal Pelas»ga qarshi bahs olib borib, 0:2 hisobidagi mag‘lubiyatni 5:2 hisobidagi g‘alabaga aylantirdi.

Uchrashuv 8-daqiqadayoq londonliklar foydasiga boshlandi – Eberechi Eze hisobni ochdi. 21-daqiqada esa Kris Richards hisobni 0:2 ko‘rinishiga keltirdi.

Biroq 33-daqiqada Kevin de Bryuyne jarima zarbasidan ajoyib gol urib, hisobni qisqartirdi. Oradan uch daqiqa o‘tib, Omar Marmush hisobni tenglashtirdi – 2:2.

Ikkinchi bo‘lim boshida De Bryuynening aniq uzatmasidan keyin Mateo Kovachich «shaharliklar»ni hisobda oldinga olib chiqdi. 56-daqiqada esa darvozabon Edersonning golli uzatmasidan so‘ng Jeyms Makeyti to‘pni darvozaga joyladi. Yakuniy nuqtani 79-daqiqada Niko O’Reyli qo‘ydi – 5:2.

De Bryuyne bir gol va bir...

Aviakompaniya matbuot xizmatining ma’lum qilishicha, Air Samarkand 2025-yil 4-maydan boshlab Samarqand va Tel-Aviv o‘rtasida muntazam aviaqatnovlarni amalga oshiradi.

Parvozlar haftada bir marta – har yakshanba kuni amalga oshiriladi. Chiptalar narxi 3,3 million so‘mdan boshlanadi.

Aviachiptalarni kompaniyaning rasmiy veb-sayti, O‘zbekiston Respublikasidagi sayyohlik agentliklari hamda Isroildagi rasmiy vakili – Asia Travel orqali xarid qilish mumkin.

Avvalroq Kursiv Uzbekistan Air Samarkand aviakompaniyasi o‘tgan yili 150 mingdan ortiq yo‘lovchilar tashigani haqida xabar bergan edi.

Samsung kompaniyasi Android 15 asosidagi One UI 7.0 dasturiy yangilanishini Germaniyada qachon va qaysi Galaxy qurilmalari olishini aks ettiruvchi ichki grafikani oshkor qilgan ko‘rinadi. Bu haqda Sammobile nashri ma’lum qildi.

Texnobloger Tarun Vats ijtimoiy tarmoqdagi sahifasida xabar qoldirdi. U taqdim etgan tasvirga ko‘ra, yangilanishlar 2025-yil iyuligacha davom etadi.

Dastlabki bosqichda, aprel oyida Galaxy S24 seriyasi (S24, S24+, S24 Ultra) hamda yangi bukiladigan telefonlar Galaxy Z Fold 6 va Z Flip 6 yangilanishni oladi. May oyida esa Galaxy S23, S22, Fold 3–5, Flip 3–5 kabi modellarga navbat keladi. Galaxy Tab S8 va Tab S9 seriyalari ham aynan shu oy...

Hindistonning Tamilnadu shtatida joylashgan Kia avtomobil zavodida yirik o‘g‘irlik aniqlandi. Bu haqda Avto.ru nashri ma’lum qildi.

Economic Times’ning xabar berishicha, zavoddan besh yil davomida 900 ga yaqin dvigatel yo‘qolgan, ammo bu faqatgina 2025-yil mart oyida o‘tkazilgan audit chog‘ida fosh etilgan.

Politsiya tergovida ma’lum bo‘lishicha, o‘g‘irliklar puxta rejalangan va bosqichma-bosqich amalga oshirilgan. Kompaniyaning amaldagi va sobiq xodimlari o‘zaro til biriktirib, ichki hujjatlarni qalbakilashtirish orqali o‘g‘irlik izlarini yashirib kelishgan. Dastlab rasmiylar dvigatellar zavodga yetkazilish jarayonida yo‘qolgan deb gumon qilgan, ammo keyinchalik ular bevosita ishlab chiqarish maydonidan o‘g‘irlangani ma’lum bo‘ldi.

Tergov davomida uchta maxsus guruh tuzilib, mamlakat bo‘ylab ma’lumot to‘plash ishlari boshlangan...

Respublika Vazirlar Mahkamasi bu boradagi tegishli qarorni qabul qildi. Qarorga ko‘ra, O‘zbekistonda davlat obligatsiyalarining ikkilamchi bozorini rivojlantirish dasturi tasdiqlandi.

Mazkur hujjat Davlat budjeti tizimini modernizatsiya qilish, davlat xarajatlari va investitsiyalarining samaradorligini oshirishga qaratilgan. Shuningdek, davlat qarzini boshqarish bo‘yicha uch yillik strategiyani joriy etish rejalashtirilmoqda.

Rejalarga ko‘ra, davlat obligatsiyalarining ikkilamchi bozorini qo‘llab-quvvatlash hamda qisqa muddatli qimmatli qog‘ozlar emissiyasini (chiqarilishini) yo‘lga qo‘yish choralari ko‘riladi.

Shuningdek, joriy yil sentabr oyidan boshlab O‘zbekistonda davlat qarziga oid ma’lumotlarni xalqaro PSDS statistik bazasida e’lon qilish rejalashtirilgan.

Avvalroq Kursiv Uzbekistan Agat Credit yillik 29 foiz daromadlilik bilan obligatsiyalar savdosini boshlashi haqida xabar bergan edi.

Xitoylik avtomobil ishlab chiqaruvchisi Leapmotor O‘zbekistonda avtomobillarning sertifikatlanishi to‘xtatilgani yuzasidan izoh berdi. Weibo ijtimoiy tarmog‘ida e’lon qilingan bayonotda kompaniya C16 avtomobilining tekshiruv natijalari bilan rozi emasligini ma’lum qilgan.

«Avtomobilni testga yuborishdagi holatlar va testlar qanday sharoitda o‘tkazilgani bizga noma’lum. Shu sababli biz test natijalari bilan rozi bo‘lmaslik huquqini o‘zimizda saqlab qolamiz», – deyiladi bayonotda.

Shuningdek, testga yuborilgan avtomobil ishlab chiqaruvchi tomonidan taqdim etilmagan bo‘lib, bu ham muhim omil sifatida ko‘rsatib o‘tilgan.

Kompaniya mazkur masala bo‘yicha O‘zbekiston tomoni bilan hamkorlikda ishlayotganini va testlarni takroriy o‘tkazish rejalashtirilayotganini bildirdi.

Avvalroq Kursiv Uzbekistan Leapmotor muhandislari avtomobilni qayta sinovdan...

O‘zbekiston xokkey terma jamoasi o‘z tarixida ilk bor kattalar o‘rtasidagi Jahon chempionatida ishtirok etadi. 13 – 19-aprel kunlari Armaniston poytaxti Yerevanda bo‘lib o‘tadigan IV divizion bahslarida xokkeychilar mezbon Armaniston, shuningdek, Kuvayt, Indoneziya, Malayziya va Eron terma jamoalariga qarshi maydonga tushadi.

Kecha ertalab terma jamoa Toshkent xalqaro aeroportidan Yerevan tomon yo‘lga otlandi. O‘zbekiston Muz ustida xokkey federatsiyasi tarqatgan ma’lumotga ko‘ra, terma jamoa musobaqada «Adidas» kompaniyasi tomonidan tayyorlangan maxsus ekipirovkalarda ishtirok etadi.

Avvalroq O‘zbekiston xokkey terma jamoasi ilk bor Jahon chempionatida ishtirok etishi haqida xabar bergan edik.

«Mir» to‘lov tizimi va kartalari ishi O‘zbekistonda hali tiklanmadi. Bu haqda Markaziy bankda bo‘lgan matbuot anjumanida To‘lov tizimlari departamenti direktor o‘rinbosari Miraziz Mirhayotov ma’lum qildi.

«Banklar o‘z risklarini mustaqil boshqaradi va banklarning hozirgi faoliyatida vaqtinchalik bu kabi kartalarni qabul qilishni hamda chiqarishni to‘xtatgan. Keyinchalik banklar bu borada risklarni ko‘rishmasa, bu to‘lov kartalari yana qaytishi mumkin», – dedi Miraziz Mirhayotov.

Uning ta’kidlashicha, texnik integratsiya 2021-yilda ishga tushirilgan va hozir ham bu mavjud. Banklar qaroriga muvofiq, bu to‘lov tizimiga qaytish qiyin bo‘lmasligi mumkin.

2022-yil sentabridan boshlab Turkiya, O‘zbekiston, Armaniston, Vyetnam, Qozog‘iston hamda Qirg‘izistondagi bir qator banklar Rossiyaning...

Qozog‘istonning «Turon» futbol klubi o‘zbekistonlik asosiy futbolchisi Shaxboz Umarovdan vaqtincha ayrildi. Klub matbuot xizmatining xabar berishicha, futbolchi mashg‘ulot vaqtida son qismidan jarohat olib, ikki haftaga safdan chiqqan.

Tibbiyot xodimlarining fikriga ko‘ra, futbolchi jarohatdan to‘liq tiklanishi uchun vaqt kerak bo‘ladi. Bu vaqt mobaynida u bo‘lajak uchrashuvlarda maydonga tusha olmaydi.

Eslatib o‘tamiz, Umarov joriy mavsumda Qozog‘iston chempionatining 3 uchrashuvida ishtirok etib, 1 gol urdi va 2 golli uzatma berdi.

Avvalroq Kursiv Uzbekistan U-17 chorak finalda O‘zbekiston BAAga qarshi maydonga tushishi haqida xabar bergan edi.

Samsung Galaxy Tab S10 FE va Tab S10 FE+ planshetlarini Hindistonda rasman sotuvga chiqardi. Bu haqda Sammobile nashri ma’lum qildi.

Avvalroq qisqa muddatli oldindan buyurtma bosqichi yakunlangan edi. Endilikda foydalanuvchilar Samsung’ning elektron do‘konidan yangi qurilmalarni xarid qilishlari mumkin.

Galaxy Tab S10 FE seriyasi Fan Edition turkumiga mansub bo‘lib, Exynos 1580 protsessori, Android 15 va One UI 7 operatsion tizimi bilan ta’minlangan. Ikkala planshet ham yon tomonga o‘rnatilgan barmoq izi skaneri, 13 MP orqa va 12 MP old kamera, Bluetooth 5.3, Wi-Fi 6e, hamda 45 Vt tez quvvatlanish texnologiyasini qo‘llab-quvvatlaydi.

Displey tafsilotlari:

Toshkent shahri hokimligi 12 − 13-aprel kunlari hashar o‘tkazilishini e’lon qildi. Tadbirda ko‘p qavatli uylar atrofi, jamoat joylari tozalanadi. Hovlilar obodonlashtirilib, daraxt ekish ishlari amalga oshiriladi.

Shahar hokimiyati hasharni umumshahar miqyosida tashkil etishni rejalashtirgan. Barcha tumanlarda aholi faol ishtirok etishga chaqirildi.

«Hashar tozalik va hurmat ramzidir», – deyiladi rasmiy bayonotda. Hokimiyat bu tashabbusni shahar obodligi uchun muhim deb hisoblaydi.

Avvalroq Kursiv Uzbekistan Toshkent koʻchalaridan birida transport harakati cheklanishi haqida xabar bergan edi.

Misrlik hujumchi Muhammad Salah «Liverpul» bilan yangi ikki yillik shartnoma imzoladi va klubdagi faoliyatini to‘qqizinchi mavsumga uzaytirdi. Bu haqda CNN axborot agentligi ma’lum qildi.

Uning oldingi shartnomasi yozda yakunlanishi kerak edi, ammo u joriy mavsumdagi ajoyib o‘yinlari — 45 o‘yinda 32 gol — evaziga klubda qolishga qaror qildi.

Salah «Liverpul»ga 2017-yilda kelgan bo‘lib, shu paytgacha 243 ta gol urdi va uch marta Premyer-liganing eng yaxshi to‘purari bo‘lgan. Joriy mavsumda ham bu unvonni yana qo‘lga kiritishi kutilmoqda.

Bosh murabbiy Arne Slot va klub muxlislari ushbu yangilikni katta mamnuniyat bilan kutib olishdi.

Eslatib o‘tamiz, avvalroq «Los-Anjeles – 2028»: futbol bahslari uchun...

OpenAI kompaniyasi o‘zining ChatGPT chat-boti uchun yangi yangilanishni taqdim etdi. Endilikda u foydalanuvchi bilan bo‘lgan barcha avvalgi suhbatlar tarixini eslab qoladi va shu asosda aniqroq javoblar bera oladi.

Mazkur funksiya matn yozish, tavsiyalar olish yoki o‘qitish jarayonida ayniqsa foydali bo‘ladi. Tizim endi insonning qiziqishlari va afzalliklarini tahlil qilib, shaxsiylashtirilgan javoblar taqdim eta oladi.

Bugundan boshlab, ChatGPT foydalanuvchining barcha avvalgi suhbatlariga tayanib, yanada aniq va moslashtirilgan javoblar berishi mumkin. Bu imkoniyat 2025-yil 10-apreldan boshlab Plus va Pro obunachilari uchun mavjud.

Shu bilan birga, Yevropa Ittifoqi, Buyuk Britaniya, Shveytsariya, Norvegiya, Islandiya va Lixtenshteynda yashovchilar hozircha bu yangilanishdan foydalana olmaydi.

Eslatib o‘tamiz...

«Pobeda» aviakompaniyasi Samarqand – Moskva yo‘nalishi bo‘yicha haftasiga 14 ta reysni amalga oshiradi. Bu esa yo‘lovchilar uchun ushbu yo‘nalishda parvoz qilish imkoniyatlari yanada kengayadi, deya yozmoqda aviakompaniya matbuot xizmati.

Unga ko‘ra, dushanba va payshanba kunlari soat 9:35 da, juma, shanba va yakshanba kunlari soat 4:10 da, har kuni esa soat 5:55 da parvozlar amalga oshiriladi. Shuningdek, seshanba va chorshanba kunlari ham qo‘shimcha reyslar tashkil etilib, ular ham soat 4:10 da uchadi.

Aviabiletlar aviakompaniyaning rasmiy sayti hamda Samarqand aeroportidagi tungi-kunduzgi kassalarda mavjud.

Eslatib o‘tamiz, avvalroq Toshkentdan Krasnodarga avtobus qatnovlari yo‘lga qo‘yilgan edi.